| ᠣᠶᠢᠷᠠ ᠶᠢᠨ ᠬᠤᠶᠠᠷ ᠵᠢᠯ ᠠᠴᠠ ᠮᠠᠯᠴᠢᠨ ᠵᠠᠯᠠᠭᠤ᠂ ᠣᠶᠤᠲᠠᠨ ᠵᠠᠯᠠᠭᠤᠰ ᠢᠶᠠᠷ ᠮᠠᠩᠯᠠᠶᠢᠯᠠᠭᠤᠯᠤᠭᠰᠠᠨ ᠨᠢᠭᠡ | ᠪᠦᠯᠦᠭ ᠰᠢᠨᠡ ᠴᠠᠭ ᠤᠨ ᠵᠠᠯᠠᠭᠤᠰ ᠴᠠᠭ ᠦᠶᠡ ᠶᠢᠨ ᠠᠶᠠᠰ ᠢ ᠳᠠᠭᠠᠭᠰᠠᠨ ᠬᠤᠭᠤᠯᠠ ᠤᠮᠳᠠ ᠶᠢ ᠬᠢᠵᠦ᠂ | ᠣᠷᠣᠯᠭᠠ ᠪᠠᠨ ᠨᠡᠮᠡᠭᠳᠡᠭᠦᠯᠦᠨ᠂ ᠦᠢᠯᠡᠰ ᠪᠣᠰᠬᠠᠬᠤ ᠰᠢᠨᠡ ᠲᠣᠬᠢᠶᠠᠯ ᠣᠯᠵᠡᠢ᠃ ᠡᠭᠦᠨ ᠤ ᠨᠢᠭᠡ ᠨᠢ ᠪᠣᠯ ᠳᠠᠷᠤᠢ | ᠠᠪᠠᠭᠠ ᠬᠤᠰᠢᠭᠤᠨ ᠤ ᠨᠠᠷᠠᠨᠪᠤᠯᠠᠭ ᠰᠤᠮᠤᠨ ᠤ ᠪᠠᠶᠠᠨᠰᠢᠯᠢ ᠭᠠᠴᠠᠭᠠ ᠪᠠᠷ ᠨᠤᠲᠤᠭᠲᠠᠢ ᠣᠶᠤᠲᠠᠨ ᠵᠠᠯᠠᠭᠤ | ᠠᠯᠲᠠᠨᠪᠤᠯᠠᠭ ᠪᠣᠯᠣᠨᠠ᠃ | ᠣᠶᠤᠲᠠᠨ ᠵᠠᠯᠠᠭᠤ ᠠᠯᠲᠠᠨᠪᠤᠯᠠᠭ ᠲᠠᠢ ᠲᠠᠨᠢᠯᠴᠠᠬᠤᠢ | ᠠᠯᠲᠠᠨᠪᠤᠯᠠᠭ 2020 ᠣᠨ ᠳᠤ ᠬᠦᠬᠡᠬᠤᠲᠠ ᠶᠢᠨ ᠦᠨᠳᠦᠰᠦᠲᠡᠨ ᠤ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠪᠡᠶᠡ ᠶᠢᠨ | ᠲᠠᠮᠢᠷ ᠤᠨ ᠰᠠᠯᠪᠤᠷᠢ ᠠᠴᠠ ᠰᠤᠷᠤᠯᠭᠠ ᠲᠡᠭᠦᠰᠴᠡᠢ᠃ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠪᠠᠶᠢᠬᠤ ᠳᠤ ᠪᠠᠨ ᠲᠡᠷᠡ | ᠠᠮᠠᠷᠠᠯᠲᠠ ᠶᠢᠨ ᠬᠤᠭᠤᠴᠠᠭᠠ ᠪᠠᠨ ᠠᠰᠢᠭᠯᠠᠨ ᠪᠡᠭᠡᠵᠢᠩ ᠲᠢᠶᠠᠨᠵᠢᠨ ᠵᠡᠷᠭᠡ ᠭᠠᠵᠠᠷ ᠣᠷᠣᠨ ᠢᠶᠠᠷ ᠬᠦᠷᠴᠦ ᠰᠤᠯᠠ | ᠠᠵᠢᠯ ᠬᠢᠵᠦ᠂ ᠳᠡᠷᠭᠡᠳᠡᠬᠢ ᠦᠢᠯᠡᠰ ᠪᠣᠰᠬᠠᠭᠰᠠᠨ ᠠᠬᠠ ᠡᠭᠡᠴᠢ ᠨᠠᠷ ᠠᠴᠠ ᠪᠠᠨ ᠤᠯᠠᠨ ᠲᠤᠷᠰᠢᠯᠭᠠ | ᠰᠤᠷᠤᠯᠴᠠᠵᠡᠢ᠃ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠦᠭᠰᠡᠨ ᠬᠤᠶᠢᠨᠠ ᠲᠡᠷᠡ ᠨᠠᠶᠢᠵᠠ ᠥᠬᠢᠨ ᠲᠠᠢ ᠪᠠᠨ | ᠵᠥᠪᠳᠡᠯᠴᠡᠵᠦ᠂ ᠥᠪᠡᠷᠲᠡᠭᠡᠨ ᠦᠢᠯᠡᠰ ᠪᠣᠰᠬᠠᠬᠤ ᠶᠢ ᠵᠣᠷᠢᠵᠤ᠂ 2021 ᠣᠨ ᠤ 11 ᠰᠠᠷᠠ ᠳᠤ ᠰᠥᠨᠢᠳ | ᠵᠡᠭᠦᠨ ᠬᠤᠰᠢᠭᠤᠨ ᠳᠤ ᠬᠠᠮᠤᠭ ᠠᠩᠬᠠᠨ ᠤ ᠳᠡᠯᠭᠡᠭᠦᠷ ︽ᠡᠭᠡᠰᠢᠭ ᠲᠤᠯᠤᠭᠠ︾ ᠵᠣᠭᠤᠭ ᠤᠨ ᠦᠷᠦᠭᠡ ᠪᠠᠨ | ᠠᠵᠢᠯᠯᠠᠭᠤᠯᠵᠡᠢ᠃ ᠬᠤᠶᠠᠷ ᠵᠢᠯ ᠪᠣᠯᠵᠤ᠂ ᠮᠡᠷᠭᠡᠵᠢᠯ ᠲᠤᠷᠰᠢᠯᠭᠠ ᠤᠯᠠᠮ ᠢᠶᠠᠷ ᠳᠡᠭᠡᠭᠰᠢᠯᠡᠭᠰᠡᠨ ᠠᠴᠠ ᠳᠡᠯᠭᠡᠭᠦᠷ ᠤᠨ | ᠬᠡᠪᠴᠢᠶᠡ ᠪᠠᠨ ᠥᠷᠭᠡᠳᠬᠡᠬᠦ ᠶᠢ ᠪᠣᠳᠣᠵᠤ᠂ ᠰᠥᠨᠢᠳ ᠳᠠᠬᠢ ᠳᠡᠯᠭᠡᠭᠦᠷ ᠢᠶᠠᠨ ᠪᠤᠰᠤᠳ ᠲᠤ ᠬᠤᠳᠠᠯᠳᠤᠨ᠂ 2024 | ᠣᠨ ᠤ 12 ᠰᠠᠷᠠ ᠳᠤ ᠬᠤᠶᠠᠷ ᠨᠠᠶᠢᠵᠠ ᠲᠠᠢ ᠪᠠᠨ ᠬᠠᠮᠳᠤᠷᠠᠨ ᠰᠢᠯᠢ ᠶᠢᠨ ᠬᠤᠲᠠ ᠳᠠᠬᠢ ︽ ᠡᠭᠡᠰᠢᠭ ᠳᠣᠯᠤᠭᠠ︾ | ᠵᠣᠭᠤᠭ ᠤᠨ ᠦᠷᠦᠭᠡ ᠪᠠᠨ ᠠᠵᠢᠯᠯᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | ︽ᠡᠭᠡᠰᠢᠭ ᠲᠤᠯᠤᠭᠠ︾ ᠵᠣᠭᠤᠭ ᠤᠨ ᠦᠷᠦᠭᠡ | ᠦᠨᠦᠷ ᠠᠮᠲᠠᠲᠤ ᠮᠤᠩᠭᠤᠯ ᠬᠤᠭᠤᠯᠠᠨ ᠭᠡᠷ ᠰᠢᠯᠢ ᠶᠢᠨ ᠬᠤᠲᠠ ᠶᠢᠨ ᠵᠡᠭᠡᠯᠢ ᠭᠤᠳᠤᠮᠵᠢ ᠪᠥᠬᠦᠨ ᠳᠤ | ᠰᠦᠯᠵᠢᠯᠳᠦᠵᠦ᠂ ᠲᠣᠰ ᠨᠤᠲᠤᠭ ᠤᠨ ᠬᠥᠮᠥᠰ ᠤᠨ ᠬᠤᠭᠤᠯᠠ ᠤᠮᠲᠠ ᠶᠢᠨ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠ ᠶᠢ | ᠬᠠᠩᠭᠠᠳᠠᠭ᠃ ᠭᠡᠪᠡᠴᠦ ᠰᠢᠨᠡ ᠴᠠᠭ ᠤᠨ ᠠᠶᠠᠰ ᠢ ᠳᠠᠭᠠᠭᠰᠠᠨ ᠮᠥᠷᠲᠡᠭᠡᠨ ᠮᠣᠩᠭᠤᠯ ᠬᠤᠭᠤᠯᠠ ᠪᠠᠨ ᠵᠡᠷᠭᠡᠪᠡᠷ | ᠬᠢᠵᠦ ᠪᠠᠶᠢᠭᠠ ᠬᠤᠭᠤᠯᠠ ᠭᠡᠷ ᠲᠤᠭᠠ ᠲᠠᠢ ᠯᠡ ᠬᠡᠳᠦ ᠪᠠᠶᠢᠳᠠᠭ᠂ ᠡᠨᠡ ᠲᠣᠬᠢᠶᠠᠯ ᠢ ᠠᠰᠢᠭᠯᠠᠨ ᠠᠯᠲᠠᠨᠪᠤᠯᠠᠭ | ᠮᠣᠩᠭᠤᠯ ᠦᠨᠦᠷ ᠠᠮᠲᠠᠲᠤ ᠬᠤᠭᠤᠯᠠ ᠬᠢᠬᠦ ᠶᠢᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠰᠢᠨᠡ ᠪᠦᠲᠦᠭᠡᠭᠳᠡᠭᠦᠨ ᠪᠣᠯᠬᠤ ︽ᠬᠠᠪᠢᠷᠭᠠ | ᠲᠠᠢ ᠪᠤᠤᠰᠠ︾ ᠵᠡᠷᠭᠡ ᠶᠢ ᠪᠣᠷᠣᠯᠠᠭᠤᠯᠤᠨ ᠮᠠᠰᠢ ᠤᠯᠠᠨ ᠬᠡᠷᠡᠭᠯᠡᠭᠴᠢᠳ ᠤᠨ ᠬᠦᠷᠢᠶᠡᠯᠡᠯ ᠢ ᠣᠯᠣᠭᠰᠠᠨ ᠶᠤᠮ᠃ | ᠡᠳᠡᠨ ᠤ ᠳᠡᠯᠭᠡᠭᠦᠷ ᠬᠠᠮᠪᠦ᠋ᠷᠡᠭ ᠪᠠ ᠫᠢᠰᠠ ᠪᠠᠨ ᠴᠦ ᠥᠪᠡᠷᠲᠡᠭᠡᠨ ᠭᠠᠷ ᠢᠶᠠᠷ ᠢᠶᠠᠨ ᠭᠤᠯᠢᠷ ᠨᠤᠬᠤᠨ ᠬᠢᠵᠦ᠂ | ᠬᠠᠮᠪᠦ᠋ᠷᠡᠭ ᠤᠨ ᠮᠢᠬᠠ ᠨᠢ ᠴᠦ ᠨᠤᠲᠤᠭ ᠤᠨ ᠦᠬᠡᠷ ᠤᠨ ᠮᠢᠬᠠ ᠪᠠᠶᠢᠵᠤ᠂ ᠫᠢᠰᠠ ᠪᠠᠨ ᠴᠦ ᠵᠥᠭᠡᠬᠡᠢ ᠥᠷᠥᠮᠡ | ᠬᠤᠷᠤᠳ ᠵᠡᠷᠭᠡ ᠪᠠᠶᠢᠭᠠᠯᠢᠯᠢᠭ ᠴᠠᠭᠠᠨ ᠢᠳᠡᠭᠡᠨ ᠢᠶᠠᠨ ᠠᠰᠢᠭᠯᠠᠨ ᠬᠢᠵᠦ ᠪᠠᠶᠢᠭᠠ ᠪᠣᠯᠬᠤᠷ ᠵᠣᠴᠢᠳ ᠠᠮᠲᠠᠯᠠᠮᠠᠭᠴᠠ | ᠪᠤᠰᠤᠳ ᠳᠡᠯᠭᠡᠭᠦᠷ ᠠᠴᠠ ᠤᠨᠴᠠᠯᠢᠭᠳᠠᠬᠤ ᠦᠨᠦᠷ ᠠᠮᠲᠠ ᠶᠢ ᠮᠡᠳᠡᠷᠡᠵᠦ ᠪᠣᠯᠣᠨᠠ᠃ ᠲᠣᠰ ᠳᠡᠯᠭᠡᠭᠦᠷ ᠨᠢ | ᠠᠵᠢᠯᠯᠠᠭᠤᠯᠤᠭᠠᠳ ᠳᠡᠮᠡᠢ ᠤᠳᠠᠭᠠᠳᠤᠢ ᠪᠣᠯᠪᠠᠴᠤ ᠣᠶᠤᠲᠠᠨ ᠵᠠᠯᠠᠭᠤᠰ ᠮᠠᠨᠢ ᠰᠦᠯᠵᠢᠶᠡ ᠳᠠᠪᠴᠠᠩ ᠢ ᠠᠰᠢᠭᠯᠠᠨ | ᠤᠬᠠᠭᠤᠯᠭᠠ ᠬᠢᠵᠦ ᠮᠠᠰᠢ ᠤᠯᠠᠨ ᠬᠥᠮᠥᠰ ᠲᠤ ᠡᠶᠢᠮᠦᠷᠬᠦᠦ ᠰᠢᠨᠡ ᠳᠡᠯᠭᠡᠭᠦᠷ ᠨᠡᠭᠡᠭᠡᠭᠰᠡᠨ ᠭᠡᠳᠡᠭ ᠢᠶᠠᠨ ᠮᠡᠳᠡᠭᠦᠯᠵᠦ | ᠬᠡᠶᠢᠴᠢᠨ ᠵᠣᠴᠢᠨ ᠳᠠᠰᠤᠷᠠᠬᠤ ᠦᠭᠡᠢ ᠦᠷᠭᠦᠯᠵᠢᠯᠡᠵᠦ ᠠᠷᠠᠯᠵᠢᠶᠠ ᠮᠠᠰᠢ ᠬᠥᠭᠵᠢᠶᠡᠨᠲᠡᠢ᠃ | — ᠪᠢ ᠥᠪᠡᠷᠲᠡᠭᠡᠨ ᠬᠤᠭᠤᠯᠠ ᠤᠮᠳᠠ ᠬᠢᠵᠦ ᠤᠷᠤᠯᠳᠤᠬᠤ ᠪᠠᠭ᠋ᠠᠲᠠᠢ᠂ ᠨᠡᠩ ᠴᠦ ᠮᠣᠩᠭᠤᠯ ᠦᠨᠦᠷ | ᠠᠮᠲᠠᠲᠤ ᠬᠤᠭᠤᠯᠠ ᠳᠡᠭᠡᠷᠡ ᠪᠠᠨ ᠰᠠᠭᠤᠷᠢᠯᠠᠵᠤ᠂ ᠡᠸᠦ᠋ᠷᠦᠫᠡ ᠬᠤᠭᠤᠯᠠ ᠲᠠᠢ ᠤᠶᠠᠯᠳᠤᠭᠤᠯᠵᠤ ᠤᠯᠠᠨ | ᠲᠥᠷᠥᠯ ᠤᠨ ᠬᠤᠭᠤᠯᠠ ᠤᠮᠳᠠ ᠶᠢ ᠬᠢᠳᠡᠭ᠂ ᠰᠢᠨᠡ ᠳᠡᠯᠭᠡᠭᠦᠷ ᠲᠤ ᠮᠠᠨᠢ ᠮᠣᠷᠢᠯᠠᠨ ᠰᠠᠭᠠᠲᠠᠵᠤ᠂ ᠤᠷᠮᠠ ᠵᠣᠷᠢᠭ | ᠬᠠᠶᠢᠷᠠᠯᠠᠭᠰᠠᠨ ᠮᠠᠰᠢ ᠤᠯᠠᠨ ᠬᠥᠮᠥᠰ ᠲᠤ ᠪᠠᠶᠠᠷᠯᠠᠯᠠ᠂ ᠦᠷᠭᠦᠯᠵᠢ ᠬᠠᠪᠰᠤᠷᠴᠤ ᠳᠤᠰᠠᠯᠠᠳᠠᠭ ᠨᠠᠶᠢᠵᠠ ᠨᠠᠷ | ᠲᠤ ᠪᠠᠨ ᠴᠦ ᠪᠠᠶᠠᠷᠯᠠᠯᠠ᠂ ᠬᠤᠭᠤᠯᠠᠨ ᠤ ᠴᠢᠨᠠᠷ ᠴᠢᠨᠰᠠᠭᠠ ᠪᠠᠨ ᠪᠠᠲᠤᠯᠠᠵᠤ᠂ ᠨᠡᠩ ᠤᠯᠠᠨ ᠰᠠᠶᠢᠬᠠᠨ ᠦᠨᠦᠷ | ᠠᠮᠲᠠᠲᠤ ᠰᠢᠨᠡ ᠪᠦᠲᠦᠭᠡᠭᠳᠡᠭᠦᠨ ᠢᠶᠠᠨ ᠦᠷᠭᠦᠯᠵᠢᠯᠡᠨ ᠲᠠ ᠨᠠᠷ ᠲᠤ ᠪᠠᠨ ᠬᠦᠷᠭᠡᠬᠦ ᠪᠣᠯᠣᠨᠠ᠂ ᠰᠢᠨᠡ ᠳᠡᠯᠭᠡᠭᠦᠷ | ᠲᠤ ᠮᠠᠨᠢ ᠭᠡᠷᠡᠯᠲᠦᠭᠦᠯᠦᠨ ᠰᠠᠭᠠᠲᠠᠭᠠᠷᠠᠢ ᠭᠡᠵᠦ ᠠᠯᠲᠠᠨᠪᠤᠯᠠᠭ ᠰᠡᠳᠬᠢᠯ ᠳᠦᠭᠦᠷᠡᠩ ᠶᠠᠷᠢᠵᠤ ᠪᠠᠶᠢᠯᠠ᠃ | |