ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠦᠢᠯᠡᠴᠢᠯᠡᠭᠡ
ᠠᠵᠠ ᠬᠡᠶᠢᠮᠣᠷᠢᠲᠦ ᠠᠪᠠᠭ᠎ᠠ
ᠣᠣᠯ ᠠᠪᠠᠭ᠋ᠠᠨᠠᠷ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠰᠡᠭᠦᠯ ᠦᠶ᠎ᠡ ᠶᠢᠨ ᠵᠠᠰᠠᠭ ᠪᠡᠶᠢᠯᠡ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2017/6/20
                                                      ᠸᠠᠩᠵᠢᠯᠴᠡᠳᠡᠩ                ᠠᠪᠠᠭ᠋ᠠᠨᠠᠷ ᠠᠶᠢᠮᠠᠭ ᠪᠣᠯ ᠶᠣᠸᠠᠨ ᠣᠯᠣᠰ ᠤᠨ ᠳᠠᠶᠢᠽᠣ ᠴᠢᠩᠭᠢᠰ ᠤᠨ ᠳᠡᠭᠦᠦ ᠪᠢᠯᠡᠭᠦᠳᠠᠢ ᠠᠴᠠ ᠦᠶ᠎ᠡ ᠣᠯᠠᠮᠵᠢᠯᠠᠨ ᠠᠷᠪᠠᠨ ᠨᠠᠢᠮᠠᠳᠣᠭᠠᠷ ᠠᠴᠢ ᠦᠷ᠎ᠡ ᠨᠣᠮᠳᠣ ᠮᠠᠩᠬᠢᠲᠣ ᠶᠢᠨ ᠦᠶ᠎ᠡ ᠠᠴᠠ ᠦᠪᠡᠷ ᠤᠨ ᠠᠶᠢᠮᠠᠭ ᠢᠶᠠᠨ 《 ᠠᠪᠠᠭ᠎ᠠ ᠨᠠᠷ 》 ᠭᠡᠵᠣ ᠨᠡᠷᠡᠯᠡᠭᠰᠡᠨ ᠭᠡᠨ᠎ᠡ᠃ ᠲᠡᠷᠡ ᠦᠶ᠎ᠡ ᠳᠤ ᠡᠨᠡ ᠠᠶᠢᠮᠠᠭ ᠬᠠᠩᠭᠠᠢ ᠬᠠᠨ ᠤ ᠠᠷᠣ ᠳᠤ ᠣᠨᠣᠨ ᠬᠡᠷᠡᠯᠣᠨ ᠤ ᠬᠦᠪᠡᠭᠡ ᠳᠠᠭᠠᠣ ᠨᠣᠳᠣᠭᠯᠠᠵᠣ ᠰᠡᠴᠡᠨ ᠬᠠᠨ ᠠᠶᠢᠮᠠᠭ ᠲᠤ ᠬᠠᠷᠢᠶᠠᠯᠠᠭᠳᠠᠵᠣ ᠪᠠᠶᠢᠵᠠᠢ᠃ ᠨᠣᠮᠳᠣ ᠮᠠᠩᠭᠢᠳᠣ ᠠᠴᠠ ᠬᠤᠶᠠᠷ ᠬᠦᠪᠡᠭᠦᠨ ᠲᠠᠢ᠂ ᠠᠬᠠᠮᠠᠳ ᠬᠦᠪᠡᠭᠦᠨ ᠴᠡᠷᠡᠨᠮᠡᠷᠭᠡᠨ᠂ ᠳᠡᠳ᠋ ᠬᠦᠪᠡᠭᠦᠨ ᠳᠣᠩᠶ᠋ᠢᠰᠧᠯᠪᠤ ︵ᠳᠣᠩᠶᠣᠳᠰᠧᠯᠪᠤ︶ ᠭᠡᠳᠡᠭ᠂ ᠲᠡᠷᠡ ᠬᠤᠶᠠᠷ ᠠᠴᠠ ᠡᠬᠢᠯᠡᠨ ᠪᠠᠷᠠᠭᠤᠨ ᠵᠡᠭᠦᠨ ᠬᠤᠶᠡᠷ ᠠᠪᠠᠭ᠋ᠠᠨᠠᠷ  ᠤᠨ ᠵᠠᠰᠠᠭ ᠨᠣᠶᠠᠳ ᠤᠨ ᠦᠶ᠎ᠡ ᠵᠡᠷᠭᠡ ᠵᠠᠯᠭᠠᠮᠵᠢᠯᠠᠭᠰᠠᠭᠠᠷ ᠢᠷᠡᠵᠠᠢ᠃               ᠴᠢᠩ ᠣᠯᠣᠰ ᠤᠨ ᠡᠩᠬᠡ ᠠᠮᠣᠭᠤᠯᠠᠩ ᠬᠠᠭᠠᠨ ᠤ ᠳᠡᠷᠢᠭᠦᠨ ᠣᠨ ︵ᠨᠡᠶᠢᠳᠡ ᠶᠢᠨ ᠣᠨ ᠳᠣᠭᠠᠯᠠᠯ ᠤᠨ 1662 ᠣᠨ︶ ᠳᠤ ᠴᠡᠷᠡᠨᠮᠡᠷᠭᠡᠨ ᠦᠪᠡᠷ ᠤᠨ ᠬᠠᠷᠢᠶᠠᠳᠣ ᠪᠠᠨ ᠳᠠᠭᠠᠭᠤᠯᠣᠨ ᠴᠢᠩ ᠣᠯᠣᠰ ᠢ ᠳᠡᠭᠠᠷ᠎ᠠ ᠢᠷᠡᠭᠡᠳ ᠡᠩᠬᠡ ᠠᠮᠣᠭᠤᠯᠠᠩ ᠤᠨ ᠵᠢᠷᠭᠤᠳᠣᠭᠠᠷ ᠣᠨ ︵ᠨᠡᠶᠢᠳᠡ ᠶᠢᠨ ᠣᠨ ᠳᠣᠭᠠᠯᠠᠯ ᠤᠨ 1667 ᠣᠨ︶ ᠳᠤ ᠠᠪᠠᠭ᠋ᠠᠨᠠᠷ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠲᠦᠷᠦ ᠶᠢᠨ ᠪᠡᠶᠢᠯᠡ ᠡᠷᠭᠦᠮᠵᠢᠯᠡᠭᠳᠡᠵᠣ ᠦᠶ᠎ᠡ ᠣᠯᠠᠷᠢᠨ ᠳᠣᠰ ᠬᠤᠰᠢᠭᠤᠨ ᠤ ᠵᠠᠰᠠᠭ ᠲᠦᠷᠦ ᠶᠢᠨ ᠡᠷᠬᠡ ᠪᠠᠷᠢᠵᠣ ᠢᠷᠡᠵᠦᠬᠦᠢ᠃ ᠴᠡᠴᠡᠨᠮᠡᠷᠭᠡᠨ ᠠᠴᠠ ᠮᠢᠨᠣ ᠡᠴᠢᠭᠡ ᠰᠣᠳᠨᠠᠮᠨᠣᠷᠪᠤ ᠭᠦᠷᠳᠡᠯ᠎ᠡ ᠨᠡᠶᠢᠳᠡ ᠠᠷᠪᠡᠨ ᠲᠦᠷᠪᠡᠨ ᠦᠶ᠎ᠡ ᠵᠠᠯᠭᠠᠮᠵᠢᠯᠠᠵᠠᠢ᠃       ᠪᠢ ᠪᠣᠯ ᠰᠣᠳᠨᠠᠮᠨᠣᠷᠪᠤ ᠶᠢᠨ ᠬᠤᠶᠠᠳᠣᠭᠠᠷ ᠬᠦᠪᠡᠭᠦᠨ᠂ ᠳᠣᠮᠳᠠᠳᠣ ᠢᠷᠭᠡᠨ ᠣᠯᠣᠰ ᠤᠨ ᠠᠷᠪᠡᠨ ᠶᠢᠰᠦᠳᠦᠭᠡᠷ ᠣᠨ ︵ᠨᠡᠶᠢᠳᠡ ᠶᠢᠨ ᠣᠨ ᠳᠣᠭᠠᠯᠠᠯ ᠤᠨ 1930 ᠣᠨ︶  ᠳᠤ ᠴᠠᠭᠠᠨ ᠮᠣᠷᠢᠨ ᠵᠢᠯ ᠪᠢᠯᠢᠭ ᠤᠨ ᠣᠯᠠᠷᠢᠯ ᠤᠨ ᠳᠠᠪᠣᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠡ ᠶᠢᠨ ᠭᠤᠷᠪᠡᠨ ᠤ ᠡᠳᠦᠷ ᠪᠠᠶᠠᠨᠴᠠᠭᠠᠨ ᠠᠭᠤᠯᠠ ᠶᠢᠨ ᠡᠩᠭᠡᠷ ᠲᠤ ᠪᠠᠶᠢᠭᠰᠠᠨ ᠵᠠᠰᠠᠭ ᠪᠡᠶᠢᠯᠡ ᠶᠢᠨ ᠣᠷᠳᠣᠨ ᠳᠤ ᠳᠦᠷᠦᠵᠠᠢ᠃ ᠰᠣᠨᠣᠰᠬᠤᠯ᠎ᠠ ᠮᠢᠨᠣ ᠠᠬ᠎ᠠ ᠲᠦᠷᠦᠭᠡᠳ ᠨᠢᠭᠡ ᠵᠢᠯ ᠪᠣᠯᠣᠭᠠᠳᠦᠢ ᠪᠠᠷ ᠦᠬᠦᠭᠰᠡᠨ ᠭᠡᠳᠡᠭ᠃ ᠬᠠᠭᠤᠴᠢᠨ ᠨᠡᠶᠢᠭᠡᠮ ᠳᠤ ᠠᠩᠬᠠᠳᠣᠭᠠᠷ ᠬᠦᠪᠡᠭᠦᠨ ᠨᠢ ᠨᠢᠯᠬ᠎ᠠ ᠳᠤ ᠪᠠᠨ ᠦᠬᠦᠪᠡᠯ ᠠᠴᠢ ᠦᠷ᠎ᠡ ᠳᠣᠭᠳᠠᠳᠠᠭ ᠦᠭᠡᠢ ᠭᠡᠰᠡᠨ ᠶᠠᠷᠢᠶ᠎ᠠ ᠪᠠᠶᠢᠳᠠᠭ ᠳᠣᠯᠠ ᠮᠠᠨ  ᠤ ᠡᠴᠢᠭᠡ ᠨᠠᠮᠠᠢᠢ ᠲᠦᠷᠦᠮᠡᠭᠴᠡ ᠪᠠᠰᠠᠴᠣ ᠠᠯᠳᠠᠬᠤ ᠠᠴᠠ ᠠᠶᠣᠵᠣ ᠭᠡᠭᠡᠨ ᠪᠣᠷᠬᠠᠨ ᠳᠤ ᠳᠠᠭᠠᠳᠬᠠᠨ ᠯᠠᠮᠠ ᠵᠠᠯᠠᠵᠣ ᠬᠦᠰᠡᠷᠡᠶᠢᠯᠡᠭᠰᠡᠨ ᠭᠡᠨ᠎ᠡ᠃ ᠬᠦᠰᠡᠷᠡᠶᠢᠯᠡᠬᠦ ᠬᠡᠳᠡᠭ ᠨᠢ᠂ ᠮᠠᠨᠴᠦᠢ ᠲᠠᠢ ᠬᠡᠣᠬᠡᠳ ᠢᠶᠠᠨ ᠭᠠᠳᠠᠨ᠎ᠠ ᠬᠡᠬᠡᠷ᠎ᠡ ᠳᠠᠯᠪᠢᠵᠤ ᠣᠷᠬᠢᠭᠠᠳ ᠵᠠᠯᠠᠭᠰᠠᠨ ᠪᠠᠭᠰᠢ ᠯᠠᠮᠠ ᠨᠢ ᠨᠣᠮ ᠣᠩᠰᠢᠵᠣ ᠬᠡᠣᠬᠡᠳ ᠤᠨ ᠳᠡᠭᠡᠭᠦᠷ ᠨᠢ ᠡᠮᠦᠨ᠎ᠡ ᠠᠴᠠ ᠬᠤᠶᠢᠰᠢ᠂ ᠵᠡᠭᠦᠨ ᠠᠴᠠ ᠪᠠᠷᠠᠭᠤᠨᠰᠢ ᠭᠤᠷᠪᠠ ᠭᠤᠷᠪᠠᠨ ᠣᠳᠠᠭ᠎ᠠ ᠠᠯᠬᠤᠨ ᠦᠩᠭᠡᠷᠡᠵᠣ ᠭᠡᠣᠭᠡᠳ ᠤᠨ ᠭᠦᠵᠦᠭᠦᠨ ᠳᠤ ᠨᠢ ᠮᠥᠩᠬᠦᠨ ᠴᠠᠭᠠᠷᠢᠭ ᠬᠢᠵᠣ ᠣᠨᠢᠰᠣᠯᠠᠭᠠᠳ ᠡᠷᠭᠦᠵᠣ ᠠᠪᠴᠢᠷᠠᠨ᠄ ︽ᠪᠢ ᠬᠡᠬᠡᠷ᠎ᠡ ᠠᠴᠠ ᠨᠢᠭᠡ ᠭᠡᠣᠭᠡᠳ ᠣᠯᠵᠠᠢ᠂ ᠡᠭᠦᠨ ᠢ ᠲᠠ ᠨᠠᠳᠠᠳᠣ ᠦᠰᠭᠡᠵᠣ ᠦᠭᠭᠦᠭᠡᠷᠡᠢ᠂ ᠨᠠᠷ᠎ᠡ ᠶᠢ ᠨᠢ ᠬᠦᠰᠡᠷᠡᠢ ᠭᠡᠵᠣ ᠨᠡᠷᠡᠯᠡᠶ᠎ᠡ︾ ᠭᠡᠵᠣ ᠬᠡᠯᠡᠭᠡᠳ ᠡᠬᠡ  ᠳᠤ ᠨᠢ ᠦᠭᠳᠡᠭ ᠭᠡᠨ᠎ᠡ᠃ ᠡᠭᠦᠨ ᠠᠴᠠ ᠡᠬᠢᠯᠡᠨ ᠨᠠᠮᠠᠢᠢ ᠬᠦᠰᠡᠷᠡᠢ ᠭᠡᠵᠣ ᠳᠠᠭᠤᠳᠠᠬᠤ ᠪᠣᠯᠣᠭᠰᠠᠨ ᠪᠦᠭᠡᠳ᠂ ᠠᠷᠪᠠᠭᠠᠳ ᠨᠠᠰᠣ ᠦᠩᠭᠡᠷᠡᠳᠡᠯ᠎ᠡ ᠭᠡᠷ ᠠᠴᠠ ᠬᠤᠯᠠ ᠶᠠᠪᠣᠭᠤᠯᠬᠤ ᠦᠭᠡᠢ ᠭᠠᠳᠠᠨ᠎ᠠ ᠶᠢᠨ ᠭᠦᠮᠥᠨ ᠲᠠᠢ ᠣᠴᠠᠷᠠᠭᠤᠯᠬᠤ ᠦᠭᠡᠢ᠂ ᠭᠠᠳᠠᠨ᠎ᠠ ᠠᠴᠠ ᠢᠷᠡᠭᠰᠡᠨ ᠢᠳᠡᠭᠡᠨ ᠢ ᠢᠳᠠᠭᠦᠯᠬᠦ ᠦᠭᠡᠢ ᠡᠩᠬᠦᠷᠡᠶᠢᠯᠡᠵᠣ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠵᠦᠪᠬᠡᠨ ᠭᠡᠷ ᠤᠨ ᠬᠡᠳᠣᠨ ᠬᠦᠮᠥᠨ ᠲᠠᠢ ᠡᠷᠬᠡ ᠳᠣᠷ᠎ᠠ ᠪᠠᠷ ᠢᠶᠠᠨ ᠨᠠᠭᠠᠳᠴᠣ᠂ ᠵᠣᠪᠠᠯ ᠵᠦᠳᠡᠭᠦᠷᠢ ᠶᠢ ᠦᠵᠡᠭᠡᠳᠦᠢ ᠡᠷᠬᠡ ᠳᠠᠩᠬᠢ ᠦᠰᠴᠠᠢ᠃                 ᠮᠢᠨᠣ ᠡᠴᠢᠭᠡ ᠰᠣᠳᠨᠠᠮᠨᠣᠷᠪᠤ ᠴᠢᠩ ᠣᠯᠣᠰ ᠤᠨ ᠭᠡᠪᠳᠣ ᠶᠣᠰᠣᠨ ᠤ ᠬᠤᠶᠠᠳᠣᠭᠠᠷ ᠣᠨ ︵1910︶ ᠣᠨ ᠴᠠᠭᠠᠨ ᠨᠣᠬᠠᠢ ᠵᠢᠯ ᠲᠦᠷᠦᠵᠣ᠂ ᠳᠣᠮᠳᠠᠳᠣ ᠢᠷᠭᠡᠨ ᠣᠯᠣᠰ ᠤᠨ ᠠᠷᠪᠠᠠ ᠲᠦᠷᠪᠡᠳᠦᠭᠡᠷ ᠣᠨ ︵1925︶ ᠬᠦᠭᠡᠭᠴᠢᠨ ᠦᠭᠡᠷ ᠵᠢᠯ ᠳᠣᠰ ᠬᠤᠰᠢᠭᠤᠨ ᠤ ᠴᠡᠪᠡᠭᠰᠦ᠋ᠷᠦᠩ ᠤᠨ ᠦᠬᠢᠨ ᠷᠢᠨᠴᠢᠨᠳᠣᠯᠮ᠎ᠠ ᠶᠢ ᠬᠠᠳᠣᠨ ᠪᠣᠯᠭᠠᠨ ᠠᠪᠣᠭᠠᠳ ᠭᠤᠷᠪᠡᠨ ᠬᠦᠪᠡᠭᠦᠨ ᠬᠤᠶᠠᠷ ᠦᠬᠢᠨ ᠲᠦᠷᠦᠵᠠᠢ᠃ ᠳᠣᠮᠳᠠᠳᠣ ᠢᠷᠭᠡᠨ ᠣᠯᠣᠰ ᠤᠨ ᠠᠷᠪᠠᠠ ᠵᠢᠷᠭᠤᠳᠣᠭᠠᠷ ᠣᠨ ︵1927︶ ᠣᠨ ᠳᠤ ᠵᠠᠰᠠᠭ ᠪᠡᠶᠢᠯᠡ ᠶᠢᠨ ᠡᠷᠬᠡ ᠪᠠᠷᠢᠵᠠᠢ᠃         ᠮᠢᠨᠣ ᠡᠴᠢᠬᠡ ᠪᠠᠭ᠎ᠠ  ᠠᠴᠠ ᠪᠠᠨ ᠣᠷᠣᠯᠳᠣᠭᠠᠨ ᠮᠣᠷᠢᠨ᠂ ᠣᠷᠭ᠎ᠠ ᠶᠢᠨ ᠮᠣᠷᠢᠨ ᠳᠤ ᠳᠣᠷᠠᠳᠠᠢ ᠳᠣᠯᠠ ᠬᠡᠳᠣᠨ ᠰᠠᠶᠢᠬᠠᠨ ᠣᠷᠭ᠎ᠠ ᠪᠡᠯᠡᠳᠬᠡᠵᠣ ᠠᠳᠣᠭᠤᠨ ᠤ ᠪᠠᠨ ᠬᠦᠮᠥᠨ ᠲᠠᠢ ᠠᠳᠣᠭᠤ ᠮᠠᠯ ᠢᠶᠠᠨ ᠳᠣᠭᠤᠷᠢᠨ ᠦᠵᠡᠵᠣ ᠶᠠᠪᠣᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃               ᠮᠢᠨᠣ ᠡᠮᠡᠭᠡ ᠡᠬᠡ ᠴᠠᠭᠠᠨᠯᠢᠩᠬᠤᠸ᠎ᠠ᠂ ᠣᠣᠯ ᠤᠨ ᠠᠪᠠᠭ᠎ᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠭᠦᠣᠷ ᠨᠠᠭᠤᠷ᠂ ᠣᠳᠣ ᠶᠢᠨ ᠴᠠᠭᠠᠨ ᠨᠠᠭᠤᠷ ᠰᠣᠮᠣᠨ ᠤ ᠬᠦᠮᠥᠨ᠂ 1894 ᠣᠨ ᠳᠤ ᠲᠦᠷᠦᠭᠰᠡᠨ ᠶᠤᠮ᠃ ᠳᠡᠭᠦᠨ ᠤ ᠭᠡᠷ ᠨᠢ ᠨᠡᠯᠢᠶᠡᠳ ᠶᠠᠳᠠᠭᠤᠯᠢᠭ ᠠᠶᠢᠯ ᠪᠠᠶᠢᠯ᠎ᠠ ᠭᠡᠳᠡᠭ᠃ ᠠᠷᠪᠠᠠ ᠭᠤᠷᠪᠡᠨ ᠨᠠᠰᠣᠠ ᠳᠤ ᠪᠠᠨ ᠮᠢᠨᠣ ᠡᠪᠦᠭᠡ ᠲᠠᠢ ᠣᠷᠣᠭᠯᠠᠵᠣ᠂ 1910 ᠣᠨ ᠴᠠᠭᠠᠨ ᠨᠣᠬᠠᠢ ᠵᠢᠯ ᠮᠢᠨᠣ ᠡᠴᠢᠭᠡ ᠰᠣᠳᠨᠠᠮᠨᠣᠷᠪᠤ ᠶᠢ ᠲᠦᠷᠦᠵᠣ᠂ 1959 ᠣᠨ  ᠳᠤ ᠵᠢᠷᠠᠨ ᠳᠠᠪᠣᠨ ᠨᠠᠰᠣᠳᠠᠢ ᠳᠤ ᠪᠠᠨ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠣ ᠪᠠᠷᠡᠵᠠᠢ᠃               ᠳᠣᠮᠳᠠᠳᠣ ᠢᠷᠭᠡᠨ ᠣᠯᠣᠰ ᠤᠨ ᠠᠷᠪᠠᠨ ᠨᠠᠢᠮᠡᠳᠣᠭᠠᠷ ᠣᠨ ︵1929︶ ᠰᠢᠷᠠᠭᠴᠢᠨ ᠮᠣᠭᠠᠢ ᠵᠢᠯ᠂ ᠮᠢᠨᠣ ᠡᠴᠢᠭᠡ ᠰᠢᠯᠢ ᠶᠢᠨ ᠭᠤᠣᠯ ᠴᠢᠭᠤᠯᠭᠠᠨ ᠤ ᠡᠯ᠎ᠡ ᠬᠤᠰᠢᠭᠤᠨ ᠤ ᠨᠣᠶᠠᠳ᠂ ᠪᠠᠨᠴᠢᠨ ᠡᠷᠳᠡᠨᠢ ᠶᠢ ᠵᠠᠯᠠᠵᠣ ᠳ᠋ᠦᠢᠩᠭᠡᠷ ᠸᠠᠩ ︵ᠴᠠᠭ ᠤᠨ ᠭᠦᠷᠳᠣᠨ ᠤ ᠠᠪᠰᠢᠭ︶ ᠠᠪᠬᠤ ᠡᠷᠭᠦᠳᠡᠯ ᠳᠡᠪᠰᠢᠭᠦᠯᠬᠦ ᠳᠣᠬᠠᠢ ᠵᠦᠪᠳᠡᠯᠴᠡᠬᠦ ᠳᠤ ᠣᠷᠣᠯᠴᠠᠵᠣ᠂ ᠮᠥᠨ ᠣᠨ ᠤ ᠪᠢᠯᠢᠭ ᠤᠨ ᠣᠯᠠᠷᠢᠯ ᠤᠨ ᠳᠡᠪᠣᠨ ᠰᠠᠷ᠎ᠡ ᠳᠤ ᠭᠡᠷ ᠬᠤᠳᠠᠯᠠᠭᠠᠷ ᠪᠢᠳᠢᠳᠠ ᠭᠡᠭᠡᠨ ᠬᠡᠶᠢᠳ ᠲᠤ ᠬᠦᠷᠴᠦ ᠪᠠᠨᠴᠢᠨ ᠡᠷᠳᠡᠨᠢ ᠳᠤ ᠮᠦᠷᠭᠦᠵᠣ ᠨᠣᠮ ᠠᠪᠣᠭᠰᠠᠨ ᠪᠦᠭᠡᠳ ᠴᠢᠭᠤᠯᠭᠠᠨ ᠠᠴᠠ ᠪᠠᠨᠴᠢᠨ ᠡᠷᠳᠡᠨᠢ ᠳᠤ ᠵᠣᠷᠢᠭᠤᠯᠣᠭᠰᠠᠨ ᠶᠡᠭᠡ ᠨᠠᠶᠢᠷ ᠲᠤ ᠣᠷᠣᠯᠴᠠᠵᠠᠢ᠃ ᠳᠠᠷᠠᠭ᠎ᠠ ᠨᠢ ᠪᠠᠨᠴᠢᠨ ᠡᠷᠳᠡᠨᠢ ᠶᠢ ᠭᠡᠷ ᠲᠤ ᠪᠠᠨ ᠵᠠᠯᠠᠵᠣ ᠵᠣᠭᠤᠰ ᠮᠥᠩᠭᠦ ᠮᠠᠯ ᠬᠤᠨᠢ ᠶᠢᠨ ᠡᠷᠭᠦᠯ ᠡᠷᠭᠦᠵᠣ᠂ ᠭᠡᠷ ᠬᠤᠳᠠᠯᠠᠭᠠᠷ ᠤᠨ ᠠᠮᠣᠷ ᠮᠠᠨᠳᠣ ᠶᠢ ᠳᠠᠭᠠᠳᠬᠠᠨ ᠪᠠᠰᠠ ᠬᠦᠪᠡᠭᠦᠨ ᠳᠤ ᠪᠠᠨ ᠨᠠᠷ᠎ᠡ ᠭᠤᠶᠣᠭᠰᠠᠨ ᠭᠡᠳᠡᠭ ᠶᠤᠮ᠃ ᠪᠠᠨᠴᠢᠨ ᠡᠷᠳᠡᠨᠢ ᠶᠢ ᠪᠠᠶᠠᠨᠴᠠᠭᠠᠨ ᠤ ᠡᠩᠭᠡᠷ ᠲᠤ ᠮᠠᠨ ᠤ ᠭᠡᠷ ᠠᠴᠠ ᠬᠤᠶᠢᠰᠢ᠂ ᠠᠭᠤᠯᠠ ᠶᠢᠨ ᠡᠩᠭᠡᠷ ᠤᠨ ᠰᠢᠷᠰ ᠬᠠᠳᠣᠨ ᠤ ᠳᠡᠷᠭᠡᠳᠡ ᠰᠢᠷ᠎ᠠ ᠦᠩᠭᠡᠳᠡᠢ ᠮᠠᠰᠢᠨ ᠳᠡᠷᠭᠡᠨ ᠳᠤ ᠰᠠᠭᠤᠵᠣ᠂ ᠪᠠᠰᠠ ᠬᠤᠶᠠᠷ ᠠᠴᠢᠶᠠᠨ ᠤ ᠮᠠᠰᠢᠨ ᠳᠡᠷᠭᠡ ᠲᠠᠢ ᠢᠷᠡᠭᠰᠡᠨ ᠭᠡᠳᠡᠭ ᠶᠤᠮ᠃               ᠳᠣᠮᠳᠠᠳᠣ ᠢᠷᠭᠡᠨ ᠣᠯᠣᠰ ᠤᠨ ᠬᠤᠷᠢᠨ ᠲᠦᠷᠪᠡᠳᠦᠭᠡᠷ ᠣᠨ ︵1935︶ ᠬᠦᠬᠡᠭᠴᠢᠨ ᠭᠠᠭ᠋ᠠᠢ ᠵᠢᠯ  ᠤᠨ ᠡᠪᠦᠯ ᠮᠠᠨ ᠤ ᠬᠤᠳᠠᠯᠠᠭᠠᠷ ᠪᠣᠯᠣᠨ ᠵᠠᠷᠢᠮ ᠳᠣᠰᠠᠯᠠᠭᠴᠢ ᠲᠦᠰᠢᠮᠡᠳ ᠲᠡᠷᠢᠭᠦᠳᠡᠢ ᠭᠤᠴᠢ ᠭᠠᠷᠦᠢ ᠭᠠᠯ ᠮᠠᠶᠢᠬᠠᠨ ᠂ ᠲᠡᠮᠡᠭᠡᠨ ᠬᠦᠰᠭᠡ ᠪᠠᠷ ᠡᠣ ᠲᠠᠢ ᠱᠠᠨ ᠳᠤ ᠮᠥᠷᠭᠦᠯ ᠬᠢᠬᠦ ᠪᠠᠷ ᠶᠠᠪᠣᠵᠠᠢ᠃ ᠲᠡᠷᠡ ᠦᠶ᠎ᠡ ᠳᠤ ᠳᠡᠭᠡᠷᠡᠮ ᠬᠤᠯᠠᠭᠠᠢ ᠠᠷᠪᠢᠨ ᠳᠣᠯᠠ ᠳᠠᠮᠠᠭᠠᠨ ᠴᠡᠷᠢᠭ ᠠᠷᠪᠠᠭᠠᠳ ᠳᠠᠭᠠᠭᠤᠯᠣᠨ ᠶᠠᠪᠣᠵᠠᠢ᠃ ᠡᠨᠡ ᠵᠢᠯ ᠪᠢ ᠵᠢᠷᠭᠤᠭᠠᠨ ᠨᠠᠰᠣᠳᠠᠢ ᠪᠠᠶᠢᠭᠰᠠᠨ ᠳᠣᠯᠠ ᠡᠮᠡᠭᠡ ᠡᠬᠡ ᠲᠠᠢ ᠪᠠᠨ ᠳᠡᠮᠡᠭᠡ ᠬᠦᠯᠥᠭᠰᠡᠨ ᠮᠣᠬᠤᠯᠠᠭ ᠳᠡᠷᠭᠡᠨ ᠳᠤ ᠰᠠᠭᠤᠵᠣ ᠪᠠᠶᠢᠭᠰᠠᠨ᠂ ᠡᠣ  ᠲᠠᠢ ᠱᠠᠨ ᠳᠤ ᠬᠦᠷᠦᠭᠡᠳ ᠬᠦᠷᠡᠯ ᠰᠦᠮ᠎ᠡ ᠳᠤ ᠪᠠᠭᠤᠵᠣ᠂ ᠪᠣᠰᠣᠳ ᠰᠦᠮ᠎ᠡ ᠤᠳ ᠢᠶᠠᠷ ᠳᠣᠭᠤᠷᠢᠨ ᠮᠥᠩᠬᠦ ᠵᠣᠭᠤᠰ ᠡᠷᠭᠦᠵᠣ ᠠᠷᠪᠠᠭᠠᠳ ᠬᠤᠨᠤᠭ ᠮᠥᠷᠭᠦᠯ ᠬᠢᠭᠰᠡᠨ ᠪᠢᠯᠡ᠃               1935 ᠣᠨ ᠳᠤ ᠮᠢᠨᠣ ᠡᠴᠢᠭᠡ᠂ ᠳᠡᠮᠴᠣᠭ᠍ᠳᠣᠩᠷᠣᠪ ᠤᠨ ᠰᠠᠨᠠᠭᠤᠯᠭ᠎ᠠ ᠪᠠᠷ ᠰᠢᠯᠢ ᠶᠢᠨ ᠭᠤᠣᠯ᠂ ᠴᠠᠬᠠᠷ᠂ ᠣᠯᠠᠭᠠᠨᠴᠠᠪ ᠵᠡᠷᠭᠡ ᠶᠢᠨ ᠴᠢᠭᠤᠯᠭᠠᠨ ᠤ ᠡᠯ᠎ᠡ ᠬᠤᠰᠢᠭᠤᠳ ᠤᠨ ᠲᠦᠯᠦᠭᠡᠯᠡᠭᠴᠢ᠂ ᠵᠠᠰᠠᠭ ᠨᠣᠶᠠᠳ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠸᠠᠩ ᠤᠨ ᠣᠷᠳᠣᠨ ᠳᠤ ᠬᠢᠭᠰᠡᠨ ᠬᠤᠷᠠᠯ ᠳᠤ ᠣᠷᠣᠯᠴᠠᠪᠠ᠃ ᠳᠣᠰ ᠬᠤᠷᠠᠯ ᠨᠢ ᠶᠠᠫᠥᠨ ᠤ ᠳᠡᠮᠵᠢᠯᠭᠡ ᠪᠠᠷ ᠪᠠᠳᠣ ᠬᠠᠭᠠᠯᠭ᠎ᠠ ᠳᠤ ᠪᠠᠶᠢᠭᠰᠠᠨ ᠮᠣᠩᠭᠤᠯ ᠵᠠᠰᠠᠭ ᠤᠨ ᠬᠤᠷᠠᠯ ᠢ ᠦᠭᠡᠷᠡᠴᠢᠯᠡᠨ᠂ ᠴᠠᠬᠠᠷ᠂ ᠱᠠᠩᠳᠣ ᠬᠤᠰᠢᠭᠤᠨ ᠤ ᠡᠷᠳᠡᠮᠰᠣᠶᠣᠯᠳᠣ ᠬᠤᠳᠠᠨ᠎ᠠ ᠮᠣᠩᠭᠤᠯ ᠴᠡᠷᠢᠭ ᠤᠨ ᠵᠠᠰᠠᠭ ᠣᠷᠳᠣᠨ ᠢ ᠪᠠᠶᠢᠭᠤᠯᠬᠤ ᠶᠠᠪᠣᠳᠠᠯ ᠢ ᠵᠦᠪᠯᠡᠨ ᠳᠣᠭᠳᠠᠭᠠᠬᠤ ᠬᠤᠷᠠᠯ ᠪᠣᠯᠣᠨ᠎ᠠ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠮᠢᠨᠣ ᠡᠴᠢᠭᠡ ᠲᠡᠷᠡ ᠬᠦ ᠮᠣᠩᠭᠤᠯ ᠴᠡᠷᠢᠭ ᠵᠠᠰᠠᠭ ᠤᠨ ᠣᠷᠳᠣᠨ ᠳᠤ ᠳᠣᠳᠣᠭᠠᠳᠣ ᠶᠠᠪᠣᠳᠠᠯ ᠤᠨ ᠶᠠᠮᠣᠨ ᠤ ᠳᠠᠷᠤᠭ᠎ᠠ ᠶᠢᠨ ᠳᠣᠰᠢᠶᠠᠯ ᠲᠠᠢ ᠪᠣᠯᠬᠤᠷ ᠬᠤᠸᠠ ᠳ᠋ᠧ ᠳᠤ ᠰᠠᠭᠤᠵᠣ ᠠᠵᠢᠯᠯᠠᠳᠠᠭ ᠪᠣᠯᠵᠠᠢ᠃ ᠲᠡᠷᠡ ᠦᠶ᠎ᠡ ᠳᠤ ᠦᠪᠡᠷ ᠲᠤ ᠪᠠᠨ ᠳᠣᠰᠬᠠᠢ ᠮᠠᠰᠢᠨ ᠳᠡᠷᠭᠡ ᠲᠠᠢ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠰᠠᠷ᠎ᠠ ᠳᠤ ᠪᠠᠨ ᠨᠦᠭᠡ ᠣᠳᠠᠭ᠎ᠠ ᠭᠡᠷ ᠲᠡᠭᠡᠨ ᠢᠷᠡᠳᠡᠭ ᠪᠦᠭᠡᠳ ᠵᠢᠯ ᠪᠦᠷᠢ ᠶᠢᠨ ᠣᠪᠣᠭᠠᠳ  ᠤᠨ ᠳᠠᠬᠢᠯᠭ᠎ᠠ ᠰᠦᠮ᠎ᠡ ᠶᠢᠨ ᠬᠤᠷᠠᠯ ᠢᠷᠦᠬᠡᠯ᠂ ᠶᠠᠮᠣᠨ ᠤ ᠬᠤᠷᠠᠯ ᠴᠣᠭᠯᠠᠭᠠᠨ ᠳᠤ ᠣᠷᠣᠯᠴᠠᠳᠠᠭ ᠪᠠᠶᠢᠵᠠᠢ᠃               1937 ᠣᠨ ᠣᠯᠠᠭᠴᠢᠨ ᠦᠭᠡᠷ ᠵᠢᠯ ᠤᠨ ᠪᠢᠯᠢᠭ ᠤᠨ ᠣᠯᠠᠷᠢᠯ ᠤᠨ ᠭᠤᠷᠪᠠᠨ ᠰᠠᠷ᠎ᠠ ᠳᠤ ᠬᠤᠸᠠ ᠳ᠋ᠧ  ᠳᠤ ᠪᠠᠶᠢᠬᠤ ᠳᠤ ᠪᠠᠨ ᠭᠡᠨᠡᠳᠳᠡ ᠡᠪᠡᠳᠴᠢᠨ ᠬᠦᠷᠴᠦ᠂ ᠮᠠᠨ ᠤ ᠭᠡᠷ ᠬᠤᠳᠠᠯᠠᠭᠠᠷ ᠢ ᠮᠠᠰᠢᠨ ᠳᠡᠷᠭᠡ ᠪᠠᠷ ᠣᠴᠢᠭᠤᠯᠣᠭᠰᠠᠨ ᠶᠤᠮ᠃ ᠪᠢᠳᠠᠨ ᠢ ᠣᠴᠢᠭᠰᠠᠨ ᠤ ᠳᠠᠷᠠᠭ᠎ᠠ ᠡᠪᠡᠳᠴᠢᠨ ᠨᠢ ᠣᠯᠠᠮ ᠬᠦᠨᠳᠣᠷᠴᠦ ᠬᠡᠳᠦᠬᠡᠨ ᠡᠳᠦᠷ  ᠤᠨ ᠳᠠᠷᠠᠭ᠎ᠠ ᠨᠠᠰᠣ ᠪᠠᠷᠠᠪᠠ᠃ ᠲᠡᠷᠡ ᠵᠢᠯ ᠰᠠᠶ᠋ᠢ ᠬᠤᠷᠢᠨ ᠨᠠᠢᠮᠡᠨ ᠨᠠᠰᠣᠳᠠᠢ᠂ ᠪᠢ ᠨᠠᠢᠮᠠᠨ ᠨᠠᠰᠣᠳᠠᠢ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠮᠢᠨᠣ ᠡᠴᠢᠬᠡ ᠶᠢᠨ ᠳᠣᠬᠠᠢ ᠨᠠᠷᠢᠨ ᠳᠣᠳᠣᠷᠬᠠᠢ ᠮᠡᠳᠡᠬᠦ ᠦᠭᠡᠢ᠃ ᠳᠡᠭᠡᠷ᠎ᠡ ᠶᠠᠷᠢᠭᠰᠠᠨ ᠭᠡᠳᠣᠨ ᠵᠦᠢᠯ ᠪᠣᠯ ᠵᠦᠪᠬᠡᠨ ᠮᠢᠨᠣ ᠡᠬᠡ ᠶᠢᠨ ᠶᠠᠷᠢᠵᠣ ᠪᠠᠶᠢᠭᠰᠠᠨ ᠢ ᠣᠯᠵᠣ ᠰᠣᠨᠣᠰᠣᠭᠰᠠᠨ ᠪᠠ ᠦᠪᠡᠷ ᠤᠨ ᠴᠡᠭᠡᠵᠢᠯᠡᠵᠣ ᠪᠠᠶᠢᠭᠰᠠᠨ ᠪᠠᠭ᠎ᠠ ᠰᠠᠭ᠎ᠠ ᠬᠠᠯᠳᠣ ᠮᠥᠯᠳᠣ ᠶᠡᠭᠡ ᠲᠦᠯᠥᠪ ᠪᠠᠶᠢᠳᠠᠯ ᠪᠣᠯᠣᠨ᠎ᠠ᠃                ᠵᠠᠰᠠᠭ ᠪᠡᠶᠢᠯᠡ ᠶᠢᠨ ᠣᠷᠳᠣᠨ ᠪᠣᠯ ᠪᠠᠶᠠᠨᠴᠠᠭᠠᠨ ᠤ ᠡᠩᠭᠡᠷ ᠲᠤ ᠬᠤᠰᠢᠭᠤ ᠶᠠᠮᠣᠨ ᠠᠴᠠ ᠪᠠᠷᠠᠭᠤᠨᠰᠢ ᠪᠠᠷᠤᠭ ᠬᠤᠶᠠᠷ ᠭᠤᠷᠪᠠᠨ ᠭᠠᠵᠠᠷ ᠬᠤᠯᠠ ᠬᠤᠶᠠᠷ ᠶᠡᠭᠡ ᠣᠯᠠᠭᠠᠨ ᠬᠦᠷᠢᠶ᠎ᠡ ᠲᠠᠢ᠂ ᠵᠡᠬᠦᠨ ᠳᠡᠯ᠎ᠡ ᠳᠤ ᠨᠢ ᠪᠠᠰᠠ ᠨᠢᠭᠡᠨ ᠰᠢᠪᠡᠷ ᠬᠦᠷᠢᠶ᠎ᠡ ᠪᠠᠶᠢᠳᠠᠭ᠂ ᠬᠠᠮᠤᠭ ᠤᠨ ᠵᠡᠭᠦᠨ ᠳᠡᠯ᠎ᠡ ᠳᠤ ᠨᠢ ᠮᠣᠷᠢᠨ ᠤ ᠫᠧᠩ᠂ ᠡᠪᠡᠰᠣᠨ ᠤ ᠬᠦᠷᠢᠶ᠎ᠡ᠂ ᠮᠠᠰᠢᠨ ᠳᠡᠷᠭᠡᠨ ᠤ ᠪᠠᠶᠢᠰᠢᠩ᠂ ᠣᠯᠡᠨ ᠤ ︵ᠶᠠᠷᠦ ᠶᠢᠨ ᠠᠷᠠᠳ ᠤᠨ ᠮᠣᠷᠢ ᠣᠶᠠᠳᠠᠭ︶ ᠮᠣᠷᠢᠨ ᠣᠶᠠᠭ᠎ᠠ ᠪᠠᠶᠢᠳᠠᠭ᠃ ᠵᠡᠭᠦᠨ ᠳᠡᠯ᠎ᠡ ᠶᠢᠨ ᠣᠯᠠᠭᠠᠨ ᠬᠦᠷᠢᠶᠡᠨ ᠤ ᠠᠷᠦ ᠳᠤ ᠪᠣᠯ ᠭᠡᠭᠡᠨ ᠨᠣᠶᠠᠳ ᠤᠨ ᠭᠦᠯᠥᠭ ᠮᠣᠷᠢ ᠪᠠ ᠣᠷᠣᠯᠳᠤᠭ᠎ᠠ ᠮᠣᠷᠢ ᠣᠶᠠᠳᠠᠭ ᠣᠶᠠᠭ᠎ᠠ ᠲᠠᠢ᠂ ᠡᠳᠡᠭᠡᠷ ᠭᠡᠳᠦᠨ ᠬᠦᠷᠢᠶᠡᠨ ᠤ ᠭᠠᠳᠠᠭᠤᠷ ᠬᠤᠶᠢᠨ᠎ᠠ᠂ ᠵᠡᠭᠦᠨ᠂ ᠪᠠᠷᠠᠭᠤᠨ ᠲᠠᠯ᠎ᠠ  ᠪᠠᠷ ᠨᠢ ᠦᠶᠡᠷ ᠤᠨ ᠣᠰᠣ ᠶᠢ ᠰᠡᠷᠭᠡᠶᠢᠯᠡᠭᠰᠡᠨ ᠴᠢᠯᠠᠭᠤ ᠪᠠᠷ ᠵᠡᠷᠭᠡᠯᠡᠭᠰᠡᠨ ᠶᠠᠪᠠᠭᠠᠨ ᠬᠡᠷᠡᠮ ᠲᠠᠢ᠃ ᠪᠠᠷᠠᠭᠤᠨ ᠳᠠᠯ᠎ᠠ  ᠶᠢᠨ ᠣᠯᠠᠭᠠᠨ ᠭᠦᠷᠢᠶᠡᠨ ᠳᠤ ᠭᠠᠨᠵᠣᠣᠷ ᠰᠦᠮ᠎ᠡ ᠭᠡᠵᠣ ᠳᠦᠪᠡᠳ ᠮᠠᠶ᠋ᠢᠭ ᠤᠨ ᠰᠦᠮ᠎ᠡ ᠲᠠᠢ᠂ ᠳᠦᠷᠪᠡᠨ ᠦᠨᠴᠦᠭ  ᠲᠤ ᠨᠢ ᠳ᠋ᠠᠷ᠎ᠠ ᠡᠬᠡ ᠶᠢᠨ ᠰᠦᠮ᠎ᠡ᠂ ᠮᠠᠩᠯᠠ ᠶᠢᠨ ᠰᠦᠮ᠎ᠡ᠂ ᠳ᠋ᠦᠢᠩᠭᠡᠷ ᠤᠨ ᠰᠦᠮ᠎ᠡ ᠬᠡᠵᠣ ᠬᠡᠳᠦᠨ ᠪᠠᠭ᠎ᠠ ᠰᠦᠮ᠎ᠡ  ᠲᠠᠢ᠂ ᠡᠳᠡᠭᠡᠷ ᠰᠦᠮ᠎ᠡ ᠪᠣᠯ ᠪᠦᠷ ᠳᠡᠭᠡᠳᠣ ᠦᠶ᠎ᠡ ᠶᠢᠨ ᠨᠣᠶᠠᠳ ᠮᠠᠯ ᠮᠥᠩᠬᠦ ᠭᠠᠷᠭᠠᠨ ᠪᠣᠶᠠᠨ ᠦᠢᠯᠡᠳᠬᠦ ᠶᠢᠨ ᠲᠦᠯᠦᠭᠡ ᠪᠠᠷᠢᠭᠤᠯᠣᠨ ᠳᠣᠰ ᠳᠣᠰ ᠰᠠᠩ ᠵᠢᠰᠠ ᠭᠠᠷᠭᠠᠨ ᠨᠢᠷᠪᠠ ᠬᠡᠷᠬᠡᠮᠳᠡᠨ ᠳᠣᠮᠢᠯᠠᠵᠣ ᠬᠠᠮᠢᠶᠠᠷᠡᠭᠤᠯᠳᠠᠭ᠂ ᠶᠡᠷᠦ  ᠶᠢᠨ ᠴᠠᠭ ᠲᠤ ᠯᠠᠮᠠ ᠰᠠᠭᠤᠳᠠᠭ ᠦᠭᠡᠢ᠂ ᠵᠢᠯ ᠪᠦᠷᠢ ᠶᠢᠨ ᠵᠣᠨ ᠤ ᠵᠢᠷᠭᠤᠭᠠᠨ ᠰᠠᠷ᠎ᠠ ᠳᠤ ᠬᠠᠶ᠋ᠢ ᠶᠢᠨ ᠰᠦᠮ᠎ᠡ᠂ ᠬᠠᠮᠪᠤ ᠶᠢᠨ ᠰᠦᠮ᠎ᠡ ᠠᠴᠠ ᠣᠯᠠᠨ ᠯᠠᠮᠠ ᠵᠠᠯᠠᠵᠣ ᠴᠠᠭ ᠤᠨ ᠬᠤᠷᠠᠯ ᠢᠶᠠᠨ ᠬᠤᠷᠠᠭᠤᠯᠳᠠᠭ᠃ ᠰᠠᠩ ᠵᠢᠰᠠ ᠶᠢᠨ ᠮᠠᠯ  ᠢᠶᠠᠨ ᠠᠶᠢᠯ ᠳᠤ ᠰᠦᠷᠦᠭ ᠳᠠᠯᠪᠢᠵᠣ ᠮᠠᠯᠵᠢᠭᠤᠯᠵᠣ᠂ ᠡᠭᠦᠨ ᠠᠴᠠ ᠴᠠᠭ ᠤᠨ ᠬᠤᠷᠠᠯ ᠤᠨ ᠮᠠᠨᠵᠢᠨ ᠤ ᠰᠦ ᠴᠠᠭᠠᠨ ᠢᠳᠡᠭᠡ᠂ ᠬᠤᠭᠤᠯᠠ ᠴᠠᠪ ᠤᠨ ᠮᠢᠬ᠎ᠠ ᠰᠢᠭᠦᠰᠣ ᠫᠣᠭ ᠵᠢᠳ ᠤᠨ ᠮᠥᠩᠭᠦ᠂ ᠪᠣᠳᠠᠭ᠎ᠠ ᠭᠤᠯᠢᠷ ᠤᠨ ᠵᠣᠭᠤᠰ ᠮᠥᠩᠭᠦᠨ ᠤ ᠠᠰᠠᠭᠤᠳᠠᠯ ᠢ ᠳᠠᠰᠣᠯᠠᠳᠠᠭ᠃ ᠵᠡᠭᠦᠨ ᠳᠠᠯ᠎ᠠ ᠶᠢᠨ ᠣᠯᠠᠭᠠᠨ ᠬᠦᠷᠢᠶᠡᠨ ᠤ ᠪᠠᠷᠠᠭᠤᠨ ᠳᠠᠯ᠎ᠠ ᠶᠢᠨ ᠳᠠᠰᠣᠯᠭᠠᠨ ᠳᠤ ᠪᠠᠰᠠ ᠨᠢᠭᠡ ᠪᠠᠭ᠎ᠠ ᠰᠢᠭ᠋ ᠲᠦᠪᠡᠳ ᠮᠠᠶ᠋ᠢᠭ ᠤᠨ ᠰᠦᠮ᠎ᠡ ᠲᠠᠢ᠂ ᠡᠨᠡ ᠰᠦᠮ᠎ᠡ ᠳᠤ ᠪᠡᠶᠢᠯᠡ ᠨᠣᠶᠠᠨ  ᠤ ᠳᠠᠬᠢᠳᠠᠭ ᠪᠣᠷᠬᠠᠨ ᠰᠢᠳᠦᠬᠡᠨ ᠪᠠᠶᠢᠳᠠᠭ ᠳᠣᠯᠠ ︽ᠰᠢᠳᠦᠭᠡᠨ ᠤ ᠰᠦᠮ᠎ᠡ︾ ᠭᠡᠳᠡᠭ᠂ ᠡᠨᠡ ᠰᠦᠮ᠎ᠡ ᠳᠤ ᠡᠳᠦᠷ ᠪᠦᠷᠢ ᠦᠷᠯᠥᠬᠡ ᠦᠳᠡᠰᠢ ᠬᠤᠶᠠᠷ ᠣᠳᠠᠭ᠎ᠠ ᠡᠭᠡᠯᠵᠢᠨ ᠤ ᠳᠠᠬᠢᠯᠴᠢ ᠯᠠᠮᠠ ᠵᠣᠯᠠ ᠬᠦᠵᠢ ᠰᠢᠳᠠᠭᠠᠵᠣ ᠵᠢᠱᠢᠶᠠᠨ ᠤ ᠨᠣᠮ ᠣᠩᠰᠢᠳᠠᠭ᠃ ᠡᠨᠡ ᠬᠦᠷᠢᠶᠡᠨ ᠳᠤ ᠪᠠᠰᠠ ᠡᠭᠦᠳᠡᠨ ᠳᠤ ᠪᠠᠨ ᠸᠠᠭᠠᠷ ᠤᠨ ᠹᠦᠭ ᠪᠠ ᠰᠢᠷ᠎ᠠ ᠬᠦᠯᠳᠦᠷᠭᠡ ᠲᠠᠢ ᠮᠣᠩᠭᠤᠯ ᠭᠡᠷ ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠰᠢᠷ᠎ᠠ ᠳᠣᠷᠭᠠᠨ ᠣᠯᠪᠣᠭ ᠲᠦᠰᠢᠯᠭᠡ ᠳᠠᠯᠪᠢᠵᠣ᠂ ᠰᠢᠷ᠎ᠠ ᠬᠢᠪᠢᠰ ᠳᠡᠪᠢᠰᠴᠦ ᠪᠠᠶᠢᠳᠠᠭ᠃ ᠡᠨᠡ ᠭᠡᠷ ᠲᠤ ᠪᠠᠨᠴᠢᠨ ᠪᠣᠭᠳᠠ ᠶᠢ ᠵᠠᠯᠠᠨ ᠰᠠᠭᠤᠯᠭᠠᠵᠣ ᠪᠠᠶᠢᠭᠰᠠᠨ ᠪᠦᠭᠡᠳ ᠳᠠᠷᠠᠭ᠎ᠠ ᠨᠢ ᠬᠡᠬᠡᠳ ᠬᠤᠪᠢᠯᠭᠠᠨ ᠯᠠᠮᠠ ᠨᠡᠷ ᠣᠷᠣᠵᠣ ᠢᠷᠡᠪᠡᠯ ᠮᠥᠨ ᠴᠦ ᠡᠨᠡ ᠭᠡᠷ ᠲᠤ ᠰᠠᠭᠤᠯᠭᠠᠬᠤ ᠪᠣᠯᠣᠭᠰᠠᠨ ᠳᠣᠯᠠ ︽ᠰᠢᠷ᠎ᠠ ᠣᠷᠳᠣ︾ ᠭᠡᠳᠡᠭ᠃ ᠡᠨᠡ ᠭᠡᠷ ᠤᠨ ᠵᠡᠷᠭᠡᠴᠡᠭᠡ ᠪᠠᠰᠠ ᠡᠭᠦᠳᠡᠨ ᠳᠤ ᠪᠠᠨ ᠸᠠᠭᠠᠷ ᠤᠨ ᠹᠦᠭ ᠲᠠᠢ ᠭᠡᠷ ᠤᠨ ᠪᠠᠭᠤᠴᠠ ᠪᠠᠶᠢᠳᠠᠭ᠂ ᠡᠨᠡ ᠪᠠᠭᠤᠴᠠᠨ ᠳᠡᠭᠡᠷ᠎ᠡ ᠶᠡᠷᠦ ᠶᠢᠨ ᠴᠠᠭ ᠲᠤ ᠭᠡᠷ ᠪᠡᠷᠢᠳᠠᠭ ᠦᠭᠡᠢ᠂ ᠬᠡᠷᠪᠡ ᠪᠣᠭᠳᠠ ᠬᠡᠬᠡᠳ ᠵᠠᠯᠠᠵᠣ ᠢᠷᠡᠭᠡᠳ ᠣᠳᠠᠭᠠᠨ ᠰᠠᠭᠤᠬᠤ ᠪᠣᠯᠪᠠᠯ ᠵᠠᠬ᠎ᠠ ᠶᠢᠨ ᠰᠢᠳᠠᠷ ᠬᠠᠮᠪᠤ᠂ ᠰᠣᠶᠢᠪᠠᠩ ᠵᠡᠷᠬᠡ ᠬᠦᠮᠥᠰ ᠢ ᠰᠠᠭᠤᠯᠭᠠᠳᠠᠭ᠂ ᠨᠠᠮᠠᠢᠢ ᠶᠢᠰᠣ ᠠᠷᠪᠠᠠ ᠨᠠᠰᠣᠳᠠᠢ ᠪᠠᠶᠢᠬᠤ ᠦᠶ᠎ᠡ ᠳᠤ ᠭᠦᠮᠪᠣᠮ ᠤᠨ᠂ ︽ᠳᠣᠣᠭᠠᠩ ᠭᠡᠭᠡᠨ︾᠂ ︽ᠳᠦᠪᠴᠢᠨ ᠬᠡᠬᠡᠨ︾ ᠢ ᠣᠷᠢᠳ ᠬᠤᠵᠢᠳ ᠮᠠᠨ ᠤ ᠳᠤ ᠵᠠᠯᠠᠵᠣ ᠠᠷᠪᠠᠭᠠᠳ ᠬᠤᠨᠤᠭ ᠨᠣᠮ ᠳᠠᠯᠪᠢᠬᠤ ᠳᠤ ᠡᠨᠡ ᠪᠠᠭᠤᠴᠠᠨ ᠳᠡᠭᠡᠷ᠎ᠡ ᠭᠡᠷ ᠪᠠᠷᠢᠵᠣ ᠳᠡᠳᠡᠭᠡᠷ ᠭᠡᠭᠡᠳ ᠤᠨ ᠬᠠᠮᠪᠤ᠂ ᠰᠣᠶᠢᠪᠠᠩ ᠰᠠᠭᠤᠵᠣ ᠪᠠᠶᠢᠭᠰᠠᠨ ᠶᠤᠮ᠃ ᠡᠨᠡ ᠣᠯᠠᠭᠤᠨ ᠬᠦᠷᠢᠶᠡᠨ ᠳᠤ ᠵᠡᠭᠦᠨ ᠳᠠᠰᠣᠯᠭᠠᠨ ᠳᠤ ᠪᠡᠶᠢᠯᠡ ᠨᠣᠶᠠᠨ ᠪᠠ ᠭᠡᠷ ᠪᠥᠯᠢ ᠰᠠᠭᠤᠳᠠᠭ ᠭᠡᠷ ᠪᠠᠶᠢᠰᠢᠩ ᠪᠠᠶᠢᠳᠠᠭ᠃ ᠬᠤᠶᠢᠳᠣ ᠳᠠᠯ᠎ᠠ ᠳᠤ ᠨᠢ ᠨᠡᠯᠢᠶᠡᠳ ᠶᠡᠭᠡ ᠰᠢᠭ ᠭᠤᠷᠪᠠᠨ ᠬᠦᠬᠡ ᠸᠠᠭᠠᠷ ᠤᠨ ᠪᠠᠶᠢᠰᠢᠩ ᠪᠠᠶᠢᠳᠠᠭ᠃ ᠳᠡᠭᠦᠨ ᠤ ᠪᠠᠷᠠᠭᠤᠨ ᠵᠠᠩ ᠳᠤ ᠨᠢ ᠵᠣᠨ ᠤ ᠴᠠᠭ ᠲᠤ ᠵᠠᠰᠠᠭ ᠤᠨ ᠳᠡᠮᠠᠭ᠎ᠠ ᠶᠢ ᠪᠡᠷᠡᠭᠤᠨ ᠳᠠᠯ᠎ᠠ ᠶᠢᠨ ᠠᠪᠳᠠᠷ᠎ᠠ ᠳᠡᠭᠡᠷ᠎ᠡ ᠪᠣᠷᠬᠠᠨ ᠤ ᠬᠠᠮᠳᠣ ᠵᠣᠯᠠ ᠬᠦᠵᠢ ᠰᠢᠳᠠᠭᠠᠨ ᠳᠡᠬᠢᠵᠣ ᠪᠠᠶᠢᠪᠠ᠃ ᠠᠳᠡ ᠪᠠᠰᠠ ᠵᠣᠨ ᠤ ᠴᠠᠭ ᠲᠤ ᠭᠠᠳᠠᠨ᠎ᠠ ᠠᠴᠠ ᠢᠷᠡᠭᠰᠡᠨ ᠵᠠᠰᠠᠭ ᠨᠣᠶᠠᠳ ᠪᠠ ᠭᠡᠭᠡᠨ ᠢ ᠵᠠᠯᠠᠵᠣ ᠰᠠᠭᠤᠯᠭᠠᠳᠠᠭ᠂ ᠵᠡᠭᠦᠨ ᠵᠠᠩ ᠳᠤ ᠨᠢ ᠵᠣᠨ ᠤ ᠴᠠᠭ ᠲᠤ ᠮᠢᠨᠣ ᠡᠮᠡᠭᠡ ᠡᠬᠡ ᠰᠠᠭᠤᠳᠠᠭ ᠶᠤᠮ᠃ ᠡᠨᠡ ᠪᠠᠶᠢᠰᠢᠩ ᠤᠨ ᠪᠠᠷᠭᠠᠣᠨ ᠵᠡᠭᠦᠨ ᠬᠠᠵᠠᠭᠤ ᠳᠤ ᠪᠠᠰᠠ ᠬᠤᠶᠠᠷ ᠵᠠᠩ ᠪᠠᠶᠢᠰᠢᠩ  ᠲᠠᠢ ᠪᠠᠷᠠᠭᠤᠨ ᠲᠠᠯ᠎ᠠ ᠳᠤ ᠶᠢᠨ ᠬᠢᠨᠢ ᠬᠤᠶᠠᠷ ᠵᠠᠩ ᠳᠤ ᠵᠣᠨ ᠭᠡᠭᠦᠣ ᠶᠢᠨ ᠠᠶᠢᠷᠠᠭ ᠴᠡᠭᠡ ᠳᠠᠯᠪᠢᠳᠠᠭ᠂ ᠵᠡᠭᠦᠨ ᠳᠠᠯ᠎ᠠ ᠶᠢᠨ ᠬᠤᠶᠠᠷ ᠵᠠᠩ ᠪᠠᠶᠢᠰᠢᠩ ᠳᠤ ᠵᠣᠨ ᠤ ᠴᠠᠭ ᠲᠤ ᠡᠮᠡᠭᠡ ᠡᠬᠡ ᠶᠢᠨ ᠬᠤᠭᠤᠯ᠎ᠠ ᠴᠠᠢ ᠪᠠ ᠭᠠᠳᠠᠨ᠎ᠠ ᠠᠴᠠ ᠢᠷᠡᠭᠰᠡᠨ ᠬᠡᠬᠡᠳ ᠨᠣᠶᠠᠳ ᠤᠨ ᠴᠠᠢ ᠬᠤᠭᠤᠯᠠ ᠭᠢᠳᠡᠭ ᠳᠣᠯᠡ ︽ᠵᠣᠭᠤᠭ ᠤᠨ ᠪᠠᠶᠢᠰᠢᠩ︾ ᠭᠡᠳᠡᠭ ᠶᠤᠮ᠃       ᠡᠨᠡ ᠭᠡᠳᠦᠨ ᠵᠠᠩ ᠪᠠᠶᠢᠰᠢᠩ ᠤᠨ ᠡᠮᠥᠨ᠎ᠡ ᠡᠪᠦᠯ ᠪᠣᠯ ᠳᠦᠷᠪᠡ᠂ ᠵᠣᠨ ᠪᠣᠯ ᠬᠤᠶᠠᠷ ᠮᠣᠩᠭᠤᠯ ᠭᠡᠷ ᠪᠠᠷᠢᠳᠠᠭ᠃ ᠪᠠᠷᠠᠭᠤᠨ ᠳᠠᠯ᠎ᠠ ᠳᠤ ᠨᠢ ᠬᠦᠯᠳᠦᠷᠭᠡ ᠲᠠᠢ᠂ ᠡᠭᠦᠳᠡᠨ ᠳᠤ ᠪᠠᠨ ᠮᠣᠳᠣᠨ ᠹᠦᠭ ᠲᠠᠢ ᠮᠣᠩᠭᠤᠯ ᠭᠡᠷ ᠲᠤ ᠬᠦᠷᠡᠩ ᠣᠯᠠᠭᠠᠨ ᠪᠣᠳᠤᠭ ᠲᠠᠢ ᠠᠪᠳᠠᠷ᠎ᠠ ᠬᠤᠷᠭᠤ ᠶᠢ ᠳᠣᠭᠤᠷᠢᠭᠤᠯᠣᠨ ᠳᠢᠯᠪᠢᠵᠣ ᠬᠡᠪᠢᠰᠣᠨ ᠰᠢᠷᠳᠡᠭ᠂ ᠬᠡᠪᠢᠰᠣᠨ ᠣᠯᠪᠣᠭ ᠲᠦᠰᠢᠯᠭᠡ ᠪᠡ ᠳᠣᠷᠭ᠎ᠠ ᠬᠤᠷᠭᠤᠢ ᠪᠠᠷ ᠣᠶᠣᠭᠰᠠᠨ ᠮᠥᠩᠭᠦᠨ ᠬᠠᠳᠠᠯᠭ᠎ᠠ ᠲᠠᠢ ᠣᠷᠣ ᠰᠢᠷᠡᠭᠡ ᠶᠢ ᠬᠤᠶᠢᠨ᠎ᠠ ᠨᠢ ᠳᠠᠯᠪᠢᠵᠣ ᠪᠠᠶᠢᠳᠠᠭ᠃ ᠳᠣᠮᠳᠠ ᠪᠠᠨ ᠠᠯᠳᠠᠨ ᠯᠣᠣ ᠪᠣᠳᠤᠭ ᠲᠠᠢ ᠲᠦᠷᠪᠡᠨ ᠮᠣᠳᠣᠨ ᠪᠠᠭᠠᠨ᠎ᠠ ᠲᠠᠢ᠂ ᠡᠨᠡ ᠪᠣᠯ ᠪᠡᠶᠢᠯᠡ ᠨᠣᠶᠠᠨ ᠤ ᠬᠤᠷᠢᠮ ᠬᠢᠵᠣ ᠬᠠᠳᠣᠨ ᠪᠠᠭᠤᠯᠭᠠᠳᠠᠭ ᠭᠡᠷ ᠳᠣᠯᠠ ︽ᠰᠢᠨ᠎ᠠ ᠣᠷᠳᠣ︾ ᠭᠡᠳᠡᠭ᠂ ᠶᠡᠷᠦ ᠶᠢᠨ ᠴᠠᠭ ᠲᠤ ᠬᠦᠮᠥᠨ ᠰᠠᠭᠤᠳᠠᠭ ᠦᠭᠡᠢ᠃ ᠳᠡᠭᠦᠨ ᠤ ᠵᠡᠭᠦᠨ ᠳᠡᠯ᠎ᠠ ᠳᠤ ᠪᠠᠰᠠ ᠨᠢᠭᠡ ᠮᠣᠩᠭᠤᠯ ᠭᠡᠷ ᠲᠤ ᠮᠢᠨᠣ ᠡᠴᠢᠬᠡ ᠡᠬᠡ ᠪᠣᠯᠣᠨ ᠬᠤᠭᠤᠯ᠎ᠠ ᠴᠠᠢ ᠬᠢᠳᠡᠭ ᠳᠣᠭᠤᠭᠠᠴᠢ ᠲᠠᠢ ᠪᠢᠳᠠ ᠲᠦᠷᠪᠡᠭᠦᠯᠡ ᠰᠠᠭᠤᠳᠠᠭ᠂ ᠡᠨᠡ ᠬᠡᠷ ᠡᠪᠣᠯ ᠪᠣᠯ ᠬᠠᠯᠠᠭᠤᠨ ᠬᠠᠨᠵᠣ ᠲᠠᠢ᠂ ᠳᠡᠭᠦᠨ ᠵᠡᠭᠦᠨ ᠳᠠᠯ᠎ᠠ ᠳᠤ ᠡᠪᠦᠯ ᠪᠣᠯ ᠪᠠᠰᠠ ᠨᠢᠭᠡ ᠬᠠᠨᠵᠣ ᠲᠠᠢ ᠭᠡᠷ ᠲᠤ᠂ ᠵᠠᠰᠠᠭ  ᠤᠨ ᠳᠡᠮᠠᠭ᠎ᠠ ᠶᠢ ᠳᠡᠬᠢᠵᠣ ᠪᠠᠶᠢᠳᠠᠭ ᠳᠣᠯᠠ ︽ᠳᠠᠮᠠᠭᠠᠨ ᠤ ᠣᠷᠳᠣ︾ ᠭᠡᠳᠡᠭ ᠶᠤᠮ᠃ ᠡᠨᠡ ᠭᠡᠷ ᠲᠤ ᠮᠢᠨᠣ ᠡᠮᠡᠭᠡ ᠡᠵᠢ ᠰᠠᠭᠤᠳᠠᠭ᠃ ᠳᠡᠭᠦᠨ ᠤ ᠵᠡᠭᠦᠨ ᠳᠠᠯ᠎ᠠ ᠳᠤ ᠡᠪᠦᠯ ᠪᠣᠯ ᠪᠠᠰᠠ ᠨᠢᠭᠡ ᠭᠡᠷ ᠲᠤ ᠳᠣᠭᠤᠭᠠᠴᠢ ᠨᠠᠷ 15 ᠬᠤᠨᠤᠭ  ᠤᠨ ᠡᠭᠡᠯᠵᠢ ᠪᠠᠷ ᠡᠮᠡᠭᠡ ᠡᠬᠡ ᠪᠠ ᠭᠠᠳᠠᠨ᠎ᠠ ᠠᠴᠠ ᠢᠷᠡᠭᠰᠡᠨ ᠨᠣᠶᠠᠳ ᠤᠨ ᠬᠤᠭᠤᠯᠠ ᠴᠠᠢ ᠬᠢᠳᠡᠭ ᠭᠡᠷ ᠪᠠᠶᠢᠳᠠᠭ᠂ ᠡᠭᠦᠨ ᠢ ︽ᠵᠣᠭᠤᠭ ᠤᠨ ᠭᠡᠷ︾ ᠭᠡᠳᠡᠭ᠃ ᠣᠯᠠᠭᠠᠨ ᠬᠦᠷᠢᠶᠡᠨ ᠤ ᠡᠮᠦᠨ᠎ᠡ ᠵᠠᠯᠭᠠᠵᠣ ᠪᠠᠷᠢᠭᠰᠠᠨ ᠰᠢᠪᠡᠷ ᠬᠦᠷᠢᠶᠡᠨ  ᠤ ᠪᠠᠷᠠᠭᠤᠨ ᠬᠤᠶᠢᠳᠣ ᠥᠨᠴᠦᠭ ᠲᠤ ᠪᠠᠰᠠ ᠨᠢᠭᠡ ᠵᠠᠩ ᠪᠠᠶᠢᠰᠢᠩ ᠢ ︽ᠳ᠋ᠣᠩᠴᠠᠳ ᠤᠨ ᠪᠠᠶᠢᠰᠢᠩ︾ ᠭᠡᠳᠡᠭ᠃ ᠡᠨᠡ ᠪᠠᠶᠢᠰᠢᠩ ᠳᠤ ᠬᠠᠪᠣᠷ ᠳᠤ ᠪᠠᠨ ᠬᠤᠶᠠᠷ ᠭᠤᠷᠪᠠᠨ ᠯᠠᠮᠠ ᠵᠠᠯᠠᠵᠣ ᠳ᠋ᠣᠩᠴᠠᠳ ᠤᠨ ᠬᠤᠷᠠᠯ ᠬᠤᠷᠠᠳᠠᠭ᠃ ᠵᠡᠭᠦᠨ ᠬᠠᠵᠠᠭᠤ ᠳᠤ ᠨᠣᠶᠠᠨ ᠤ ᠣᠷᠳᠣᠨ ᠤ ᠣᠯᠠᠭᠠᠨ ᠬᠦᠷᠢᠶᠡᠨ ᠤ ᠪᠠᠷᠠᠭᠤᠨ ᠡᠮᠣᠨ᠎ᠡ ᠪᠠᠨ ᠬᠠᠭᠠᠯᠭ᠎ᠠ ᠲᠠᠢ᠂ ᠡᠨᠡ ᠬᠠᠭᠠᠯᠭ᠎ᠠ ᠶᠢ ᠶᠡᠷᠦ ᠨᠡᠭᠡᠭᠡᠳᠡᠭ ᠦᠭᠡᠢ᠃ ᠡᠨᠡ ᠬᠠᠭᠠᠯᠭ᠎ᠠ ᠶᠢᠨ ᠵᠡᠭᠦᠨ ᠬᠠᠵᠠᠭᠤ ᠳᠤ ᠪᠠᠰᠠ ᠭᠤᠷᠪᠠᠨ ᠵᠠᠩ ᠪᠠᠶᠢᠰᠢᠩ ᠳᠤ ᠣᠶᠠᠨ ᠰᠠᠩ ᠤᠨ ᠡᠳ᠋ᠯᠡᠯ ᠭᠡᠷᠡᠭᠰᠡᠯ ᠠᠮᠣ ᠪᠣᠳᠠᠭ᠎ᠠ᠂ ᠮᠢᠬ᠎ᠠ ᠰᠢᠭᠦᠰᠦ ᠵᠡᠷᠭᠡ ᠶᠢ ᠳᠠᠯᠪᠢᠳᠠᠭ ᠰᠠᠩ  ᠤᠨ ᠭᠡᠷ ᠶᠤᠮ᠃ ᠡᠨᠡ ᠭᠡᠷ ᠤᠨ ᠲᠦᠯᠬᠢᠭᠦᠷ ᠢ ᠨᠢᠷᠪᠠ ᠪᠣᠶᠢᠳᠠ ︵ᠭᠡᠷ ᠤᠨ ᠳᠠᠷᠤᠭ᠎ᠠ︶ ᠳᠦᠯᠬᠢᠭᠦᠷᠴᠢ ᠨᠡᠷ ᠬᠠᠳᠠᠭᠠᠯᠠᠵᠣ ᠪᠠᠶᠢᠳᠠᠭ᠃ ᠡᠨᠡ ᠰᠠᠩ ᠤᠨ ᠭᠡᠷ ᠤᠨ ᠵᠡᠭᠦᠨ ᠬᠠᠵᠠᠭᠤ ᠳᠤ ᠬᠤᠶᠢᠳᠣ ᠬᠦᠷᠢᠶᠡᠨ ᠳᠤ ᠣᠷᠣᠳᠠᠭ ᠰᠣᠭᠤ ᠶᠢᠨ ᠪᠠᠭ᠎ᠠ ᠡᠭᠦᠳᠡ ᠲᠠᠢ᠂ ᠡᠬᠦᠨ ᠳᠤ ᠵᠡᠭᠦᠨ ᠳᠡᠯ᠎ᠡ ᠳᠤ ᠨᠢᠭᠡ ᠵᠠᠩ ᠳᠡᠷᠭᠡᠨ ᠤ ᠪᠠᠶᠢᠰᠢᠩ ᠪᠠᠶᠢᠳᠠᠭ᠃ ᠡᠨᠡ ᠬᠦᠷᠢᠶᠡᠨ ᠤ ᠵᠡᠭᠦᠨ ᠡᠮᠣᠨ᠎ᠡ ᠡᠳᠡᠭᠡᠳ ᠲᠤ ᠨᠢ ᠳᠣᠭᠤᠭᠠᠨ ᠤ ᠪᠠᠶᠢᠰᠢᠩ ᠲᠠᠢ᠃ ᠡᠭᠦᠨ ᠳᠤ ᠬᠤᠷᠠᠯ ᠤᠨ ᠮᠠᠩᠵᠠ᠂ ᠴᠠᠪ᠂ ᠬᠤᠭᠤᠯᠠ ᠴᠠᠢ ᠬᠢᠳᠡᠭ᠂ ᠪᠠᠷᠠᠭᠤᠨ ᠡᠮᠣᠨᠡᠬᠢ ᠪᠠᠶᠢᠰᠢᠩ ᠳᠤ ᠵᠢᠰᠠ ᠶᠢᠨ ᠨᠢᠷᠪᠠ ᠨᠠᠷ ᠬᠤᠷᠠᠯ ᠤᠨ ᠦᠶ᠎ᠡ ᠳᠤ ᠰᠠᠭᠤᠯᠴᠠᠳᠠᠭ᠂ ᠬᠦᠷᠢᠶᠡᠨ ᠤ ᠳᠣᠮᠳᠠ ᠶᠡᠭᠡ ᠣᠷᠳᠣᠨ ᠪᠠᠭᠤᠴᠠ ᠲᠠᠢ᠂ ᠡᠨᠡ ᠶᠡᠭᠡ ᠣᠷᠳᠣᠨ ᠪᠣᠯ ᠠᠷᠪᠠᠠ ᠭᠡᠳᠣᠠ ᠬᠠᠨ᠎ᠠ ᠲᠠᠢ ᠶᠡᠭᠡ ᠮᠣᠩᠭᠤᠯ ᠭᠡᠷ ᠪᠠᠶᠢᠳᠠᠭ᠂ ᠡᠨᠡ ᠭᠡᠷ ᠢ ᠪᠣᠯ ᠴᠠᠭᠠᠨ ᠰᠠᠷ᠎ᠠ ᠶᠢᠨ ᠰᠢᠨᠡᠯᠡᠬᠦ ᠶᠣᠰᠣᠯᠠᠯ ᠪᠠ ᠨᠠᠮᠣᠷ ᠤᠨ ᠳᠠᠯᠠᠯᠭᠠᠨ ᠤ ᠨᠠᠶᠢᠷ ᠵᠡᠷᠭᠡ ᠨᠠᠶᠢᠷ ᠨᠠᠭᠠᠳᠣᠮ ᠬᠢᠬᠦ ᠳᠤ ᠪᠠᠷᠢᠬᠤ ᠠᠴᠠ ᠶᠡᠷᠦ ᠶᠢᠨ ᠴᠠᠭ  ᠲᠤ ᠪᠠᠷᠢᠳᠠᠭ ᠦᠭᠡᠢ᠂ ᠵᠡᠭᠦᠨ ᠳᠠᠯ᠎ᠠ ᠶᠢᠨ ᠬᠦᠷᠢᠶᠡᠨ ᠳᠤ ᠨᠢ ᠰᠠᠩ ᠣᠷᠳᠣᠨ ᠭᠡᠵᠣ ᠪᠣᠶᠢᠳᠠ ᠨᠢᠷᠪᠠ ᠪᠠ ᠵᠠᠷᠣᠴᠠ ᠨᠡᠷ ᠰᠠᠭᠤᠳᠠᠭ ᠶᠡᠭᠡ ᠭᠡᠷ᠂ ᠳᠣᠰᠠᠯᠠᠭᠴᠢ ᠲᠦᠰᠢᠮᠡᠳ ᠪᠠ ᠭᠡᠷᠭᠡᠮᠳᠡᠨ ᠯᠠᠮᠠ ᠨᠠᠷ ᠢᠷᠡᠪᠡᠯ ᠰᠠᠭᠤᠯᠭᠠᠳᠠᠭ᠂ ᠬᠡᠶᠢᠴᠢᠳ ᠤᠨ ᠭᠡᠷ᠂ ᠡᠪᠦᠯ ᠤᠨ ᠰᠡᠭᠦᠯ ᠢᠶᠠᠷ ᠭᠠᠯ ᠳᠠᠬᠢᠯᠭ᠎ᠠ᠂ ᠬᠠᠭᠤᠴᠢᠨ ᠤ ᠬᠤᠷᠠᠯ ᠬᠤᠷᠠᠳᠠᠭ ᠭᠡᠷ ᠬᠤᠷᠠᠯ ᠤᠨ ᠭᠡᠷ᠂ ᠰᠢᠳᠦᠬᠡᠨ ᠤ ᠵᠢᠰᠢᠶᠠ ᠣᠩᠰᠢᠳᠠᠭ ᠳᠠᠬᠢᠯᠴᠢ ᠨᠠᠷ ᠤᠨ ᠰᠠᠭᠤᠳᠠᠭ ᠯᠠᠮᠠ ᠨᠡᠷ ᠤᠨ ᠭᠡᠷ᠂ ᠮᠥᠩᠬᠡ ᠨᠦᠩᠨᠠᠢ  ᠶᠢᠨ ᠭᠡᠷ ᠵᠡᠷᠭᠡ ᠲᠦᠷᠪᠡ ᠳᠠᠪᠣᠨ ᠮᠣᠩᠭᠤᠯ ᠭᠡ ᠪᠠᠶᠢᠳᠠᠭ᠃ ᠬᠦᠷᠢᠶᠡᠨ ᠤ ᠵᠡᠭᠦᠨ ᠬᠠᠵᠠᠭᠤ ᠳᠤ ᠵᠣᠨ ᠪᠣᠯ ᠦᠨᠢᠶ᠎ᠡ ᠰᠠᠭᠠᠳᠠᠭ ᠭᠡᠷ ᠪᠠᠶᠢᠳᠠᠭ᠂ ᠪᠡᠶᠢᠯᠡ ᠨᠣᠶᠠᠨ ᠤ ᠴᠠᠭᠠᠨ ᠢᠳᠡᠭᠡ ᠪᠣᠷᠣᠯᠠᠭᠤᠯᠬᠤ ᠶᠢᠨ ᠲᠦᠯᠦᠭᠡ ᠵᠢᠯ ᠪᠦᠷᠢ ᠶᠢᠨ ᠬᠠᠪᠣᠷ ᠵᠣᠨ ᠤ ᠣᠯᠠᠷᠢᠯ ᠳᠤ ᠬᠤᠰᠢᠭᠤᠨ ᠤ ᠰᠣᠮᠣ ᠪᠦᠷᠢ ᠠᠴᠠ ᠨᠢᠵᠢᠭᠡᠳ ᠡᠮᠡᠭᠳᠡᠢ ᠶᠢ ᠠᠪᠴᠢᠷᠠᠨ ᠰᠠᠭᠤᠯᠭᠠᠵᠣ ᠦᠨᠢᠶ᠎ᠡ ᠰᠠᠭᠤᠵᠣ ᠴᠠᠭᠠᠨ ᠢᠳᠡᠭᠡ ᠪᠣᠯᠪᠠᠰᠣᠷᠠᠭᠤᠯᠳᠠᠭ ᠳᠣᠯᠠ ᠡᠨᠡ ᠭᠡᠷ ᠢ ︽ᠰᠦᠨ ᠤ ᠭᠡᠷ︾ ᠭᠡᠳᠡᠭ᠃               ᠪᠡᠶᠢᠯᠡ ᠨᠣᠶᠠᠨ ᠤ ᠣᠷᠳᠣᠨ ᠳᠤ ᠵᠠᠷᠣᠭᠳᠠᠵᠣ ᠪᠠᠶᠢᠭᠰᠠᠨ ᠬᠦᠮᠥᠰ ᠭᠡᠪᠡᠯ᠄ ᠵᠠᠬ᠎ᠠ ᠶᠢᠨ ᠳᠣᠭᠤᠭᠠᠴᠢ ︵ᠡᠮᠡᠭᠡ ᠡᠬᠡ ᠪᠡ ᠭᠠᠳᠠᠨ᠎ᠠ ᠠᠴᠠ ᠢᠷᠡᠭᠰᠡᠨ ᠭᠡᠭᠡᠳ ᠨᠣᠶᠠᠳ ᠤᠨ ᠬᠤᠭᠤᠯᠠ ᠴᠠᠢ ᠢ ᠬᠢᠳᠡᠭ︶ ᠭᠤᠷᠪᠠ ᠲᠦᠷᠪᠡᠨ ᠬᠦᠮᠥᠨ ᠨᠢᠭᠡ ᠨᠢᠭᠡ ᠪᠠᠷ ᠬᠠᠭᠠᠰ ᠰᠠᠷ᠎ᠠ ᠪᠠᠷ ᠡᠭᠡᠯᠵᠢᠯᠡᠨ ᠰᠠᠭᠤᠳᠠᠭ᠂ ᠪᠣᠶᠢᠳᠠ ︵ᠭᠡᠷ ᠤᠨ ᠳᠠᠷᠤᠭ᠎ᠠ︶ ᠲᠦᠯᠬᠢᠭᠦᠷᠴᠢ ᠳᠣᠰ ᠪᠦᠷᠢ ᠨᠢᠭᠡ᠃ ᠡᠳᠡᠭᠡᠷ ᠬᠦᠮᠥᠰ ᠪᠣᠯ ᠰᠠᠩ ᠤᠨ ᠭᠤᠣᠯ ᠠᠵᠢᠯ ᠢ ᠬᠠᠮᠢᠶᠠᠷᠴᠣ ᠬᠢᠳᠡᠭ᠂ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠳᠣᠯᠭᠠᠷᠠᠪᠠᠯ ᠡᠵᠢ ᠨᠡᠷ ︵ᠡᠮᠡᠭᠡ ᠡᠵᠢ ᠪᠠ ᠮᠢᠨᠣ ᠡᠬᠡ︶ ᠠᠴᠠ ᠠᠰᠠᠭᠤᠬᠤ ᠪᠣᠶᠣ ᠵᠦᠪᠳᠡᠯᠴᠡᠵᠣ ᠪᠠᠶᠢᠭᠠᠳ ᠰᠢᠢᠳᠪᠦᠷᠢᠯᠡᠳᠡᠭ᠃ ᠶᠡᠷᠦ ᠶᠢᠨ ᠴᠠᠭ ᠲᠤ ᠪᠦᠭᠦᠳᠡᠭᠡᠷ ᠢᠷᠡᠵᠣ ᠠᠵᠢᠯᠯᠠᠳᠠᠭ ᠶᠤᠮ᠃ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠣᠰᠣᠨ ᠤ ᠬᠦᠮᠥᠨ᠂ ᠠᠷᠭᠠᠯ ᠤᠨ ᠬᠦᠮᠥᠨ᠂ ᠳᠣᠭᠤᠭᠠᠨ ᠤ ᠬᠦᠮᠥᠨ ᠭᠡᠵᠣ ᠪᠠᠶᠢᠳᠠᠭ᠂ ᠡᠳᠡᠭᠡᠷ ᠬᠦᠮᠥᠰ ᠪᠣᠯ ᠡᠯ᠎ᠡ ᠰᠣᠮᠣᠨ ᠠᠴᠠ ᠡᠭᠡᠯᠵᠢᠯᠡᠨ ᠰᠠᠭᠤᠳᠠᠭ᠂ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠠᠳᠣᠭᠤᠨ ᠤ ᠬᠦᠮᠥᠨ᠂ ᠦᠬᠡᠷ ᠤᠨ ᠭᠦᠮᠥᠨ᠂ ᠳᠡᠮᠡᠭᠡᠨ ᠤ ᠬᠦᠮᠥᠨ᠂ ᠬᠤᠨᠢᠨ ᠤ ᠬᠦᠮᠥᠨ᠂ ᠰᠠᠩ ᠶᠢᠨ ᠳᠠᠬᠠᠷ᠎ᠠ ︵ᠵᠠᠷᠣᠯᠭ᠎ᠠ ᠡᠯᠴᠢ︶ ᠶᠢ ᠪᠣᠯ ᠡᠭᠡᠯᠵᠢ ᠪᠠᠷ ᠵᠠᠷᠣᠬᠤ ᠪᠢᠰᠢ ᠳᠣᠰᠬᠠᠢ ᠬᠦᠮᠥᠨ ᠢ ᠨᠡᠷᠡᠯᠡᠨ ᠳᠣᠭᠳᠠᠭᠠᠳᠠᠭ᠃ ᠪᠠᠰᠠ ᠬᠠᠶ᠋ᠢ ᠶᠢᠨ ᠰᠦᠮ᠎ᠡ᠂ ᠬᠠᠮᠪᠤ ᠶᠢᠨ ᠰᠦᠮ᠎ᠡ ᠠᠴᠠ ᠭᠤᠷᠪᠠ ᠲᠦᠷᠪᠡᠨ ᠯᠠᠮᠠ ᠶᠢ ᠨᠠᠷᠠᠯᠠᠵᠣ ᠳᠡᠳᠡᠨ ᠢ ᠰᠠᠷ᠎ᠠ ᠰᠠᠷ᠎ᠠ ᠪᠠᠷ ᠡᠭᠡᠯᠵᠢᠯᠡᠭᠦᠯᠥᠨ ᠰᠠᠭᠤᠯᠭᠠᠵᠣ ᠡᠳᠦᠷ ᠪᠦᠷᠢ ᠰᠢᠳᠣᠬᠡᠨ ᠤ ᠰᠦᠮ᠎ᠡ ᠳᠤ ᠬᠤᠶᠠᠷ ᠣᠳᠠᠭᠠᠨ ᠤ ᠵᠢᠰᠢᠶᠡ ᠣᠩᠰᠢᠬᠤ ᠪᠠ ᠳᠠᠮᠠᠭᠠᠨ ᠤ ᠳᠠᠬᠢᠯ ᠰᠠᠩ ᠳᠠᠯᠪᠢᠳᠠᠭ ᠳᠣᠯᠠ ᠳᠡᠳᠡᠨ ᠢ ᠨᠣᠶᠠᠨ ᠤ ︽ᠳᠠᠬᠢᠯᠴᠢ︾ ᠭᠡᠳᠡᠭ᠃ ᠪᠠᠰᠠ ᠮᠢᠨᠣ ᠡᠴᠢᠬᠡ ᠨᠠᠰᠣ ᠪᠠᠷᠭᠰᠠᠨ ᠳᠠᠷᠠᠭ᠎ᠠ ᠵᠢᠯ ᠳᠡᠭᠦᠨ ᠳᠤ ᠪᠣᠶᠠᠨ ᠦᠢᠯᠡᠳᠬᠦ ᠶᠢᠨ ᠲᠦᠯᠥᠭᠡ ᠳᠣᠰᠬᠠᠢ ᠮᠠᠯ᠂ ᠮᠥᠩᠭᠦ ᠭᠠᠷᠭᠠᠨ ᠮᠥᠩᠭᠡ ᠨᠦᠩᠨᠠᠢ ᠭᠠᠷᠭᠠᠵᠠᠢ᠃ ᠡᠨᠡ ᠨᠢ ᠳᠣᠰ ᠬᠦᠷᠢᠶᠡᠨ ᠤ ᠪᠠᠷᠠᠭᠤᠨ ᠬᠤᠶᠢᠳᠣ ᠦᠨᠴᠦᠭ ᠲᠤ ᠬᠤᠶᠠᠷ ᠵᠠᠩ ᠪᠠᠶᠢᠰᠢᠩ ᠪᠠᠷᠢᠵᠣ᠂ ᠡᠪᠥᠯ ᠪᠣᠯ ᠬᠠᠨᠵᠣ ᠲᠠᠢ ᠮᠣᠩᠭᠤᠯ ᠭᠡᠷ ᠲᠤ ᠬᠠᠶ᠋ᠢ ᠶᠢᠨ ᠰᠦᠮ᠎ᠠ᠂ ᠬᠠᠮᠪᠤ ᠶᠢᠨ ᠰᠦᠮ᠎ᠡ᠂ ᠰᠧᠩᠰᠧᠩ ᠰᠦᠮ᠎ᠡ ᠠᠴᠠ ᠰᠠᠷ᠎ᠠ ᠰᠠᠷ᠎ᠠ ᠪᠠᠷ ᠡᠭᠡᠯᠵᠢᠯᠡᠨ ᠨᠢᠬᠡᠨ ᠯᠠᠮᠠ ᠰᠠᠭᠤᠵᠣ ᠨᠦᠩᠨᠠᠢ ᠰᠠᠬᠢᠳᠠᠭ᠃ ᠨᠦᠩᠨᠠᠢ ᠰᠠᠬᠢᠬᠤ ᠭᠡᠳᠡᠭ ᠪᠣᠯ ᠰᠢᠷ᠎ᠠ ᠶᠢᠨ ᠱᠠᠰᠢᠨ ᠤ ᠨᠢᠬᠡ ᠵᠦᠢᠯ ᠤᠨ ᠠᠪᠰᠢᠭ ᠨᠣᠮ ᠶᠤᠮ᠃ ᠲᠦᠷᠢᠮ ᠳᠣᠭᠳᠠᠭᠠᠯ ᠨᠢ ᠴᠢᠩᠭ᠎ᠠ ᠬᠠᠳᠠᠭᠤ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ ᠡᠳᠦᠷ ᠪᠦᠷᠢ ᠳᠣᠭᠳᠠᠭᠰᠠᠨ ᠬᠡᠮᠵᠢᠶᠡᠨ ᠤ ᠨᠣᠮ ᠰᠣᠳᠣᠷ ᠢ ᠣᠩᠰᠢᠵᠣ ᠳᠡᠭᠦᠰᠭᠡᠬᠦ ᠠᠴᠠ ᠭᠠᠳᠠᠨ᠎ᠠ ᠮᠢᠬ᠎ᠠ ᠰᠢᠬᠦᠰᠣ ᠢᠳᠡᠳᠡᠭ ᠦᠭᠡᠢ᠂ ᠨᠢᠭᠡ ᠡᠳᠦᠷ ᠦᠨᠵᠢᠭᠡᠳ ᠳᠡᠷᠠᠭ᠎ᠠ ᠡᠳᠦᠷ ᠲᠤ ᠨᠢ ᠮᠠᠩᠵᠠ᠂ ᠴᠠᠪ᠂ ᠢᠳᠡᠵᠣ ᠪᠣᠯᠬᠤ ᠠᠴᠠ ᠪᠢᠰᠢ᠂ ᠡᠳᠦᠷ ᠪᠦᠷᠢ ᠢᠳᠡᠵᠣ ᠪᠣᠯᠳᠠᠭ ᠦᠭᠡᠢ ᠠᠴᠠ ᠭᠠᠳᠠᠨ᠎ᠠ᠂ ᠨᠣᠮ ᠣᠩᠰᠢᠵᠣ ᠠᠴᠠ ᠪᠢᠰᠢ ᠦᠭᠡ ᠶᠠᠷᠢᠵᠣ ᠪᠣᠯᠳᠠᠭ ᠦᠭᠡᠢ ᠳᠣᠪ ᠳᠣᠭᠤᠢ ᠰᠠᠭᠤᠳᠠᠭ᠃ ᠪᠢ ᠪᠠᠭ᠎ᠠ ᠳᠤ ᠪᠠᠨ ᠳᠡᠭᠦᠨ  ᠤ ᠣᠴᠢᠷ ᠣᠬᠠᠭᠠᠨ ᠢ ᠨᠢ ᠣᠯᠬᠤ ᠦᠭᠡᠢ ᠰᠣᠨᠢᠷᠬᠠᠵᠣ ᠳᠡᠭᠦᠨ ᠤ ᠭᠡᠷ ᠲᠤ ᠨᠢ᠂ ᠦᠬᠦᠭᠰᠡᠨ ᠬᠤᠯᠣᠭᠠᠨ᠎ᠠ ᠬᠤᠷᠣᠬᠠᠢ ᠰᠢᠪᠠᠵᠢ ᠬᠠᠶᠠᠵᠣ ᠣᠷᠣᠭᠤᠯᠣᠨ ᠦᠭᠡ ᠶᠠᠷᠢᠭᠤᠯᠬᠤ ᠪᠠᠷ ᠣᠷᠣᠯᠳᠣᠳᠠᠭ ᠪᠠᠶᠢᠭᠰᠠᠨ ᠪᠢᠯᠡ᠃ ᠭᠠᠳᠠᠨ᠎ᠠ  ᠠᠴᠠ ᠶᠡᠷᠦ ᠶᠢᠨ ᠬᠦᠮᠥᠰ ᠪᠣᠶᠣ ᠶᠠᠮᠣᠨ ᠤ ᠲᠦᠰᠢᠮᠡᠳ᠂ ᠰᠦᠮ᠎ᠡ ᠶᠢᠨ ᠬᠡᠷᠬᠡᠮᠳᠡᠨ ᠯᠠᠮᠠᠨᠠᠷ ᠢᠷᠡᠪᠡᠯ ᠬᠠᠮᠤᠭ ᠤᠨ ᠣᠷᠢᠳ ᠵᠡᠭᠦᠨ ᠳᠠᠯ᠎ᠠ ᠶᠢᠨ ᠣᠶᠠᠭᠠᠨ ᠳᠤ ᠮᠣᠷᠢ ᠪᠠᠨ ᠣᠶᠠᠵᠣ ᠰᠠᠩ ᠤᠨ ᠣᠷᠳᠣᠨ ᠳᠤ ᠣᠷᠣᠳᠠᠭ᠂ ᠬᠡᠷᠪᠡ ᠡᠮᠡᠭᠡ ᠡᠬᠡ᠂ ᠡᠵᠢ ᠬᠠᠳᠣᠨ ᠪᠠ ᠨᠣᠶᠠᠨ ᠳᠤ ᠪᠠᠷᠠᠯᠠᠬᠤ ᠪᠣᠯ ᠪᠣᠶᠢᠳᠠ ᠳᠠᠮᠵᠢᠭᠤᠯᠣᠨ ᠮᠠᠳᠡᠭᠦᠯᠵᠣ ᠵᠦᠪᠰᠢᠶᠡᠷᠡᠪᠡᠯ ᠰᠠᠶ᠋ᠢ ᠪᠡᠶᠢᠯᠡ ᠨᠣᠶᠠᠨ ᠤ ᠣᠷᠳᠣᠨ ᠳᠤ ᠣᠷᠣᠳᠠᠭ ᠶᠤᠮ᠃               ᠪᠡᠶᠢᠯᠡ ᠨᠣᠶᠠᠨ ᠤ ᠰᠠᠩ ᠤᠨ ᠰᠦᠷᠦᠭ 1943 — 1944 ᠣᠨ ᠤ ᠣᠷᠴᠢᠮ ᠶᠡᠭᠡ ᠲᠦᠯᠥᠪ ᠳᠤᠭ᠎ᠠ᠄ ᠠᠳᠣᠭᠤ ᠳᠣᠪᠣᠨ ᠵᠠᠭᠤ ᠭᠠᠷᠦᠢ᠂ ᠳᠡᠮᠡᠭᠡ ᠬᠤᠶᠠᠷ ᠵᠠᠭᠤ ᠰᠢᠬᠠᠮ᠂ ᠦᠭᠡᠷ ᠭᠤᠷᠪᠡᠨ ᠵᠠᠭᠤ ᠭᠠᠷᠦᠢ᠂ ᠬᠤᠨᠢ ᠮᠢᠩᠭᠤ ᠭᠠᠷᠦᠢ ᠪᠠᠶᠢᠵᠣ᠂ ᠠᠳᠣᠭᠤ ᠦᠬᠡᠷ ᠳᠡᠮᠡᠭᠡ ᠶᠢᠨ ᠶᠡᠬᠡᠩᠬᠢ ᠶᠢ ᠨᠣᠶᠠᠨ ᠤ ᠰᠠᠩ ᠳᠤ ᠪᠠᠨ ᠰᠦᠷᠦᠭᠯᠡᠨ ᠳᠣᠰᠬᠠᠢ ᠬᠦᠮᠥᠨ ᠢᠶᠠᠷ ᠮᠠᠯᠵᠢᠭᠤᠯᠵᠣ ᠪᠠᠶᠢᠳᠠᠭ᠃ ᠬᠤᠨᠢ ᠪᠠ ᠨᠢᠭᠡ ᠬᠡᠰᠡᠭ ᠦᠬᠡᠷ ᠢ ᠠᠶᠢᠯ ᠤᠳ ᠲᠤ ᠰᠦᠷᠦᠭ ᠳᠠᠯᠪᠢᠨ ᠮᠠᠯᠵᠢᠭᠤᠯᠵᠣ ᠪᠠᠶᠢᠵᠠᠢ᠃       1940 ᠣᠨ ᠤ ᠦᠶ᠎ᠡ ᠪᠠᠷ ᠬᠤᠨᠢ ᠮᠢᠩᠭ᠎ᠠ ᠭᠠᠷᠦᠢ᠂ ᠦᠬᠡᠷ ᠵᠠᠭᠤ ᠭᠠᠷᠦᠢ ᠶᠢ ᠳᠣᠰᠠᠭᠠᠷᠯᠠᠨ ᠰᠦᠷᠦᠭᠯᠡᠵᠣ ᠬᠤᠶᠠᠷ ᠭᠤᠷᠪᠠᠨ ᠮᠣᠩᠭᠤᠯ ᠭᠡᠷ ᠢᠶᠠᠷ ᠠᠷᠣ ᠰᠠᠩ ᠬᠡᠵᠣ ᠭᠠᠷᠭᠠᠭᠠᠳ ᠮᠢᠨᠣ ᠡᠬᠡ ᠬᠡᠳᠦᠨ ᠵᠠᠷᠣᠴᠠ ᠨᠠᠷ ᠲᠠᠢ ᠦᠪᠡᠷ ᠤᠨ ᠪᠡᠶ᠎ᠡ ᠪᠠᠷ ᠮᠠᠯᠵᠢᠬᠤ ᠪᠣᠯᠣᠭᠰᠠᠨ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠪᠢ ᠡᠬᠡ ᠲᠠᠢ ᠪᠠᠨ ᠠᠷᠣ ᠰᠠᠩ ᠳᠤ ᠰᠠᠭᠤᠳᠠᠭ᠃ ᠴᠠᠭᠠᠨ ᠰᠠᠷ᠎ᠠ᠂ ᠳᠠᠪᠣᠨ ᠰᠠᠷ᠎ᠠ ᠶᠢᠨ ᠣᠪᠣᠭᠠᠳ ᠤᠨ ᠳᠠᠬᠢᠯᠭ᠎ᠠ᠂ ᠵᠣᠨ ᠤ ᠢᠷᠦᠭᠡᠯ᠂ ᠨᠠᠮᠣᠷ ᠤᠨ ᠳᠠᠯᠠᠯᠭᠠᠨ ᠤ ᠦᠶ᠎ᠡ ᠣᠷᠳᠣᠨ ᠳᠤ ᠣᠴᠢᠳᠠᠭ ᠪᠠᠶᠢᠵᠠᠢ᠃               ᠲᠡᠷᠡ ᠦᠶ᠎ᠡ ᠳᠤ ᠴᠢᠩ ᠣᠯᠣᠰ ᠮᠦᠬᠦᠭᠡᠳ ᠳᠣᠮᠳᠠᠳᠣ ᠢᠷᠭᠡᠨ ᠣᠯᠣᠰ ᠪᠠᠶᠢᠭᠤᠯᠣᠭᠳᠠᠭᠰᠠᠨ ᠪᠣᠯᠪᠠᠴᠣ ᠪᠠᠰᠠᠴᠣ ᠴᠢᠩ ᠣᠯᠣᠰ ᠠᠴᠠ ᠳᠣᠭᠳᠠᠭᠠᠭᠰᠠᠨ ︽ᠭᠠᠳᠠᠭᠠᠳᠣ ᠮᠣᠩᠭᠤᠯ ᠤᠨ ᠲᠦᠷᠦ ᠶᠢ ᠵᠠᠰᠠᠬᠤ ᠶᠠᠪᠣᠳᠠᠯ ᠤᠨ ᠶᠠᠮᠣᠨ︾ ᠤ ᠬᠠᠣᠯᠢ ᠶᠢ ᠳᠠᠭᠠᠵᠣ ᠪᠠᠶᠢᠭᠰᠠᠨ ᠶᠤᠮ᠃ ᠡᠶᠢᠮᠥ ᠶᠢᠨ ᠳᠣᠯᠠ ᠰᠢᠯᠢ ᠶᠢᠨ ᠭᠤᠣᠯ ᠴᠢᠭᠤᠯᠭᠠᠨ ᠤ ᠡᠯ᠎ᠡ ᠬᠤᠰᠢᠭᠤ ᠤ ᠵᠠᠰᠠᠭ ᠨᠣᠶᠠᠳ ᠪᠠᠰᠠᠴᠣ ᠦᠶ᠎ᠡ ᠣᠯᠡᠷᠢᠨ ᠵᠠᠯᠭᠠᠮᠵᠢᠯᠡᠵᠣ ᠪᠠᠶᠢᠭᠰᠠᠨ ᠳᠣᠯᠠ ᠵᠠᠰᠠᠭ ᠨᠣᠶᠠᠳ ᠨᠠᠰᠣ ᠪᠠᠷᠠᠪᠠᠯ ᠳᠡᠭᠦᠨ ᠤ ᠠᠬᠠᠮᠠᠳ ᠬᠦᠪᠡᠬᠦᠨ᠂ ᠬᠡᠷᠪᠡ ᠠᠬᠠᠮᠠᠳ ᠬᠦᠪᠡᠭᠦᠨ ᠦᠭᠡᠢ ᠪᠣᠯ ᠬᠤᠶᠠᠳᠣᠭᠠᠷ ᠬᠦᠪᠡᠭᠦᠨ ᠪᠣᠶᠣ ᠭᠤᠷᠪᠠᠳᠣᠭᠠᠷ ᠬᠦᠪᠡᠭᠦᠨ ᠨᠢ ᠵᠠᠯᠭᠠᠮᠵᠢᠯᠠᠳᠠᠭ᠂ ᠬᠦᠪᠡᠭᠦᠨ ᠦᠭᠡᠢ ᠪᠣᠯ ᠳᠠᠶᠢᠵᠢ ᠢᠵᠠᠭᠤᠷ ᠲᠠᠢ ᠣᠶᠢᠷ᠎ᠠ ᠲᠦᠷᠦᠯ ᠰᠠᠳᠣᠨ ᠤ ᠬᠦᠪᠡᠭᠦᠨ ᠢ ᠦᠷᠡᠴᠢᠯᠡᠨ ᠵᠠᠯᠭᠠᠮᠵᠢᠯᠠᠭᠤᠯᠳᠠᠭ᠂ ᠭᠡᠪᠡᠴᠦ ᠠᠷᠪᠠᠠ ᠨᠠᠢᠮᠠᠨ ᠨᠠᠰᠣ ᠬᠦᠷᠦᠭᠡᠳᠦᠢ ᠪᠣᠯ ᠵᠦᠪᠭᠡᠨ ᠵᠡᠷᠭᠡ ᠵᠢᠩᠰᠡ ᠵᠡᠭᠦᠯᠭᠡᠵᠣ ᠰᠢᠷᠡᠭᠡᠨ ᠳᠤ ᠰᠠᠭᠤᠯᠭᠠᠳᠠᠭ᠂ ᠬᠤᠰᠢᠭᠤᠨ ᠤ ᠵᠠᠰᠠᠭ ᠲᠦᠷᠦ ᠶᠢᠨ ᠠᠯᠢᠪᠠ ᠡᠷᠬᠡ ᠮᠡᠳᠡᠯ ᠢ ᠳᠣᠰ ᠬᠤᠰᠢᠭᠤᠨ ᠤ ᠳᠠᠮᠠᠭᠠᠨ ᠳᠣᠰᠠᠯᠠᠭᠴᠢ ᠣᠷᠣᠯᠠᠨ ᠬᠦᠢᠴᠡᠳᠭᠡᠳᠡᠭ᠃ ᠵᠠᠰᠠᠭ ᠨᠣᠶᠠᠨ ᠠᠷᠪᠠᠠ ᠨᠠᠢᠮᠡᠨ ᠨᠠᠰᠣ ᠬᠦᠷᠪᠡᠯ ᠳᠠᠮᠠᠭᠠᠨ ᠤ ᠨᠠᠶᠢᠷ ᠬᠢᠵᠤ ᠵᠠᠰᠠᠭ ᠲᠦᠷᠦ ᠶᠢᠨ ᠡᠷᠬᠡ ᠪᠠᠷᠢᠬᠤ ᠶᠣᠰᠣᠯᠠᠯ ᠶᠠᠪᠣᠭᠤᠯᠵᠣ ᠳᠠᠮᠠᠭ᠎ᠠ ᠰᠢᠯᠵᠢᠭᠦᠯᠥᠨ ᠳᠣᠰᠢᠶᠠᠳᠠᠭ᠃ ᠮᠢᠨᠣ ᠡᠴᠢᠭᠡ ᠨᠠᠰᠣ ᠪᠠᠷᠠᠭᠰᠠᠨ ᠤ ᠳᠠᠷᠠᠭ᠎ᠠ ᠵᠢᠯ ᠨᠠᠮᠠᠢᠢ ᠶᠢᠰᠣᠨ ᠨᠠᠰᠣᠳᠠᠢ ᠪᠠᠶᠢᠬᠤ ᠳᠤ ᠵᠠᠰᠠᠭ ᠪᠡᠶᠢᠯᠡ ᠶᠢᠨ ᠵᠢᠩᠰᠡ ᠵᠡᠷᠭᠡ ᠶᠢ ᠵᠠᠯᠭᠠᠮᠵᠢᠯᠠᠭᠤᠯᠵᠣ ᠰᠢᠷᠡᠭᠡᠨ ᠳᠤ ᠰᠠᠭᠤᠬᠤ ᠶᠣᠰᠣᠯᠠᠯ ᠤᠨ ᠨᠠᠶᠢᠷ ᠬᠢᠵᠠᠢ᠃ ᠲᠡᠷᠡ ᠦᠶ᠎ᠡ ᠳᠤ ᠮᠠᠨ ᠤ ᠬᠤᠰᠢᠭᠤᠨ ᠤ ᠳᠠᠮᠠᠭᠠᠨ ᠳᠣᠰᠠᠯᠠᠭᠴᠢ ᠨᠢ ᠪᠠᠵᠠᠷᠰᠠᠳ ᠪᠠᠶᠢᠵᠤ᠂ ᠳᠠᠷᠠᠭ᠎ᠠ ᠨᠢ ᠠᠯᠳᠠᠠᠭᠡᠷᠡᠯ᠂ ᠮᠥᠩᠬᠡ ᠨᠠᠷ ᠪᠣᠯᠵᠣ ᠦᠩᠭᠡᠷᠡᠵᠠᠢ᠃ ᠪᠢ ᠵᠠᠰᠠᠭ ᠲᠦᠷᠦ ᠶᠢᠨ ᠡᠷᠬᠡ ᠶᠢ ᠪᠠᠷᠢᠭᠰᠠᠨ ᠦᠭᠡᠢ ᠪᠣᠯᠪᠠᠴᠣ ᠵᠢᠯ ᠪᠦᠷᠢ ᠶᠢᠨ ᠴᠠᠭᠠᠨ ᠰᠠᠷ᠎ᠠ ᠶᠢᠨ ᠰᠢᠨᠡᠯᠡᠬᠦ ᠶᠣᠰᠣᠯᠠᠯ᠂ ᠳᠠᠯᠠᠯᠭᠠᠨ ᠤ ᠨᠠᠶᠢᠷ᠂ ᠣᠪᠣᠭᠠᠳ ᠤᠨ ᠳᠠᠬᠢᠯᠭ᠎ᠠ᠂ ᠰᠦᠮ᠎ᠡ ᠬᠡᠶᠢᠳ ᠤᠨ ᠬᠤᠷᠠᠯ ᠢᠷᠦᠭᠡᠯ ᠳᠤ ᠣᠴᠢᠬᠤ ᠳᠤ ᠪᠠᠨ ᠴᠦᠮ ᠵᠢᠩᠰᠡᠳᠣ ᠮᠠᠯᠠᠭᠠᠢ ᠵᠡᠬᠦᠵᠣ᠂ ᠶᠣᠰᠣᠯᠠᠯ ᠤᠨ ᠬᠦᠷᠮ᠎ᠠ ᠡᠮᠥᠰᠴᠣ᠂ ᠪᠡᠶᠢᠯᠡ ᠨᠣᠶᠠᠨ ᠤ ᠰᠢᠷᠡᠭᠡᠨ ᠳᠤ ᠰᠠᠭᠤᠳᠠᠭ ᠪᠠᠶᠢᠵᠠᠢ᠃               ᠪᠢ ᠨᠢᠯᠬ᠎ᠠ ᠪᠠᠭ᠎ᠠ ᠠᠴᠠ ᠪᠠᠨ ᠭᠡᠳᠦᠨ ᠣᠳᠠᠭ᠎ᠠ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠵᠣ ᠣᠯᠠᠨ ᠣᠳᠠᠭ᠎ᠠ ᠨᠣᠮ ᠭᠦᠷᠢᠮ ᠣᠩᠰᠢᠬᠤ ᠪᠠ ᠡᠮ ᠵᠠᠰᠠᠯ ᠬᠢᠯᠭᠡᠵᠣ ᠪᠠᠶᠢᠮᠠᠨᠵᠢᠨ ᠬᠦᠮᠥᠨ ᠪᠣᠯᠵᠣ ᠴᠢᠳᠠᠭᠰᠠᠨ ᠳᠣᠯᠠ ᠮᠢᠨᠣ ᠡᠴᠢᠭᠡ ᠡᠬᠡ ᠨᠠᠳᠠᠳᠣ ᠶᠡᠭᠡ ᠬᠠᠶᠢᠷᠠᠳᠠᠢ᠂ ᠳᠣᠷ᠎ᠠ ᠪᠠᠷ ᠨᠢ ᠠᠭᠠᠳᠣᠭᠤᠯᠵᠣ᠂ ᠮᠢᠨᠣ ᠡᠴᠢᠬᠡ ᠠᠯᠪᠡᠨ ᠣᠴᠢᠷ ᠢᠶᠠᠷ ᠭᠠᠳᠠᠭᠰᠢ ᠶᠠᠪᠣᠭᠠᠳ ᠬᠠᠷᠢᠵᠣ ᠢᠷᠡᠬᠦ ᠪᠦᠷᠢ ᠳᠤ ᠪᠠᠨ ᠡᠯᠳᠡᠪ ᠵᠦᠢᠯ ᠤᠨ ᠨᠠᠭᠠᠳᠣᠮ ᠠᠪᠴᠢᠷᠠᠵᠣ ᠦᠭᠳᠡᠭ᠂ ᠡᠶᠢᠮᠥ ᠪᠠᠶᠢᠳᠠᠯ  ᠤᠨ ᠳᠣᠣᠷ᠎ᠠ ᠪᠢ ᠡᠷᠬᠡ ᠳᠣᠷ᠎ᠠ ᠪᠠᠷ ᠢᠶᠠᠨ ᠨᠠᠭᠠᠳᠴᠣ ᠵᠣᠪᠠᠭᠤᠷᠢ ᠵᠦᠳᠡᠭᠦᠷᠢ ᠶᠢ ᠮᠠᠳᠠᠬᠦ ᠦᠭᠡᠢ ᠦᠰᠦᠭᠰᠡᠨ ᠶᠤᠮ᠃                 ᠪᠢ ᠨᠠᠢᠮᠠᠨ ᠨᠠᠰᠣᠳᠠᠢ ᠪᠠᠶᠢᠬᠤ ᠦᠶ᠎ᠡ ᠳᠤ ᠡᠪᠦᠭᠡᠨ ᠵᠠᠬᠢᠷᠣᠭᠴᠢ ᠡᠩᠬᠡᠪᠠᠶᠠᠷ ᠢ ᠪᠠᠭᠰᠢ ᠰᠢᠳᠦᠭᠦᠯᠵᠣ ᠭᠡᠷ  ᠲᠤ ᠪᠠᠨ ᠨᠣᠮ ᠵᠢᠭᠠᠯᠭᠠᠬᠤ ᠪᠣᠯᠵᠠᠢ᠃ ᠲᠡᠷᠡ ᠦᠶ᠎ᠡ ᠳᠤ ᠰᠣᠷᠴᠣ ᠪᠠᠶᠢᠭᠰᠠᠨ ᠨᠣᠮ ᠪᠣᠯ᠄ ᠮᠣᠩᠭᠤᠯ ᠴᠠᠭᠠᠨ ᠳᠣᠯᠣᠭᠠᠢ᠂ ᠬᠡᠯᠡᠨ ᠴᠢᠮᠡᠭ᠂ ᠰᠣᠪᠰᠢᠳᠢ᠂ ᠢᠷᠦᠭᠡᠯ ᠮᠠᠭᠳᠠᠭᠠᠯ ᠵᠡᠷᠭᠡ ᠪᠣᠯᠣᠨ᠎ᠠ᠃ ᠮᠢᠨᠣ ᠡᠬᠡ ᠨᠠᠳᠠ ᠳᠤ᠄ ︽ᠪᠠᠭᠰᠢ ᠶᠢᠨ ᠢᠶᠠᠨ ᠦᠭᠡ ᠶᠢ ᠰᠣᠨᠣᠰᠴᠣ ᠰᠠᠶᠢᠨ ᠰᠣᠷᠬᠤ ᠬᠡᠷᠡᠭᠳᠠᠢ︾ ᠭᠡᠵᠣ ᠰᠣᠷᠭᠠᠳᠠᠭ ᠪᠠᠶᠢᠭᠰᠠᠨ᠃ ᠪᠢ ᠠᠩᠬᠠᠨ ᠳᠤ ᠪᠠᠨ ᠡᠨᠡ ᠡᠪᠦᠭᠡᠨ ᠪᠠᠭᠰᠢ ᠠᠴᠠ ᠶᠡᠭᠡ ᠠᠶᠣᠳᠠᠭ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠳᠡᠭᠦᠨ ᠢ ᠢᠷᠡᠭᠦ ᠪᠦᠷᠢ ᠶᠡᠬᠡᠳᠡ ᠨᠣᠮᠣᠬᠠᠨ ᠰᠠᠭᠤᠳᠠᠭ᠃ ᠣᠴᠢᠷ ᠨᠢ ᠪᠢ ᠪᠣᠯ ᠲᠡᠷᠡ ᠦᠶ᠎ᠡ ᠭᠠᠳᠠᠨ᠎ᠠ ᠶᠢᠨ ᠬᠦᠮᠥᠨ ᠲᠠᠢ ᠣᠭᠳᠣ ᠣᠴᠠᠷᠠᠵᠣ ᠦᠵᠡᠭᠡᠳᠦᠢ ᠪᠠᠶᠢᠭᠰᠠᠨ ᠠᠴᠠ ᠳᠠᠨᠢᠬᠤ ᠦᠭᠡᠢ ᠬᠦᠮᠥᠨ ᠢ ᠦᠵᠡᠭᠡᠳ ᠶᠡᠭᠡ ᠠᠶᠣᠳᠠᠭ ᠪᠠᠶᠢᠭᠰᠠᠨ᠂ ᠭᠡᠪᠡᠴᠦ ᠪᠠᠭᠰᠢ ᠮᠢᠨᠢ ᠨᠠᠮᠠᠢᠢ ᠨᠢᠭᠡ ᠣᠳᠠᠭ᠎ᠠ ᠵᠠᠩᠳᠣᠷᠴᠦ ᠦᠵᠡᠭᠡᠳᠦᠢ ᠶᠤᠮ᠃ ᠮᠢᠨᠣ ᠡᠴᠢᠭᠡ ᠨᠠᠰᠣ ᠪᠠᠷᠠᠭᠰᠠᠨ ᠵᠢᠯ  ᠤᠨ ᠵᠣᠨ ᠪᠢ ᠪᠠᠰᠠ ᠭᠦᠨᠳᠣ ᠡᠪᠡᠳᠴᠢᠨ ᠬᠦᠷᠦᠭᠰᠡᠨ ᠳᠤ ᠭᠡᠷ ᠠᠴᠠ ᠵᠠᠶᠢᠯᠠᠭᠤᠯᠵᠣ ᠡᠬᠡ ᠲᠠᠢ ᠪᠠᠨ ᠬᠠᠮᠪᠤ ᠶᠢᠨ ᠰᠦᠮ᠎ᠡ ᠳᠤ ᠨᠣᠮ ᠬᠦᠷᠢᠮ ᠡᠮ ᠵᠠᠰᠠᠯ ᠬᠢᠯᠭᠡᠵᠣ ᠪᠠᠶᠢᠭᠰᠠᠨ᠂ ᠲᠡᠷᠡ ᠦᠶ᠎ᠡ ᠳᠤ ᠪᠠᠶᠠᠳ ᠨᠣᠶᠠᠳ ᠵᠢᠯ ᠣᠷᠣᠬᠤ ᠦᠶ᠎ᠡ ᠶᠢᠨ ᠡᠮᠣᠨ᠎ᠡ ᠵᠢᠯ ᠠᠴᠠ ᠡᠬᠢᠯᠡᠨ ᠪᠣᠶᠠᠨ ᠦᠢᠯᠡᠳᠴᠦ ᠰᠦᠮ᠎ᠡ ᠬᠡᠶᠢᠳ᠂ ᠭᠡᠭᠡᠨ ᠪᠣᠷᠬᠠᠨ ᠳᠤ ᠡᠷᠭᠦᠯ ᠮᠥᠷᠭᠦᠯ ᠬᠢᠵᠣ ᠳᠠᠭᠠᠳᠬᠠᠯ ᠭᠤᠶᠣᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ ᠰᠢᠷ᠎ᠠ ᠪᠠᠷᠰ ᠵᠢᠯ ︵1938︶ ᠪᠣᠯ ᠮᠢᠨᠣ ᠡᠬᠡ ᠬᠤᠷᠢᠨ ᠳᠡᠪᠣᠨ ᠤ ᠵᠢᠯ ᠣᠷᠣᠬᠤ ᠳᠣᠯᠠ ᠳᠡᠭᠦᠨ ᠤ ᠨᠠᠰᠣᠨ ᠤ ᠪᠡᠶᠡᠷ ᠤᠨ ᠠᠮᠣᠷ ᠮᠡᠨᠳᠣ ᠶᠢ ᠳᠠᠭᠠᠳᠬᠠᠬᠤ ᠶᠢᠨ ᠬᠠᠮᠳᠣ ᠨᠠᠰᠣ ᠨᠦᠭᠴᠢᠭᠰᠡᠨ ᠡᠴᠢᠬᠡ ᠶᠢᠨ ᠬᠤᠶᠢᠳᠣ ᠳᠤ ᠪᠣᠶᠠᠨ ᠦᠢᠯᠡᠳᠬᠦ ᠶᠢᠨ ᠲᠦᠯᠥᠬᠡ ᠭᠡᠷ ᠬᠤᠳᠠᠯᠠᠭᠠᠷ ᠡᠣ  ᠲᠠᠢ ᠱᠠᠨ ᠳᠤ ᠮᠥᠷᠭᠦᠯ ᠬᠢᠵᠣ ᠪᠣᠶᠠᠨ ᠦᠢᠯᠡᠳᠦᠨ᠂ ᠵᠣᠭᠤᠰ ᠮᠥᠩᠭᠦᠨ ᠤ ᠡᠷᠭᠦᠯ ᠡᠷᠭᠦᠭᠰᠡᠨ ᠶᠤᠮ᠃ ᠪᠣᠴᠠᠬᠤ  ᠳᠤ ᠪᠠᠨ ᠪᠠᠰᠠ ᠪᠡᠭᠡᠵᠢᠩ ᠳᠤ ᠭᠦᠷᠴᠦ ︽ᠰᠦᠩ ᠵᠣ᠋ ᠰᠧ︾ ᠰᠦᠮ᠎ᠡ ᠳᠤ ᠪᠠᠭᠤᠵᠣ᠂ ︽ᠶᠦᠩ ᠾᠧ ᠭᠦᠩ︾  ᠳᠤ ᠣᠴᠢᠵᠣ ᠵᠠᠩᠵᠢᠶ᠎ᠠ ᠭᠡᠭᠡᠨ ᠳᠤ ᠮᠦᠷᠭᠦᠵᠣ ᠵᠣᠭᠤᠰ ᠮᠥᠩᠭᠦᠨ ᠤ ᠡᠷᠭᠦᠯ ᠡᠷᠭᠦᠵᠣ ᠬᠤᠷᠠᠯ ᠨᠣᠮ ᠬᠤᠷᠠᠯᠳᠣᠭᠤᠯᠵᠣ ᠪᠣᠶᠠᠨ ᠦᠢᠯᠡᠳᠦᠭᠰᠡᠨ ᠪᠦᠭᠡᠳ ᠱᠢᠷᠦ ᠰᠣᠪᠣᠳ᠂ ᠳᠣᠷᠭ᠎ᠠ ᠳᠣᠷᠳᠣᠩ ᠵᠡᠷᠭᠡ ᠡᠳᠦᠢ ᠳᠡᠳᠦᠢ ᠡᠳ᠋ᠯᠡᠯ ᠭᠡᠷᠡᠭᠰᠡᠯ ᠬᠤᠳᠠᠯᠳᠣᠨ ᠠᠪᠴᠣ ᠪᠠᠶᠢᠭᠰᠠᠨ ᠶᠤᠮ᠃               ᠮᠠᠯᠴᠢᠨ ᠣᠷᠣᠨ ᠤ ᠬᠡᠣᠭᠡᠳ ᠵᠢᠷᠭᠤᠭ᠎ᠠ ᠳᠣᠯᠤᠭ᠎ᠠ ᠨᠠᠰᠣ ᠬᠦᠷᠪᠡᠯ ᠣᠷᠣᠯᠳᠣᠭᠠᠨ ᠮᠣᠷᠢ ᠣᠨᠣᠵᠣ ᠴᠦᠳᠠᠳᠠᠭ ᠪᠠᠶᠢᠳᠠᠯ᠎ᠠ ᠪᠢ ᠨᠠᠢᠮᠠ ᠶᠢᠰᠣ ᠭᠦᠷᠦᠭᠡᠳ ᠪᠠᠰᠠ ᠮᠣᠷᠢ ᠣᠨᠣᠵᠣ ᠴᠢᠳᠠᠳᠠᠭ ᠦᠭᠡᠢ ᠪᠣᠰᠣᠳ ᠢᠶᠠᠷ ᠲᠦᠭᠦᠷᠦᠬᠦᠯᠵᠤ ᠪᠠᠶᠢᠭᠰᠠᠨ᠂ ᠠᠷᠪᠠᠭᠠᠳ ᠨᠠᠰᠣ ᠭᠦᠷᠦᠭᠡᠳ ᠭᠡᠳᠦᠶᠢᠪᠡᠷ ᠭᠠᠭᠴᠠᠭᠠᠷ ᠢᠶᠠᠨ ᠮᠣᠷᠢ ᠣᠨᠣᠵᠣ ᠴᠢᠳᠠᠬᠤ ᠪᠣᠯᠣᠭᠰᠠᠨ ᠪᠣᠯᠪᠠᠴᠣ ᠪᠠᠰᠠᠴᠣ ᠦᠭᠡᠷ᠎ᠡ ᠬᠦᠮᠥᠨ ᠢᠶᠠᠷ ᠭᠦᠳᠦᠯᠡᠭᠦᠯᠵᠣ ᠶᠠᠪᠣᠳᠠᠭ ᠪᠣᠯᠵᠠᠢ᠃               1940 ᠣᠨ ᠤ ᠦᠶ᠎ᠡ ᠪᠠᠷ ᠮᠢᠨᠣ ᠡᠪᠦᠭᠡᠨ ᠪᠠᠭᠰᠢ ᠨᠠᠰᠣ ᠪᠠᠷᠠᠭᠰᠠᠨ ᠳᠣᠯᠠ ᠪᠠᠵᠠᠷᠰᠠᠳ ᠳᠣᠰᠠᠯᠠᠭᠴᠢ  ᠶᠢ ᠪᠠᠭᠰᠢ ᠰᠢᠳᠦᠭᠰᠡᠨ ᠪᠣᠯᠪᠠᠴᠣ ᠲᠡᠷᠡ ᠳᠡᠮᠡᠢ ᠨᠣᠮ ᠵᠢᠭᠠᠳᠠᠭ ᠦᠭᠡᠢ ᠶᠤᠮ᠃ ᠪᠢ ᠬᠠᠮᠪᠤ ᠰᠦᠮ᠎ᠡ ᠶᠢᠨ ᠰᠦᠮ᠎ᠡ  ᠶᠢᠨ ᠰᠣᠶᠢᠪᠠᠩ ᠬᠠᠮᠪᠤ ᠶᠢᠨ ᠭᠡᠷ ᠲᠤ ᠨᠢ ᠰᠠᠭᠤᠵᠣ ᠳᠡᠭᠦᠨ ᠢᠶᠠᠷ ᠨᠣᠮ ᠵᠢᠭᠠᠯᠭᠠᠳᠠᠭ ᠪᠠᠶᠢᠪᠠ᠃ ᠲᠡᠷᠡ ᠡᠪᠦᠭᠡᠨ ᠯᠠᠮᠠ ᠪᠣᠯ ᠮᠣᠩᠭᠤᠯ ᠲᠦᠪᠡᠳ ᠬᠤᠶᠠᠷ ᠬᠡᠯᠡᠨ ᠤ ᠨᠣᠮ ᠪᠢᠴᠢᠭ ᠮᠡᠳᠡᠳᠡᠭ ᠪᠦᠭᠡᠳ ᠵᠢᠷᠤᠭ ᠵᠢᠷᠣᠬᠠᠢ ᠵᠢᠷᠣᠳᠠᠭ᠂ ᠳᠣᠰ ᠬᠤᠰᠢᠭᠤᠨ ᠳᠤ ᠪᠠᠨ ᠡᠷᠳᠡᠮᠳᠡᠢ ᠭᠡᠰᠡᠨ ᠨᠡᠷ᠎ᠡ ᠲᠠᠢ ᠬᠦᠮᠥᠨ ᠪᠠᠶᠢᠵᠠᠢ᠃ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠣᠯᠠᠷᠢᠯ ᠤᠨ ᠠᠷᠪᠠᠠ ᠬᠤᠶᠠᠷ ᠰᠠᠷ᠎ᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠠ ᠳᠤ ᠭᠠᠯ ᠳᠠᠬᠢᠳᠠᠭ᠃ ᠡᠨᠡ ᠦᠳᠡᠰᠢ ᠬᠤᠷᠠᠯ ᠤᠨ ᠭᠡᠷ ᠲᠤ ᠶᠡᠭᠡ ᠳᠣᠯᠭᠠᠨ ᠳᠤ ᠭᠠᠯ ᠲᠦᠯᠡᠵᠣ᠂ ᠮᠠᠨ ᠤ ᠡᠪᠦᠭᠡᠨ ᠨᠠᠭᠠᠴᠣ ᠮᠠᠮᠠ ᠮᠣᠩᠭᠤᠯ ᠰᠣᠳᠣᠷ ᠢᠶᠠᠷ ᠭᠠᠯ ᠤᠨ ᠳᠠᠬᠢᠯᠭ᠎ᠠ ᠣᠩᠰᠢᠳᠠᠭ᠃ ᠨᠠᠮᠠᠢᠢ ᠭᠡᠷ ᠤᠨ ᠡᠭᠦᠳᠡᠨ ᠳᠤ ᠬᠤᠨᠢᠨ ᠤ ᠠᠷᠠᠰᠣᠨ ᠳᠡᠭᠡᠷ᠎ᠡ ᠬᠤᠶᠢᠰᠢ ᠬᠠᠨᠳᠣᠭᠤᠯᠣᠨ ᠰᠠᠭᠤᠯᠭᠠᠭᠠᠳ ᠬᠤᠨᠢᠨ ᠤ ᠡᠪᠴᠢᠬᠦᠦ᠂ ᠰᠢᠷ᠎ᠠ ᠳᠣᠰᠣ᠂ ᠬᠠᠷ᠎ᠠ ᠠᠷᠢᠬᠢ᠂ ᠮᠣᠩᠭᠤᠯ ᠠᠷᠢᠬᠢ᠂ ᠴᠠᠭᠠᠨ ᠢᠳᠡᠭᠡ᠂ ᠳᠣᠷᠭᠠᠨ ᠬᠠᠳᠠᠭ ᠵᠡᠷᠭᠡ ᠶᠢ ᠭᠠᠯ ᠳᠤ ᠡᠷᠭᠦᠵᠣ ᠮᠥᠷᠭᠦᠭᠰᠡᠨ ᠤ ᠳᠠᠷᠠᠭ᠎ᠠ ᠣᠷᠳᠣ ᠬᠠᠳᠠᠭ ᠰᠣᠮᠣ ᠪᠠᠷ ︽ᠬᠤᠷᠦᠢ᠂ ᠬᠤᠷᠦᠢ︾ ᠬᠡᠮᠡᠨ ᠳᠠᠯᠠᠯᠵᠣ ᠦᠩᠭᠡᠷᠡᠪᠡᠯ ᠭᠠᠯ ᠤᠨ ᠳᠠᠬᠢᠯᠭ᠎ᠠ ᠳᠡᠭᠦᠰᠴᠣ᠂ ᠬᠤᠨᠢᠨ ᠤ ᠣᠭᠤᠴᠠ ᠳᠠᠯᠪᠢᠵᠣ ᠠᠷᠦᠬᠢ ᠪᠠᠷᠢᠳᠠᠭ᠃ ᠬᠤᠷᠢᠨ ᠳᠠᠪᠣᠨ ᠠᠴᠠ ᠡᠬᠢᠯᠡᠨ ︽ᠬᠠᠭᠤᠴᠢᠨ ᠤ ᠬᠤᠷᠠᠯ︾ ᠭᠡᠵᠣ ᠯᠠᠮᠠ ᠨᠠᠷ ᠬᠤᠷᠠᠯ ᠤᠨ ᠭᠡᠷ ᠲᠤ ᠬᠤᠷᠠᠯ ᠬᠤᠷᠠᠳᠠᠭ᠃ ᠡᠨᠡ ᠬᠤᠷᠠᠯ ᠨᠢ ᠪᠢᠳᠡᠭᠦᠨ ᠤ ᠰᠦᠨᠢ ᠳᠣᠷᠰᠢ ᠦᠷᠭᠦᠯᠵᠢᠯᠡᠳᠡᠭ᠃ ᠭᠡᠷ ᠤᠨ ᠭᠠᠳᠠᠨ᠎ᠠ ᠣᠯᠠᠨ ᠮᠦᠰᠣᠨ ᠳ᠋ᠧᠩᠯᠥ ᠳᠤ ᠯᠠ ᠰᠢᠳᠠᠭᠠᠵᠣ ᠫᠣᠣᠵᠢᠩ ᠳᠠᠯᠪᠢᠳᠠᠭ᠂ ᠪᠢᠳᠡᠭᠦᠨ ᠤ ᠦᠳᠡᠰᠢ ᠬᠦᠮᠥᠨ ᠪᠦᠬᠦᠨ ᠰᠢᠨ᠎ᠡ ᠳᠡᠪᠡᠯ ᠬᠤᠪᠴᠠᠰᠣ ᠪᠠᠨ ᠡᠮᠥᠰᠴᠣ ᠪᠡᠶᠢᠯᠡ ᠨᠣᠶᠠᠨ ᠵᠢᠩᠰᠡᠳᠣ ᠮᠠᠯᠠᠭᠠᠢ᠂ ᠶᠣᠰᠣᠯᠠᠯ ᠤᠨ ᠬᠦᠷᠮ᠎ᠡ  ᠪᠠᠨ ᠡᠮᠥᠰᠴᠣ ᠪᠢᠳᠡᠭᠦᠯᠳᠠᠭ᠃ ︽ᠪᠢᠳᠡᠭᠦᠯᠬᠦ︾ ᠭᠡᠳᠡᠭ ᠨᠢ ᠬᠠᠭᠤᠴᠢᠨ ᠵᠢᠯ ᠢᠶᠠᠨ ᠳᠡᠭᠦᠰᠭᠡᠨ ᠪᠢᠳᠡᠭᠦᠯᠵᠣ ᠪᠠᠶᠠᠷ ᠬᠢᠬᠦ ᠶᠢ ᠬᠡᠯᠡᠵᠣ ᠪᠠᠶᠢᠨ᠎ᠠ᠃ ᠨᠣᠶᠠᠨ ᠡᠮᠡᠭᠡ ᠪᠣᠯᠣᠨ ᠡᠵᠢ ᠳᠤ ᠬᠤᠨᠢᠨ ᠤᠭᠤᠴᠠ᠂ ᠠᠬᠢ᠂ ᠠᠪᠠᠭ᠋ᠠᠢ᠂ ᠨᠠᠷ ᠲᠤ ᠫᠢᠯᠠ ᠲᠠᠢ ᠮᠢᠬ᠎ᠠ ᠳᠠᠯᠪᠢᠵᠣ ᠠᠷᠢᠬᠢ ᠪᠠᠷᠢᠳᠠᠭ᠃ ᠳᠠᠷᠠᠭ᠎ᠠ ᠨᠢ ᠪᠠᠰᠠ ᠮᠢᠬᠠᠨ ᠪᠣᠣᠵᠠ᠂ ᠮᠢᠬᠠᠨ ᠱᠦᠯᠥ ᠵᠡᠷᠭᠡ ᠬᠤᠭᠤᠯᠠ ᠪᠠᠷᠢᠳᠠᠭ᠃ ᠡᠨᠡ ᠦᠳᠡᠰᠢ ᠬᠤᠰᠢᠭᠤᠨ ᠤ ᠣᠯᠠᠩᠬᠢ ᠳᠣᠰᠠᠯᠠᠭᠴᠢ ᠲᠦᠰᠢᠮᠡᠳ ᠪᠠ ᠬᠠᠶᠢᠷ᠎ᠠ ᠶᠢᠨ ᠵᠢᠩᠰᠡᠳᠡᠨ ᠬᠢᠭᠡᠳ ᠬᠤᠶᠠᠷ ᠰᠦᠮ᠎ᠡ᠂ ︵ᠬᠠᠶ᠋ᠢ ᠶᠢᠨ ᠰᠦᠮ᠎ᠡ᠂ ᠬᠠᠮᠪᠤ ᠰᠦᠮ᠎ᠡ︶ ᠶᠢᠨ ᠠᠮᠣᠭᠤᠯᠠᠩ ᠢᠶᠠᠷ ᠢᠷᠡᠭᠰᠡᠨ ᠬᠡᠷᠬᠡᠮᠳᠡᠨ ᠯᠠᠮᠠᠨᠠᠡ ᠨᠢ ᠳᠣᠰᠬᠠᠶᠢᠯᠠᠨ ᠨᠣᠶᠠᠨ ᠤ ᠰᠢᠨᠡᠯᠡᠬᠦ ᠶᠣᠰᠣᠯᠠᠯ ᠳᠤ ᠣᠷᠣᠯᠴᠠᠬᠤ ᠪᠠᠷ ᠴᠣᠭᠯᠠᠷᠠᠨ ᠢᠷᠡᠵᠣ ᠬᠡᠶᠢᠴᠢᠳ ᠤᠨ ᠣᠷᠳᠣᠨ ᠳᠤ ᠪᠠᠭᠤᠳᠠᠯᠯᠠᠵᠣ᠂ ᠳᠡᠳᠡᠨ ᠢ ᠪᠡᠳᠡᠭᠦᠨ ᠤ ᠢᠳᠡᠭᠡ — ᠪᠦᠬᠦᠯᠢ ᠬᠤᠨᠢᠨ ᠮᠢᠬ᠎ᠠ᠂ ᠪᠣᠣᠵᠠ᠂ ᠱᠥᠯᠥ ᠵᠡᠷᠭᠡ ᠬᠤᠭᠤᠯᠠ ᠪᠠᠷ ᠵᠣᠴᠢᠯᠠᠳᠠᠭ᠃               ᠰᠢᠨ᠎ᠡ ᠶᠢᠨ ᠨᠢᠬᠡᠨ ᠤ ᠦᠷᠯᠥᠭᠡ ᠦᠷ ᠠᠴᠠ ᠡᠮᠣᠨ᠎ᠡ ᠪᠣᠰᠴᠦ ᠰᠢᠨ᠎ᠡ ᠬᠤᠪᠴᠠᠰᠣ᠂ ᠵᠢᠩᠰᠡᠳᠣ ᠮᠠᠯᠠᠭ᠎ᠠ ᠂ ᠶᠣᠰᠣᠯᠠᠯ ᠤᠨ ᠬᠦᠷᠮ᠎ᠡ ᠪᠠᠨ ᠢᠶᠠᠨ ᠡᠮᠦᠰᠴᠡᠭᠡᠵᠣ᠂ ᠨᠣᠶᠠᠨ ᠤ ᠣᠷᠳᠣᠨ ᠤ ᠪᠠᠷᠠᠭᠤᠨ ᠡᠮᠣᠨ᠎ᠡ ᠵᠦᠭ ᠲᠤ ᠴᠠᠰᠣ ᠪᠣᠶᠣ ᠬᠦᠷᠵᠡᠩ ᠢᠶᠠᠷ ᠠᠷᠪᠠᠠ ᠭᠤᠷᠪᠠᠨ ᠢᠨᠳᠡᠷ ᠰᠣᠪᠣᠷᠭ᠎ᠠ ᠪᠣᠰᠬᠠᠵᠣ ᠳᠡᠭᠡᠷ᠎ᠡ ᠨᠢ ᠬᠦᠵᠢ ᠰᠢᠳᠠᠭᠠᠵᠣ ᠣᠷᠢᠳ  ᠢᠶᠠᠷ ᠲᠦᠰᠢᠮᠡᠳ ᠵᠢᠩᠰᠡᠳᠡᠨ ᠪᠦᠭᠦᠳᠡᠭᠡᠷ ᠢᠶᠠᠨ ᠡᠵᠡᠨ ᠬᠠᠭᠠᠨ ᠤ ︵ᠪᠡᠭᠡᠵᠢᠩ︶ ᠵᠦᠭ ᠪᠠᠷᠠᠭᠤᠨ ᠡᠮᠣᠨ᠎ᠡ ᠠᠴᠠ ᠡᠬᠢᠯᠡᠨ ᠵᠦᠪ ᠡᠷᠬᠢᠵᠣ ᠳᠦᠷᠪᠡᠨ ᠵᠦᠭ ᠲᠤ᠂ ᠵᠦᠭ ᠪᠦᠷᠢ ᠭᠤᠷᠪᠠ ᠭᠤᠷᠪᠠ ᠶᠢᠰᠣᠨᠳᠠ ᠮᠥᠷᠭᠦᠵᠣ᠂ ᠠᠷᠢᠬᠢ ᠴᠠᠭᠠᠨ ᠢᠳᠡᠭᠡᠨ ᠤ ᠳᠡᠭᠡᠵᠢ ᠪᠠᠨ ᠡᠷᠭᠦᠵᠣ ᠫᠣᠣᠵᠢᠩ ᠳᠠᠯᠪᠢᠵᠣ ᠦᠷ ᠴᠠᠶᠢᠵᠣ ᠭᠡᠭᠡ ᠣᠷᠣᠬᠤ ᠳᠤ ᠮᠣᠷᠢᠨ ᠳᠤ  ᠪᠠᠨ ᠮᠣᠷᠳᠠᠵᠣ ︽ᠮᠥᠷ ᠭᠠᠷᠭᠠᠳᠠᠭ︾᠃ ᠮᠦᠷ ᠭᠠᠷᠠᠭᠠᠬᠤ ᠭᠡᠳᠡᠭ ᠨᠢ ᠵᠢᠷᠣᠬᠠᠶᠢᠴᠢ ᠯᠠᠮᠠ ᠠᠴᠠ ᠦᠪᠡᠷ ᠤᠨ ᠰᠠᠶᠢᠨ ᠵᠦᠭ ᠢᠶᠠᠨ ᠠᠰᠠᠭᠤᠵᠣ ᠲᠡᠷᠡ ᠵᠦᠭ ᠴᠢᠭᠯᠡᠨ ᠶᠠᠪᠣᠬᠤ ᠪᠣᠶᠠᠨ ᠬᠡᠰᠢᠭ ᠤᠨ ᠵᠦᠭ ᠠᠴᠠ ᠪᠠᠨ ᠢᠷᠡᠭᠦ ᠶᠢ ᠬᠡᠯᠡᠳᠡᠭ᠃ ᠡᠨᠡ ᠨᠢ ᠳᠡᠷᠦᠢ ᠮᠥᠨ ᠵᠢᠯ ᠤᠨ ᠠᠮᠣᠷ ᠮᠡᠨᠳᠣ ᠪᠣᠶᠠᠨ ᠬᠡᠰᠢᠭ ᠲᠠᠢ ᠶᠠᠪᠣᠬᠤ ᠶᠢ ᠡᠬᠢᠯᠡᠵᠣ ᠪᠠᠶᠢᠭ᠎ᠠ ᠢᠷᠦᠭᠡᠯ ᠳᠠᠭᠠᠳᠬᠠᠯ ᠪᠣᠯᠣᠨ᠎ᠠ᠃ ︽ᠮᠥᠷ ᠭᠠᠷᠭᠠᠵᠣ︾ ᠪᠠᠷᠠᠪᠠᠯ ᠰᠢᠨᠢᠯᠡᠬᠦ ᠶᠣᠰᠣᠯᠠᠯ ᠤᠨ ᠨᠠᠶᠢᠷ ᠬᠢᠳᠡᠭ᠂ ᠡᠨᠡ ᠨᠠᠶᠢᠷ ᠢ ᠪᠣᠯ ᠪᠡᠶᠢᠯᠡ ᠨᠣᠶᠠᠨ ᠤ ᠠᠷᠪᠠᠠ ᠳᠠᠪᠣᠨ ᠬᠠᠨ᠎ᠠ ᠲᠠᠢ ᠶᠡᠭᠡ ᠭᠡᠷ ᠲᠤ ᠳᠣᠯᠭᠠᠨ ᠤ ᠭᠠᠯ ᠨᠣᠴᠣᠭᠠᠵᠣ᠂ ᠨᠣᠶᠠᠳ ᠳᠦᠰᠢᠮᠡᠳ᠂ ᠡᠵᠢ᠂ ᠠᠭᠢ᠂ ᠠᠪᠠᠭ᠋ᠠᠢ ᠨᠠᠷ ᠳᠠᠰ ᠳᠠᠷᠠᠭᠠᠯᠠᠨ ᠦᠪᠡᠷᠰᠡᠳ ᠤᠨ ᠰᠠᠭᠤᠳᠠᠯ ᠳᠤ ᠪᠠᠨ ᠰᠠᠭᠤᠵᠠᠭᠠᠭᠰᠠᠨ ᠤ ᠳᠠᠷᠠᠭ᠎ᠠ ᠬᠠᠮᠪᠤ ᠶᠢᠨ ᠰᠦᠮ᠎ᠡ ᠶᠢᠨ ᠬᠠᠩᠴᠢᠨ ᠭᠡᠭᠡᠨ᠂ ᠬᠠᠶ᠋ᠢ ᠶᠢᠨ ᠰᠦᠮ᠎ᠡ ᠶᠢᠨ ᠨᠢᠩᠴᠢᠩ ᠭᠡᠭᠡᠡ᠂ ᠰᠧᠩᠰᠧᠩ ᠰᠦᠮ᠎ᠡ ᠶᠢᠨ ᠪᠢᠰᠢᠷᠡᠯᠳᠣ ᠯᠠᠮᠠᠬᠠᠢ ᠶᠢᠨ ᠳᠣᠨᠢᠷ ᠤᠳ ᠪᠠ ᠡᠯ᠎ᠡ ᠰᠦᠮ᠎ᠡ ᠶᠢᠨ ᠳᠡᠮᠴᠢ ᠨᠠᠡ ᠳᠡᠰ ᠳᠠᠷᠠᠭ᠎ᠠ ᠪᠠᠷ ᠪᠡᠶᠢᠯᠡ ᠨᠣᠶᠠᠨ ᠤ ᠰᠢᠨ᠎ᠠ ᠵᠢᠯ ᠤᠨ ᠠᠮᠣᠭᠤᠯᠠᠩ ᠢ ᠳᠡᠪᠰᠢᠭᠦᠯᠵᠣ᠂ ᠨᠠᠶᠢᠷ ᠡᠬᠢᠯᠡᠵᠣ ︽ᠡᠷᠳᠡ  ᠶᠢᠨ ᠴᠠᠭᠠᠨ︾ ᠬᠡᠮᠡᠬᠦ ᠴᠣᠭᠤᠷ ᠤᠨ ᠳᠠᠭᠤᠣ ᠶᠢ ᠳᠠᠭᠤᠯᠠᠵᠣ ᠪᠠᠷᠠᠭᠠᠳ ᠪᠦᠭᠦᠳᠡᠭᠡᠷ ᠢᠶᠠᠨ ᠮᠣᠷᠳᠠᠵᠣ ᠬᠠᠮᠪᠤ ᠶᠢᠨ ᠰᠦᠮ᠎ᠡ ᠳᠤ ᠣᠴᠢᠵᠣ ᠬᠠᠩᠴᠢᠨ ᠭᠡᠬᠡᠨ ᠳᠤ ᠮᠥᠷᠭᠦᠵᠣ ᠰᠢᠨᠠᠯᠠᠬᠦ ᠪᠠ ᠪᠣᠷᠬᠠᠨ ᠰᠢᠳᠦᠬᠡᠨ ᠳᠤ ᠮᠦᠷᠭᠦᠭᠦ ᠪᠠᠷ ᠶᠠᠪᠣᠵᠠᠭᠠᠳᠠᠭ᠃ ᠲᠡᠷᠡ ᠦᠶ᠎ᠡ ᠳᠤ ᠪᠢ ᠨᠠᠰᠣ ᠪᠠᠭ᠎ᠠ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠳᠡᠳᠡᠨ ᠲᠠᠢ ᠬᠠᠮᠳᠣ ᠶᠠᠪᠣᠳᠠᠭ ᠦᠭᠡᠢ᠃ ᠰᠢᠨ᠎ᠡ ᠶᠢᠨ ᠲᠦᠷᠪᠡᠨ ᠳᠤ ᠭᠡᠷ ᠬᠤᠳᠠᠯᠠᠭᠠᠷ ᠢᠶᠠᠨ ᠬᠠᠮᠪᠤ ᠶᠢᠨ ᠰᠦᠮ᠎ᠡ ᠳᠤ ᠣᠴᠢᠵᠣ ᠬᠠᠩᠴᠢᠨ ᠭᠡᠭᠡᠨ ᠳᠤ ᠮᠦᠷᠭᠦᠵᠣ ᠰᠢᠨᠡᠯᠡᠭᠡᠳ ᠢᠷᠦᠭᠡᠯ ᠳᠤ ᠮᠥᠷᠭᠦᠵᠣ ᠰᠦᠮ᠎ᠡ ᠤᠳ ᠢ ᠳᠣᠭᠤᠷᠢᠵᠣ ᠪᠣᠷᠬᠠᠨ ᠰᠢᠳᠦᠭᠡᠨ ᠳᠤ ᠮᠦᠷᠭᠦᠵᠣ ᠬᠤᠶᠠᠷ ᠬᠤᠨᠣᠭᠠᠳ ᠪᠣᠴᠠᠳᠠᠭ᠃               ᠵᠤᠨ ᠤ ᠳᠠᠪᠣᠨ ᠰᠠᠷ᠎ᠠ ᠶᠢᠨ ᠦᠶ᠎ᠡ ᠪᠠᠷ ᠡᠯ᠎ᠡ ᠣᠪᠣᠭᠠᠨ ᠤ ᠳᠠᠬᠢᠯᠭ᠎ᠠ ᠳᠤ ᠣᠴᠢᠳᠠᠭ᠃ ᠮᠠᠨ ᠤ ᠰᠠᠩ  ᠠᠴᠠ ᠳᠠᠬᠢᠳᠠᠭ ᠣᠪᠣᠭ᠎ᠠ ᠪᠣᠯ ᠴᠠᠩᠳᠣ ᠶᠢᠨ ᠣᠪᠣᠭ᠎ᠠ᠂ ᠯᠾᠡᠷᠢ ᠶᠢᠨ ᠣᠪᠣᠭ᠎ᠠ᠂ ᠪᠠᠶᠠᠨᠴᠠᠭᠠᠨ᠂ ᠬᠠᠮᠪᠤ ᠶᠢᠨ ᠰᠦᠮ᠎ᠡ ᠶᠢᠨ ᠴᠠᠭᠠᠨ ᠣᠪᠣᠭ᠎ᠠ᠂ ᠴᠠᠭᠠᠨ ᠠᠭᠤᠯᠠ᠂ ᠪᠠᠶᠠᠨ ᠠᠭᠤᠯᠠ ᠡᠳᠡᠭᠡᠨᠷ ᠣᠪᠣᠭ᠎ᠠ ᠶᠢ ᠳᠡᠬᠢᠬᠤ ᠳᠤ ᠪᠦᠷ ᠪᠦᠬᠦᠯᠢ ᠬᠤᠨᠢᠨ ᠴᠣᠩᠬᠤᠷ ᠲᠠᠢ᠂ ᠳᠠᠬᠢᠯᠴᠢ ᠯᠠᠮᠠ ᠪᠠ ᠵᠢᠩᠰᠡᠳᠡᠨ ᠨᠠᠷ ᠮᠠᠶᠢᠬᠠᠨ ᠬᠦᠰᠭᠡ ᠲᠠᠢ ᠣᠴᠢᠵᠣ ᠳᠠᠬᠢᠳᠠᠭ ᠪᠠᠶᠢᠵᠠᠢ᠃       ᠨᠠᠮᠣᠷ ᠤᠨ ᠨᠠᠢᠮᠡᠨ ᠰᠠᠷ᠎ᠠ ᠳᠤ ᠮᠠᠨ ᠤ ᠰᠢᠳᠦᠭᠡᠨ ᠳᠤ ᠰᠦᠮ᠎ᠡ ᠳᠤ ᠳᠠᠯᠠᠯᠭᠠᠨ ᠤ ᠬᠤᠷᠠᠯ ᠬᠢᠵᠤ ᠭᠡᠳᠡᠦᠨ ᠯᠠᠮᠠᠨᠠᠷ ᠭᠤᠷᠪᠠ ᠳᠦᠷᠪᠡᠨ ᠬᠤᠨᠤᠭ ᠬᠤᠷᠠᠯ ᠬᠤᠷᠠᠳᠠᠭ᠂ ᠡᠨᠡ ᠬᠤᠷᠠᠯ ᠢᠶᠠᠨ ᠬᠤᠷᠠᠵᠣ ᠳᠠᠭᠤᠰᠬᠠᠪᠠᠯ᠂ ᠳᠠᠯᠠᠯᠭᠠᠨ ᠤ ᠨᠠᠶᠢᠷ ᠭᠡᠵᠤ ᠭᠤᠷᠪᠠ ᠲᠦᠷᠪᠡᠨ ᠬᠤᠨᠤᠭ ᠨᠠᠶᠢᠷ ᠭᠢᠳᠡᠭ᠂ ᠡᠨᠡ ᠨᠠᠶᠢᠷ ᠢ ᠬᠢᠬᠦ ᠠᠴᠠ ᠡᠮᠣᠨ᠎ᠡ ᠣᠯᠠᠨ ᠭᠡᠭᠦᠣ ᠪᠠᠷᠢᠵᠣ ᠳᠣᠰᠬᠠᠢ ᠠᠶᠢᠷᠠᠭ ᠤᠨ ᠪᠠᠶᠢᠰᠢᠩ ᠳᠤ ᠠᠶᠢᠷᠠᠭ ᠤᠨ ᠳᠠᠷᠤᠭ᠎ᠠ ᠳᠣᠰᠬᠠᠢ ᠬᠠᠮᠢᠶᠠᠷᠣᠭᠴᠢ ᠲᠠᠢ ᠶᠡᠭᠡ ᠬᠡᠮᠵᠢᠶᠠᠨ ᠤ ᠠᠶᠢᠷᠠᠭ ᠪᠡᠯᠡᠳᠭᠡᠳᠡᠭ᠃ ᠳᠠᠯᠠᠯᠭᠠᠨ ᠤ ᠨᠠᠶᠢᠷ ᠢ ᠪᠠᠰᠠᠴᠣ ᠳᠣᠰᠬᠠᠢ ᠨᠠᠶᠢᠷ ᠤᠨ ᠶᠡᠭᠡ ᠭᠡᠷ ᠲᠤ ᠬᠢᠳᠡᠭ ᠂ ᠡᠨᠡ ᠭᠡᠷ ᠤᠨ ᠬᠤᠶᠢᠳᠣ ᠬᠠᠶᠠᠭᠠᠨ ᠤ ᠭᠤᠣᠯ ᠳᠣᠮᠳᠠ ᠨᠢ ᠦᠨᠳᠣᠷ ᠰᠢᠷᠡᠭᠡᠨ ᠳᠤ ᠰᠢᠷ᠎ᠠ ᠳᠣᠷᠭᠠᠨ ᠣᠯᠪᠣᠭ ᠲᠦᠰᠢᠯᠭᠡ ᠲᠠᠢ᠂ ᠡᠭᠦᠨ ᠳᠤ ᠬᠠᠩᠴᠢᠨ ᠬᠡᠬᠡᠨ ᠢ ᠵᠠᠯᠠᠵᠣ ᠰᠠᠭᠤᠯᠭᠠᠳᠠᠭ᠂ ᠳᠡᠭᠦᠨ ᠤ ᠪᠠᠷᠠᠭᠤᠨ ᠳᠠᠯ᠎ᠠ ᠳᠤ ᠨᠢ ᠡᠭᠦᠨ ᠲᠠᠢ ᠨᠢᠭᠡᠨ ᠠᠳᠠᠯᠢ ᠰᠢᠷᠡᠭᠡᠨ ᠳᠤ ᠨᠢᠩᠴᠢᠩ ᠭᠡᠭᠡᠨ ᠢ ᠰᠠᠭᠤᠯᠭᠠᠳᠠᠭ᠂ ᠪᠠᠰᠠ ᠳᠡᠭᠦᠨ ᠤ ᠪᠠᠷᠠᠭᠤᠨ ᠳᠠᠯ᠎ᠠ  ᠳᠤ ᠨᠢ ᠪᠢᠰᠢᠷᠡᠯᠳᠣ ᠯᠠᠮᠠᠬᠠᠢ ᠶᠢ ᠰᠠᠭᠤᠯᠭᠠᠳᠠᠭ ᠣᠯᠪᠣᠭ ᠲᠦᠰᠢᠯᠭᠡ ᠲᠠᠢ ᠰᠢᠷᠡᠭᠡ ᠪᠠᠶᠢᠳᠠᠭ᠃ ᠵᠡᠭᠦᠨ ᠳᠠᠯ᠎ᠠ ᠳᠤ  ᠨᠢ ᠬᠦᠬᠡ ᠳᠣᠷᠭᠠᠨ ᠣᠯᠪᠣᠭ ᠲᠦᠰᠢᠯᠭᠡ ᠲᠠᠢ ᠰᠢᠷᠡᠭᠡ ᠪᠣᠯ ᠪᠡᠶᠢᠯᠡ ᠨᠣᠶᠠᠨ ᠰᠠᠭᠤᠳᠠᠭ᠂ ᠳᠡᠭᠦᠨ ᠠᠴᠠ ᠵᠡᠭᠦᠨᠰᠢ  ᠨᠢ ᠡᠵᠢ᠂ ᠠᠭᠢ᠂ ᠠᠪᠠᠭ᠋ᠠᠢ ᠨᠠᠷ ᠤᠨ ᠰᠠᠭᠤᠳᠠᠯ ᠪᠠᠶᠢᠳᠠᠭ᠃ ᠵᠡᠭᠦᠨ ᠳᠡᠯ᠎ᠡ ᠶᠢᠨ ᠡᠮᠣᠨ᠎ᠡ ᠮᠦᠷᠦᠨ ᠳᠤ ᠳᠠᠮᠠᠭᠠᠨ ᠳᠣᠰᠠᠯᠠᠭᠴᠢ᠂ ᠬᠤᠰᠢᠭᠤ ᠵᠠᠬᠢᠷᠣᠭᠴᠢ ︵ᠠᠮᠪᠠᠨ︶ ᠮᠡᠶᠢᠷᠡᠨ᠂ ᠵᠠᠯᠠᠨ ᠵᠡᠷᠭᠡ ᠵᠢᠩᠬᠢᠨᠢ ᠲᠦᠰᠢᠮᠡᠳ ᠤᠨ ᠰᠠᠭᠤᠳᠠᠯ ᠪᠠᠶᠢᠳᠠᠭ᠃ ᠠᠷᠣ ᠮᠦᠷ ᠤᠨ ᠰᠠᠭᠤᠳᠠᠯ ᠤᠳ ᠲᠤ ᠪᠣᠯ ᠶᠡᠷᠦ ᠶᠢᠨ ᠵᠢᠩᠰᠡᠳᠡᠨ ᠪᠠ ᠪᠡᠶᠢᠯᠡ ᠨᠣᠶᠠᠨ ᠤ ᠰᠠᠳᠣᠨ ᠬᠠᠮᠢᠶᠠᠳᠠᠨ ᠨᠤᠭᠤᠳ ᠢ ᠰᠠᠭᠤᠯᠭᠠᠳᠠᠭ᠃ ᠪᠠᠷᠠᠭᠤᠨ ᠳᠠᠯ᠎ᠠ ᠶᠢᠨ ᠡᠮᠦᠨ᠎ᠡ ᠮᠦᠷᠦᠨ ᠳᠤ ᠡᠯ᠎ᠡ ᠰᠦᠮ᠎ᠡ ᠶᠢᠨ ᠬᠡᠷᠬᠡᠮᠳᠠᠨ ᠯᠠᠮᠠᠬᠠᠢ ᠶᠢ ᠰᠠᠭᠤᠯᠭᠠᠳᠠᠭ᠃ ᠠᠷᠦ ᠮᠦᠷ ᠤᠨ ᠰᠠᠭᠤᠳᠠᠯ ᠤᠳ ᠲᠤ ᠶᠡᠷᠦ ᠶᠢᠨ ᠯᠠᠮᠠ ᠨᠡᠷ ᠢ ᠰᠠᠭᠤᠯᠭᠠᠳᠠᠭ᠃ ᠡᠭᠦ ᠠᠴᠠ ᠭᠠᠳᠠᠨ᠎ᠠ ᠳᠣᠰ ᠬᠤᠰᠢᠭᠠᠨ ᠤ ᠬᠤᠯᠠ ᠣᠶᠢᠷ᠎ᠠ ᠶᠢᠨ ᠯᠠᠮᠠ ᠬᠠᠷ᠎ᠠ᠂ ᠡᠷᠡᠭᠳᠠᠢ ᠡᠮᠡᠭᠳᠠᠢ ᠵᠠᠭᠤ ᠰᠢᠬᠠᠮ ᠬᠦᠮᠥᠰ ᠴᠣᠭᠯᠠᠷᠠᠨ ᠢᠷᠡᠵᠣ ᠠᠶᠢᠷᠠᠭ ᠴᠡᠭᠡ ᠣᠣᠭᠤᠵᠣ ᠨᠠᠷᠭᠢᠵᠠᠭᠠᠳᠠᠭ ᠪᠠᠶᠢᠵᠠᠢ᠃       ᠡᠳᠡᠭᠡᠷ ᠬᠦᠮᠥᠰ ᠳᠣᠰ ᠳᠣᠰ ᠰᠠᠭᠤᠳᠠᠯ ᠳᠤ ᠰᠠᠭᠤᠭᠰᠠᠨ ᠤ ᠳᠠᠷᠠᠭ᠎ᠠ ᠬᠦᠮᠥᠨ ᠪᠦᠷᠢ ᠳᠤ ᠬᠠᠳᠠᠭ ᠲᠠᠢ ᠠᠷᠢᠬᠢ ᠪᠠᠷᠢᠵᠣ ᠰᠠᠭᠤᠳᠠᠯ ᠳᠤ ᠬᠦᠮᠥᠨ ᠪᠦᠷᠢ ᠶᠢᠨ ᠡᠮᠣᠨᠡᠬᠢ ᠰᠢᠷᠡᠭᠡᠨ ᠳᠡᠭᠡᠷ᠎ᠡ ᠨᠢ ᠱᠠᠭᠠᠵᠠᠩ ᠫᠢᠯᠠ ᠳᠤ ᠡᠯᠳᠡᠪ ᠵᠦᠢᠯ ᠤᠨ ᠰᠢᠬᠡᠷ ᠵᠢᠮᠢᠰ ᠣᠪᠣᠭᠠᠯᠠᠵᠣ ᠳᠠᠯᠪᠢᠳᠠᠭ᠃ ᠡᠭᠦᠨ ᠳᠤ ᠭᠡᠭᠡᠳ ᠨᠣᠶᠠᠳ ᠲᠤ ᠢᠯᠡᠭᠦᠦ ᠬᠤᠶᠠᠷ ᠫᠢᠯᠡ ᠵᠢᠮᠢᠰ ᠳᠠᠯᠪᠢᠵᠣ᠂ ᠶᠡᠷᠦ ᠶᠢᠨ ᠬᠦᠮᠥᠰ ᠲᠤ ᠪᠣᠯ ᠨᠢᠭᠡ ᠫᠢᠯᠠ ᠦᠭᠳᠡᠭ᠃ ᠬᠠᠳᠠᠭ ᠲᠠᠢ ᠠᠶᠢᠷᠠᠭ ᠢᠶᠠᠨ ᠳᠡᠪᠰᠢᠭᠦᠯᠥᠭᠰᠡᠨ ᠤ ᠳᠠᠷᠠᠭ᠎ᠠ ᠳᠠᠭᠤᠣ ᠬᠦᠭᠵᠢᠮ ᠡᠬᠢᠯᠡᠵᠣ᠂ ᠨᠠᠶᠢᠷ ᠤᠨ ᠡᠬᠢᠨ ᠳᠤ — ︽ᠡᠷᠳᠡ ᠶᠢᠨ ᠴᠠᠭᠠᠨ︾ ᠭᠡᠳᠡᠭ ᠴᠣᠭᠤᠷ ᠳᠠᠭᠤᠣ ᠶᠢ ᠳᠠᠭᠤᠯᠠᠵᠣ ᠪᠠᠷᠠᠪᠠᠯ ᠨᠢᠭᠡ ᠣᠳᠠᠭ᠎ᠠ ᠬᠠᠮᠳᠣ ᠪᠠᠷ ᠣᠷᠣᠯᠳᠣᠭᠠᠨ ᠶᠠᠪᠣᠭᠤᠯᠳᠠᠭ᠃ ᠦᠳᠡ ᠶᠢᠨ ᠬᠤᠶᠢᠨ᠎ᠠ ᠪᠠᠰᠠ ᠵᠠᠯᠭᠠᠭ᠎ᠠ ᠪᠠᠷ ᠨᠠᠶᠢᠷᠡᠯᠡᠵᠣ᠂ ᠣᠷᠦᠢ ᠯᠠᠮᠠ ᠨᠠᠡ ᠰᠢᠵᠢᠳ ︵ᠨᠣᠮ ᠣᠩᠰᠢᠵᠣ︶ ᠡᠷᠭᠢᠵᠣ ᠨᠠᠶᠢᠷ ᠳᠠᠷᠬᠠᠵᠣ ᠬᠤᠭᠤᠯᠠ ᠢᠳᠡᠭᠡᠳ ᠦᠳᠡᠰᠢ ᠪᠣᠯᠣᠩ ᠤᠨ ᠨᠠᠶᠢᠷ ᠭᠡᠵᠣ ᠳᠣᠷ᠎ᠠ ᠳᠠᠪᠠ ᠢᠶᠠᠷ ᠢᠶᠠᠨ ᠠᠨᠳᠠᠢ ᠳᠠᠭᠤᠣ ᠳᠠᠭᠤᠯᠠᠵᠣ ᠬᠤᠸᠠ ᠬᠡᠯᠡᠯᠴᠡᠵᠣ ︵ᠬᠤᠷᠣᠭᠤ ᠵᠢᠮᠡᠯᠴᠡᠵᠣ︶ ᠯᠢᠩᠪᠤ ᠬᠤᠭᠤᠷ ᠭᠦᠭᠵᠢᠮᠳᠡᠵᠣ ᠨᠠᠷᠬᠢᠵᠠᠭᠠᠳᠠᠭ ᠶᠤᠮ᠃ ᠮᠠᠨ ᠤ ᠭᠡᠷ ᠪᠠᠶᠢᠭᠰᠠᠨ ᠪᠠᠶᠠᠨᠴᠠᠭᠠᠨ ᠤ ᠡᠩᠭᠡᠷ ᠨᠢ ᠲᠦᠴᠢᠭᠡᠳ ᠣᠨ ᠤ ᠦᠶ᠎ᠡ ᠪᠠᠷ ᠪᠠᠨᠳᠢᠳᠠ ᠭᠡᠭᠡᠨ ᠰᠦᠮ᠎ᠡ᠂ ᠴᠢᠭᠤᠯᠣᠯᠳᠣ ᠬᠠᠭᠠᠯᠭ᠎ᠠ᠂ ᠪᠠᠷᠠᠭᠤᠨ ᠰᠦᠨᠢᠳ ᠤᠨ ᠳ᠋ᠧ ᠸᠠᠩ ᠤᠨ ᠣᠷᠳᠣᠨ ᠤ ᠬᠤᠭᠤᠷᠣᠨᠳᠣ ᠶᠠᠪᠣᠵᠣ ᠪᠠᠶᠢᠭ᠎ᠠ ᠶᠠᠫᠣᠨ ᠴᠡᠷᠢᠭ ᠤᠨ ᠣᠯᠠᠨ ᠮᠠᠰᠢᠨ ᠳᠡᠷᠭᠡᠨ ᠤ ᠵᠠᠮ ᠪᠣᠯᠵᠣ ᠡᠳᠦᠷ ᠪᠦᠷᠢ ᠣᠯᠠᠨ ᠮᠠᠰᠢᠨ ᠳᠡᠷᠭᠡ ᠲᠠᠢ ᠴᠡᠷᠢᠭ ᠢᠷᠡᠵᠣ ᠬᠤᠨᠣᠭᠯᠠᠬᠤ ᠪᠠ ᠦᠳᠡᠯᠡᠳᠡᠭ ᠠᠴᠠ ᠣᠯᠠᠨ ᠤ ᠬᠦᠯ ᠳᠤ ᠳᠠᠪᠳᠠᠬᠳᠠᠵᠣ ᠪᠠᠶᠢᠭᠰᠠᠨ ᠶᠤᠮ᠃ ᠡᠨᠡ ᠪᠠᠶᠢᠳᠠᠯ  ᠠᠴᠠ ᠵᠠᠶᠢᠯᠠᠬᠤ ᠶᠢᠨ ᠲᠦᠯᠥᠭᠡ᠂ ᠮᠠᠨ ᠤ ᠭᠡᠷ ᠬᠠᠮᠪᠤ ᠶᠢᠨ ᠰᠦᠮ᠎ᠡ ᠶᠢᠨ ᠪᠠᠷᠠᠭᠤᠨ ᠡᠮᠣᠨᠡᠬᠢ ᠠᠯᠳᠠᠨ ᠳᠣᠭᠤᠭᠠᠳᠣ  ᠶᠢᠨ ᠳᠣᠪᠣᠨ ᠳᠤ ᠨᠡᠭᠦᠵᠣ ᠢᠷᠡᠵᠠᠢ᠃ ᠡᠨᠡ ᠣᠳᠠᠭ᠎ᠠ ᠶᠢᠨ ᠨᠡᠭᠦᠳᠡᠯ ᠳᠤ ᠡᠯ᠎ᠡ ᠰᠣᠮᠣᠨ ᠠᠴᠠ ᠭᠡᠳᠣᠨ ᠠᠷᠪᠠᠠ ᠦᠬᠡᠷ ᠳᠡᠷᠭᠡ ᠪᠠ ᠬᠤᠶᠠᠭ ᠠᠯᠪᠠ ᠳᠠᠳᠠᠵᠣ᠂ ᠠᠷᠠᠳ ᠣᠯᠠᠨ ᠳᠤ ᠠᠷᠪᠢᠨ ᠶᠠᠷᠰᠢᠭ ᠳᠦᠪᠡᠭ ᠣᠴᠠᠷᠠᠭᠤᠯᠣᠭᠰᠠᠨ ᠪᠢᠯᠡ᠃       1942 — 1943 ᠣᠨ ᠳᠤ ᠳᠡᠮᠴᠦᠭᠳᠣᠩᠷᠣᠪ ᠮᠠᠨ ᠤ ᠭᠡᠷ ᠲᠤ ᠣᠷᠢᠳ ᠬᠤᠵᠢᠳ ᠬᠤᠶᠠᠷ ᠣᠳᠠᠭ᠎ᠠ ᠢᠷᠡᠵᠣ ᠮᠢᠨᠣ ᠡᠮᠡᠭᠡ ᠪᠣᠯᠣᠨ ᠡᠬᠡ ᠳᠤ᠄ ︽ᠬᠦᠪᠡᠭᠦᠨ ᠢᠶᠠᠨ ᠳᠠᠷᠦᠢ ᠳᠦᠷᠭᠡᠨ ᠰᠣᠷᠭᠠᠭᠤᠯᠢ ᠳᠤ ᠶᠠᠪᠣᠭᠤᠯᠬᠤ ᠬᠡᠷᠡᠭᠳᠡᠢ 》 ᠬᠡᠵᠣ ᠱᠠᠭᠠᠷᠳᠠᠵᠣ ᠪᠠᠰᠠ 《 ᠵᠠᠷᠣᠴᠠ ᠨᠠᠷ ᠲᠤ ᠪᠠᠨ ᠵᠣᠬᠢᠬᠤ ᠬᠦᠯᠥᠰᠣ ᠬᠦᠷᠳᠡᠮᠵᠢ ᠣᠯᠭᠤᠬᠤ ᠭᠡᠷᠡᠭᠳᠠᠢ︾ ᠭᠡᠵᠣ ᠰᠠᠨᠠᠭᠤᠯᠵᠣ ᠪᠠᠶᠢᠵᠠᠢ᠃ ᠳᠠᠷᠠᠭ᠎ᠠ ᠨᠢ ᠪᠠᠰᠠ ᠬᠤᠰᠢᠭᠤ ᠶᠠᠮᠣᠨ ᠳᠤ ᠬᠡᠳᠣᠨ ᠣᠳᠠᠭ᠎ᠠ ᠠᠯᠪᠠᠨ ᠪᠢᠴᠢᠭ ᠢᠷᠡᠭᠦᠯᠵᠣ ᠨᠠᠮᠠᠢᠢ ᠰᠣᠷᠭᠠᠭᠤᠯᠢ ᠳᠤ ᠶᠠᠪᠣᠭᠤᠯᠬᠤ ᠶᠢ ᠳᠡᠬᠢᠨ ᠳᠠᠪᠳᠠᠨ ᠱᠠᠭᠠᠷᠳᠠᠭᠰᠠᠨ ᠳᠣᠯᠠ ᠡᠮᠡᠭᠡ ᠪᠠ ᠡᠬᠡ ᠠᠷᠭ᠎ᠠ ᠦᠭᠡᠢ ᠨᠠᠮᠠᠢᠢ ᠰᠣᠷᠭᠠᠭᠤᠯᠢ ᠳᠤ ᠶᠠᠪᠣᠭᠤᠯᠬᠤ ᠪᠠᠷ ᠮᠣᠩᠭᠤᠯ ᠭᠡᠷ ᠪᠡᠯᠡᠳᠬᠡᠨ ᠰᠠᠭᠠᠯᠢ ᠶᠢᠨ ᠦᠨᠢᠶ᠎ᠡ᠂ ᠢᠳᠡᠰᠢᠨ ᠤ ᠬᠤᠨᠢ ᠣᠨᠣᠯᠭ᠎ᠠ ᠶᠢᠨ ᠮᠣᠷᠢ ᠵᠡᠷᠭᠡ ᠶᠢ ᠪᠡᠯᠡᠳᠬᠡᠵᠣ ᠬᠡᠳᠣᠨ ᠦᠭᠡᠷ ᠳᠡᠷᠭᠡ ᠪᠠᠷ ᠪᠠᠶᠢᠰᠠ  ᠶᠢᠨ ᠰᠦᠮ᠎ᠠ ᠳᠠᠬᠢ ︽ᠮᠣᠩᠭᠤᠯ ᠢ ᠮᠠᠨᠳᠣᠭᠤᠯᠬᠤ᠂ ᠠᠳᠣᠭᠤᠯᠬᠤ ᠬᠦᠷᠦᠩᠬᠡ ᠶᠢᠨ ᠳᠣᠮᠳᠠᠳᠣ ᠰᠣᠷᠭᠠᠭᠤᠯᠢ︾ ᠳᠤ ᠶᠠᠪᠣᠭᠤᠯᠵᠠᠢ᠃ ᠨᠠᠳᠠ ᠲᠠᠢ ᠬᠠᠮᠳᠣ ᠶᠠᠪᠣᠬᠰᠠᠨ ᠪᠣᠶᠢᠳᠠ ᠨᠢᠭᠡ᠂ ᠦᠬᠡᠷ ᠤᠨ ᠬᠦᠮᠥᠨ ᠨᠢᠭᠡ᠂ ᠳᠣᠭᠤᠭᠠᠴᠢ ᠨᠢᠭᠡ᠂ ᠰᠠᠩ ᠤᠨ ᠯᠠᠮᠠ ᠨᠢᠬᠡ ᠪᠠᠶᠢᠵᠣ ᠬᠤᠶᠠᠷ ᠮᠣᠩᠭᠤᠯ ᠭᠡᠷ ᠢᠶᠠᠨ ᠰᠣᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠤ ᠪᠠᠷᠠᠭᠤᠨ ᠬᠠᠵᠠᠭᠤ  ᠳᠤ ᠪᠠᠷᠢᠭᠠᠳ ᠰᠠᠭᠤᠵᠣ ᠪᠠᠶᠢᠭᠰᠠᠨ᠃       ᠲᠦᠷᠦᠭᠦᠣ ᠵᠢᠯ ᠲᠤᠨᠢ ᠰᠣᠷᠭᠠᠭᠤᠯᠢ ᠶᠢᠨ ᠳᠠᠷᠤᠭ᠎ᠠ ᠨᠢ ᠰᠠᠨᠳᠦᠭᠦᠷᠡᠩ ᠮᠢᠨᠣ ᠭᠡᠷ ᠲᠤ ᠢᠷᠡᠵᠣ ᠮᠣᠩᠭᠤᠯ ᠬᠡᠯ᠎ᠡ ᠪᠢᠴᠢᠭ᠂ ᠶᠠᠫᠣᠨ ᠬᠡᠯᠡ ᠪᠢᠴᠢᠭ᠂ ᠳᠤᠭ᠎ᠠ ᠪᠣᠳᠣᠯᠭ᠎ᠠ ᠵᠢᠭᠠᠵᠣ ᠪᠠᠶᠢᠭᠰᠠᠨ ᠶᠤᠮ᠃ ᠪᠢ ᠰᠣᠷᠭᠠᠭᠤᠯᠢ ᠶᠢᠨ ᠪᠡᠶ᠎ᠡ ᠶᠢᠨ ᠳᠠᠮᠢᠷ᠂ ᠡᠯ᠎ᠡ ᠵᠦᠢᠯ ᠤᠨ ᠬᠢᠴᠢᠶᠠᠯ ᠳᠤ ᠣᠷᠣᠬᠤ  ᠠᠴᠠ ᠪᠢᠰᠢ ᠠᠷᠭᠠᠯ ᠳᠡᠭᠦᠭᠦ ᠵᠡᠷᠭᠡ ᠠᠵᠢᠯ ᠬᠦᠳᠡᠯᠮᠦᠷᠢ ᠬᠢᠬᠦ ᠳᠤ ᠣᠷᠥᠯᠴᠡᠳᠠᠭ ᠦᠭᠡᠢ ᠪᠠᠶᠢᠵᠠᠢ᠃       ᠳᠣᠰ ᠰᠣᠷᠭᠠᠭᠤᠯᠢ ᠳᠤ ᠵᠡᠭᠦᠨ ᠪᠠᠭᠰᠢ ᠠᠩᠬᠠᠨ ᠳᠤ ᠪᠠᠨ ᠨᠡᠯᠢᠶᠠᠳ ᠬᠡᠳᠣ ᠪᠠᠶᠢᠭᠰᠠᠨ ᠪᠣᠯᠪᠠᠴᠣ ᠰᠡᠭᠦᠯ ᠳᠡᠭᠡᠨ ᠨᠢᠭᠡ ᠯᠡ ᠳᠡᠳ᠋ ᠳᠠᠷᠤᠭ᠎ᠠ ᠰᠠᠨᠳᠦᠭᠦᠷᠡᠩ ᠠᠵᠢᠯ ᠰᠢᠯᠵᠢᠵᠣ ᠭᠡᠷᠡᠯᠴᠣᠭᠳᠣ ᠭᠡᠳᠡᠭ ᠰᠢᠨ᠎ᠡ ᠳᠠᠷᠤᠭ᠎ᠠ ᠪᠠᠭᠰᠢ ᠢᠷᠡᠵᠠᠢ᠃ ᠪᠠᠰᠠ ᠦᠯᠵᠡᠶᠢᠪᠦ᠋ᠷᠢᠨ᠂ ᠸᠠᠩᠴᠢᠨ᠂ ᠬᠡᠰᠢᠭᠡ᠂ ᠨᠠᠮᠵᠢᠯ᠂ ᠳᠠᠯᠠᠨᠳᠠᠢ᠂ ᠪᠢᠯᠭᠦᠰᠦ᠋ᠷᠥᠩ᠂ ᠡᠩᠭᠡᠪᠠᠳᠣ ᠁ ᠵᠡᠷᠭᠡ ᠠᠷᠪᠠᠨ ᠭᠡᠳᠣᠨ ᠮᠣᠩᠭᠤᠯ ᠪᠠᠭᠰᠢ ᠨᠠᠷ ᠣᠷᠢᠳ ᠬᠤᠵᠢᠳ ᠪᠠᠭᠰᠢᠯᠠᠵᠣ᠂ ᠶᠠᠫᠣᠨ ᠬᠡᠯᠡ ᠪᠢᠴᠢᠭ᠂ ᠮᠣᠩᠭᠤᠯ ᠬᠡᠯᠡ ᠪᠢᠴᠢᠭ᠂ ᠳᠣᠭᠠᠨ ᠤ ᠣᠬᠠᠭᠠᠨ᠂ ᠳᠡᠯᠡᠬᠡᠢ ᠶᠢᠨ ᠳᠡᠣᠬᠡ᠂ ᠳᠣᠮᠳᠠᠳᠣ ᠣᠯᠣᠰ ᠤᠨ ᠳᠡᠣᠬᠡ᠂ ᠭᠠᠵᠠᠷ ᠵᠦᠢ᠂ ᠡᠷᠡᠭᠦᠯ ᠬᠠᠮᠠᠭᠠᠯᠠᠬᠤ ᠶᠡᠷᠦ ᠶᠢᠨ ᠮᠠᠳᠡᠯᠭᠡ᠂ ᠴᠡᠷᠢᠭ ᠤᠨ ᠮᠡᠷᠭᠡᠵᠢᠯ᠂ ᠪᠡᠶ᠎ᠡ ᠶᠢᠨ ᠳᠠᠮᠢᠷ᠂ ᠣᠷᠠᠨ ᠵᠢᠷᠤᠭ᠂ ᠳᠠᠭᠤᠣ ᠬᠦᠭᠵᠢᠮ᠂ ᠰᠣᠸᠠᠮᠫᠠᠨ ᠪᠣᠳᠣᠯᠭ᠎ᠠ᠂ ᠮᠠᠯᠵᠢᠯ ᠤᠨ ᠶᠡᠷᠦ ᠶᠢᠨ ᠮᠠᠳᠡᠯᠭᠡ ᠁ ᠵᠡᠷᠭᠡ ᠬᠢᠴᠢᠶᠡᠯ ᠣᠷᠣᠳᠠᠭ ᠪᠠᠶᠢᠵᠠᠢ ᠃               1945 ᠣᠨ ᠤ ᠪᠢᠯᠢᠭ ᠤᠨ ᠣᠯᠠᠷᠢᠯ ᠤᠨ ᠳᠣᠯᠣᠭᠠᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠡ ᠶᠢᠨ ᠬᠤᠶᠠᠷ ᠲᠤ ᠦᠳᠡ  ᠶᠢᠨ ᠡᠮᠣᠨ᠎ᠡ ᠨᠠᠢᠮᠡᠨ ᠴᠠᠭ ᠤᠨ ᠦᠶ᠎ᠡ ᠪᠠᠷ ᠵᠦᠪᠯᠡᠯᠳᠣ ᠶᠢᠨ ᠨᠢᠰᠭᠡᠯ ᠪᠠᠶᠢᠰᠡ ᠶᠢᠨ ᠰᠦᠮ᠎ᠡ᠂ ᠴᠢᠭᠤᠯᠭᠠᠨ ᠪᠠ ᠶᠠᠫᠣᠨ ᠤ ᠣᠨᠴᠣᠭᠤᠢ ᠶᠠᠮᠣᠨ ︵ᠳᠠᠩᠨᠠᠭᠤᠯ ᠤᠨ ᠶᠠᠮᠣᠨ︶ ᠳᠡᠭᠡᠭᠦᠷ ᠬᠤᠶᠠᠷ ᠡᠷᠬᠢᠵᠣ ᠫᠥᠯᠧᠮᠶᠦᠲ ᠢᠶᠠᠷ ᠭᠠᠯᠯᠠᠵᠣ᠂ ᠠᠷᠪᠠᠨ ᠴᠠᠭ ᠤᠨ ᠦᠶ᠎ᠡ ᠪᠠᠷ ᠰᠣᠷᠣᠭᠴᠢᠳ ᠢ ᠵᠢᠭᠰᠠᠭᠠᠵᠣ ᠶᠠᠫᠣᠨ ᠪᠠᠭᠰᠢ ᠠᠴᠠ᠄ ︽ᠣᠳᠣ ᠨᠢᠪᠹᠪᠣᠨ ᠪᠠ ᠰᠣᠪᠢᠶᠠᠳ ᠤᠨ ᠪᠠᠶᠢᠯᠳᠣᠭᠠᠨ ᠡᠬᠢᠯᠡᠭᠰᠡᠨ ᠳᠣᠯᠠ ᠣᠨᠴᠣᠭᠤᠢ ᠶᠠᠮᠣᠨ ᠳᠤ ᠳᠠᠭᠤᠳᠠᠵᠣ ᠪᠠᠶᠢᠨ᠎ᠠ︾ ᠬᠡᠵᠣ ᠬᠦᠮᠥᠨ ᠪᠦᠷᠢ ᠳᠤ ᠣᠰᠣᠨ ᠰᠠᠪᠠ᠂ ᠬᠦᠨᠡᠰᠣᠨ ᠤ ᠡᠭᠦᠷᠭᠡᠪᠴᠢ᠂ ᠫᠣᠣ ᠵᠡᠷᠭᠡ ᠶᠢ ᠲᠦᠭᠡᠭᠡᠵᠣ᠂ ᠴᠢᠭᠤᠯᠭᠠᠨ ᠶᠠᠮᠣᠨ ᠳᠤ ᠣᠴᠢᠭᠠᠳ ᠰᠣᠷᠣᠭᠴᠢᠳ ᠢ ᠭᠡᠷ ᠭᠡᠷ ᠲᠤᠨᠢ ᠳᠠᠷᠬᠠᠭᠠᠵᠠᠢ᠃ ᠪᠢ ᠨᠠᠳᠠᠳᠠᠢ ᠬᠠᠮᠳᠣ ᠰᠠᠭᠤᠵᠣ ᠪᠠᠶᠢᠭᠰᠠᠨ ᠮᠠᠭᠰᠣᠷᠴᠡᠷᠡᠨ ᠭᠡᠳᠡᠭ ᠡᠪᠦᠭᠡᠨ ᠲᠠᠢ ᠬᠤᠶᠠᠭᠤᠯᠠ ᠮᠣᠷᠢ ᠪᠠᠨ ᠣᠨᠣᠵᠣ ᠰᠦᠨᠢ ᠳᠡᠭᠡᠨ ᠬᠠᠷᠢᠵᠣ ᠢᠷᠡᠪᠡ᠃ ᠲᠡᠷᠡ ᠦᠶ᠎ᠡ ᠳᠤ᠄ ᠣᠯᠠᠭᠠᠨ ᠨᠠᠮ ᠪᠣᠯ ᠪᠠᠶᠠᠳ ᠨᠣᠶᠠᠳ᠂ ᠪᠣᠷᠬᠠᠨ ᠱᠠᠰᠢᠨ ᠢ ᠣᠰᠠᠳᠬᠠᠳᠠᠭ ᠭᠡᠰᠡᠨ ᠶᠡᠷᠢᠶ᠎ᠡ ᠳᠡᠯᠭᠡᠷᠡᠵᠣ ᠪᠠᠶᠢᠭᠰᠠᠨ ᠳᠣᠯᠠ ᠮᠢᠨᠣ ᠡᠮᠡᠭᠡ ᠪᠣᠯᠣᠨ ᠡᠵᠢ ᠠᠴᠠ ᠡᠬᠢᠯᠡᠨ ᠭᠡᠷ ᠬᠤᠳᠠᠯᠠᠭᠠᠷ ᠶᠷᠬᠡᠳᠡ ᠠᠶᠥᠨ ᠰᠦᠨᠢ ᠳᠦᠯᠢ ᠪᠠᠷ ᠬᠤᠶᠢᠮᠣᠷ ᠤᠨ ᠡᠯᠡᠰᠣᠨ ᠳᠤ ᠳᠣᠳᠠᠭᠠᠨ ᠣᠴᠢᠵᠣ᠂ ᠶᠡᠷᠦ ᠶᠢᠨ ᠠᠷᠠᠳ ᠤᠨ ᠬᠤᠪᠴᠠᠰᠣ ᠡᠮᠦᠰᠴᠣ ᠨᠢᠭᠡ ᠨᠢᠭᠡ ᠪᠠᠷ  ᠢᠶᠠᠨ ᠠᠶᠢᠯ ᠤᠳ ᠢᠶᠠᠷ ᠳᠠᠷᠬᠠᠵᠣ ᠨᠢᠭᠤᠵᠣ ᠦᠩᠭᠡᠷᠡᠬᠦ ᠪᠠᠷ ᠭᠤᠷᠢᠳᠠᠵᠣ ᠪᠠᠶᠢᠭᠰᠠᠨ ᠪᠣᠯᠪᠠᠴᠣ ᠮᠣᠩᠭᠤᠯ ᠣᠷᠣᠰ  ᠤᠨ ᠴᠡᠷᠢᠭ ᠳᠤᠭ᠎ᠠ ᠳᠣᠮᠰᠢ ᠦᠭᠡᠢ ᠭᠠᠵᠠᠷ ᠳᠠᠶᠠᠭᠠᠷ ᠣᠷᠣᠵᠣ ᠢᠷᠡᠭᠰᠡᠨ ᠳᠣᠯᠠ ᠪᠢ ᠨᠠᠳᠠᠳᠠᠢ ᠬᠠᠮᠳᠣ ᠶᠠᠪᠣᠵᠣ ᠪᠠᠶᠢᠭᠰᠠᠨ ᠳᠣᠪᠳᠣᠨ ᠡᠪᠦᠭᠡᠨ ᠲᠠᠢ ᠬᠤᠶᠠᠭᠤᠯᠠ ᠮᠣᠩᠭᠤᠯ ᠴᠡᠷᠢᠭ ᠲᠠᠢ ᠠᠭᠤᠯᠵᠠᠬᠤ ᠪᠠᠷ ᠬᠤᠶᠢᠮᠣᠷ ᠤᠨ ᠪᠠᠷᠠᠭᠤᠨ ᠳᠡᠭᠡᠷ᠎ᠡ ᠶᠠᠪᠣᠵᠣ ᠪᠠᠶᠢᠳᠠᠯ᠎ᠠ ᠡᠮᠣᠨ᠎ᠡ ᠠᠴᠠ ᠭᠤᠷᠪᠠᠨ ᠮᠣᠷᠢᠳᠠᠢ ᠮᠣᠩᠭᠤᠯ ᠴᠡᠷᠢᠭ ᠤᠨ ᠬᠦᠮᠥᠨ ᠭᠠᠷᠴᠤ ᠢᠷᠡᠭᠡᠳ᠄ ︽ᠮᠣᠷᠢᠨ ᠠᠴᠠ ᠪᠠᠨ ᠪᠠᠭᠤᠵᠣ ᠭᠠᠷ ᠢᠶᠠᠨ ᠡᠷᠭᠦᠵᠣ ᠵᠣᠭᠰᠣ︕ ᠲᠠ ᠬᠤᠶᠠᠷ ᠬᠠᠮᠢᠭᠠᠰᠢ ᠳᠣᠳᠠᠭᠠᠵᠣ ᠪᠠᠶᠢᠬᠤ ᠪᠣᠢ︖︾ ᠬᠡᠵᠣ ᠠᠰᠠᠭᠤᠪᠠ᠃ ᠳᠣᠪᠳᠣᠨ ᠭᠤᠸᠠᠢ᠄ ︽ᠡᠨᠡ ᠪᠣᠯ ᠮᠠᠨ ᠤ ᠬᠤᠰᠢᠭᠤᠨ ᠤ ᠪᠡᠶᠢᠯᠡ ᠨᠣᠶᠠᠨ ᠶᠤᠮ᠃ ᠳᠠᠨ ᠤ ᠴᠡᠷᠢᠭ ᠲᠤ ᠪᠠᠷᠠᠯᠠᠬᠤ ᠪᠠᠷ ᠶᠠᠪᠣᠵᠣ ᠪᠠᠶᠢᠨ᠎ᠠ︾ ᠭᠡᠵᠣ ᠬᠡᠯᠡᠭᠦ ᠳᠤ ᠨᠢᠭᠡᠨ ᠳᠣᠭᠤᠷᠢᠭ ᠮᠠᠯᠠᠭᠠᠢ ᠵᠡᠭᠦᠭᠰᠡᠨ ᠳᠠᠷᠤᠭ᠎ᠠ ᠮᠠᠶ᠋ᠢᠭ ᠤᠨ ᠬᠦᠮᠨ ᠠᠴᠠ ︽ᠠ︕ ᠶᠠᠭᠤ ᠭᠡᠨ᠎ᠡ︖︾ ᠬᠡᠵᠤ ᠳᠠᠬᠢᠨ ᠠᠰᠠᠭᠤᠭᠰᠠᠨ ᠳᠤ ᠲᠦᠪᠳᠣᠨ ᠭᠤᠸᠠᠢ ᠰᠠᠶ᠋ᠢ ᠶᠢᠨ ᠦᠭᠡ ᠪᠠᠨ ᠳᠠᠬᠢᠨ ᠨᠢᠭᠡ ᠣᠳᠠᠭ᠎ᠠ ᠬᠡᠯᠡᠭᠰᠡᠨ ᠳᠤ ᠳᠠᠳᠡ ᠮᠣᠷᠢᠨ ᠠᠴᠠ ᠪᠠᠨ ᠪᠠᠭᠤᠵᠣ ᠪᠢᠳᠡ ᠬᠤᠶᠠᠷ ᠤᠨ ᠬᠤᠪᠴᠠᠰᠣ ᠶᠢ ᠳᠠᠶᠢᠯᠠᠭᠤᠯᠣᠨ ᠨᠡᠩᠵᠢᠵᠣ ᠪᠠᠷᠠᠭᠠᠳ ᠨᠢᠭᠡ ᠨᠢᠭᠡ ᠪᠠᠷ ᠰᠠᠯᠭᠠᠨ ᠪᠠᠶᠢᠴᠠᠭᠠᠨ ᠠᠰᠠᠭᠤᠵᠣ ᠳᠡᠮᠳᠡᠭᠯᠡᠭᠡᠳ ᠪᠢᠳᠡ ᠬᠤᠶᠠᠷ ᠤᠨ ᠨᠢᠳᠣ ᠶᠢ ᠪᠣᠭᠤᠵᠣ ᠮᠣᠷᠢᠨ ᠳᠤ ᠣᠨᠣᠭᠤᠯᠣᠭᠠᠳ᠄ ︽ᠡᠨᠡ ᠪᠣᠯ ᠮᠠᠨ ᠤ ᠶᠣᠰᠣ ᠶᠤᠮ᠂ ᠲᠠ ᠬᠤᠶᠠᠷ ᠠᠶᠣᠬᠤ ᠬᠡᠷᠡᠭ ᠦᠭᠡᠢ︾ ᠬᠡᠵᠣ ᠬᠡᠯᠡᠬᠡᠳ ᠪᠢᠳᠠ ᠬᠤᠶᠠᠷ ᠤᠨ ᠮᠣᠷᠢ ᠶᠢ ᠬᠤᠯᠪᠣᠭᠠᠳ ᠭᠦᠳᠣᠯᠵᠣ ᠶᠠᠪᠣᠪᠠ᠃ ᠡᠨᠡ ᠦᠶ᠎ᠡ ᠳᠤ ᠪᠢ ᠳᠣᠳᠣᠷ᠎ᠠ ᠪᠠᠨ᠄ ︽ᠣᠳᠣ ᠨᠠᠮᠠᠢᠢ ᠬᠠᠮᠢᠭ᠎ᠠ ᠠᠪᠠᠴᠢᠵᠣ ᠪᠠᠶᠢᠭᠠᠳ ᠶᠠᠭᠠᠬᠢᠬᠤ ᠶᠤᠮ ᠪᠣᠯ ᠳ᠋ᠠ︾ ᠬᠡᠵᠣ ᠡᠯᠳᠡᠪ ᠵᠦᠢᠯ ᠢᠶᠠᠷ ᠪᠣᠳᠣᠵᠣ ᠠᠶᠣᠵᠣ ᠪᠠᠶᠢᠵᠠᠢ᠃ ᠭᠡᠪᠡᠴᠦ ᠳᠡᠳᠡᠨ  ᠲᠠᠢ ᠬᠠᠮᠳᠣ ᠨᠡᠯᠢᠶᠡᠳ ᠵᠠᠮ ᠶᠠᠪᠣᠵᠣ᠂ ᠶᠠᠷᠢᠯᠴᠠᠨ ᠲᠠᠨᠢᠯᠴᠠᠬᠤ ᠪᠠᠷ ᠳᠠᠮᠵᠢᠵᠣ᠂ ᠪᠢᠳᠠᠨ ᠤ ᠨᠢᠳᠣᠨ ᠪᠣᠭᠤᠯᠳᠠ ᠶᠢ ᠠᠪᠣᠭᠠᠳ ᠴᠠᠩᠳᠣ ᠰᠦᠮ᠎ᠡ ᠳᠤ ᠶᠠᠪᠣᠬᠤ ᠵᠠᠮ ᠢ ᠠᠰᠠᠭᠤᠵᠣ ᠭᠡᠳᠣᠨ ᠦᠭᠡ ᠶᠠᠷᠢᠯᠴᠠᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠳᠠᠳᠠᠨ  ᠠᠴᠠ ᠳᠡᠮᠡᠢ ᠠᠶᠣᠬᠤ ᠦᠭᠡᠢ ᠪᠣᠯᠪᠠ᠃ ᠵᠠᠮ ᠤᠨ ᠳᠣᠮᠳᠠ᠂ ᠪᠢᠳᠠ ᠳᠡᠳᠡᠨ ᠲᠠᠢ ᠡᠷᠢᠶ᠎ᠡ ᠴᠡᠭᠡᠷ ᠦᠭᠡᠢ ᠶᠠᠷᠢᠯᠴᠠᠬᠤ ᠪᠣᠯᠣᠭᠰᠠᠨ ᠪᠠ ᠮᠠᠨ ᠤ ᠳᠦᠪᠳᠣᠨ ᠭᠤᠸᠠᠢ ᠪᠣᠯ ᠨᠡᠯᠢᠶᠡᠳ ᠱᠣᠭᠳᠠᠢ᠂ ᠠᠯᠢᠶ᠎ᠠ ᠬᠦᠮᠥᠨ ᠪᠠᠶᠢᠭᠰᠠᠨ᠂ ᠲᠡᠷᠡ᠄ ︽ᠯᠠᠮᠠ ᠠ᠂ ᠳᠠᠨ ᠤ ᠣᠷᠣᠰ ᠴᠢᠨᠢ ᠮᠠᠨ ᠤ ᠶᠠᠫᠣᠨ ᠢ ᠪᠣᠳᠣᠪᠠᠯ ᠴᠢᠳᠬᠦᠷ ᠱᠣᠯᠣᠮ ᠰᠢᠭ᠋ ᠮᠠᠭᠤᠬᠠᠢ᠂ ᠠᠶᠣᠮᠠᠷ ᠠᠮᠢᠳᠠᠨ ᠪᠠᠶᠢᠨ᠎ᠠ ᠳ᠋ᠠ ᠬᠦ᠋︾ ᠬᠡᠬᠦ ᠳᠤ ᠳᠡᠳᠡ᠄ ︽ᠦᠨᠡᠬᠡᠷ ᠳᠡᠶᠢᠮᠦ ᠶᠤᠮ ᠬᠡᠨ᠎ᠡ ᠯᠠᠢ ᠰᠢᠣ᠂ ᠶᠠᠫᠣᠨ ᠶᠡᠭᠡ ᠴᠡᠪᠡᠷᠬᠡᠨ ᠲᠦᠷᠦᠭᠰᠡᠨ ᠶᠤᠮ ᠬᠡᠨ᠎ᠠ ᠪᠢᠯᠡ︾ ᠬᠡᠵᠣ ᠡᠯᠳᠡᠪ ᠢ ᠶᠠᠷᠢᠵᠣ ᠢᠨᠢᠶᠡᠯᠴᠡᠵᠣ ᠶᠠᠪᠣᠵᠠᠭᠠᠵᠠᠢ᠃ ᠲᠡᠷᠡ ᠣᠷᠣᠢ ᠳᠠᠭᠠᠨ ᠬᠠᠷ᠎ᠠ ᠲᠡᠭᠡᠭᠡ ᠶᠢᠨ ᠣᠷᠴᠢᠮ᠂ ᠮᠠᠨ ᠤ ᠬᠤᠰᠢᠭᠤᠨ ᠤ ᠪᠠᠵᠠᠷᠰᠡᠳ ᠡᠪᠦᠭᠡᠨ ᠤ ᠭᠡᠷ ᠲᠤ ᠭᠦᠷᠴᠦ ᠳᠡᠳᠡᠨᠠᠷ᠄ ︽ᠵᠠ ᠡᠨᠡ ᠴᠢᠨᠢ ᠳᠠᠨ ᠤ ᠬᠤᠰᠢᠭᠤᠨ ᠤ ᠨᠣᠶᠠᠨ ᠮᠦᠨ ᠪᠢᠵᠡ ᠳ᠋ᠡ︖ ᠣᠳᠣ ᠨᠣᠶᠠᠨ ᠳᠠᠭᠠᠨ ᠰᠠᠶᠢᠨ ᠬᠤᠭᠤᠯᠠ ᠬᠢᠵᠣ ᠦᠭᠭᠦᠭᠡᠴᠢ ᠳ᠋ᠠ᠃︾ ᠬᠡᠵᠣ ᠨᠠᠭᠠᠳᠣᠮ ᠤᠨ ᠠᠯᠢᠶ᠎ᠠ ᠦᠭᠡ ᠬᠡᠯᠡᠯᠴᠡᠵᠣ ᠬᠤᠭᠤᠯᠠ ᠢᠳᠠᠵᠣ ᠪᠠᠭ᠎ᠠ ᠠᠮᠣᠰᠬᠢᠭᠡᠳ ᠴᠠᠩᠳᠣ ᠰᠦᠮ᠎ᠡ ᠶᠢᠨ ᠵᠦᠭ ᠮᠣᠷᠳᠠᠪᠠ᠃ ᠲᠡᠷᠡ ᠰᠦᠨᠢ ᠵᠦᠰᠡᠷ ᠪᠣᠷᠣᠭᠠᠨ ᠣᠷᠣᠵᠣ ᠵᠣᠭᠰᠣᠬᠤ ᠦᠭᠡᠢ ᠳᠣᠯᠠ ᠪᠢᠳᠠ ᠮᠣᠷᠢ ᠪᠠᠨ ᠴᠢᠳᠣᠷᠯᠡᠵᠣ᠂ ᠳᠡᠳᠡ ᠫᠣᠣ ᠪᠠᠨ ᠬᠠᠳᠬᠤᠨ ᠪᠣᠰᠬᠠᠵᠣ᠂ ᠳᠡᠭᠡᠷ᠎ᠡ ᠨᠢ ᠨᠦᠮᠦᠷᠭᠡ ᠪᠦᠰ ᠢᠶᠠᠨ ᠮᠠᠶᠢᠬᠠᠨᠴᠢᠯᠠᠨ ᠪᠢᠳᠡ ᠳᠠᠪᠣᠭᠤᠯᠠ ᠪᠠᠨ ᠰᠢᠷᠭᠤᠨ ᠣᠷᠣᠵᠣ ᠣᠨᠳᠠᠵᠠᠭᠠᠪᠠ᠃ ᠮᠠᠷᠭᠠᠰᠢ ᠦᠷᠯᠦᠭᠡ ᠦᠷ ᠴᠠᠶᠢᠬᠤ ᠶᠢᠨ ᠦᠶ᠎ᠡ ᠪᠠᠷ ᠪᠣᠷᠣᠭᠠᠨ ᠠᠷᠢᠯᠣᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠪᠢᠳᠠ ᠮᠣᠷᠳᠠᠵᠠᠭᠠᠵᠣ᠂ ᠦᠳᠡ  ᠶᠢᠨ ᠦᠶ᠎ᠡ ᠪᠠᠷ ᠴᠠᠩᠳᠣ ᠶᠢᠨ ᠬᠦᠭᠦᠷᠭᠡ ᠬᠦᠷᠬᠦ ᠳᠤ ᠴᠡᠷᠢᠭ ᠤᠨ ᠴᠠᠴᠠᠷ ᠳᠠᠯ᠎ᠠ ᠲᠦᠭᠦᠷᠡᠩ ᠵᠢᠭᠳᠡᠷᠡᠵᠣ᠂ ᠮᠠᠰᠢᠨ ᠳᠡᠷᠭᠡ ᠭᠠᠵᠠᠷ ᠢ ᠪᠦᠷᠬᠦᠨ ᠵᠦᠷᠢᠳᠪᠵᠣ᠂ ᠴᠠᠬᠢᠯᠭᠠᠨ ᠣᠳᠠᠰᠣ ᠭᠠᠵᠷ ᠳᠡᠭᠡᠭᠦᠷ ᠵᠦᠭ ᠪᠦᠷᠢ ᠳᠤ ᠰᠦᠯᠵᠢᠯᠳᠣᠵᠣ᠂ ᠨᠢᠰᠬᠦ ᠣᠩᠭᠤᠴᠠ ᠠᠭᠠᠷ ᠲᠤ ᠡᠷᠭᠢᠯᠳᠣᠨ᠂ ᠮᠣᠲ᠋ᠣᠷᠴᠢᠯᠠᠭᠰᠠᠨ ᠴᠡᠷᠢᠭ ᠨᠠᠰᠢ ᠴᠠᠰᠢ ᠳᠠᠪᠬᠢᠯᠳᠣᠵᠣ᠂ ᠭᠤᠣᠯ ᠤᠨ ᠣᠰᠣᠨ ᠳᠤ ᠣᠷᠣᠰ ᠴᠡᠷᠢᠭ ᠪᠡᠶ᠎ᠡ ᠪᠠᠨ ᠣᠬᠢᠶᠠᠨ ᠣᠮᠪᠠᠵᠣ ᠪᠠᠶᠢᠬᠤ …… ᠵᠡᠷᠭᠡ ᠶᠢ ᠦᠵᠡᠭᠰᠡᠭᠡᠷ ᠶᠠᠪᠣᠵᠣ ᠭᠦᠭᠦᠷᠭᠡᠨ ᠳᠤ ᠦᠢᠷᠠᠳᠣᠬᠤ ᠦᠶ᠎ᠡ ᠳᠤ ᠳᠡᠳᠡ᠄ ︽ᠪᠢᠳᠠ ᠣᠳᠣ ᠱᠠᠲ᠋ᠠᠪ ᠤᠨ ᠶᠠᠮᠣᠨ ᠳᠤ ᠬᠦᠷᠦᠯ᠎ᠠ᠂ ᠠᠳᠡ ᠲᠠ ᠬᠤᠶᠠᠷ ᠢ ᠪᠠᠶᠢᠴᠠᠭᠠᠭᠠᠳ ᠭᠡᠷ ᠲᠤ ᠴᠢᠨᠢ ᠪᠤᠠᠴᠠᠭᠠᠬᠤ ᠳᠣᠯᠠ ᠠᠶᠣᠬᠤ ᠬᠡᠷᠡᠭ ᠦᠭᠡᠢ︾ ᠬᠡᠵᠣ ᠬᠡᠯᠡᠭᠡᠳ ᠪᠢᠳᠡ ᠬᠤᠶᠠᠷ ᠤᠨ ᠨᠢᠳᠣ ᠶᠢ ᠳᠠᠬᠢᠨ ᠪᠣᠭᠤᠵᠣ ᠬᠤᠶᠠᠷ ᠮᠣᠷᠢ ᠶᠢ ᠬᠤᠯᠪᠣᠨ ᠭᠦᠳᠦᠯᠵᠣ ᠱᠠᠲ᠋ᠠᠪ ᠤᠨ ᠶᠠᠮᠣᠨ ᠳᠤ ᠭᠦᠷᠭᠡᠵᠣ ᠦᠭᠪᠠ᠃ ᠳᠠᠳᠠ ᠪᠢᠳᠠ ᠬᠤᠶᠠᠷ ᠢ ᠪᠠᠰᠠ ᠳᠣᠰ ᠳᠣᠰ ᠲᠤᠨᠢ ᠰᠠᠯᠠᠭᠠᠵᠣ᠂ ᠬᠠᠶᠠᠷ ᠴᠠᠭ ᠰᠢᠬᠠᠮ ᠪᠠᠶᠢᠴᠠᠭᠠᠨ ᠠᠰᠠᠭᠤᠭᠠᠳ᠄ ︽ᠣᠳᠣ ᠲᠠ ᠬᠤᠶᠠᠭᠤᠯᠠ ᠭᠡᠷ ᠲᠡᠭᠡᠨ ᠬᠠᠷᠢᠭᠠᠳ ᠮᠠᠯ ᠢᠶᠠᠨ ᠮᠠᠯᠵᠢᠵᠣ ᠰᠠᠭᠤᠬᠤ ᠬᠡᠷᠡᠭᠳᠠᠢ᠃ ᠳᠠᠬᠢᠨ ᠳᠣᠳᠠᠭᠠᠵᠣ ᠪᠣᠯᠬᠤ ᠦᠭᠡᠢ︾ ᠬᠡᠵᠣ ᠪᠢᠳᠠ ᠬᠤᠶᠠᠭᠤᠯᠠ ᠶᠢ ᠪᠣᠴᠠᠭᠠᠪᠠ᠃ ᠡᠨᠡ ᠰᠦᠨᠢ ᠪᠢᠳᠠ ᠬᠤᠶᠠᠷ ᠤᠨ ᠮᠣᠷᠢ ᠵᠣᠭᠰᠣᠵᠣ᠂ ᠰᠦᠨᠢ ᠳᠦᠯᠢ ᠪᠠᠷ ᠬᠠᠶ᠋ᠢ ᠶᠢᠨ ᠪᠠᠷᠠᠭᠤᠨ ᠵᠠᠬ᠎ᠠ ᠳᠤ ᠰᠣᠳᠨᠠᠮ ᠲᠣᠶᠢᠨ ᠤ ᠳᠤ ᠢᠷᠡᠵᠣ ᠬᠤᠨᠣᠭᠠᠳ ᠮᠠᠷᠭᠠᠰᠢ ᠨᠢ ᠦᠳᠡ ᠶᠢᠨ ᠦᠶ᠎ᠡ ᠪᠠᠷ ᠭᠡᠷ ᠲᠤ ᠪᠠᠨ ᠢᠷᠡᠭᠰᠡᠨ ᠳᠤ ᠮᠠᠨ ᠤ ᠭᠡᠷ ᠪᠠᠶᠢᠰᠢᠩ  ᠤᠨ ᠡᠭᠦᠳᠡ ᠴᠣᠩᠬᠤ ᠡᠪᠳᠡᠯᠡᠭᠳᠡᠵᠣ᠂ ᠡᠳ᠋ ᠬᠦᠷᠦᠩᠭᠡ ᠦᠭᠡᠢ ᠪᠣᠯᠣᠭᠠᠳ ᠨᠢᠭᠡᠴᠣ ᠬᠦᠮᠥᠨ ᠦᠭᠡᠢ ᠪᠣᠯᠣᠭᠰᠠᠨ ᠳᠣᠯᠠ ᠪᠢ ᠮᠢᠨᠣ ᠡᠬᠡ ᠶᠢᠨ ᠰᠠᠭᠤᠵᠣ ᠪᠠᠶᠢᠭᠰᠠᠨ ᠠᠷᠣ ᠰᠠᠩ ᠳᠠᠭᠠᠨ ᠢᠷᠡᠵᠣ ᠮᠠᠯ ᠮᠠᠯᠵᠢᠵᠣ ᠰᠠᠭᠤᠪᠠ᠃ ᠡᠨᠡ ᠣᠳᠠᠭ᠎ᠠ ᠶᠢᠨ ᠴᠡᠷᠢᠭ ᠤᠨ ᠬᠦᠯ ᠳᠤ ᠮᠠᠯ ᠤᠨ ᠶᠡᠬᠡᠩᠬᠢ ᠨᠢ ᠦᠷᠡᠭᠳᠡᠵᠣ᠂ ᠠᠳᠣᠭᠤᠨ ᠠᠴᠠ ᠡᠮᠨᠢᠭ ᠪᠣᠶᠣ ᠭᠡᠭᠦᠦ ᠭᠤᠣᠯᠳᠠᠢ ᠵᠠᠭᠤ ᠭᠦᠷᠭᠦ ᠦᠭᠡᠢ ᠦᠯᠡᠳᠡᠵᠣ ᠦᠬᠡᠷ ᠵᠠᠭᠤ ᠰᠢᠬᠠᠮ ᠬᠤᠨᠢ ᠮᠢᠩᠭ᠎ᠠ ᠰᠢᠬᠠᠮ ᠲᠡᠮᠡᠭᠡ ᠬᠠᠷᠢ ᠭᠤᠴᠢᠭᠠᠳ ᠦᠯᠡᠳᠡᠵᠠᠢ᠃ ᠨᠣᠶᠠᠨ ᠰᠠᠩ ᠳᠤ ᠵᠠᠷᠣᠭᠳᠠᠵᠣ ᠪᠠᠶᠢᠭᠰᠠᠨ ᠵᠠᠷᠣᠴᠠ ᠨᠠᠷ ᠪᠦᠷ ᠭᠡᠷ ᠲᠡᠭᠡᠨ ᠶᠠᠪᠣᠵᠣ᠂ ᠪᠣᠶᠢᠳᠠ ᠨᠢᠷᠪᠠ ᠪᠠ ᠭᠡᠳᠣᠨ ᠮᠠᠯ ᠤᠨ ᠬᠦᠮᠥᠰ ᠯᠠ ᠦᠯᠡᠳᠠᠵᠠᠢ᠃               ᠡᠨᠡ ᠣᠳᠠᠭ᠎ᠠ ᠶᠢᠨ ᠣᠷᠣᠰ ᠮᠣᠩᠭᠤᠯ ᠴᠡᠷᠢᠭ ᠤᠨ ᠣᠷᠣᠵᠣ ᠢᠷᠡᠭᠰᠡᠨ ᠮᠠᠰᠢ ᠶᠡᠭᠡ ᠰᠦᠷᠳᠠᠢ᠃ ᠮᠠᠰᠢᠨᠳᠣ ᠠᠩᠭᠢ ᠨᠢ ᠳᠣᠰ ᠳᠣᠰ ᠤᠨ ᠪᠠᠶᠢᠷᠢᠰᠢᠯ ᠶᠣᠰᠣᠭᠠᠷ ᠮᠦᠷᠯᠡᠨ᠂ ᠵᠢᠭᠰᠠᠭᠠᠯ ᠤᠨ ᠮᠠᠶ᠋ᠢᠭ ᠢᠶᠠᠷ ᠡᠩᠨᠡᠷᠢᠨ ᠴᠣᠪᠣᠵᠣ᠂ ᠬᠤᠶᠢᠨ᠎ᠠ ᠡᠮᠦᠨ᠎ᠡ ᠬᠤᠶᠠᠷ ᠦᠵᠦᠭᠦᠷ ᠨᠢ ᠦᠵᠡᠭᠳᠡᠬᠦ ᠦᠭᠡᠢ᠂ ᠬᠤᠶᠢᠳᠣ ᠵᠠᠬ᠎ᠠ ᠨᠢ ᠪᠣᠭᠳᠠ ᠠᠭᠤᠯᠠ  ᠶᠢᠨ ᠵᠡᠭᠦᠨ ᠰᠣᠭᠤ ᠪᠠᠷ ᠭᠠᠷᠴᠣ ᠢᠷᠡᠬᠦ ᠳᠤ ᠲᠦᠷᠦᠭᠦᠦ ᠨᠢ ᠨᠢᠭᠡᠨᠳᠡ ᠴᠠᠩᠳᠣ ᠶᠢᠨ ᠭᠦᠭᠦᠷᠭᠡ ᠳᠤ ᠪᠠᠶᠢᠭᠰᠠᠨ ᠱᠠᠲ᠋ᠠᠪ ᠤᠨ ᠭᠠᠵᠠᠷ ᠢ ᠦᠩᠭᠡᠷᠡᠵᠣ᠂ ᠡᠳᠦᠷ ᠰᠦᠨᠢ ᠦᠭᠡᠢ ᠦᠷᠭᠦᠯᠵᠢᠯᠡᠵᠣ᠂ ᠮᠠᠰᠢᠨ ᠳᠡᠷᠭᠡ᠂ ᠮᠣᠲ᠋ᠣᠷ ᠤᠨ ᠳᠠᠭᠤᠨ ᠨᠡᠶᠢᠳᠡᠮ ᠨᠦᠵᠢᠭᠢᠨᠡᠵᠣ᠂ ᠬᠠᠶ᠎ᠠ ᠦᠬᠡᠷ ᠫᠣᠣ ᠶᠢᠨ ᠳᠠᠭᠤᠨ ᠭᠠᠷᠴᠣ᠂ ᠡᠳᠦᠷ ᠴᠡᠷᠢᠭ ᠤᠨ ᠳᠣᠭᠤᠰᠣ ᠳᠡᠭᠷᠢ ᠭᠠᠵᠠᠷ ᠲᠠᠢ ᠵᠠᠯᠭᠠᠯᠳᠣᠨ ᠣᠨᠢᠶᠡᠷᠳᠣᠨ ᠦᠷᠭᠦᠯᠵᠢᠯᠡᠵᠣ᠂ ᠰᠦᠨᠢ ᠨᠢ ᠭᠡᠷᠡᠯᠳᠣᠯᠣᠭ᠍ᠴᠢ ᠳ᠋ᠧᠩ ᠤᠨ ᠭᠡᠷᠡᠯ᠂ ᠮᠠᠰᠢᠨ ᠳᠡᠷᠭᠡᠨ ᠳ᠋ᠧᠩ ᠨᠢ ᠰᠢᠷ᠎ᠠ ᠭᠡᠷᠡᠯ ᠳᠠᠳᠠᠵᠣ᠂ ᠭᠠᠵᠠᠷ ᠳᠡᠯᠡᠬᠡᠢ ᠶᠢ ᠡᠳᠦᠷ ᠰᠢᠭ ᠭᠡᠷᠡᠯᠳᠦᠭᠦᠯᠵᠤ᠂ ᠳᠠᠳᠠᠨ ᠤ ᠳᠣᠮᠳᠠᠭᠤᠷ ᠭᠦᠨᠳᠡᠯᠡᠨ ᠦᠩᠭᠡᠷᠡᠵᠣ ᠭᠠᠷᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ ᠨᠢᠭᠳᠠ ᠪᠠᠶᠢᠪᠠ᠃ ᠳᠠᠳᠠᠨ ᠤ ᠣᠷᠣᠵᠣ ᠢᠷᠡᠭᠰᠡᠨ ᠡᠨᠡ ᠵᠠᠮ ᠪᠣᠯ ᠠᠷᠣ ᠶᠢᠨ ᠬᠦᠷᠢᠶ᠎ᠡ ︵ᠣᠯᠠᠭᠠᠪᠠᠭᠠᠳᠣᠷ︶ ᠳᠤ ᠨᠡᠪᠳᠡᠷᠡᠬᠦ ᠶᠡᠭᠡ ᠬᠠᠩᠭᠠᠢ ᠰᠢᠷ᠎ᠠ ᠵᠠᠮ ᠪᠠᠶᠢᠭᠰᠠᠨ ᠬᠡᠵᠣ ᠨᠠᠰᠣᠳᠠᠳ ᠶᠠᠷᠢᠳᠠᠭ ᠪᠠᠶᠢᠭᠰᠠᠨ᠃ ᠴᠡᠷᠢᠭ ᠤᠨ ᠪᠣᠳᠠᠭ᠎ᠠ ᠶᠢ ᠮᠠᠰᠢᠨ ᠳᠡᠷᠭᠡ᠂ ᠮᠣᠷᠢᠨ ᠳᠡᠷᠭᠡᠨ ᠳᠡᠭᠡᠷ᠎ᠡ ᠵᠠᠮ ᠵᠠᠭᠤᠷ᠎ᠠ ᠪᠠᠨ ᠪᠡᠯᠡᠳᠬᠡᠵᠣ᠂ ᠳᠣᠭᠤᠭᠠᠨ ᠳᠤ ᠪᠣᠴᠠᠯᠭᠠᠵᠣ ᠪᠠᠶᠢᠭ᠎ᠠ ᠬᠤᠨᠢᠨ ᠤ ᠮᠢᠬ᠎ᠠ ᠶᠢ ᠠᠯᠢ ᠨᠢᠭᠡ ᠴᠡᠷᠢᠭ ᠨᠢ ᠢᠳᠡᠶ᠎ᠡ ᠬᠡᠪᠡᠯ ᠮᠣᠷᠢᠨ ᠳᠡᠷᠭᠡᠨ ᠳᠡᠭᠡᠷ᠎ᠡ ᠠᠴᠠ ᠪᠠᠨ ᠫᠣᠣ ᠶᠢᠨ ᠵᠢᠳᠠ ᠪᠠᠷ ᠬᠠᠳᠬᠤᠨ ᠠᠪᠴᠣ ᠢᠳᠡᠵᠡᠭᠡᠳᠡᠭ᠂ ᠣᠷᠣᠰ ᠮᠣᠩᠭᠤᠯ ᠴᠡᠷᠢᠭ ᠣᠷᠣᠵᠣ ᠢᠷᠡᠭᠰᠡᠨ ᠤ ᠳᠠᠷᠠᠭ᠎ᠠ᠂ ᠬᠤᠰᠢᠭᠤ ᠶᠢ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠭᠡᠵᠣ ᠠᠷᠪᠠᠭᠠᠳ ᠮᠣᠩᠭᠤᠯ ᠴᠡᠷᠢᠭ ᠦᠯᠡᠳᠡᠭᠡᠵᠣ ᠶᠠᠮᠣᠨ ᠳᠤ ᠰᠠᠭᠤᠵᠣ ᠪᠠᠶᠢᠵᠠᠢ᠃ ᠳᠠᠷᠤᠭ᠎ᠠ ᠨᠢ ᠺᠡᠮᠢᠩᠳᠡ ᠪᠠᠩᠽᠠᠷᠠᠭᠴᠢ ᠭᠡᠳᠡᠭ ᠬᠦᠮᠥᠨ ᠪᠠᠶᠢᠭᠰᠠᠨ᠂ ᠲᠡᠷᠡ ᠡᠳᠦᠷ ᠲᠡᠭᠡᠨ ᠠᠶᠢᠯ ᠤᠳ ᠢᠶᠠᠷ ᠳᠣᠭᠤᠷᠢᠵᠣ ᠠᠷᠠᠳᠴᠢᠯᠠᠭᠰᠠᠨ ᠶᠣᠰᠣ ᠤ ᠣᠬᠠᠭᠤᠯᠳᠠᠭ ᠪᠠᠶᠢᠭᠰᠠᠨ᠃               ᠪᠠᠰᠠ ᠲᠡᠷᠡ ᠦᠶ᠎ᠡ ᠳᠤ᠂ ᠣᠯᠠᠭᠠᠨ ᠴᠡᠷᠢᠭ ᠠᠴᠠ ᠣᠷᠭᠤᠨ ᠳᠠᠰᠣᠷᠠᠭᠰᠠᠨ ᠴᠦᠬᠡᠨ ᠳᠣᠭᠠᠨ ᠤ ᠭᠧᠷᠮᠠᠨ ᠤ ᠣᠯᠵᠠᠯᠠᠭᠳᠠᠭᠰᠠᠨ ᠴᠡᠷᠢᠭ ᠤᠨ ᠵᠠᠷᠢᠮ ᠨᠢ ᠮᠠᠰᠢᠨ ᠲᠠᠢ᠂ ᠵᠡᠷᠢᠮ ᠢ ᠮᠣᠷᠢ ᠲᠠᠢ ᠠᠶᠢᠯ ᠭᠡᠰᠣᠵᠣ᠂ ᠠᠡᠶᠢᠬᠢ ᠣᠣᠭᠤᠨ᠄ ︽ᠶᠠᠫᠣᠨ ᠪᠠᠶᠢᠨᠠᠣ︖ ᠰᠠᠶᠢᠨ ᠮᠣᠷᠢ ᠪᠠᠶᠢᠨᠠᠣ︖ ᠰᠠᠶᠢᠬᠠᠨ ᠬᠡᠣᠬᠡᠨ ᠪᠠᠶᠢᠨᠠᠣ︖︾ ᠭᠡᠭᠦ ᠵᠡᠷᠭᠡ ᠪᠠᠷ ᠮᠣᠩᠭᠤᠯ ᠦᠭᠡ ᠪᠠᠷ ᠬᠠᠯᠳᠣ ᠮᠦᠯᠳᠣ ᠴᠠᠯᠴᠢᠵᠣ᠂ ᠡᠳ᠋ ᠪᠣᠳᠠᠰ ᠳᠡᠭᠡᠷᠡᠮᠳᠡᠨ᠂ ᠡᠭᠡᠨᠡᠷ ᠬᠡᠣᠭᠡᠳ ᠢ ᠳᠠᠷᠣᠯᠠᠵᠣ᠂ ᠡᠯᠳᠡᠪ ᠬᠡᠷᠡᠭ ᠦᠢᠯᠡᠳᠴᠦ ᠶᠠᠪᠣᠳᠠᠭ᠃ ᠬᠡᠷᠪᠡ ᠳᠡᠳᠡᠨ ᠢ ᠵᠠᠪᠳᠠᠵᠣ ᠬᠤᠰᠢᠭᠤ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ  ᠲᠤ ᠮᠠᠳᠡᠭᠦᠯᠪᠡᠯ᠂ ᠳᠡᠳᠡ ᠳᠡᠷᠦᠢ ᠮᠣᠷᠢ ᠪᠠᠷ ᠳᠣᠪᠳᠣᠯᠭᠠᠨ ᠢᠷᠡᠵᠣ ᠳᠠᠳᠡᠨ ᠢ ᠭᠦᠭᠡᠭᠡᠨ ᠶᠠᠪᠣᠭᠤᠯᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃               1945 ᠣᠨ ᠤ ᠡᠪᠦᠯ᠂ ᠮᠠᠨ ᠤ ᠡᠬᠡ᠂ ᠬᠤᠰᠢᠭᠤᠨ ᠤ ᠳᠣᠰᠠᠯᠠᠭᠴᠢ ᠮᠦᠩᠬᠡ᠂ ᠵᠠᠬᠢᠷᠣᠭᠴᠢ ᠨᠠᠴᠤᠭ ᠨᠠᠷ ᠲᠠᠢ᠂ ᠨᠠᠳᠠ ᠳᠤ ᠪᠠᠷᠢ ᠠᠪᠬᠤ ᠳᠣᠬᠠᠢ ᠵᠦᠪᠳᠡᠯᠴᠡᠵᠣ᠂ ᠬᠠᠮᠪᠤ ᠯᠠᠮᠠ ᠠᠴᠠ ᠬᠡᠣᠬᠡᠨ ᠤ ᠳᠠᠯ᠎ᠠ ᠶᠢ ᠠᠰᠠᠭᠤᠵᠣ ᠂ ᠳᠣᠰ ᠬᠤᠰᠢᠭᠤᠨ ᠤ ᠪᠠᠶᠠᠨ ᠳᠠᠮᠪᠠ ᠶᠢᠨ ᠦᠬᠢᠨ ᠶᠦᠮᠴᠢᠮ᠎ᠠ ᠶᠢ ᠪᠡᠷᠢ ᠪᠣᠯᠭᠤᠨ ᠠᠪᠬᠤ ᠪᠠᠷ ᠳᠣᠭᠳᠠᠵᠣ᠂ ᠮᠢᠨᠣ ᠡᠬᠡ ᠭᠡᠳᠣᠨ ᠬᠦᠮᠥᠨ ᠳᠠᠭᠠᠭᠤᠯᠣᠨ ᠴᠠᠬᠠᠷ ᠲᠤ ᠣᠴᠢᠵᠣ ᠠᠷᠪᠠᠨ ᠭᠡᠳᠣᠨ ᠦᠬᠡᠷ ᠬᠤᠳᠠᠯᠳᠣᠵᠣ᠂ ᠬᠤᠷᠢᠮ ᠤᠨ ᠪᠡᠯᠡᠳᠬᠡᠯ ᠶᠠᠭᠤᠮ᠎ᠠ᠂ ᠠᠯᠳᠠ ᠮᠦᠩᠭᠦᠨ ᠳᠣᠯᠣᠭᠠᠢ ᠶᠢᠨ ᠵᠠᠰᠠᠯ ᠵᠢᠮᠰᠡᠭ᠂ ᠱᠢᠷᠦ ᠰᠣᠪᠣᠳ᠂ ᠳᠣᠷᠭ᠎ᠠ ᠬᠤᠷᠭᠤᠢ ᠵᠡᠷᠭᠡ ᠡᠳ᠋ᠯᠡᠯ ᠭᠡᠷᠡᠭᠰᠡᠯ ᠤᠨ ᠵᠦᠢᠯ ᠪᠡᠯᠡᠳᠬᠡᠵᠦ᠂ 1946 ᠣᠨ ᠤ ᠵᠣᠨ ᠬᠤᠷᠢᠮ ᠬᠢᠵᠡᠢ᠃ ᠲᠡᠷᠡ ᠦᠶ᠎ᠡ ᠶᠢᠨ ᠬᠤᠷᠢᠮ ᠨᠢ ᠬᠠᠭᠤᠴᠢᠨ ᠮᠠᠶ᠋ᠢᠭ ᠤᠨ ᠶᠠᠷᠰᠢᠭ ᠲᠦᠪᠡᠭ ᠲᠠᠢ ᠬᠤᠷᠢᠮ ᠪᠠᠶᠢᠵᠣ᠂ ᠪᠢ ᠨᠠᠰᠣ ᠪᠠᠭ᠎ᠠ ᠪᠠᠶᠢᠭᠰᠠᠨ ᠳᠣᠯᠠ ᠨᠠᠷᠢᠨ ᠶᠠᠪᠣᠴᠠ ᠶᠢ ᠪᠦᠷ ᠮᠠᠷᠳᠠᠴᠢᠬᠠᠵᠠᠢ᠃ ᠶᠡᠭᠡ ᠲᠦᠯᠦᠪ ᠡᠷᠡᠭᠳᠡᠢ ᠡᠮᠡᠭᠳᠠᠢ ᠬᠤᠶᠠᠷ ᠳᠠᠯ᠎ᠠ ᠶᠢ ᠬᠦᠷᠭᠡᠨ ᠳᠠᠯ᠎ᠠ ᠬᠡᠣᠭᠡᠨ ᠳᠠᠯ᠎ᠠ ᠭᠡᠳᠡᠭ᠂ ᠬᠠᠮᠤᠭ ᠤᠨ ᠣᠷᠢᠳ ᠬᠦᠷᠭᠡᠨ ᠳᠠᠯ᠎ᠠ ᠠᠴᠠ ᠬᠠᠰᠢᠷ ᠳᠣᠮᠣᠭᠠᠳᠠᠢ ᠨᠣᠶᠠᠨ ᠲᠦᠰᠢᠮᠡᠳ ᠢ ᠳᠣᠮᠢᠯᠠᠵᠣ᠂ ᠭᠡᠣᠭᠡᠨ ᠤ ᠭᠡᠷ ᠲᠤ ᠣᠴᠢᠵᠣ᠂ ᠭᠡᠣᠭᠡᠨ ᠭᠤᠶᠣᠬᠤ ᠬᠠᠳᠠᠭ ᠳᠠᠯᠪᠢᠵᠣ ᠰᠦᠢ ᠪᠡᠯᠡᠭ ᠬᠦᠷᠭᠡᠳᠡᠭ᠃ ᠡᠭᠦᠨ ᠢ ᠪᠣᠯ ᠬᠠᠳᠠᠭ ᠳᠠᠯᠪᠢᠨ᠎ᠠ ᠭᠡᠳᠡᠭ᠃ ᠡᠬᠦᠨ ᠤ ᠳᠠᠷᠠᠭ᠎ᠠ᠂ ᠮᠠᠯ ᠮᠥᠩᠬᠦ ᠭᠡᠵᠣ ᠳᠠᠪᠣᠨ ᠬᠤᠰᠢᠭᠤ ᠮᠠᠯ ᠪᠠ ᠳᠣᠷᠭ᠎ᠠ ᠳᠣᠷᠳᠣᠩ ᠤᠨ ᠪᠡᠯᠡᠭ ᠪᠠᠷᠢᠳᠠᠭ᠃ ᠢᠩᠭᠢᠭᠡᠳ ᠯᠠᠮᠠᠨᠠᠷ ᠢᠶᠠᠷ ᠡᠳᠦᠷ ᠰᠣᠩᠭᠤᠭᠤᠯᠵᠣ᠂ ᠰᠢᠨ᠎ᠡ ᠬᠦᠷᠭᠡᠨ ᠨᠣᠮᠣ ᠰᠠᠭᠠᠳᠠᠭ ᠠᠭᠰᠠᠵᠣ᠂ ᠬᠡᠯᠡᠮᠦᠷᠴᠢ ᠪᠠ ᠪᠣᠰᠣᠳ ᠭᠡᠳᠦᠨ ᠬᠦᠮᠥᠨ ᠢ ᠳᠠᠭᠠᠭᠤᠯᠵᠣ᠂ ᠬᠡᠣᠬᠡᠨ ᠤ ᠭᠡᠷ ᠲᠤ ᠪᠡᠷᠢ ᠪᠠᠨ ᠠᠪᠬᠤ ᠪᠠᠷ ᠣᠴᠢᠳᠠᠭ᠃ ᠸᠠᠩ ᠨᠣᠶᠠᠳ ᠤᠨ ᠲᠦᠷᠢᠮ ᠳᠤ ᠬᠦᠷᠭᠡᠨ ᠢ ᠦᠭᠡᠷ᠎ᠡ ᠬᠦᠮᠥᠨ ᠢᠶᠠᠷ ᠣᠷᠣᠯᠠᠭᠤᠯᠵᠣ ᠣᠴᠢᠭᠤᠯᠳᠠᠭ᠃ ᠬᠡᠣᠬᠡᠨ ᠤ ᠳᠠᠯ᠎ᠠ ᠠᠴᠠ ᠦᠪᠴᠢ ᠬᠡᠷᠡᠭᠰᠡᠯ ᠲᠠᠢ ᠮᠣᠩᠭᠤᠯ ᠭᠡᠷ᠂ ᠬᠤᠪᠴᠠᠰᠣ ᠬᠤᠨᠠᠷ᠂ ᠳᠠᠪᠣᠨ ᠬᠤᠰᠢᠭᠤ ᠮᠠᠯ᠂ ᠳᠠᠭᠠᠭᠴᠢ ᠬᠡᠣᠬᠡᠨ ᠲᠠᠢ ᠢᠷᠡᠳᠡᠭ᠃ ᠬᠦᠷᠭᠡᠨ ᠨᠢ ᠬᠡᠣᠬᠡᠨ ᠤ ᠭᠡᠷ ᠲᠤ ᠢᠷᠡᠬᠦ  ᠳᠤ ᠡᠭᠦᠳᠡ ᠳᠠᠷᠣᠬᠤ ᠶᠣᠰᠣᠯᠠᠯ ᠬᠢᠵᠣ ᠭᠡᠷ ᠤᠨ ᠪᠠᠭᠠᠨ᠎ᠠ ᠪᠠᠷ ᠡᠭᠦᠳᠡ ᠪᠠᠨ ᠬᠦᠨᠳᠡᠯᠡᠨ ᠳᠠᠷᠣᠵᠣ᠂ ᠬᠤᠶᠠᠷ ᠡᠳᠡᠭᠡᠳ ᠤᠨ ᠬᠡᠯᠡᠮᠦᠷᠴᠢ ᠬᠠᠷᠢᠯᠴᠠᠨ ᠮᠠᠷᠭᠤᠯᠳᠣᠵᠣ ᠶᠠᠷᠢᠯᠴᠠᠭᠰᠠᠨ ᠤ ᠳᠠᠷᠠᠭ᠎ᠠ ᠴᠠᠢ ᠢᠳᠡᠭᠡ ᠪᠢᠷᠢᠵᠣ ᠨᠠᠶᠢᠷ ᠬᠢᠵᠣ ᠴᠣᠭᠤᠷ ᠲᠠᠢ ᠨᠠᠶᠢᠷ ᠤᠨ ᠳᠠᠭᠤᠣ ᠳᠣᠭᠤᠯᠠᠵᠣ ᠦᠩᠭᠡᠷᠡᠪᠡᠯ᠂ ᠭᠦᠷᠭᠡᠨ ᠨᠢ ︽ᠱᠠᠭ᠎ᠠ ᠮᠣᠯᠳᠣᠯᠠᠵᠣ︾ ᠪᠠᠷᠠᠪᠠᠯ᠂ ᠬᠡᠣᠬᠡᠨ ᠢᠶᠠᠨ ᠮᠣᠷᠳᠠᠭᠤᠯᠵᠣ ᠬᠦᠷᠭᠡᠨ ᠤ ᠳᠤ ᠢᠷᠡᠭᠦ ᠳᠤ ᠬᠡᠣᠬᠡᠨ ᠢ ᠡᠮᠡᠭᠡᠯ ᠲᠠᠢ ᠨᠢ ᠮᠣᠷᠢᠨ ᠳᠡᠭᠡᠷ᠎ᠡ ᠠᠴᠠ ᠨᠢ ᠡᠷᠭᠦᠨ ᠪᠠᠭᠤᠯᠭᠠᠭᠠᠳ ᠨᠢᠭᠤᠷ ᠢ ᠨᠢ ᠠᠯᠴᠢᠭᠤᠷ ᠢᠶᠠᠷ ᠪᠦᠳᠦᠭᠡᠵᠣ᠂ ᠬᠡᠯᠡᠮᠦᠷᠴᠢ ᠠᠴᠠ ᠢᠷᠦᠭᠡᠯ ᠮᠠᠭᠳᠠᠭᠠᠯ ᠣᠩᠰᠢᠵᠣ ᠪᠠᠷᠠᠭᠰᠠᠨ ᠤ ᠬᠤᠶᠢᠨ᠎ᠠ ᠬᠡᠣᠬᠡᠨ ᠢ ᠬᠦᠷᠭᠡᠨ ᠤ ᠪᠣᠷᠬᠠᠨ ᠪᠠ ᠭᠠᠯ ᠳᠤᠨᠢ ᠮᠦᠷᠭᠦᠭᠦᠯᠵᠤ᠂ ᠡᠴᠢᠭᠡ ᠡᠬᠡ  ᠳᠤᠨᠢ ᠮᠦᠷᠭᠦᠭᠦᠯᠦᠭᠡᠳ ᠪᠦᠷᠬᠦᠭᠦᠯ ᠢ ᠠᠪᠳᠠᠭ᠃ ᠭᠡᠦᠬᠡᠨ ᠶᠢᠨ ᠬᠦᠷᠭᠡᠵᠣ ᠢᠷᠡᠭᠰᠡᠨ ᠬᠦᠮᠥᠰ ᠲᠤ ᠴᠠᠢ ᠢᠳᠡᠭᠡ ᠪᠠᠷᠢᠵᠣ᠂ ᠬᠤᠶᠠᠷ ᠡᠳᠦᠷ ᠨᠠᠶᠢᠷᠠᠯᠠᠵᠠᠢ᠃ ᠬᠡᠣᠬᠡᠨ ᠳᠠᠯ᠎ᠠ ᠶᠢᠨ ᠬᠦᠮᠥᠰ ᠪᠣᠴᠠᠬᠤ ᠦᠶ᠎ᠡ ᠳᠤ ᠳᠡᠳᠡᠨ ᠳᠤ ᠪᠡᠯᠡᠭ ᠰᠡᠯᠳᠠ ᠪᠠᠷᠢᠵᠣ ᠪᠣᠴᠠᠭᠠᠳᠠᠭ᠃ ᠬᠤᠷᠢᠮ ᠨᠢ ᠶᠡᠭᠡ ᠲᠦᠯᠥᠪ ᠦᠨᠳᠣᠰᠣᠨ ᠳᠡᠭᠡᠨ ᠳᠡᠭᠦᠰᠳᠡᠭ ᠶᠤᠮ᠃ ᠲᠡᠷᠡ ᠵᠢᠯ ᠪᠢ ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠣᠳᠠᠢ᠂ ᠶᠦᠮᠴᠢᠮ᠎ᠠ ᠠᠷᠪᠡᠨ ᠨᠢᠭᠡᠨ ᠨᠠᠰᠣᠳᠠᠢ ᠪᠠᠶᠢᠭᠰᠠᠨ ᠳᠣᠯᠠ ᠲᠡᠷᠡ ᠠᠪᠤ ᠡᠵᠢ᠂ ᠠᠶᠢᠯ ᠭᠡᠷ ᠢᠶᠠᠨ ᠰᠠᠨᠠᠵᠣ ᠭᠤᠣᠯᠳᠠᠭᠤ ᠲᠦᠷᠭᠦᠮ ᠤᠨ ᠭᠡᠷ ᠲᠡᠭᠡᠨ ᠰᠠᠭᠤᠵᠣ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠶᠡᠷᠦ ᠠᠴᠠ ᠡᠪ ᠨᠠᠶᠢᠵᠠ ᠪᠠᠷ ᠪᠠᠷᠣᠭᠳᠠᠢ ᠪᠠᠶᠢᠵᠣ ᠬᠤᠵᠢᠮ ᠨᠢ 1949 ᠣᠨ ᠤ ᠦᠶ᠎ᠡ ᠪᠠᠷ ᠣᠷᠤᠭ ᠰᠠᠯᠣᠭᠰᠠᠨ ᠶᠤᠮ᠃               1946 — 1947 ᠣᠨ ᠤ ᠬᠤᠭᠤᠷᠣᠨᠳᠣ ᠠᠵᠢᠯᠯᠠᠬᠤ ᠳᠣᠭᠤᠶᠢᠯᠠᠩ ᠠᠴᠠ ᠨᠠᠮᠠᠢᠢ ᠣᠷᠢᠳ ᠬᠤᠵᠢᠳ ᠬᠤᠶᠠᠷ ᠣᠳᠠᠭ᠎ᠠ ᠰᠣᠷᠣᠯᠴᠠᠭᠤᠯᠬᠤ ᠪᠠᠷ ᠱᠠᠭᠠᠷᠳᠠᠭᠰᠠᠨ ᠪᠣᠯᠪᠠᠴᠣ ᠪᠢ᠂ ᠨᠢᠭᠡ ᠳᠤ ᠭᠡᠷ ᠤᠨ ᠠᠮᠢᠳᠣᠷᠠᠯ  ᠠᠴᠠ ᠰᠠᠯᠵᠣ ᠬᠤᠯᠠ ᠶᠠᠪᠣᠬᠤ ᠳᠣᠷ᠎ᠠ ᠦᠭᠡᠢ᠃ ᠬᠤᠶᠠᠷ ᠲᠤ᠂ ᠲᠡᠷᠡ ᠦᠶ᠎ᠡ ᠳᠤ ᠬᠤᠳᠠᠯ ᠴᠣᠣᠷᠬᠠᠯ ᠳᠡᠯᠭᠡᠷᠡᠵᠣ᠂ ᠳᠠᠶᠢᠨ ᠪᠠᠶᠢᠯᠳᠣᠭᠠᠨ᠂ ᠬᠤᠯᠠᠭᠠᠢ ᠳᠡᠭᠡᠷᠡᠮ ᠠᠷᠪᠢᠨ ᠪᠢᠭᠰᠡᠨ ᠳᠣᠯᠠ ᠳᠠᠶᠢᠨ ᠪᠠᠶᠢᠯᠳᠣᠭᠠᠨ ᠠᠴᠠ ᠠᠶᠣᠵᠣ ᠠᠷᠭ᠎ᠠ ᠪᠠᠰᠢᠷ ᠬᠡᠯᠡᠭᠡᠳ ᠣᠴᠢᠭᠰᠠᠨ ᠦᠭᠡᠢ ᠪᠢᠯᠡ᠃       1949 ᠣᠨ ᠬᠠᠪᠣᠷ᠂ ᠨᠠᠮᠠᠢᠢ ᠬᠤᠰᠢᠭᠤᠨ ᠤ ᠮᠠᠯᠴᠢᠳ  ᠤᠨ ᠬᠤᠷᠠᠯ ᠳᠤ ᠪᠠᠶᠢᠬᠤ ᠳᠤ ᠬᠠᠮᠪᠤ ᠯᠠᠮᠠ ᠬᠦᠵᠢᠭ ᠨᠢᠷᠪᠠ ᠢᠶᠠᠨ ᠶᠠᠪᠣᠭᠤᠯᠵᠣ᠂ ᠡᠵᠢ ᠶᠢᠨ ᠪᠡᠶ᠎ᠡ ᠮᠠᠭᠤ ᠭᠡᠵᠣ ᠨᠠᠳᠠᠳᠣ ᠴᠢᠯᠥᠭᠡ ᠭᠤᠶᠣᠭᠠᠳ ᠭᠡᠷ ᠲᠡᠭᠡᠨ ᠬᠠᠷᠢᠵᠣ ᠢᠷᠡᠭᠰᠡᠨ ᠳᠤ ᠡᠵᠢ ᠡᠪᠡᠳᠴᠢᠯᠡᠭᠰᠡᠨ ᠪᠢᠰᠢ᠂ ᠬᠠᠷᠢᠨ ᠬᠠᠮᠪᠤ ᠯᠠᠮᠠ ᠮᠠᠨ ᠤ ᠳᠤ ᠢᠷᠡᠭᠡᠳ᠄ ︽ᠣᠳᠣ ᠳᠡᠮᠡᠴᠡᠯ ᠤᠨ ᠬᠤᠷᠠᠯ ᠬᠢᠵᠣ᠂ ᠪᠢᠳᠠᠨ ᠢ ᠳᠡᠮᠡᠴᠡᠭᠦ ᠬᠡᠵᠣ ᠪᠠᠶᠢᠨ᠎ᠠ᠃ ᠪᠢᠳᠠᠨ ᠳᠦᠷᠭᠡᠨ ᠵᠠᠶᠢᠯᠠᠬᠤ ᠬᠡᠷᠡᠭᠳᠠᠢ︾ ᠬᠡᠵᠣ ᠬᠡᠯᠡᠭᠡᠳ ᠲᠡᠷᠡ ᠣᠷᠣᠢ ᠳᠤ ᠪᠠᠨ ᠬᠠᠮᠪᠤ ᠯᠠᠮᠠ ᠡᠬᠡ ᠲᠠᠢ ᠪᠠᠨ᠂ ᠪᠢ ᠡᠬᠡ ᠲᠠᠢ ᠪᠠᠨ᠂ ᠳᠠᠮᠴᠢ ᠯᠠᠮᠠ᠂ ᠰᠠᠬᠠᠯ ᠳᠠᠪᠬᠠᠢ᠂ ᠬᠦᠵᠢᠭ ᠨᠢᠷᠪᠠ᠂ ᠬᠦᠳᠤᠴᠢ ᠰᠠᠮᠪᠣᠣ ᠨᠠᠷ ᠢ ᠳᠠᠭᠠᠭᠤᠯᠣᠨ᠂ ᠬᠤᠶᠠᠷ ᠳᠡᠮᠡᠭᠡ ᠠᠴᠢᠶᠠᠨ ᠬᠦᠰᠭᠡ ᠲᠠᠢ ᠬᠦᠮᠪᠦᠮ ᠬᠡᠶᠢᠳ ᠲᠤ ᠮᠦᠷᠭᠦᠭᠦ ᠨᠠᠷ᠎ᠠ ᠪᠠᠷ ᠳᠡᠮᠡᠴᠡᠯ ᠤᠨ ᠶᠡᠭᠡ ᠬᠤᠷᠠᠯ  ᠠᠴᠠ ᠵᠠᠶᠢᠯᠠᠬᠤ ᠪᠠᠷ ᠨᠣᠳᠤᠭ ᠤᠨ ᠬᠤᠶᠢᠳᠣ ᠵᠠᠬ᠎ᠠ ᠳᠤ ᠬᠦᠷᠦᠭᠡᠳ ᠱᠠᠩᠵᠢ ᠶᠢ ᠳᠠᠭᠤᠳᠠᠭᠤᠯᠵᠣ ᠵᠠᠮ ᠠᠰᠠᠭᠤᠭᠰᠠᠨ ᠳᠤ ᠳᠡᠳᠡ ᠪᠢᠳᠡᠨ ᠤ ᠶᠠᠪᠣᠬᠤ ᠶᠢ ᠵᠦᠪᠰᠢᠶᠡᠷᠡᠬᠦ ᠦᠭᠡᠢ᠂ ᠪᠢᠳᠠᠨ ᠢ ᠳᠠᠭᠠᠭᠤᠯᠣᠨ ᠬᠤᠰᠢᠭᠤᠨ ᠤ ᠮᠠᠯᠴᠢᠳ ᠤᠨ ᠬᠤᠷᠠᠯ ᠳᠤ ᠭᠦᠷᠭᠡᠵᠣ ᠦᠭᠪᠡ᠃ ᠮᠠᠷᠭᠠᠰᠢ ᠨᠢ ᠪᠢᠳᠠᠨ ᠢ ᠠᠶᠢᠮᠠᠭ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠳᠣᠳᠣᠭᠠᠳᠣ ᠶᠢ ᠬᠠᠮᠠᠭᠠᠯᠠᠬᠤ ᠬᠤᠷᠢᠶᠠᠨ ᠳᠤ ᠭᠦᠷᠭᠡᠵᠠᠢ᠃ ᠡᠨᠡ ᠦᠶ᠎ᠡ ᠳᠤ ᠮᠢᠨᠣ ᠪᠣᠳᠣᠯ ᠰᠠᠨᠠᠯ ᠳᠡᠭᠡᠷ᠎ᠡ᠄ ᠪᠢ ᠪᠣᠯ ᠪᠡᠶᠢᠯᠡ ᠨᠣᠶᠠᠨ ᠤ ᠬᠡᠣᠭᠡᠳ ᠪᠦᠭᠡᠳ ᠪᠠᠰᠠ ᠨᠢᠭᠡᠨᠳᠡ ᠵᠢᠩᠰᠡ ᠵᠡᠷᠭᠡ ᠵᠠᠯᠭᠠᠮᠵᠢᠯᠠᠭᠰᠠᠨ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠳᠡᠮᠡᠴᠡᠯ ᠤᠨ ᠬᠤᠷᠠᠯ ᠠᠴᠠ ᠵᠠᠶᠢᠯᠠᠵᠣ ᠳᠣᠳᠠᠭᠠᠭᠰᠠᠨ ᠪᠣᠯᠬᠤᠷ᠂ ᠣᠳᠣ ᠴᠦ ᠳᠡᠮᠡᠴᠡᠯ ᠤᠨ ᠬᠤᠷᠠᠯ ᠳᠡᠭᠡᠷ᠎ᠡ ᠴᠢᠷᠦᠭᠳᠡᠬᠦ ᠠᠴᠠ ᠭᠡᠯᠳᠣᠷᠢᠵᠣ ᠴᠢᠳᠠᠬᠤ ᠦᠭᠡᠢ ᠪᠣᠯᠵᠠᠢ ᠬᠡᠵᠣ ᠠᠶᠣᠵᠣ ᠪᠠᠶᠢᠭᠰᠠᠨ ᠶᠤᠮ᠃ ᠳᠣᠳᠣᠭᠠᠳᠣ ᠶᠢᠨ ᠬᠤᠷᠢᠶ᠎ᠠ ᠪᠠᠳᠡᠨ ᠢ ᠳᠣᠰᠠᠭᠠᠷᠯᠠᠨ ᠰᠠᠭᠤᠯᠭᠠᠵᠣ᠂ ᠪᠠᠶᠢᠴᠠᠭᠠᠨ ᠠᠰᠠᠭᠤᠬᠤ ᠶᠢᠨ ᠬᠠᠮᠳᠣ᠂ ᠨᠠᠮ ᠤᠨ ᠲᠦᠷᠦ ᠶᠢᠨ ᠪᠣᠳᠣᠯᠭ᠎ᠠ ᠶᠢ ᠣᠬᠠᠭᠤᠯᠣᠨ ᠳᠠᠶᠢᠯᠪᠣᠷᠢᠯᠠᠵᠣ ᠳᠡᠬᠢᠨ ᠳᠡᠪᠳᠡᠨ ᠰᠣᠷᠣᠯᠴᠠᠭᠤᠯᠵᠣ ᠵᠢᠯᠣᠭᠤᠳᠣᠭᠰᠠᠨ ᠠᠴᠠ ᠪᠢ ᠠᠩᠬ᠎ᠠ ᠠᠯᠬᠤᠮ ᠤᠨ ᠵᠦᠪ ᠳᠠᠨᠢᠯᠳᠠ ᠲᠠᠢ ᠪᠣᠯᠣᠭᠰᠠᠨ ᠪᠣᠯᠪᠠᠴᠣ ᠪᠣᠳᠠᠳᠣ ᠠᠵᠢᠯ ᠬᠦᠳᠡᠯᠮᠣᠷᠢ ᠳᠤ ᠣᠷᠣᠯᠴᠠᠬᠤ  ᠶᠢᠨ ᠳᠣᠮᠳᠠ ᠴᠢᠳᠠᠬᠤ ᠦᠭᠡᠢ᠂ ᠶᠠᠳᠠᠷᠠᠵᠣ ᠵᠦᠳᠡᠷᠡᠭᠦ ᠵᠡᠷᠭᠡ ᠣᠯᠠᠨ ᠬᠦᠴᠢᠷᠳᠠᠯ ᠳᠣᠯᠭᠠᠷᠠᠵᠣ ᠪᠠᠶᠢᠵᠠᠢ᠃ ᠵᠢᠱᠢᠶᠡᠯᠡᠪᠡᠯ᠄ ᠨᠠᠮᠣᠷ ᠡᠪᠡᠰᠣ ᠬᠠᠳᠣᠬᠤ ᠳᠤ ᠪᠢ ᠰᠠᠩᠳᠣᠣ ᠪᠠᠷᠢᠵᠣ ᠴᠢᠳᠠᠬᠤ ᠦᠭᠡᠢ ᠣᠯᠠᠨ ᠠᠴᠠ ᠬᠤᠵᠢᠭᠳᠠᠵᠣ᠂ ᠡᠭᠦᠷᠭᠡ ᠪᠠᠨ ᠪᠡᠶᠡᠯᠡᠭᠦᠯᠵᠤ ᠴᠢᠳᠠᠬᠤ ᠦᠭᠡᠢ ᠵᠦᠳᠡᠷᠡᠵᠣ ᠪᠠᠶᠢᠭᠰᠠᠨ ᠵᠡᠷᠭᠡ ᠪᠣᠯᠣᠨ᠎ᠠ᠃               ᠮᠢᠨᠣ ᠳᠡᠭᠡᠷ᠎ᠡ ᠳᠣᠷᠠᠳᠣᠭᠰᠠᠨ ᠪᠠᠭ᠎ᠠ ᠨᠠᠰᠣᠨ ᠤ ᠦᠶ᠎ᠡ ᠶᠢᠨ ᠪᠣᠷᠣᠭᠤ ᠠᠵᠢᠯᠯᠠᠭ᠎ᠠ ᠨᠢ ᠨᠢᠭᠡ ᠳᠤ᠂ ᠪᠢ ᠦᠪᠡᠷ ᠶᠢᠨ ᠪᠡᠶ᠎ᠡ ᠪᠠᠷ ᠢᠶᠠᠨ ᠹᠧᠣᠳᠠᠯ ᠤᠨ ᠳᠡᠭᠡᠳᠣ ᠳᠠᠪᠬᠤᠷᠭᠠᠳᠠᠨ ᠮᠦᠨ ᠪᠦᠭᠡᠳ ᠣᠷᠴᠢᠨ ᠳᠣᠭᠤᠷᠢᠨ ᠤ ᠨᠥᠯᠦᠭᠡ ᠶᠢ ᠣᠷᠳᠣ ᠬᠤᠭᠤᠴᠠᠭ᠎ᠠ ᠪᠠᠷ ᠭᠦᠷᠳᠡᠭᠰᠡᠨ᠂ ᠨᠦᠭᠦᠭᠡ ᠳᠠᠯ᠎ᠠ ᠪᠠᠷ ᠨᠠᠰᠣ ᠪᠠᠭ᠎ᠠ ᠪᠣᠯᠬᠤᠷ ᠣᠴᠢᠷ ᠶᠠᠪᠣᠳᠠᠯ ᠢ ᠪᠡᠶ᠎ᠡ ᠪᠠᠨ ᠳᠠᠭᠠᠭᠠᠵᠣ ᠪᠣᠳᠣᠵᠣ ᠰᠡᠳᠭᠢᠬᠦ ᠴᠢᠳᠠᠪᠣᠷᠢ ᠮᠡᠭᠦᠰ ᠳᠣᠯᠠ ᠣᠷᠴᠢᠨ ᠳᠣᠭᠤᠷᠢᠨ ᠤ ᠭᠡᠭᠡᠨ ᠯᠠᠮᠠ᠂ ᠭᠡᠷ ᠤᠨ ᠠᠬᠠᠮᠠᠳ ᠤᠨ ᠦᠭᠡ ᠶᠢ ᠰᠣᠬᠤᠷ ᠪᠠᠯᠠᠢ ᠪᠠᠷ ᠳᠠᠭᠠᠳᠠᠭ ᠪᠠᠶᠢᠭᠰᠠᠨ ᠠᠴᠠ ᠪᠣᠯᠣᠭᠰᠠᠨ ᠶᠤᠮ᠃       ᠮᠥᠨ ᠣᠨ ᠤ ᠨᠠᠮᠣᠷ᠂ ᠬᠤᠰᠢᠭᠤᠨ ᠳᠠᠭᠠᠨ ᠪᠣᠴᠠᠵᠣ ᠢᠷᠡᠭᠡᠳ ᠣᠯᠠᠨ ᠲᠦᠮᠡᠨ ᠤ ᠬᠤᠷᠠᠯ ᠳᠡᠭᠡᠷ᠎ᠡ ᠪᠠᠶᠢᠴᠠᠭᠠᠯᠳᠠ ᠬᠢᠵᠣ᠂ ᠮᠠᠯ ᠬᠦᠷᠦᠩᠭᠡ ᠶᠢᠨ ᠢᠶᠠᠨ ᠭᠤᠷᠪᠠᠨ ᠤ ᠬᠤᠶᠠᠷ ᠬᠤᠪᠢ ᠶᠢ ᠣᠯᠠᠨ ᠲᠦᠮᠡᠨ ᠳᠤ ᠳᠣᠰᠢᠶᠠᠵᠣ᠂ ᠭᠡᠷ ᠲᠡᠭᠡᠨ ᠮᠠᠯ ᠮᠠᠯᠵᠢᠵᠣ ᠰᠠᠭᠤᠪᠠ᠃               1952 ᠣᠨ ᠤ ᠨᠠᠮᠣᠷ᠂ ᠰᠣᠮᠣᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠼᠤ ᠨᠠᠮᠠᠢᠢ ᠠᠶᠢᠮᠠᠭ ᠤᠨ ᠺᠠᠳᠡᠷ ᠤᠨ ᠰᠣᠷᠭᠠᠭᠤᠯᠢ ᠳᠤ ᠰᠣᠷᠣᠯᠴᠠᠭᠤᠯᠬᠤ ᠪᠠᠷ ᠶᠠᠪᠣᠭᠤᠯᠪᠠ᠃ ᠡᠨᠡ ᠨᠠᠮᠣᠷ᠂ ᠴᠠᠭ ᠤᠨ ᠪᠠᠶᠢᠳᠠᠯ ᠪᠠ ᠲᠦᠷᠦ ᠶᠢᠨ ᠪᠣᠳᠣᠯᠭ᠎ᠠ ᠰᠣᠷᠣᠯᠴᠠᠬᠤ ᠠᠴᠠ ᠭᠠᠳᠠᠨ᠎ᠠ᠂ ᠪᠠᠭ᠎ᠠ ᠰᠠᠭ᠎ᠠ ᠠᠵᠢᠯ ᠬᠦᠳᠡᠯᠮᠦᠷᠢ ᠬᠢᠵᠣ ᠪᠠᠶᠢᠵᠣ᠂ ᠡᠪᠦᠯ ᠨᠢ ᠵᠢᠩᠬᠢᠨᠢ  ᠪᠠᠷ ᠰᠣᠷᠭᠠᠭᠤᠯᠢ ᠡᠬᠢᠯᠡᠵᠣ᠂ ᠣᠯᠣᠰ ᠲᠦᠷᠦ᠂ ᠳᠡᠣᠬᠡ᠂ ᠰᠣᠶᠣᠯ ᠤᠨ ᠬᠢᠴᠢᠶᠠᠯ ᠵᠡᠷᠭᠡ ᠶᠢ ᠰᠣᠷᠣᠯᠴᠠᠪᠠ᠃ ᠰᠣᠷᠭᠠᠭᠴᠢ ᠨᠢ᠄ ᠵᠠᠯᠹᠦᠨ᠂ ᠵᠢᠭᠵᠢ᠂ ᠪᠠᠯᠳᠠᠰᠦ᠋ᠬᠡ᠂ ᠳᠣᠷᠵᠢ ᠨᠠᠷ ᠪᠠᠶᠢᠵᠠᠢ᠃ 1953 ᠣᠨ ᠤ ᠵᠣᠨ᠂ ᠮᠠᠨ ᠤ ᠷᠠᠳᠡᠷ ᠤᠨ ᠰᠣᠷᠭᠠᠭᠤᠯᠢ ᠶᠢᠨ ᠶᠡᠬᠡᠩᠬᠢ ᠰᠣᠷᠣᠭᠴᠢᠳ ᠢ ᠠᠶᠢᠮᠠᠭ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠨᠡᠶᠢᠳᠡ ᠶᠢᠨ ᠰᠣᠩᠭᠤᠭᠤᠯᠢ ᠶᠢᠨ ᠠᠵᠢᠯᠯᠠᠬᠤ ᠪᠦᠯᠬᠦᠮ ᠳᠤ ᠣᠷᠣᠯᠴᠠᠭᠤᠯᠵᠣ᠂ ᠡᠯ᠎ᠡ ᠬᠤᠰᠢᠭᠤᠨ ᠳᠤ ᠪᠠᠭᠤᠵᠣ ᠠᠵᠢᠯᠯᠠᠭᠤᠯᠣᠭᠰᠠᠨ ᠶᠤᠮ᠃ ᠪᠢ ᠵᠡᠭᠦᠨ ᠬᠤᠯᠪᠣᠭᠠᠳᠣ ᠬᠤᠰᠢᠭᠠᠨ ᠳᠤ ᠠᠵᠢᠯᠯᠠᠬᠤ ᠪᠠᠷ ᠬᠤᠪᠢᠶᠠᠭᠳᠠᠵᠣ᠂ ᠬᠤᠰᠢᠭᠤᠨ ᠠᠴᠠ ᠭᠤᠷᠪᠠᠳᠣᠭᠠᠷ ᠰᠣᠮᠣᠨ ᠳᠤ ︵ᠬᠠᠭᠠᠯᠭ᠎ᠠ ᠰᠦᠮ᠎ᠡ︶ ᠳᠤ ᠪᠠᠭᠤᠵᠣ ᠨᠡᠶᠢᠭᠡᠮ ᠤᠨ ᠪᠠᠶᠢᠴᠠᠭᠠᠯᠳᠡ᠂ ᠨᠡᠶᠢᠳᠡ ᠶᠢᠨ ᠰᠣᠩᠭᠤᠭᠤᠯᠢ ᠶᠢᠨ ᠳᠣᠬᠠᠢ ᠰᠣᠷᠳᠠᠯ ᠣᠬᠠᠭᠤᠯᠭ᠎ᠠ ᠶᠢᠨ ᠠᠵᠢᠯ ᠢ ᠬᠠᠮᠳᠣᠷᠠᠭᠤᠯᠣᠨ ᠠᠶᠢᠯ ᠡᠷᠦᠬᠡ᠂ ᠬᠤᠳᠠ ᠰᠦᠷᠦᠭ ᠳᠠᠷᠠᠭᠠᠯᠠᠨ ᠬᠢᠵᠣ᠂ ᠰᠣᠮᠣᠨ ᠤ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢᠳ ᠶᠢᠨ ᠵᠢᠱᠢᠭᠰᠡᠳ ᠤᠨ ᠨᠠᠷᠠᠰ ᠢ ᠶᠠᠷᠢᠯᠴᠠᠭᠤᠯᠵᠣ᠂ ᠲᠦᠯᠦᠭᠡᠯᠡᠭᠴᠢ ᠪᠠᠨ ᠰᠣᠩᠭᠤᠵᠣ ᠰᠣᠮᠣᠨ ᠤ ᠠᠷᠡᠳ ᠤᠨ ᠲᠦᠯᠥᠭᠡᠯᠡᠭᠴᠢᠳ ᠤᠨ ᠬᠤᠷᠠᠯ ᠬᠢᠵᠣ ᠰᠣᠮᠣᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠢ ᠰᠣᠩᠭᠤᠬᠤ ᠠᠵᠢᠯ ᠳᠤ ᠣᠷᠣᠯᠴᠠᠭᠰᠠᠨ ᠪᠠᠶᠢᠨ᠎ᠠ᠃ ᠰᠣᠮᠣᠨ ᠤ ᠨᠡᠶᠢᠳᠡ ᠶᠢᠨ ᠰᠣᠩᠭᠤᠭᠤᠯᠢ ᠶᠢᠨ ᠠᠵᠢᠯ ᠳᠡᠭᠦᠰᠦᠭᠰᠡᠨ ᠤ ᠳᠠᠷᠠᠭ᠎ᠠ ᠠᠵᠢᠯᠯᠠᠬᠤ ᠳᠣᠭᠤᠶᠢᠯᠠᠩ ᠬᠤᠰᠢᠭᠤᠨ ᠳᠤ ᠪᠣᠴᠠᠵᠣ᠂ ᠮᠠᠨ ᠤ ᠰᠣᠷᠣᠭᠴᠢᠳ ᠤᠨ ᠶᠡᠬᠡᠩᠭᠢ ᠶᠢ ᠠᠶᠢᠮᠠᠭ ᠲᠤ ᠪᠣᠴᠠᠭᠠᠵᠣ᠂ ᠪᠢᠳᠠ ᠠᠷᠪᠠᠨ ᠰᠣᠷᠣᠭᠴᠢ ᠶᠢ ᠦᠯᠡᠳᠡᠭᠡᠵᠣ᠂ ᠬᠤᠰᠢᠭᠤᠨ ᠤ ᠨᠡᠶᠢᠳᠡ ᠶᠢᠨ ᠰᠣᠩᠭᠤᠭᠤᠯᠢ ᠶᠢᠨ ᠠᠵᠢᠯ ᠪᠠ ᠨᠡᠶᠢᠭᠡᠮ ᠤᠨ ᠪᠠᠶᠢᠴᠠᠭᠠᠯᠳᠠ ᠶᠢᠨ ᠳ᠋ᠦᠩᠨᠡᠯᠳᠡ ᠶᠢᠨ ᠠᠵᠢᠯ ᠢ ᠬᠠᠪᠰᠣᠷᠣᠭᠤᠯᠵᠣ᠂ ᠠᠷᠪᠡᠨ ᠨᠢᠭᠡᠨ ᠰᠠᠷ᠎ᠠ ᠶᠢᠨ ᠦᠶ᠎ᠡ ᠪᠠᠷ ᠰᠣᠷᠭᠤᠭᠤᠯᠢ ᠳᠤ ᠪᠣᠴᠠᠵᠣ᠂ ᠬᠤᠶᠠᠷ ᠭᠤᠷᠪᠠᠨ ᠰᠠᠷ᠎ᠠ ᠶᠢᠨ ᠰᠣᠷᠣᠯᠴᠠᠯᠭ᠎ᠠ ᠪᠠ ᠬᠢᠨᠡᠨ ᠳᠣᠭᠳᠠᠭᠠᠯ ᠭᠡᠵᠠᠢ᠃ ᠪᠢ ᠡᠨᠡ ᠣᠳᠠᠭ᠎ᠠ ᠶᠢᠨ ᠬᠤᠶᠠᠷ ᠵᠢᠯ ᠰᠢᠬᠠᠮ ᠤᠨ ᠣᠨᠣᠯ ᠤᠨ ᠰᠣᠷᠣᠯᠴᠠᠯᠭ᠎ᠠ ᠶᠢ ᠳᠡᠮᠵᠢᠵᠣ᠂ ᠦᠵᠡᠯ ᠰᠠᠨᠠᠭᠠᠨ ᠤ ᠳᠠᠯᠠᠪᠠᠷ ᠮᠥᠯᠵᠢᠭᠴᠢ ᠠᠩᠬᠢ ᠶᠢᠨ ᠭᠡᠷ ᠤᠨ ᠭᠠᠷᠣᠯ ᠲᠠᠢ ᠵᠠᠭᠠᠭ ᠢᠶᠠᠨ ᠢᠯᠭᠠᠵᠣ ᠬᠤᠪᠢᠰᠬᠠᠯ ᠤᠨ ᠦᠢᠯᠡᠰ ᠲᠤ ᠵᠢᠳᠬᠦᠬᠦ ᠪᠠᠷ ᠵᠣᠷᠢᠭ ᠰᠢᠭᠤᠳᠴᠠᠢ᠃               1954 ᠣᠨ ᠤ ᠨᠢᠭᠡ ᠰᠠᠷ᠎ᠠ ᠳᠤ ᠮᠠᠨ ᠤ ᠰᠣᠷᠭᠠᠭᠤᠯᠢ ᠶᠢᠨ ᠡᠨᠡ ᠬᠤᠭᠤᠴᠠᠭᠠᠨ ᠤ ᠨᠢᠭᠡ ᠭᠡᠰᠡᠭ ᠰᠣᠷᠣᠭᠴᠢᠳ ᠰᠣᠷᠣᠯᠴᠠᠬᠤ ᠡᠭᠦᠷᠭᠡ ᠪᠠᠨ ᠠᠮᠵᠢᠯᠳᠠ ᠲᠠᠢ ᠪᠠᠷ ᠪᠡᠶᠡᠯᠡᠭᠦᠯᠵᠣ᠂ ᠰᠣᠷᠭᠠᠭᠤᠯᠢ ᠳᠡᠭᠦᠰᠭᠦ ᠶᠣᠰᠣᠯᠠᠯ ᠶᠠᠪᠣᠭᠤᠯᠵᠣ ᠠᠵᠢᠯ ᠬᠤᠪᠢᠶᠠᠭᠰᠠᠨ ᠶᠤᠮ᠃ ᠪᠢᠳᠡ ᠠᠷᠪᠡᠨ ᠬᠦᠮᠥᠨ ᠢ ᠠᠶᠢᠮᠠᠭ ᠤᠨ ᠠᠷᠠᠯᠵᠢᠶᠠᠨ ᠤ ᠺᠣᠮᠫᠠᠨᠢ ︵ᠬᠦᠩᠰᠧ︶ ᠳᠤ ᠬᠤᠪᠢᠶᠠᠵᠤ᠂ ᠪᠢ ᠳᠡᠯᠭᠡᠭᠦᠷ ᠤᠨ ᠬᠤᠯᠢᠰᠢᠨ ᠢᠳᠡᠭᠡᠨ ᠤ ᠳᠣᠭᠤᠶᠢᠯᠠᠩ ᠳᠤ ᠠᠵᠢᠯᠯᠠᠵᠣ ᠪᠠᠶᠢᠵᠠᠢ᠃ ᠲᠡᠷᠡ ᠦᠶ᠎ᠡ ᠶᠢᠨ ᠠᠷᠠᠯᠵᠢᠶᠠᠨ ᠤ ᠪᠠᠶᠢᠭᠤᠯᠭ᠎ᠠ ᠶᠢᠨ ᠠᠵᠢᠯᠴᠢᠨ᠂ ᠠᠵᠢᠯᠳᠠᠨ ᠶᠡᠬᠡᠩᠬᠢ ᠨᠢ ᠴᠦᠮ ᠬᠢᠳᠠᠳ ᠨᠦᠬᠦᠳ ᠪᠦᠭᠡᠳ ᠠᠯᠢᠪᠠ ᠳᠠᠩᠰᠠ ᠡᠪᠬᠡᠮᠡᠯ᠂ ᠢᠯᠡᠳᠭᠡᠯ ᠬᠦᠰᠦᠨᠦᠭᠳᠣ᠂ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠴᠦᠮ ᠬᠢᠳᠠᠳ ᠦᠰᠦᠭ ᠪᠢᠴᠢᠭ ᠢᠶᠠᠷ ᠪᠢᠴᠢᠬᠦ ᠪᠣᠶᠣ ᠳᠡᠮᠳᠡᠭᠯᠡᠵᠣ ᠪᠠᠶᠢᠭᠰᠠᠨ ᠶᠤᠮ᠃ ᠭᠡᠳᠡᠯ᠎ᠡ ᠪᠢ ᠭᠢᠳᠡᠳ ᠬᠡᠯ᠎ᠡ ᠪᠢᠴᠢᠭ ᠮᠠᠳᠡᠬᠦ ᠦᠭᠡᠢ᠂ ᠨᠢᠳᠣ ᠪᠠᠶᠢᠭᠠᠳ ᠰᠣᠬᠤᠷ᠂ ᠴᠢᠬᠢ ᠪᠠᠶᠢᠭᠠᠳ ᠲᠦᠯᠡᠢ ᠰᠢᠭ ᠬᠦᠴᠢᠷᠳᠡᠵᠣ ᠪᠠᠶᠢᠭᠰᠠᠨ ᠳᠣᠯᠠ ᠡᠨᠡ ᠠᠵᠢᠯ  ᠢ ᠬᠢᠵᠤ ᠴᠢᠳᠠᠬᠤ ᠦᠭᠡᠢ ᠭᠡᠰᠡᠨ ᠲᠦᠷᠦᠭᠳᠠᠯ ᠣᠷᠣᠵᠣ ᠪᠠᠶᠢᠭᠰᠠᠨ ᠶᠤᠮ᠃ ᠭᠡᠪᠡᠴᠣ ᠪᠢ ᠬᠤᠪᠢᠰᠬᠠᠯ ᠤᠨ ᠣᠨᠣᠯ  ᠢ ᠰᠣᠷᠣᠯᠴᠠᠵᠣ ᠬᠤᠶᠢᠰᠢᠳᠠ ᠶᠢᠨ ᠠᠵᠢᠯ ᠳᠠᠭᠠᠨ ᠨᠠᠮ ᠪᠠ ᠵᠣᠬᠢᠶᠠᠨ ᠪᠠᠶᠢᠭᠤᠯᠣᠯᠳᠠ ᠶᠢᠨ ᠠᠵᠢᠯ ᠤᠨ ᠬᠤᠪᠢᠶᠠᠷᠠᠯᠠᠯᠳᠠ ᠶᠢ ᠳᠠᠭᠤᠵᠣ᠂ ᠠᠯᠢᠪᠠ ᠬᠦᠴᠢᠷ ᠪᠡᠷᠬᠡᠰᠢᠶᠠᠯ ᠢ ᠢᠯᠠᠨ ᠳᠠᠪᠠᠵᠣ ᠠᠷᠠᠳ ᠲᠦᠮᠡᠨ ᠤ ᠲᠦᠯᠥᠭᠡ ᠵᠢᠳᠬᠦᠨ᠎ᠠ ᠬᠡᠵᠣ ᠢᠯᠡᠳᠭᠡᠭᠰᠡᠨ ᠢᠶᠠᠨ ᠡᠷᠭᠢᠴᠡᠭᠦᠯᠥᠨ ᠪᠣᠳᠣᠵᠣ ᠦᠵᠡᠭᠡᠳ ᠨᠢᠳᠣᠨ ᠡᠮᠣᠨᠡᠬᠢ ᠬᠢᠳᠡᠳ ᠬᠡᠯᠡ ᠪᠢᠴᠢᠭ ᠮᠡᠳᠡᠭᠦ ᠦᠭᠡᠢ ᠬᠦᠴᠢᠷᠳᠠᠯ ᠢ ᠢᠯᠠᠨ ᠳᠠᠪᠠᠭ᠋ᠣ ᠪᠠᠷ ᠡᠷᠡᠰ ᠳᠠᠰᠣᠷᠬᠠᠢ ᠵᠣᠷᠢᠭ ᠰᠢᠭᠤᠳᠴᠣ᠂ ᠠᠵᠢᠯ ᠤᠨ ᠳᠣᠮᠳᠠ ᠨᠢᠭᠡ ᠳᠠᠯ᠎ᠠ ᠪᠠᠷ ᠬᠢᠳᠡᠳ ᠨᠦᠬᠦᠳ ᠢ ᠲᠠᠭᠠᠨ ᠰᠣᠷᠴᠤ᠂ ᠨᠦᠬᠦᠭᠡ ᠳᠠᠯ᠎ᠠ ᠪᠠᠷ ᠴᠢᠯᠥᠭᠡ ᠴᠠᠭ ᠢ ᠠᠰᠢᠭᠯᠠᠵᠣ᠂ ᠳᠣᠰᠬᠠᠢ ᠠᠵᠢᠯ ᠤᠨ ᠮᠡᠳᠡᠯᠭᠡ ᠪᠠ ᠬᠢᠳᠠᠳ ᠬᠡᠯ᠎ᠡ ᠪᠢᠴᠢᠭ ᠢ ᠴᠢᠷᠮᠠᠶᠢᠨ ᠰᠣᠷᠣᠯᠴᠠᠭᠰᠠᠨ ᠠᠴᠠ ᠣᠬᠤᠷ ᠬᠤᠭᠤᠴᠠᠭᠠᠨ ᠳᠤ ᠳᠣᠰ ᠳᠣᠭᠤᠶᠢᠯᠠᠩ ᠤᠨ ᠳᠠᠸᠠᠷ ᠤᠨ ᠨᠠᠷᠠᠰ ᠢ ᠭᠢᠳᠡᠳ ᠦᠰᠦᠭ ᠢᠶᠠᠷ ᠪᠢᠴᠢᠵᠣ᠂ ᠬᠢᠳᠡᠳ ᠬᠡᠯ᠎ᠡ ᠪᠠᠷ ᠠᠷᠠᠯᠵᠢᠶ᠎ᠠ ᠬᠢᠵᠣ ᠴᠢᠳᠠᠬᠤ ᠪᠣᠯᠵᠣ ᠠᠩᠬ᠎ᠠ ᠠᠯᠬᠤᠮ ᠤᠨ ᠳᠣᠰᠬᠠᠢ ᠠᠵᠢᠯ ᠤᠨ ᠮᠡᠳᠡᠯᠭᠡ ᠶᠢ ᠡᠵᠡᠮᠰᠢᠵᠣ ᠦᠨᠳᠣᠰᠣᠨ ᠳᠡᠭᠡᠨ ᠪᠡᠶ᠎ᠡ ᠪᠠᠨ ᠳᠠᠭᠠᠭᠠᠨ ᠠᠵᠢᠯᠯᠠᠵᠣ ᠴᠢᠳᠠᠬᠤ ᠪᠣᠯᠵᠠᠢ᠃               1956 ᠣᠨ ᠤ ᠨᠢᠭᠡ ᠰᠠᠷ᠎ᠠ ᠪᠣᠯᠬᠤ ᠳᠤ ᠬᠦᠩᠰᠧ ᠶᠢᠨ ᠣᠳᠣᠷᠢᠳᠣᠯᠭ᠎ᠠ ᠠᠴᠠ᠄ ︽ᠵᠢᠨᠢᠩ ᠡᠷᠢᠶᠡᠨ  ᠤ ᠳᠡᠮᠣᠷ ᠵᠠᠮ ᠨᠠᠪᠳᠠᠷᠠᠵᠣ᠂ ᠡᠷᠢᠶᠡᠨ ᠳᠤ ᠬᠤᠳᠠᠯᠳᠣᠭᠠᠨ ᠤ ᠵᠣᠭᠢᠶᠠᠠ ᠪᠠᠶᠢᠭᠤᠯᠣᠯᠳᠠ ᠦᠭᠡᠢ ᠳᠣᠯᠠ ᠰᠦᠩ ᠶᠠ ᠵᠦᠨ ︵ᠬᠢᠳᠡᠳ ᠦᠨᠳᠣᠰᠣᠳᠠᠨ᠂ ᠣᠳᠣ ᠵᠡᠭᠦᠨ ᠰᠦᠨᠢᠳ ᠲᠤ ᠪᠠᠶᠢᠨ᠎ᠠ︶ ᠲᠠ ᠬᠤᠶᠠᠷ ᠢ ᠡᠷᠢᠶᠡᠨ ᠳᠤ ᠣᠴᠢᠭᠤᠯᠵᠣ ᠠᠷᠠᠯᠵᠢᠶᠠᠨ ᠤ ᠳᠣᠭᠤᠶᠢᠯᠠᠩ ᠪᠠᠶᠢᠭᠤᠯᠣᠨ᠎ᠠ᠃ ᠳᠡᠨᠳᠡᠬᠢ ᠶᠢᠨ ᠪᠠᠶᠢᠳᠠᠯ ᠪᠣᠯ ᠭᠡᠷ ᠪᠠᠶᠢᠰᠢᠩ ᠦᠭᠡᠢ ᠪᠡᠯᠡᠳᠬᠡᠯ ᠤᠨ ᠳᠠᠯ᠎ᠠ ᠪᠠᠷ ᠬᠦᠴᠢᠷ ᠲᠠᠢ ᠪᠠᠶᠢᠬᠤ ᠳᠣᠯᠠ ᠲᠠ ᠬᠤᠶᠠᠷ ᠠᠷᠭ᠎ᠠ ᠬᠡᠮᠵᠢᠶ᠎ᠡ ᠠᠪᠴᠣ᠂ ᠬᠦᠴᠢᠷ ᠪᠡᠷᠬᠡᠰᠢᠶᠠᠯ ᠢ ᠳᠡᠰᠪᠦᠷᠢᠯᠡᠵᠣ᠂ ᠲᠡᠮᠦᠷ ᠵᠠᠮ ᠤᠨ ᠠᠵᠢᠯᠴᠢᠨ ᠤ ᠡᠳᠦᠷ ᠳᠣᠳᠣᠮ ᠤᠨ ᠠᠮᠢᠳᠣᠷᠠᠯ᠂ ᠦᠢᠯᠡᠳᠪᠦᠷᠢᠯᠡᠯ  ᠤᠨ ᠪᠠᠭᠠᠵᠢ ᠭᠡᠷᠡᠭᠰᠡᠯ ᠢ ᠬᠠᠩᠭᠠᠬᠤ ᠠᠵᠢᠯ ᠢ ᠰᠠᠶᠢᠳᠣᠷ ᠬᠢᠬᠦ ᠭᠡᠷᠡᠭᠳᠡᠢ︾ ᠬᠡᠵᠠᠢ᠃ ᠪᠢᠳᠠ ᠬᠤᠶᠠᠷ ᠰᠠᠶᠢᠬᠠᠨᠳᠠᠯ᠎ᠠ ᠳᠠᠮᠵᠢᠵᠣ ᠡᠷᠢᠶᠡᠨ ᠳᠤ ᠭᠦᠷᠦᠭᠡᠳ᠂ ᠲᠡᠮᠣᠷ ᠵᠠᠮ ᠤᠨ ᠪᠠᠭ᠎ᠠ ᠰᠣᠷᠭᠠᠭᠤᠯᠢ ᠶᠢᠨ ᠬᠢᠴᠢᠶᠠᠯ ᠤᠨ ᠭᠡᠷ ᠢ ᠲᠦᠷ ᠵᠢᠭᠡᠯᠡᠵᠣ ᠠᠷᠠᠯᠵᠢᠶ᠎ᠠ ᠪᠠᠨ ᠡᠬᠢᠯᠡᠪᠡ᠃ ᠪᠢᠳᠠ ᠬᠤᠶᠠᠷ ᠰᠠᠭᠤᠬᠤ ᠭᠡᠷ ᠦᠭᠡᠢ ᠳᠡᠯᠭᠡᠭᠦᠷ ᠲᠤ ᠪᠠᠨ ᠣᠨᠳᠠᠵᠣ ᠪᠠᠶᠢᠵᠠᠢ᠃ ᠰᠣᠷᠭᠠᠭᠤᠯᠢ ᠡᠬᠢᠯᠡᠵᠣ ᠪᠠᠶᠢᠰᠢᠩ ᠢᠶᠠᠨ ᠡᠭᠡᠭᠦᠯᠥᠨ ᠠᠪᠬᠤ ᠪᠣᠯᠣᠭᠰᠠᠨ ᠳᠣᠯᠠ ᠪᠢᠳᠠ ᠴᠢᠭᠢᠷᠠᠰᠣᠨ ᠫᠧᠩ ᠳᠤ ᠠᠷᠠᠯᠵᠢᠶ᠎ᠠ ᠪᠠᠨ ᠬᠢᠵᠣ ᠪᠠᠶᠢᠵᠠᠢ᠃ ᠡᠨᠡ ᠦᠶ᠎ᠡ ᠳᠤ ᠰᠦᠩ ᠶᠠ ᠵᠦᠨ ᠰᠢᠯᠵᠢᠵᠣ᠂ ᠣᠷᠣᠨ ᠲᠤᠨᠢ ᠵᠧᠩ ᠬᠦᠸᠧ ᠿᠧᠨ ᠨᠦᠬᠦᠷ ︵ᠬᠢᠳᠡᠳ ᠦᠨᠳᠣᠰᠣᠳᠠᠨ ᠣᠳᠣ ᠡᠷᠢᠶᠡᠨ ᠳᠤ ᠪᠠᠶᠢᠨ᠎ᠠ︶ ᠢᠷᠡᠵᠣ ᠪᠠᠰᠠ ᠨᠢᠭᠡ ᠮᠠᠨᠠᠭᠠᠨ ᠤ ᠬᠦᠮᠥᠨ ᠨᠡᠮᠡᠭᠳᠡᠵᠣ ᠭᠤᠷᠪᠠᠭᠤᠯᠠ ᠪᠣᠯᠵᠠᠢ᠃ ᠡᠷᠢᠶᠡᠨ ᠪᠣᠯ ᠣᠯᠣᠰ ᠤᠨ ᠬᠤᠭᠤᠷᠣᠨᠳᠡᠭᠢ ᠵᠠᠮ ᠨᠡᠪᠳᠡᠷᠡᠯᠬᠡ ᠶᠢᠨ ᠴᠢᠬᠤᠯᠠ ᠪᠣᠭᠤᠮᠳᠠ ᠳᠣᠯᠠ ᠣᠯᠣᠰ ᠤᠨ ᠬᠤᠭᠤᠷᠣᠨᠳᠡᠬᠢ ᠰᠢᠣᠳᠠᠨ ᠬᠤᠯᠪᠣᠭᠠᠴᠢᠨ᠂ ᠭᠠᠳᠠᠭᠠᠳᠣ ᠶᠢᠨ ᠮᠡᠷᠭᠡᠵᠢᠯᠳᠡᠨ᠂ ᠠᠶᠠᠨᠴᠢᠨ᠂ ᠵᠦᠪᠯᠡᠯᠳᠣ ᠮᠣᠩᠭᠤᠯ ᠤᠨ ᠳᠡᠮᠥᠷ ᠵᠠᠮ᠂ ᠰᠢᠣᠳᠡᠨ ᠬᠤᠯᠪᠣᠭᠠᠨ ᠤ ᠠᠵᠢᠯᠴᠢᠨ᠂ ᠠᠵᠢᠯᠳᠠᠨ ᠡᠳᠦᠷ ᠪᠦᠷᠢ ᠶᠠᠪᠣᠯᠴᠠᠵᠣ ᠪᠠᠶᠢᠳᠠᠭ ᠪᠣᠯᠬᠤᠷ ᠭᠠᠳᠠᠭᠠᠳᠣ ᠲᠠᠢ ᠡᠳᠦᠷ ᠳᠣᠳᠣᠮ ᠬᠠᠷᠢᠯᠴᠠᠳᠠᠭ ᠳᠡᠯᠭᠡᠭᠦᠷ  ᠤᠨ ᠬᠤᠳᠠᠯᠳᠣᠭᠴᠢ᠂ ᠰᠢᠣᠳᠡᠨ ᠬᠤᠯᠪᠣᠭ᠎ᠠ᠂ ᠲᠡᠮᠦᠷ ᠵᠠᠮ ᠤᠨ ᠦᠢᠯᠡᠴᠢᠯᠡᠭᠴᠢᠳ ᠤᠨ ᠵᠠᠩ ᠣᠪᠣᠷ᠂ ᠦᠭᠡ ᠶᠡᠷᠢᠶ᠎ᠡ᠂ ᠦᠢᠯᠡᠴᠢᠯᠡᠬᠦ ᠴᠢᠨᠠᠷ ᠤᠨ ᠰᠠᠶᠢᠨ ᠪᠠ ᠮᠠᠭᠤ ᠨᠢ ᠣᠯᠣᠰ ᠣᠷᠣᠨ ᠤ ᠪᠠᠨ ᠨᠡᠷ᠎ᠡ ᠬᠦᠨᠳᠣ ᠳᠤ ᠰᠢᠭᠤᠳ ᠨᠢᠯᠦᠬᠡ ᠪᠣᠯᠳᠠᠭ ᠳᠣᠯᠠ ᠣᠳᠣᠷᠢᠳᠣᠯᠭ᠎ᠠ ᠠᠴᠠ᠄ ︽ᠳᠠᠨ ᠨᠠᠷ ᠤᠨ ᠦᠬᠡ ᠶᠠᠷᠢᠶ᠎ᠡ ᠦᠢᠯ᠎ᠡ ᠬᠦᠳᠡᠯᠥᠯ ᠣᠯᠣᠰ ᠣᠷᠣᠨ ᠤ ᠨᠡᠷ᠎ᠡ ᠬᠦᠨᠳᠣ ᠶᠢ ᠲᠦᠯᠥᠭᠡᠯᠡᠵᠣ ᠪᠠᠶᠢᠬᠤ ᠴᠢᠬᠤᠯᠠ ᠠᠭᠤᠯᠭ᠎ᠠ ᠲᠠᠢ ᠳᠣᠯᠠ ᠦᠢᠯᠡᠴᠢᠯᠡᠭᠦ ᠣᠪᠣᠷ ᠪᠠ ᠴᠢᠨᠠᠷ ᠢᠶᠠᠨ ᠳᠠᠰᠣᠷᠠᠯ ᠦᠭᠡᠢ ᠳᠡᠭᠡᠭᠰᠢᠯᠡᠬᠦᠯᠵᠣ᠂ ᠵᠣᠴᠢᠳ ᠲᠤ ᠭᠦᠳᠡᠯᠥᠩᠬᠦᠢ᠂ ᠡᠶᠡᠯᠳᠡᠭ ᠬᠦᠩᠭᠡᠮᠰᠦᠭ ᠢᠶᠠᠷ ᠦᠢᠯᠡᠴᠢᠯᠡᠬᠦ ᠬᠡᠷᠡᠭᠳᠠᠢ︾ ᠬᠡᠵᠣ ᠴᠠᠭ ᠢᠮᠠᠭᠳᠠ ᠰᠣᠷᠭᠠᠳᠠᠭ ᠪᠦᠭᠡᠳ ᠪᠢᠳᠠᠨ ᠳᠤ ᠭᠠᠳᠠᠭᠠᠳᠣ ᠲᠠᠢ ᠬᠠᠷᠢᠯᠴᠠᠬᠤ ᠳᠣᠰᠬᠠᠢ ᠮᠡᠳᠡᠯᠬᠡ ᠶᠢᠨ ᠳᠣᠬᠠᠢ ᠮᠠᠳᠡᠭᠦᠯᠥᠯᠳᠡ ᠬᠢᠵᠣ ᠰᠣᠷᠣᠯᠴᠠᠭᠤᠯᠳᠠᠭ ᠪᠠᠶᠢᠵᠠᠢ᠃               1958 ᠣᠨ ᠳᠤ᠂ ᠡᠷᠢᠶᠡᠨ ᠬᠤᠳᠠ ᠶᠢᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠠᠵᠣ ᠦᠢᠯᠡᠳᠪᠦᠷᠢ ᠶᠢᠨ ᠰᠠᠯᠠᠭ᠎ᠠ ᠪᠠᠶᠢᠭᠤᠯᠵᠣ᠂ ᠨᠠᠮᠠᠢᠢ ᠳᠣᠰ ᠰᠠᠯᠠᠭᠠᠨ ᠳᠤ ᠰᠢᠯᠵᠢᠭᠦᠯᠵᠣ᠂ ᠲᠡᠮᠦᠷ ᠤᠨ ᠠᠭᠤᠷᠬᠠᠢ ᠶᠢᠨ ᠪᠠᠭᠠᠵᠣ ᠭᠡᠷᠡᠭᠰᠡᠯ ᠣᠷᠣᠭᠤᠯᠬᠤ᠂ ᠠᠵᠢᠯᠴᠢᠨ ᠡᠯᠰᠡᠬᠦ ᠵᠡᠷᠭᠡ ᠠᠵᠢᠯ ᠢ ᠬᠢᠵᠣ᠂ ᠡᠨᠡ ᠡᠪᠦᠯ ᠨᠢ ᠡᠷᠢᠶᠡᠨ ᠬᠤᠳᠠ ᠠᠴᠠ ᠡᠷᠬᠢᠯᠡᠭᠰᠡᠨ ᠴᠠᠭᠠᠨ ᠰᠦᠮ᠎ᠡ ᠶᠢᠨ ᠡᠮᠥᠨᠡᠬᠢ ᠵᠣᠩᠰᠢ ᠶᠢᠨ ᠠᠭᠤᠷᠬᠠᠢ ᠶᠢ ᠬᠠᠷᠢᠭᠤᠴᠠᠵᠣ ᠪᠠᠶᠢᠪᠠ᠃               1959 ᠣᠨ ᠳᠤ ᠮᠠᠯᠵᠢᠬᠤ ᠣᠷᠣᠨ ᠳᠤ ᠬᠠᠩᠭᠤᠨ ᠪᠣᠷᠣᠯᠠᠭᠤᠯᠬᠤ ᠬᠤᠷᠰᠢᠶ᠎ᠠ ᠶᠢ ᠰᠡᠷᠭᠦᠭᠡᠭᠰᠡᠨ ᠶᠤᠮ ᠃ ᠨᠠᠮᠠᠢᠢ ᠡᠷᠢᠶᠡᠨᠨᠠᠭᠤᠷ ᠨᠢᠭᠡᠳᠣᠯ ᠤᠨ ᠬᠠᠩᠭᠠᠨ ᠪᠣᠷᠣᠯᠠᠭᠤᠯᠬᠤ ᠬᠤᠷᠰᠢᠶᠠᠨ ᠤ ᠳᠡᠳ᠋ ᠡᠷᠬᠢᠯᠡᠭᠴᠢ ᠪᠠᠷ ᠳᠣᠮᠢᠯᠠᠵᠠᠢ᠃ ᠡᠨᠡ ᠦᠶ᠎ᠡ ᠳᠤ ᠪᠢ ᠨᠢᠭᠡᠨᠳᠡ ᠭᠤᠴᠢ ᠭᠠᠷᠣᠢ ᠨᠠᠰᠣᠯᠠᠭᠰᠠᠨ ᠪᠣᠯᠪᠠᠴᠣ ᠠᠶᠢᠯ ᠭᠡᠷ ᠪᠣᠯᠣᠭᠠᠳᠣᠢ ᠪᠠᠶᠢᠭᠰᠠᠨ ᠳᠣᠯᠠ ᠣᠳᠣᠷᠢᠳᠣᠯᠭ᠎ᠠ ᠪᠠ ᠨᠦᠬᠦᠳ ᠨᠠᠷ ᠮᠢᠨᠣ ᠬᠤᠪᠢᠨ ᠤ ᠠᠰᠠᠭᠤᠳᠠᠯ ᠳᠤ ᠰᠡᠳᠬᠢᠯ ᠳᠠᠯᠪᠢᠵᠣ ᠪᠠᠶᠢᠵᠠᠢ᠃ ᠲᠡᠷᠡ ᠦᠶ᠎ᠡ ᠮᠠᠨ ᠤ ᠪᠠᠶᠢᠭᠤᠯᠣᠯᠭ᠎ᠠ ᠶᠢᠨ ᠵᠠᠩ ᠵᠢᠶᠠ ᠺᠧᠣ ᠳᠤ ᠰᠠᠭᠤᠳᠠᠭ ᠠᠵᠢᠯᠳᠠᠨ ᠪᠣᠣ ᠹᠦ᠋ ᠵᠧᠩ ᠨᠦᠬᠦᠷ ᠵᠠᠩ ᠵᠢᠶᠠ ᠺᠧᠦ ᠶᠢᠨ ᠨᠢᠭᠡᠨ ᠬᠤᠳᠠᠯᠳᠣᠭᠠᠴᠢᠨ ᠤ ᠦᠬᠢᠨ ᠵᠠᠩ ᠠᠢ ᠰᠢᠶᠠᠩ ᠢ ᠳᠠᠭᠠᠭᠤᠯᠣᠨ ᠢᠷᠡᠵᠣ᠂ ᠨᠠᠳᠠᠳᠣ ᠳᠤ ᠳᠠᠨᠢᠯᠴᠠᠭᠤᠯᠣᠨ ᠪᠠᠶᠢᠭᠤᠯᠭ᠎ᠠ ᠶᠢᠨ ᠣᠳᠣᠷᠢᠳᠣᠯᠭ᠎ᠠ ᠠᠴᠠ ᠬᠠᠪᠰᠣᠷᠴᠦ ᠶᠡᠷᠢᠯᠴᠠᠭᠠᠳ 1962 ᠣᠨ ᠳᠤ ᠲᠦᠬᠦᠮᠬᠡᠨ ᠮᠠᠶ᠋ᠢᠭ ᠢᠶᠠᠷ ᠬᠤᠷᠢᠮᠯᠠᠵᠣ ᠣᠷᠣᠭᠯᠠᠪᠠ᠃ ᠮᠢᠨᠣ ᠡᠬᠡᠨᠡᠷ ᠮᠣᠷᠢᠨ ᠵᠢᠯ ᠲᠠᠢ᠂ ᠨᠠᠳᠠ ᠠᠴᠠ 12 ᠨᠠᠰᠣ ᠳᠡᠭᠦᠦ᠂ ᠪᠢᠳᠠ ᠶᠡᠭᠡ ᠬᠦᠪᠡᠭᠦᠨ ᠮᠥᠩᠬᠡ ᠪᠠᠨ 1963 ᠣᠨ ᠳᠤ ᠡᠷᠢᠶᠡᠨ ᠤ ᠮᠣᠳᠣᠨ ᠰᠦᠮ᠎ᠡ ᠭᠡᠳᠡᠭ ᠭᠠᠵᠠᠷ ᠲᠦᠷᠦᠵᠣ᠂ 1965 ᠣᠨ ᠤ ᠬᠠᠪᠣᠷ ᠡᠷᠢᠶᠡᠨ ᠳᠤ ᠰᠢᠯᠵᠢᠵᠣ ᠢᠷᠡᠭᠡᠳ ᠳᠡᠯᠭᠡᠭᠦᠷ ᠤᠨ ᠡᠷᠬᠢᠯᠡᠭᠴᠢ ᠶᠢᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠪᠠ᠃ ᠬᠤᠶᠠᠳᠣᠭᠠᠷ ᠬᠦᠪᠡᠭᠦᠨ ᠡᠩᠬᠡ ᠪᠠᠨ 1967 ᠣᠨ ᠳᠤ ᠡᠷᠢᠶᠡᠨ ᠳᠤ ᠳᠦᠷᠦᠵᠣ᠂ ᠭᠤᠷᠪᠠᠳᠣᠭᠠᠷ ᠬᠦᠪᠡᠭᠦᠨ ᠢᠶᠠᠨ 1970 ᠣᠨ ᠳᠤ ᠲᠦᠷᠦᠵᠠᠢ᠃ ᠣᠳᠣ ᠶᠡᠭᠡ ᠬᠦᠪᠡᠭᠦᠨ ᠮᠥᠩᠬᠡ ᠠᠷᠠᠯᠵᠢᠶᠠᠨ ᠤ ᠰᠢᠰᠲ᠋ᠧᠮ ᠤᠨ ᠳᠣᠮᠳᠠᠳᠣ ᠵᠡᠷᠭᠡ ᠶᠢᠨ ᠳᠣᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠰᠣᠷᠭᠠᠭᠤᠯᠢ ᠳᠡᠭᠦᠰᠴᠣ ᠬᠤᠷᠰᠢᠶ᠎ᠠ ᠰᠢᠰᠲ᠋ᠧᠮ ᠳᠤ ᠠᠵᠢᠯᠯᠠᠵᠣ︔ ᠬᠤᠶᠠᠳᠣᠭᠠᠷ ᠬᠦᠪᠡᠭᠦᠨ ᠦᠨᠳᠣᠷ ᠵᠡᠷᠭᠡ ᠶᠢᠨ ᠳᠣᠮᠳᠠᠳᠣ ᠰᠣᠷᠭᠠᠭᠤᠯᠢ ᠳᠡᠭᠦᠰᠭᠡᠵᠣ᠂ ᠪᠦᠷᠢᠨ ᠪᠠᠷᠠᠭᠠᠳᠣ ᠬᠦᠩᠰᠧ  ᠳᠤ ᠨᠢᠭ᠌ᠳᠡᠯᠠᠨ ᠪᠣᠳᠣᠭᠴᠢ ᠪᠠᠷ ᠠᠵᠢᠯᠯᠠᠵᠣ︔ ᠭᠤᠷᠪᠠᠳᠣᠭᠠᠷ ᠬᠦᠪᠡᠭᠦᠨ ᠠᠶᠢᠮᠠᠭ ᠤᠨ ᠮᠣᠩᠭᠤᠯ ᠳᠣᠮᠳᠠᠳᠣ ᠰᠣᠷᠭᠠᠭᠤᠯᠢ ᠳᠤ ᠦᠨᠳᠦᠷ ᠵᠡᠷᠭᠡ ᠶᠢᠨ ᠭᠤᠷᠪᠠᠳᠣᠭᠠᠷ ᠣᠨ ᠢᠶᠠᠨ ᠳᠡᠭᠦᠰᠭᠡᠭᠦ ᠭᠡᠵᠣ ᠪᠠᠶᠢᠨ᠎ᠠ᠃               ᠰᠣᠶᠣᠯ ᠤᠨ ᠬᠤᠪᠢᠰᠠᠬᠯ ᠡᠬᠢᠯᠡᠬᠦ ᠦᠶ᠎ᠡ ᠳᠤ᠂ ᠪᠢ ᠠᠯᠢ ᠴᠦ ᠵᠣᠬᠢᠶᠠᠨ ᠪᠠᠶᠢᠭᠤᠯᠣᠯᠳᠠ ᠳᠤ ᠣᠷᠣᠭᠰᠠᠨ ᠦᠭᠡᠢ᠂ ᠳᠡᠯᠭᠡᠭᠦᠷ ᠲᠤ ᠪᠠᠷᠠᠭ᠎ᠠ ᠬᠤᠳᠠᠯᠳᠣᠭᠴᠢ ᠶᠢᠨ ᠠᠵᠢᠯ ᠢ ᠬᠢᠵᠣ ᠪᠠᠶᠢᠪᠠ᠂ 1968 ᠣᠨ ᠳᠤ ᠠᠩᠬᠢ ᠶᠢᠨ ᠡᠩᠨᠡᠭᠡ ᠴᠡᠪᠡᠷᠯᠡᠬᠦ ᠦᠶ᠎ᠡ ᠳᠤ ᠨᠠᠮᠠᠢᠢ᠄ ︽ᠴᠢ ᠦᠪᠡᠷ ᠤᠨ ᠠᠰᠠᠭᠤᠳᠠᠯ ᠢᠶᠠᠨ ᠰᠠᠶᠢᠨ ᠪᠡᠯᠡᠳᠭᠡᠵᠣ ᠪᠠᠶᠢᠬᠤ ᠬᠡᠷᠡᠭᠳᠠᠢ︾ ᠬᠡᠵᠠᠢ᠃ ᠡᠭᠦᠨ ᠳᠤ ᠪᠢ᠄ ︽ᠬᠤᠪᠢᠰᠬᠠᠯ ᠳᠤ ᠣᠷᠣᠭᠰᠠᠨ ᠠᠴᠠ ᠡᠳᠦᠬᠡ ᠪᠣᠯᠳᠠᠯ᠎ᠠ ᠬᠢᠭᠰᠡᠨ ᠭᠡᠷᠡᠭ ᠦᠭᠡᠢ᠂ ᠨᠢᠭᠤᠵᠣ ᠳᠠᠯᠳᠠᠯᠭᠰᠠᠨ ᠵᠦᠢᠯ ᠦᠭᠡᠢ︾ ᠭᠡᠭᠦ ᠳᠤ ᠳᠠᠳᠠ ᠨᠠᠮᠠᠢᠢ ᠣᠯᠠᠨ ᠤ ᠬᠤᠷᠠᠯ ᠳᠡᠭᠡᠷ᠎ᠡ᠄ ︽ᠴᠢ ᠬᠠᠭᠤᠴᠢᠨ ᠨᠡᠶᠢᠭᠡᠮ ᠢ ᠰᠡᠷᠭᠦᠭᠡᠭᠦ ᠪᠠᠷ ᠭᠦᠰᠡᠵᠣ ᠪᠠᠶᠢᠭᠰᠠᠨ᠂ ᠨᠣᠶᠠᠨ ᠰᠠᠭᠤᠬᠤ ᠪᠠᠷ ᠵᠡᠭᠦᠳᠦᠯᠡᠵᠣ ᠪᠠᠶᠢᠭᠰᠠᠨ᠂ ᠦᠨᠡᠨ ᠦᠴᠢᠭ ᠢᠶᠠᠨ ᠮᠡᠳᠡᠭᠦᠯ︕︾ ᠬᠡᠵᠣ ᠳᠡᠮᠡᠴᠡᠭᠡᠳ ᠳᠣᠰᠬᠠᠢ ᠭᠡᠷ ᠲᠤ ᠬᠤᠷᠢᠵᠣ᠂ ᠣᠷᠢᠳ ᠬᠤᠵᠢᠳ ᠣᠯᠠᠨ ᠣᠳᠠᠭ᠎ᠠ ᠬᠠᠳᠠᠭᠤ ᠡᠷᠡᠭᠦᠦ ᠳᠣᠯᠭᠠᠨ ︽ᠮᠣᠩᠭᠤᠯ ᠣᠯᠣᠰ ᠤᠨ ᠴᠢᠮᠡᠭᠡᠯᠡᠭᠴᠢ︾᠂ ︽ᠦᠪᠦᠷ ᠠᠷᠠᠳ ᠤᠨ ᠨᠠᠮ︾ ᠭᠡᠬᠦ ᠵᠡᠷᠭᠡ ᠬᠢᠯᠢᠰ ᠭᠡᠷᠡᠭ ᠳᠡᠭᠡᠷ᠎ᠡ ᠳᠡᠭᠡᠷ᠎ᠡ ᠠᠴᠠ ᠨᠢ ᠳᠣᠯᠭᠠᠨ ᠡᠷᠡᠭᠦᠳᠡᠨ ᠳᠠᠮᠣᠯᠠᠬᠤ ᠨᠢ ᠡᠳᠦᠷ ᠢᠷᠡᠭᠦᠶ᠎ᠡ ᠭᠡᠴᠡᠭᠦᠳᠡᠭᠰᠡᠨ ᠠᠴᠠ ᠪᠡᠶ᠎ᠡ ᠰᠡᠳᠬᠢᠯ ᠳᠡᠰᠪᠦᠷᠢᠯᠡᠬᠦᠶ᠎ᠡ ᠪᠡᠷᠬᠡ ᠪᠣᠯᠵᠣ᠂ ᠳᠣᠬᠠᠢ ᠶᠢᠨ ᠦᠶ᠎ᠡ ᠳᠤ ᠣᠬᠠᠭᠠᠨ ᠮᠡᠳᠡᠷᠡᠯ  ᠢᠶᠠᠨ ᠠᠯᠳᠠᠵᠣ᠂ ᠷᠣᠳᠣ ᠬᠤᠭᠤᠴᠠᠭᠠᠨ ᠤ ᠬᠦᠨᠳᠣ ᠴᠣᠬᠢᠯᠳᠠ ᠠᠴᠠ ᠪᠣᠯᠵᠣ ᠡᠯᠳᠡᠪ ᠵᠦᠢᠯ ᠤᠨ ᠡᠪᠡᠳᠴᠢᠨ ᠡᠮᠬᠡᠭ  ᠲᠤ ᠨᠡᠷᠪᠡᠭᠳᠡᠵᠣ ᠵᠡᠮᠳᠡᠭ ᠠᠷᠬᠠᠭ ᠲᠠᠢ ᠪᠣᠯᠵᠠᠢ᠃ 1969 ᠣᠨ ᠳᠤ ᠨᠢᠭᠡ ᠣᠳᠠᠭ᠎ᠠ ᠰᠣᠯᠠᠯᠠᠭᠳᠠᠭᠰᠠᠨ ᠪᠣᠯᠪᠠᠴᠣ 1970 ᠣᠨ ᠠᠴᠠ ᠡᠬᠢᠯᠡᠨ ᠪᠠᠰᠠ ᠳᠠᠬᠢᠨ ᠪᠠᠶᠢᠴᠠᠭᠠᠯᠳᠠ ᠬᠢᠵᠣ ᠠᠵᠢᠯ ᠠᠴᠠ ᠵᠣᠭᠰᠣᠭᠠᠨ ᠬᠦᠷᠢᠶ᠎ᠡ ᠬᠠᠰᠢᠶ᠎ᠠ ᠴᠡᠪᠡᠷᠯᠡᠬᠦ ᠵᠡᠷᠭᠡ ᠬᠦᠨᠳᠣ ᠬᠦᠳᠡᠯᠮᠦᠷᠢ ᠬᠢᠵᠣ ᠪᠠᠶᠢᠭᠠᠳ᠂ ᠬᠢᠯᠢ ᠬᠢᠵᠠᠭᠠᠷ ᠣᠷᠣᠨ ᠢ ᠴᠡᠪᠡᠷᠯᠡᠭᠦ ᠪᠠᠷ ᠨᠠᠮᠠᠢᠢ ᠱᠠᠩᠳᠣ ᠰᠢᠶᠠᠨ ᠤ ᠳ᠋ᠠᠯᠽᠢ ᠨᠢᠭᠡᠳᠦᠯ ᠤᠨ ᠢᠩᠳᠣ ᠶᠡᠭᠡ ᠪᠠᠷᠢᠭᠠᠳᠠ ᠶᠢᠨ ᠭᠤᠷᠪᠠᠳᠣᠭᠠᠷ ᠪᠠᠭ ︵ᠳ᠋ᠦ᠋ᠢ︶ ᠲᠤ ᠬᠦᠷᠭᠡᠵᠣ ᠳᠣᠭᠤᠶᠢᠯᠠᠩ ᠤᠨ ᠬᠦᠳᠡᠯᠮᠦᠷᠢ ᠳᠤ ᠣᠷᠣᠯᠴᠠᠭᠤᠯᠪᠠ᠃               1977 ᠣᠨ ᠳᠤ ᠲᠦᠷᠦᠭᠰᠠᠨ ᠨᠣᠳᠤᠭ ᠠᠪᠠᠭ᠎ᠠ ᠬᠤᠰᠢᠭᠤᠨ ᠳᠠᠭᠠᠨ ᠰᠢᠯᠵᠢᠵᠣ ᠬᠤᠷᠰᠢᠶᠠᠨ ᠤ ᠠᠵᠢᠯ ᠬᠢᠵᠣ ᠪᠠᠶᠢᠭᠠᠳ ᠪᠡᠶ᠎ᠡ ᠵᠡᠮᠳᠡᠭ ᠪᠣᠯᠣᠭᠰᠠᠨ ᠳᠣᠯᠠ 1983 ᠣᠨ ᠳᠤ ᠨᠠᠰᠣᠳᠠᠢ ᠳᠠᠭᠠᠨ ᠠᠵᠢᠯ ᠠᠴᠠ ᠪᠠᠨ ᠪᠠᠭᠤᠵᠣ ᠠᠮᠣᠰᠬᠢᠵᠠᠢ᠃               ᠣᠳᠣᠷᠢᠳᠣᠯᠭ᠎ᠠ ᠶᠢᠨ ᠨᠠᠶᠢᠳᠠᠯᠭ᠎ᠠ ᠪᠠᠷ ᠪᠢ᠂ ᠪᠠᠷᠠᠭᠤᠨ ᠠᠪᠠᠭ᠋ᠠᠨᠠᠷ ᠬᠤᠰᠢᠭᠤᠨ ᠤ ᠰᠡᠭᠦᠯ ᠤᠨ ᠦᠶ᠎ᠡ  ᠶᠢᠨ ᠵᠠᠰᠠᠭ ᠪᠡᠶᠢᠯᠡ ᠪᠠ ᠦᠪᠡᠷ ᠤᠨ ᠦᠩᠭᠡᠷᠡᠯᠳᠠ ᠪᠠᠨ ᠪᠢᠴᠢᠵᠣ ᠣᠷᠣᠯᠳᠣᠯ᠎ᠠ  ᠃ ᠡᠨᠡ ᠨᠢ ᠳᠣᠩ ᠲᠦᠬᠦᠮᠬᠡᠨ ᠪᠠᠶᠢᠵᠣ ᠣᠨᠴᠣᠭᠤᠶᠢᠯᠡᠨ ᠬᠠᠭᠤᠴᠢᠨ ᠨᠡᠶᠢᠭᠡᠮ ᠤᠨ ᠸᠠᠩ ᠬᠦᠩ ᠤᠨ ᠠᠮᠢᠳᠣᠷᠠᠯ᠂ ᠳᠠᠳᠠᠨ ᠤ ᠡᠷᠬᠡ ᠪᠠᠷᠢᠵᠣ ᠵᠠᠰᠠᠭ ᠶᠠᠪᠣᠭᠤᠯᠵᠣ ᠪᠠᠶᠢᠭᠰᠠᠨ ᠪᠠᠶᠢᠳᠠᠯ ᠪᠠ ᠮᠣᠩᠭᠤᠯ ᠣᠷᠣᠨ ᠤ ᠳᠡᠭᠡᠳᠣ ᠳᠠᠪᠬᠤᠷᠭᠠᠳᠠᠨ ᠤ ᠳᠣᠳᠣᠷᠠᠬᠢ ᠣᠯᠠᠨ ᠵᠦᠢᠯ  ᠤᠨ ᠶᠣᠰᠣ ᠭᠤᠷᠢᠮ᠂ ᠵᠠᠩ ᠳᠠᠳᠬᠠᠯ ᠵᠡᠷᠭᠡ ᠶᠢ ᠠᠯᠢ ᠪᠣᠯᠬᠤ ᠪᠠᠷ ᠢᠯᠡᠭᠦᠬᠡᠨ ᠳᠣᠳᠣᠷᠬᠠᠢ ᠪᠢᠴᠢᠵᠣ ᠦᠯᠡᠳᠡᠭᠡᠪᠡᠯ ᠵᠣᠬᠢᠬᠤ ᠪᠠᠶᠢᠭᠰᠠᠨ ᠶᠤᠮ᠃ ᠬᠠᠷᠠᠮᠰᠠᠯᠳᠠᠢ ᠨᠢ ᠳᠣᠬᠠᠢ ᠶᠢᠨ ᠦᠶ᠎ᠡ ᠳᠤ ᠨᠠᠰᠣ ᠪᠠᠭ᠎ᠠ ᠪᠠᠶᠢᠭᠰᠠᠨ ᠣᠴᠢᠷ ᠠᠴᠠ ᠣᠳᠣᠬᠠᠨ ᠳᠤ ᠰᠣᠳᠣᠯᠵᠣ ᠪᠣᠯᠬᠤ ᠦᠨ᠎ᠡ ᠴᠠᠨ᠎ᠠ ᠲᠠᠢ ᠳᠡᠣᠬᠡᠨ ᠵᠦᠢᠯ ᠢ ᠬᠠᠩᠭᠠᠮᠵᠢᠳᠠᠢ ᠪᠢᠴᠢᠵᠣ ᠣᠷᠣᠭᠤᠯᠵᠣ ᠴᠢᠳᠠᠭᠰᠠᠨ ᠦᠭᠡᠢ᠂ ᠦᠩᠭᠡᠷᠡᠭᠰᠠᠨ ᠢᠶᠠᠨ ᠡᠷᠭᠢᠴᠡᠭᠦᠯᠥᠨ ᠪᠣᠳᠣᠬᠤᠶ᠎ᠠ ᠬᠦᠮᠥᠨ ᠤ ᠶᠢᠷᠳᠢᠨᠴᠣ ᠶᠢᠨ ᠪᠠᠶᠠᠷᠯᠠᠵᠣ ᠭᠤᠮᠣᠳᠠᠬᠤ ᠢᠨᠢᠶᠠᠵᠣ ᠣᠬᠢᠯᠠᠬᠤ ᠶᠢᠨ ᠠᠯᠢ ᠠᠴᠠ ᠨᠢ ᠴᠦ ᠵᠠᠶᠢᠯᠠᠰᠬᠢᠵᠣ ᠴᠢᠳᠠᠭᠰᠠᠨ ᠦᠭᠡᠢ᠃               ᠡᠬᠡ ᠣᠷᠣᠨ ᠴᠢᠯᠥᠭᠡᠯᠡᠭᠳᠡᠵᠣ᠂ ᠬᠠᠭᠤᠴᠢᠨ ᠲᠦᠷᠦ ᠶᠢ ᠳᠦᠯᠬᠢᠨ ᠣᠨᠠᠭᠠᠬᠤ ᠦᠶ᠎ᠡ ᠳᠤ ᠠᠶᠥᠵᠣ ᠰᠣᠴᠢᠵᠣ ᠶᠠᠪᠣᠯ᠎ᠠ᠃ ᠨᠠᠮ ᠤᠨ ᠬᠦᠮᠥᠵᠢᠯ ᠢᠶᠠᠷ ᠬᠤᠪᠢᠰᠠᠬᠠᠯ ᠤᠨ ᠠᠵᠢᠯ ᠳᠤ ᠨᠠᠮᠠᠷᠢᠯᠡᠭᠰᠠᠨ ᠤ ᠳᠠᠷᠠᠭ᠎ᠠ᠂ ᠦᠪᠡᠷ  ᠤᠨ ᠠᠯᠢᠪᠠ ᠪᠠᠨ ᠠᠷᠠᠳ ᠲᠦᠮᠡᠨ ᠤ ᠦᠢᠯᠡᠰ ᠲᠤ ᠵᠣᠷᠢᠭᠤᠯᠬᠤ ᠪᠠᠷ ᠵᠠᠯᠠᠭᠤ ᠨᠠᠰᠣᠨ ᠤ ᠣᠷᠭᠢᠯᠥᠮ᠎ᠠ ᠬᠠᠯᠠᠭᠤᠨ ᠰᠡᠳᠭᠢᠯᠭᠡ ᠪᠠ ᠬᠦᠴᠦᠨ ᠴᠢᠳᠠᠯ ᠢᠶᠠᠷ ᠠᠵᠢᠯ ᠶᠠᠪᠣᠳᠠᠯ ᠳᠠᠭᠠᠨ ᠴᠢᠷᠮᠠᠶᠢᠵᠣ᠂ ᠮᠠᠩᠯᠠᠢ ᠳᠤᠨᠢ ᠭᠠᠷᠬᠤ ᠪᠠᠷ ᠮᠡᠷᠡᠶᠢᠨ ᠴᠢᠷᠮᠠᠶᠢᠵᠣ ᠶᠠᠪᠣᠯ᠎ᠠ᠃ ᠰᠣᠶᠣᠯ ᠤᠨ ᠶᠡᠭᠡ ᠬᠤᠪᠢᠰᠠᠠᠯ ᠤᠨ ᠳᠣᠮᠳᠠ᠂ ᠠᠩᠬᠢ ᠶᠢᠨ ᠳᠠᠶᠢᠰᠣᠨ᠂ ᠣᠷᠪᠠᠭᠴᠢ᠂ ᠳᠠᠩᠨᠠᠭᠤᠯ᠂ ᠬᠠᠭᠤᠴᠢᠨ ᠢᠶᠠᠨ ᠰᠡᠷᠭᠦᠭᠡᠭᠦ ᠶᠢ ᠭᠤᠷᠢᠳᠠᠭᠰᠡᠨ ᠸᠠᠩ ᠨᠣᠶᠠᠨ ᠵᠡᠷᠭᠡ ᠬᠢᠯᠢᠰ ᠭᠡᠷᠡᠭ ᠡᠭᠦᠷᠴᠣ ᠭᠠᠪᠠ ᠲᠦᠩᠭᠡ ᠵᠡᠭᠦᠵᠣ᠂ ᠬᠦᠮᠦᠨ ᠤ ᠡᠷᠬᠡ ᠪᠠᠨ ᠠᠯᠳᠠᠵᠣ᠂ ᠳᠠᠮᠣᠯᠠᠭᠳᠠᠨ ᠳᠠᠷᠠᠴᠢᠯᠠᠭᠳᠠᠵᠣ᠂ ᠭᠤᠮᠣᠳᠠᠨ ᠭᠤᠳᠣᠷᠠᠵᠣ ᠵᠣᠪᠠᠵᠣ ᠡᠯᠡᠵᠣ ᠶᠠᠪᠣᠯ᠎ᠠ᠃ ᠨᠠᠮ ᠤᠨ ᠠᠷᠪᠠᠨ ᠨᠢᠬᠡᠳᠦᠭᠡᠷ ᠬᠤᠭᠤᠴᠠᠭᠠᠨ ᠤ ᠭᠤᠷᠪᠠᠳᠣᠭᠠᠷ ᠪᠦᠭᠦᠳᠠ ᠬᠤᠷᠠᠯᠳᠣᠭᠠᠨ  ᠠᠴᠠ ᠨᠠᠰᠢ᠂ ᠨᠠᠮ ᠤᠨ ᠵᠦᠪ ᠣᠨᠣᠪᠴᠢᠳᠠᠢ ᠲᠦᠷᠦ ᠶᠢᠨ ᠪᠣᠳᠣᠯᠭ᠎ᠠ ᠶᠢᠨ ᠳᠣᠶᠠᠭᠠᠯᠠᠯ ᠳᠣᠣᠷ᠎ᠠ ᠠᠯᠢᠪᠠ ᠬᠢᠯᠢᠰ ᠭᠡᠷᠡᠭ ᠢ ᠳᠣᠶᠢᠯᠪᠣᠷᠢᠳᠠᠢ ᠴᠠᠭᠠᠳᠬᠠᠨ ᠦᠭᠴᠦ ᠣᠯᠣᠰ ᠲᠦᠷᠦ ᠶᠢᠨ ᠳᠡᠭᠡᠷ᠎ᠡ ᠬᠦᠨᠳᠣᠳᠬᠡᠭᠳᠡᠵᠣ᠂ ᠠᠯᠢᠪᠠ ᠠᠮᠢᠳᠣᠷᠠᠯ ᠤᠨ ᠳᠠᠯ᠎ᠠ ᠪᠠᠷ ᠬᠠᠷᠠᠭᠠᠯᠵᠠᠭᠤᠯᠵᠣ᠂ ᠨᠠᠮ ᠵᠰᠠᠭ ᠠᠴᠠ ᠡᠳᠦᠢ ᠳᠡᠳᠦᠢ ᠬᠦᠴᠢᠷᠳᠠᠯ ᠢ ᠰᠢᠢᠳᠪᠦᠷᠢᠯᠡᠨ ᠦᠭᠴᠦ᠂ ᠣᠳᠣ ᠪᠢ ᠠᠪᠠᠭ᠎ᠠ ᠬᠤᠰᠢᠭᠤᠨ ᠤ ᠣᠯᠣᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠬᠤᠭᠤᠴᠠᠭ᠎ᠠ ᠪᠦᠷᠢ ᠶᠢᠨ ᠪᠠᠶᠢᠩᠭᠤ ᠶᠢᠨ ᠭᠡᠰᠢᠬᠦᠨ᠂ ᠰᠣᠶᠣᠯ ᠳᠡᠣᠭᠡᠨ ᠺᠣᠮᠢᠰ ᠤᠨ ᠭᠡᠰᠢᠭᠦᠨ ᠢᠶᠠᠷ ᠣᠷᠢᠭᠳᠠᠵᠣ᠂ ᠣᠯᠣᠰ ᠤᠨ ᠶᠡᠭᠡ ᠶᠠᠪᠣᠳᠠᠯ ᠢ ᠵᠦᠪᠳᠡᠯᠴᠡᠨ᠂ ᠰᠡᠳᠭᠢᠯ ᠳᠡᠨᠢᠬᠦᠨ ᠢᠶᠠᠷ ᠦᠳᠡᠯᠥᠭᠡ ᠨᠠᠰᠣ ᠪᠠᠨ ᠦᠩᠭᠡᠷᠡᠭᠡᠭᠦ ᠪᠣᠯᠵᠠᠢ᠃               ᠡᠪ ᠬᠠᠮᠳᠣ ᠨᠠᠮ᠃ ᠠᠷᠠᠳ ᠲᠦᠮᠡᠨ ᠤ ᠬᠠᠶᠢᠷ᠎ᠠ ᠬᠠᠯᠠᠮᠵᠢ ᠨᠠᠳᠠᠳᠣ ᠠᠮᠢ ᠨᠠᠰᠣ ᠶᠢ ᠣᠯᠭᠤᠭᠰᠠᠨ ᠶᠤᠮ ᠃ ᠡᠬᠦᠨ ᠢ ᠪᠢ ᠮᠠᠷᠳᠠᠯ ᠦᠭᠡᠢ ᠴᠠᠭᠡᠵᠢᠯᠡᠵᠣ᠂ ᠨᠠᠰᠣᠨ ᠳᠣᠷᠰᠢ ᠠᠷᠠᠳ ᠲᠦᠮᠡᠨ ᠤ ᠲᠦᠯᠦᠭᠡ ᠦᠨᠡᠨᠴᠢ ᠪᠠᠷ ᠵᠢᠳᠭᠦᠭᠦ ᠪᠠᠷ ᠵᠣᠷᠢᠭ ᠰᠢᠭᠤᠳᠣᠭᠰᠠᠨ ᠶᠤᠮ᠃               ᠳᠡᠭᠡᠷ᠎ᠡ ᠶᠠᠷᠢᠭᠰᠠᠨ ᠵᠦᠢᠯ ᠨᠢ ᠬᠠᠩᠭᠠᠮᠵᠢ ᠦᠭᠡᠢ ᠮᠦᠷᠳᠡᠭᠡᠨ ᠠᠯᠳᠠᠭ᠎ᠠ ᠪᠣᠷᠣᠭᠤ ᠲᠠᠢ ᠳᠠᠯ᠎ᠠ ᠪᠠᠶᠢᠬᠤ  ᠨᠢ ᠳᠠᠮᠵᠢᠭ ᠦᠭᠡᠢ ᠶᠤᠮ᠃ ᠦᠵᠡᠭᠦ ᠮᠡᠷᠭᠡᠳ ᠪᠣᠷᠣᠭᠤ ᠶᠢ ᠨᠢ ᠵᠠᠯᠠᠷᠠᠭᠤᠯᠵᠣ᠂ ᠳᠣᠳᠠᠭᠤ ᠶᠢ ᠨᠢ ᠨᠦᠬᠦᠪᠦᠷᠢᠯᠡᠨ ᠦᠯᠡᠳᠡᠭᠡᠭᠦ ᠶᠢ ᠭᠦᠰᠡᠵᠣ ᠪᠠᠶᠢᠨ᠎ᠠ᠃       ᠳᠠᠶᠢᠯᠪᠣᠷᠢ᠄       ︵1︶ ᠱᠠᠭ᠎ᠠ ᠮᠣᠯᠳᠣᠯᠠᠬᠤ ᠭᠡᠳᠡᠭ ᠨᠢ᠄ ᠬᠡᠣᠬᠡᠨ ᠮᠣᠷᠳᠠᠬᠤ ᠳᠤ ᠬᠤᠨᠢᠨ ᠤ ᠴᠢᠨᠠᠭᠰᠠᠨ ᠱᠠᠭᠠᠨᠳᠣ ᠶᠢ ᠫᠢᠯᠠ ᠳᠤ ᠬᠢᠵᠣ᠂ ᠰᠢᠨ᠎ᠡ ᠬᠦᠷᠭᠡᠨ ᠢᠶᠠᠷ ᠱᠠᠭ᠎ᠠ ᠶᠢ ᠨᠢ ᠮᠣᠯᠳᠣᠯᠣᠭᠤᠯᠣᠨ ᠴᠢᠳᠠᠯ ᠢ ᠨᠢ ᠦᠵᠡᠳᠡᠭ ᠶᠣᠰᠣ ᠪᠠᠶᠢᠵᠠᠢ᠃                                                                                                  1987 ᠣᠨ ᠤ 10 ᠰᠠᠷ᠎ᠠ
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠪᠠᠭ᠎ᠠ ᠬᠤᠰᠢᠭᠤ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠥᠪ ᠢ ᠣᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠰᠤᠶᠤᠯ ᠤᠨ ᠢᠲᠡᠭᠡᠯ ᠢᠶᠠᠨ ᠁
ᠲᠦᠮᠡᠨᠪᠠᠶᠠᠷ ᠤᠨ ᠤᠷᠴᠢᠭᠤᠯᠭ᠎ᠠ ᠶᠢᠨ ᠪᠦᠳᠦᠭᠡᠯ ᠱᠠᠩᠨᠠᠯ ᠲᠤᠰᠴᠠᠢ
︽ᠬᠦᠬᠡ ᠲᠦᠯᠬᠢᠭᠦᠷ︾ ᠨᠤᠮ ᠤᠨ ᠬᠤᠯᠪᠤᠭᠠᠨ ᠤ ᠨᠣᠮ ᠣᠩᠰᠢᠭᠰᠠᠨ ᠮᠡᠳᠡᠯᠭᠡ ᠶᠢᠨ ᠤᠷᠤᠯᠳᠤᠭᠠᠨ ᠠᠮᠵᠢᠯᠲᠠ ᠁
ᠬᠠᠶᠢᠷ᠎ᠠ ᠬᠠᠷᠢᠭᠤᠴᠠᠯᠭ᠎ᠠ ᠶᠢ ᠲᠡᠭᠡᠳᠦᠯᠡᠵᠦ ᠰᠢᠯᠢᠳᠡᠭ ᠵᠢᠭᠠᠨ ᠵᠢᠯᠤᠭᠤᠳᠤᠭᠴᠢ ᠪᠣᠯᠬᠤ ᠪᠠᠷ ᠰᠢᠭᠤᠷᠬᠠᠶᠢᠯᠠᠨ᠎ᠠ
ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠠᠴᠠ ᠲᠤᠮᠤ ᠬᠡᠯᠪᠡᠷᠢ ᠶᠢᠨ ᠡᠷᠲᠡᠨ ᠤ ᠤᠩᠭᠤᠨ ᠤ ᠰᠦᠷᠦᠭᠵᠢᠯ ᠵᠢᠴᠢ ᠴᠢᠯᠠᠭᠤᠨ ᠁
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃ ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号