| ᠠᠪᠠᠭᠠ ᠨᠤᠳᠤᠭ ᠤᠨ ᠠᠩᠬᠠᠨ ᠤ ᠷᠤᠮᠠᠨ ᠪᠤᠯᠬᠤ ︽ᠠᠪᠠᠭᠠ ᠴᠠᠭᠠᠨ ᠠᠭᠤᠯᠠ ᠪᠤᠶᠤ ᠬᠦᠲᠦᠯᠦᠭᠡ ᠮᠤᠷᠢ | ᠲᠠᠢ ᠬᠦᠮᠦᠨ︾ ᠨᠤᠮ ᠤᠶᠢᠷᠠ ᠳᠤ ᠦᠪᠦᠷ ᠮᠤᠩᠭᠤᠯ ᠤᠨ ᠰᠤᠶᠤᠯ ᠤᠨ ᠳᠠᠭᠤᠤ ᠬᠦᠭᠵᠢᠮ ᠲᠦᠷᠰᠦ ᠰᠢᠩᠭᠡᠭᠡᠯᠳᠡ | ᠶᠢᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠᠨ ᠠᠴᠠ ᠬᠡᠪᠯᠡᠭᠳᠡᠨ ᠭᠠᠷᠴᠤ᠂ ᠤᠩᠰᠢᠭᠴᠢᠳ ᠤᠨ ᠬᠦᠷᠳᠡᠭᠡᠯ ᠪᠤᠯᠭᠠᠯᠠ᠃ | ︽ᠠᠪᠠᠭᠠ ᠴᠠᠭᠠᠨ ᠠᠭᠤᠯᠠ ᠪᠤᠶᠤ ᠬᠦᠲᠦᠯᠦᠭᠡ ᠮᠤᠷᠢ ᠲᠠᠢ ᠬᠦᠮᠦᠨ︾ ᠨᠤᠮ ᠤᠨ ᠵᠤᠬᠢᠶᠠᠭᠴᠢ ᠠᠰᠬᠠᠨ | ᠪᠤᠯ ᠠᠪᠠᠭᠠ ᠬᠤᠰᠢᠭᠤᠨ ᠤ ᠪᠡᠯᠬᠦᠳᠡᠢ ᠪᠠᠯᠭᠠᠰᠤᠨ ᠤ ᠪᠤᠨᠳᠠᠷᠢ ᠭᠠᠴᠠᠭᠠᠨ ᠤ ᠤᠤᠭᠠᠯ᠃ 2018 ᠤᠨ ᠠᠴᠠ | ᠡᠨᠡᠬᠦ ᠪᠦᠲᠦᠭᠡᠯ ᠢᠶᠠᠨ ᠲᠤᠭᠤᠷᠪᠢᠵᠦ ᠡᠬᠢᠯᠡᠵᠠᠢ᠃ ᠨᠤᠮ ᠳᠤ ︽ᠠᠪᠠᠭᠠ ᠴᠠᠭᠠᠨ ᠠᠭᠤᠯᠠ︾ ᠳᠠᠭᠤᠨ ᠤ ᠲᠤᠬᠠᠢ | ᠤᠯᠠᠮᠵᠢᠯᠠᠯ ᠶᠠᠷᠢᠶᠠᠨ ᠤ ᠨᠢᠭᠡ ᠪᠤᠯᠵᠦ ᠶᠠᠷᠢᠭᠳᠠᠳᠠᠭ ᠠᠷᠦ ᠬᠠᠯᠬᠠ ᠶᠢᠨ ᠠᠳᠤᠭᠤᠨ ᠤ ᠡᠷᠢᠯᠴᠢᠨ ᠵᠠᠯᠠᠭᠤ᠂ ᠠᠪᠠᠭᠠ | ᠨᠤᠳᠤᠭ ᠤᠨ ᠠᠪᠠᠭᠠ ᠴᠠᠭᠠᠨ ᠠᠭᠤᠯᠠ ᠶᠢᠨ ᠡᠩᠭᠡᠷ ᠲᠦᠰᠢᠵᠦ ᠠᠮᠢᠳᠤᠷᠠᠳᠠᠭ ᠨᠢᠭᠡ ᠬᠡᠤᠬᠡᠨ ᠤ ᠲᠤᠬᠠᠢ ᠳᠤᠮᠤᠭ | ᠶᠠᠷᠢᠶᠠᠨ ᠠᠴᠠ ᠡᠰᠢ ᠠᠪᠴᠦ ᠰᠡᠳᠦᠪᠯᠡᠨ ᠪᠢᠴᠢᠵᠠᠢ᠃ | ᠨᠤᠮ ᠤᠨ ᠵᠤᠬᠢᠶᠠᠭᠴᠢ ᠠᠰᠬᠠᠨ᠄ | — ᠡᠨᠡ ᠷᠤᠮᠠᠨ ᠪᠤᠯ ᠶᠠᠭᠠᠬᠢᠬᠤ ᠠᠷᠭᠠ ᠦᠭᠡᠢ ᠠᠪᠠᠭᠠ ᠴᠠᠭᠠᠨ ᠠᠭᠤᠯᠠ ᠬᠡᠬᠦ ᠳᠠᠭᠤᠤ ᠲᠠᠢ ᠨᠢᠭᠡᠨ | ᠲᠠᠯᠠ ᠪᠠᠷ ᠬᠤᠯᠪᠤᠭᠠ ᠲᠠᠢ᠂ 1989 ᠤᠨ ᠳᠤ ᠠᠷᠦ ᠮᠤᠩᠭᠤᠯ ᠤᠨ ᠤᠷᠠᠯᠢᠭ ᠤᠨ ᠪᠦᠯᠬᠦᠮ ᠮᠠᠨ ᠤ ᠬᠤᠰᠢᠭᠤᠨ | ᠳᠤ ᠢᠷᠡᠵᠦ ᠳᠤᠭᠯᠠᠭᠰᠡᠨ᠂ ᠳᠡᠭᠡᠭᠡᠳ ᠡᠨᠡ ᠠᠪᠠᠭᠠ ᠴᠠᠭᠠᠨ ᠠᠭᠤᠯᠠ ᠬᠡᠬᠦ ᠳᠠᠭᠤᠤ ᠶᠢ ᠠᠩᠬᠠ ᠤᠳᠠᠭᠠ | ᠰᠤᠨᠤᠰᠤᠭᠰᠡᠨ ᠶᠤᠮ᠂ ᠳᠡᠷᠡ ᠵᠢᠯ ᠲᠦᠩᠭᠡᠵᠢ ᠬᠤᠷᠢ ᠭᠠᠷᠴᠦ ᠪᠠᠶᠢᠵᠠᠢ᠃ ᠡᠨᠡ ᠳᠠᠭᠤᠤ ᠶᠢ ᠰᠤᠨᠤᠰᠤᠭᠰᠠᠨ ᠴᠠᠭ | ᠠᠴᠠ ᠪᠠᠨ ᠡᠨᠡ ᠳᠠᠭᠤᠨ ᠤ ᠦᠯᠢᠭᠡᠷ ᠲᠤ ᠡᠷᠭᠡ ᠦᠭᠡᠢ ᠤᠶᠠᠷᠠᠵᠦ ᠬᠠᠶᠢᠯᠵᠦ᠂ ᠨᠢᠭᠡ ᠺᠢᠨᠤ᠋ ᠶᠤᠮ ᠤᠤ ᠵᠤᠬᠢᠶᠠᠯ | ᠪᠤᠯᠭᠠᠪᠠᠯ ᠶᠠᠭᠠᠬᠢᠭᠰᠠᠨ ᠭᠤᠶᠤ ᠪᠤᠢ ᠭᠡᠵᠦ ᠪᠤᠳᠤᠵᠦ ᠪᠠᠶᠢᠭᠰᠠᠨ᠂ ᠡᠨᠡ ᠪᠤᠳᠤᠯ ᠶᠡᠷᠦ ᠬᠠᠶᠠᠭᠳᠠᠭᠠ ᠦᠭᠡᠢ᠂ | 2013 ᠤᠨ ᠳᠤ ᠺᠢᠨᠤ᠋ ᠪᠢᠴᠢᠵᠤ᠂ ᠳᠤᠬᠠᠢ ᠶᠢᠨ ᠦᠶᠡ ᠳᠤ ᠤᠯᠠᠨ ᠵᠦᠢᠯ ᠤᠨ ᠰᠢᠯᠳᠠᠭᠠᠨ ᠠᠴᠠ ᠲᠤᠭᠯᠠᠵᠦ | ᠳᠡᠶᠢᠯᠦᠭᠡ ᠦᠭᠡᠢ ᠶᠤᠮ᠃ ᠬᠡᠬᠦ ᠳᠡᠭᠡᠨ ᠵᠠᠷᠢᠮ ᠨᠦᠬᠦᠳ ᠡᠨᠡ ᠪᠦᠲᠦᠭᠡᠯ ᠴᠢᠨᠢ ᠰᠠᠶᠢᠬᠠᠨ ᠰᠡᠳᠦᠪ ᠪᠠᠶᠢᠨᠠ ᠭᠡᠮᠡᠨ | ᠬᠠᠷᠠᠮᠰᠠᠵᠦ ᠷᠤᠮᠠᠨ ᠪᠤᠯᠭᠠᠬᠤ ᠰᠠᠨᠠᠯ ᠦᠭᠴᠠᠢ᠃ ᠢᠩᠭᠢᠭᠡᠳ 2018 ᠤᠨ ᠳᠤ ᠪᠢᠴᠢᠭᠰᠡᠨ ᠺᠢᠨᠤ᠋ ᠤᠨ ᠢᠶᠠᠨ | ᠰᠠᠭᠤᠷᠢᠨ ᠳᠡᠭᠡᠷᠡ ᠪᠦᠬᠦᠯᠢ ᠨᠢᠭᠡ ᠵᠢᠯ ᠪᠢᠴᠢᠵᠦ ᠳᠠᠭᠤᠰᠬᠠᠭᠰᠠᠨ ᠶᠤᠮ᠃ | ᠲᠤᠰ ᠷᠤᠮᠠᠨ ᠨᠢ ᠬᠠᠶᠢᠷᠠ ᠪᠠᠷ ᠰᠢᠵᠢᠮᠯᠡᠵᠦ᠂ ᠳᠡᠯᠡᠭᠡᠢ ᠶᠢᠨ ᠬᠤᠶᠠᠳᠤᠭᠠᠷ ᠳᠠᠶᠢᠨ ᠢᠶᠠᠷ ᠠᠷᠦ ᠦᠵᠡᠭᠳᠡᠯ | ᠪᠤᠯᠭᠠᠨ᠂ ᠵᠦᠪᠯᠡᠯᠳᠦ ᠮᠤᠩᠭᠤᠯ ᠤᠨ ᠬᠤᠯᠪᠤᠭᠠᠳᠤ ᠴᠡᠷᠢᠭ ᠤᠨ ᠠᠳᠤᠭᠤᠴᠢᠨ ᠵᠠᠯᠠᠭᠤ ᠴᠢᠨᠳᠠᠮᠤᠨᠢ᠂ ᠠᠪᠠᠭᠠ | ᠨᠤᠳᠤᠭ ᠤᠨ ᠠᠪᠠᠭᠠ ᠴᠠᠭᠠᠨ ᠠᠭᠤᠯᠠ ᠶᠢᠨ ᠡᠩᠭᠡᠷ ᠲᠤ ᠠᠵᠦ ᠲᠦᠷᠦᠨ ᠠᠮᠢᠳᠤᠷᠠᠳᠠᠭ ᠲᠦᠷᠡᠶᠢᠮᠠ ᠬᠡᠤᠬᠡᠨ ᠤ | ᠲᠦᠷᠢ ᠶᠢ ᠱᠤᠭᠤᠵᠦ᠂ ᠵᠠᠯᠠᠭᠤ ᠬᠤᠤᠰ ᠤᠨ ᠤᠶᠢᠯᠠ ᠶᠠᠪᠤᠳᠠᠯ ᠦᠯᠢᠭᠡᠷ ᠤᠴᠠᠷᠠᠯ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠦᠯᠢᠭᠡᠷ | ᠦᠨᠠᠨ ᠢ ᠤᠷᠠᠨ ᠲᠦᠷᠰᠦᠯᠢᠭ ᠢᠶᠠᠷ ᠠᠮᠢᠯᠠᠭᠤᠯᠤᠨ ᠪᠢᠴᠢᠵᠦ᠂ ᠡᠬᠡ ᠤᠷᠤᠨ ᠤ ᠬᠠᠶᠢᠷᠠ᠂ ᠦᠨᠳᠦᠰᠦᠳᠡᠨ | ᠤᠭᠰᠠᠭᠠᠳᠠᠨ ᠤ ᠬᠠᠶᠢᠷᠠ᠂ ᠠᠬᠠᠨ ᠳᠡᠬᠦᠦᠰ ᠤᠨ ᠬᠠᠶᠢᠷᠠ᠂ ᠬᠦᠮᠦᠨ ᠬᠦᠮᠦᠨ ᠤ ᠬᠠᠶᠢᠷᠠ ᠶᠢ ᠢᠯᠡᠳᠭᠡᠬᠦ ᠶᠢ | ᠵᠤᠷᠢᠭᠰᠠᠨ ᠪᠠᠶᠢᠨᠠ᠃ | ᠨᠤᠮ ᠤᠨ ᠵᠤᠬᠢᠶᠠᠭᠴᠢ ᠠᠰᠠᠬᠠᠨ᠄ | — ᠵᠤᠬᠢᠶᠠᠯ ᠪᠢᠴᠢᠭᠰᠡᠨ ᠵᠤᠷᠢᠯᠭᠠ ᠶᠢᠨ ᠨᠢᠭᠡ ᠨᠢ ᠵᠤᠬᠢᠶᠠᠯ ᠤᠨ ᠦᠯᠢᠭᠡᠷ ᠢ ᠤᠩᠰᠢᠭᠴᠢ ᠤᠯᠠᠨ | ᠳᠠᠭᠠᠨ ᠬᠦᠷᠭᠡᠬᠦ ᠶᠢ ᠵᠤᠷᠢᠭᠰᠠᠨ᠃ ᠬᠤᠶᠠᠷ ᠲᠤ ᠮᠠᠨ ᠤ ᠠᠪᠠᠭᠠ ᠨᠤᠳᠤᠭ ᠤᠨ ᠬᠡᠯᠡ ᠬᠡᠯᠡᠯᠭᠡ᠂ ᠦᠭᠡ ᠶᠠᠷᠢᠶᠠ | ᠲᠤᠶᠢᠯ ᠤᠨ ᠦᠪᠡᠷᠮᠢᠴᠠ᠂ ᠤᠶᠠᠩᠭᠠᠯᠢᠭ ᠰᠠᠶᠢᠬᠠᠨ ᠪᠠᠶᠢᠳᠠᠭ᠃ ᠮᠠᠯᠵᠢᠬᠤ ᠰᠤᠶᠤᠯ ᠠᠴᠠ ᠵᠠᠶᠢᠳᠠᠵᠦ ᠪᠠᠶᠢᠭᠠ ᠴᠠᠭ | ᠲᠤ ᠠᠪᠠᠭᠠ ᠨᠤᠳᠤᠭ ᠤᠨ ᠦᠪᠡᠷᠮᠢᠴᠠ ᠬᠡᠯᠡ ᠬᠡᠯᠡᠯᠭᠡ ᠡᠷᠭᠡ ᠦᠭᠡᠢ ᠬᠠᠶᠠᠭᠳᠠᠵᠦ ᠪᠠᠶᠢᠭᠠ ᠦᠵᠡᠭᠳᠡᠯ ᠤᠷᠤᠰᠢᠵᠦ | ᠪᠠᠶᠢᠨᠠ᠂ ᠳᠡᠶᠢᠮᠦ ᠤᠴᠢᠷ ᠠᠴᠠ ᠲᠤᠰ ᠵᠤᠬᠢᠶᠠᠯ ᠳᠠᠭᠠᠨ ᠠᠪᠠᠭᠠ ᠨᠤᠳᠤᠭ ᠤᠨ ᠮᠠᠯᠵᠢᠬᠤ ᠰᠤᠶᠤᠯ ᠲᠠᠢ | ᠬᠤᠯᠪᠤᠭᠳᠠᠭᠰᠠᠨ ᠦᠭᠡ ᠬᠡᠯᠡᠯᠭᠡ ᠶᠢ ᠲᠤᠰᠬᠠᠢ ᠪᠢᠴᠢᠵᠦ ᠦᠯᠡᠳᠡᠭᠡᠬᠦ ᠪᠠᠷ ᠵᠤᠷᠢᠯᠠ᠃ | ᠤᠩᠰᠢᠭᠴᠢ ᠲᠦᠮᠡᠨᠪᠠᠶᠠᠷ᠄ | — ᠪᠢ ᠬᠦᠰᠡᠵᠦ ᠬᠦᠯᠢᠶᠡᠵᠦ ᠪᠠᠶᠢᠭᠰᠠᠨ ᠤᠯᠠᠨ ᠤᠩᠰᠢᠭᠴᠢ ᠶᠢᠨ ᠨᠢᠭᠡ᠂ ᠠᠩᠬᠠᠨ ᠤ ᠤᠩᠰᠢᠭᠴᠢ | ᠶᠢᠨ ᠬᠢᠨᠢ ᠨᠢᠭᠡ ᠪᠤᠯᠤᠭᠰᠠᠨ ᠳᠤ ᠪᠠᠶᠠᠷᠳᠠᠢ ᠪᠠᠶᠢᠨᠠ᠃ ᠤᠳᠤᠬᠠᠨ ᠡᠬᠢᠨ ᠤ ᠨᠢᠭᠡ ᠪᠦᠯᠦᠭ ᠢ ᠨᠢ ᠤᠩᠰᠢᠭᠠᠳ | ᠪᠠᠶᠢᠭᠠ᠂ ᠬᠠᠮᠤᠭ ᠤᠨ ᠶᠡᠭᠡ ᠲᠦᠷᠦᠭᠳᠡᠯ ᠪᠤᠯ ᠬᠡᠯᠡ ᠬᠡᠯᠡᠯᠭᠡ ᠮᠠᠰᠢ ᠳᠤᠳᠤᠨᠤ᠂ ᠠᠮᠢᠳᠤᠷᠠᠯ ᠳᠤ ᠤᠶᠢᠷᠠᠬᠠᠨ᠂ | ᠪᠠᠭᠠ ᠶᠢᠨ ᠦᠶᠠ ᠳᠤ ᠶᠠᠷᠢᠵᠦ ᠰᠤᠨᠤᠰᠴᠦ ᠪᠠᠶᠢᠭᠰᠠᠨ ᠬᠡᠯᠡ ᠬᠡᠯᠡᠯᠭᠡ ᠪᠠᠶᠢᠨᠠ᠂ ᠤᠳᠤᠬᠠᠨ ᠪᠠᠰᠠ ᠵᠠᠷᠢᠮ ᠨᠢ | ᠬᠠᠶᠠᠭᠳᠠᠵᠦ ᠪᠠᠶᠢᠭᠠ᠃ ᠬᠠᠮᠤᠭ ᠭᠤᠤᠯ ᠨᠢ ᠪᠠᠭᠠ ᠶᠢᠨ ᠦᠶᠠ ᠶᠢᠨ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ᠂ ᠪᠠᠶᠢᠭᠠᠯᠢ ᠠᠬᠤᠢ᠂ | ᠬᠠᠮᠤᠭ ᠤᠨ ᠵᠢᠵᠢᠭ ᠰᠠᠵᠢᠭ ᠲᠦᠷᠰᠦᠯᠡᠯ ᠤᠳ ᠢ ᠨᠢᠳᠤᠨ ᠳᠤ ᠦᠵᠡᠭᠳᠡᠮᠡ ᠰᠠᠶᠢᠬᠠᠨ ᠢᠯᠡᠳᠭᠡᠵᠦ ᠭᠠᠷᠭᠠᠵᠡᠢ᠃ | ᠨᠤᠮ ᠤᠨ ᠭᠠᠷᠴᠠᠭ ᠢ ᠦᠵᠡᠬᠦ ᠲᠠᠢ ᠵᠡᠷᠭᠡ ᠮᠠᠨ ᠤ ᠨᠤᠳᠤᠭ ᠤᠨ ᠪᠠᠶᠢᠭᠠᠯᠢ ᠠᠮᠢᠳᠤᠷᠠᠯ ᠢ ᠲᠦᠷᠰᠦᠯᠡᠭᠰᠡᠨ᠂ | ᠵᠤᠬᠢᠶᠠᠯ ᠳᠠᠬᠢ ᠲᠦᠷᠢ ᠶᠢᠨ ᠨᠠᠷᠠ ᠤᠳ ᠨᠢ ᠪᠠᠰᠠ ᠮᠠᠨ ᠤ ᠪᠠᠭᠠ ᠶᠢᠨ ᠦᠶᠠ ᠳᠤ ᠪᠠᠶᠢᠭᠰᠠᠨ ᠨᠤᠳᠤᠭ ᠤᠨ | ᠬᠦᠮᠦᠰ ᠤᠨ ᠨᠠᠷᠠ ᠪᠠᠷ ᠨᠡᠷᠡᠯᠡᠵᠦ ᠪᠢᠴᠢᠭᠰᠡᠨ ᠢ ᠬᠠᠷᠠᠬᠤ ᠪᠠᠷ ᠵᠤᠬᠢᠶᠠᠯ ᠳᠤᠳᠤᠷᠠ ᠡᠷᠭᠡ ᠦᠭᠡᠢ ᠠᠭᠤᠰᠴᠦ᠂ ᠶᠠᠭ | ᠯᠡ ᠲᠡᠷᠡ ᠦᠶᠠ ᠶᠢᠨ ᠠᠮᠢᠳᠤᠷᠠᠯ ᠳᠤ ᠤᠷᠤᠭᠰᠡᠨ ᠰᠢᠭ᠃ ᠪᠠᠰᠠ ᠭᠤᠤᠯ ᠲᠦᠷᠢ ᠶᠢᠨ ᠬᠠᠶᠢᠷᠠ ᠰᠡᠳᠬᠢᠯᠭᠡ᠂ | ᠵᠠᠩ ᠠᠷᠠᠨᠰᠢᠨ᠂ ᠴᠢᠩᠭᠠ ᠬᠠᠳᠠᠭᠤ ᠵᠤᠷᠢᠭ ᠰᠦᠰᠦ ᠵᠡᠷᠭᠡ ᠪᠠ ᠦᠭᠡ ᠨᠠᠶᠢᠷᠠᠯᠭᠠ ᠪᠦᠷᠢ ᠠᠴᠠ ᠨᠢ ᠰᠠᠶᠢᠬᠠᠨ | ᠳᠠᠭᠠᠰᠢᠶᠠᠯ ᠠᠪᠤᠯᠠ᠃ ᠦᠯᠢᠭᠡᠷ ᠨᠢ 1945 ᠣᠨ ᠤ ᠤᠷᠤᠰ ᠮᠤᠩᠭᠤᠯ ᠤᠨ ᠬᠤᠯᠪᠤᠭᠠᠳᠤ ᠴᠡᠷᠢᠭ ᠤᠨ ᠲᠤᠬᠠᠢ | ᠶᠢᠨ ᠦᠶᠠ ᠶᠢᠨ ᠪᠠᠶᠢᠳᠠᠯ ᠲᠠᠢ ᠵᠤᠬᠢᠴᠠᠭᠰᠠᠨ ᠵᠡᠷᠭᠡ ᠤᠯᠠᠨ ᠲᠠᠯᠠ ᠠᠴᠠ ᠵᠤᠬᠢᠶᠠᠯ ᠤᠨ ᠦᠷᠨᠢᠵᠦ ᠪᠠᠶᠢᠭᠠ ᠳᠡᠤᠭᠡᠨ | ᠦᠢᠯᠡ ᠶᠠᠪᠤᠳᠠᠯ ᠨᠢ ᠦᠨᠳᠦᠰᠦ ᠰᠠᠭᠤᠷᠢ ᠲᠠᠢ᠂ ᠠᠮᠢᠳᠤᠷᠠᠯ ᠤᠨ ᠦᠨᠠᠨ ᠳᠤ ᠰᠠᠭᠤᠷᠢᠯᠠᠭᠰᠠᠨ ᠵᠤᠬᠢᠶᠠᠯ ᠭᠡᠵᠦ | ᠪᠠᠭ᠋ᠠᠷᠬᠠᠵᠦ ᠪᠠᠶᠢᠨᠠ᠃ | ᠭᠠᠯ ᠵᠠᠯᠠᠭᠤ ᠬᠤᠷᠢᠨ ᠨᠠᠰᠤᠨ ᠳᠤ ᠰᠡᠳᠬᠢᠯ ᠤᠨ ᠬᠦᠨ ᠳᠡᠭᠡᠨ ᠳᠡᠭᠡᠭᠡᠭᠰᠡᠭᠡᠷ ᠶᠠᠪᠤᠭᠰᠠᠨ ᠴᠢᠩ ᠬᠦᠰᠡᠯ ᠨᠢ | ᠦᠨᠦᠳᠦᠷ ᠪᠡᠶᠡᠯᠡᠯ ᠢᠶᠠᠨ ᠤᠯᠵᠦ᠂ ᠠᠪᠠᠭᠠ ᠨᠤᠳᠤᠭ ᠤᠨ ᠤᠷᠠᠨ ᠵᠤᠬᠢᠶᠠᠯ ᠤᠨ ᠳᠡᠤᠬᠡᠨ ᠳᠤ ᠰᠢᠨᠠ ᠬᠠᠭᠤᠳᠠᠰᠦ | ᠪᠢᠴᠢᠭᠯᠡᠵᠦ᠂ ᠤᠩᠰᠢᠭᠴᠢ ᠲᠦᠮᠡᠨ ᠤ ᠤᠶᠤᠨ ᠤ ᠶᠢᠷᠳᠢᠨᠴᠦ ᠶᠢ ᠪᠠᠶᠠᠰᠬᠠᠵᠦ ᠪᠠᠶᠢᠨᠠ᠃ | ᠠᠰᠬᠠᠨ᠂ 1989 ᠤᠨ ᠠᠴᠠ ᠠᠵᠢᠯ ᠤᠨ ᠭᠠᠷᠤᠭᠠ ᠪᠠᠨ ᠡᠬᠢᠯᠡᠬᠦᠯᠵᠦ᠂ ᠠᠪᠠᠭᠠ ᠨᠤᠳᠤᠭ ᠤᠨ ᠢᠶᠠᠨ | ᠷᠠᠳᠢᠤ᠋ ᠲᠧᠯᠸᠢᠰ ᠲᠤ ᠬᠤᠷᠢᠨ ᠬᠡᠳᠦᠨ ᠵᠢᠯ ᠠᠵᠢᠯᠯᠠᠵᠦ᠂ ᠦᠨᠳᠦᠰᠦᠨ ᠱᠠᠳᠤᠨ ᠤ ᠴᠢᠮᠡᠭᠡ ᠮᠡᠳᠡᠭᠡᠯᠡᠯ ᠤᠨ ᠦᠢᠯᠡᠰ | ᠲᠤ ᠭᠠᠪᠢᠶᠠ ᠵᠢᠳᠬᠦᠯ ᠦᠵᠡᠬᠦᠯᠵᠦ ᠪᠠᠶᠢᠵᠠᠢ᠃ 2013 ᠤᠨ ᠠᠴᠠ ᠤᠳᠤ ᠪᠤᠯᠳᠠᠯᠠ ᠠᠪᠠᠭᠠ ᠬᠤᠰᠢᠭᠤᠨ ᠤ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯ ᠤᠨ ᠨᠡᠶᠢᠭᠡᠮᠯᠢᠭ ᠲᠤ ᠠᠵᠢᠯᠯᠠᠵᠦ ᠪᠤᠢ᠃ ᠲᠡᠷᠡᠪᠡᠷ ︽ᠠᠪᠠᠭᠠ ᠴᠠᠭᠠᠨ | ᠠᠭᠤᠯᠠ︾᠂ ︽ᠭᠠᠯ ᠱᠤᠩᠬᠤᠷ︾᠂ ︽ᠬᠢᠯᠢᠩ ᠬᠠᠷᠠ ᠶᠢᠨ ᠳᠡᠬᠦᠯᠢᠭᠡᠨ︾ ᠵᠡᠷᠭᠡ ᠺᠢᠨᠤ᠋ ᠵᠦᠴᠦᠭᠡ᠂ ᠬᠤᠱᠤᠩ | ᠱᠤᠭ᠂ ᠳᠠᠭᠤᠨ ᠤ ᠰᠢᠯᠦᠭ᠂ ᠦᠭᠦᠯᠡᠯᠭᠡ ᠵᠡᠷᠭᠡ ᠵᠤᠬᠢᠶᠠᠯ ᠪᠦᠲᠦᠭᠡᠯ ᠢᠶᠠᠨ ᠨᠡᠶᠢᠳᠡᠯᠡᠬᠦᠯᠵᠦ ᠦᠩᠭᠡᠷᠡᠵᠠᠢ᠃ ᠡᠬᠦᠨ | ᠳᠤ ᠲᠦᠯᠦᠭᠡᠯᠡᠬᠦ ᠪᠦᠲᠦᠭᠡᠯ ︽ᠬᠡᠤᠬᠡᠳ ᠪᠠᠭᠠ ᠶᠢᠨ ᠨᠠᠰᠦ︾᠂ ︽ᠲᠤᠮᠤᠭᠠᠷᠠᠵᠦ ᠶᠠᠪᠤᠭᠠ ᠨᠠᠰᠦ︾ ᠬᠡᠬᠦ ᠳᠠᠭᠤᠤ | ᠶᠢᠨ ᠰᠢᠯᠦᠭ ᠲᠠᠢ ᠪᠢᠯᠡ᠃ ᠳᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠤᠨ ᠳᠤ ᠵᠤᠬᠢᠶᠠᠭᠳᠠᠭᠰᠠᠨ ︽ᠲᠤᠮᠤᠭᠠᠷᠠᠵᠦ ᠶᠠᠪᠤᠭᠠ | ᠨᠠᠰᠦ︾ ᠬᠡᠬᠦ ᠳᠠᠭᠤᠤ ᠨᠢ ᠠᠷᠦ᠂ ᠦᠪᠦᠷ ᠮᠤᠩᠭᠤᠯ ᠳᠤ ᠨᠡᠶᠢᠳᠡᠮ ᠳᠠᠭᠤᠯᠠᠭᠳᠠᠵᠦ ᠪᠠᠶᠢᠵᠠᠢ᠃ ᠤᠯᠤᠰ | ᠪᠠᠶᠢᠭᠤᠯᠤᠭᠳᠠᠭᠰᠠᠨ 70 ᠵᠢᠯ ᠤᠨ ᠤᠢ ᠳᠤ ᠵᠤᠷᠢᠭᠤᠯᠤᠭᠰᠠᠨ ︽ᠦᠨᠢᠷ ᠴᠡᠴᠡᠭ︾᠂ ︽ᠬᠤᠨ ᠭᠠᠯᠠᠭᠤ︾ | ᠰᠡᠳᠬᠦᠯ ᠠᠴᠠ ᠡᠷᠬᠢᠯᠡᠭᠰᠡᠨ ᠤᠷᠠᠨ ᠵᠤᠬᠢᠶᠠᠯ ᠤᠨ ᠤᠷᠤᠯᠳᠤᠭᠠᠨ ᠳᠤ ︽ᠳᠡᠮᠡᠭᠡ ᠤᠨᠤᠭᠰᠠᠨ ᠬᠦᠮᠦᠨ ᠳᠠᠭᠠᠷᠠᠬᠤ | ᠦᠭᠡᠢ︾᠂ ︽ᠤᠶᠠᠭᠠᠴᠢ ᠮᠤᠷᠢ ᠬᠡᠤᠬᠡᠳ ᠭᠤᠷᠪᠠ︾ ᠦᠬᠦᠯᠡᠯᠭᠡ ᠨᠢ ᠳᠤᠰᠪᠤᠷᠢ ᠬᠤᠶᠠᠷ᠂ ᠭᠤᠷᠪᠠᠳᠤᠭᠠᠷ ᠳᠡᠰ | ᠲᠤ ᠳᠤᠳᠤᠷᠠᠵᠦ ᠪᠠᠶᠢᠭᠰᠠᠨ ᠤᠳᠠᠭᠠ ᠲᠠᠢ᠃ ᠰᠢᠨᠠ ᠤᠷᠠᠨ ᠪᠦᠲᠦᠭᠡᠯ ︽ᠳᠠᠶᠢᠴᠢᠨ ᠠᠪᠤᠷᠭᠤ ᠭᠠᠯᠱᠤᠩᠬᠤᠷ︾ | ᠬᠡᠬᠦ ᠷᠤᠮᠠᠨ ᠨᠢ ᠤᠳᠠᠬᠤ ᠦᠭᠡᠢ ᠬᠡᠪᠯᠡᠭᠳᠡᠬᠦ ᠪᠠᠷ ᠪᠠᠶᠢᠨᠠ᠃ |