| ᠠᠪᠠᠭᠠ ᠬᠤᠰᠢᠭᠤᠨ ᠤ ᠬᠤᠩᠭᠤᠷᠭᠤᠤᠯ ᠪᠠᠯᠭᠠᠰᠤ ᠶᠢᠨ ᠠᠯᠲᠠᠨᠳᠦᠭᠦᠷᠢᠭ ᠭᠠᠴᠠᠭᠠ ᠪᠠᠷ ᠨᠤᠲᠤᠭᠲᠠᠢ ᠮᠠᠯᠴᠢᠨ | ᠡᠷᠳᠡᠨᠢᠪᠢᠯᠢᠭ ᠤᠨ ᠬᠢ ᠣᠶᠢᠷᠠ ᠶᠢᠨ ᠬᠤᠶᠠᠷ ᠵᠢᠯ ᠤᠨ ᠦᠬᠡᠷ ᠤᠨ ᠦᠨᠡ ᠬᠠᠩᠰᠢ ᠪᠠᠭᠤᠷᠠᠵᠤ ᠡᠪᠡᠰᠦ | ᠪᠤᠷᠳᠤᠭᠠᠨ ᠤ ᠵᠠᠷᠤᠯᠭᠠ ᠶᠡᠬᠡᠳᠡᠢ ᠪᠠᠶᠢᠭᠠ ᠪᠠᠶᠢᠳᠠᠯ ᠳᠤ ᠴᠢᠭᠯᠡᠭᠦᠯᠦᠨ ᠡᠨᠡ ᠵᠢᠯ ᠮᠠᠯ ᠢᠶᠠᠨ ᠴᠦᠬᠡᠴᠢᠯᠡᠵᠦ᠂ | ᠵᠠᠭᠤᠭᠠᠳ ᠦᠬᠡᠷ ᠤᠨ ᠢᠶᠠᠨ 80 ᠭᠠᠷᠤᠢ ᠦᠬᠡᠷ ᠢ ᠬᠤᠳᠠᠯᠳᠤᠵᠤ᠂ ᠠᠮᠢ ᠠᠬᠤᠢ ᠪᠠ ᠠᠵᠤ ᠠᠬᠤᠢ ᠶᠢᠨ ᠬᠤᠣᠰ | ᠦᠷᠡ ᠠᠰᠢᠭ ᠣᠯᠬᠤ ᠪᠠᠷ ᠴᠢᠷᠮᠠᠶᠢᠵᠤ ᠪᠤᠢ᠃ | 80 ᠭᠠᠷᠤᠢ ᠦᠬᠡᠷ ᠢᠶᠠᠨ ᠬᠤᠳᠠᠯᠳᠤᠭᠰᠠᠨ ᠤ ᠤᠴᠢᠷ ᠶᠠᠭᠤᠨ | ᠡᠷᠳᠡᠨᠢᠪᠢᠯᠢᠭ ᠤᠨ ᠬᠢ ᠡᠮᠦᠨᠡ ᠬᠡᠳᠦᠨ ᠵᠢᠯ 7000 ᠮᠦ ᠪᠡᠯᠴᠢᠭᠡᠷ ᠳᠡᠭᠡᠷᠡ ᠪᠠᠨ ᠵᠠᠭᠤᠭᠠᠳ ᠦᠬᠡᠷ | ᠮᠠᠯᠵᠢᠵᠤ ᠪᠠᠶᠢᠵᠡᠢ᠃ ᠥᠨᠥ ᠬᠠᠪᠤᠷ ᠠᠴᠠ ᠡᠬᠢᠯᠡᠨ ᠮᠠᠯ ᠰᠦᠷᠦᠭ ᠤᠨ ᠪᠦᠲᠦᠴᠡ ᠳᠤ ᠪᠠᠨ ᠳᠤᠬᠢᠷᠠᠭᠤᠯᠤᠯᠲᠠ | ᠬᠢᠵᠦ᠂ 80 ᠭᠠᠷᠤᠢ ᠦᠬᠡᠷ ᠢᠶᠠᠨ ᠬᠤᠳᠠᠯᠳᠤᠨ᠂ ᠦᠬᠡᠷ ᠢᠶᠠᠨ ᠶᠡᠬᠡᠪᠡᠷ ᠪᠠᠭᠠᠰᠬᠠᠭᠰᠠᠨ ᠪᠠᠶᠢᠨᠠ᠃ ᠡᠭᠦᠨ ᠤ | ᠲᠤᠬᠠᠢ ᠡᠷᠳᠡᠨᠢᠪᠢᠯᠢᠭ ᠢᠩᠭᠢᠵᠦ ᠶᠠᠷᠢᠯᠠ᠄ ᠡᠨᠡ ᠬᠤᠶᠠᠷ ᠵᠢᠯ ᠦᠬᠡᠷ ᠤᠨ ᠦᠨᠡ ᠬᠠᠩᠰᠢ ᠪᠠᠭᠤᠷᠠᠨ᠂ ᠡᠪᠡᠰᠦ | ᠪᠤᠷᠳᠤᠭᠠ ᠦᠨᠡᠲᠡᠢ ᠪᠤᠯᠤᠭᠰᠠᠨ ᠪᠦᠭᠡᠳ ᠬᠦᠳᠡᠯᠮᠦᠷᠢ ᠬᠦᠴᠦ ᠶᠡᠭᠡ ᠵᠠᠷᠤᠴᠠᠭᠤᠯᠵᠤ᠂ ᠤᠷᠤᠯᠭᠠ ᠵᠠᠷᠤᠯᠭᠠ | ᠲᠡᠩᠴᠡᠭᠦᠷᠢ ᠪᠠᠨ ᠠᠯᠳᠠᠪᠠ᠃ ᠡᠮᠦᠨᠡ ᠬᠤᠶᠠᠷ ᠵᠢᠯ ᠪᠠᠰᠠ ᠪᠤᠷᠤᠭᠠ ᠬᠤᠷᠠ ᠪᠠᠭᠠ᠂ ᠭᠠᠩ ᠬᠠᠪᠰᠠᠷᠭᠠ ᠲᠠᠢ᠂ | ᠡᠶᠢᠨᠬᠦ ᠣᠷᠣᠯᠭᠠ ᠵᠠᠷᠤᠯᠭᠠ ᠪᠠᠨ ᠲᠡᠩᠴᠡᠭᠦᠯᠬᠦ ᠡᠭᠦᠳᠡᠨ ᠠᠴᠠ ᠦᠬᠡᠷ ᠢᠶᠠᠨ ᠶᠡᠬᠡᠪᠡᠷ ᠵᠠᠷᠤᠴᠠᠭᠤᠯᠤᠭᠰᠠᠨ ᠶᠣᠮ᠃ | ᠨᠦᠭᠦᠭᠡ ᠲᠠᠯᠠ ᠪᠠᠷ ᠮᠠᠯ ᠤᠨ ᠲᠤᠭᠠ ᠲᠤᠯᠤᠭᠠᠢ ᠶᠢ ᠪᠠᠭᠠᠰᠬᠠᠵᠤ᠂ ᠨᠤᠲᠤᠭ ᠤᠨ ᠬᠦᠷᠦᠰᠦ ᠪᠠᠨ ᠴᠢᠩᠭᠠᠷᠠᠭᠤᠯᠵᠤ᠂ | ᠨᠤᠲᠤᠭ ᠪᠡᠯᠴᠢᠭᠡᠷ ᠤᠨ ᠠᠮᠢ ᠠᠬᠤᠢ ᠶᠢ ᠰᠡᠷᠭᠦᠭᠡᠬᠦ ᠶᠢ ᠪᠤᠳᠤᠯᠬᠢᠯᠠᠭᠰᠠᠨ ᠶᠤᠮ᠃ ᠤᠳᠤᠬᠠᠨ ᠳᠤ ᠠᠷᠪᠠᠨ ᠬᠡᠳᠦᠨ | ᠦᠬᠡᠷ᠂ ᠵᠠᠭᠤ ᠭᠠᠷᠤᠢ ᠬᠤᠨᠢ ᠪᠠ ᠠᠷᠪᠠᠭᠠᠳ ᠠᠳᠤᠭᠤ ᠮᠠᠯᠵᠢᠵᠤ᠂ ᠪᠡᠯᠴᠢᠭᠡᠷ ᠤᠨ ᠳᠠᠷᠤᠭᠠᠰᠤ ᠶᠢ | ᠬᠥᠩᠭᠡᠷᠡᠭᠦᠯᠦᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠬᠦᠮᠦᠨ ᠤ ᠬᠦᠴᠦ ᠪᠠ ᠪᠤᠳᠠᠰ ᠤᠨ ᠬᠦᠴᠦ ᠶᠢ ᠠᠷᠪᠢᠯᠠᠪᠠ᠃ | ᠡᠪᠡᠰᠦ ᠬᠤᠳᠠᠯᠳᠤᠭᠰᠠᠨ ᠣᠷᠣᠯᠭᠠ 16 ᠲᠦᠮᠡᠨ ᠲᠦᠭᠦᠷᠢᠭ ᠬᠦᠷᠪᠡ | ᠡᠨᠡ ᠵᠢᠯ ᠪᠤᠷᠤᠭᠠᠨ ᠬᠤᠷᠠ ᠲᠡᠩᠴᠡᠭᠦᠬᠡᠨ ᠳᠡᠭᠡᠷᠡ ᠮᠠᠯ ᠤᠨ ᠲᠤᠭᠠ ᠲᠤᠯᠤᠭᠠᠢ ᠶᠢ ᠪᠠᠭᠠᠰᠬᠠᠭᠰᠠᠨ ᠠᠴᠠ | ᠡᠪᠡᠰᠦ ᠪᠡᠯᠴᠢᠭᠡᠷ ᠤᠨ ᠤᠷᠭᠤᠴᠠ ᠨᠡᠯᠢᠶᠡᠳ ᠰᠠᠶᠢᠨ ᠪᠠᠶᠢᠵᠤ᠂ ᠡᠷᠳᠡᠨᠢᠪᠢᠯᠢᠭ 1400 ᠮᠦ ᠬᠠᠳᠤᠯᠠᠩ ᠠᠴᠠ ᠪᠠᠨ | 500 ᠵᠢᠩ ᠤᠨ ᠪᠦᠭᠡᠷᠡᠩᠭᠡᠢ ᠪᠤᠭᠤᠯᠲᠠ ᠪᠠᠷ 600 ᠭᠠᠷᠤᠢ ᠪᠤᠭᠤᠯᠳᠠ ᠬᠠᠳᠤᠵᠤ ᠬᠤᠷᠢᠶᠠᠨ᠂ 2 ᠮᠦ ᠠᠴᠠ | ᠨᠢᠭᠡ ᠪᠤᠭᠤᠯᠲᠠ ᠡᠪᠡᠰᠦ ᠭᠠᠷᠤᠭᠰᠠᠨ ᠪᠠᠶᠢᠨᠠ᠃ ᠲᠡᠷᠡ ᠡᠪᠡᠰᠦ ᠪᠠᠨ ᠦᠪᠡᠷ ᠢᠶᠠᠨ ᠬᠠᠳᠤᠵᠤ ᠪᠤᠭᠤᠳᠠᠯᠯᠠᠵᠤ᠂ | ᠡᠪᠦᠯᠵᠢᠭᠦᠯᠵᠦ ᠬᠠᠪᠤᠷᠵᠢᠭᠤᠯᠬᠤ ᠮᠠᠯ ᠳᠤ ᠪᠠᠨ ᠬᠦᠷᠦᠯᠴᠡᠭᠡᠳᠡᠢ ᠨᠥᠭᠡᠴᠡᠯᠡᠭᠡᠳ ᠦᠯᠡᠳᠡᠭᠰᠡᠨ 500 ᠭᠠᠷᠤᠢ | ᠪᠤᠭᠤᠯᠲᠠ ᠶᠢ ᠨᠢ ᠬᠤᠳᠠᠯᠳᠤᠵᠤ᠂ 16 ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ ᠡᠭᠦᠳᠪᠡ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ᠂ | ᠡᠨᠡ ᠵᠢᠯ 2500 ᠮᠦ ᠪᠡᠯᠴᠢᠭᠡᠷ ᠳᠡᠭᠡᠷᠡ ᠪᠠᠨ ᠲᠡᠷᠢᠭᠦᠨ ᠤ ᠲᠠᠷᠢᠬᠤ ᠮᠡᠷᠭᠡᠵᠢᠯ ᠢᠶᠠᠷ ᠬᠢᠶᠠᠭ ᠵᠡᠷᠭᠡ ᠣᠯᠠᠨ | ᠨᠠᠰᠤᠲᠤ ᠤᠷᠭᠤᠮᠠᠯ ᠲᠠᠷᠢᠭᠰᠠᠨ ᠪᠠᠶᠢᠯᠠ᠃ ᠡᠨᠡ ᠨᠢ ᠳᠠᠷᠠᠭᠠ ᠵᠢᠯ ᠠᠴᠠ ᠠᠰᠢᠭᠯᠠᠯᠲᠠ ᠳᠤ ᠤᠷᠤᠵᠤ᠂ ᠮᠠᠯ | ᠰᠦᠷᠦᠭ ᠲᠤ ᠪᠠᠨ ᠰᠢᠮᠡ ᠲᠡᠵᠢᠭᠡᠯ ᠦᠨᠳᠦᠷ ᠡᠪᠡᠰᠦ ᠬᠠᠩᠭᠠᠬᠤ ᠪᠠᠷ ᠪᠡᠯᠡᠳᠬᠡᠵᠦ ᠪᠤᠢ᠃ ︽ᠳᠠᠷᠠᠭᠠᠴᠢ ᠶᠢᠨ | ᠠᠯᠬᠤᠮ ᠳᠤ ᠡᠪᠡᠰᠦ ᠲᠠᠷᠢᠵᠤ ᠬᠠᠳᠤᠬᠤ᠂ ᠡᠪᠡᠰᠦ ᠪᠤᠭᠤᠳᠠᠯᠯᠠᠬᠤ ᠬᠠᠮᠢᠶᠠ ᠲᠠᠢ ᠡᠪᠡᠰᠦᠨ ᠤ ᠦᠢᠯᠡᠰ ᠡᠷᠬᠢᠯᠡᠬᠦ | ᠰᠠᠨᠠᠭᠠ ᠲᠠᠢ︾ ᠭᠡᠵᠦ ᠡᠷᠳᠡᠨᠢᠪᠢᠯᠢᠭ ᠳᠠᠷᠣᠣᠬᠠᠨ ᠶᠠᠷᠢᠯᠠ᠃ | |