| ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠨᠠᠷᠠ ᠬᠡᠣᠬᠡᠳ ᠤᠨ ᠢᠨᠢᠶᠡᠲᠦ ᠪᠠᠷ ᠰᠦᠯᠡᠭᠳᠡᠵᠦ᠂ ᠵᠤᠨ ᠤ ᠴᠠᠭ ᠤᠨ ᠳᠡᠯᠡᠬᠡᠢ | ᠬᠡᠣᠬᠡᠳ ᠤᠨ ᠪᠠᠶᠠᠷ ᠢᠶᠠᠷ ᠪᠤᠳᠤᠭᠳᠠᠭᠰᠠᠨ ᠰᠠᠶᠢᠬᠠᠨ ᠴᠠᠭ ᠢᠶᠠᠷ ᠠᠪᠠᠭᠠ ᠬᠤᠰᠢᠭᠤᠨ ᠤ ᠨᠢᠭᠡᠳᠦᠭᠡᠷ ᠪᠠᠭᠠ | ᠰᠤᠷᠭᠠᠭᠤᠯᠢ ᠶᠢᠨ ᠲᠦᠷᠪᠡᠳᠦᠭᠡᠷ ᠣᠨ ᠤ ᠠᠪᠢᠶᠠᠰᠣᠯᠢᠭ ᠦᠬᠢᠨ ᠤᠷᠮᠠ ᠶᠢᠨ ᠲᠠᠭᠤᠤ ᠣᠷᠠᠯᠢᠭ ᠤᠨ ᠪᠠᠭ᠋ᠠᠳᠤᠯ ᠢ | ᠬᠤᠪᠢᠶᠠᠯᠴᠠᠬᠤᠶᠠ ᠶᠠᠭᠤᠲᠠᠢ ᠪᠠᠭ᠋ᠠᠷᠬᠠᠯᠲᠠᠢ ᠠᠵᠢ᠃ | ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠣᠷᠠᠯᠢᠭ ᠤᠨ ᠠᠪᠢᠶᠠᠰ ᠢ ᠦᠪᠯᠡᠭᠰᠡᠨ ᠤᠷᠮᠠ ᠦᠬᠢᠨ ᠪᠠᠭᠠ ᠠᠴᠠ ᠪᠠᠨ ᠲᠠᠭᠤᠤ | ᠬᠦᠭᠵᠢᠮ ᠳᠤ ᠳᠤᠷᠠᠲᠠᠢ ᠪᠠᠶᠢᠵᠤ᠂ ᠤᠢ ᠬᠠᠭᠠᠰ ᠲᠠᠢ ᠬᠡᠯᠡ ᠳᠤ ᠤᠷᠤᠭᠰᠠᠨ ᠠᠴᠠ ᠪᠠᠨ ᠡᠬᠢᠯᠡᠨ ᠶᠡᠭᠡ ᠲᠤᠳᠤ | ᠶᠠᠷᠢᠳᠠᠭ᠂ ᠬᠤᠶᠠᠷ ᠤᠢ ᠢᠯᠡᠭᠦᠳᠡᠢ ᠠᠴᠠ ᠪᠠᠨ ᠡᠵᠢ ᠶᠢᠨ ᠢᠶᠠᠨ ᠬᠢᠴᠢᠶᠡᠯ ᠳᠤ ᠳᠠᠭᠠᠭᠰᠠᠭᠠᠷ ᠪᠠᠶᠢᠵᠤ ᠨᠤᠲ | ᠰᠤᠷᠴᠠᠢ᠃ ᠪᠠᠭᠠ ᠠᠴᠠ ᠪᠠᠨ ᠴᠡᠭᠡᠵᠢᠯᠡᠬᠦ ᠴᠢᠳᠠᠪᠤᠷᠢ ᠨᠢ ᠣᠨᠴᠠᠭᠠᠢ ᠰᠠᠶᠢᠨ ᠪᠠᠶᠢᠵᠤ᠂ ᠰᠢᠨᠡ ᠲᠠᠭᠤᠤ ᠶᠢ ᠪᠠᠷᠤᠭ | ᠬᠤᠶᠠᠷ ᠡᠳᠦᠷ ᠲᠤ ᠴᠡᠭᠡᠵᠢᠯᠡᠴᠢᠬᠡᠳᠡᠭ᠂ ᠮᠦᠨᠴᠦ ᠭᠤᠷᠪᠠᠨ ᠨᠠᠰᠣᠲᠠᠢ ᠠᠴᠠ ᠪᠠᠨ ᠳᠠᠶᠢᠰᠠᠨ ᠳᠤ ᠭᠠᠷᠴᠦ ᠲᠠᠭᠤᠤ | ᠲᠠᠭᠤᠯᠠᠨ ᠣᠯᠠᠨ ᠤ ᠪᠠᠭ᠋ᠠᠷᠤᠯ ᠢ ᠲᠠᠲᠠᠵᠤ ᠢᠷᠡᠵᠡᠢ᠃ ᠡᠳᠡᠬᠡᠷ ᠪᠦᠬᠦᠨ ᠨᠢ ᠲᠡᠭᠦᠨ ᠤ ︽ᠲᠥᠷᠪᠡᠨ ᠪᠡᠷᠬᠡ︾᠂ | ︽ᠮᠦᠩᠬᠡᠭᠠᠯ ᠴᠡᠴᠡᠷᠯᠢᠭ︾᠂ ︽ᠠᠪᠤ ᠡᠵᠢ ᠪᠠᠨ ᠲᠠᠭᠤᠯᠠᠶᠠ︾᠂ ︽ᠨᠤᠭᠤᠭᠠᠨ ᠨᠠᠷᠠᠰᠤ︾ ᠵᠡᠷᠭᠡ ᠣᠯᠠᠨ | ᠰᠠᠶᠢᠬᠠᠨ ᠲᠠᠭᠤᠤ ᠪᠠᠷ ᠢᠶᠠᠨ ᠪᠢᠴᠢᠬᠠᠨ ᠤᠳᠤ ᠪᠣᠯᠵᠤ ᠶᠠᠪᠤᠬᠤ ᠳᠤᠨᠢ ᠶᠠᠭᠠᠬᠢᠬᠤ ᠠᠷᠭᠠ ᠦᠭᠡᠢ ᠲᠦᠳᠡ ᠵᠠᠮ | ᠪᠤᠯᠤᠭᠰᠠᠨ ᠣᠴᠢᠷᠲᠠᠢ᠃ | ᠲᠦᠷᠦᠯᠬᠢ ᠶᠢᠨ ᠠᠪᠢᠶᠠᠰ ᠤᠨ ᠲᠡᠭᠡᠷᠡ᠂ ᠴᠦᠬᠦᠷᠡᠯ ᠦᠭᠡᠢ ᠴᠢᠷᠮᠠᠶᠢᠯᠲᠠ ᠯᠡ ᠡᠴᠦᠰ ᠤᠨ ᠠᠮᠵᠢᠯᠲᠠ ᠳᠤ | ᠬᠦᠷᠭᠡᠳᠡᠭ ᠨᠢ ᠪᠠᠳᠤᠶᠤᠰᠤ᠃ ᠠᠪᠤ ᠡᠵᠢ ᠨᠢ ᠪᠦᠷ ᠣᠷᠠᠯᠢᠭᠴᠢᠨ ᠣᠴᠢᠷ ᠦᠬᠢᠨ ᠤ ᠪᠠᠨ ︽ᠲᠠᠭᠤᠤ ᠶᠢᠨ ᠪᠠᠭᠰᠢ︾ | ᠶᠢᠨ ᠡᠭᠦᠷᠭᠡ ᠶᠢ ᠡᠭᠦᠷᠭᠡᠯᠡᠳᠡᠭ ᠶᠤᠮ ᠪᠠᠶᠢᠨᠠ᠃ ᠨᠢᠭᠡ ᠣᠳᠠᠭᠠ ᠡᠵᠢ ᠲᠠᠢ ᠪᠠᠨ ᠲᠤᠳᠤᠷᠠ ᠭᠡᠷ ᠲᠤ ᠪᠠᠨ ᠲᠠᠭᠤᠤ | ᠪᠣᠯᠪᠠᠰᠣᠷᠠᠵᠤ ᠪᠠᠶᠢᠭᠠᠳ ᠠᠪᠤ ᠪᠠᠷ ᠢᠶᠠᠨ ᠵᠢᠮᠡᠯᠡᠭᠳᠡᠭᠡᠳ ᠭᠠᠷᠴᠦ ᠢᠷᠡᠨ ᠡᠮᠡᠭᠡ ᠪᠠᠷ ᠢᠶᠠᠨ ᠲᠡᠪᠡᠷᠢᠭᠦᠯᠵᠦ᠂ ᠡᠮᠡᠭᠡ | ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠤᠬᠢᠯᠡᠵᠦ ᠪᠠᠶᠢᠭᠰᠠᠨ ᠦᠬᠦᠭᠡᠷᠳᠡᠮᠡ ᠮᠦᠷᠳᠡᠭᠡᠨ ᠦᠷᠦᠪᠳᠦᠮᠡᠷ ᠬᠦᠭᠡᠷᠦᠭᠦᠨ ᠳᠤᠷᠠᠰᠣᠮᠵᠢ | ᠲᠠᠢ ᠪᠢᠯᠡ᠃ | ᠣᠷᠮᠠ ᠶᠢᠨ ᠠᠪᠤ ᠰᠣᠳᠣᠪᠢᠯᠢᠭ᠌ ᠨᠢ ᠤᠯᠤᠰ ᠤᠨ ᠭᠤᠷᠪᠠᠳᠤᠭᠠᠷ ᠲᠡᠰ ᠤᠨ ᠲᠤᠭᠯᠠᠭᠴᠢ᠂ 2003 ᠣᠨ ᠳᠤ | ᠣᠯᠠᠭᠠᠨᠮᠦ᠋ᠴᠢᠷ ᠲᠤ ᠠᠵᠢᠯ ᠤᠨ ᠭᠠᠷᠤᠭᠠ ᠪᠠᠨ ᠠᠪᠴᠦ᠂ ᠮᠤᠷᠢᠨ ᠬᠤᠭᠤᠷᠴᠢᠨ᠂ ᠭᠦᠭᠡᠮᠡᠶᠢᠴᠢᠨ ᠢᠶᠠᠷ ᠠᠵᠢᠯᠯᠠᠨ᠂ | ᠤᠳᠤ ᠬᠦᠭᠵᠢᠮ ᠤᠨ ᠠᠩᠭᠢ ᠶᠢᠨ ᠳᠠᠷᠤᠭᠠ ᠶᠢᠨ ᠳᠤᠰᠢᠶᠠᠯ ᠲᠠᠢ᠃ ᠡᠵᠢ ᠬᠠᠰᠴᠡᠴᠡᠭ ᠮᠤᠷᠢᠨ ᠬᠤᠭᠤᠷᠴᠢᠨ᠂ | 2012 ᠣᠨ ᠠᠴᠠ 2017 ᠣᠨ ᠬᠦᠷᠲᠡᠯᠡ ᠮᠤᠩᠭᠤᠯ ᠬᠡᠣᠬᠡᠳ ᠤᠨ ᠴᠡᠴᠡᠷᠯᠢᠭ ᠲᠤ ᠮᠤᠷᠢᠨ ᠬᠤᠭᠤᠷ ᠤᠨ | ᠪᠠᠭᠰᠢ ᠪᠠᠷ ᠠᠵᠢᠯᠯᠠᠨ᠂ 2017 ᠣᠨ ᠠᠴᠠ ᠤᠳᠤ ᠪᠣᠯᠲᠠᠯᠠ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠤᠨ ᠬᠦᠳᠡᠯᠭᠡᠭᠡᠨ ᠤ | ᠲᠦᠪ ᠲᠤ ᠮᠤᠷᠢᠨ ᠬᠤᠭᠤᠷ ᠤᠨ ᠪᠠᠭᠰᠢ ᠪᠠᠷ ᠠᠵᠢᠯᠯᠠᠨ᠂ ᠣᠯᠠᠨ ᠰᠢᠯᠢᠳᠡᠭ ᠱᠠᠪᠢᠨᠠᠷ ᠬᠦᠮᠦᠵᠢᠭᠦᠯᠵᠦ ᠶᠠᠪᠤᠭᠠ᠃ | ᠤᠷᠮᠠ ᠦᠬᠢᠨ ᠲᠠᠭᠤᠤ᠂ ᠪᠦᠵᠢᠭ᠂ ᠬᠦᠭᠵᠢᠮ᠂ ᠣᠷᠠᠨ ᠣᠩᠰᠢᠯᠭᠠ ᠭᠡᠳ ᠰᠤᠨᠢᠷᠬᠠᠯ ᠣᠯᠠᠨ ᠲᠠᠢ᠂ | ᠭᠡᠬᠦ ᠳᠤ ᠪᠠᠨ ᠰᠤᠷᠤᠯᠭᠠ ᠬᠢᠴᠢᠶᠡᠯ ᠤᠨ ᠶᠠᠭᠠᠷᠠᠤ ᠠᠴᠠ ᠪᠣᠯᠵᠤ᠂ ᠤᠳᠤᠬᠠᠨ ᠳᠤ ᠪᠠᠨ ᠲᠡᠭᠦᠯᠳᠡᠷ ᠬᠦᠭᠵᠢᠮ ᠪᠣᠯᠣᠨ | ᠣᠷᠠᠨ ᠣᠩᠰᠢᠯᠭᠠ ᠶᠢᠨ ᠬᠢᠴᠢᠶᠡᠯ ᠢᠶᠠᠨ ᠭᠠᠷᠠᠭ ᠤᠨ ᠠᠮᠠᠷᠠᠯᠲᠠ ᠪᠠᠷ ᠢᠶᠠᠨ ᠰᠤᠷᠤᠯᠴᠠᠵᠤ ᠪᠠᠶᠢᠭᠠ᠂ ᠡᠭᠦᠨ ᠠᠴᠠ | ᠭᠠᠳᠠᠨᠠ ᠰᠤᠷᠭᠠᠭᠤᠯᠢ ᠶᠢᠨ ᠢᠶᠠᠨ ᠡᠯᠡ ᠵᠦᠢᠯ ᠤᠨ ᠤᠷᠤᠯᠳᠤᠭᠠᠨ ᠲᠡᠮᠡᠴᠡᠭᠡᠨ ᠳᠤ ᠢᠳᠡᠪᠬᠢᠯᠡᠨ ᠤᠷᠤᠯᠴᠠᠵᠤ᠂ | ᠦᠪᠡᠷ ᠤᠨ ᠠᠪᠢᠶᠠᠰ ᠢᠶᠠᠨ ᠳᠠᠪᠳᠡᠨ ᠪᠣᠯᠪᠠᠰᠣᠷᠠᠭᠤᠯᠵᠤ᠂ ᠬᠡᠣᠬᠡᠳ ᠨᠠᠰᠣᠨ ᠤ ᠠᠮᠵᠢᠯᠲᠠ ᠲᠡᠮᠳᠡᠭᠯᠡᠵᠦ ᠶᠠᠪᠤᠨᠠ᠃ | 2020 ᠣᠨ ᠤ ᠦᠪᠤᠷ ᠮᠤᠩᠭᠤᠯ ᠤᠨ ᠤᠳᠤᠨ ᠲᠧᠯᠸᠢᠰ ᠤᠨ ︽ᠠᠪᠢᠶᠠᠰᠣᠯᠢᠭ ᠬᠡᠣᠬᠡᠳ︾ ᠤᠨ ᠴᠠᠭᠠᠨ | ᠰᠠᠷᠠ ᠶᠢᠨ ᠦᠳᠡᠰᠢᠯᠡᠭᠡ ᠶᠢᠨ ᠪᠢᠴᠢᠬᠠᠨ ᠲᠠᠭᠤᠴᠢᠨ᠂ 2023 ᠣᠨ ᠤ ᠠᠪᠠᠭᠠ ᠬᠤᠰᠢᠭᠤᠨ ᠤ ᠴᠠᠭᠠᠨ | ᠰᠠᠷᠠ ᠶᠢᠨ ᠥᠳᠡᠰᠢᠯᠡᠭᠡ ᠶᠢᠨ ᠪᠢᠴᠢᠬᠠᠨ ᠲᠠᠭᠤᠴᠢᠨ᠂ 2022 ᠣᠨ ᠤ ᠠᠪᠠᠭᠠ ᠬᠤᠰᠢᠭᠤᠨ ᠤ ᠨᠢᠭᠡᠳᠦᠭᠡᠷ ᠪᠠᠭᠠ | ᠰᠤᠷᠭᠠᠭᠤᠯᠢ ᠶᠢᠨ ᠠᠩᠬᠠᠳᠤᠭᠠᠷ ᠣᠳᠠᠭᠠᠨ ᠤ ︽ᠰᠣᠯᠣᠩᠭᠠᠨ ᠡᠭᠡᠰᠢᠭ︾ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠤ ᠠᠷᠪᠠᠨ | ᠰᠣᠳᠣᠨ ᠲᠠᠭᠤᠴᠢᠨ ᠤ ᠤᠷᠤᠯᠳᠤᠭᠠᠨ ᠤ ᠰᠤᠳᠤᠨ ᠲᠠᠭᠤᠴᠢᠨ᠂ 2022 — 2023 ᠣᠨ ᠤ ᠰᠤᠷᠤᠯᠭᠠ ᠶᠢᠨ | ᠵᠢᠯ ᠳᠤ ︽ᠭᠤᠷᠪᠠᠨ ᠰᠠᠶᠢᠨᠲᠠᠢ ᠰᠤᠷᠤᠭᠴᠢ︾᠂ 2020 —2021 ᠣᠨ ᠤ ᠰᠤᠷᠤᠯᠭᠠ ᠶᠢᠨ ᠵᠢᠯ ᠳᠤ | ︽ᠶᠤᠰᠤ ᠮᠤᠷᠠᠯ ᠤᠨ ᠳᠠᠭᠠᠭᠤᠯᠤᠭᠴᠢ︾᠂ 2021 ᠣᠨ ᠤ ᠠᠪᠠᠭᠠ ᠬᠤᠰᠢᠭᠤᠨ ᠤ ᠨᠢᠭᠡᠳᠦᠭᠡᠷ ᠪᠠᠭᠠ | ᠰᠤᠷᠭᠠᠭᠤᠯᠢ ᠶᠢᠨ ᠠᠩᠬᠠᠳᠤᠭᠠᠷ ᠣᠳᠠᠭᠠᠨ ᠤ ︽ᠡᠵᠡᠨ︾ ᠬᠤᠨᠳᠠᠭᠠᠲᠤ ᠪᠠᠭᠠᠴᠤᠳ ᠤᠨ ᠰᠢᠷᠢᠰ ᠪᠦᠵᠢᠭ ᠤᠨ | ᠤᠷᠤᠯᠳᠤᠭᠠᠨ ᠳᠤ ᠠᠯᠲᠠᠨ ᠮᠧᠳᠠᠯ ᠬᠦᠷᠲᠡᠭᠰᠡᠨ ᠵᠡᠷᠭᠡ ᠤᠷᠠ ᠠᠪᠢᠶᠠᠰ᠂ ᠤᠷᠤᠯᠳᠤᠯᠭᠠ ᠴᠢᠷᠮᠠᠶᠢᠯᠭᠠ ᠠᠴᠠ ᠨᠢ | ᠤᠨᠳᠤᠷᠤᠭᠰᠠᠨ ᠣᠯᠠᠨ ᠰᠠᠶᠢᠬᠠᠨ ᠢᠷᠠᠭᠤ ᠠᠯᠳᠠᠷ ᠲᠠᠢ᠃ ᠡᠳᠡᠭᠡᠷ ᠪᠦᠬᠦᠨ ᠨᠢ ᠬᠡᠣᠬᠡᠳ ᠨᠠᠰᠣᠨ ᠤ ᠲᠡᠭᠦᠨ ᠳᠤ | ᠣᠯᠠᠮ ᠶᠡᠭᠡ ᠵᠤᠷᠢᠭᠵᠢᠭᠤᠯᠤᠯ ᠪᠣᠯᠵᠤ᠂ ᠰᠤᠷᠤᠯᠭᠠ ᠬᠢᠴᠢᠶᠡᠯ᠂ ᠣᠷᠠᠯᠢᠭ ᠤᠨ ᠠᠪᠢᠶᠠᠰ ᠲᠤ ᠨᠢ ᠤᠷᠮᠠ | ᠬᠠᠶᠢᠷᠠᠯᠠᠬᠤ ᠨᠢ ᠳᠠᠮᠵᠢᠭ ᠦᠭᠡᠢ᠃ | ᠰᠣᠳᠣᠪᠢᠯᠢᠭ᠌᠂ ᠬᠠᠰᠴᠡᠴᠡᠭ ᠬᠤᠶᠠᠷ ᠦᠬᠢᠨ ᠢᠶᠠᠨ ᠤᠷᠠᠯᠢᠭ ᠤᠨ ᠲᠠᠯᠠ ᠪᠠᠷ ᠶᠡᠭᠡ ᠳᠡᠮᠵᠢᠳᠡᠭ ᠴᠦ | ᠰᠤᠷᠤᠯᠭᠠ ᠬᠢᠴᠢᠶᠡᠯ ᠤᠨ ᠲᠠᠯᠠ ᠪᠠᠷ ᠪᠠᠰᠠ ᠠᠳᠠᠯᠢᠬᠠᠨ ᠴᠢᠩᠭᠠ ᠱᠠᠭᠠᠷᠳᠠᠳᠠᠭ ᠠᠴᠠ ᠣᠷᠮᠠ ᠦᠬᠢᠨ ᠤ | ᠰᠤᠷᠤᠯᠭᠠ ᠶᠢᠨ ᠬᠢᠷᠢ ᠪᠦᠳᠦᠮᠵᠢ ᠨᠢ ᠴᠦ ᠠᠩᠭᠢ ᠳᠤ ᠪᠠᠨ ᠤᠷᠤᠶᠢᠯᠠᠳᠠᠭ᠃ ᠤᠷᠤᠢ ᠳᠤ ᠪᠠᠨ ᠳᠠᠰᠬᠠᠯ | ᠳᠠᠭᠠᠭᠠᠯᠭᠠᠪᠤᠷᠢ ᠪᠠᠨ ᠬᠢᠵᠦ ᠪᠠᠷᠠᠴᠢᠬᠠᠭᠠᠳ ᠰᠤᠷᠴᠦ ᠪᠠᠶᠢᠭᠠ ᠵᠦᠢᠯ ᠢᠶᠠᠨ ᠳᠠᠬᠢᠨ ᠳᠠᠪᠳᠠᠳᠠᠭ᠃ | ︽ᠬᠡᠣᠬᠡᠨ ᠤ ᠪᠠᠨ ᠳᠤᠷᠠ ᠰᠣᠨᠢᠷᠬᠠᠯ ᠲᠠᠢ ᠵᠦᠢᠯ ᠢ ᠰᠤᠷᠭᠠᠬᠤ ᠪᠠᠷ ᠪᠢᠳᠡ ᠬᠤᠶᠠᠷ ᠶᠡᠭᠡ ᠳᠡᠮᠵᠢᠳᠡᠭ᠃ ᠬᠡᠣᠬᠡᠨ | ᠮᠢᠨᠢ ᠴᠦ ᠮᠠᠰᠢ ᠵᠤᠷᠢᠭᠲᠠᠢ ᠰᠤᠷᠬᠤ ᠠᠴᠠ ᠬᠠᠯᠠᠰᠢᠷᠠᠳᠠᠭ ᠦᠭᠡᠢ︾ ᠬᠡᠮᠡᠨ ᠬᠠᠰᠴᠡᠴᠡᠭ ᠦᠬᠢᠨ ᠢᠶᠠᠷ ᠢᠶᠠᠨ | ᠪᠠᠭ᠋ᠠᠷᠬᠠᠨᠠ᠃ ︽ᠠᠪᠤ ᠡᠵᠢ᠂ ᠠᠬᠠᠮᠠᠳ ᠲᠤᠮᠤᠭᠠᠲᠠᠨ᠂ ᠪᠠᠭᠰᠢ ᠨᠠᠷ ᠲᠠᠢ ᠪᠠᠨ ᠶᠤᠰᠤᠷᠬᠠᠭ ᠬᠠᠷᠢᠴᠠᠵᠤ᠂ ᠮᠣᠷᠠᠯ | ᠰᠤᠷᠳᠠᠯ ᠲᠠᠢ ᠪᠠᠶᠢᠬᠤ ᠶᠢ ᠬᠦᠰᠡᠳᠡᠭ᠃ ᠬᠡᠵᠢᠶᠡ ᠬᠠᠮᠢᠭᠠ ᠴᠦ ᠭᠡᠰᠡᠨ ᠬᠦᠮᠦᠨ ᠲᠠᠢ ᠰᠠᠶᠢᠨ ᠪᠠᠶᠢᠨᠠ ᠤᠤ︖ | ᠭᠡᠰᠡᠨ ᠮᠡᠨᠳᠦ ᠲᠠᠢ ᠪᠠᠶᠢᠭᠠᠷᠠᠢ︾ ᠬᠡᠮᠡᠭᠰᠡᠨ ᠠᠪᠤ ᠡᠵᠢ ᠶᠢᠨ ᠠᠯᠲᠠᠨ ᠰᠤᠷᠭᠠᠯ ᠵᠢᠷᠦᠬᠡ ᠰᠡᠳᠬᠢᠯ ᠳᠤ ᠨᠢ | ᠬᠠᠳᠠᠭᠠᠲᠠᠢ ᠯᠡ ᠶᠠᠪᠤᠳᠠᠭ ᠠᠵᠢ᠃ | ᠣᠷᠮᠠ ᠦᠬᠢᠨ ᠤ ︽ᠮᠦᠩᠬᠡᠭᠠᠯ ᠴᠡᠴᠡᠷᠯᠢᠭ︾ ᠬᠡᠮᠡᠬᠦ ᠰᠠᠶᠢᠬᠠᠨ ᠲᠠᠭᠤᠤ ᠪᠠᠷ ᠢᠷᠡᠬᠦ ᠮᠠᠷᠭᠠᠰᠢ ᠶᠢᠨ | ᠡᠵᠡᠳ ᠪᠣᠯᠣᠭᠰᠠᠨ ᠬᠦᠭᠡᠷᠦᠭᠦᠨ ᠬᠡᠣᠬᠡᠳ ᠤᠳ ᠲᠤ ᠪᠠᠨ ᠪᠠᠶᠠᠷ ᠤᠨ ᠡᠳᠦᠷ ᠤᠨ ᠪᠡᠯᠡᠭ ᠪᠣᠯᠭᠠᠨ ᠪᠠᠷᠢᠵᠤ᠂ | ᠰᠤᠷᠪᠣᠯᠵᠢᠯᠠᠭᠠ ᠪᠠᠨ ᠦᠨᠳᠦᠷᠯᠡᠬᠦᠯᠦᠶᠡ︕ |