| ᠠᠪᠠᠭᠠ ᠨᠤᠲᠤᠭ ᠤᠨ ᠭᠦᠦᠯ ᠴᠠᠭᠠᠨ ᠨᠠᠭᠤᠷ ᠤᠨ ᠤᠷᠲᠤ ᠬᠥᠪᠡᠭᠡ ᠶᠢ ᠵᠠᠬᠠᠳᠠᠭᠰᠠᠨ ᠬᠤᠯᠠᠨ ᠰᠢᠷᠭᠠ | ᠲᠠᠭᠠ ᠶᠢᠨ ᠡᠯᠡᠰᠦᠨ ᠤ ᠬᠤᠶᠢᠲᠤ ᠵᠠᠬᠠ ᠶᠢ ᠡᠮᠵᠢᠶᠡᠷᠢᠯᠡᠭᠰᠡᠨ ᠮᠠᠩᠬᠠᠯᠢᠭ ᠨᠤᠲᠤᠭ ᠲᠤ ᠴᠠᠭᠠᠨᠨᠠᠭᠤᠷ ᠪᠠᠯᠭᠠᠰᠤᠨ ᠤ | ᠤᠯᠠᠭᠠᠨᠲᠤᠶᠠᠭᠠ ᠭᠠᠴᠠᠭᠠ ᠭᠡᠵᠦ ᠪᠠᠶᠢᠷᠢᠰᠢᠵᠦ ᠪᠠᠶᠢᠳᠠᠭ ᠶᠤᠮ᠃ ᠲᠤᠰ ᠭᠠᠴᠠᠭᠠ ᠨᠢ ᠡᠮᠦᠨᠡᠭᠦᠷ ᠢᠶᠠᠨ ᠰᠢᠯᠤᠭᠤᠨ | ᠬᠥᠪᠡᠭᠡᠲᠦ ᠴᠠᠭᠠᠨ ᠬᠤᠰᠢᠭᠤ᠂ ᠪᠠᠷᠠᠭᠤᠨ ᠲᠠᠯᠠ ᠪᠠᠷ ᠢᠶᠠᠨ ᠰᠦᠨᠢᠳ ᠵᠡᠭᠦᠨ ᠬᠤᠰᠢᠭᠤ ᠲᠠᠢ ᠵᠠᠭᠠᠯᠠᠵᠦ ᠪᠠᠶᠢᠭᠠ | ᠠᠭᠤᠳᠠᠮ ᠰᠠᠶᠢᠬᠠᠨ ᠨᠤᠲᠤᠭ ᠪᠢᠯᠡ᠃ | ᠡᠨᠡ ᠨᠤᠲᠤᠭ ᠤᠨ ᠠᠵᠢᠯᠴᠢ ᠵᠠᠯᠠᠭᠤ ᠮᠠᠯᠴᠢᠨ᠂ ᠨᠤᠷᠪᠤᠳᠤᠷᠵᠢ ᠶᠢᠨ ᠪᠤᠶᠠᠨᠮᠠᠨᠳᠤᠬᠤ ᠶᠢ ᠰᠤᠷᠪᠤᠯᠵᠢᠯᠠᠨ ᠵᠤᠭᠤᠭ | ᠳᠡᠯᠭᠡᠭᠰᠡᠨ ᠶᠤᠮ ᠰᠠᠨ᠃ | — ᠲᠠᠨ ᠤ ᠬᠢ ᠬᠡᠳᠦᠨ ᠬᠦᠮᠦᠨ ᠲᠠᠢ ᠪᠤᠢ︖ | — ᠮᠠᠨ ᠤ ᠬᠢ ᠵᠢᠷᠭᠤᠭᠤᠯᠠ ᠰᠢᠦ᠂ ᠠᠪᠤ ᠡᠵᠢ ᠪᠤᠯᠤᠨ ᠬᠤᠶᠠᠷ ᠬᠡᠦᠬᠡᠳ ᠲᠠᠢ ᠪᠠᠨ ᠠᠮᠢᠳᠤᠷᠠᠳᠠᠭ᠃ ᠶᠡᠭᠡ | ᠬᠦᠦ ᠦᠪᠦᠷ ᠮᠣᠩᠭᠤᠯ ᠤᠨ ᠦᠨᠳᠦᠰᠦᠲᠡᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠵᠤ ᠪᠠᠶᠢᠨᠠ᠃ ᠪᠠᠭᠠ ᠬᠦᠦ | ᠬᠤᠰᠢᠭᠤᠨ ᠲᠥᠪ ᠲᠡᠭᠡᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠬᠤᠶᠠᠳᠤᠭᠠᠷ ᠠᠩᠭᠢ ᠳᠤ ᠰᠤᠷᠤᠯᠴᠠᠵᠤ᠂ ᠡᠪᠦᠭᠡ ᠡᠮᠡᠭᠡ | ᠨᠢ ᠬᠠᠷᠠᠵᠤ ᠪᠠᠶᠢᠭᠠ ᠶᠤᠮ᠃ | — ᠲᠠᠨ ᠤ ᠪᠡᠯᠴᠢᠭᠡᠷ ᠤᠨ ᠲᠠᠯᠠᠪᠠᠢ ᠪᠤᠯᠤᠨ ᠨᠤᠲᠤᠭ ᠤᠨ ᠪᠦᠲᠦᠴᠡ ᠶᠢᠨ ᠥᠪᠢᠷᠮᠢᠴᠡ ᠲᠠᠯᠠ ᠪᠠᠷ ᠶᠠᠷᠢᠪᠠᠯ | ᠶᠠᠮᠠᠷ ᠪᠤᠢ︖ | — ᠮᠠᠨ ᠤ ᠬᠢ ᠲᠥᠮᠡ ᠤᠷᠴᠢᠮ ᠮᠦ ᠪᠡᠯᠴᠢᠭᠡᠷ ᠲᠠᠢ᠂ ᠪᠠᠶᠢᠭᠠᠯᠢᠯᠢᠭ ᠵᠢᠵᠢᠭᠬᠡᠨ ᠨᠠᠭᠤᠷ ᠪᠤᠢ᠃ ᠨᠠᠭᠤᠷ ᠢᠶᠠᠨ | ᠲᠤᠭᠤᠷᠢᠭᠠᠳ ᠵᠡᠭᠡᠰᠦ ᠵᠦᠯᠭᠡ ᠶᠢᠨ ᠤᠷᠭᠤᠮᠠᠯ ᠲᠠᠢ᠂ ᠲᠡᠭᠦᠨ ᠢᠶᠠᠨ ᠲᠤᠭᠤᠷᠢᠭᠠᠳ ᠬᠡᠰᠡᠭ ᠬᠡᠰᠡᠭ ᠬᠤᠩᠬᠤᠷ | ᠲᠠᠭᠠᠨ ᠪᠤᠷᠭᠠᠰᠤ ᠲᠠᠢ ᠨᠤᠲᠤᠭ ᠶᠤᠮ᠃ ᠮᠠᠩᠬᠠᠨ ᠨᠤᠲᠤᠭ ᠤᠨ ᠬᠦᠷᠦᠰᠦ ᠲᠤᠩ ᠬᠡᠪᠡᠷᠡᠭ ᠪᠠᠶᠢᠳᠠᠭ ᠤᠨ ᠤᠴᠢᠷ | ᠨᠢ ᠤᠷᠭᠤᠮᠠᠯ ᠤᠨ ᠪᠦᠲᠦᠴᠡ ᠨᠢ ᠭᠤᠤᠯᠳᠠᠭᠤ ᠪᠦᠳᠦᠭᠦᠯᠢᠭ ᠪᠠᠶᠢᠳᠠᠭ ᠠᠴᠠ ᠪᠤᠯᠤᠭᠰᠠᠨ ᠶᠤᠮ᠃ ᠰᠢᠪᠠᠭ᠂ | ᠰᠣᠯᠢ᠂ ᠴᠤᠯᠢᠭᠢᠷ᠂ ᠪᠤᠵᠢᠮᠠᠭ᠂ ᠰᠢᠷᠠ ᠪᠤᠷᠭᠠᠰᠤ ᠭᠡᠬᠦ ᠮᠡᠲᠦᠴᠢᠯᠡᠨ ᠪᠤᠰᠤᠳ ᠤᠷᠭᠤᠮᠠᠯ ᠴᠦ ᠨᠡᠯᠢᠶᠡᠳ | ᠪᠦᠳᠦᠭᠦᠯᠢᠭ ᠮᠦᠷᠲᠡᠭᠡᠨ ᠰᠡᠶᠢᠷᠡᠭ ᠪᠠᠶᠢᠳᠠᠭ ᠪᠤᠯᠬᠤᠷ ᠳᠤᠬᠢᠷᠠᠮᠵᠢᠲᠠᠢ ᠴᠠᠭ ᠬᠤᠭᠤᠴᠠᠭᠠ ᠪᠠ ᠪᠡᠯᠴᠢᠭᠡᠷ ᠤᠨ | ᠦᠳᠬᠡᠴᠡ ᠶᠢ ᠰᠠᠶᠢᠳᠤᠷ ᠠᠩᠬᠠᠷᠴᠤ ᠪᠠᠶᠢᠪᠠᠯ ᠡᠪᠳᠡᠭᠳᠡᠵᠦ ᠳᠠᠴᠢᠷᠰᠢᠬᠤ ᠨᠢ ᠪᠠᠭᠠ ᠪᠠᠶᠢᠳᠠᠭ ᠶᠤᠮ᠃ ᠪᠢᠳᠡ | ᠲᠤᠤᠷ ᠬᠦᠷᠢᠶᠡ ᠪᠠᠨ ᠬᠡᠰᠡᠭᠯᠡᠨ ᠬᠤᠪᠢᠶᠠᠵᠤ᠂ ᠤᠯᠠᠷᠢᠯ ᠰᠡᠯᠬᠦᠨ ᠮᠠᠯᠵᠢᠳᠠᠭ᠃ ᠨᠤᠲᠤᠭ ᠪᠡᠯᠴᠢᠭᠡᠷ ᠤᠨ | ᠳᠠᠭᠠᠭᠠᠴᠠ ᠳᠤ ᠪᠠᠨ ᠳᠤᠬᠢᠷᠠᠭᠤᠯᠤᠨ ᠮᠠᠯ ᠤᠨ ᠲᠤᠭᠠ ᠲᠤᠯᠤᠭᠠᠢ ᠪᠠᠨ ᠴᠥᠬᠡᠴᠢᠯᠡᠵᠦ᠂ ᠦᠬᠡᠷ ᠢᠶᠠᠨ ᠵᠢᠭᠠᠬᠠᠨ | ᠢᠯᠡᠭᠦᠦ ᠰᠢᠭ᠂ ᠬᠡᠳᠦᠨ ᠲᠡᠮᠡᠭᠡ᠂ ᠬᠡᠳᠦᠨ ᠠᠳᠤᠭᠤ᠂ ᠬᠡᠳᠦᠨ ᠪᠤᠭ ᠮᠠᠯ ᠲᠠᠢ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠪᠦᠷᠢᠨ | ᠲᠤᠭᠠ ᠲᠠᠢ ᠪᠠᠶᠢᠬᠤ ᠶᠤᠮ ᠳ᠋ᠠ᠃ | — ᠡᠳᠡᠭᠡᠷ ᠤᠷᠭᠤᠮᠠᠯ ᠢᠶᠠᠨ ᠬᠡᠷᠬᠢᠨ ᠬᠠᠮᠠᠭᠠᠯᠠᠳᠠᠭ ᠪᠤᠢ︖ | — ᠬᠡᠰᠡᠭᠯᠡᠭᠰᠡᠨ ᠬᠦᠷᠢᠶᠡᠨ ᠳᠤ ᠪᠠᠨ ᠡᠪᠡᠰᠦ ᠲᠠᠷᠢᠭᠰᠠᠨ᠃ ᠲᠡᠷᠡ ᠨᠢ ᠣᠳᠣ ᠪᠣᠯᠬᠤ ᠳᠤ ᠨᠡᠯᠢᠶᠡᠳ | ᠮᠡᠳᠡᠭᠳᠡᠮᠡ ᠨᠢᠭᠲᠠᠴᠠ ᠲᠠᠢ᠂ ᠨᠠᠷᠢᠯᠢᠭ ᠰᠠᠶᠢᠨ ᠴᠢᠨᠠᠷ ᠤᠨ ᠤᠷᠭᠤᠮᠠᠯ ᠢᠶᠠᠷ ᠪᠦᠷᠬᠦᠵᠦ ᠪᠠᠶᠢᠭᠠ ᠨᠢ ᠪᠢᠳᠡᠨ ᠢ | ᠪᠠᠶᠠᠷᠯᠠᠭᠤᠯᠳᠠᠭ ᠶᠤᠮ ᠰᠢᠦ ᠃ ᠪᠤᠷᠭᠠᠰᠤ ᠮᠤᠳᠤ ᠭᠡᠳᠡᠭ ᠤᠷᠭᠤᠮᠠᠯ ᠢ ᠠᠷᠠᠴᠢᠯᠠᠬᠤ ᠦᠭᠡᠢ ᠬᠠᠶᠠᠴᠢᠬᠠᠪᠠᠯ | ᠬᠡᠳᠦᠬᠡᠨ ᠵᠢᠯ ᠤᠨ ᠳᠠᠷᠠᠭᠠ ᠪᠦᠳᠦᠭᠦᠷᠡᠵᠦ ᠲᠤᠮᠤᠷᠠᠭᠠᠳ᠂ ᠤᠷᠭᠤᠴᠠ ᠨᠢ ᠬᠦᠢᠴᠡᠵᠦ᠂ ᠪᠠᠰᠠ ᠰᠢᠨᠡ | ᠰᠤᠶᠤᠭᠠ ᠪᠠᠨ ᠨᠦᠯᠦᠭᠡᠯᠡᠵᠦ᠂ ᠢᠩᠭᠢᠭᠰᠡᠭᠡᠷ ᠪᠠᠶᠢᠭᠠᠳ ᠥᠪᠡᠷ ᠢᠶᠠᠨ ᠦᠬᠢᠷᠡᠵᠦ ᠰᠦᠢᠲᠦᠭᠡᠳ ᠣᠷᠣ ᠦᠭᠡᠢ | ᠪᠤᠯᠴᠢᠬᠠᠳᠠᠭ ᠶᠤᠮ᠃ ᠤᠤᠯ ᠨᠢ ᠨᠡᠯᠢᠶᠡᠳ ᠶᠡᠭᠡ ᠬᠡᠮᠵᠢᠶᠡᠨ ᠤ ᠤᠢ ᠰᠢᠭᠤᠢ ᠲᠠᠢ ᠪᠠᠶᠢᠭᠰᠠᠨ ᠭᠠᠵᠠᠷ ᠤᠳ ᠣᠳᠣ | ᠶᠠᠭᠤ ᠴᠦ ᠦᠭᠡᠢ ᠪᠤᠯᠤᠭᠠᠳ ᠯᠡ ᠪᠠᠶᠢᠨᠠ ᠰᠢᠳᠡ᠃ ᠪᠢᠳᠡ ᠵᠠᠯᠬᠠᠭᠤᠷᠠᠯ ᠦᠭᠡᠢ ᠴᠢᠷᠮᠠᠶᠢᠵᠤ᠂ ᠲᠤᠮᠤᠷᠠᠭᠰᠠᠨ | ᠪᠤᠷᠭᠠᠰᠣ ᠪᠠᠨ ᠨᠠᠮᠤᠷ ᠲᠠᠭᠠᠨ ᠬᠠᠲᠤᠵᠤ ᠠᠷᠠᠴᠢᠯᠠᠳᠠᠭ ᠶᠤᠮ᠃ ᠡᠭᠦᠨ ᠤ ᠵᠡᠷᠭᠡᠴᠡᠭᠡ ᠪᠠᠰᠠ ᠪᠤᠰᠤᠳ ᠵᠦᠢᠯ | ᠲᠥᠷᠦᠯ ᠤᠨ ᠮᠤᠳᠤ ᠶᠢ ᠴᠦ ᠲᠠᠷᠢᠵᠤ ᠳᠤᠷᠰᠢᠭᠰᠠᠨ ᠶᠤᠮ᠃ ᠢᠩᠭᠢᠭᠡᠳ ᠤᠯᠠᠨ ᠵᠢᠯ ᠤᠨ ᠰᠢᠷᠭᠠᠭᠤ ᠴᠢᠷᠮᠠᠶᠢᠯᠭᠠ | ᠪᠠᠷ ᠨᠤᠲᠤᠭ ᠪᠡᠯᠴᠢᠭᠡᠷ ᠤᠨ ᠤᠷᠭᠤᠮᠠᠯ ᠤᠨ ᠪᠦᠷᠬᠦᠴᠡ ᠰᠠᠶᠢᠵᠢᠷᠠᠵᠤ ᠯᠡ ᠪᠠᠶᠢᠨᠠ᠃ ᠪᠤᠷᠭᠠᠰᠤ ᠶᠢᠨ ᠲᠥᠷᠦᠯ ᠢ | ᠬᠠᠳᠤᠵᠤ ᠪᠣᠯᠬᠤ ᠦᠭᠡᠢ ᠭᠡᠳᠡᠭ ᠪᠣᠯ ᠲᠤᠶᠢᠯ ᠤᠨ ᠪᠤᠷᠤᠭᠤ ᠨᠤᠲᠠᠯᠠᠯᠲᠠ ᠶᠤᠮ ᠭᠡᠳᠡᠭ ᠢ ᠦᠢᠯᠡᠳᠦᠯᠭᠡ | ᠭᠡᠷᠡᠴᠢᠯᠡᠭᠰᠡᠨ ᠪᠠᠶᠢᠭᠠ ᠶᠣᠮ ᠳ᠋ᠠ᠃ ᠶᠡᠷᠦᠨᠢ ᠬᠠᠭᠤᠴᠢᠨ ᠤ ᠨᠠᠰᠤᠲᠠᠶᠢᠴᠤᠳ ᠤᠨ ᠶᠠᠷᠢᠳᠠᠭ᠂ ᠬᠠᠲᠤᠵᠤ ᠬᠡᠷᠡᠭᠯᠡᠵᠦ | ᠪᠠᠶᠢᠭᠰᠠᠨ ᠪᠤᠷᠭᠠᠰᠤ ᠲᠠᠢ ᠬᠤᠩᠬᠤᠷ ᠯᠡ ᠰᠠᠶᠢᠬᠠᠨ ᠪᠠᠶᠢᠳᠠᠭ ᠭᠡᠳᠡᠭ ᠦᠨᠡᠨ ᠦᠭᠡ ᠶᠣᠮ ᠪᠢᠯᠡ᠃ | ᠪᠤᠶᠠᠨᠮᠠᠨᠳᠤᠬᠤ ᠲᠠᠢ ᠶᠠᠷᠢᠯᠴᠠᠭᠰᠠᠨ ᠶᠠᠷᠢᠶᠠᠨ ᠤ ᠳᠤᠮᠳᠠ ᠠᠴᠠ ᠪᠠᠶᠢᠭᠠᠯᠢ ᠶᠢᠨ ᠦᠪᠡᠷᠮᠢᠴᠡ ᠲᠠᠯᠠ ᠪᠠ | ᠪᠤᠷᠭᠠᠰᠤ ᠶᠢ ᠠᠷᠠᠴᠢᠯᠠᠨ ᠬᠠᠮᠠᠭᠠᠯᠠᠬᠤ ᠲᠠᠯᠠ ᠪᠠᠷ ᠬᠤᠪᠤᠷ ᠨᠠᠨᠳᠢᠨ ᠳᠤᠷᠰᠢᠯᠭᠠ ᠣᠯᠵᠠᠷᠬᠠᠵᠤ ᠲᠥᠮᠡᠨ ᠣᠯᠠᠨ | ᠲᠠᠭᠠᠨ ᠳᠡᠯᠭᠡᠵᠦ ᠪᠠᠶᠢᠭᠠ ᠳᠠᠭᠠᠨ ᠤᠷᠮᠠᠳᠠᠢ ᠪᠠᠶᠢᠨᠠ᠃ | ᠬᠠᠭᠤᠴᠢ ᠦᠬᠡᠨ ᠳᠤ ᠭᠡᠷ ᠤᠨ ᠰᠤᠷᠭᠠᠯ ᠲᠠᠢ ᠪᠤᠯ ᠦᠷᠡ ᠲᠡᠭᠰᠢ᠂ ᠬᠢᠴᠢᠶᠡᠵᠦ ᠠᠯᠬᠤᠪᠠᠯ ᠵᠠᠮ ᠲᠡᠭᠰᠢ | ᠭᠡᠳᠡᠭ ᠰᠠᠨ᠃ ᠪᠤᠶᠠᠨᠮᠠᠨᠳᠤᠬᠤ ᠶᠢᠨ ᠠᠪᠤ ᠭᠡᠵᠦ ᠵᠠᠯᠠᠭᠤ ᠽᠠᠨᠳᠠᠨ ᠨᠠᠰᠤᠨ ᠲᠠᠭᠠᠨ ᠪᠠᠷᠢᠭᠠᠳᠠ ᠶᠢᠨ ᠬᠦᠯ ᠨᠢᠴᠦᠭᠦᠨ | ᠡᠮᠴᠢ ᠶᠠᠪᠤᠭᠰᠠᠨ ᠬᠦᠮᠦᠨ᠃ ᠣᠯᠠᠨ ᠰᠠᠶᠢᠬᠠᠨ ᠮᠣᠷᠢ ᠬᠤᠷᠳᠤᠯᠠᠭᠤᠯᠵᠦ ᠨᠡᠷᠡᠲᠡᠢ ᠤᠶᠠᠭᠠᠴᠢ ᠶᠠᠪᠤᠭᠰᠠᠨ ᠲᠡᠦᠬᠡ | ᠲᠠᠢ᠃ ᠡᠵᠢ ᠨᠢ ᠳᠠᠷᠢᠮᠠ ᠪᠣᠯ ᠨᠤᠲᠤᠭ ᠤᠰᠤᠨ ᠳᠠᠭᠠᠨ ᠠᠯᠳᠠᠷᠲᠠᠢ᠂ ᠳᠠᠷᠤᠤ ᠨᠤᠮᠤᠬᠠᠨ ᠠᠵᠢᠯᠴᠢ ᠪᠦᠰᠡᠭᠦᠢ | ᠶᠣᠮ᠃ ᠲᠡᠳᠡ ᠬᠤᠶᠠᠷ ᠦᠷᠡ ᠬᠡᠦᠬᠡᠳ ᠢᠶᠠᠨ ᠬᠦᠮᠦᠨ ᠤ ᠵᠡᠷᠭᠡ ᠳᠤ ᠬᠦᠷᠭᠡᠵᠦ᠂ ᠬᠦᠷᠢᠶᠡᠯᠡᠯ ᠲᠠᠢ ᠪᠠᠷ ᠨᠡᠶᠢᠭᠡᠮ | ᠳᠡᠭᠡᠷᠡ ᠭᠠᠷᠭᠠᠭᠰᠠᠨ ᠪᠢᠯᠡ᠃ ᠪᠡᠷᠢ ᠣᠶᠤᠨᠭᠡᠷᠡᠯ ᠨᠢ ᠴᠤ ᠠᠭᠠᠰᠢ ᠶᠢᠨ ᠰᠠᠶᠢᠬᠠᠨ ᠠᠵᠢᠯᠰᠠᠭ ᠤᠨ ᠰᠢᠷᠭᠠᠭᠤ ᠶᠢ | ᠥᠪᠯᠡᠭᠰᠡᠨ ᠭᠡᠳᠡᠭ ᠢ ᠤᠰᠤ ᠨᠤᠲᠤᠭ ᠤᠨ ᠬᠢᠨᠢ ᠬᠦᠮᠦᠨ ᠠᠷᠠᠳ ᠠᠴᠠ ᠰᠤᠨᠤᠰᠴᠤ ᠂ ᠡᠩ ᠤᠨ ᠶᠠᠷᠢᠶᠠᠨ ᠤ | ᠳᠡᠭᠡᠲᠦ ᠳᠤ᠂ ᠡᠷᠡᠬᠡᠢ ᠬᠤᠷᠤᠭᠤᠨ ᠤ ᠦᠵᠦᠭᠦᠷ ᠲᠤ ᠪᠠᠶᠢᠳᠠᠭ ᠢ ᠨᠢ ᠪᠠᠭ᠋ᠠᠷᠤᠭᠰᠠᠨ ᠶᠤᠮ ᠰᠠᠨ᠃ | ᠪᠤᠶᠠᠨᠮᠠᠨᠳᠤᠬᠤ ᠶᠢᠨ ᠲᠠᠩᠰᠤᠭ ᠪᠠᠶᠢᠭᠠᠯᠢ ᠪᠠᠨ ᠬᠠᠮᠠᠭᠠᠯᠠᠭᠰᠠᠨ ᠳᠤᠷᠰᠢᠯᠭᠠᠨᠢ ᠲᠠᠯᠠ ᠶᠢᠨ ᠴᠡᠴᠡᠭ ᠰᠢᠭ | ᠳᠡᠯᠭᠡᠷᠡᠬᠦ ᠪᠤᠯᠳᠤᠭᠠᠢ︕ |