| 8 ᠰᠠᠷᠠ ᠶᠢᠨ 8 ᠤ ᠡᠳᠦᠷ᠂ ᠭᠡᠭᠦᠦ ᠰᠠᠭᠠᠵᠤ ᠴᠡᠭᠡ ᠢᠰᠭᠡᠬᠦ ᠴᠡᠭᠡ ᠶᠢᠨ ᠰᠤᠶᠤᠯ ᠤᠨ ᠤᠯᠠᠮᠵᠢᠯᠠᠯᠲᠤ ᠶᠣᠰᠤ | ᠵᠠᠩᠰᠢᠯ ᠢ ᠬᠤᠶᠢᠴᠢ ᠦᠶᠡ ᠳᠤ ᠪᠠᠨ ᠮᠡᠳᠡᠬᠦᠯᠵᠦ᠂ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠥᠪ ᠢ ᠨᠡᠩ ᠰᠠᠶᠢᠨ | ᠤᠯᠠᠮᠵᠢᠯᠠᠬᠤ ᠵᠤᠷᠢᠯᠭᠠ ᠪᠠᠷ ᠣᠷᠣᠨ ᠤ ᠳᠡᠰ ᠤᠨ ᠴᠡᠭᠡ ᠡᠬᠡᠰᠢᠭᠦᠯᠬᠦ ᠤᠷᠠ ᠮᠡᠷᠭᠡᠵᠢᠯ ᠤᠨ ᠲᠦᠯᠦᠭᠡᠯᠡᠭᠴᠢ | ᠴᠢᠨᠠᠷᠲᠠᠢ ᠥᠪᠯᠡᠨ ᠤᠯᠠᠮᠵᠢᠯᠠᠭᠴᠢ ᠮᠦᠳᠠᠨ ᠤ ᠡᠷᠬᠢᠯᠡᠭᠰᠡᠨ ᠴᠡᠭᠡ ᠶᠢᠨ ᠰᠣᠶᠤᠯ ᠤᠨ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ | ᠬᠢᠴᠢᠶᠡᠯ ᠠᠪᠠᠭᠠ ᠬᠤᠰᠢᠭᠤᠨ ᠤ ᠥᠪ ᠴᠡᠭᠡ ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯ ᠤᠨ ᠬᠢᠵᠠᠭᠠᠷᠲᠤ ᠬᠠᠷᠢᠭᠤᠴᠠᠯᠭᠠᠲᠤ | ᠺᠤᠮᠫᠠᠨᠢ ᠶᠢᠨ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠥᠷᠦᠭᠡᠨ ᠳᠤ ᠠᠮᠵᠢᠯᠲᠠ ᠲᠠᠢ ᠶᠠᠪᠤᠭᠳᠠᠯᠠ᠃ | ᠲᠤᠰ ᠤᠳᠠᠭᠠᠨ ᠤ ᠬᠢᠴᠢᠶᠡᠯ ᠳᠤ᠂ ᠴᠡᠭᠡ ᠶᠢᠨ ᠰᠤᠶᠤᠯ ᠳᠤ ᠰᠤᠨᠢᠷᠬᠠᠯᠳᠠᠢ ᠰᠤᠷᠤᠭᠴᠢ ᠭᠡᠷ ᠤᠨ ᠠᠬᠠᠮᠠᠳ | ᠨᠡᠶᠢᠲᠡ ᠠᠷᠪᠠᠨ ᠲᠠᠪᠤᠨ ᠬᠦᠮᠦᠨ ᠤᠷᠤᠯᠴᠠᠵᠤ᠂ ᠴᠡᠭᠡ ᠶᠢᠨ ᠰᠤᠶᠤᠯ ᠤᠨ ᠤᠯᠠᠮᠵᠢᠯᠠᠯᠲᠤ ᠶᠣᠰᠣ ᠵᠠᠩᠰᠢᠯ ᠪᠠ | ᠤᠳᠤᠬᠢᠴᠢᠯᠠᠭᠰᠠᠨ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠪᠠᠶᠢᠳᠠᠯ ᠢ ᠬᠠᠮᠲᠤᠪᠠᠷ ᠰᠤᠳᠤᠯᠤᠨ ᠰᠤᠷᠤᠯᠴᠠᠭᠰᠠᠨ ᠪᠠᠶᠢᠨᠠ᠃ | ᠬᠢᠴᠢᠶᠡᠯ ᠤᠨ ᠡᠬᠢᠯᠡᠯᠲᠡ ᠳᠤ᠂ ᠥᠪ ᠴᠡᠭᠡ ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯ ᠤᠨ ᠬᠢᠵᠠᠭᠠᠷᠲᠤ ᠬᠠᠷᠢᠭᠤᠴᠠᠯᠭᠠᠲᠤ | ᠺᠤᠮᠫᠠᠨᠢ ᠶᠢᠨ ᠵ᠊ · ᠥᠯᠵᠡᠶᠢᠪᠠᠲᠤ ᠠᠴᠠ ᠤᠯᠠᠨ ᠵᠢᠯ ᠤᠨ ᠳᠤᠷᠰᠢᠳᠠ ᠡᠯᠡ ᠠᠶᠢᠮᠠᠭ ᠬᠤᠲᠠ ᠬᠤᠰᠢᠭᠤ ᠰᠢᠶᠠᠨ ᠢᠶᠠᠷ | ᠲᠤᠭᠤᠷᠢᠨ ᠬᠢᠴᠢᠶᠡᠯ ᠡᠷᠬᠢᠯᠡᠭᠰᠡᠨ ᠦᠩᠭᠡᠷᠡᠯᠳᠡ ᠪᠠ ᠺᠤᠮᠫᠠᠨᠢ ᠪᠠᠶᠢᠭᠤᠯᠬᠤ ᠠᠴᠠ ᠡᠮᠦᠨᠡ ᠬᠤᠶᠢᠨᠠᠬᠢ ᠬᠡᠳᠦᠨ | ᠵᠢᠯ ᠤᠨ ᠳᠤᠷᠰᠢᠳᠠ ᠮᠦᠳᠠᠨ ᠤ ᠬᠢᠭᠰᠡᠨ ᠪᠤᠳᠠᠲᠠᠢ ᠠᠵᠢᠯᠯᠠᠭᠠ ᠨᠤᠭᠤᠳ ᠲᠤ ᠲᠠᠨᠢᠯᠴᠠᠭᠤᠯᠭᠠ ᠬᠢᠵᠡᠢ᠃ | ᠡᠨᠡ ᠤᠳᠠᠭᠠᠨ ᠤ ᠬᠢᠴᠢᠶᠡᠯ ᠢᠶᠠᠷ᠂ ᠮᠦᠳᠠᠨ ᠠᠴᠠ ᠴᠡᠭᠡ ᠶᠢᠨ ᠰᠤᠶᠤᠯ ᠲᠠᠢ ᠬᠤᠯᠪᠤᠭᠳᠠᠬᠤ ᠤᠯᠠᠮᠵᠢᠯᠠᠯᠲᠤ | ᠪᠠᠭᠠᠵᠢ ᠬᠡᠷᠡᠭᠰᠡᠯ ᠢ ᠲᠠᠨᠢᠯᠴᠠᠭᠤᠯᠵᠤ᠂ ᠬᠡᠷᠡᠭᠯᠡᠬᠦ ᠠᠷᠭᠠ ᠪᠠᠷᠢᠯ ᠵᠢᠴᠢ ᠤᠯᠠᠮᠵᠢᠯᠠᠯᠲᠤ ᠴᠡᠭᠡ ᠶᠢᠨ ᠰᠣᠶᠤᠯ ᠤᠨ | ᠬᠦᠭᠵᠢᠯᠳᠡ ᠶᠢᠨ ᠳᠤᠮᠳᠠ ᠡᠳᠡᠭᠡᠷ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠤᠨ ᠬᠡᠷᠬᠢᠨ ᠬᠠᠳᠠᠭᠠᠯᠠᠭᠳᠠᠨ ᠦᠯᠡᠳᠡᠭᠰᠡᠨ ᠲᠤᠬᠠᠢ | ᠲᠠᠶᠢᠯᠪᠤᠷᠢᠯᠠᠨ ᠶᠠᠷᠢᠵᠤ᠂ ᠰᠤᠷᠤᠭᠴᠢᠳ ᠲᠤ ᠴᠡᠭᠡ ᠬᠡᠮᠨᠡᠵᠦ ᠠᠬᠠᠮᠠᠳ ᠲᠤᠮᠤᠭᠠᠲᠠᠨ ᠳᠤ ᠪᠠᠨ ᠡᠷᠭᠦᠵᠦ ᠪᠠᠷᠢᠬᠤ | ᠶᠣᠰᠣ ᠶᠢ ᠵᠢᠭᠠᠵᠡᠢ᠃ | ᠡᠬᠦᠨ ᠤ ᠬᠠᠮᠳᠦ ᠥᠪ ᠴᠡᠭᠡ ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯ ᠤᠨ ᠬᠢᠵᠠᠭᠠᠷᠲᠤ ᠬᠠᠷᠢᠭᠤᠴᠠᠯᠭᠠᠲᠤ ᠺᠤᠮᠫᠠᠨᠢ ᠶᠢᠨ | ᠡᠵᠡᠩᠨᠡᠭᠴᠢ ᠮᠦᠷᠲᠡᠭᠡᠨ ᠴᠡᠭᠡ ᠡᠬᠡᠰᠢᠭᠦᠯᠬᠦ ᠵᠢᠵᠢᠭ ᠦᠢᠯᠡᠳᠬᠡᠯ ᠤᠨ ᠭᠠᠵᠠᠷ ᠤᠨ ᠡᠵᠡᠨᠳᠡᠨ ᠪᠤᠯᠤᠭᠰᠠᠨ ᠤ ᠬᠤᠪᠢ | ᠳᠤ ᠮᠦᠳᠡᠨ ᠠᠴᠠ ᠤᠳᠤᠬᠢᠴᠢᠯᠠᠭᠰᠠᠨ ᠦᠢᠯᠡᠳᠬᠡᠯ ᠤᠨ ᠭᠠᠵᠠᠷ ᠲᠤ ᠴᠡᠭᠡ ᠶᠢ ᠶᠠᠭᠠᠬᠢᠵᠤ ᠡᠬᠡᠰᠢᠭᠦᠯᠵᠦ᠂ ᠰᠠᠪᠠᠯᠠᠨ | ᠪᠤᠷᠤᠯᠠᠭᠤᠯᠳᠠᠭ ᠶᠠᠪᠤᠴᠠ ᠶᠢ ᠪᠡᠶᠡ ᠪᠠᠷ ᠢᠶᠠᠨ ᠬᠢᠵᠦ ᠦᠵᠡᠬᠦᠯᠦᠭᠰᠡᠨ ᠨᠢ ᠡᠨᠡᠬᠦ ᠬᠢᠴᠢᠶᠡᠯ ᠢ ᠨᠡᠩ ᠠᠮᠢᠳᠤᠯᠢᠭ | ᠪᠤᠯᠭᠠᠭᠰᠠᠨ ᠶᠤᠮ᠃ | ᠤᠶᠢᠯᠠᠠᠭᠠᠭᠰᠠᠨ ᠢᠶᠠᠷ᠂ ᠥᠨᠥ ᠵᠢᠯ ᠮᠦᠳᠡᠨ ᠤ ᠴᠡᠭᠡ ᠡᠭᠡᠰᠢᠬᠦᠯᠬᠦ ᠵᠢᠵᠢᠭ ᠦᠢᠯᠡᠳᠬᠡᠯ ᠤᠨ ᠭᠠᠵᠠᠷ ᠨᠢ | ᠭᠤᠷᠪᠠᠨ ᠡᠷᠦᠬᠡ ᠲᠠᠢ ᠭᠡᠷᠡ ᠲᠤᠭᠳᠠᠵᠤ᠂ ᠡᠳᠦᠷ ᠪᠦᠷᠢ ᠭᠤᠷᠪᠠᠨ ᠵᠠᠭᠤ ᠰᠢᠬᠠᠭᠤ ᠵᠢᠩ ᠴᠡᠭᠡ ᠤᠷᠤᠭᠤᠯᠵᠤ | ᠡᠬᠡᠰᠢᠭᠦᠯᠦᠨ ᠦᠢᠯᠡᠳᠴᠦ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ | ᠡᠬᠦᠨ ᠠᠴᠠ ᠭᠠᠳᠠᠨᠠ ᠬᠢᠴᠢᠶᠡᠯ ᠳᠤ ᠤᠷᠤᠯᠴᠠᠭᠰᠠᠨ ᠠᠬᠠᠮᠠᠳ ᠨᠠᠰᠤᠲᠠᠨ ᠠᠴᠠ ᠪᠠᠰᠠ ᠰᠤᠷᠤᠭᠴᠢᠳ ᠲᠤ | ᠬᠠᠨᠳᠤᠭᠤᠯᠤᠨ᠂ ᠠᠪᠠᠭᠠ ᠨᠤᠲᠤᠭ ᠤᠨ ᠣᠨᠴᠠ ᠪᠠᠶᠢᠳᠠᠭ ᠳᠡᠮᠪᠡᠭᠡ ᠲᠣᠭᠯᠠᠭᠠᠮ ᠢ ᠲᠣᠭᠯᠠᠵᠤ᠂ ᠰᠤᠷᠤᠭᠴᠢᠳ ᠤᠨ | ᠰᠤᠨᠢᠷᠬᠠᠯ ᠢ ᠳᠠᠲᠠᠭᠰᠠᠨ ᠪᠠᠶᠢᠨᠠ᠃ ᠳᠡᠮᠪᠡᠭᠡ ᠭᠡᠳᠡᠭ ᠪᠣᠯ ᠠᠪᠠᠭᠠ ᠠᠪᠠᠭ᠋ᠠᠨᠠᠷ ᠨᠤᠲᠤᠭ ᠲᠤ ᠣᠨᠴᠠ ᠪᠠᠶᠢᠳᠠᠭ | ᠨᠢᠭᠡ ᠵᠦᠢᠯ ᠤᠨ ᠬᠤᠶᠠᠷ ᠬᠦᠮᠦᠨ ᠬᠠᠮᠲᠤ ᠵᠢᠮᠡᠯᠴᠡᠳᠡᠭ᠂ ᠲᠢᠭ ᠠᠴᠠ ᠠᠷᠪᠠ ᠬᠦᠷᠲᠡᠯᠡᠬᠢ ᠲᠤᠭᠠ ᠶᠢ ᠠᠶᠠ ᠳ᠋ᠠᠩ | ᠳᠤ ᠪᠠᠨ ᠲᠠᠭᠠᠷᠠᠭᠤᠯᠵᠤ᠂ ︽ᠨᠢᠭᠡ︾ ᠶᠢ ᠭᠠᠩᠭᠠᠩ ᠭᠠᠭᠴᠠ ᠡ᠂ ︽ᠬᠤᠶᠠᠷ︾ ᠢ ᠡᠷᠬᠡᠨ ᠬᠤᠶᠠᠷ ᠡ᠂ ︽ | ᠭᠤᠷᠪᠠ︾ ᠶᠢ ᠭᠠᠤᠯᠢᠨ ᠤ ᠭᠤᠷᠪᠠ ᠡ ᠪᠤᠶᠤ ᠰᠤᠪᠤᠷᠭᠠ ᠭᠤᠷᠪᠠ ᠡ᠂ ︽ᠳᠥᠷᠪᠡ︾ ᠶᠢ ᠳᠡᠭᠰᠢ ᠳᠥᠷᠪᠡ ᠡ | ᠪᠤᠶᠤ ᠰᠡᠪᠡᠬᠡᠨ ᠳᠥᠷᠪᠡ ᠡ᠂ ︽ᠲᠠᠪᠤ︾ ᠶᠢ ᠲᠠᠯᠠ ᠶᠢᠨ ᠲᠠᠪᠤ ᠡ ᠪᠤᠶᠤ ᠠᠵᠠ ᠶᠢᠨ ᠲᠠᠪᠤ ᠡ᠂ ᠲᠠᠷᠢᠬᠢᠨ ᠲᠠᠪᠤ | ᠡ᠂ ︽ᠵᠢᠷᠭᠤᠭᠠ︾ ᠶᠢ ᠵᠤᠤᠵᠠᠢ ᠵᠢᠷᠭᠤᠭᠠ ᠡ ᠪᠤᠶᠤ ᠲᠠᠩᠨᠠᠢ ᠵᠢᠷᠭᠤᠭᠠ ᠡ᠂ ︽ᠳᠣᠯᠤᠭᠠ︾ ᠶᠢ ᠳᠣᠬᠢᠭᠤᠷ | ᠳᠣᠯᠤᠭᠠ ᠡ ᠪᠤᠶᠤ ᠪᠤᠷᠬᠠᠨ ᠳᠣᠯᠤᠭᠠ ᠡ᠂ ᠳᠡᠭᠵᠢᠨ ᠳᠣᠯᠤᠭᠠ ᠡ᠂ ︽ᠨᠠᠢᠮᠨ︾ ᠶᠢ ᠭᠠᠷᠬᠠᠨ ᠨᠠᠢᠮᠨ ᠡ ᠪᠤᠶᠤ | ᠭᠠᠨᠵᠤᠭᠠᠨ ᠨᠠᠢᠮᠨ ᠡ᠂ ᠨᠠᠶᠢᠷᠲᠠᠢ ᠨᠠᠢᠮᠨ ᠡ᠂ ︽ᠶᠢᠰᠦ︾ ᠶᠢ ᠳᠡᠭᠡᠭᠡ ᠶᠢᠰᠦ ᠡ᠂ ︽ᠠᠷᠪᠠ︾ ᠶᠢ ᠳᠡᠯᠭᠡᠭᠡᠳ | ᠠᠷᠪᠠ ᠡ ᠪᠤᠶᠤ ᠳᠡᠯᠭᠡᠷ ᠬᠠᠩᠭᠠᠢ ᠡ᠂ ︽ᠲᠢᠭ︾ ᠢ ᠪᠠᠶᠢᠳᠠᠭ ᠦᠭᠡᠢ ᠨᠢ ᠲᠠᠭᠠᠷᠠᠵᠠᠢ᠂ ᠬᠡᠨ ᠳᠡᠭᠡᠨ ᠴᠤ ᠥᠭᠪᠡ | ᠬᠦ᠋ ᠬᠦᠢ︕ ᠭᠡᠵᠦ ᠴᠡᠴᠡ ᠪᠣᠯᠢᠶᠠᠯᠳᠤᠨ ᠨᠠᠭᠠᠳᠳᠠᠭ ᠂ ᠬᠡᠨ ᠨᠢ ᠬᠤᠶᠠᠷ ᠬᠥᠮᠦᠨ ᠤ ᠭᠠᠷᠭᠠᠭᠰᠠᠨ ᠬᠤᠷᠤᠭᠤᠨ | ᠤ ᠨᠡᠶᠢᠯᠡᠪᠦᠷᠢ ᠲᠤᠭᠠ ᠶᠢ ᠲᠠᠭᠠᠷᠠᠭᠤᠯᠵᠤ ᠳᠡᠶᠢᠯᠪᠡᠯ ᠲᠡᠷᠡ ᠨᠢ ᠬᠤᠨᠵᠢᠵᠤ᠂ ᠬᠤᠨᠵᠢᠭᠰᠠᠨ ᠲᠠᠯᠠ ᠨᠢ ︽ᠮᠢᠨᠤᠬᠢ | ᠪᠣᠯᠵᠠᠢ︕︾ ᠭᠡᠵᠦ᠂ ᠬᠤᠨᠵᠢᠭᠳᠠᠭᠰᠠᠨ ᠲᠠᠯᠠ ᠨᠢ ︽ᠲᠠᠨ ᠤ ᠬᠢ ᠪᠣᠯᠵᠠᠢ︕︾ ᠭᠡᠵᠦ᠂ ᠡᠨᠡ ᠮᠡᠲᠦ ᠪᠠᠷ | ᠨᠡᠶᠢᠯᠡᠪᠦᠷᠢ ᠲᠤᠭᠠ ᠶᠢ ᠭᠤᠷᠪᠠ ᠳᠠᠷᠠᠭᠠᠯᠠᠨ ᠲᠠᠭᠠᠷᠠᠭᠤᠯᠵᠤ ᠳᠡᠶᠢᠯᠬᠦ ᠦᠭᠡᠢ ᠪᠣᠯᠪᠠᠯ ᠴᠡᠭᠡ ᠤᠤᠭᠤᠵᠤ | ᠲᠤᠷᠭᠠᠭᠳᠠᠳᠠᠭ ᠃ ᠬᠡᠷᠪᠡ ᠬᠤᠶᠠᠷ ᠲᠠᠯᠠ ᠪᠠᠷ ᠢᠶᠠᠨ ᠠᠳᠠᠯᠢᠬᠠᠨ ᠲᠤᠭᠠ ᠲᠠᠭᠠᠷᠠᠭᠤᠯᠵᠤ ᠬᠠᠶᠢᠨᠴᠠᠭᠰᠠᠨ ᠪᠣᠯ ︽ | ᠬᠡᠨ ᠳᠡᠭᠡᠨ ᠴᠤ ᠦᠭᠡᠢ ᠡ︕︾ ᠭᠡᠵᠦ᠂ ᠬᠤᠶᠠᠷ ᠲᠠᠯᠠ ᠪᠠᠷ ᠢᠶᠠᠨ ᠪᠦᠷ ᠲᠠᠭᠠᠷᠠᠭᠤᠯᠵᠤ ᠳᠡᠶᠢᠯᠦᠭᠰᠡᠨ ᠦᠭᠡᠢ | ᠪᠣᠯᠪᠠᠯ ︽ᠪᠠᠶᠢᠳᠠᠭ ᠦᠭᠡᠢ ᠨᠢ ᠲᠠᠭᠠᠷᠠᠵᠠᠢ ᠡ︾ ᠭᠡᠵᠦ ᠡᠪ ᠲᠠᠢ ᠲᠣᠭᠯᠠᠳᠠᠭ ᠤᠬᠠᠭᠠᠨ ᠰᠤᠷᠢᠬᠤ ᠲᠤᠭᠯᠠᠭᠠᠮ | ᠶᠤᠮ᠃ | ︽ᠦᠨᠦᠳᠦᠷ ᠪᠣᠯ ᠪᠢᠳᠡᠨ ᠤ ᠨᠢᠭᠡᠳᠦᠭᠡᠷ ᠤᠳᠠᠭᠠᠨ ᠤ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠬᠢᠴᠢᠶᠡᠯ᠂ ᠳᠠᠷᠠᠭᠠᠴᠢ ᠶᠢᠨ | ᠠᠯᠬᠤᠮ ᠳᠤ ᠪᠠᠨ ᠬᠤᠰᠢᠭᠤᠨ ᠤ ᠡᠯᠡ ᠴᠡᠴᠡᠷᠯᠢᠭ ᠪᠠᠭᠠ ᠰᠤᠷᠭᠠᠭᠤᠯᠢ ᠲᠠᠢ ᠬᠠᠮᠲᠤᠷᠠᠨ ᠴᠡᠭᠡ ᠶᠢᠨ ᠰᠣᠶᠤᠯ ᠤᠨ | ᠰᠤᠳᠤᠯᠤᠨ ᠰᠤᠷᠣᠯᠴᠠᠬᠤ ᠬᠢᠴᠢᠶᠡᠯ ᠡᠷᠬᠢᠯᠡᠬᠦ ᠤᠳᠠᠭᠠ ᠪᠠᠨ ᠤᠯᠠᠰᠢᠷᠠᠭᠤᠯᠵᠦ᠂ ᠴᠡᠭᠡ ᠡᠬᠡᠰᠢᠭᠦᠯᠬᠦ ᠤᠷᠠ ᠮᠡᠷᠭᠡᠵᠢᠯ | ᠪᠠ ᠴᠡᠭᠡ ᠶᠢᠨ ᠰᠤᠶᠤᠯ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠤᠯᠠᠮᠵᠢᠯᠠᠯᠲᠤ ᠶᠣᠰᠤ ᠵᠠᠩᠰᠢᠯ ᠢ ᠬᠤᠶᠢᠴᠢ ᠦᠶᠡ ᠳᠤ ᠪᠠᠨ ᠨᠡᠩ | ᠰᠠᠶᠢᠨ ᠣᠶᠢᠯᠠᠭᠠᠭᠤᠯᠬᠤ ᠰᠠᠨᠠᠭᠠᠳᠠᠢ︾ ᠭᠡᠵᠦ ᠮᠦᠳᠡᠨ ᠬᠤᠶᠢᠰᠢᠳᠡ ᠶᠢᠨ ᠬᠠᠷᠠᠯᠳᠠ ᠪᠠᠨ ᠪᠠᠶᠠᠷᠳᠠᠶᠢᠬᠠᠨ | ᠤᠴᠢᠷᠯᠠᠨᠠ᠃ |