| ᠣᠯᠠᠨᠪᠠᠶᠠᠷ ᠪᠣᠯ ᠠᠪᠠᠭᠠ ᠬᠤᠰᠢᠭᠤᠨ ᠤ ᠵᠢᠷᠭᠠᠯᠠᠩᠲᠤ ᠰᠣᠮᠣᠨ ᠤ ᠪᠠᠶᠠᠷᠲᠤ ᠭᠠᠴᠠᠭᠠᠨ ᠤ ᠵᠠᠯᠠᠭᠤ | ᠣᠶᠠᠭᠠᠴᠢ᠂ ᠠᠪᠠᠭᠠ ᠬᠤᠰᠢᠭᠤᠨ ᠤ ᠣᠶᠠᠭᠠᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠭᠡᠰᠢᠭᠦᠨ ᠶᠤᠮ᠃ ᠤᠳᠣ ᠪᠣᠯᠲᠠᠯᠠ 70 | ᠰᠢᠬᠠᠭᠤ ᠮᠤᠷᠢ ᠤᠶᠠᠵᠤ᠂ 180 ᠭᠠᠷᠤᠢ ᠣᠳᠠᠭᠠ ᠠᠶᠢᠷᠠᠭᠳᠠᠵᠤ᠂ 47 ᠣᠳᠠᠭᠠ ᠲᠡᠷᠢᠭᠦᠯᠡᠭᠰᠡᠨ ᠪᠠᠶᠢᠨᠠ᠃ | ᠪᠠᠭᠠ ᠠᠴᠠ ᠪᠠᠨ ᠠᠳᠤᠭᠤᠨ ᠤ ᠵᠠᠬᠠ ᠳᠤ ᠦᠰᠦᠭᠰᠡᠨ ᠣᠯᠠᠨᠪᠠᠶᠠᠷ ᠬᠡᠳᠦᠨ ᠵᠢᠯ ᠤᠷᠤᠯᠳᠤᠭᠠᠨ ᠮᠤᠷᠢ | ᠤᠨᠤᠭᠰᠠᠨ ᠤ ᠳᠠᠷᠠᠭᠠ 13 ᠨᠠᠰᠤ ᠬᠦᠷᠦᠮᠡᠭᠴᠡ ᠡᠮᠨᠢᠭ ᠰᠤᠷᠭᠠᠵᠤ ᠡᠬᠢᠯᠡᠵᠡᠢ᠃ 16 ᠨᠠᠰᠣᠲᠠᠢ ᠲᠡᠷᠡ ᠵᠢᠯ | ᠨᠡᠯᠢᠶᠡᠳ ᠬᠡᠳᠦᠨ ᠵᠢᠯ ᠠᠳᠤᠭᠤ ᠲᠠᠢ ᠨᠤᠴᠤᠯᠳᠤᠭᠰᠠᠨ ᠣᠯᠠᠨᠪᠠᠶᠠᠷ ᠪᠠᠶᠠᠨᠮᠡᠨᠳᠦ ᠭᠠᠴᠠᠭᠠᠨ ᠤ ᠪᠠᠨ ᠨᠢᠭᠡ ᠬᠦᠷᠡᠩ | ᠮᠤᠷᠢ ᠶᠢ ᠦᠵᠡᠵᠦ ᠲᠤᠭᠤᠭᠠᠳ ᠤᠷᠤᠯᠳᠤᠭᠠᠨ ᠳᠤ ᠰᠣᠶᠢᠬᠤ ᠪᠣᠳᠣᠯ ᠤᠷᠤᠵᠠᠢ᠃ ᠣᠯᠠᠨᠪᠠᠶᠠᠷ ᠠᠬᠠᠮᠠᠳ | ᠣᠶᠠᠭᠠᠴᠢ ᠶᠢᠨ ᠢᠶᠠᠨ 8 ᠡᠮᠨᠢᠭ ᠢ ᠰᠤᠷᠭᠠᠬᠤ ᠬᠦᠨᠳᠦ ᠠᠯᠪᠠᠨ ᠳᠤ ᠤᠷᠤᠵᠤ᠂ ᠡᠨᠡᠬᠦ ᠬᠦᠳᠡᠯᠮᠦᠷᠢ ᠶᠢᠨ ᠬᠠᠷᠢᠭᠤ ᠳᠤ | ᠬᠦᠷᠡᠩ ᠮᠤᠷᠢ ᠶᠢ ᠨᠢ ᠰᠤᠷᠭᠠᠬᠤ ᠪᠠᠷ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠣᠯᠠᠨᠪᠠᠶᠠᠷ᠄ ︽ᠬᠡᠳᠦᠶᠢᠪᠡᠷ ᠪᠠᠭᠠ ᠠᠴᠠ ᠪᠠᠨ | ᠠᠳᠤᠭᠤ ᠲᠠᠢ ᠨᠤᠴᠤᠯᠳᠤᠵᠤ ᠦᠰᠦᠭᠰᠡᠨ ᠪᠤᠯᠪᠠᠴᠦ ᠦᠪᠡᠷ ᠤᠨ ᠭᠡᠷ ᠭᠦᠴᠢᠷᠳᠡᠯᠲᠡᠢ ᠪᠠᠶᠢᠭᠰᠠᠨ ᠪᠣᠯᠬᠤᠷ | ᠤᠷᠤᠯᠳᠤᠭᠠᠨ ᠳᠤ ᠰᠣᠶᠢᠬᠤ ᠮᠤᠷᠢ ᠪᠠᠶᠢᠭᠠ ᠦᠭᠡᠢ︾ ᠭᠡᠵᠦ ᠶᠠᠷᠢᠯᠠ᠃ | ᠣᠯᠠᠨᠪᠠᠶᠠᠷ ᠤᠨ ᠤᠶᠠᠭᠠᠴᠢ ᠶᠢᠨ ᠠᠵᠢᠯ ᠬᠦᠷᠡᠩ ᠮᠤᠷᠢ ᠪᠠᠷ ᠠᠩᠬᠠᠨ ᠤ ᠭᠠᠷᠤᠭᠠ ᠪᠠᠨ ᠡᠬᠢᠯᠡᠭᠦᠯᠵᠡᠢ᠃ | ᠦᠵᠡᠵᠦ ᠲᠤᠭᠤᠭᠰᠠᠨ ᠬᠦᠷᠡᠩ ᠮᠤᠷᠢ ᠪᠠᠨ ᠰᠤᠷᠭᠠᠬᠤ ᠡᠷᠬᠡ ᠤᠯᠤᠭᠰᠠᠨ ᠣᠯᠠᠨᠪᠠᠶᠠᠷ ᠬᠠᠭᠠ ᠪᠠᠶᠠᠷᠯᠠᠭᠰᠠᠨ ᠭᠡᠳᠡᠭ᠃ | ᠦᠷᠯᠦᠭᠡ ᠭᠤᠷᠪᠠ ᠲᠦᠷᠪᠡᠨ ᠴᠠᠭ ᠢᠶᠠᠷ ᠪᠤᠰᠴᠦ ᠣᠶᠠᠨᠠ᠂ ᠲᠡᠭᠡᠭᠡᠳ ᠢᠳᠡᠭᠡᠨ ᠣᠮᠳᠠᠭᠠᠨ ᠠᠴᠠ ᠡᠬᠢᠯᠡᠵᠦ ᠴᠠᠭ | ᠢᠮᠠᠭᠲᠠ ᠠᠵᠢᠭᠯᠠᠨᠠ᠂ ᠪᠠᠰᠠ ᠮᠤᠷᠢ ᠪᠠᠨ ᠰᠢᠨᠵᠢᠵᠦ ᠵᠠᠩ ᠠᠭᠠᠰᠢ ᠠᠴᠠ ᠨᠢ ᠡᠬᠢᠯᠡᠵᠦ ᠣᠶᠢᠯᠠᠭᠠᠵᠤ ᠠᠪᠤᠨᠠ᠃ | ᠡᠨᠡ ᠥᠶᠡ ᠳᠤ ᠡᠵᠢ ᠶᠢᠨ ᠬᠢᠨᠢ ᠬᠡᠯᠡᠵᠦ ᠪᠠᠶᠢᠭᠰᠠᠨ ︽ᠮᠤᠷᠢ ᠰᠣᠶᠢᠬᠤ ᠳᠤ ᠬᠦᠳᠡᠯᠮᠦᠷᠢᠴᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ᠂ | ᠣᠶᠠᠭᠠᠴᠢᠳ ᠲᠤ ᠲᠤᠰᠬᠠᠢ ᠪᠠᠭᠰᠢ ᠪᠠᠶᠢᠳᠠᠭ ᠦᠭᠡᠢ᠂ ᠣᠶᠠᠭᠠᠴᠢ ᠶᠢᠨ ᠡᠷᠳᠡᠮ ᠲᠡᠷᠡ ᠴᠡᠭ ᠢᠶᠠᠷ ᠢᠶᠠᠨ ᠨᠢᠭᠤᠴᠠ | ᠡᠷᠳᠡᠮ᠂ ᠬᠦᠳᠡᠯᠮᠦᠷᠢᠴᠢ ᠬᠦᠮᠦᠨ ᠰᠠᠶ᠋ᠢ ᠣᠶᠠᠭᠠᠴᠢ ᠶᠢᠨ ᠵᠢᠩᠬᠢᠨᠢ ᠮᠡᠷᠭᠡᠵᠢᠯ ᠢ ᠡᠵᠡᠮᠰᠢᠵᠦ ᠲᠡᠶᠢᠯᠦᠨᠡ︾ ᠭᠡᠳᠡᠭ | ᠦᠭᠡ ᠦᠨᠡᠨ ᠪᠣᠯᠬᠤ ᠶᠢ ᠣᠶᠢᠯᠠᠭᠠᠵᠠᠢ᠃ ᠬᠦᠷᠡᠩ ᠮᠤᠷᠢ ᠶᠢ ᠰᠣᠶᠢᠬᠤ ᠥᠶᠡ ᠳᠤ ᠠᠬᠠᠮᠠᠳ ᠲᠠᠭᠠᠨ ᠪᠦᠳᠦᠭᠦᠨ | ᠦᠭᠡ ᠲᠠᠯᠪᠢᠭᠰᠠᠨ ᠬᠤᠶᠢᠨᠠ ᠶᠠᠭᠠᠬᠢᠭᠰᠠᠨ ᠴᠦ ᠴᠢᠷᠮᠠᠶᠢᠬᠤ ᠯᠡ ᠬᠡᠷᠡᠭ᠃ ᠬᠦᠷᠡᠩ ᠮᠤᠷᠢ ᠴᠦ ᠲᠡᠭᠦᠨ ᠤ | ᠰᠠᠨᠠᠭᠠ ᠶᠢ ᠮᠡᠳᠡᠭᠰᠡᠨ ᠰᠢᠭ ᠲᠡᠭᠦᠨ ᠳᠤ ᠮᠠᠰᠢ ᠲᠦᠷᠭᠡᠨ ᠲᠡᠰᠴᠦ᠂ ᠦᠩᠭᠡ ᠬᠢᠯᠪᠠᠭᠠ ᠨᠡᠮᠡᠭᠳᠡᠵᠦ᠂ ᠨᠢᠭᠡ ᠰᠠᠷᠠ | ᠪᠣᠯᠬᠤ ᠪᠠᠷ ᠦᠦᠷᠰᠡᠬᠦ ᠨᠢ ᠬᠦᠷᠲᠡᠯᠡ ᠤᠨᠳᠤᠤ ᠪᠣᠯᠵᠤ ᠢᠷᠡᠭᠰᠡᠨ ᠭᠡᠵᠦ ᠣᠯᠠᠨᠪᠠᠶᠠᠷ ᠲᠤᠭᠳᠤᠯᠤᠩᠭᠤᠢ ᠶᠠᠷᠢᠨᠠ᠃ | ᠲᠡᠷᠡ ᠵᠢᠯ ᠤᠨ ᠠᠩᠬᠠᠨ ᠤ ᠨᠠᠭᠠᠳᠤᠮ ᠳᠤ ᠬᠦᠷᠡᠩ ᠮᠤᠷᠢ ᠨᠢ 8 ᠳᠤ ᠬᠤᠷᠳᠤᠯᠠᠵᠤ᠂ ᠨᠣᠳᠤᠭ ᠤᠨ ᠢᠶᠠᠨ | ᠭᠠᠨᠵᠤᠤᠷ ᠣᠪᠣᠭᠠᠨ ᠤ ᠳᠠᠬᠢᠯᠭᠠ ᠶᠢᠨ ᠨᠠᠭᠠᠳᠤᠮ ᠳᠤ 70 ᠭᠠᠷᠤᠢ ᠮᠤᠷᠢᠨ ᠤ ᠳᠤᠮᠳᠠ ᠲᠤᠯᠤᠭᠠ ᠳᠤ | ᠬᠤᠷᠳᠤᠯᠠᠵᠤ᠂ ᠲᠤᠰ ᠬᠤᠰᠢᠭᠤᠨ ᠤ ᠶᠡᠬᠡᠭᠤᠣᠯ ᠰᠣᠮᠣᠨ ᠨᠠᠭᠠᠳᠤᠮ ᠳᠤ ᠠᠮᠠᠨ ᠬᠦᠵᠦᠭᠦᠳᠡᠭᠰᠡᠨ ᠪᠠᠶᠢᠨᠠ᠃ | ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠤᠯᠠᠨᠪᠠᠶᠠᠷ ᠶᠡᠬᠡᠭᠤᠣᠯ ᠰᠣᠮᠣᠨ ᠤ ᠪᠦᠬᠡᠴᠢᠨ ᠬᠠᠰᠴᠢᠯᠠᠭᠤ ᠶᠢᠨ ᠪᠤᠭᠤᠨᠢ ᠬᠡᠭᠡᠷ ᠮᠤᠷᠢ᠂ | ᠵᠠᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠠᠶᠢᠯ ᠤᠨ ᠠᠬᠠᠮᠠᠳ ᠤᠨ ᠪᠤᠷᠤ ᠮᠤᠷᠢ᠂ ᠬᠠᠯᠳᠠᠷ ᠮᠤᠷᠢ ᠭᠡᠳ ᠣᠯᠠᠨ ᠰᠠᠶᠢᠨ | ᠮᠤᠷᠢ ᠶᠢ ᠰᠣᠶᠢᠵᠤ ᠣᠯᠠᠨ ᠣᠳᠠᠭᠠᠨ ᠤ ᠤᠷᠤᠯᠳᠤᠭᠠᠨ ᠳᠤ ᠬᠤᠷᠳᠤᠯᠠᠭᠤᠯᠵᠤ᠂ ᠠᠭᠲᠠ ᠶᠢᠨ ᠰᠠᠶᠢᠨ ᠢᠶᠠᠷ ᠠᠯᠳᠠᠷ | ᠨᠡᠷᠡ ᠪᠠᠨ ᠮᠠᠨᠳᠤᠭᠤᠯᠵᠤ ᠶᠠᠪᠤᠯᠠ᠃ | 2023 ᠣᠨ ᠳᠤ ᠣᠯᠠᠨᠪᠠᠶᠠᠷ ᠭᠠᠴᠠᠭᠠᠨ ᠳᠤ ᠪᠠᠨ ᠤᠨᠤᠭᠠᠴᠢ ᠳᠠᠰᠬᠠᠯᠵᠢᠭᠤᠯᠬᠤ ᠠᠩᠭᠢ ᠡᠷᠬᠢᠯᠡᠭᠰᠡᠨ ᠪᠠ | ᠠᠩᠬᠠᠨ ᠳᠤ ᠪᠠᠨ ᠵᠦᠪᠬᠡᠨ ᠤᠷᠤᠯᠳᠤᠭᠠᠨ ᠤ ᠮᠤᠷᠢ ᠤᠨᠤᠬᠤ ᠬᠡᠣᠬᠡᠳ ᠢᠶᠠᠨ ᠰᠤᠷᠭᠠᠵᠤ ᠪᠠᠶᠢᠭᠰᠠᠨ ᠪᠣᠯ | ᠰᠡᠭᠦᠯᠳᠡᠵᠦ ᠢᠷᠡᠭᠡᠳ ᠣᠨᠣᠬᠤ ᠳᠤᠷᠠᠲᠠᠢ ᠣᠯᠠᠨ ᠬᠡᠣᠬᠡᠳ ᠲᠡᠭᠦᠦᠨᠡᠷ ᠡᠷᠢᠭᠡᠳ ᠢᠷᠡᠳᠡᠭ ᠪᠣᠯᠣᠭᠰᠠᠨ ᠪᠣᠯᠬᠤᠷ ᠡᠨᠡ | ᠵᠢᠯ ᠠᠴᠠ ᠰᠢᠯᠢ ᠶᠢᠨ ᠬᠤᠲᠠ ᠶᠢᠨ ᠤᠶᠢᠷᠠᠯᠴᠠᠭᠠ ᠮᠤᠷᠢ ᠤᠨᠤᠬᠤ ᠳᠠᠰᠬᠠᠯᠵᠢᠭᠤᠯᠬᠤ ᠪᠣᠯᠪᠠᠰᠣᠷᠠᠯ ᠤᠨ ᠠᠩᠭᠢ | ᠪᠣᠯᠭᠠᠵᠤ ᠡᠷᠬᠢᠯᠡᠵᠡᠢ᠃ ᠲᠡᠭᠦᠨ ᠲᠠᠢ ᠬᠠᠮᠲᠤ ᠮᠤᠷᠢ ᠰᠣᠶᠢᠵᠤ ᠪᠠᠶᠢᠭᠠ ᠰᠢᠯᠢ ᠶᠢᠨ ᠬᠤᠲᠠ ᠶᠢᠨ ᠴᠤᠬᠠᠭᠤᠯᠠ | ᠰᠣᠮᠣᠨ ᠤ ᠰᠡᠴᠡᠨᠲᠦ᠄ ︽ᠣᠯᠠᠨᠪᠠᠶᠠᠷ ᠲᠡᠭᠦᠦ ᠶᠢᠨ ᠮᠡᠷᠭᠡᠵᠢᠯ ᠰᠠᠶᠢᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠣᠶᠠᠭᠠᠴᠢ ᠬᠦᠮᠦᠨ ᠤ | ᠬᠦᠳᠡᠯᠮᠦᠷᠢᠴᠢ ᠶᠢᠨ ᠴᠢᠬᠤᠯᠠ ᠶᠢ ᠣᠶᠢᠯᠠᠭᠠᠳᠠᠭ᠃ ᠨᠢᠭᠡᠯᠡ ᠰᠡᠳᠬᠢᠯ ᠢᠶᠠᠷ ᠣᠶᠠᠭᠠᠴᠢ ᠶᠢᠨ ᠠᠵᠢᠯ ᠳᠤ ᠪᠠᠨ | ᠰᠢᠭᠤᠳᠴᠦ ᠴᠢᠳᠠᠳᠠᠭ᠃ ᠲᠡᠭᠦᠨ ᠤ ᠣᠶᠠᠭᠰᠠᠨ ᠮᠤᠷᠢ ᠶᠠᠭᠠᠬᠢᠭᠠᠳ ᠴᠦ ᠰᠠᠶᠢᠨ ᠬᠤᠷᠳᠤᠯᠠᠳᠠᠭ ᠨᠢ ᠭᠠᠶᠢᠬᠠᠮᠠᠷ︾ | ᠭᠡᠵᠦ ᠰᠡᠳᠬᠢᠯ ᠲᠦᠭᠦᠷᠡᠩ ᠶᠠᠷᠢᠵᠦ ᠪᠠᠶᠢᠯᠠ᠃ | ᠨᠢᠳᠦᠨᠦᠨ ᠵᠢᠯ ᠢᠶᠠᠷ ᠵᠢᠱᠢᠶᠠᠯᠡᠬᠦ ᠳᠤ ᠣᠯᠠᠨᠪᠠᠶᠠᠷ 86 ᠣᠳᠠᠭᠠᠨ ᠤ ᠤᠷᠤᠯᠳᠤᠭᠠᠨ ᠳᠤ ᠮᠤᠷᠢ ᠪᠠᠨ | ᠬᠤᠷᠳᠤᠯᠠᠭᠤᠯᠵᠤ᠂ 9 ᠣᠳᠠᠭᠠ ᠲᠡᠷᠢᠭᠦᠯᠡᠵᠦ᠂ 52 ᠣᠳᠠᠭᠠ ᠠᠶᠢᠷᠠᠭ ᠲᠤ ᠲᠤᠳᠤᠷᠠᠪᠠ᠃ ᠪᠠᠰᠠ ᠨᠢᠭᠡ | ᠭᠠᠶᠢᠬᠠᠮᠰᠢᠭ ᠢ ᠨᠢ ᠶᠠᠷᠢᠬᠤ ᠪᠠᠷ᠂ 2023 ᠣᠨ ᠤ ᠵᠢᠷᠭᠠᠯᠠᠩᠲᠤ ᠰᠣᠮᠣᠨ ᠤ ᠲᠤᠯᠤᠭᠠᠨ ᠭᠠᠴᠠᠭᠠᠨ ᠤ ᠮᠤᠷᠢᠨ | ᠤᠷᠤᠯᠳᠤᠭᠠᠨ ᠳᠤ ᠣᠯᠠᠨᠪᠠᠶᠠᠷ ᠤᠨ ᠶᠠᠭᠠᠨ ᠴᠤᠬᠤᠷ ᠮᠤᠷᠢ ︵ᠵᠢᠷᠤᠬᠠᠢ ᠶᠢᠨ ᠴᠤᠬᠤᠷ︶ ᠲᠡᠷᠢᠭᠦᠯᠡᠵᠦ᠂ ᠪᠤᠭᠤᠷᠤᠯ | ᠮᠤᠷᠢ ᠨᠢ ᠠᠶᠢᠷᠠᠭ ᠤᠨ ᠲᠡᠪᠤ ᠳᠤ ᠬᠤᠷᠳᠤᠯᠠᠵᠤ᠂ ᠳᠠᠭᠠ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠬᠤᠶᠠᠷ ᠳᠠᠭᠠ ᠨᠢ ᠭᠤᠷᠪᠠ ᠪᠠ | ᠲᠥᠷᠪᠡ ᠳᠤ ᠳᠠᠪᠬᠢᠵᠦ᠂ ᠰᠢᠳᠦᠯᠡᠩ ᠦᠷᠢᠶᠡᠨ ᠤ ᠤᠷᠤᠯᠳᠤᠭᠠᠨ ᠳᠤ ᠬᠠᠷᠠ ᠬᠦᠷᠡᠩ ᠮᠤᠷᠢ ᠨᠢ ᠠᠶᠢᠷᠠᠭ ᠤᠨ | ᠭᠤᠷᠪᠠ ᠳᠤ ᠳᠠᠪᠬᠢᠵᠦ᠂ ᠰᠠᠭᠠᠷᠠᠯ ᠮᠤᠷᠢ ᠨᠢ 7᠂ ᠬᠠᠷᠠ ᠮᠤᠷᠢ ᠨᠢ 8 ᠳᠤ ᠳᠠᠪᠬᠢᠵᠦ᠂ ᠨᠢᠭᠡ ᠯᠡ ᠡᠳᠦᠷ | ᠦᠪᠡᠷ ᠤᠨ ᠣᠶᠠᠭᠰᠠᠨ ᠲᠤᠯᠤᠭᠠᠨ ᠮᠤᠷᠢ ᠨᠢ ᠱᠠᠩᠨᠠᠯ ᠲᠤᠳᠤᠷᠠᠭᠰᠠᠨ ᠪᠠᠶᠢᠨᠠ᠃ | |