| ᠠᠪᠠᠭᠠ ᠬᠤᠰᠢᠭᠤᠨ ᠤ ᠪᠠᠯᠬᠦᠳᠠᠢ ᠪᠠᠯᠭᠠᠰᠤᠨ ᠤ ᠪᠠᠶᠠᠬᠠᠩᠭᠠᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠪᠦᠰᠡᠬᠦᠢ ᠦᠷᠭᠡᠶᠢᠬᠦ | ᠤᠷᠴᠢᠮ ᠪᠤᠰᠤᠳ ᠤᠨ ᠬᠦᠷᠭᠡᠵᠦ ᠢᠷᠡᠭᠰᠡᠨ ᠪᠤᠷᠤ ᠬᠦᠷᠦᠭᠡᠰᠦ ᠶᠢᠨ ᠭᠤᠷᠪᠠᠨ ᠢᠨᠵᠠᠭᠠ ᠶᠢ ᠦᠨᠢᠶᠡᠨ ᠰᠦ ᠪᠠᠷ | ᠤᠭᠵᠢᠵᠦ ᠦᠰᠭᠡᠨᠡ᠃ ᠢᠷᠡᠭᠡᠳ ᠬᠤᠷᠢᠭᠠᠳ ᠬᠤᠨᠤᠵᠦ ᠪᠠᠶᠢᠭᠠ ᠬᠦᠭᠡᠷᠦᠬᠦᠨ ᠭᠤᠷᠪᠠᠨ ᠠᠮᠢᠳᠠᠨ ᠨᠢᠭᠡᠨᠳᠡ ︽ | ᠰᠢᠨᠡ ᠡᠵᠢ︾ ᠳᠤ ᠪᠠᠨ ᠲᠠᠰᠴᠢᠬᠠᠵᠦ᠂ ᠤᠭᠵᠢ ᠪᠠᠷᠢᠪᠠᠯ ᠬᠦᠯ ᠢ ᠨᠢ ᠤᠷᠢᠶᠠᠯᠳᠤᠨ ᠠᠪᠠᠷᠢᠵᠦ᠂ ᠭᠠᠳᠠᠨᠠ | ᠭᠠᠷᠪᠠᠯ ᠲᠠᠭᠠᠵᠦ ᠲᠤᠭᠯᠠᠨ ᠬᠦᠶᠦᠯᠳᠦᠭᠡᠳ ᠬᠦᠭᠡᠷᠦᠬᠦᠨ ᠭᠡᠭᠴᠢ ᠨᠢ ᠁ ᠰᠦᠨ ᠳᠤ ᠪᠠᠨ ᠴᠠᠳᠪᠠᠯ ᠬᠠᠨᠵᠤᠨ | ᠲᠡᠭᠡᠷᠡ ᠨᠢ ᠤᠨᠳᠠᠭᠠᠳ ᠴᠤᠬᠤᠮ ᠬᠦ ᠵᠢᠷᠭᠠᠯᠳᠠᠢ ᠦᠰᠦᠨᠡ ᠪᠢᠯᠡ᠃ | ᠦᠷᠦᠪᠴᠢᠬᠡᠨ ᠰᠡᠳᠬᠢᠯ ᠲᠠᠢ ᠮᠠᠯᠴᠢᠨ ᠪᠦᠰᠡᠬᠦᠢ ᠦᠷᠭᠡᠶᠢᠬᠦ | ᠡᠨᠡ ᠭᠤᠷᠪᠠᠨ ᠨᠢᠯᠬᠠ ᠠᠮᠢᠳᠠᠨ ᠢ ᠵᠠᠮ ᠤᠨ ᠬᠦᠮᠦᠰ ᠤᠯᠵᠦ ᠠᠪᠤᠭᠠᠳ ᠦᠷᠭᠡᠶᠢᠬᠦ ᠳᠤ ᠲᠡᠵᠢᠭᠡᠯᠭᠡᠬᠦ ᠪᠠᠷ | ᠠᠪᠴᠢᠷᠠᠵᠦ ᠦᠭᠴᠠᠢ᠃ ᠦᠷᠭᠡᠶᠢᠬᠦ ᠤᠭ ᠠᠴᠠ ᠪᠠᠨ ᠦᠨᠦᠴᠢᠨ ᠪᠤᠶᠤ ᠢᠭᠡᠷᠡ ᠶᠢᠨ ᠦᠷᠦᠭᠡᠰᠦᠨ ᠬᠤᠷᠠᠭᠠ | ᠢᠰᠢᠭᠡ ᠶᠢ ᠤᠭᠵᠢᠭᠠᠳ ᠠᠷᠪᠠᠨ ᠲᠤᠯᠤᠭᠠ ᠨᠠᠢᠮᠠᠨ ᠵᠢᠯ ᠪᠤᠯᠵᠦ ᠪᠠᠶᠢᠭᠠ ᠭᠡᠨᠡ᠃ ᠡᠬᠦᠨ ᠢ ᠨᠢ ᠤᠶᠢᠷᠠ ᠬᠠᠪᠢ | ᠶᠢᠨ ᠬᠢᠨ ᠰᠠᠶᠢᠨ ᠮᠡᠳᠡᠳᠡᠭ ᠪᠤᠯᠬᠤᠷ ᠵᠠᠷᠢᠮ ᠢᠭᠡᠷᠡ ᠤᠯᠠᠨ ᠠᠶᠢᠯ ᠨᠢ ᠰᠦᠨ ᠳᠤ ᠪᠠᠨ ᠴᠠᠳᠬᠤ ᠦᠭᠡᠢ ᠢᠭᠡᠷᠡ | ᠶᠢᠨ ᠦᠷᠦᠭᠡᠰᠦᠨ ᠬᠤᠷᠠᠭᠠ ᠢᠰᠢᠭᠡ ᠪᠠᠨ ᠲᠡᠬᠦᠨ ᠳᠤ ᠠᠪᠴᠢᠷᠠᠵᠦ ᠦᠭᠳᠡᠭ᠃ ᠵᠠᠷᠢᠮ ᠢ ᠨᠢ ᠦᠷᠭᠡᠶᠢᠬᠦ | ᠬᠦᠭᠡᠷᠦᠬᠦᠶᠢᠯᠡᠨ ᠬᠤᠳᠠᠯᠳᠤᠵᠦ ᠠᠪᠳᠠᠭ ᠠᠴᠠ ᠬᠠᠪᠤᠷ ᠪᠤᠯᠭᠠᠨ ᠢ ᠨᠢᠭᠡ ᠰᠦᠷᠦᠭ ᠤᠭᠵᠢᠭᠤᠷ ᠠᠮᠢᠳᠠᠳ ᠲᠠᠢ | ᠶᠠᠭᠠᠷᠠᠤ ᠦᠩᠭᠡᠷᠡᠬᠦᠯᠳᠡᠭ᠃ | ᠡᠨᠡ ᠭᠡᠳᠦᠨ ᠵᠢᠯ ᠠᠴᠠ ᠲᠠᠯᠠ ᠨᠤᠳᠤᠭ ᠤᠨ ᠠᠮᠢ ᠠᠬᠤᠢ ᠰᠠᠶᠢᠵᠢᠷᠠᠭᠰᠠᠨ ᠢᠶᠠᠷ ᠪᠤᠷᠤ ᠬᠦᠷᠦᠭᠡᠰᠦ᠂ ᠴᠠᠭᠠᠨ | ᠵᠡᠭᠡᠷᠡ ᠵᠡᠷᠭᠡ ᠭᠡᠭᠡᠷᠡ ᠶᠢᠨ ᠠᠮᠢᠳᠠᠳ ᠮᠠᠯᠴᠢᠳ ᠤᠨ ᠪᠠᠯᠴᠢᠭᠡᠷ ᠢᠶᠠᠷ ᠪᠠᠶᠢᠩᠭᠤ ᠬᠠᠷᠠᠭᠳᠠᠬᠤ ᠪᠤᠯᠵᠠᠢ᠃ ᠲᠡᠶᠢᠨᠬᠦ | ᠬᠠᠪᠤᠷ ᠪᠤᠯᠤᠭᠰᠠᠭᠠᠷ ᠶᠠᠭᠤ ᠶᠠᠭᠤᠨ ᠠᠴᠠ ᠴᠦ ᠪᠤᠯᠳᠠᠭ ᠶᠤᠮ ᠪᠤᠢ ᠮᠡᠳᠡ᠂ ᠬᠦᠳᠡᠭᠡ ᠭᠡᠭᠡᠷᠡ ᠤᠷᠬᠢᠭᠳᠠᠭᠰᠠᠨ | ᠨᠢᠯᠬᠠ ᠢᠨᠵᠠᠭᠠᠳ ᠬᠠᠶᠠ ᠦᠭᠡᠢ ᠲᠠᠭᠠᠷᠠᠯᠳᠤᠬᠤ ᠪᠤᠯᠵᠠᠢ᠃ ᠡᠬᠦᠨ ᠢ ᠬᠠᠷᠠᠭᠰᠠᠨ ᠮᠠᠯᠴᠢᠨ ᠬᠦᠮᠦᠨ ᠦᠵᠡᠭᠡᠳ | ᠦᠩᠭᠡᠷᠡᠴᠢᠬᠡᠵᠦ ᠴᠢᠳᠠᠳᠠᠭ ᠦᠭᠡᠢ ᠪᠤᠯᠬᠤᠷ ᠲᠡᠪᠡᠷᠢᠵᠦ ᠬᠠᠷᠢᠭᠠᠳ ᠤᠭᠵᠢᠵᠦ ᠦᠰᠭᠡᠬᠦ ᠬᠦᠰᠡᠯ ᠲᠠᠢ ︽ᠰᠢᠨᠡ | ᠡᠵᠢ︾ ᠳᠤᠨᠢ ︽ᠦᠷᠡᠴᠢᠯᠡᠵᠦ︾ ᠦᠭᠳᠡᠭ᠃ | ︽ᠪᠠᠩᠪᠤᠵᠢ ᠪᠤᠩᠪᠤᠵᠢ ᠫᠠᠩᠪᠤᠵᠢ︾ ︽ᠬᠤᠤᠪᠢ ᠬᠤᠤᠪᠠ ᠬᠤᠤᠮᠠᠢ︾ | ᠦᠷᠭᠡᠶᠢᠬᠦ ᠡᠨᠡ ᠭᠤᠷᠪᠠᠨ ᠤᠭᠵᠢᠭᠤᠷ ᠢᠨᠵᠠᠭᠠᠨ ᠳᠤ ᠪᠠᠨ ᠪᠠᠩᠪᠤᠵᠢ᠂ ᠪᠤᠩᠪᠤᠵᠢ᠂ ᠫᠠᠩᠪᠤᠵᠢ ᠭᠡᠳᠡᠭ | ᠬᠦᠭᠡᠷᠦᠬᠦᠨ ᠨᠡᠷᠡ ᠬᠠᠶᠢᠷᠠᠯᠠᠵᠠᠢ᠃ ᠭᠡᠭᠡᠷᠡ ᠶᠢᠨ ᠠᠮᠢᠳᠠᠨ ᠢ ᠨᠡᠷᠡᠯᠡᠬᠦ ᠳᠤ ᠪᠠᠨ ᠨᠡᠷᠡ ᠦᠭᠡ ᠶᠢᠨ ᠨᠡᠷᠡ ᠦᠭᠬᠦ | ᠠᠴᠠ ᠴᠡᠭᠡᠷᠯᠡᠳᠡᠭ ᠭᠡᠨᠡ᠃ ᠦᠭᠡᠢ ᠪᠤᠯ ᠨᠡᠷᠡ ᠨᠢ ᠬᠠᠳᠠᠭᠤᠳᠠᠵᠦ ᠦᠬᠦᠵᠦ ᠠᠳᠡᠬᠦ ᠭᠡᠳ ᠪᠠᠶᠢᠳᠠᠭ᠃ ᠨᠢᠳᠤᠨᠤᠨ | ᠲᠡᠵᠢᠭᠡᠵᠦ ᠦᠰᠭᠡᠭᠡᠳ ᠡᠬᠡ ᠪᠠᠶᠢᠭᠠᠯᠢ ᠳᠤᠨᠢ ᠪᠤᠴᠠᠭᠠᠭᠰᠠᠨ ᠬᠤᠶᠠᠷ ᠵᠡᠭᠡᠷᠡ᠂ ᠨᠢᠭᠡ ᠪᠤᠷᠤ ᠬᠦᠷᠦᠭᠡᠰᠦ ᠳᠤ ᠪᠠᠨ | ᠬᠤᠤᠪᠢ᠂ ᠬᠤᠤᠪᠠ᠂ ᠬᠤᠤᠮᠠᠢ ᠭᠡᠰᠡᠨ ᠨᠡᠷᠡ ᠬᠠᠶᠢᠷᠠᠯᠠᠭᠰᠠᠨ ᠪᠠᠶᠢᠨᠠ᠃ ᠡᠬᠦᠨ ᠳᠤᠨᠢ ᠬᠦᠷᠳᠡᠯᠡ ᠰᠤᠳᠤᠯᠵᠦ | ᠮᠡᠳᠡᠭᠰᠡᠨ ᠮᠠᠯᠴᠢᠨ ᠬᠦᠮᠦᠨ ᠭᠡᠭᠴᠢ ᠬᠡᠴᠢᠨᠡᠨ ᠠᠭᠤᠤ ᠪᠢᠯᠡ⁈ | ᠡᠨᠡ ᠵᠢᠯ ᠤᠨ ᠭᠤᠷᠪᠠ ᠨᠢ ᠠᠩᠬᠠ ᠢᠷᠡᠬᠦ ᠳᠤ ᠪᠠᠨ ᠨᠢᠭᠡᠨ ᠤ ᠬᠢᠨᠢ ᠬᠦᠢᠰᠦ ᠨᠢ ᠦᠳᠦᠴᠢᠬᠡᠭᠰᠡᠨ᠂ ᠨᠢᠭᠡ ᠨᠢ | ᠠᠯᠠᠭᠠᠨ ᠲᠡᠭᠡᠷᠡ ᠡᠪᠭᠡᠷᠡᠭᠡᠳ ᠭᠡᠪᠳᠡᠴᠢᠬᠡᠮᠡᠷ ᠵᠢᠵᠢᠭᠭᠡᠨ ᠶᠠᠭᠤᠮᠠ ᠢᠷᠡᠭᠰᠡᠨ ᠪᠤᠯᠪᠠᠴᠦ ᠤᠳᠤ ᠦᠨᠢᠶᠡᠨ ᠰᠦᠨ ᠤ | ᠰᠢᠮᠡ ᠪᠠᠷ ᠡᠳᠦᠷ ᠠᠴᠠ ᠡᠳᠦᠷ ᠦᠰᠦᠨ ᠪᠤᠶᠢᠵᠢᠨᠠ᠃ ᠪᠠᠩᠪᠤᠵᠢ᠂ ᠪᠤᠩᠪᠤᠵᠢ᠂ ᠫᠠᠩᠪᠤᠵᠢ ᠭᠤᠷᠪᠠ ᠮᠠᠨᠢ | ︽ᠡᠵᠢ︾ ᠶᠢᠨ ᠢᠶᠠᠨ ᠲᠠᠭᠤ ᠶᠢ ᠲᠡᠯᠳᠡᠩ ᠬᠤᠶᠠᠷ ᠴᠢᠬᠢᠨ ᠳᠤ ᠪᠠᠨ ᠲᠠᠩᠴᠢ ᠰᠠᠶᠢᠨ ᠲᠤᠭᠳᠠᠭᠠᠵᠦ ᠠᠪᠴᠠᠢ᠃ | ︽ᠡᠵᠢ︾ ᠶᠢᠨ ᠢᠶᠠᠨ ᠡᠨᠡ ᠲᠠᠭᠤᠨ ᠳᠤ ᠲᠡᠳᠡ ᠭᠤᠷᠪᠠᠭᠤᠯᠠ ᠡᠷᠭᠡᠯᠡᠵᠦ ᠲᠤᠬᠤᠭᠤᠷᠬᠠᠨᠠ︔ ᠡᠨᠡ ᠲᠠᠭᠤᠨ ᠵᠠᠷᠢᠮ | ᠳᠤ ᠪᠠᠨ ᠵᠠᠩᠨᠠᠪᠠᠯ ᠭᠤᠮᠤᠳᠠᠭᠠᠳ ᠨᠢᠯᠪᠤᠰᠤ ᠤᠨᠠᠭᠠᠴᠢᠬᠠᠳᠠᠭ︔ ᠲᠡᠳᠡ ᠡᠨᠡ ᠲᠠᠭᠤᠨ ᠳᠤ ᠯᠡ ᠡᠷᠬᠢᠵᠦ ᠬᠠᠷᠠᠬᠤ | ᠠᠴᠠ ᠪᠢᠰᠢ ᠦᠭᠡᠷᠡ ᠭᠡᠨ ᠢ ᠴᠦ ᠪᠠᠶᠢᠭᠰᠠᠨ ᠤᠶᠢᠰᠢᠶᠠᠬᠤ ᠦᠭᠡᠢ ᠨᠢ ᠬᠠᠴᠢᠷᠬᠠᠯᠳᠠᠢ︔ ᠨᠢᠳᠤᠨᠤᠨ ᠦᠷᠭᠡᠶᠢᠬᠦ | ᠨᠢᠭᠡ ᠤᠳᠠᠭᠠ ᠲᠦᠷᠬᠦᠮ ᠳᠤ ᠪᠠᠨ ᠶᠠᠪᠤᠭᠰᠠᠨ ᠬᠤᠭᠤᠷᠤᠨᠳᠦ ᠬᠠᠷᠠᠵᠦ ᠬᠤᠴᠤᠷᠤᠭᠰᠠᠨ ᠬᠦᠮᠦᠨ ᠨᠢ ᠤᠭᠵᠢᠬᠤ | ᠭᠡᠳ ᠲᠠᠭᠤᠳᠠᠭᠠᠳ ᠴᠦ ᠢᠷᠡᠬᠦ ᠦᠭᠡᠢ ᠰᠠᠨᠳᠤᠷᠭᠠᠵᠠᠢ᠃ ᠰᠡᠬᠦᠯ ᠳᠤᠨᠢ ᠦᠷᠭᠡᠶᠢᠬᠦ ᠸᠢᠴᠠᠲ ᠢᠶᠠᠷ ᠬᠤᠯᠪᠤᠭᠳᠠᠵᠦ᠂ | ᠲᠠᠭᠤ ᠪᠠᠨ ᠰᠤᠨᠤᠰᠬᠠᠭᠰᠠᠨ ᠢᠶᠠᠷ ᠰᠠᠶ᠋ᠢ ᠲᠠᠪᠬᠢᠵᠦ ᠢᠷᠡᠭᠡᠳ ᠰᠦ ᠪᠠᠨ ᠬᠦᠬᠦᠭᠰᠡᠨ ᠭᠡᠨᠡ᠃ ᠬᠤᠤᠪᠢ᠂ ᠬᠤᠤᠪᠠ᠂ | ᠬᠤᠤᠮᠠᠢ ᠨᠢ ᠪᠠᠰᠠ ᠶᠡᠭᠡ ᠴᠡᠪᠡᠷᠴᠢ ᠭᠡᠨᠡ᠂ ᠦᠪᠡᠷ ᠤᠨ ᠯᠡ ᠤᠭᠵᠢ ᠪᠠᠨ ᠬᠦᠬᠦᠬᠦ ᠠᠴᠠ ᠪᠢᠰᠢ᠂ ᠨᠦᠬᠦᠭᠡ ᠶᠢᠨ | ᠢᠶᠠᠨ ᠬᠦᠬᠦᠭᠰᠡᠨ ᠤᠭᠵᠢ ᠶᠢ ᠶᠠᠭᠠᠬᠢᠭᠰᠠᠨ ᠴᠦ ᠬᠦᠬᠦᠳᠡᠭ ᠦᠭᠡᠢ ᠲᠠᠶᠢᠮᠦ ᠯᠡ ᠰᠤᠷᠭᠤᠭ ᠠᠮᠢᠳᠠᠨ ᠪᠠᠶᠢᠳᠠᠭ | ᠪᠠᠶᠢᠨᠠ᠃ ᠦᠷᠭᠡᠶᠢᠬᠦ ᠤᠭᠵᠢᠬᠤ ᠳᠤ ᠪᠠᠨ ᠬᠦᠷᠳᠡᠯᠡ ᠦᠨᠢᠶᠡᠨ ᠰᠦ ᠪᠠᠨ ᠪᠦᠯᠢᠶᠡᠨ ᠤᠰᠤ ᠪᠠᠷ ᠪᠠᠭᠠ | ᠰᠢᠩᠭᠡᠯᠡᠳᠡᠭ᠂ ᠲᠠᠩ ᠦᠨᠢᠶᠡᠨ ᠰᠦ ᠪᠠᠷ ᠤᠭᠵᠢᠪᠠᠯ ᠬᠠᠯᠠᠭᠤᠨ ᠰᠠᠭᠤᠳᠠᠭ ᠭᠡᠨᠡ᠃ ᠭᠡᠴᠢᠨᠡᠨ ᠶᠡᠭᠡ | ᠬᠠᠷᠢᠭᠤᠴᠠᠯᠭᠠᠳᠦ ᠰᠡᠳᠬᠢᠯᠭᠡ ᠪᠢᠯᠡ᠂ ᠭᠡᠴᠢᠨᠡᠨ ᠠᠭᠤᠤ ᠬᠠᠶᠢᠷᠠ ᠪᠢᠯᠡ︕ | — ᠭᠡᠭᠡᠷᠡ ᠶᠢᠨ ᠵᠡᠷᠯᠢᠭ ᠠᠮᠢᠳᠠᠨ ᠤ ᠲᠦᠷᠦᠯᠬᠢ ᠠᠷᠠᠨᠰᠢᠨ ᠤ ᠬᠢ ᠪᠠᠶᠢᠬᠠ᠂ ᠪᠠᠩᠪᠤᠵᠢ᠂ ᠪᠤᠩᠪᠤᠵᠢ᠂ | ᠫᠠᠩᠪᠤᠵᠢ ᠭᠤᠷᠪᠠ ᠮᠠᠨᠢ ᠬᠠᠭᠠᠯᠭᠠ ᠬᠠᠭᠠᠬᠤ ᠲᠠᠭᠤᠨ ᠠᠴᠠ ᠴᠦ ᠰᠤᠴᠢᠵᠦ ᠪᠦᠯᠳᠡᠭᠡᠨᠡᠨ ᠠᠶᠤᠴᠢᠬᠠᠳᠠᠭ᠃ ᠲᠡᠶᠢᠮᠦ | ᠠᠴᠠ ᠲᠡᠳᠡᠨ ᠢ ᠨᠠᠮ ᠲᠠᠶᠢᠪᠤᠩ ᠪᠠᠶᠢᠳᠠᠯ ᠳᠤ ᠪᠠᠶᠢᠯᠭᠠᠬᠤ ᠨᠢ ᠴᠢᠬᠤᠯᠠ ᠪᠤᠯᠬᠤᠷ ᠪᠢ ᠤᠳᠤᠬᠠᠨ ᠳᠤ ᠪᠠᠨ ᠭᠡᠷ | ᠠᠴᠠ ᠲᠡᠮᠡᠢ ᠭᠠᠷᠭᠠᠳᠠᠭ ᠦᠭᠡᠢ᠃ ᠭᠠᠷᠬᠤ ᠳᠤ ᠬᠦᠷᠪᠠᠯ ᠦᠪᠡᠷ ᠢᠶᠠᠷ ᠲᠠᠭᠠᠭᠤᠯᠵᠦ ᠲᠤᠭᠤᠷᠢᠭᠠᠳ ᠢᠷᠡᠳᠡᠭ᠃ | ᠨᠠᠮᠤᠷᠰᠢᠭᠠᠳ ᠨᠡᠯᠢᠶᠡᠳ ᠲᠤᠮᠤ ᠪᠤᠯᠴᠢᠬᠠᠪᠠᠯ ᠪᠠᠯᠴᠢᠭᠡᠷᠯᠡᠬᠦᠯᠵᠦ ᠪᠠᠶᠢᠭᠠᠳ ᠡᠬᠡ ᠪᠠᠶᠢᠭᠠᠯᠢ ᠳᠤᠨᠢ ᠪᠤᠴᠠᠭᠠᠨᠠ ᠭᠡᠵᠦ | ᠦᠷᠭᠡᠶᠢᠬᠦ ᠰᠡᠳᠬᠢᠯ ᠲᠤᠭᠳᠤᠯᠤᠨ ᠶᠠᠷᠢᠵᠦ ᠪᠠᠶᠢᠯᠠ᠃ | ᠪᠠᠩᠪᠤᠵᠢ᠂ ᠪᠤᠩᠪᠤᠵᠢ᠂ ᠫᠠᠩᠪᠤᠵᠢ ᠭᠤᠷᠪᠠ ᠬᠠᠯᠠᠭᠤᠨ ᠰᠦ ᠬᠦᠬᠦᠨ ᠦᠰᠴᠦ᠂ ᠬᠠᠨᠠᠭᠠᠷ ᠨᠤᠳᠤᠭ ᠤᠨ | ᠠᠭᠤᠳᠠᠮ ᠢᠶᠠᠷ ᠲᠤᠷᠠ ᠪᠠᠨ ᠴᠠᠬᠢᠯᠤᠨ ᠠᠮᠢᠳᠤᠷᠠᠬᠤ ᠬᠤᠪᠢ ᠲᠠᠢ ᠶᠤᠮ ᠡ᠃ ᠮᠠᠯᠴᠢᠨ ᠬᠦᠮᠦᠨ ᠭᠡᠭᠴᠢ ᠨᠡᠭᠡᠷᠡᠨ | ᠦᠷᠦᠪᠴᠢ ᠨᠢᠩᠵᠢᠨ ᠰᠡᠳᠬᠢᠯ ᠲᠠᠢ ᠶᠤᠮ ᠡ᠃ ᠲᠡᠳᠡ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠬᠠᠶᠢᠷᠠᠯᠠᠨ ᠮᠠᠯᠵᠢᠬᠤ ᠶᠢᠨ | ᠲᠠᠭᠠᠤ ᠭᠡᠭᠡᠷᠡ ᠬᠦᠳᠡᠭᠡ ᠦᠨᠦᠴᠢᠷᠠᠵᠦ ᠬᠤᠴᠤᠷᠤᠭᠰᠠᠨ᠂ ᠰᠢᠷᠬᠠᠳᠤᠵᠦ ᠭᠡᠮᠳᠦᠭᠰᠡᠨ ᠵᠡᠷᠯᠢᠭ ᠠᠮᠢᠳᠠᠨ ᠭᠤᠤᠯᠳᠠᠨ ᠢ | ᠴᠦ ᠠᠪᠤᠷᠠᠨ ᠲᠡᠩᠭᠡᠷᠡᠬᠦᠯᠵᠦ᠂ ᠡᠬᠡ ᠪᠠᠶᠢᠭᠠᠯᠢ ᠳᠤᠨᠢ ᠪᠤᠴᠠᠭᠠᠨ ᠪᠤᠶᠠᠨ ᠦᠢᠯᠡᠳᠳᠡᠭ᠃ |