| ᠬᠠᠪᠤᠷ ᠴᠠᠭ ᠲᠦᠮᠡᠨ ᠪᠤᠳᠠᠰ ᠠᠮᠢᠯᠠᠨ᠂ ᠡᠬᠡ ᠪᠠᠶᠢᠭᠠᠯᠢ ᠨᠤᠮᠢᠨ ᠨᠤᠭᠤᠭᠠᠨ ᠦᠩᠭᠡ ᠪᠠᠷ ᠰᠣᠯᠣᠩᠭᠠᠷᠠᠨᠠ᠃ | ᠬᠤᠯᠠᠨ ᠰᠢᠷᠭᠠ ᠳᠠᠭᠠ ᠶᠢᠨ ᠡᠯᠡᠰᠦᠷᠬᠡᠭ ᠭᠠᠵᠠᠷ ᠤᠨ ᠰᠦᠨᠦᠭᠡᠯᠲᠡ ᠶᠢᠨ ᠳᠠᠶᠢᠯᠠᠯᠳᠤᠭᠠᠨ ᠤ ᠢᠯᠠᠯᠲᠠ ᠶᠢ ᠡᠷᠡᠰ | ᠳᠡᠮᠡᠴᠡᠨ ᠣᠯᠬᠤ ᠠᠵᠢᠯ ᠢᠳᠡ ᠭᠦᠭ ᠲᠠᠢ ᠦᠨᠦᠳᠦᠷ ᠦᠷᠭᠡᠨ ᠣᠯᠠᠨ ᠮᠠᠯᠴᠢᠨ ᠲᠦᠮᠡᠨ ᠤ ᠨᠣᠳᠤᠭ ᠤᠰᠤ ᠪᠠᠨ | ᠮᠦᠩᠭᠡ ᠨᠤᠭᠤᠭᠠᠨ ᠪᠠᠶᠢᠯᠭᠠᠬᠤ ᠰᠡᠳᠬᠢᠯᠭᠡ ᠣᠯᠠᠮ ᠢᠶᠠᠷ ᠤᠷᠭᠢᠯᠦᠨ ᠪᠠᠳᠠᠷᠠᠵᠠᠢ᠃ ᠲᠡᠳᠡᠭᠡᠷ ᠤᠨ ᠳᠤᠮᠳᠠ ᠰᠠᠶᠢᠨ | ᠳᠤᠷᠠ ᠠᠴᠠ ᠪᠠᠨ ᠮᠤᠳᠤ ᠲᠠᠷᠢᠵᠤ᠂ ᠨᠣᠳᠤᠭ ᠪᠡᠯᠴᠢᠭᠡᠷ ᠢᠶᠠᠨ ᠬᠠᠮᠠᠭᠠᠯᠠᠨ ᠰᠡᠷᠭᠦᠭᠡᠭᠰᠡᠭᠡᠷ ᠢᠷᠡᠭᠰᠡᠨ ᠮᠠᠯᠴᠢᠨ | ᠠᠪᠠᠭᠠ ᠨᠣᠳᠤᠭ ᠲᠤ ᠮᠤᠩᠳᠠᠬᠤ ᠦᠭᠡᠢ ᠣᠯᠠᠨ ᠪᠠᠶᠢᠭᠠ᠃ ᠴᠠᠭᠠᠨᠨᠠᠭᠤᠷ ᠪᠠᠯᠭᠠᠰᠣᠨ ᠤ ᠪᠠᠶᠠᠨᠨᠠᠭᠤᠷ ᠭᠠᠴᠠᠭᠠᠨ ᠤ | ᠮᠠᠯᠴᠢᠨ ᠪᠦᠬᠡᠴᠢᠯᠠᠭᠤ ᠬᠡᠷᠭᠡᠢ ᠣᠷᠠᠩᠭᠤᠸᠠ ᠲᠠᠢ ᠪᠠᠨ ᠡᠪᠡᠰᠦ ᠮᠤᠳᠤ ᠲᠠᠷᠢᠨ᠂ ᠮᠠᠩᠬᠠᠨ ᠨᠣᠳᠤᠭ ᠢᠶᠠᠨ | ᠨᠤᠭᠤᠭᠠᠷᠠᠭᠤᠯᠤᠭᠰᠠᠨ ᠦᠢᠯᠡ ᠠᠵᠢᠯᠯᠠᠭᠠ ᠲᠡᠳᠡᠭᠡᠷ ᠤᠨ ᠳᠤᠮᠳᠠᠬᠢ ᠨᠢᠭᠡ ᠪᠠᠷ ᠳᠤᠷᠠᠳᠤᠭᠳᠠᠬᠤ ᠤᠴᠢᠷᠲᠠᠢ᠃ | ᠪᠦᠬᠡᠴᠢᠯᠠᠭᠤ ᠶᠢᠨ ᠬᠢᠨ 1900 ᠮᠦ ᠨᠣᠳᠤᠭ ᠲᠠᠢ᠂ ᠠᠭᠤᠷ ᠠᠮᠢᠰᠬᠤᠯ ᠪᠤᠯᠤᠨ ᠪᠠᠶᠢᠭᠠᠯᠢ ᠶᠢᠨ | ᠨᠦᠬᠦᠴᠡᠯ ᠤᠨ ᠰᠢᠯᠳᠠᠭᠠᠨ ᠠᠴᠠ ᠪᠣᠯᠵᠤ᠂ ᠡᠷᠬᠢᠨ ᠲᠤᠭᠤᠷᠢᠨ ᠤ ᠪᠡᠯᠴᠢᠭᠡᠷ ᠨᠢ ᠡᠯᠡᠰᠦᠷᠬᠡᠭᠵᠢᠵᠦ᠂ ᠠᠳᠡᠬᠢ | ᠮᠠᠯᠴᠢᠳ ᠤᠨ ᠦᠢᠯᠡᠳᠪᠤᠷᠢᠯᠡᠯ ᠠᠮᠢᠳᠤᠷᠠᠯ ᠳᠤ ᠶᠠᠭᠠᠬᠢᠬᠤ ᠠᠷᠭᠠ ᠦᠭᠡᠢ ᠶᠡᠭᠡ ᠨᠦᠯᠦᠭᠡ ᠪᠣᠯᠵᠤ ᠪᠠᠶᠢᠯᠠ᠃ | ᠲᠡᠶᠢᠨᠬᠦ ᠲᠡᠭᠡᠷᠡ ᠵᠠᠭᠤᠨ ᠤ ᠶᠡᠷᠡᠭᠡᠳ ᠣᠨ ᠤ ᠰᠡᠭᠦᠯᠴᠢ ᠠᠴᠠ ᠡᠬᠢᠯᠡᠨ᠂ ᠪᠦᠬᠡᠴᠢᠯᠠᠭᠤ ᠬᠡᠷᠭᠡᠢ ᠲᠠᠢ ᠪᠠᠨ | ᠬᠤᠶᠠᠭᠤᠯᠠ ᠦᠪᠡᠷ ᠤᠨ ᠨᠣᠳᠤᠭ ᠤᠨ ᠮᠠᠩᠬᠠᠨ ᠳᠤ ᠪᠠᠨ ᠰᠢᠷᠠ ᠪᠤᠷᠭᠠᠰᠤ᠂ ᠣᠯᠠᠭᠠᠨ ᠪᠤᠷᠭᠠᠰᠤ ᠵᠡᠷᠭᠡ ᠪᠤᠳᠠ | ᠮᠣᠳᠣ ᠲᠠᠷᠢᠵᠤ ᠡᠬᠢᠯᠡᠵᠡᠢ᠃ | ︽ᠰᠢᠷᠠ ᠪᠤᠷᠭᠠᠰᠤ ᠪᠣᠯ ᠭᠠᠩ ᠬᠠᠭᠰᠠᠷᠠᠭᠠᠨ ᠳᠤ ᠳᠠᠭᠠᠭᠠᠴᠠ ᠲᠠᠢ᠂ ᠡᠳᠡᠭᠡᠷᠡᠯᠲᠡ ᠶᠢᠨ ᠨᠤᠷᠮᠠ ᠨᠢ | ᠦᠨᠳᠦᠷ᠂ ᠡᠯᠡᠰᠦ ᠶᠢ ᠲᠤᠭᠲᠠᠪᠤᠷᠢᠵᠢᠭᠤᠯᠬᠤ ᠳᠤ ᠮᠠᠰᠢ ᠳᠤᠬᠢᠷᠠᠮᠵᠢᠲᠠᠢ᠂ ᠣᠯᠠᠭᠠᠨ ᠪᠤᠷᠭᠠᠰᠤ ᠶᠢᠨ ᠬᠦᠷᠦᠰᠦᠨ ᠤ | ᠴᠢᠬᠢᠭ ᠤᠨ ᠬᠡᠮᠵᠢᠶᠡ ᠪᠠ ᠤᠰᠤᠨ ᠤ ᠬᠡᠮᠵᠢᠶᠡ ᠶᠢᠨ ᠱᠠᠭᠠᠷᠳᠠᠯᠭᠠ ᠨᠢ ᠨᠡᠯᠢᠶᠡᠳ ᠦᠨᠳᠦᠷ᠂ ᠰᠠᠯᠬᠢᠨ ᠤ ᠬᠠᠯᠬᠠᠪᠴᠢ | ᠬᠠᠮᠠᠭᠠᠯᠠᠯᠲᠠ ᠬᠢᠬᠦ ᠳᠤ ᠰᠠᠶᠢᠨ ᠣᠷᠭᠤᠮᠠᠯ ᠰᠢᠦ᠃ ᠣᠯᠢᠶᠠᠰᠤ ᠶᠢ ᠲᠠᠷᠢᠵᠤ ᠣᠷᠭᠤᠭᠤᠯᠬᠤ ᠳᠤ ᠠᠮᠠᠷᠬᠠᠨ᠂ ᠭᠡᠪᠡᠴᠦ | ᠡᠬᠢᠨ ᠤ ᠬᠡᠳᠦᠨ ᠵᠢᠯ ᠳᠤ ᠪᠠᠨ ᠵᠠᠪᠠᠯ ᠤᠰᠤᠯᠠᠬᠤ ᠬᠡᠷᠡᠭᠲᠡᠢ᠃ ᠲᠡᠷᠡ ᠥᠶᠡ ᠳᠤ ᠮᠠᠰᠢᠨ ᠲᠤᠨᠤᠭ ᠬᠡᠮᠡᠷ ᠵᠦᠢᠯ | ᠦᠭᠡᠢ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠪᠤᠷᠭᠠᠰᠤ ᠪᠠᠨ ᠰᠦᠬᠡ ᠪᠠᠷ ᠴᠠᠪᠴᠢᠨ ᠪᠤᠭᠤᠨᠢᠬᠠᠨ ᠪᠣᠭᠤᠨᠢᠬᠠᠨ ᠣᠭᠳᠤᠯᠵᠤ ᠲᠠᠷᠢᠳᠠᠭ᠃ | ᠮᠠᠰᠢᠨ ᠬᠤᠤᠳᠳᠤᠭ ᠴᠦ ᠪᠠᠶᠢᠭᠠ ᠦᠭᠡᠢ ᠪᠣᠯᠬᠤᠷ ᠮᠤᠳᠤ ᠪᠠᠨ ᠣᠰᠤ ᠳᠠᠮᠨᠠᠵᠤ ᠣᠰᠤᠯᠠᠳᠠᠭ ᠪᠠᠶᠢᠯᠠ︾ ᠭᠡᠵᠦ | ᠣᠷᠠᠩᠭᠤᠸᠠ ᠡᠯᠡᠰᠦ ᠶᠢ ᠵᠠᠰᠠᠵᠤ ᠨᠤᠭᠤᠭᠠᠷᠠᠭᠤᠯᠤᠭᠰᠠᠨ ᠠᠩᠬᠠᠨ ᠤ ᠳᠤᠷᠰᠢᠴᠠ ᠳᠤᠷᠰᠢᠯᠭᠠ ᠪᠠᠨ ᠡᠷᠬᠢᠴᠡᠭᠦᠯᠦᠨᠡ᠃ | ᠪᠦᠬᠡᠴᠢᠯᠠᠭᠤ ᠣᠷᠠᠩᠭᠤᠸᠠ ᠬᠤᠶᠠᠭᠤᠯᠠ ᠶᠢᠨ ᠴᠦᠬᠦᠷᠡᠰᠢ ᠦᠭᠡᠢ ᠴᠢᠷᠮᠠᠶᠢᠯᠭᠠ ᠪᠠᠷ᠂ ᠦᠩᠭᠡᠷᠡᠭᠰᠡᠨ ᠤ ᠮᠠᠩᠬᠠᠨ | ᠨᠣᠳᠤᠭ ᠨᠢ ᠦᠨᠳᠦᠷ ᠠᠮᠢᠵᠢᠷᠠᠯ ᠤᠨ ᠨᠤᠭᠤᠭᠠᠨ ᠦᠩᠭᠡ ᠪᠠᠷ ᠬᠤᠴᠢᠭᠳᠠᠭᠰᠠᠨ ᠭᠤᠶᠢᠳᠠ ᠦᠵᠡᠮᠵᠢ ᠶᠢ | ᠪᠦᠷᠢᠳᠦᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠳᠠᠳᠡ 30 ᠰᠢᠬᠠᠮ ᠵᠢᠯ ᠤᠨ ᠡᠯᠡᠰᠦ ᠶᠢ ᠵᠠᠰᠠᠵᠤ ᠨᠤᠭᠤᠭᠠᠷᠠᠭᠤᠯᠤᠭᠰᠠᠨ | ᠤᠷᠤᠯᠳᠤᠯᠭᠠ ᠳᠤᠷᠰᠢᠴᠠ ᠠᠴᠠ ᠪᠠᠨ ᠦᠯᠡᠮᠵᠢ ᠳᠤᠷᠰᠢᠯᠭᠠ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠨᠢ ᠳᠠᠮᠵᠢᠭ ᠦᠭᠡᠢ᠃ | ︽ᠭᠦᠯᠢᠭᠡᠨ ᠮᠠᠩᠬᠠ ᠪᠣᠯ ᠬᠦᠮᠦᠷᠢᠵᠦ ᠪᠠᠭᠤᠬᠤ ᠨᠢ ᠲᠦᠷᠭᠡᠨ ᠪᠠᠶᠢᠵᠤ᠂ ᠣᠯᠠᠮ ᠢᠶᠠᠷ ᠦᠷᠭᠡᠵᠢᠳᠡᠭ ᠶᠤᠮ | ᠪᠣᠯᠬᠤᠷ ᠰᠠᠯᠬᠢᠨ ᠲᠡᠭᠡᠷᠡ ᠨᠢ ᠨᠤᠭᠤᠭᠠᠷᠠᠭᠤᠯᠴᠢᠬᠠᠪᠠᠯ ᠬᠥᠯ ᠢ ᠨᠢ ᠬᠤᠷᠢᠴᠢᠬᠠᠬᠤ ᠮᠦᠷᠲᠡᠭᠡᠨ ᠬᠦᠷᠦᠰᠦᠯᠡᠵᠦ᠂ | ᠤᠨᠳᠤᠤ ᠲᠦᠷᠦᠯ ᠤᠨ ᠣᠷᠭᠤᠮᠠᠯ ᠴᠦ ᠳᠠᠭᠠᠯᠳᠤᠨ ᠣᠷᠭᠤᠵᠤ ᠠᠮᠢᠯᠠᠨ ᠰᠡᠷᠭᠦᠵᠦ ᠴᠢᠳᠠᠨᠠ᠃ ᠲᠡᠭᠡᠬᠦᠯᠡᠷ ᠪᠢᠳᠡ | ᠵᠢᠯ ᠳᠤ ᠪᠠᠨ ᠰᠠᠶᠢᠨ ᠳᠤᠷᠠ ᠠᠴᠠ ᠪᠠᠨ ᠬᠠᠮᠵᠢᠯᠴᠠᠨ ᠮᠣᠳᠣ ᠲᠠᠷᠢᠵᠤ᠂ ᠬᠠᠮᠳᠤᠪᠠᠷ ᠨᠣᠳᠤᠭ ᠣᠰᠤ ᠪᠠᠨ ᠬᠠᠮᠠᠭᠠᠯᠠᠨ | ᠰᠡᠷᠭᠦᠭᠡᠵᠦ᠂ ᠬᠡᠣᠬᠡᠳ ᠲᠡᠭᠦᠦᠨᠡᠷ ᠲᠤ ᠪᠠᠨ ᠨᠣᠮᠢᠨ ᠨᠤᠭᠤᠭᠠᠨ ᠢᠶᠠᠷ ᠨᠢ ᠦᠯᠡᠳᠡᠭᠡᠵᠦ ᠥᠭᠬᠦ ᠪᠠᠷ ᠮᠡᠷᠡᠶᠢᠭᠰᠡᠭᠡᠷ︾ | ᠭᠡᠵᠦ ᠣᠷᠠᠩᠭᠤᠸᠠ ᠣᠴᠢᠷᠯᠠᠨᠠ᠃ | ᠲᠡᠳᠡ ᠬᠤᠶᠠᠭᠤᠯᠠ ᠶᠢᠨ ᠣᠯᠠᠨ ᠵᠢᠯ ᠤᠨ ᠪᠠᠷᠢᠮᠲᠠᠯᠠᠯ ᠢᠶᠠᠷ ᠦᠪᠡᠷ ᠤᠨ ᠡᠯᠡᠰᠦᠷᠬᠡᠭᠵᠢᠭᠰᠡᠨ ᠨᠣᠳᠤᠭ ᠢᠶᠠᠨ | ᠨᠤᠭᠤᠭᠠᠷᠠᠭᠤᠯᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠳᠤᠰᠬᠠᠢ ᠴᠢᠬᠢ ᠮᠤᠳᠤ ᠪᠣᠶᠢᠵᠢᠭᠤᠯᠵᠤ᠂ ᠮᠠᠯᠴᠢᠨ ᠲᠦᠮᠡᠨ ᠳᠤ ᠪᠠᠨ | ᠦᠨᠡ ᠲᠦᠯᠦᠪᠤᠷᠢ ᠦᠭᠡᠢ ᠬᠠᠩᠭᠠᠳᠠᠭ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠡᠳᠡᠨᠡᠶᠢᠬᠡᠨ ᠤ ᠨᠢᠳᠦᠨ ᠳᠤ ᠦᠵᠡᠭᠳᠡᠮᠡ ᠦᠷᠡ | ᠪᠦᠳᠦᠮᠵᠢ ᠨᠢ ᠣᠶᠢᠷᠠ ᠬᠠᠪᠢ ᠶᠢᠨ ᠮᠠᠯᠵᠢᠬᠤ ᠡᠷᠦᠬᠡ ᠳᠤ ᠪᠠᠨ ᠪᠢᠰᠢᠷᠡᠭᠳᠡᠨ᠂ ᠡᠯᠡᠰᠦᠷᠬᠡᠭᠵᠢᠬᠦ ᠶᠢ ᠰᠡᠷᠭᠡᠶᠢᠯᠡᠨ | ᠡᠯᠡᠰᠦ ᠶᠢ ᠵᠠᠰᠠᠬᠤ ᠣᠷᠮᠠ ᠵᠣᠷᠢᠭ ᠢ ᠨᠢ ᠬᠦᠪᠴᠢᠯᠡᠭᠰᠡᠨ ᠪᠦᠭᠡᠳ ᠮᠠᠯᠴᠢᠳ ᠴᠦ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ | ᠬᠦᠳᠡᠯᠦᠯᠴᠡᠵᠦ᠂ ᠡᠳᠡᠨᠡᠶᠢᠬᠡᠨ ᠠᠴᠠ ᠴᠢᠬᠢ ᠮᠤᠳᠤ ᠤᠷᠤᠭᠤᠯᠬᠤ ᠨᠢ ᠵᠦᠩᠳᠡᠭᠡᠨ ᠮᠦᠷᠲᠡᠭᠡᠨ ᠪᠦᠬᠡᠴᠢᠯᠠᠭᠤ | ᠦᠪᠡᠷᠲᠡᠭᠡᠨ ᠣᠴᠢᠵᠤ ᠲᠠᠷᠢᠵᠤ ᠥᠭᠳᠡᠭ ᠴᠦ ᠪᠣᠢ᠃ ᠪᠠᠰᠠ ᠭᠠᠴᠠᠭᠠᠨ ᠤ ︽ᠲᠡᠭᠵᠢᠷᠡᠯ ᠬᠤᠷᠰᠢᠶᠠᠵᠢᠯ︾ ᠲᠤ | ᠰᠠᠶᠢᠨ ᠳᠤᠷᠠ ᠠᠴᠠ ᠪᠠᠨ ᠤᠷᠤᠯᠴᠠᠵᠤ᠂ ᠠᠮᠢ ᠠᠬᠤᠢ ᠶᠢᠨ ᠤᠷᠴᠢᠨ ᠲᠤᠭᠤᠷᠢᠨ ᠢ ᠬᠠᠮᠠᠭᠠᠯᠠᠬᠤ ᠨᠠᠨᠳᠢᠨ | ᠦᠢᠯᠡᠰ ᠲᠤ ᠬᠠᠮᠲᠤ ᠶᠢᠨ ᠠᠵᠢᠯᠯᠠᠭᠠ ᠦᠷᠨᠢᠭᠦᠯᠵᠦ ᠶᠠᠪᠤᠯᠠ᠃ ᠡᠶᠢᠨᠬᠦ ᠨᠤᠭᠤᠭᠠᠷᠠᠭᠤᠯᠤᠯᠲᠠ ᠶᠢᠨ ᠠᠵᠢᠯ ᠳᠤᠨᠢ | ᠪᠠᠲᠤ ᠭᠡᠷᠡᠴᠢ ᠪᠣᠯᠵᠤ᠂ 2011 ᠣᠨ ᠳᠤ ᠭᠠᠴᠠᠭᠠᠨ ᠳᠤ ᠪᠠᠨ ︽ᠣᠶᠢᠵᠢᠭᠤᠯᠤᠯᠲᠠ ᠶᠢᠨ ᠵᠢᠱᠢᠶᠠ ᠡᠷᠦᠬᠡ︾ ᠶᠢᠨ | ᠱᠠᠩᠨᠠᠯ ᠭᠠᠷᠳᠠᠭᠰᠠᠨ ᠨᠢ ᠨᠡᠩ ᠶᠡᠭᠡ ᠵᠤᠷᠢᠭᠵᠢᠭᠤᠯᠤᠯ ᠪᠣᠯᠣᠭᠰᠠᠨ ᠶᠤᠮ᠂ ᠭᠡᠬᠦ ᠳᠤ ᠪᠠᠨ ᠲᠡᠳᠡ ᠡᠨ᠋ᠨᠬᠦ ᠢᠷᠠᠭᠤ | ᠠᠯᠳᠠᠷ ᠨᠢ ᠮᠠᠯᠴᠢᠨ ᠲᠦᠮᠡᠨ ᠤ ᠮᠢᠨᠢ ᠬᠠᠮᠲᠤ ᠶᠢᠨ ᠢᠷᠠᠭᠤ ᠠᠯᠳᠠᠷ ᠬᠡᠮᠡᠨ ᠦᠵᠡᠵᠦ᠂ ᠲᠡᠳᠡᠨ ᠳᠤ ᠪᠠᠨ | ᠰᠡᠳᠬᠢᠯ ᠤᠨ ᠭᠦᠨ ᠠᠴᠠ ᠪᠠᠨ ᠲᠡᠯᠡᠷᠬᠠᠵᠤ ᠶᠠᠪᠤᠳᠠᠭ᠃ | ︽ᠮᠤᠳᠤ ᠲᠠᠷᠢᠵᠤ ᠨᠤᠭᠤᠭᠠᠷᠠᠭᠤᠯᠬᠤ ᠳᠤ ᠪᠢᠳᠡ ᠬᠤᠶᠠᠭᠤᠯᠠ ᠪᠠᠨ ᠭᠡᠵᠢᠶᠡᠳᠡ ᠰᠠᠨᠠᠯ ᠨᠢᠭᠡᠲᠡᠢ ᠪᠠᠶᠢᠳᠠᠭ᠃ | ᠣᠶᠢᠵᠢᠭᠤᠯᠬᠤ ᠪᠣᠯ ᠠᠯᠤᠰ ᠢᠷᠡᠭᠡᠳᠦᠢ ᠳᠤ ᠬᠤᠯᠪᠣᠭᠳᠠᠬᠤ᠂ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠳᠤ ᠬᠤᠯᠪᠤᠭᠳᠠᠬᠤ ᠠᠷᠢᠭᠤᠨ | ᠲᠠᠷᠬᠠᠨ ᠦᠢᠯᠡ ᠭᠡᠵᠦ ᠪᠢᠳᠡ ᠦᠵᠡᠳᠡᠭ᠃ ᠡᠶᠢᠮᠦ ᠠᠴᠠ ᠪᠢᠳᠡ ᠰᠡᠳᠬᠢᠯ ᠳᠤ ᠬᠦᠪᠦᠷᠡᠭᠰᠡᠨ ᠨᠤᠭᠤᠭᠠᠨ | ᠬᠦᠰᠡᠯ ᠢᠶᠠᠨ ᠢᠮᠠᠭᠲᠠ ᠪᠠᠷᠢᠮᠲᠠᠯᠠᠭᠰᠠᠭᠠᠷ ᠢᠷᠡᠭᠰᠡᠨ᠃ ᠣᠶᠢᠷᠠ ᠶᠢᠨ ᠬᠡᠳᠦᠨ ᠵᠢᠯ ᠳᠤ ᠬᠦᠮᠦᠰ ᠤᠨ ᠦᠵᠡᠯ | ᠣᠬᠠᠮᠰᠠᠷ ᠳᠡᠭᠡᠭᠰᠢᠯᠡᠬᠦ ᠶᠢ ᠳᠠᠭᠠᠯᠳᠤᠨ᠂ ᠡᠯᠡ ᠲᠦᠷᠦᠯ ᠤᠨ ᠮᠠᠰᠢᠨ ᠪᠠᠭᠠᠵᠢ ᠴᠦ ᠣᠯᠠᠮ ᠳᠠᠪᠰᠢᠩᠭᠤᠢ ᠪᠣᠯᠵᠤ᠂ | ᠣᠯᠠᠨ ᠢᠶᠠᠷ ᠢᠶᠠᠨ ᠡᠨᠡᠬᠦ ᠨᠠᠨᠳᠢᠨ ᠦᠢᠯᠡᠰ ᠲᠤ ᠤᠷᠤᠯᠴᠠᠬᠤ ᠳᠤ ᠲᠦᠭᠦᠮ ᠪᠣᠯᠵᠤ᠂ ᠨᠣᠳᠤᠭ ᠤᠷᠤᠨ ᠢᠶᠠᠨ ᠨᠤᠮᠢᠨ | ᠨᠤᠭᠤᠭᠠᠨ ᠦᠩᠭᠡ ᠪᠠᠷ ᠴᠢᠮᠡᠬᠦ ᠪᠣᠯᠣᠭᠰᠠᠨ ᠳᠤ ᠰᠡᠳᠬᠢᠯ ᠬᠠᠩᠬᠤᠯᠤᠭᠤᠨ ᠪᠠᠶᠢᠨᠠ︾ ᠭᠡᠵᠦ ᠣᠷᠠᠩᠭᠤᠸᠠ ᠢᠲᠡᠭᠡᠯ | ᠲᠡᠭᠦᠯᠳᠡᠷ ᠶᠠᠷᠢᠨᠠ᠃ | ᠰᠢᠨᠡ ᠪᠠᠷ ᠵᠠᠶᠢᠯᠠᠭᠰᠠᠨ ᠵᠤᠯᠵᠠᠭᠠᠨ ᠮᠤᠳᠤᠳ ᠰᠠᠯᠬᠢᠨ ᠤ ᠠᠶᠠ ᠪᠠᠷ ᠨᠠᠶᠢᠭᠤᠨ᠂ ᠠᠮᠢᠵᠢᠷᠠᠯ ᠤᠨ ᠬᠦᠴᠦᠨ ᠢᠶᠠᠷ | ᠪᠢᠯᠬᠠᠨᠠ᠃ ᠭᠡᠷ ᠤᠨ ᠬᠢᠨ ᠬᠤᠶᠢᠭᠤᠷ ᠲᠦᠷᠪᠡᠭᠡᠨ ᠰᠠᠭᠤᠷᠢ ᠪᠠᠶᠢᠭᠠᠯᠢᠯᠢᠭ ᠬᠠᠶᠢᠯᠠᠰᠣᠨ ᠮᠣᠳᠣ ᠪᠠᠶᠢᠭᠰᠠᠨ ᠢ ᠮᠠᠯ | ᠤᠨᠤᠭᠠ ᠤᠷᠤᠭᠤᠯᠬᠤ ᠦᠭᠡᠢ ᠪᠢᠳᠡᠭᠦᠮᠵᠢᠯᠡᠵᠦ ᠬᠠᠮᠠᠭᠠᠯᠠᠭᠠᠳ ᠣᠳᠣ ᠪᠣᠯᠬᠤ ᠳᠤ ᠨᠢᠭᠡᠨᠲᠡ ᠬᠠᠶᠢᠯᠠᠰᠤᠨ ᠮᠤᠳᠤᠨ | ᠰᠢᠭᠤᠢ ᠪᠣᠯᠣᠨ ᠦᠷᠭᠡᠵᠢᠵᠦ᠂ ︽ᠪᠠᠶᠢᠭᠠᠯᠢᠯᠢᠭ ᠴᠡᠴᠡᠷᠯᠢᠭ︾ ᠤᠨ ᠦᠵᠡᠮᠵᠢ ᠪᠦᠷᠢᠳᠦᠭᠦᠯᠦᠨᠡ᠃ | ᠪᠦᠬᠡᠴᠢᠯᠠᠭᠤ ᠤᠷᠠᠩᠭᠤᠸᠠ ᠬᠤᠶᠠᠭᠤᠯᠠ ᠶᠢᠨ ︽ᠨᠤᠭᠤᠭᠠᠨ ᠬᠦᠰᠡᠯ︾ ᠲᠡᠷᠭᠡᠯᠰᠢᠬᠦᠯᠬᠦ ᠪᠠᠷ ᠵᠤᠷᠢᠮᠠᠭ | ᠵᠢᠳᠭᠦᠭᠰᠡᠨ ᠰᠢᠷᠭᠠᠭᠤ ᠬᠦᠳᠡᠯᠮᠦᠷᠢ ᠶᠢᠨ ᠢᠷᠠᠭᠤ ᠲᠠᠭᠤᠯᠠᠯ ᠡᠨᠡ ᠨᠣᠳᠤᠭ ᠲᠤ ᠡᠶᠢᠨᠬᠦ ᠪᠢᠴᠢᠭᠯᠡᠭᠳᠡᠨᠡ᠃ |