| ᠨᠢᠬᠡ᠂ ᠲᠢᠩ · ᠪᠠᠭᠠᠳᠤᠷ ᠤᠨ ᠬᠢ ᠭᠤᠷᠪᠠᠳᠤᠭᠠᠷ ᠰᠠᠷᠠ ᠶᠢᠨ ᠭᠤᠷᠪᠡᠨ ᠤ ᠡᠳᠤᠷ ᠪᠤᠯᠬᠤ ᠳᠤ ᠡᠷᠳᠠ ᠶᠢᠨ | ᠳᠤᠭᠤᠯ ᠢᠶᠠᠨ ᠨᠢᠬᠡᠨᠳᠠ ᠬᠤᠳᠠᠯᠳᠤᠭᠰᠡᠨ ᠪᠠᠶᠢᠪᠠ᠃ ᠡᠭᠦᠨ ᠳᠤ᠂ ᠳᠤᠯᠤᠭᠠᠨ ᠡᠷᠠ ᠳᠤᠭᠤᠯ ᠨᠢ 9000 | ᠲᠦᠭᠦᠷᠢᠭ ᠢᠶᠠᠷ ᠳᠡᠭᠰᠢᠳᠬᠡᠵᠤ᠂ 3 ᠦᠬᠢᠨ ᠳᠤᠭᠤᠯ ᠨᠢ 8000 ᠲᠦᠭᠦᠷᠢᠭ ᠢᠶᠠᠷ ᠳᠡᠭᠰᠢᠳᠬᠡᠵᠤ᠂ ᠨᠦᠬᠦᠬᠡ | ᠬᠤᠶᠡᠷ ᠡᠷᠡ ᠳᠤᠭᠤᠯ ᠢ ᠨᠢ ᠵᠡᠷᠬᠡᠯᠡᠳᠡᠭᠡ ᠬᠤᠳᠠ ᠳᠤᠭᠤᠶᠢᠯᠡᠩ ᠤᠨ ᠬᠢᠨ ᠪᠤᠬᠠ ᠪᠠᠷ 15000 ᠲᠦᠭᠦᠷᠢᠭ ᠪᠠ | 13000 ᠲᠦᠭᠦᠷᠢᠭ ᠢᠶᠠᠷ ᠦᠷᠳᠡᠬᠡᠯᠡᠨ ᠠᠪᠤᠭᠰᠡᠨ ᠢᠶᠠᠷ ᠨᠠᠶᠢᠳᠠ ᠳᠤ ᠪᠠᠨ ᠠᠷᠪᠡᠨ ᠨᠢᠬᠡᠨ ᠲᠦᠮᠠ ᠳᠠᠪᠤᠨ | ᠮᠢᠩᠭᠠᠨ ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ ᠡᠭᠦᠳᠦᠭᠰᠡᠨ ᠪᠠᠶᠢᠨᠠ᠃ ᠶᠠᠭᠤᠨ ᠳᠤ ᠡᠶᠢᠮᠤ ᠡᠷᠳᠠ ᠳᠤᠭᠤᠯ ᠢᠶᠠᠨ | ᠬᠤᠳᠠᠯᠳᠤᠵᠤ ᠪᠠᠶᠢᠬᠤ ᠶᠢ ᠯᠠᠪᠯᠠᠬᠤ ᠳᠤ᠂ ᠲᠢᠩ · ᠪᠠᠭᠠᠳᠤᠷ ᠤᠨ ᠪᠦᠰᠡᠭᠦᠢ᠂ ᠡᠷᠳᠡᠨᠢᠴᠢᠮᠡᠭ ᠠᠴᠠ ᠮᠠᠨ ᠤ ᠬᠢ ᠵᠢᠯ | ᠳᠤ ᠪᠠᠨ 4 — 5 ᠰᠠᠷᠠ ᠪᠤᠯᠤᠭᠰᠡᠨ ᠳᠤᠭᠤᠯ ᠤᠳ ᠢᠶᠠᠨ ᠤᠷᠢᠳᠴᠢᠯᠠᠵᠤ ᠬᠤᠳᠠᠯᠳᠤᠳᠠᠭ᠂ ᠤᠴᠢᠷ ᠨᠢ ᠪᠡᠯᠴᠢᠬᠡᠷ | ᠤᠰᠤᠨ ᠳᠤ ᠭᠠᠮᠳᠠᠢ ᠮᠦᠷᠳᠡᠬᠡᠨ ᠡᠬᠡ ᠮᠠᠯ ᠤᠨ ᠢᠶᠠᠨ ᠳᠠᠷᠭᠤ ᠬᠦᠴᠦ ᠶᠢ ᠪᠠᠳᠤᠯᠠᠴᠢᠬᠠᠨᠠ ᠭᠡᠯᠠ᠃ | ᠬᠤᠶᠡᠷ᠂ ᠲᠢᠩ · ᠪᠠᠭᠠᠳᠤᠷ ᠤᠨ ᠬᠢ ᠵᠢᠯ ᠳᠤ ᠪᠠᠨ ᠳᠠᠪᠢᠭᠠᠳ ᠯᠠ ᠰᠠᠭᠤᠷᠢ ᠡᠬᠡ ᠮᠠᠯ ᠦᠯᠡᠳᠡᠬᠡᠳᠡᠭ᠃ ᠵᠢᠯ | ᠪᠦᠷᠢ ᠳᠠᠪᠢᠭᠠᠳ ᠳᠤᠭᠤᠯ ᠠᠴᠠ ᠪᠠᠨ ᠵᠦᠪᠬᠡᠨ ᠳᠠᠪᠤᠨ ᠦᠬᠢᠨ ᠳᠤᠭᠤᠯ ᠯᠠ ᠰᠢᠯᠢᠨ ᠰᠤᠩᠭᠤᠵᠤ ᠦᠯᠡᠳᠡᠬᠡᠬᠡᠳ | ᠪᠤᠰᠤᠳ ᠢ ᠨᠢ ᠪᠦᠬᠦᠨ ᠢ ᠬᠤᠳᠠᠯᠳᠤᠵᠤ᠂ ᠦᠨᠢᠶᠡᠳ ᠠᠴᠠ ᠪᠠᠨ ᠪᠠᠰᠠ ᠨᠠᠰᠤ ᠰᠢᠳᠤ ᠶᠢ ᠦᠵᠡᠵᠤ ᠪᠠᠶᠢᠭᠠᠳ | ᠳᠠᠪᠤᠨ ᠦᠨᠢᠶᠡ ᠶᠢ ᠵᠠᠪᠠᠯ ᠬᠤᠳᠠᠯᠳᠤᠳᠠᠭ ᠪᠠᠶᠢᠨᠠ᠃ ᠡᠶᠢᠮᠤ ᠠᠴᠠ ᠳᠠᠪᠢᠭᠠᠳ ᠦᠬᠡᠷ ᠨᠢ ᠠᠷᠪᠡᠨ ᠵᠢᠯ ᠳᠡᠭᠡᠷᠠ | ᠪᠠᠨ ᠪᠦᠬᠦᠨ ᠢᠶᠠᠷ ᠢᠶᠠᠨ ᠰᠤᠯᠢᠭᠳᠠᠴᠢᠬᠠᠳᠠᠭ ᠪᠠᠶᠢᠯᠠ᠃ | ᠭᠤᠷᠪᠡ᠂ ᠲᠢᠩ · ᠪᠠᠭᠠᠳᠤᠷ ᠪᠠᠷᠤᠭ ᠤᠨ ᠡᠳᠤᠷ᠂ ᠠᠶᠢᠮᠠᠭ᠂ ᠬᠤᠰᠢᠭᠤ᠂ ᠰᠤᠮᠤ ᠪᠠᠯᠭᠠᠰᠤ᠂ ᠭᠠᠴᠠᠭᠠ ᠪᠠᠷ | ᠬᠦᠷᠴᠤ᠂ ᠬᠤᠶᠡᠷ ᠬᠤᠷᠠᠯ ᠤᠨ ᠵᠤᠷᠢᠭ ᠰᠠᠨᠠᠭᠠ ᠶᠢ ᠤᠯᠠᠮᠵᠢᠯᠠᠵᠤ᠂ ᠬᠢᠴᠢᠶᠠᠯ ᠳᠠᠶᠢᠯᠤᠮᠵᠢ ᠬᠢᠵᠤ ᠶᠠᠭᠠᠷᠠᠤ ᠪᠠᠶᠢᠳᠠᠭ | ᠪᠤᠯᠬᠤᠷ᠂ ᠵᠠᠪ ᠴᠢᠯᠦᠬᠡ ᠭᠠᠷᠪᠠᠯ ᠬᠡᠷᠬᠡᠢ ᠳᠤ ᠪᠠᠨ ᠬᠠᠪᠰᠤᠷᠴᠤ᠂ ᠳᠤᠤᠷ ᠬᠦᠷᠢᠶᠡ ᠶᠢ ᠨᠢ ᠵᠠᠰᠠᠵᠤ ᠦᠭᠳᠡᠭ ᠪᠢᠯᠠ᠃ | | ᠲᠦᠷᠪᠡ᠂ ᠲᠢᠩ · ᠪᠠᠭᠠᠳᠤᠷ ᠤᠨ ᠤᠷᠤᠯᠭᠠ ᠵᠠᠷᠤᠯᠭᠠ ᠶᠢᠨ ᠳᠠᠩᠰᠠ ᠬᠠᠷᠠ᠂ ᠭᠠᠴᠠᠭᠠᠨ ᠤ᠂ ᠭᠡᠷ ᠪᠦᠯᠢ ᠶᠢᠨ | ᠬᠡᠰᠡᠨ ᠦᠬᠡᠢ᠂ ᠬᠡᠵᠢᠶᠠᠳᠠ ᠪᠠᠨ ᠨᠠᠷᠢᠨ ᠳᠤᠳᠤᠷᠬᠠᠢ᠂ ᠶᠠᠭᠤᠮᠠ ᠪᠦᠬᠦᠨ ᠢ ᠡᠷᠳᠠ ᠠᠴᠠ ᠨᠢᠭᠳᠠᠯᠠᠵᠤ | ᠲᠦᠯᠦᠪᠯᠡᠳᠡᠭ ᠠᠴᠠ ᠪᠤᠯᠵᠤ ᠠᠮᠢ ᠠᠬᠤᠢ ᠨᠢ ᠰᠡᠷᠭᠦᠨ᠂ ᠪᠡᠯᠴᠢᠬᠡᠷ ᠤᠰᠤ ᠨᠢ ᠰᠠᠶᠢᠵᠢᠷᠠᠵᠤ᠂ ᠤᠷᠴᠢᠮ ᠤᠨ ᠠᠷᠪᠡ | ᠭᠠᠷᠤᠢ ᠵᠢᠯ ᠤᠨ ᠳᠤᠷᠰᠢᠳᠠ ᠶᠠᠮᠠᠷ ᠴᠦ ᠡᠪᠡᠰᠤ ᠪᠤᠷᠳᠤᠭᠠᠨ ᠤ ᠵᠠᠷᠤᠳᠠᠯ ᠬᠡᠷᠡᠭᠰᠡᠭᠰᠡᠨ ᠦᠬᠡᠢ ᠪᠠᠷ ᠢᠶᠠᠨ | ᠤᠨᠴᠠᠯᠢᠭᠳᠠᠨᠠ᠃ ᠠᠷᠪᠠ ᠭᠠᠷᠤᠢ ᠵᠢᠯ ᠤᠨ ᠡᠮᠤᠨᠠ᠂ ᠬᠤᠯᠤᠭᠠᠨᠠ ᠰᠢᠪᠠᠵᠢ ᠤᠷᠤᠬᠤ ᠠᠴᠠ ᠰᠡᠷᠬᠡᠶᠢᠯᠡᠨ ᠨᠢᠭᠳᠠ | ᠪᠢᠳᠡᠭᠦᠮᠵᠢᠯᠡᠭᠰᠡᠨ ᠪᠢᠳᠡᠭᠦᠦ ᠫᠧᠩ ᠳᠤ ᠪᠠᠨ ᠬᠠᠳᠠᠭᠠᠯᠠᠭᠰᠠᠨ ᠭᠤᠷᠪᠡᠨ ᠲᠦᠮᠠ ᠭᠠᠷᠤᠢ ᠺᠢᠯᠤᠭ᠍ᠷᠠᠮ ᠭᠠᠮᠰᠢᠭ ᠤᠨ | ᠪᠡᠯᠡᠳᠬᠡᠯ ᠳᠤ ᠵᠤᠷᠢᠭᠤᠯᠤᠯᠳᠠ ᠲᠠᠢ ᠬᠦᠬᠡ ᠡᠪᠡᠰᠤ ᠨᠢ ᠶᠠᠩᠵᠤ ᠢᠶᠠᠷ ᠢᠶᠠᠨ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠯᠠ᠃ | ᠳᠠᠪᠤ᠂ ᠲᠢᠩ · ᠪᠠᠭᠠᠳᠤᠷ ᠶᠢᠨ ᠬᠢ ᠫᠧᠩ ᠬᠤᠷᠤᠭᠠᠨ ᠤ ᠪᠦᠳᠦᠬᠡᠨ ᠪᠠᠶᠢᠭᠤᠯᠤᠯᠳᠠ ᠳᠡᠭᠡᠷᠠ ᠨᠢᠬᠡ ᠶᠡᠭᠡ | ᠵᠠᠷᠤᠳᠠᠯ ᠤᠷᠤᠭᠤᠯᠳᠠᠭ ᠦᠬᠡᠢ᠃ ᠵᠦᠪᠬᠡᠨ ᠵᠤᠤᠨ ᠭᠠᠮᠰᠢᠭ ᠤᠨ ᠪᠡᠯᠡᠳᠬᠡᠯ ᠳᠤ ᠵᠤᠷᠢᠭᠤᠯᠤᠯᠳᠠ ᠲᠠᠢ ᠨᠢᠭᠳᠠ | ᠪᠢᠳᠡᠭᠦᠮᠵᠢᠯᠡᠭᠰᠡᠨ ᠡᠪᠡᠰᠤ ᠬᠠᠳᠠᠭᠠᠯᠠᠬᠤ ᠫᠧᠩ ᠨᠢᠬᠡ ᠰᠠᠭᠤᠷᠢ᠂ ᠡᠪᠤᠯ ᠦᠨᠢᠶᠡ ᠳᠤᠭᠤᠯᠯᠠᠬᠤ ᠦᠶᠡ ᠳᠤ ᠳᠤᠭᠤᠯ | ᠢᠶᠠᠨ ᠬᠠᠳᠠᠭᠠᠬᠤ ᠳᠤ ᠵᠤᠷᠢᠭᠤᠯᠤᠯᠳᠠ ᠲᠠᠢ ᠨᠢᠬᠡ ᠪᠠᠭᠠ ᠬᠡᠯᠪᠡᠷᠢ ᠶᠢᠨ ᠳᠤᠯᠠᠭᠠᠨ ᠫᠧᠩ ᠲᠠᠢ᠂ ᠪᠤᠰᠤᠳ ᠬᠦᠷᠢᠶᠡ | ᠬᠠᠰᠢᠶᠡ ᠶᠢ ᠨᠢ ᠤᠨᠢ ᠮᠤᠳᠤ ᠪᠠᠷ ᠳᠤᠬᠢᠯᠢᠭᠵᠢᠭᠤᠯᠵᠤ ᠬᠢᠭᠰᠡᠨ ᠬᠠᠷᠠᠭᠳᠠᠨᠠ᠃ ᠡᠷᠳᠡᠨᠢᠴᠢᠮᠡᠭ ᠶᠠᠷᠢᠬᠤ ᠳᠤ ᠪᠠᠨ᠂ | ᠮᠤᠳᠤ ᠪᠠᠷ ᠬᠢᠭᠰᠡᠨ ᠬᠦᠷᠢᠶᠡ ᠬᠠᠰᠢᠶᠡ ᠨᠢ ᠳᠤᠭᠤᠰᠭᠠ ᠪᠤᠶᠤ ᠴᠢᠯᠠᠭᠤ ᠪᠠᠷ ᠬᠢᠭᠰᠡᠨ ᠬᠦᠷᠢᠶᠡ ᠬᠠᠰᠢᠶᠡ ᠲᠠᠢ | ᠬᠠᠷᠢᠴᠠᠭᠤᠯᠪᠠᠯ᠂ ᠵᠤᠭᠤᠰ ᠮᠦᠩᠭᠦᠨ ᠳᠤ ᠠᠷᠪᠢᠳᠠᠢ ᠮᠦᠷᠳᠡᠬᠡᠨ ᠵᠠᠰᠠᠵᠤ ᠰᠡᠯᠪᠢᠬᠦ ᠳᠤ ᠠᠮᠠᠷ᠂ ᠬᠦᠮᠦᠨ ᠤ | ᠬᠦᠴᠦᠨ ᠳᠤ ᠠᠷᠪᠢᠳᠠᠢ ᠭᠡᠵᠤ ᠪᠠᠶᠢᠯᠠ᠃ | ᠵᠢᠷᠭᠤᠭᠠ᠂ ᠲᠢᠩ · ᠪᠠᠭᠠᠳᠤᠷ ᠡᠷᠳᠡᠨᠢᠴᠢᠮᠡᠭ ᠤᠨ ᠬᠤᠪᠢ ᠳᠤ ᠠᠪᠴᠤ ᠬᠡᠯᠡᠪᠡᠯ᠂ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠠᠮᠢ ᠭᠤᠤᠯ | ᠲᠠᠢ ᠪᠠᠨ ᠬᠤᠯᠪᠤᠵᠤ᠂ ᠬᠠᠮᠠᠭᠠᠯᠠᠵᠤ ᠢᠷᠡᠭᠰᠡᠨ ᠢᠶᠠᠷ ᠡᠪᠡᠰᠤ ᠮᠤᠳᠤᠨ ᠤ ᠲᠦᠷᠦᠯ ᠵᠤᠶᠢᠯ ᠨᠢ ᠤᠯᠠᠰᠢᠷᠠᠵᠤ᠂ | ᠠᠮᠢᠳᠠᠨ ᠭᠤᠤᠯᠳᠠᠨ ᠨᠢ ᠨᠡᠮᠡᠭᠳᠡᠭᠰᠡᠨ ᠢᠶᠠᠷ ᠦᠯᠤ ᠪᠠᠷᠠᠨ ᠭᠡᠷ ᠤᠨ ᠢᠶᠠᠨ ᠤᠶᠢᠷᠠᠯᠴᠠᠭᠠᠬᠢ ᠳᠠᠷᠢᠭᠰᠡᠨ ᠮᠤᠳᠤᠨ ᠤ | ᠪᠠᠨ ᠰᠠᠯᠠᠭᠠ ᠮᠦᠴᠢᠷ ᠤᠳ ᠲᠤ ᠦᠪᠡᠷ ᠤᠨ ᠭᠠᠷ ᠤᠨ ᠤᠷᠠᠨ ᠢᠶᠠᠨ ᠭᠠᠷᠭᠠᠵᠤ᠂ ᠤᠬᠢᠶᠠᠯᠭᠠᠶᠢᠨ ᠰᠢᠩᠬᠡᠨ ᠤ | ᠰᠠᠪᠠ ᠮᠡᠳᠤ ᠶᠢᠨ ᠬᠠᠶᠠᠭᠳᠠᠮᠠᠯ ᠰᠦᠯᠢᠶᠤᠤ ᠰᠠᠪᠠ ᠤᠳ ᠢᠶᠠᠷ ᠵᠠᠰᠠᠵᠤ ᠭᠠᠷᠭᠠᠭᠰᠡᠨ ᠬᠠᠶᠢᠷᠴᠠᠭ ᠤᠳ ᠢᠶᠠᠨ ᠶᠡᠭᠡ | ᠪᠠᠭᠠ ᠠᠳᠠᠯᠢ ᠪᠤᠰᠤ ᠰᠢᠪᠠᠭᠤ ᠤᠷᠤᠵᠤ ᠳᠠᠶᠢᠯᠬᠦ ᠬᠡᠮᠵᠢᠶᠡ ᠲᠠᠢ ᠨᠦᠬᠡᠯᠡᠵᠤ᠂ ᠰᠢᠪᠠᠭᠤᠳ ᠲᠤ ᠵᠤᠷᠢᠭᠤᠯᠤᠯᠳᠠ ᠲᠠᠢ | ᠡᠭᠦᠷ ᠪᠡᠯᠡᠳᠬᠡᠵᠤ ᠦᠭᠬᠦᠭᠰᠡᠨ ᠢᠶᠠᠷ᠂ ᠡᠳᠤᠷ ᠤᠨ ᠤᠳᠠᠭᠠᠨ ᠳᠤ ᠪᠠᠨ ᠳᠡᠳᠡᠬᠡᠷ ᠰᠢᠪᠠᠭᠤᠳ ᠴᠦ ᠢᠵᠢᠯᠰᠢᠨ | ᠳᠠᠰᠤᠯᠴᠠᠵᠤ᠂ ᠬᠠᠶᠢᠷᠴᠠᠭ ᠲᠤ ᠨᠢ ᠤᠷᠤᠩᠨᠠᠨ ᠠᠮᠢᠳᠤᠷᠠᠵᠤ᠂ ᠦᠷᠠ ᠵᠤᠯᠵᠠᠭᠠ ᠢᠶᠠᠨ ᠦᠰᠬᠡᠨ ᠦᠷᠡᠵᠢᠭᠦᠯᠬᠦ | ᠪᠤᠯᠵᠡᠢ᠃ | ᠳᠤᠯᠤᠭᠠ᠂ ᠵᠢᠷᠠᠨ ᠨᠠᠰᠤ ᠶᠢ ᠳᠠᠪᠠᠵᠤ ᠶᠠᠪᠤᠭᠠ ᠲᠢᠩ · ᠪᠠᠭᠠᠳᠤᠷ᠂ ᠡᠷᠳᠡᠨᠢᠴᠢᠮᠡᠭ ᠬᠤᠶᠡᠷ ᠤᠨ ᠠᠵᠤ ᠠᠮᠢᠳᠤᠷᠠᠯ | ᠨᠢ ᠬᠡᠵᠢᠶᠠᠳᠠ ᠪᠠᠨ ᠪᠠᠶᠠᠷ ᠵᠢᠷᠭᠠᠯ ᠢᠶᠠᠷ ᠲᠦᠭᠦᠷᠡᠩ ᠪᠠᠶᠢᠵᠤ᠂ ᠰᠠᠶ᠋ᠢ ᠯᠠ ᠤᠢ ᠬᠦᠷᠴᠤ ᠪᠠᠶᠢᠭᠠ ᠵᠢᠬᠡ ᠤᠮᠪᠤᠯᠤ | ᠳᠤᠨᠵᠢ ᠢᠶᠠᠨ ᠠᠮᠠᠷᠠᠯᠳᠠ ᠶᠢᠨ ᠡᠳᠤᠷ ᠤᠳ ᠢᠶᠠᠷ ᠬᠦᠳᠡᠭᠡ ᠭᠡᠷ ᠲᠡᠭᠡᠨ ᠢᠷᠡᠬᠦ ᠶᠢ ᠱᠠᠭᠠᠷᠳᠠᠨ᠂ ᠬᠠᠷᠠᠬᠠᠨ ᠪᠠᠭᠠ | ᠠᠴᠠ ᠨᠢ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠳᠤ ᠳᠠᠰᠬᠠᠵᠤ᠂ ᠮᠠᠯ ᠤᠨᠤᠭᠠ ᠲᠠᠢ ᠨᠢ ᠡᠬᠡᠨᠢᠭᠰᠢᠭᠦᠯᠦᠨ ᠵᠤᠬᠢᠴᠠᠭᠤᠯᠬᠤ ᠪᠠᠷ | ᠳᠠᠮᠵᠢᠨ᠂ ︽ᠭᠡᠷ ᠪᠦᠯᠢ ᠶᠢᠨ ᠬᠦᠮᠦᠵᠢᠯ︾ ᠢ ᠬᠦᠷᠳᠡᠬᠡᠳᠡᠭ ᠪᠢᠯᠠ᠃ |