ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠦᠢᠯᠡᠴᠢᠯᠡᠭᠡ
ᠠᠵᠠ ᠬᠡᠶᠢᠮᠣᠷᠢᠲᠦ ᠠᠪᠠᠭ᠎ᠠ
ᠪᠦᠳᠡᠪᠠᠯᠠ——ᠦᠩᠬᠡᠷᠡᠭᠰᠡᠨ ᠨᠢᠬᠡ ᠦᠶ᠎ᠡ ᠶᠢᠨ ᠪᠠᠶᠢᠳᠠᠯ ᠠᠴᠠ ᠦᠪᠡᠷ ᠢ ᠪᠠᠨ ᠭᠤᠣᠯᠳᠠᠵᠣ ᠳᠣᠷᠠᠳᠬᠠᠨ ᠶᠠᠷᠢᠬᠤ ᠨᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2017/6/18
                       ᠦᠩᠬᠡᠷᠡᠭᠰᠡᠨ ᠨᠢᠬᠡ ᠦᠶ᠎ᠡ ᠶᠢᠨ ᠪᠠᠶᠢᠳᠠᠯ ᠠᠴᠠ ᠦᠪᠡᠷ ᠢ ᠪᠠᠨ ᠭᠤᠣᠯᠳᠠᠵᠣ ᠳᠣᠷᠠᠳᠬᠠᠨ ᠶᠠᠷᠢᠬᠤ ᠨᠢ                                                                                                         ᠪᠦᠳᠡᠪᠠᠯᠠ                 ᠶᠣᠸᠠᠨ ᠲᠠᠶᠢᠽᠣ ᠴᠢᠩᠬᠢᠰ ᠬᠠᠭᠠᠨ ᠤ ᠳᠡᠭᠦᠣ ᠪᠢᠯᠠᠭᠦᠳᠠᠢ ᠠᠴᠠ ᠢᠵᠠᠭᠤᠷᠯᠠᠨ ᠦᠶ᠎ᠡ ᠵᠠᠯᠭᠠᠮᠵᠢᠯᠠᠵᠣ ᠠᠷᠪᠠᠨ ᠳᠣᠯᠣᠳᠣᠭᠠᠷ ᠦᠶ᠎ᠡ ᠶᠢᠨ ᠦᠷ᠎ᠡ ᠠᠴᠢ ᠪᠣᠯ ᠪᠠᠶᠠᠰᠬᠤᠪᠦ᠋ᠷᠭᠦᠳ ᠪᠣᠯᠣᠨ᠎ᠠ᠃ ᠳᠡᠭᠦᠨ ᠤ ᠠᠬᠠᠮᠠᠳ ᠬᠦᠪᠡᠭᠦᠨ ᠲᠠᠷᠨᠢᠬᠦ᠋ᠳᠡᠩ ᠨᠣᠶᠠᠨ ᠤ ᠦᠶ᠎ᠡ ᠳᠤ᠂ ᠦᠪᠡᠷ ᠤᠨ ᠠᠶᠢᠮᠠᠭ ᠢ ᠠᠪᠠᠭ᠎ᠠ ᠭᠡᠵᠣ ᠨᠡᠷᠡᠯᠡᠭᠰᠡᠨ ᠶᠣᠮ ᠬᠡᠳᠡᠭ᠃ ᠣᠣᠯ ᠠᠶᠢᠮᠠᠭ᠂ ᠬᠠᠩᠭᠠᠢ ᠬᠠᠨ ᠤ ᠠᠷᠣ᠂ ᠣᠨᠣᠨ ᠬᠡᠷᠡᠯᠣᠨ ᠤ ᠬᠦᠪᠡᠭᠡ ᠳᠠᠭᠠᠣ ᠨᠣᠳᠣᠭᠯᠠᠵᠣ᠂ ᠬᠠᠯᠬ᠎ᠠ ᠰᠠᠴᠡᠨ  ᠤ ᠠᠶᠢᠮᠠᠭ ᠲᠤ ᠬᠠᠷᠢᠶᠠᠯᠠᠭᠳᠠᠵᠣ ᠪᠠᠶᠢᠭᠰᠠᠨ ᠠᠵᠢ᠃ ᠠᠪᠠᠭ᠎ᠠ ᠠᠶᠢᠮᠠᠭ ᠤᠨ ᠲᠡᠷᠡᠭᠦ ᠲᠠᠷᠨᠢᠬᠦ᠋ᠳᠡᠩ ᠨᠣᠶᠠᠨ ᠤ ᠭᠤᠴᠢ ᠬᠦᠪᠡᠭᠦᠨ ᠪᠠᠭᠠᠳᠣᠷ ᠵᠢᠨᠦᠩ ᠳᠦᠰᠭᠠᠷ ᠭᠡᠭᠴᠢ᠂ ᠬᠤᠵᠢᠮ ᠨᠢ 1651 ᠣᠨ ᠳᠤ ᠬᠠᠷᠢᠶᠠᠳᠣ ᠪᠠᠨ ᠳᠠᠭᠠᠭᠤᠯᠣᠨ᠂ ᠮᠠᠨᠵᠣ ᠴᠢᠩ ᠣᠯᠣᠰ ᠲᠤ ᠳᠠᠭᠠᠷ᠎ᠠ ᠢᠷᠡᠭᠰᠡᠨ ᠢ ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ ᠠᠷᠪᠠᠳᠣᠭᠠᠷ ᠣᠨ ︵1653 ᠣᠨ︶ ᠳᠤ ᠵᠡᠭᠦᠨ ᠠᠪᠠᠭ᠎ᠠ ᠬᠤᠰᠢᠭᠤᠨ ᠤ ᠵᠠᠰᠠᠭ ᠲᠦᠷᠦ ᠶᠢᠨ ᠵᠢᠶᠦ᠋ᠨ ᠸᠠᠩ ᠡᠷᠭᠦᠮᠵᠢᠯᠡᠭᠳᠡᠭᠰᠠᠨ ᠳᠡᠷᠡ ᠴᠠᠭ ᠠᠴᠠ ᠡᠬᠢᠯᠡᠨ ᠦᠶ᠎ᠡ ᠣᠯᠠᠷᠢᠨ ᠵᠠᠯᠭᠠᠮᠵᠢᠯᠠᠵᠣ᠂ ᠮᠢᠨᠣ ᠪᠡᠶ᠎ᠡ ᠳᠤ ᠬᠦᠷᠴᠣ ᠢᠷᠡᠳᠡᠯ᠎ᠡ ᠠᠷᠪᠠᠨ ᠬᠤᠶᠡᠷ ᠦᠶ᠎ᠡ ᠳᠠᠰᠣᠷᠠᠯ ᠦᠭᠡᠢ ᠠᠬᠠᠮᠠᠳ ᠬᠦᠪᠡᠭᠦᠨ ᠨᠢ ᠵᠠᠭᠦᠨ ᠠᠪᠠᠭ᠎ᠠ ᠬᠤᠰᠢᠭᠤᠨ ᠤ ᠵᠠᠰᠠᠭ ᠲᠦᠷᠦ ᠶᠢᠨ ᠡᠷᠬᠡ ᠶᠢ ᠪᠡᠷᠢᠵᠣ ᠢᠷᠡᠵᠦᠬᠦᠢ᠃                 ᠮᠢᠨᠣ ᠪᠡᠶ᠎ᠡ ᠠᠴᠠ ᠡᠮᠦᠨᠡᠬᠢ ᠡᠷᠪᠠᠨ ᠨᠢᠭᠡᠨ ᠦᠶ᠎ᠡ ᠶᠢᠨ ᠨᠠᠷᠢᠨ ᠪᠠᠶᠢᠳᠠᠯ ᠢ ᠳᠣᠳᠣᠷᠬᠠᠢ ᠮᠠᠳᠡᠬᠦ ᠪᠠᠷᠢᠮᠳᠠ ᠦᠭᠡᠢ ᠪᠣᠯᠪᠠᠴᠣ᠂ ᠳᠡᠰ ᠳᠡᠷᠠᠭᠠᠯᠠᠨ ᠨᠠᠷᠡᠰ ᠢ ᠪᠢᠴᠢᠪᠡᠯ᠄ ᠪᠠᠭᠠᠳᠣᠷ ᠵᠢᠨᠦ᠋ᠩ ᠳᠦᠰᠭᠠᠷ᠂ ᠦᠷᠵᠢᠨᠵᠠᠪ᠂ ᠱᠠᠭᠵᠠᠰᠡᠩᠭᠡ᠂ ᠪᠠᠳᠮᠠᠭᠤᠩᠴᠤᠭ᠂ ᠰᠣᠳᠨᠠᠮᠷᠠᠪᠳᠠᠨ᠂ ᠨᠠᠶᠢᠳᠠᠨᠽᠠᠨᠶᠠᠩ᠂ ᠭᠤᠮᠪᠣᠵᠠᠪ᠂ ᠮᠠᠨᠢᠪᠠᠳᠠᠷᠠ᠂ ᠠᠷᠳᠠᠨᠰᠢᠳᠢ᠂ ᠸᠠᠭᠢᠨᠳᠠᠷᠠ᠂ ᠶᠠᠩᠰᠠᠩ ᠪᠣᠯᠣᠨ᠎ᠠ᠃       ᠮᠢᠨᠣ ᠡᠴᠢᠬᠡ ᠶᠠᠩᠰᠠᠩ ᠪᠣᠯ᠂ ᠵᠡᠭᠦᠨ ᠠᠪᠠᠭ᠎ᠠ ᠬᠤᠰᠢᠭᠤᠨ ᠤ ᠵᠠᠰᠠᠭ ᠬᠤᠱᠣᠢ ᠴᠢᠨ ᠸᠠᠩ ᠪᠦᠭᠡᠳ ᠰᠢᠯᠢ ᠶᠢᠨ ᠭᠤᠣᠯ ᠴᠢᠭᠤᠯᠭᠠᠨ ᠤ ᠳᠠᠷᠤᠭ᠎ᠠ ᠶᠢᠨ ᠳᠣᠰᠢᠶᠠᠯ ᠢ ᠣᠯᠡᠨ ᠵᠢᠯ ᠬᠠᠷᠢᠭᠤᠴᠠᠵᠣ ᠢᠷᠡᠵᠦᠬᠦᠢ᠃ ᠮᠢᠨᠣ ᠡᠴᠢᠬᠡ ᠬᠤᠵᠢᠮ ᠨᠢ ᠴᠢᠭᠤᠯᠭᠠᠨ ᠤ ᠳᠡᠷᠤᠭ᠎ᠠ ᠶᠢᠨ ᠳᠣᠰᠢᠶᠠᠯ ᠢᠶᠠᠨ ᠴᠢᠯᠣᠭᠡᠯᠡᠵᠣ᠂ ᠴᠢᠭᠤᠯᠭᠠᠨ ᠤ ᠳᠡᠷᠤᠭ᠎ᠠ ᠶᠢᠨ ᠳᠣᠰᠢᠶᠠᠯ ᠢ ᠴᠢᠭᠤᠯᠭᠠᠨ ᠤ ᠳᠡᠳ᠋ ᠳᠡᠷᠤᠭ᠎ᠠ ᠪᠠᠶᠢᠭᠰᠠᠨ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠬᠤᠱᠥᠢ ᠰᠡᠴᠢᠨ ᠴᠢᠨ ᠸᠠᠩ ᠰᠣᠳᠨᠠᠮᠷᠠᠪᠳᠠᠨ ᠳᠤ ᠰᠢᠯᠵᠢᠬᠦᠯᠣᠨ ᠦᠭᠴᠠᠢ᠃ ᠳᠡᠷᠠᠭ᠎ᠠ ᠨᠢ ᠵᠡᠭᠦᠨ ᠠᠪᠠᠭ᠎ᠠ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠳᠣᠰᠢᠶᠠᠯ ᠢᠶᠠᠨ ᠴᠢᠯᠣᠭᠡᠯᠡᠵᠣ᠂ ᠨᠠᠮ᠎ᠠ ᠶᠢ ᠠᠷᠪᠠᠨ ᠨᠠᠢᠮᠠᠨ ᠨᠠᠰᠣᠳᠠᠢ ᠦᠶᠡᠰ ᠲᠤ ᠵᠠᠰᠠᠭ ᠸᠠᠩ ᠤᠨ ᠡᠷᠬᠡ ᠳᠣᠰᠢᠶᠠᠯ ᠢᠶᠠᠨ ᠨᠠᠳᠠᠳᠣ ᠰᠢᠯᠵᠢᠭᠦᠯᠥᠨ ᠦᠭᠴᠣ ᠦᠪᠡᠷ ᠢᠶᠠᠨ ᠰᠣᠯᠠ ᠰᠠᠭᠤᠬᠤ ᠪᠣᠯᠣᠭᠰᠠᠨ ᠪᠠᠶᠢᠨ᠎ᠠ᠃                 ᠲᠡᠷᠡ ᠦᠶᠡᠰ ᠮᠢᠨᠣ ᠨᠠᠰᠣ ᠪᠠᠭ᠎ᠠ᠂ ᠬᠤᠰᠢᠭᠤᠨ ᠤ ᠠᠯᠢᠪᠠ ᠬᠡᠷᠡᠭ ᠢ ᠡᠵᠡᠨ ᠮᠠᠳᠡᠨ ᠰᠢᠢᠳᠪᠦᠷᠢᠯᠡᠵᠣ ᠴᠢᠳᠡᠬᠤ ᠦᠭᠡᠢ ᠳᠣᠯᠠ᠂ ᠮᠢᠨᠣ ᠡᠴᠢᠬᠡ ᠵᠢᠭᠠᠨ ᠣᠳᠣᠷᠢᠳᠴᠣ᠂ ᠬᠤᠰᠢᠭᠤᠨ ᠤ ᠳᠣᠰᠠᠯᠠᠭᠴᠢ ᠳᠦᠰᠢᠮᠡᠳ ᠬᠠᠷᠢᠭᠤᠴᠠᠨ ᠠᠵᠢᠯᠯᠠᠵᠣ ᠪᠠᠶᠢᠭᠰᠠᠨ ᠪᠢᠯᠡ᠃                 ᠮᠢᠨᠣ ᠪᠡᠶ᠎ᠡ ᠪᠠᠭ᠎ᠠ ᠴᠠᠭ ᠠᠴᠠ ᠡᠴᠢᠬᠡ ᠡᠬᠡ ᠶᠢᠨ ᠳᠡᠷᠭᠡᠳᠡ᠂ ᠳᠦᠪᠡᠳ᠂ ᠮᠠᠨᠵᠣ᠂ ᠮᠣᠩᠭᠤᠯ ᠨᠣᠮ ᠪᠢᠴᠢᠭ ᠵᠢᠭᠠᠯᠭᠠᠵᠣ ᠪᠠᠶᠢᠭᠠᠳ᠂ ᠠᠷᠪᠡᠨ ᠬᠤᠶᠡᠷ ᠨᠠᠰᠣᠨ ᠤ ᠦᠶ᠎ᠡ ᠳᠤ᠂ ᠳᠣᠰ ᠬᠤᠰᠢᠭᠤᠨ ᠤ ᠪᠠᠭ᠎ᠠ ᠰᠣᠷᠭᠠᠭᠤᠯᠢ ᠳᠤ ᠮᠣᠩᠭᠤᠯ ᠮᠠᠨᠵᠣ ᠭᠢᠳᠠᠳ ᠦᠰᠦᠭ ᠪᠢᠴᠢᠵᠣ ᠰᠣᠷᠴᠣ ᠪᠠᠶᠢᠯ᠎ᠠ᠃ ᠮᠢᠨᠣ ᠪᠠᠭᠰᠢ ᠪᠣᠯ᠂ ᠣᠣᠯ ᠨᠢ ᠴᠠᠬᠠᠷ ᠬᠦᠪᠡᠭᠡᠳᠣ ᠴᠠᠭᠠᠨ ᠬᠤᠰᠢᠭᠤᠨ ᠤ ᠬᠦᠮᠥᠨ ᠪᠣᠯᠪᠠᠴᠣ᠂ ᠿᠧ ᠾᠧ ᠮᠣᠵᠢ ᠶᠢᠨ ᠢᠮᠠᠭᠠᠳᠣ ᠭᠠᠴᠠᠭᠠᠨ ᠳᠤ ᠨᠣᠳᠣᠭᠯᠠᠨ ᠰᠠᠭᠤᠳᠠᠭ ᠪᠣᠯᠬᠤᠷ ᠲᠡᠷᠡ ᠵᠣᠨ ᠳᠤ ᠪᠠᠨ ᠢᠷᠡᠵᠣ ᠰᠣᠷᠭᠠᠭᠤᠯᠢ ᠨᠡᠭᠡᠭᠡᠵᠣ ᠡᠪᠣᠯ ᠳᠤ ᠪᠠᠨ ᠰᠣᠷᠭᠠᠭᠤᠯᠢ ᠳᠠᠷᠬᠠᠵᠣ ᠨᠣᠳᠤᠭ ᠳᠤ ᠪᠠᠨ ᠬᠠᠷᠢᠳᠠᠭ ᠪᠠᠶᠢᠪᠠ᠃ ᠡᠶᠢᠮᠦ ᠠᠴᠠ ᠰᠣᠷᠭᠠᠭᠤᠯᠢ ᠳᠤ ᠰᠠᠭᠤᠬᠤ ᠬᠤᠭᠤᠴᠠᠭ᠎ᠠ ᠪᠠᠭ᠎ᠠ᠂ ᠢᠯᠠᠩᠭᠤᠶ᠎ᠠ ᠨᠠᠰᠣ ᠪᠠᠭ᠎ᠠ ᠣᠴᠢᠷ ᠠᠴᠠ ᠰᠣᠷᠴᠣ ᠰᠣᠳᠣᠯᠬᠤ ᠶᠢ ᠶᠡᠷᠦ ᠪᠣᠳᠣᠬᠤ ᠦᠭᠡᠢ ᠨᠠᠭᠠᠳᠴᠣ ᠵᠣᠭᠠᠭᠢᠬᠤ ᠪᠠᠷ ᠭᠤᠣᠯ ᠪᠣᠯᠭᠠᠵᠣ ᠡᠳᠦᠷ ᠬᠤᠭᠤᠴᠠᠭ᠎ᠠ ᠢ ᠨᠦᠭᠴᠢᠭᠡᠨ ᠪᠠᠶᠢᠭᠰᠠᠭᠠᠷ ᠰᠣᠷᠣᠭᠰᠠᠨ ᠮᠠᠳᠡᠭᠰᠡᠨ ᠪᠠᠭ᠎ᠠ᠂ ᠡᠷᠳᠡᠮ ᠮᠡᠳᠡᠯᠭᠡ ᠮᠥᠴᠢᠳ ᠪᠣᠯᠣᠭᠰᠠᠨ ᠣᠴᠢᠷ ᠡᠶᠢᠮᠥ ᠶᠣᠮ᠃                 ᠮᠢᠨᠣ ᠪᠡᠶ᠎ᠡ ᠠᠷᠪᠠᠨ ᠳᠡᠪᠣᠨ ᠨᠠᠰᠣᠨ ᠳᠤ ᠪᠠᠨ᠂ ᠣᠯᠣᠰ ᠲᠤᠷ ᠳᠣᠰᠠᠯᠠᠬᠤ ᠬᠦᠩ ᠤᠨ ᠵᠡᠷᠭᠡ ᠶᠢ ᠵᠠᠯᠭᠠᠮᠵᠢᠯᠠᠪᠠ᠃ ᠠᠷᠪᠠᠨ ᠨᠠᠢᠮᠠᠨ ᠨᠠᠰᠣᠨ ᠳᠤ ᠪᠠᠨ ᠵᠡᠭᠦᠨ ᠠᠪᠠᠭ᠎ᠠ ᠬᠤᠰᠢᠭᠤᠨ ᠤ ᠵᠠᠰᠠᠭ ᠬᠤᠱᠦᠢ ᠴᠢᠨ ᠸᠠᠩ  ᠤᠨ ᠵᠡᠷᠭᠡ ᠶᠢ ᠵᠠᠯᠭᠠᠮᠵᠢᠯᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠬᠤᠷᠢᠨ ᠳᠠᠪᠣᠨ ᠨᠠᠰᠣ ᠬᠦᠷᠳᠡᠯ᠎ᠠ ᠭᠠᠳᠠᠭᠰᠢ ᠭᠠᠷᠴᠣ᠂ ᠠᠯᠪᠠᠨ ᠠᠵᠢᠯ ᠶᠡᠷᠦ ᠬᠢᠭᠰᠡᠨ ᠦᠭᠡᠢ᠃ 1935 ᠣᠨ ᠳᠤ᠂ ᠳᠡᠮᠴᠣᠭᠳᠣᠩᠷᠣᠪ ᠤᠨ ᠰᠠᠨᠠᠭᠠᠴᠢᠯᠭ᠎ᠠ ᠪᠠᠷ᠂ ᠰᠢᠯᠢ ᠶᠢᠨ ᠭᠤᠣᠯ᠂ ᠴᠠᠬᠠᠷ᠂ ᠣᠯᠠᠭᠠᠨᠴᠠᠪ ᠵᠡᠷᠭᠡ ᠴᠢᠭᠤᠯᠭᠠᠨ ᠤ ᠣᠯᠡᠨ ᠬᠤᠰᠢᠭᠤᠳ ᠤᠨ ᠲᠦᠯᠦᠭᠡᠯᠡᠭᠴᠢ ᠣᠷᠣᠯᠴᠠᠭᠰᠠᠨ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠸᠠᠩ ᠤᠨ ᠣᠷᠳᠣᠨ᠎ᠠ ᠬᠤᠷᠠᠯᠳᠣᠭᠰᠠᠨ ᠶᠡᠭᠡ ᠬᠤᠷᠠᠯ ᠳᠤ ᠪᠣᠯ᠂ ᠶᠠᠫᠣᠨ ᠤ ᠳᠡᠮᠵᠢᠯᠭᠡ ᠪᠠᠷ ᠪᠠᠳᠣᠬᠠᠭᠠᠯᠭ᠎ᠠ ᠶᠢᠨ ᠭᠠᠵᠠᠷ ᠪᠠᠶᠢᠭᠤᠯᠣᠭᠰᠠᠨ ᠮᠣᠩᠭᠤᠯ ᠵᠠᠰᠠᠭ ᠤᠨ ᠬᠤᠷᠠᠯ ᠢ ᠦᠭᠡᠷᠡᠴᠢᠯᠡᠨ᠂ ᠴᠠᠬᠠᠷ ᠱᠠᠩᠳᠣ ᠬᠤᠰᠢᠭᠤᠨ ᠤ ᠡᠷᠳᠡᠮᠰᠣᠶᠣᠯᠳᠣ ᠬᠤᠳᠠᠨ᠎ᠠ ︵ᠣᠳᠣ ᠶᠢᠨ ᠬᠤᠸᠠ ᠳ᠋ᠧ ᠰᠢᠶᠡᠨ︶ ᠮᠣᠩᠭᠤᠯ ᠤᠨ ᠴᠡᠷᠢᠭ ᠤᠨ ᠦᠶᠡᠰ ᠵᠠᠰᠠᠭ ᠤᠨ ᠣᠷᠳᠣᠨ ᠢ ᠪᠠᠶᠢᠭᠤᠯᠬᠤ ᠶᠢ ᠵᠦᠪᠯᠡᠨ ᠳᠣᠭᠳᠠᠭᠠᠨᠰᠠᠨ ᠶᠣᠮ᠃                 ᠮᠢᠨᠣ ᠪᠡᠶ᠎ᠡ ᠲᠡᠷ᠎ᠡ ᠴᠠᠭ ᠠᠴᠠ ᠡᠬᠢᠯᠡᠨ ᠳᠡᠮᠴᠦᠭᠳᠣᠩᠷᠣᠪ ᠤᠨ ᠳᠡᠷᠭᠡᠳᠡ ᠠᠵᠢᠯᠯᠠᠵᠣ ᠪᠠᠶᠢᠭᠰᠠᠭᠠᠷ ᠴᠡᠷᠢᠭ ᠤᠨ ᠦᠶᠡᠰ ᠤᠨ ᠵᠠᠰᠠᠭ ᠤᠨ ᠣᠡᠳᠣᠨ ᠳᠤ ᠵᠠᠰᠠᠭ ᠤᠨ ᠵᠦᠪᠯᠡᠭᠴᠢ ᠪᠣᠯᠣᠨ ᠮᠣᠩᠭᠤᠯ ᠴᠡᠷᠢᠭ ᠤᠨ ᠨᠠᠢᠮᠠᠳᠣᠭᠠᠷ ᠪᠦᠯᠦᠭ ᠤᠨ ᠳᠡᠷᠤᠭ᠎ᠠ ᠶᠢᠨ ᠳᠣᠰᠢᠶᠠᠯ ᠳᠤ ᠳᠣᠮᠢᠯᠠᠭᠳᠠᠵᠣ᠂ ᠦᠷᠭᠦᠯᠵᠢ ᠵᠠᠰᠠᠭ ᠤᠨ ᠣᠭᠳᠣᠨ᠎ᠠ ᠰᠠᠭᠤᠵᠣ ᠠᠵᠢᠯᠯᠠᠳᠠᠭ ᠦᠭᠡᠢ ᠪᠣᠯᠪᠠᠴᠣ᠂ ᠨᠠᠰᠢ ᠴᠠᠰᠢ ᠣᠴᠢᠵᠣ ᠢᠷᠡᠵᠣ ᠶᠠᠪᠣᠳᠠᠭ ᠪᠣᠯᠣᠭᠰᠠᠨ ᠪᠠᠶᠢᠨ᠎ᠠ᠂ ᠣᠴᠢᠷ  ᠨᠢ ᠮᠢᠨᠣ ᠡᠴᠢᠭᠡ ᠪᠣᠯ ᠨᠠᠮ᠎ᠠ ᠶᠢ ᠭᠠᠳᠠᠭᠰᠢ ᠶᠠᠪᠣᠭᠤᠯᠵᠣ ᠠᠵᠢᠯ ᠬᠢᠯᠬᠡᠭᠦ ᠮᠠᠰᠢ ᠳᠣᠷ᠎ᠠ ᠦᠭᠡᠢ ᠳᠣᠯᠠ ᠣᠳᠠᠭᠠᠨ ᠬᠤᠨᠤᠭ ᠢᠶᠠᠷ ᠶᠠᠪᠣᠵᠣ ᠴᠢᠳᠠᠳᠠᠭ ᠦᠭᠡᠢ ᠪᠢᠯᠡ᠃ ᠳᠡᠮᠴᠦᠭᠳᠣᠩᠷᠣᠪ ᠴᠦ ᠭᠡᠰᠡᠨ ᠨᠠᠮ᠎ᠠ ᠶᠢ ᠦᠷᠭᠦᠯᠵᠢ ᠵᠠᠰᠠᠭ ᠤᠨ ᠣᠷᠳᠣᠨ᠎ᠠ ᠰᠠᠭᠤᠯᠭᠠᠵᠣ ᠠᠵᠢᠯᠯᠠᠭᠤᠯᠬᠤ ᠰᠠᠨᠠᠭᠠᠳᠠᠢ ᠪᠣᠯᠪᠠᠴᠣ ᠮᠢᠨᠣ ᠡᠴᠢᠬᠡ ᠶᠢᠨ ᠳᠣᠷ᠎ᠠ ᠦᠭᠡᠢ ᠶᠢ ᠮᠡᠳᠡᠭᠦ ᠳᠣᠯᠠ ᠠᠷᠭ᠎ᠠ ᠦᠭᠡᠢ ᠪᠠᠶᠢᠭᠰᠠᠨ ᠶᠣᠮ᠃                 1937 ᠣᠨ ᠳᠤ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠴᠢᠭᠤᠯᠭᠠᠨ ᠶᠠᠮᠣᠨ ᠢ ᠪᠡᠷᠡᠭᠤᠨ ᠰᠦᠨᠢᠳ ᠬᠤᠰᠢᠭᠤᠨ ᠳ᠋ᠠᠷ᠎ᠡ ᠡᠬᠡ ᠶᠢᠨ ᠰᠦᠮ᠎ᠡ ︵ᠦᠨᠳᠦᠷ ᠰᠦᠮ᠎ᠡ ᠬᠡᠳᠡᠭ︶ ᠳᠤ ᠪᠠᠶᠢᠭᠤᠯᠵᠣ᠂ ᠮᠢᠨᠣ ᠪᠡᠶ᠎ᠡ ᠳᠣᠰ ᠶᠠᠮᠣᠨ ᠤ ᠶᠡᠷᠣᠩᠬᠡᠢ ᠶᠠᠪᠣᠳᠠᠯ ᠤᠨ ᠲᠢᠩᠬᠢᠮ ᠤᠨ ᠳᠡᠷᠤᠭ᠎ᠠ ᠶᠢᠨ ᠳᠣᠰᠢᠶᠠᠯ ᠳᠤ ᠳᠣᠮᠢᠯᠠᠭᠳᠠᠵᠣ᠂ ᠴᠢᠭᠤᠯᠭᠠᠨ ᠶᠠᠮᠣᠨ᠎ᠠ ᠰᠠᠭᠤᠵᠣ᠂ ᠴᠢᠭᠤᠯᠭᠠᠨ ᠤ ᠠᠯᠪᠠᠨ ᠠᠵᠢᠯ ᠢ ᠬᠢᠬᠦ ᠪᠣᠯᠣᠭᠰᠠᠨ ᠶᠣᠮ᠃ ᠳᠡᠭᠦᠨ ᠠᠴᠠ ᠣᠷᠢᠳᠠ ᠴᠢᠭᠤᠯᠭᠠᠨ ᠤ ᠶᠠᠮᠣᠨ ᠬᠡᠵᠣ ᠶᠡᠷᠦ ᠪᠠᠶᠢᠭᠰᠠᠨ ᠦᠭᠡᠢ᠃ ᠶᠠᠮᠡᠷ ᠨᠢᠭᠡᠨ ᠵᠠᠰᠠᠭ ᠸᠠᠩ ᠴᠢᠭᠤᠯᠭᠠᠨ ᠤ ᠳᠡᠷᠤᠭ᠎ᠠ ᠰᠠᠭᠤᠪᠠᠯ᠂ ᠲᠡᠷᠡ ᠬᠤᠰᠢᠭᠤᠨ ᠤ ᠠᠯᠪᠠᠨ ᠶᠠᠮᠣᠨ ᠪᠣᠯᠳᠠᠭ ᠪᠢᠯᠡ᠃                 ᠴᠢᠭᠤᠯᠭᠠᠨ ᠶᠠᠮᠣᠨ ᠠᠩᠬ᠎ᠠ ᠪᠠᠶᠢᠭᠤᠯᠬᠤ ᠦᠶᠡᠰ ᠤᠨ ᠴᠢᠭᠤᠯᠭᠠᠨ ᠳᠠᠷᠤᠭ᠎ᠠ ᠪᠣᠯ ᠰᠦᠨᠢᠳ ᠵᠡᠭᠦᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠸᠠᠩ ᠷᠢᠨᠴᠢᠨᠸᠠᠩᠳᠠᠨ᠂ ᠴᠢᠭᠤᠯᠭᠠᠨ ᠤ ᠳᠡᠳ᠋ ᠳᠠᠷᠤᠭ᠎ᠠ ᠪᠣᠯ ᠵᠡᠭᠦᠨ ᠬᠠᠭᠤᠴᠢᠳ ᠬᠤᠰᠢᠭᠤᠨ  ᠤ ᠵᠠᠰᠠᠭ ᠸᠠᠩ ᠰᠦᠩᠵᠢᠨᠸᠠᠩᠴᠤᠭ ᠪᠠᠶᠢᠭᠰᠠᠨ ᠶᠣᠮ᠃ ᠴᠢᠭᠤᠯᠭᠠᠨ ᠶᠠᠮᠣᠨ ᠤ ᠵᠠᠰᠠᠭ ᠤᠨ ᠪᠠᠶᠢᠭᠤᠯᠣᠮᠵᠢ ᠬᠡᠪᠡᠯ᠄ ᠶᠡᠷᠦᠩᠬᠡᠢ ᠶᠠᠪᠣᠳᠠᠯ ᠤᠨ ᠳᠢᠩᠬᠢᠮ᠂ ᠢᠷᠭᠡᠨ ᠤ ᠵᠠᠰᠠᠯᠳᠠ ᠶᠢᠨ ᠭᠠᠵᠠᠷ᠂ ᠠᠮᠣᠷ ᠢ ᠬᠠᠮᠠᠭᠠᠯᠠᠬᠤ ᠭᠠᠵᠠᠷ ᠵᠡᠷᠭᠡ ᠪᠣᠯᠣᠨ᠎ᠠ᠃ ᠴᠢᠭᠤᠯᠭᠠᠨ ᠶᠠᠮᠣᠨ ᠳᠤ ᠶᠠᠫᠣᠨ ᠬᠦᠮᠥᠰ ᠳᠡᠮᠡᠢ ᠣᠯᠡᠨ ᠦᠭᠡᠢ᠂ ᠠᠰᠠᠭᠤᠨ ᠵᠦᠪᠯᠡᠭᠴᠢ ᠢᠲ᠋ᠣᠣ ᠬᠡᠳᠡᠭ ᠨᠢᠭᠡᠯᠬᠡᠨ ᠶᠠᠫᠣᠨ ᠬᠦᠮᠥᠨ ᠪᠠᠶᠢᠭᠰᠠᠨ ᠶᠣᠮ᠃                             1939 ᠣᠨ ᠳᠤ ᠴᠢᠭᠤᠯᠭᠠᠨ ᠶᠠᠮᠣᠨ ᠨᠡᠭᠦᠭᠡᠳ᠂ ᠪᠢᠳᠢᠳᠠ ᠬᠡᠬᠡᠨ ᠬᠡᠶᠢᠳ ᠤᠨ ᠵᠡᠭᠦᠬᠡᠨ᠎ᠡ ᠪᠠᠭᠤᠵᠣ᠂ ᠳᠡᠨᠳᠡ ᠮᠣᠩᠭᠤᠯ ᠭᠡᠷ ᠢᠶᠠᠷ ᠵᠢᠯ ᠢᠯᠡᠭᠦᠦ ᠰᠠᠭᠤᠵᠣ ᠪᠠᠶᠢᠭᠠᠳ ᠳᠡᠷᠠᠭ᠎ᠠ ᠨᠢ ᠪᠠᠶᠢᠰᠢᠩ ᠭᠡᠷ ᠪᠠᠷᠢᠭᠰᠠᠨ ᠶᠣᠮ᠃                 1941 ᠣᠨ ᠳᠤ ᠴᠢᠭᠤᠯᠭᠠᠨ ᠤ ᠳᠡᠷᠤᠭ᠎ᠠ ᠷᠢᠨᠴᠢᠨᠸᠠᠩᠳᠠᠨ ᠳᠣᠰᠢᠶᠠᠯ ᠢᠶᠠᠨ ᠴᠢᠯᠥᠭᠡᠯᠡᠭᠡᠳ ᠴᠢᠭᠤᠯᠭᠠᠨ ᠤ ᠳᠡᠳ᠋ ᠳᠠᠷᠤᠭ᠎ᠠ ᠪᠠᠶᠢᠭᠰᠠᠨ ᠰᠦᠩᠵᠢᠨᠸᠠᠩᠴᠤᠭ ᠴᠢᠭᠤᠯᠭᠠᠨ ᠤ ᠳᠡᠷᠤᠭ᠎ᠠ ᠶᠢᠨ ᠳᠣᠰᠢᠶᠠᠯ ᠳᠤ ᠳᠣᠮᠢᠯᠠᠭᠳᠠᠵᠣ᠂ ᠮᠢᠨᠣ ᠪᠡᠶ᠎ᠡ ᠴᠢᠭᠤᠯᠭᠠᠨ ᠤ ᠲᠡᠳ᠋ ᠳᠠᠷᠤᠭ᠎ᠠ ᠶᠢᠨ ᠳᠣᠰᠢᠶᠠᠯ ᠳᠤ ᠳᠣᠮᠢᠯᠠᠭᠳᠠᠨ᠂ ᠪᠠᠰᠠ 1943 ᠣᠨ ᠳᠤ ᠮᠠᠨ ᠤ ᠴᠢᠭᠤᠯᠭᠠᠨ ᠳᠤ ᠰᠢᠨ᠎ᠠ ᠪᠠᠷ ᠪᠠᠶᠢᠭᠤᠯᠣᠭᠳᠠᠭᠰᠠᠨ ᠮᠣᠩᠭᠤᠯ ᠴᠡᠷᠢᠭ ᠤᠨ ᠰᠡᠷᠬᠡᠶᠢᠯᠡᠨ ᠪᠡᠯᠡᠳᠭᠡᠬᠦ ᠪᠦᠯᠦᠭ ᠴᠡᠷᠢᠭ ᠤᠨ ᠲᠡᠳ᠋ ᠳᠠᠷᠤᠭ᠎ᠠ ᠪᠠᠷ ᠳᠣᠮᠢᠯᠠᠭᠳᠠᠪᠠᠢ᠃ ︵ᠱᠣᠣ ᠵᠢᠶᠠᠩ ᠵᠡᠷᠭᠡ ᠲᠠᠢ︶ ᠳᠡᠷᠡ ᠦᠶᠡᠰ ᠲᠤ ᠴᠢᠭᠤᠯᠭᠠᠨ ᠤ ᠳᠠᠷᠤᠭ᠎ᠠ ᠰᠦᠩᠵᠢᠨᠸᠠᠩᠴᠤᠭ ᠮᠣᠩᠭᠤᠯ ᠬᠢᠵᠠᠭᠠᠷ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠣᠩᠭᠤᠯ ᠢ ᠮᠠᠨᠳᠣᠭᠤᠯᠬᠤ ᠳᠦᠰᠢᠮᠡᠳ ᠤᠨ ᠬᠤᠷᠠᠯ ᠤᠨ ᠳᠠᠷᠤᠭ᠎ᠠ ᠪᠣᠯᠣᠭᠰᠠᠨ ᠣᠴᠢᠷ᠂ ᠲᠡᠷᠡ ᠦᠷᠭᠦᠯᠵᠢ ᠴᠢᠭᠤᠯᠭᠠᠨ ᠶᠠᠮᠣᠨ᠎ᠠ ᠰᠠᠭᠤᠵᠣ ᠠᠵᠢᠯᠯᠠᠬᠤ ᠦᠭᠡᠢ ᠪᠣᠯᠵᠣ᠂ ᠴᠢᠭᠤᠯᠭᠠᠨ ᠤ ᠠᠯᠢᠪᠠ ᠠᠯᠪᠡᠨ ᠠᠵᠢᠯ ᠢ ᠮᠢᠨᠣ ᠪᠡᠶ᠎ᠡ ᠬᠠᠷᠢᠭᠤᠴᠠᠬᠤ ᠪᠣᠯᠣᠭᠰᠠᠨ ᠳᠣᠯᠠ ᠰᠡᠷᠬᠡᠶᠢᠯᠡᠨ ᠪᠡᠯᠡᠳᠭᠡᠬᠦ ᠴᠡᠷᠢᠭ ᠤᠨ ᠭᠡᠷᠡᠭ ᠣᠴᠢᠷ ᠢ ᠴᠦ ᠣᠨᠴᠠ ᠬᠠᠮᠢᠶᠠᠷᠳᠠᠭ ᠦᠭᠡᠢ ᠪᠠᠶᠢᠯ᠎ᠠ᠃                  ᠳᠡᠷᠡ ᠦᠶᠡᠰ ᠤᠨ ᠴᠢᠭᠤᠯᠭᠠᠨ ᠶᠠᠮᠣᠨ ᠤ ᠵᠠᠰᠠᠭ ᠤᠨ ᠪᠠᠶᠢᠭᠤᠯᠣᠮᠵᠢ ᠪᠣᠯᠣᠨ ᠳᠡᠭᠦᠨ ᠤ ᠳᠣᠰᠢᠶᠠᠯᠳᠠᠨ ᠢ ᠳᠣᠷᠠᠳᠪᠠᠰᠣ᠄ ᠶᠡᠷᠦᠩᠬᠡᠢ ᠶᠠᠪᠣᠳᠠᠯ ᠤᠨ ᠭᠠᠵᠠᠷ᠂ ᠢᠷᠬᠡᠨ ᠤ ᠵᠠᠰᠠᠯᠳᠠ ᠶᠢᠨ ᠭᠠᠵᠠᠷ᠂ ᠦᠨᠡᠨ ᠬᠦᠷᠦᠩᠭᠡ ᠶᠢᠨ ᠭᠠᠵᠠᠷ᠂ ᠠᠮᠣᠷ ᠢ ᠬᠠᠮᠠᠭᠠᠯᠠᠬᠤ ᠭᠠᠵᠠᠷ ᠭᠡᠵᠣ ᠪᠠᠶᠢᠭᠰᠠᠨ ᠶᠣᠮ᠃ ᠶᠡᠷᠦᠩᠬᠡᠢ ᠶᠠᠪᠣᠳᠠᠯ ᠤᠨ ᠭᠠᠵᠠᠷ  ᠤᠨ ᠲᠡᠷᠤᠭ᠎ᠠ ᠪᠣᠯ ᠵᠠᠭᠴᠢᠳᠰᠡᠴᠢᠨ ᠭᠡᠳᠡᠭ ᠬᠦᠮᠥᠨ ᠪᠠᠶᠢᠭᠰᠠᠨ ᠶᠤᠮ᠃ ᠵᠠᠭᠴᠢᠳᠰᠡᠴᠢᠨ ᠪᠣᠯ ᠬᠠᠷᠴᠢᠨ ᠸᠠᠩ ᠤᠨ ᠬᠤᠰᠢᠭᠤᠨ ᠤ ᠬᠦᠮᠥᠨ᠂ ᠪᠡᠭᠡᠵᠢᠩ ᠶᠡᠭᠡ ᠰᠣᠷᠭᠠᠭᠤᠯᠢ ᠳᠡᠭᠦᠰᠭᠡᠵᠣ ᠳᠡᠷᠠᠭ᠎ᠠ ᠨᠢ ᠶᠠᠫᠣᠨ ᠳᠤ ᠣᠴᠢᠵᠣ ᠰᠣᠷᠣᠯᠴᠠᠭᠰᠠᠨ ᠰᠣᠶᠣᠯ ᠡᠷᠳᠡᠮ ᠪᠣᠯᠪᠠᠰᠣᠷᠠᠩᠭᠤᠢ ᠶᠡᠭᠡ ᠰᠡᠷᠭᠦᠯᠡᠩ ᠬᠦᠮᠥᠨ ᠶᠤᠮ᠃ ᠮᠢᠨᠣ ᠪᠡᠶ᠎ᠡ ᠠᠯᠢᠪᠠ ᠠᠵᠢᠯ  ᠢᠶᠠᠨ ᠳᠡᠭᠦᠨ ᠯᠦᠭᠡ ᠵᠦᠪᠯᠡᠵᠣ ᠬᠢᠳᠡᠭ ᠪᠦᠭᠡᠳ ᠨᠠᠳᠠᠳᠣ ᠶᠡᠭᠡ ᠬᠠᠨᠢ ᠪᠣᠯᠵᠣ ᠪᠠᠶᠢᠭᠰᠠᠨ ᠶᠤᠮ᠃ ᠳᠦᠴᠢᠨ ᠳᠠᠪᠣᠨ ᠣᠨ ᠳᠤ ᠲᠡᠷᠡ ᠪᠡᠭᠡᠵᠢᠩ ᠳᠤ ᠳᠣᠳᠠᠭᠠᠨ ᠶᠠᠪᠣᠭᠰᠠᠨ᠂ ᠡᠳᠦᠭᠡ ᠠᠮᠢᠳᠣ ᠪᠠᠶᠢᠬᠤ ᠡᠰᠡᠬᠦ ᠶᠢ ᠮᠡᠳᠡᠭᠦ ᠦᠭᠡᠢ᠃ ᠢᠷᠭᠡᠨ ᠤ ᠵᠠᠰᠠᠯᠳᠠ ᠶᠢᠨ ᠭᠠᠵᠠᠷ ᠤᠨ ᠳᠡᠷᠤᠭ᠎ᠠ ᠪᠣᠯ ᠵᠡᠭᠦᠨ ᠠᠪᠠᠭ᠋ᠠᠨᠡᠷ ᠬᠤᠰᠢᠭᠤᠨ ᠤ ᠵᠠᠰᠠᠭ ᠪᠡᠶᠢᠯᠡ ᠪᠡᠯᠭᠦᠰᠦ᠋ᠷᠦᠩ ᠪᠠᠶᠢᠭᠰᠠᠨ ᠶᠤᠮ᠃ ᠶᠠᠫᠣᠨ ᠬᠦᠮᠥᠨ ᠣᠯᠡᠨ ᠪᠠᠶᠢᠭᠰᠠᠨ ᠦᠭᠡᠢ ᠪᠣᠯᠪᠠᠴᠣ ᠰᠡᠭᠦᠯᠴᠢ ᠶᠢᠨ ᠦᠶ᠎ᠡ ᠳᠤ ᠠᠯᠭᠤᠷ ᠢᠶᠠᠷ ᠨᠡᠮᠡᠭᠳᠡᠵᠣ ᠭᠠᠵᠠᠷ ᠤᠨ ᠳᠡᠳ᠋ ᠳᠠᠷᠤᠭ᠎ᠠ ᠶᠢᠨ ᠳᠣᠰᠢᠶᠠᠯ ᠢ ᠶᠡᠫᠣᠨ ᠬᠦᠮᠥᠨ ᠬᠠᠷᠢᠭᠤᠴᠠᠵᠣ ᠪᠠᠶᠢᠭᠰᠠᠨ ᠶᠤᠮ᠂ ᠪᠠᠰᠠ ᠽᠠᠨ ᠢ ᠭᠤᠸᠠᠨ ᠭᠡᠳᠡᠭ ᠵᠦᠪᠯᠡᠭᠴᠢ ᠶᠢᠨ ᠳᠣᠰᠢᠶᠠᠯ ᠲᠠᠢ ᠶᠠᠫᠣᠨ ᠬᠦᠮᠥᠨ ᠪᠠᠶᠢᠭᠰᠠᠨ᠃ ᠽᠠᠨ ᠢ ᠭᠤᠸᠠᠨ ᠨᠢ ᠪᠠᠶᠢᠨ ᠲᠠᠬᠢᠨ ᠬᠠᠯᠠᠭᠳᠠᠭᠰᠠᠭᠠᠷ ᠪᠠᠶᠢᠭᠠᠳ ᠰᠡᠭᠦᠯᠴᠢ ᠶᠢᠨ ᠦᠶ᠎ᠡ ᠳᠤ ᠡᠺᠡᠵᠢ ᠭᠡᠳᠡᠭ ᠶᠠᠫᠣᠨ ᠬᠦᠮᠥᠨ ᠪᠠᠶᠢᠭᠰᠠᠨ ᠶᠤᠮ᠃ ᠲᠡᠷᠡ ᠪᠣᠯ ᠣᠨᠴᠠ ᠬᠠᠷᠭᠢᠰ ᠭᠡᠷᠴᠡᠬᠡᠢ ᠬᠦᠮᠥᠨ ᠪᠢᠰᠢ᠂ ᠠᠯᠢᠪᠠ ᠠᠵᠢᠯ ᠢ ᠠᠰᠠᠭᠤᠨ ᠵᠦᠪᠯᠡᠵᠣ ᠬᠢᠳᠡᠭ ᠬᠦᠮᠥᠨ ᠪᠠᠶᠢᠭᠰᠠᠨ ᠪᠢᠯᠡ᠃ 1943 ᠣᠨ ᠤ ᠦᠶᠡᠰ ᠬᠤᠰᠢᠭᠤ ᠪᠦᠷᠢ ᠶᠠᠫᠣᠨ ᠭᠦᠸᠧᠨ ᠭᠡᠳᠡᠭ ᠠᠰᠠᠭᠤᠨ ᠵᠦᠪᠯᠡᠭᠴᠢ ᠰᠠᠭᠤᠳᠠᠭ ᠪᠣᠯᠣᠭᠰᠠᠨ ᠶᠤᠮ᠃ ᠵᠡᠭᠦᠨ ᠠᠪᠠᠭ᠎ᠠ ᠬᠤᠰᠢᠭᠤᠨ ᠳᠤ ᠶᠠᠮᠠᠲ ᠬᠡᠳᠡᠭ ᠬᠦᠮᠥᠨ ᠰᠠᠭᠤᠵᠣ ᠪᠠᠶᠢᠭᠠᠳ ᠬᠠᠯᠠᠭᠳᠠᠵᠣ᠂ ᠳᠡᠷᠠᠭ᠎ᠠ ᠨᠢ ᠰᠧᠰᠡ ᠬᠡᠳᠡᠭ ᠬᠦᠮᠥᠨ ᠰᠠᠭᠤᠵᠣ ᠪᠠᠶᠢᠭᠠᠳ 1945 ᠣᠨ ᠤ ᠳᠠᠶᠢᠨ ᠤ ᠦᠶ᠎ᠡ ᠳ᠋ᠡ ᠳᠣᠳᠠᠭᠠᠨ ᠵᠠᠶᠢᠯᠠᠵᠣ ᠵᠠᠪᠳᠣᠭᠰᠠᠨ ᠦᠭᠡᠢ ᠪᠠᠷᠢᠭᠳᠠᠵᠣ ᠮᠣᠩᠭᠤᠯ ᠣᠯᠣᠰ ᠲᠤ ᠬᠦᠳᠡᠯᠮᠥᠷᠢ  ᠪᠠᠷ ᠦᠭᠡᠷᠡᠴᠢᠯᠡᠭᠳᠠᠵᠣ ᠪᠠᠶᠢᠭᠠᠳ 1954 ᠣᠨ ᠳᠤ ᠬᠦᠭᠡᠬᠤᠳᠡ ᠳᠤ ᠭᠦᠷᠭᠡᠭᠳᠡᠨ ᠢᠷᠡᠭᠡᠳ ᠳᠡᠮᠡᠢ ᠣᠳᠠᠭᠰᠠᠨ ᠦᠭᠡᠢ ᠬᠡᠳᠣᠨ ᠶᠠᠫᠣᠨ ᠬᠥᠮᠥᠰ ᠤᠨ ᠬᠠᠮᠳᠣ ᠣᠯᠣᠰ ᠲᠤ ᠪᠠᠨ ᠬᠠᠷᠢᠭᠰᠠᠨ ᠪᠢᠯᠡ᠃                 ᠮᠠᠨ ᠤ ᠴᠢᠭᠤᠯᠭᠠᠨ ᠳᠤ ᠰᠠᠭᠤᠵᠣ ᠪᠠᠶᠢᠭᠰᠠᠨ ᠶᠡᠫᠣᠨ ᠭᠤᠸᠠᠨ ᠳ᠋ᠦᠩ ᠵᠢᠶᠦ᠋ᠨ ᠴᠡᠷᠢᠭ ᠤᠨ ᠣᠨᠴᠣᠭᠤᠢ ᠶᠠᠪᠣᠳᠠᠯ ᠤᠨ ᠶᠠᠮᠣᠨ ᠭᠡᠭᠴᠢ ᠪᠣᠯ 1932 ᠣᠨ ᠤ ᠦᠶᠡᠰ ᠠᠴᠠ ᠡᠬᠢᠯᠡᠨ ᠪᠠᠶᠢᠭᠤᠯᠣᠭᠰᠠᠨ ᠬᠡᠵᠣ ᠪᠣᠯᠬᠤ ᠶᠤᠮ᠂ ᠣᠴᠢᠷ ᠨᠢ ᠲᠡᠷᠡ ᠦᠶᠡᠰ ᠲᠤ ᠮᠣᠷᠢᠰᠢᠮ᠎ᠠ ᠬᠡᠳᠡᠭ ᠨᠢᠬᠡᠨ ᠡᠪᠦᠭᠡᠰᠢᠶᠡᠷ ᠶᠡᠫᠣᠨ ᠬᠦᠮᠥᠨ ᠪᠠᠳᠢᠳᠠ ᠬᠡᠬᠡᠨ ᠬᠡᠶᠢᠳ ᠲᠤ ᠢᠷᠡᠵᠣ ᠬᠦᠯᠢᠭᠡᠷ ᠳᠣᠪᠵᠢᠶᠠᠳᠣ ᠬᠡᠳᠡᠭ ᠯᠣᠪᠣᠨ ᠯᠠᠮᠠ ᠶᠢᠨ ᠪᠠᠶᠢᠰᠢᠩ ᠳᠤ ᠰᠠᠭᠤᠵᠣ᠂ ᠲᠡᠷᠡ ᠬᠦ ᠣᠨᠴᠣᠭᠤᠢ ᠶᠠᠪᠣᠳᠠᠯ ᠤᠨ ᠶᠠᠮᠣᠨ ᠤ ᠠᠩᠬᠠᠨ ᠤ ᠪᠡᠯᠡᠳᠬᠡᠯ ᠢ ᠬᠢᠭᠡᠳ ᠳᠡᠮᠡᠢ ᠣᠳᠠᠭᠰᠠᠨ ᠦᠭᠡᠢ ᠰᠢᠯᠵᠢᠵᠣ᠂ ᠳᠡᠷᠠᠭ᠎ᠠ ᠨᠢ ᠮᠠᠬᠢᠨᠣᠣ ᠬᠡᠳᠡᠭ ᠬᠦᠮᠥᠨ ᠢᠷᠡᠵᠣ ᠣᠨᠴᠣᠭᠤᠢ ᠶᠠᠪᠣᠳᠠᠯ ᠤᠨ ᠶᠠᠮᠣᠨ ᠤ ᠬᠡᠬᠡᠨ ᠬᠡᠶᠢᠳ ᠠᠴᠠ ᠣᠶᠢᠷᠠᠬᠠᠨ ᠵᠡᠭᠦᠨ ᠡᠮᠣᠨᠡᠰᠢ ᠵᠦᠭ ᠲᠤ ᠵᠢᠩᠬᠢᠨᠢ ᠪᠠᠷ ᠪᠠᠶᠢᠭᠤᠯᠵᠣ ᠪᠠᠶᠢᠭᠠᠳ ᠪᠠᠰᠠ ᠲᠡᠷᠡ ᠬᠠᠯᠠᠭᠳᠠᠵᠣ ᠬᠢᠮᠦᠷᠠ ᠬᠡᠳᠡᠭ ᠬᠦᠮᠥᠨ ᠳᠠᠷᠣᠭᠠᠯᠠᠵᠣ ᠪᠠᠶᠢᠭᠠᠳ 1945 ᠣᠨ ᠤ ᠳᠡᠯᠡᠬᠡᠢ ᠶᠢᠨ ᠬᠤᠶᠠᠳᠣᠭᠠᠷ ᠳᠠᠶᠢᠨ ᠤ ᠦᠶᠡᠰ ᠪᠦᠬᠦ ᠶᠠᠮᠣᠨ ᠢᠶᠠᠨ ᠭᠠᠯᠳᠠᠭᠠᠳ ᠰᠦᠨᠡᠰᠣ ᠨᠢ ᠵᠠᠪᠬᠤᠷᠠᠨ ᠳᠣᠳᠠᠭᠠᠨ ᠶᠠᠪᠣᠭᠰᠠᠨ ᠪᠢᠯᠡ᠃ ᠲᠡᠷᠡ ᠬᠦ ᠣᠨᠴᠣᠭᠤᠢ ᠶᠠᠪᠣᠳᠠᠯ  ᠤᠨ ᠶᠠᠮᠣᠨ ᠤ ᠰᠢᠯᠢ ᠶᠢᠨ ᠭᠤᠣᠯ ᠬᠤᠰᠢᠭᠤᠳ ᠲᠠᠬᠢ ᠰᠠᠯᠪᠣᠷᠢ ᠶᠠᠮᠣᠨ ᠪᠠᠶᠢᠭᠰᠠᠨ ᠭᠠᠵᠠᠷ ᠢ ᠳᠣᠷᠠᠳᠪᠠᠯ᠄ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠸᠠᠩ ᠤᠨ ᠣᠷᠳᠣᠨ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠯᠠᠮᠠ ᠶᠢᠨ ᠬᠦᠷᠢᠶ᠎ᠡ ᠶᠢᠨ ᠰᠦᠮ᠎ᠡ᠂ ᠵᠡᠬᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠨᠦᠩᠨᠡᠢ ᠶᠢᠨ ᠰᠦᠮ᠎ᠡ᠂ ᠪᠠᠷᠠᠭᠤᠨ ᠰᠦᠨᠢᠳ ᠬᠤᠰᠢᠭᠤᠨ ᠤ ᠸᠠᠩ ᠤᠨ ᠣᠷᠳᠣᠨ ᠤ ᠵᠡᠭᠦᠨ ᠳᠠᠯ᠎ᠠ ᠳᠤ᠂ ᠵᠡᠭᠦᠨ ᠰᠦᠨᠢᠳ ᠬᠤᠰᠢᠭᠤᠨ ᠤ ᠴᠧᠪᠵᠣ ᠵᠠᠷᠠᠭ᠎ᠠ᠂ ᠵᠡᠬᠦᠨ ᠰᠦᠨᠢᠳ ᠬᠤᠰᠢᠭᠤᠨ ᠤ ᠴᠠᠭᠠᠨ ᠣᠪᠣᠭ᠎ᠠ ᠰᠦᠮ᠎ᠡ᠂ ᠵᠦᠭᠦᠨ ᠠᠪᠠᠭ᠋ᠠᠨᠡᠷ ᠬᠤᠰᠢᠭᠤᠨ ᠤ ᠳ᠋ᠠᠢ ᠯᠠᠮᠠ ᠶᠢᠨ ᠰᠦᠮ᠎ᠡ ᠵᠡᠷᠭᠡ ᠭᠠᠵᠠᠷ ᠤᠳ ᠲᠤ ᠪᠠᠶᠢᠭᠰᠠᠨ ᠪᠦᠭᠡᠳ ᠳᠡᠳᠡᠭᠡᠷ ᠶᠠᠮᠣᠨ ᠪᠣᠯ᠂ ᠣᠣᠯ ᠨᠣᠳᠤᠭ ᠣᠷᠣᠨ ᠤ ᠬᠦᠮᠥᠰ ᠢ ᠲᠠᠩᠨᠠᠭᠤᠯ ᠤᠨ ᠠᠵᠢᠯ ᠳᠤ ᠪᠠᠨ ᠡᠯᠰᠡᠵᠣ᠂ ᠳᠡᠳᠡᠨ ᠤ ᠪᠠᠶᠢᠩᠭᠤ ᠶᠢᠨ ᠵᠠᠩᠰᠢᠯ ᠲᠠᠩᠨᠠᠬᠤ ᠠᠵᠢᠯ ᠳᠤ ᠪᠠᠨ ᠵᠢᠯᠣᠭᠤᠳᠣᠨ ᠵᠠᠷᠣᠳᠠᠭ ᠶᠤᠮ᠃ ᠶᠠᠫᠣᠨ ᠤ ᠲᠠᠩᠨᠠᠭᠤᠯ ᠤᠨ ᠠᠵᠢᠯ ᠳᠤ ᠣᠷᠣᠯᠴᠠᠭᠰᠠᠨ ᠳᠡᠳᠡᠭᠡᠷ ᠬᠦᠮᠥᠰ ᠢ 1945 ᠣᠨ ᠳᠤ ᠵᠦᠪᠯᠡᠯᠳᠣ ᠪᠠ ᠮᠣᠩᠭᠤᠯ ᠤᠨ ᠴᠡᠷᠢᠭ ᠪᠠᠷᠢᠪᠴᠢᠯᠠᠨ ᠠᠪᠴᠣ ᠮᠣᠩᠭᠤᠯ ᠣᠯᠣᠰ ᠲᠤ ᠶᠠᠯ᠎ᠠ ᠰᠢᠢᠳᠬᠡᠯ ᠢ ᠳᠣᠭᠳᠠᠭᠠᠨ ᠬᠦᠳᠡᠯᠮᠦᠷᠢ ᠪᠠᠷ ᠦᠭᠡᠷᠡᠴᠢᠯᠠᠵᠣ ᠪᠠᠶᠢᠭᠠᠳ᠂ 1954 ᠣᠨ ᠳᠤ ᠣᠣᠯ ᠨᠣᠳᠤᠭ ᠲᠤ ᠨᠢ ᠪᠣᠴᠠᠭᠠᠨ ᠢᠷᠡᠭᠦᠯᠦᠭᠰᠡᠨ ᠪᠢᠯᠡ᠃ ᠣᠳᠣ ᠶᠢᠨ ᠰᠢᠯᠢ ᠶᠢᠨ ᠭᠤᠣᠯ ᠴᠢᠭᠤᠯᠭᠠᠨ ᠤ ᠦᠩᠬᠡᠷᠡᠭᠰᠡᠨ ᠨᠢᠬᠡᠨ ᠦᠶ᠎ᠡ  ᠶᠢᠨ ᠨᠡᠶᠢᠬᠡᠮ ᠤᠨ ᠪᠠᠶᠢᠭᠤᠯᠣᠵᠮᠵᠢ ᠶᠢ ᠳᠣᠷᠠᠳᠪᠠᠯ᠄ ᠰᠢᠯᠢ ᠶᠢᠨ ᠭᠤᠣᠯ ᠴᠢᠭᠤᠯᠭᠠᠨ ᠳᠤ ᠪᠣᠯ ᠠᠷᠪᠠᠨ ᠬᠤᠰᠢᠭᠤ ᠪᠠᠶᠢᠳᠠᠭ ᠪᠦᠭᠡᠳ ᠨᠢᠬᠡ ᠵᠠᠭᠤᠨ ᠨᠠᠢᠮᠠᠨ ᠰᠣᠮᠣ ᠲᠠᠢ᠂ ᠪᠦᠬᠦ ᠬᠦᠮᠥᠨ ᠠᠮᠠ ᠨᠢ ᠪᠣᠯ ︵1945 ᠣᠨ ᠤ ᠡᠮᠥᠨᠡᠬᠢ ᠪᠦᠷᠢᠳᠬᠡᠯ ᠢᠶᠠᠷ︶ ᠳᠡᠪᠣᠨ ᠲᠦᠮ᠎ᠡ ᠭᠠᠷᠦᠢ ᠪᠠᠶᠢᠭᠰᠠᠨ ᠶᠤᠮ ︵ᠡᠭᠦᠨ ᠳᠤ ᠬᠢᠳᠡᠳ ᠪᠠᠭᠳᠠᠬᠤ ᠦᠭᠡᠢ︶᠃                 ᠪᠠᠷᠠᠭᠤᠨ ᠦᠵᠣᠮᠦᠴᠢᠨ ᠬᠤᠰᠢᠭᠤ ᠬᠤᠷᠢᠨ ᠨᠢᠬᠡᠨ ᠰᠣᠮᠣ ᠲᠠᠢ᠂       ᠵᠡᠬᠦᠨ ᠦᠵᠣᠮᠦᠴᠢᠨ ᠬᠤᠰᠢᠭᠤ ᠶᠢᠰᠣᠨ ᠰᠣᠮᠣ ᠲᠠᠢ᠂       ᠵᠡᠬᠦᠨ ᠰᠦᠨᠢᠳ ᠬᠤᠰᠢᠭᠤ ᠬᠤᠷᠢᠨ ᠰᠣᠮᠣ ᠲᠠᠢ᠂       ᠪᠠᠷᠠᠭᠤᠨ ᠰᠦᠨᠢᠳ ᠬᠤᠰᠢᠭᠤ ᠠᠷᠪᠠᠨ ᠭᠤᠷᠪᠠᠨ ᠰᠣᠮᠣ ᠲᠠᠢ᠂       ᠵᠡᠬᠦᠨ ᠠᠪᠠᠭ᠎ᠠ ᠬᠤᠰᠢᠭᠤ ᠠᠷᠪᠠᠨ ᠨᠢᠬᠡᠨ ᠰᠣᠮᠣ ᠲᠠᠢ ᠂       ᠪᠡᠷᠡᠭᠤᠨ ᠠᠪᠠᠭ᠎ᠠ ᠬᠤᠰᠢᠭᠤ ᠳᠣᠯᠣᠭᠠᠨ ᠰᠣᠮᠣ ᠲᠠᠢ᠂       ᠵᠡᠭᠦᠨ ᠠᠪᠠᠭ᠋ᠠᠨᠡᠷ ᠬᠤᠰᠢᠭᠤ ᠶᠢᠰᠣᠨ ᠰᠣᠮᠣ ᠲᠠᠢ᠂       ᠪᠠᠷᠠᠭᠤᠨ ᠠᠪᠠᠭ᠋ᠠᠨᠡᠷ ᠬᠤᠰᠢᠭᠤ ᠳᠣᠯᠣᠭᠠᠨ ᠰᠣᠮᠣ ᠲᠠᠢ᠂       ᠵᠡᠭᠦᠨ ᠬᠠᠭᠤᠴᠢᠳ ᠬᠤᠰᠢᠭᠤ ᠵᠢᠷᠭᠤᠭᠠᠨ ᠰᠣᠮᠣ ᠲᠠᠢ᠂       ᠪᠠᠷᠠᠭᠤᠨ ᠬᠠᠭᠤᠴᠢᠳ ᠬᠤᠰᠢᠭᠤ ᠳᠠᠪᠣᠨ ᠰᠣᠮᠣ ᠲᠠᠢ᠂ ᠰᠢᠯᠢ ᠶᠢᠨ ᠭᠤᠣᠯ ᠴᠢᠭᠤᠯᠭᠠᠨ ᠤ ᠠᠷᠪᠠᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠸᠠᠩ᠂ ᠪᠡᠶᠢᠯᠡ ᠨᠡᠷ ᠤᠨ ᠨᠡᠷᠡᠰ᠄ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠬᠤᠱᠦᠢ ᠰᠡᠴᠡᠨ ᠴᠢᠨ ᠸᠠᠩ ᠰᠣᠣᠳᠨᠠᠮᠷᠠᠪᠳᠠᠨ᠂ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠣ ᠨᠦᠭᠴᠢᠭᠡᠳ ᠦᠪᠡᠷ ᠢᠶᠠᠨ ᠲᠦᠷᠦᠭᠰᠡᠨ ᠬᠦᠪᠡᠬᠦᠨ ᠦᠭᠡᠢ ᠳᠣᠯᠠ ᠣᠶᠢᠷ᠎ᠠ ᠲᠦᠷᠦᠯ ᠤᠨ ᠲᠠᠶᠢᠵᠢ ᠳᠠᠩᠭᠤᠳ ᠭᠡᠭᠴᠢ ᠶᠢᠨ ᠬᠦᠪᠡᠬᠦᠨ ᠮᠢᠵᠢᠳᠵᠠᠩᠴᠣᠪᠨᠢᠩᠪᠣᠣ ᠳᠤ ᠬᠤᠰᠢᠭᠤᠨ ᠤ ᠵᠠᠰᠠᠭ ᠬᠤᠱᠦᠢ ᠰᠡᠴᠡᠨ ᠴᠢᠨ ᠸᠠᠩ ᠤᠨ ᠵᠡᠷᠭᠡ ᠶᠢ ᠵᠠᠯᠭᠠᠮᠵᠢᠯᠠᠭᠤᠯᠣᠭᠰᠠᠨ ᠶᠤᠮ᠃       ᠵᠡᠭᠦᠨ ᠦᠵᠦᠮᠣᠴᠢᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠸᠠᠩ ᠳᠣᠷᠵᠢ 1945 ᠣᠨ  ᠳᠤ ᠬᠤᠰᠢᠭᠤᠨ ᠤ ᠪᠠᠨ ᠠᠶᠢᠯ ᠠᠷᠠᠳ ᠤᠨ ᠣᠯᠠᠩᠬᠢ ᠶᠢ ᠳᠠᠭᠠᠭᠤᠯᠣᠨ ᠮᠣᠩᠭᠤᠯ ᠣᠯᠣᠰ ᠲᠤ ᠨᠡᠭᠦᠨ ᠶᠠᠪᠣᠭᠰᠠᠨ ᠶᠤᠮ᠃                 ᠵᠡᠭᠦᠨ ᠬᠠᠭᠤᠴᠢᠳ ᠵᠠᠰᠠᠭ ᠵᠢᠶᠦ᠋ᠨ ᠸᠠᠩ ᠰᠦᠩᠵᠢᠨᠸᠠᠩᠴᠤᠭ ᠴᠢᠭᠤᠯᠭᠠᠨ ᠤ ᠳᠠᠷᠤᠭ᠎ᠠ ᠪᠦᠭᠡᠳ ᠮᠣᠩᠭᠤᠯ ᠬᠢᠵᠠᠭᠠᠷ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠣᠩᠭᠤᠯ ᠢ ᠮᠠᠨᠳᠣᠭᠤᠯᠬᠤ ᠳᠦᠰᠢᠮᠡᠳ ᠤᠨ ᠬᠤᠷᠠᠯ ᠤᠨ ᠳᠡᠷᠤᠭ᠎ᠠ ᠪᠠᠶᠢᠯ᠎ᠠ᠂ 1946 ᠣᠨ ᠤ ᠦᠶᠡᠰ ᠬᠤᠪᠢᠰᠬᠠᠯ ᠳᠤ ᠠᠵᠢᠯ ᠬᠢᠵᠣ ᠪᠠᠶᠢᠭᠠᠳ 1948 ᠣᠨ ᠤ ᠦᠶ᠎ᠡ ᠣᠯᠠᠭᠠᠨᠬᠤᠳᠠ ᠳᠤ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠣ ᠨᠦᠭᠴᠢᠪᠡ᠃       ᠪᠠᠷᠠᠭᠤᠨ ᠬᠠᠭᠤᠴᠢᠳ ᠬᠤᠰᠢᠭᠤᠨ ᠤ ᠵᠠᠰᠠᠭ ᠵᠢᠶᠦ᠋ᠨ ᠸᠠᠩ ᠰᠠᠨᠳᠠᠭᠳᠣᠷᠵᠢ ᠨᠠᠰᠣ ᠨᠦᠭᠴᠢᠭᠡᠳ ᠦᠪᠡᠷ ᠤᠨ ᠲᠦᠷᠣᠭ᠍ᠰᠡᠨ ᠬᠦᠪᠡᠭᠦᠨ ᠦᠭᠡᠢ ᠳᠣᠯᠠ ᠳᠡᠭᠦᠨ ᠤ ᠳᠡᠵᠢᠭᠡᠭᠰᠡᠨ ᠬᠦᠪᠡᠭᠦᠨ ︵ᠣᠶᠢᠷ᠎ᠠ ᠳᠦᠷᠦᠯ ᠤᠨ ᠳᠣᠰᠠᠯᠠᠭᠴᠢ ᠯᠢᠭᠳᠡᠨ ᠤ ᠬᠦᠪᠡᠭᠦᠨ︶ ᠵᠣᠭᠳᠠᠷᠵᠠᠯᠠᠮᠣ ᠳᠤ ᠬᠤᠰᠢᠭᠤᠨ ᠤ ᠵᠠᠰᠠᠭ ᠵᠢᠶᠦ᠋ᠨ ᠸᠠᠩ ᠤᠨ ᠵᠡᠷᠭᠡ ᠶᠢ ᠵᠠᠯᠭᠠᠮᠵᠢᠯᠠᠭᠤᠯᠣᠭᠰᠠᠨ ᠶᠤᠮ᠃ ᠲᠡᠷᠡ 1945 ᠣᠨ ᠳᠤ ᠬᠤᠰᠢᠭᠤᠨ ᠤ ᠪᠠᠨ ᠠᠶᠢᠯ ᠠᠷᠠᠳ ᠤᠨ ᠣᠯᠠᠩᠬᠢ ᠶᠢ ᠳᠠᠭᠠᠭᠤᠯᠣᠨ ᠮᠣᠩᠭᠤᠯ ᠣᠯᠣᠰ ᠲᠤ ᠨᠡᠬᠦᠨ ᠶᠠᠪᠣᠭᠰᠠᠨ ᠶᠤᠮ ᠃ ᠵᠡᠭᠦᠨ ᠠᠪᠠᠭ᠋ᠠᠨᠡᠷ ᠬᠤᠰᠢᠭᠤᠨ ᠤ ᠵᠠᠰᠠᠭ ᠪᠡᠶᠢᠯᠡ ᠠᠭᠳᠣᠩᠭ᠎ᠠ ᠨᠠᠰᠣ ᠨᠦᠭᠴᠢᠭᠡᠳ ᠳᠡᠭᠦᠨ ᠤ ᠲᠦᠷᠦᠭᠰᠡᠨ ᠬᠦᠪᠡᠬᠦᠨ ᠪᠡᠯᠭᠦᠨᠰᠦ᠋ᠷᠦᠩ ᠵᠠᠰᠠᠭ ᠪᠡᠶᠢᠯᠡ ᠶᠢᠨ ᠵᠡᠷᠭᠡ ᠶᠢ ᠵᠠᠯᠭᠠᠮᠵᠢᠯᠠᠭᠰᠠᠨ ᠶᠤᠮ᠃ ᠲᠡᠷᠡ 1947 ᠣᠨ ᠳᠤ ᠣᠯᠠᠭᠠᠨᠬᠤᠳᠠ ᠳᠤ ᠣᠴᠢᠭᠰᠡᠨ ᠭᠡᠳᠡᠭ ᠶᠤᠮ᠃                 ᠪᠠᠷᠠᠭᠤᠨ ᠠᠪᠠᠭ᠋ᠠᠨᠡᠷ ᠬᠤᠰᠢᠭᠤᠨ ᠤ ᠵᠠᠰᠠᠭ ᠲᠦᠷᠦ ᠶᠢᠨ ᠪᠡᠶᠢᠯᠡ ᠰᠣᠳᠨᠠᠮᠨᠣᠷᠪᠤ ᠮᠣᠩᠭᠤᠯ ᠤᠨ ᠴᠡᠷᠢᠭ ᠤᠨ ᠦᠶᠡᠰ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠳᠣᠳᠣᠭᠠᠳᠣ ᠶᠠᠪᠣᠳᠠᠯ ᠤᠨ ᠶᠠᠮᠣᠨ ᠤ ᠳᠡᠷᠤᠭ᠎ᠠ ᠪᠠᠶᠢᠭᠠᠳ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠣ ᠨᠦᠭᠴᠢᠭᠡᠳ ᠳᠡᠭᠦᠨ ᠤ ᠲᠦᠷᠦᠭᠰᠡᠨ ᠬᠦᠪᠡᠬᠦᠨ ᠸᠠᠩᠵᠢᠯᠴᠡᠳᠡᠩ ᠬᠤᠰᠢᠭᠤᠨ ᠤ ᠵᠠᠰᠠᠭ ᠲᠦᠷᠦ ᠶᠢᠨ ᠪᠡᠶᠢᠯᠡ ᠶᠢᠨ ᠵᠡᠷᠭᠡ ᠶᠢ ᠵᠠᠯᠭᠠᠮᠵᠢᠯᠠᠭᠰᠠᠨ ᠶᠤᠮ᠃ ᠣᠳᠣ ᠠᠪᠠᠭ᠎ᠠ ᠬᠤᠰᠢᠭᠤᠨ ᠤ ᠪᠠᠶᠠᠨᠴᠠᠭᠠᠨ ᠰᠣᠮᠣᠨ ᠤ ᠬᠠᠩᠭᠠᠯᠭ᠎ᠠ ᠶᠢᠨ ᠬᠤᠷᠰᠢᠶᠠᠨ ᠤ ᠡᠷᠬᠢᠯᠡᠭᠴᠢ ᠪᠠᠷ ᠠᠵᠢᠯᠯᠠᠵᠣ ᠪᠣᠢ᠃ ᠵᠡᠬᠦᠨ ᠠᠪᠠᠭ᠎ᠠ ᠬᠤᠰᠢᠭᠤᠨ ᠤ ᠵᠠᠰᠠᠭ ᠬᠤᠱᠣᠢ ᠴᠢᠨ ᠸᠠᠩ ᠶᠠᠨᠰᠠᠩ ᠨᠠᠰᠣ ᠦᠳᠡᠯᠡᠵᠣ ᠳᠣᠰᠢᠶᠠᠯ ᠢᠶᠠᠨ ᠴᠢᠯᠥᠭᠡᠯᠡᠭᠡᠳ ᠲᠦᠭᠦᠨ ᠤ ᠲᠦᠷᠦᠭᠰᠡᠨ ᠬᠦᠪᠡᠬᠦᠨ ᠪᠦᠳᠡᠪᠠᠯᠠ ᠵᠠᠰᠠᠭ ᠬᠤᠱᠣᠢ ᠴᠢᠨ ᠸᠠᠩ ᠤᠨ ᠵᠡᠷᠭᠡ ᠶᠢ ᠵᠠᠯᠭᠠᠮᠵᠢᠯᠠᠭᠰᠠᠨ ᠶᠤᠮ᠃ ᠡᠳᠣᠭᠡ ᠲᠡᠷᠡ ᠰᠢᠯᠢ  ᠶᠢᠨ ᠬᠤᠳᠠ ᠳᠤ ᠰᠠᠭᠤᠵᠣ ᠪᠠᠶᠢᠨ᠎ᠠ᠃       ᠪᠠᠷᠠᠭᠤᠨ ᠠᠪᠠᠭ᠎ᠠ ᠬᠤᠰᠢᠭᠠᠨ ᠤ ᠵᠠᠰᠠᠭ ᠵᠣᠷᠢᠭᠳᠣ ᠵᠢᠶᠦ᠋ᠨ ᠸᠠᠩ ᠴᠣᠨᠠᠮᠢᠳᠠᠷ᠎ᠠ ᠨᠠᠰᠣ ᠪᠠᠷᠠᠭᠰᠠᠨ ᠤ ᠬᠤᠶᠢᠨ᠎ᠠ ᠳᠦᠬᠦᠨ ᠤ ᠲᠦᠷᠦᠭᠰᠡᠨ ᠬᠦᠪᠡᠭᠦᠨ ᠱᠣᠩᠨᠣᠳᠣᠩᠳᠣᠪ ᠵᠠᠰᠠᠭ ᠵᠣᠷᠢᠭᠳᠣ ᠵᠢᠶᠦ᠋ᠨ ᠸᠠᠩ ᠤᠨ ᠵᠡᠷᠭᠡ ᠶᠢ ᠵᠠᠯᠭᠠᠮᠵᠢᠯᠠᠵᠣ 1948 ᠣᠨ ᠤ ᠦᠶᠡᠰ ᠬᠠᠣᠯᠢ ᠪᠠᠷ ᠰᠢᠢᠳᠬᠡᠭᠳᠡᠨ ᠬᠦᠳᠡᠯᠮᠣᠷᠢ ᠪᠠᠷ ᠦᠭᠡᠷᠡᠴᠢᠯᠡᠭᠳᠡᠵᠣ ᠪᠠᠶᠢᠭᠠᠳ 1959 ᠣᠨ ᠳᠤ ᠳᠣᠰᠬᠠᠢ ᠦᠷᠦᠰᠢᠶᠡᠯ ᠢᠶᠠᠷ ᠰᠣᠯᠠᠯᠠᠭᠳᠠᠵᠣ ᠰᠢᠯᠢ ᠶᠢᠨ ᠬᠤᠳᠠ  ᠳᠤ ᠠᠵᠢᠯᠴᠢᠨ ᠢᠶᠠᠷ ᠠᠵᠢᠯᠯᠠᠵᠣ ᠪᠠᠶᠢᠭᠠᠳ 1968 ᠣᠨ ᠤᠨ ᠦᠶ᠎ᠡ ᠳᠤ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠣ ᠪᠠᠷᠠᠪᠠ᠃ ᠵᠡᠭᠦᠨ ᠰᠦᠨᠢᠳ ᠬᠤᠰᠢᠭᠤᠨ ᠤ ᠵᠠᠰᠠᠭ ᠵᠢᠶᠦ᠋ᠨ ᠸᠠᠩ ᠷᠢᠨᠴᠢᠨᠸᠠᠩᠳᠠᠨ 1945 ᠣᠨ ᠳᠤ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠣ ᠨᠦᠭᠴᠢᠭᠡᠳ᠂ ᠲᠦᠷᠦᠭᠰᠡᠨ ᠬᠦᠪᠡᠭᠦᠨ ᠦᠭᠡᠢ ᠳᠣᠯᠠ ᠦᠶ᠎ᠡ ᠵᠠᠯᠭᠠᠮᠵᠢ ᠳᠡᠰᠣᠷᠠᠵᠠᠢ᠃                 ᠪᠠᠷᠠᠭᠤᠨ ᠰᠦᠨᠢᠳ ᠬᠤᠰᠢᠭᠤᠨ ᠤ ᠵᠠᠰᠠᠭ ᠬᠤᠱᠣᠢ ᠳᠦᠭᠦᠷᠡᠩ ᠴᠢᠨ ᠸᠠᠩ ᠳᠡᠮᠴᠦᠭᠳᠣᠩᠷᠣᠪ ᠳᠡᠭᠦᠨ  ᠤ ᠪᠡᠶ᠎ᠡ ᠮᠣᠩᠭᠤᠯ ᠬᠢᠵᠠᠭᠠᠷ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠳᠡᠷᠢᠬᠦᠯᠡᠭᠴᠢ ᠪᠣᠯᠣᠭᠠᠳ ᠳᠡᠭᠦᠨ  ᠤ ᠲᠦᠷᠦᠭᠰᠡᠨ ᠬᠦᠪᠡᠭᠦᠨ ᠳᠣᠭᠠᠷᠰᠦ᠋ᠷᠦᠩ ᠵᠠᠰᠠᠭ ᠬᠤᠱᠣᠢ ᠳᠦᠭᠦᠷᠡᠩ ᠴᠢᠨ ᠸᠠᠩ ᠤᠨ ᠵᠡᠷᠭᠡ ᠶᠢ ᠵᠠᠯᠭᠠᠮᠵᠢᠯᠠᠭᠰᠠᠨ ᠶᠤᠮ᠃ ᠲᠡᠷᠡ 1945 ᠣᠨ ᠳᠤ ᠮᠣᠩᠭᠤᠯ ᠣᠯᠣᠰ ᠲᠤ ᠨᠡᠭᠦᠵᠣ ᠶᠠᠪᠣᠭᠠᠳ ᠦᠨᠦ ᠭᠦᠷᠳᠡᠯ᠎ᠡ ᠰᠣᠷᠠᠭ ᠦᠭᠡᠢ᠃       ᠮᠠᠨᠵᠣ ᠴᠢᠩ ᠣᠯᠣᠰ ᠠᠴᠠ ᠣᠯᠭᠤᠭᠰᠠᠨ ᠬᠤᠰᠢᠭᠤ ᠶᠢ ᠵᠠᠬᠢᠷᠣᠭᠴᠢ ᠵᠠᠰᠠᠭ ᠤᠨ ᠲᠠᠮᠠᠭ᠎ᠠ ᠭᠡᠵᠣ ᠪᠠᠶᠢᠳᠠᠭ᠂ ᠲᠡᠷᠡ ᠲᠠᠮᠠᠭᠠᠨ ᠤ ᠬᠡᠮᠵᠢᠶ᠎ᠡ ᠮᠠᠶ᠋ᠢᠭ ᠨᠢ ᠭᠤᠷᠪᠡᠨ ᠢᠮᠡᠬᠤ ᠰᠢᠬᠠᠮ ᠳᠦᠷᠪᠡᠶᠢᠵᠢᠨ᠂ ᠵᠣᠵᠠᠭᠠᠨ ᠨᠢ ᠢᠮᠠᠬᠤ ᠰᠢᠬᠠᠮ ᠪᠦᠭᠡᠳ ᠪᠠᠷᠢᠭᠤᠯ ᠨᠢ ᠴᠣᠮᠴᠣᠶᠢᠵᠣ ᠰᠠᠭᠤᠭᠰᠠᠨ ᠪᠠᠷᠰ ᠪᠦᠭᠡᠳ ᠴᠣᠯᠣ ᠴᠠᠭᠠᠨ ᠮᠥᠩᠬᠦ ᠪᠠᠷ ᠣᠷᠠᠯᠠᠨ ᠬᠢᠭᠰᠡᠨ ᠪᠠᠶᠢᠳᠠᠭ᠃ ᠲᠠᠮᠠᠭᠠᠨ ᠤ ᠦᠰᠦᠭ ᠨᠢ ᠵᠡᠭᠦᠨ ᠠᠪᠠᠭ᠎ᠠ ᠬᠤᠰᠢᠭᠤ ᠪᠠᠷ ᠬᠡᠯᠡᠪᠡᠯ᠂ ᠮᠠᠨᠵᠣ ᠮᠣᠩᠭᠤᠯ ᠦᠰᠦᠭ ᠢᠶᠠᠷ 《 ᠵᠡᠭᠦᠨ ᠠᠪᠠᠭ᠎ᠠ ᠬᠤᠰᠢᠭᠤ ᠶᠢ ᠵᠠᠬᠢᠷᠣᠭᠴᠢ ᠵᠠᠰᠠᠭ ᠤᠨ ᠲᠠᠮᠠᠭ᠎ᠠ 》 ᠭᠡᠵᠣ . ᠪᠠᠶᠢᠳᠠᠭᠲᠠᠮᠠᠭ᠎ᠠ ᠪᠠᠨ ᠮᠠᠰᠢ ᠶᠡᠭᠡ ᠬᠦᠨᠳᠣᠳᠬᠡᠵᠣ ᠵᠠᠰᠠᠭ ᠸᠠᠩ ᠤᠨ ᠣᠷᠳᠣᠨ᠎ᠠ ᠬᠠᠳᠠᠭᠠᠯᠠᠵᠣ᠂ ᠲᠠᠮᠠᠭᠠᠨ ᠤ ᠮᠠᠨᠠᠭ᠎ᠠ ᠭᠡᠵᠣ ᠰᠦᠨᠢ ᠪᠦᠷᠢ ᠨᠢᠬᠡᠨ ᠬᠦᠮᠥᠨ ᠮᠠᠨᠠᠵᠣ ᠬᠤᠨᠣᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ ᠪᠢᠯᠢᠭ ᠤᠨ ᠴᠠᠭᠠᠨ ᠰᠠᠷ᠎ᠠ ᠶᠢᠨ ᠰᠢᠨᠡᠳ ᠢᠶᠠᠷ ᠰᠠᠶᠢᠨ ᠡᠳᠣᠷ ᠢ ᠰᠣᠩᠭᠤᠵᠣ ᠬᠤᠰᠢᠭᠤᠨ ᠤ ᠳᠣᠰᠠᠯᠠᠭᠴᠢ ᠲᠦᠰᠢᠮᠡᠳ ᠴᠣᠭᠯᠠᠷᠠᠨ ᠬᠤᠷᠠᠯᠳᠣᠵᠣ᠂ ᠬᠤᠨᠢᠨ ᠤ ᠪᠦᠬᠦᠯᠢ ᠰᠢᠭᠦᠰᠣ᠂ ᠪᠣᠣᠪᠤ᠂ ᠠᠷᠢᠬᠢ ᠪᠡᠯᠡᠳᠬᠡᠨ᠂ ᠲᠠᠮᠠᠭ᠎ᠠ ᠪᠠᠨ ᠳᠡᠬᠢᠵᠣ ᠮᠦᠷᠭᠦᠭᠡᠳ ᠳᠡᠷᠠᠭ᠎ᠠ ᠨᠢ ᠨᠠᠶᠢᠷ ᠬᠢᠵᠣ᠂ ᠮᠢᠬ᠎ᠠ ᠠᠷᠢᠬᠢ ᠪᠠᠨ ᠬᠤᠪᠢᠶᠠᠨ ᠢᠳᠠᠵᠣ ᠣᠣᠭᠤᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ ᠬᠡᠷᠪᠡ ᠬᠤᠰᠢᠭᠤᠨ ᠤ ᠵᠠᠰᠠᠭ ᠸᠠᠩ ᠶᠠᠮᠡᠷ ᠨᠢᠭᠡᠨ ᠬᠡᠷᠡᠭ ᠢᠶᠠᠷ ᠭᠠᠳᠠᠭᠰᠢ ᠶᠠᠪᠣᠪᠠᠯ᠂ ᠲᠡᠷᠡ ᠣᠴᠢᠷ ᠢ ᠴᠢᠭᠤᠯᠭᠤᠨ ᠤ ᠳᠠᠷᠤᠭ᠎ᠠ ᠳᠤ ᠮᠡᠳᠡᠭᠦᠯᠣᠨ ᠵᠦᠪᠰᠢᠶᠡᠷᠡᠯ ᠣᠯᠣᠭᠠᠳ ᠳᠣᠰᠠᠯᠠᠭᠴᠢ ᠳᠠᠶᠢᠵᠢ ᠳᠠᠮᠠᠭ᠎ᠠ ᠬᠠᠮᠢᠶᠠᠷᠣᠨ᠂ ᠬᠤᠰᠢᠭᠤᠨ ᠤ ᠠᠯᠢᠪᠡ ᠠᠯᠪᠠᠨ ᠬᠡᠷᠡᠭ ᠢ ᠬᠠᠷᠢᠭᠤᠴᠠᠨ ᠰᠢᠢᠳᠬᠡᠳᠡᠭ ᠪᠠᠶᠢᠪᠡ᠃                  ᠰᠢᠯᠢ ᠶᠢᠨ ᠭᠤᠣᠯ ᠴᠢᠭᠤᠯᠭᠠᠨ ᠤ ᠦᠩᠭᠡᠷᠡᠭᠰᠡᠨ ᠦᠶ᠎ᠡ ᠶᠢᠨ ᠬᠠᠣᠯᠢ ᠪᠣᠯ᠂ ᠮᠠᠨᠵᠣ ᠴᠢᠩ ᠣᠯᠣᠰ  ᠤᠨ ᠳᠣᠭᠳᠠᠭᠠᠭᠰᠠᠨ 《 ᠭᠠᠳᠠᠭᠠᠳᠣ ᠮᠣᠩᠭᠤᠯ ᠤᠨ ᠲᠦᠷᠦ ᠶᠢ ᠵᠠᠰᠠᠬᠤ ᠶᠠᠪᠣᠳᠠᠯ ᠤᠨ ᠶᠠᠮᠣᠨ ᠤ ᠬᠠᠣᠯᠢ 》 ᠭᠡᠳᠡᠭ ᠬᠠᠣᠯᠢ ᠶᠢ ᠮᠦᠷᠳᠡᠨ ᠳᠠᠭᠠᠵᠣ ᠪᠠᠶᠢᠭᠰᠠᠨ ᠪᠢᠯᠡ᠃ ᠮᠠᠨᠵᠣ ᠴᠢᠩ ᠣᠯᠣᠰ ᠮᠦᠬᠦᠵᠣ᠂ ᠳᠣᠮᠳᠡᠳᠣ ᠢᠷᠭᠡᠨ ᠣᠯᠣᠰ ᠪᠠᠶᠢᠭᠤᠯᠣᠭᠳᠠᠭᠰᠠᠨ ᠤ ᠬᠤᠶᠢᠨ᠎ᠠ᠂ ᠰᠢᠨ᠎ᠡ ᠬᠠᠣᠯᠢ ᠵᠠᠷᠯᠠᠭᠰᠠᠨ ᠪᠣᠯᠪᠠᠴᠣ ᠳᠡᠭᠦᠨ ᠢ ᠮᠠᠨ ᠤ ᠴᠢᠬᠤᠯᠭᠠᠨ ᠤ ᠣᠯᠠᠨ ᠬᠤᠰᠢᠭᠤᠳ ᠶᠡᠷᠦ ᠬᠡᠷᠡᠭᠯᠡᠭᠰᠡᠨ ᠦᠭᠡᠢ᠂ ᠮᠥᠨ ᠴᠢᠩ ᠣᠯᠣᠰ ᠤᠨ ᠬᠠᠣᠯᠢ ᠶᠢ ᠮᠦᠷᠳᠡᠨ ᠳᠠᠭᠠᠭᠰᠠᠭᠠᠷ ᠪᠠᠶᠢᠭᠰᠠᠨ ᠬᠡᠳᠡᠭ ᠶᠤᠮ᠃       ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠣᠯᠠᠨ ᠬᠤᠰᠢᠭᠤᠳ ᠲᠤ ᠪᠣᠯ᠂ ᠶᠠᠯᠡᠳᠡᠨ ᠬᠡᠷᠡᠭᠳᠡᠨ ᠢ ᠳᠣᠰᠬᠠᠢ ᠬᠤᠷᠢᠬᠤ ᠬᠢᠨᠳᠡᠨ ᠭᠡᠵᠣ ᠪᠠᠶᠢᠭᠰᠠᠨ ᠦᠭᠡᠢ᠂ ᠶᠡᠯᠡᠳᠣ ᠬᠡᠷᠡᠭ ᠡᠳᠣᠭᠦᠯᠦᠭᠰᠡᠨ ᠬᠦᠮᠥᠰ ᠢ ᠪᠠᠷᠢᠪᠴᠢᠯᠠᠨ᠂ ᠭᠠᠪ ᠲᠦᠩᠬᠡ ᠵᠡᠭᠦᠯᠭᠡᠵᠣ᠂ ᠬᠤᠰᠢᠭᠤᠨ ᠤ ᠠᠶᠢᠯ ᠤᠳ ᠢᠶᠠᠷ ᠳᠣᠭᠤᠷᠢᠭᠤᠯᠣᠨ ᠬᠠᠳᠠᠭᠠᠯᠠᠵᠣ ᠪᠠᠶᠢᠭᠠᠳ ᠰᠢᠢᠳᠬᠡᠳᠡᠭ ᠪᠠᠶᠢᠭᠰᠠᠨ ᠪᠢᠯᠡ᠃ ᠴᠢᠩ ᠣᠯᠣᠰ ᠤᠨ ᠳᠣᠭᠳᠠᠭᠠᠭᠰᠠᠨ ᠬᠠᠣᠯᠢ ᠳᠤ ᠠᠯᠠᠬᠤ ᠶᠠᠯᠠᠳᠣ ᠬᠦᠮᠥᠰ ᠢ ᠮᠣᠩᠭᠤᠯ ᠬᠤᠰᠢᠭᠤᠳ ᠦᠪᠡᠷᠳᠡᠭᠡᠨ ᠰᠢᠢᠳᠪᠦᠷᠢᠯᠡᠬᠦ ᠡᠷᠬᠡ ᠦᠭᠡᠢ᠂ ᠳᠣᠯᠣᠨ ᠨᠠᠭᠤᠷ ᠤᠨ ᠵᠧᠩ ᠱᠧᠣ ᠱᠢ ᠶᠠᠮᠣᠨ᠎ᠠ ᠬᠦᠷᠭᠡᠵᠣ ᠰᠢᠢᠳᠪᠦᠷᠢᠯᠡᠳᠡᠭ᠃ ᠭᠡᠪᠡᠴᠣ ᠮᠠᠨᠵᠣ ᠴᠢᠩ ᠣᠯᠣᠰ ᠮᠦᠬᠦᠵᠣ ᠳᠣᠮᠳᠠᠳᠣ ᠢᠷᠭᠡᠨ ᠣᠯᠣᠰ ᠪᠠᠶᠢᠭᠤᠯᠣᠭᠰᠠᠨ ᠠᠴᠠ ᠬᠤᠶᠢᠰᠢ ᠪᠣᠯ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠣᠯᠠᠨ ᠬᠤᠰᠢᠭᠤᠳ ᠵᠠᠰᠠᠭ ᠤᠨ ᠪᠦᠬᠦ ᠡᠷᠬᠡ ᠪᠠᠨ ᠮᠡᠳᠡᠵᠣ ᠰᠢᠢᠳᠬᠡᠨ ᠳᠣᠭᠳᠠᠭᠠᠭᠰᠠᠭᠠᠷ ᠪᠠᠶᠢᠭᠰᠠᠨ ᠶᠤᠮ᠃                 ᠣᠯᠣᠰ ᠤᠨ ᠳᠦᠪ ᠲᠤ ᠪᠣᠯ᠂ ᠮᠣᠩᠭᠤᠯ ᠳᠦᠪᠡᠳ ᠤᠨ ᠬᠡᠷᠡᠭ ᠢ ᠰᠢᠢᠳᠬᠡᠬᠦ ᠬᠤᠷᠢᠶ᠎ᠠ ᠬᠡᠵᠣ ᠪᠠᠶᠢᠭᠰᠠᠨ ᠪᠦᠭᠡᠳ ᠶᠡᠷᠦᠩᠬᠡᠢ ᠰᠢᠳᠬᠡᠭᠴᠢ ᠨᠢ ᠬᠠᠷᠠᠴᠢᠨ ᠴᠢᠩ ᠸᠠᠩ ᠭᠦᠩᠰᠡᠩᠨᠣᠷᠪᠤ ᠭᠡᠳᠡᠭ ᠬᠦᠮᠥᠨ ᠪᠠᠶᠢᠭᠰᠠᠨ ᠶᠤᠮ᠃ ᠲᠡᠷᠡ ᠶᠠᠮᠣᠨ ᠠᠴᠠ ᠮᠣᠩᠭᠤᠯ ᠬᠤᠰᠢᠭᠤᠳ ᠲᠤ ᠵᠠᠷᠯᠠᠭᠰᠠᠨ ᠬᠠᠣᠯᠢ ᠲᠦᠷᠢᠮ ᠵᠠᠷᠯᠠᠯ ᠳᠣᠭᠳᠠᠭᠠᠯ ᠢ ᠶᠡᠷᠦ ᠣᠨᠴᠠᠯᠠᠨ ᠬᠡᠷᠡᠭᠰᠡᠳᠡᠭ ᠦᠭᠡᠢ ᠪᠦᠭᠡᠳ ᠣᠣᠯ ᠶᠠᠮᠣᠨ ᠠᠴᠠ ᠴᠦ ᠨᠠᠷᠢᠪᠴᠢᠯᠠᠨ ᠪᠠᠶᠢᠴᠠᠭᠠᠵᠣ ᠱᠠᠭᠠᠷᠳᠠᠳᠠᠭ ᠦᠭᠡᠢ᠃ ᠡᠶᠢᠮᠦ ᠠᠴᠠ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠪᠦᠬᠦ ᠡᠷᠬᠡ ᠶᠢ ᠪᠦᠷᠢᠮᠥᠰᠣᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠨᠣᠶᠠᠨ ᠡᠷᠬᠡ ᠮᠡᠳᠡᠵᠣ ᠰᠢᠢᠳᠪᠦᠷᠢᠯᠡᠳᠡᠭ ᠪᠠᠶᠢᠭᠰᠠᠨ ᠪᠦᠭᠡᠳ ᠭᠠᠭᠴᠠ ᠬᠦ ᠵᠠᠰᠠᠭ ᠸᠠᠩ ᠤᠨ ᠵᠡᠷᠭᠡ ᠵᠠᠯᠭᠠᠮᠵᠢᠯᠡᠬᠤ ᠪᠣᠶᠣ ᠳᠣᠰᠠᠯᠠᠭᠴᠢ ᠳᠡᠶᠢᠵᠢ ᠶᠢ ᠳᠣᠮᠢᠯᠠᠬᠤ ᠶᠠᠪᠣᠳᠠᠯ ᠢ ᠯᠠ ᠮᠣᠩᠭᠤᠯ ᠳᠦᠪᠡᠳ ᠤᠨ ᠬᠡᠷᠡᠭ ᠰᠢᠬᠦᠬᠦ ᠬᠤᠷᠢᠶ᠎ᠠ ᠳᠤ ᠵᠠᠪᠠᠯ ᠮᠠᠳᠦᠭᠦᠯᠵᠣ ᠳᠡᠨᠳᠡᠬᠢ ᠵᠦᠪᠰᠢᠶᠡᠷᠡᠯ ᠶᠣᠰᠣᠭᠠᠷ ᠳᠣᠭᠳᠠᠭᠠᠨ ᠰᠢᠢᠳᠪᠦᠷᠢᠯᠡᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃ ᠳᠣᠮᠳᠠᠳᠣ ᠢᠷᠭᠡᠨ ᠣᠯᠣᠰ ᠤᠳ ᠦᠶ᠎ᠡ ᠳᠤ ᠨᠢᠬᠡᠨ ᠵᠢᠯ ᠪᠣᠶᠣ ᠬᠤᠶᠠᠷ ᠵᠢᠯ ᠳᠤ ᠨᠢᠭᠡᠨ ᠣᠳᠠᠭ᠎ᠠ ᠣᠯᠣᠰ ᠤᠨ ᠲᠦᠪ ᠠᠴᠠ ᠬᠡᠯᠳᠡᠰ ᠤᠨ ᠳᠠᠷᠤᠭ᠎ᠠ ᠶᠢᠨ ᠵᠡᠷᠭᠡ ᠪᠦᠬᠦᠢ ᠳᠣᠮᠣᠬᠠᠨ ᠬᠢᠳᠡᠳ ᠣᠶᠠᠨ ᠢᠷᠡᠵᠣ ᠴᠢᠭᠤᠯᠭᠠᠨ ᠤ ᠣᠯᠠᠨ ᠬᠤᠰᠢᠭᠤᠳ  ᠢ ᠳᠣᠭᠤᠷᠢᠨ ᠦᠵᠡᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃ ᠬᠠᠷᠢᠨ ᠣᠯᠣᠰ ᠤᠨ ᠲᠦᠪ ᠠᠴᠠ ᠭᠠᠶᠢᠯᠢ ᠳᠠᠳᠠᠪᠣᠷᠢ ᠠᠪᠳᠠᠭ ᠦᠭᠡᠢ ᠪᠦᠭᠡᠳ ᠵᠠᠷᠣᠳᠠᠯ ᠰᠦᠢᠳᠬᠡᠯ ᠤᠨ ᠨᠦᠬᠦᠪᠦᠷᠢ ᠬᠡᠵᠣ ᠵᠣᠭᠤᠰ ᠮᠦᠩᠬᠦ ᠶᠡᠷᠦ ᠦᠭᠳᠡᠭ ᠦᠭᠡᠢ᠃ ᠴᠢᠭᠤᠯᠭᠠᠨ ᠤ ᠵᠠᠰᠠᠭ ᠨᠣᠶᠠᠳ ᠶᠠᠮᠠᠷ ᠨᠢᠭᠡᠨ ᠭᠡᠷᠡᠭ ᠢᠶᠠᠷ ᠪᠡᠭᠡᠵᠢᠩ᠂ ᠣᠳᠠᠢ ᠵᠡᠷᠭᠡ ᠭᠠᠵᠠᠷ ᠢᠶᠠᠷ ᠳᠣᠭᠤᠷᠢᠨ ᠶᠠᠪᠣᠬᠤ ᠪᠦᠷᠢ ᠳᠤ ᠣᠯᠣᠰ ᠤᠨ ᠲᠦᠪ ᠠᠴᠠ ᠬᠦᠨᠳᠣ ᠵᠣᠴᠢᠨ ᠢᠶᠠᠷ ᠬᠦᠨᠳᠣᠳᠭᠡᠨ ᠭᠠᠯᠳᠣ ᠲᠡᠷᠭᠡ ᠪᠣᠯᠣᠨ᠂ ᠮᠠᠰᠢᠨ ᠲᠡᠷᠭᠡ ᠵᠡᠷᠭᠡ ᠶᠢ ᠳᠣᠰᠬᠠᠢ ᠪᠡᠯᠡᠳᠬᠡᠨ ᠦᠭᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃                 ᠮᠠᠨᠵᠣ ᠴᠢᠩ ᠣᠯᠣᠰ ᠤᠨ ᠦᠶ᠎ᠡ ᠳᠤ ᠮᠠᠨ ᠤ ᠴᠢᠭᠤᠯᠭᠠᠨ ᠠᠴᠠ ᠵᠣᠷᠭᠠᠨ ᠶᠠᠮᠣᠨ ᠳᠤ ᠵᠢᠩᠬᠢᠨᠢ ᠠᠯᠪᠠ ᠬᠠᠭᠠᠬᠤ ᠳᠤ ᠬᠦᠮᠥᠨ ᠪᠠᠶᠢᠭᠰᠠᠨ ᠦᠭᠡᠢ ᠪᠣᠯᠣᠳᠠᠢ᠂ ᠭᠠᠭᠴᠠᠬᠦ ᠪᠠᠷᠠᠭᠤᠨ ᠠᠪᠠᠭ᠋ᠠᠨᠠᠷ ᠪᠡᠶᠢᠯᠡ ᠶᠢᠨ ᠠᠯᠢ ᠨᠢᠬᠡ ᠦᠶ᠎ᠡ ᠶᠢ ᠮᠡᠳᠡᠬᠦ ᠦᠭᠡᠢ᠂ ᠶᠠᠭᠤ ᠪᠣᠯᠪᠠᠴᠣ ᠵᠠᠰᠠᠭ ᠪᠡᠶᠢᠯᠡ ᠶᠢᠨ ᠨᠢᠭᠡ ᠨᠢ ᠵᠣᠷᠭᠠᠨ ᠶᠠᠮᠣᠨ ᠤ ᠢᠯᠡᠭᠦᠣ ᠲᠡᠳ᠋ ᠰᠠᠶᠢᠳ ᠶᠠᠪᠣᠭᠰᠠᠨ ᠳᠡᠣᠬᠡ ᠲᠠᠢ ᠶᠤᠮ ᠪᠠᠶᠢᠨ᠎ᠠ᠃ ᠳᠡᠶᠢᠨ ᠬᠦ ᠪᠠᠷᠠᠭᠤᠨ ᠠᠪᠠᠭ᠋ᠠᠨᠠᠷ ᠬᠤᠰᠢᠭᠤ ᠶᠢ ᠰᠠᠶᠢᠳ ᠪᠡᠶᠢᠯᠡ ᠶᠢᠨ ᠬᠤᠰᠢᠭᠤ ᠭᠡᠵᠤ ᠨᠠᠷᠡᠯᠡᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃ ᠮᠢᠨᠣ ᠡᠴᠢᠭᠡ ᠪᠣᠯ ᠮᠠᠨᠵᠣ ᠴᠢᠩ ᠣᠯᠣᠰ ᠤᠨ ᠦᠶ᠎ᠡ  ᠳᠤ ᠨᠡᠶᠢᠰᠯᠡᠯ ᠪᠡᠭᠡᠵᠢᠩ ᠳᠤ ᠵᠢᠯ ᠪᠦᠷᠢ ᠣᠴᠢᠵᠣ ᠴᠠᠭᠠᠨ ᠰᠠᠷ᠎ᠠ ᠶᠢ ᠦᠩᠬᠡᠷᠡᠭᠡᠨ᠂ ᠡᠵᠡᠨ ᠬᠠᠭᠠᠨ ᠳᠤ ᠵᠢᠰᠢᠶᠠᠨ  ᠤ ᠠᠯᠪᠠ ᠭᠦᠢᠴᠡᠳᠬᠡᠨ ᠰᠠᠭᠤᠳᠠᠭ ᠪᠠᠶᠢᠭᠰᠠᠨ ᠬᠡᠳᠡᠭ ᠪᠦᠭᠡᠳ ᠵᠢᠯ ᠪᠦᠷᠢ ᠴᠠᠯᠢᠩ ᠹᠦᠩᠯᠦ ᠵᠢᠷᠭᠤᠭᠠᠨ ᠵᠠᠭᠤᠨ ᠯᠠᠩ ᠮᠥᠩᠬᠦ᠂ ᠪᠠᠰᠠ ᠳᠣᠷᠭ᠎ᠠ᠂ ᠪᠣᠯᠠᠭ᠎ᠠ ᠵᠡᠷᠭᠡ ᠡᠳ᠋ ᠪᠣᠳᠠᠰ ᠤᠨ ᠱᠠᠩᠨᠠᠯ ᠬᠦᠷᠳᠡᠭᠡᠯ ᠣᠯᠳᠠᠭ ᠪᠠᠶᠢᠭᠰᠠᠨ ᠭᠡᠳᠡᠭ ᠶᠤᠮ᠃       ᠵᠡᠬᠦᠨ ᠠᠪᠠᠭ᠎ᠠ ᠬᠤᠰᠢᠭᠤᠨ ᠤ ᠰᠣᠯᠠ ᠵᠡᠷᠭᠡ ᠲᠠᠢ ᠳᠡᠷᠬᠠᠨ ᠪᠠᠶᠢᠰᠡ᠂ ᠲᠠᠷᠬᠠᠨ ᠬᠦᠩ ᠭᠡᠵᠣ ᠪᠠᠶᠢᠳᠠᠭ᠂ ᠳᠠᠳᠠᠨᠠᠷ ᠪᠠᠰᠠ ᠵᠢᠰᠢᠶᠠᠨ ᠤ ᠠᠯᠪᠠ ᠬᠦᠢᠴᠡᠳᠭᠡᠭᠦ ᠪᠠᠷ ᠵᠢᠯ ᠪᠦᠷᠢ ᠪᠡᠭᠡᠵᠢᠩ ᠳᠤ ᠣᠴᠢᠳᠠᠭ ᠪᠦᠭᠡᠳ ᠴᠠᠯᠢᠩ ᠹᠥᠩᠯᠥ ᠣᠯᠳᠠᠭ ᠪᠠᠶᠢᠭᠰᠠᠨ ᠭᠡᠳᠡᠭ ᠶᠤᠮ᠃                 ᠵᠡᠬᠦᠨ ᠠᠪᠠᠭ᠎ᠠ ᠬᠤᠰᠢᠭᠤᠨ ᠤ ᠨᠡᠶᠢᠭᠡᠮ ᠤᠨ ᠪᠠᠶᠢᠭᠤᠯᠣᠮᠵᠢ ᠶᠢᠨ ᠳᠣᠬᠠᠢ ᠳᠣᠷᠠᠳᠪᠠᠯ᠄       ᠵᠡᠭᠦᠨ ᠠᠪᠠᠭ᠎ᠠ ᠬᠤᠰᠢᠭᠤ ᠪᠣᠯ ᠳᠠᠪᠣᠨ ᠮᠢᠩᠭ᠎ᠠ ᠭᠠᠷᠦᠢ ᠬᠦᠮᠥᠨ ᠠᠮᠠ ᠲᠠᠢ᠂ ᠠᠷᠪᠠᠨ ᠨᠢᠭᠡᠨ ᠰᠣᠮᠣ ᠲᠠᠢ᠂ ᠳᠣᠬᠠᠶᠢᠯᠠᠪᠠᠯ᠄ ᠦᠪᠣᠷ ᠲᠠᠪᠣᠨ ᠰᠣᠮᠣ᠂ ᠠᠷᠣ ᠵᠢᠷᠭᠤᠭᠠᠨ ᠰᠣᠮᠣ ᠭᠡᠳᠡᠭ ᠪᠦᠭᠡᠳ ᠦᠪᠣᠷ ᠳᠡᠪᠣᠨ ᠰᠣᠮᠣ ᠪᠣᠯ ᠭᠤᠣᠯ ᠰᠣᠮᠣ᠂ ᠪᠠᠷᠠᠭᠤᠨ ᠰᠣᠮᠣ᠂ ᠵᠡᠭᠦᠨ ᠰᠣᠮᠣ᠂ ᠣᠷᠠᠳ ᠰᠣᠮᠣ᠃ ︵ᠪᠠᠰᠠ ᠱᠣᠭᠤᠮ ᠰᠣᠮᠣ ᠭᠡᠳᠡᠭ︶ ᠪᠠᠶᠢᠰᠡ  ᠶᠢᠨ ᠰᠣᠮᠣ ᠪᠣᠯᠣᠨ᠎ᠠ᠃ ᠠᠷᠣ ᠵᠢᠷᠭᠤᠭᠠᠨ ᠰᠣᠮᠣ ᠪᠣᠯ ᠭᠤᠪᠢ ᠶᠢᠨ ᠪᠠᠷᠠᠭᠤᠨ ᠰᠣᠮᠣ᠂ ᠭᠤᠪᠢ ᠶᠢᠨ ᠵ᠊ ᠵᠡᠭᠦᠨ ᠰᠣᠮᠣ᠂ ᠳᠠᠶᠢᠴᠢᠨ ᠰᠣᠮᠣ᠃ ᠴᠢᠨᠣᠳ ᠰᠣᠮᠣ᠃ ᠵᠡᠬᠦᠨ ᠬᠤᠶᠢᠳᠣ ᠰᠣᠮᠣ᠂ ᠬᠤᠩᠳᠠᠬᠤ ᠰᠣᠮᠣ ︵ᠬᠠᠭᠠᠰ ᠭᠡᠰᠡᠨ ᠮᠠᠨᠵᠣ ᠦᠭᠡ︶ ᠡᠳᠡᠭᠡᠷ ᠠᠷᠪᠠᠨ ᠨᠢᠭᠡᠨ ᠰᠣᠮᠣ ᠳᠤ ᠰᠣᠮᠣ ᠪᠦᠷᠢ ᠨᠢᠭᠡᠨ ᠵᠠᠩᠬᠢ᠂ ᠨᠢᠭᠡᠨ ᠬᠦᠨᠳᠣ᠂ ᠬᠡᠳᠣᠨ ᠪᠣᠱᠤᠭ᠎ᠠ ᠨᠡᠷ ᠰᠣᠮᠣᠨ ᠤ ᠠᠯᠢᠪᠠ ᠠᠯᠪᠠᠨ ᠢ ᠬᠠᠷᠢᠭᠤᠴᠠᠳᠠᠭ᠃                 ᠬᠤᠰᠢᠭᠤᠨ ᠤ ᠠᠯᠪᠠᠨ ᠶᠠᠮᠣᠨ ᠪᠣᠯ ᠵᠠᠰᠠᠭ ᠸᠠᠩ ᠤᠨ ᠣᠷᠳᠣᠨ ᠤ ᠣᠶᠢᠷ᠎ᠠ ᠮᠣᠩᠭᠤᠯ ᠭᠡᠷ ᠢᠶᠠᠷ ᠰᠠᠭᠤᠵᠣ ᠪᠠᠶᠢᠳᠠᠭ᠃ ᠬᠤᠰᠢᠭᠤᠨ ᠤ ᠳᠣᠰᠢᠶᠠᠯᠳᠠᠳ ᠪᠣᠯ᠂ ᠵᠠᠰᠠᠭ ᠸᠠᠩ ᠠᠴᠠ ᠭᠠᠳᠠᠨ᠎ᠠ᠂ ᠳᠣᠰᠠᠯᠠᠭᠴᠢ ᠬᠤᠲᠠᠷ᠂ ᠬᠤᠰᠢᠭᠤ ᠵᠠᠬᠢᠷᠣᠭᠴᠢ ᠵᠠᠩᠬᠢ ᠨᠢᠭᠡ ᠮᠡᠶᠢᠷᠡᠨ ᠵᠠᠨᠬᠢ ᠬᠤᠶᠠᠷ᠂ ᠵᠠᠯᠠᠨ ᠵᠠᠩᠬᠢ ᠲᠦᠷᠪᠡ᠂ ᠳᠣᠰᠠᠯᠠᠭᠴᠢ ᠵᠠᠩᠭᠢ ᠪᠣᠯ ᠵᠠᠪᠠᠯ ᠳᠠᠶᠢᠵᠢ ᠬᠦᠮᠥᠨ ᠪᠣᠯᠳᠠᠭ᠂ ᠬᠠᠷᠠᠴᠣ ᠬᠦᠮᠥᠨ ᠪᠣᠯᠬᠤ ᠳᠣᠭᠳᠠᠭᠠᠯ ᠦᠭᠡᠢ᠃ ᠵᠠᠬᠢᠷᠣᠭᠴᠢ ᠵᠠᠩᠬᠢ ᠪᠣᠯ ᠳᠠᠶᠢᠵᠢ ᠬᠠᠷᠠᠴᠣ ᠶᠢᠨ ᠠᠯᠢᠨ ᠨᠢ ᠪᠣᠯᠪᠠᠴᠣ ᠪᠦᠷ ᠪᠣᠯᠣᠨ᠎ᠠ᠃ ᠮᠡᠶᠢᠷᠡᠨ ᠵᠠᠩᠬᠢ ᠪᠣᠯ ᠦᠪᠦᠷ ᠳᠡᠪᠣᠨ ᠰᠣᠮᠣᠨ ᠳᠤ ᠨᠢᠭᠡ᠂ ᠠᠷᠣ ᠵᠢᠷᠭᠤᠭᠠᠨ ᠰᠣᠮᠣᠨ ᠳᠤ ᠨᠢᠭᠡ ᠪᠠᠶᠢᠳᠠᠭ᠃       ᠵᠠᠯᠠᠨ ᠵᠠᠩᠬᠢ ᠪᠣᠯ᠂ ᠦᠪᠦᠷ ᠳᠡᠪᠣᠨ ᠰᠣᠮᠣᠨ  ᠳᠤ ᠬᠤᠶᠠᠷ᠂ ᠠᠷᠣ ᠵᠢᠷᠭᠤᠭᠠᠨ ᠰᠣᠮᠣᠨ ᠳᠤ ᠬᠤᠶᠠᠷ᠂ ᠬᠤᠰᠢᠭᠤ ᠶᠠᠮᠣᠨ ᠳᠤ ᠳᠣᠰᠠᠯᠠᠭᠴᠢ ᠵᠠᠩᠬᠢ ᠠᠴᠠ ᠪᠣᠰᠣᠳ ᠮᠡᠶᠢᠷᠡᠨ ᠵᠠᠠᠯᠨ ᠨᠠᠷ ᠲᠦᠷᠪᠡᠨ ᠡᠭᠡᠯᠵᠢ ᠪᠠᠷ ᠰᠠᠭᠤᠵᠣ ᠠᠯᠪᠠᠨ ᠳᠤ ᠦᠢᠯᠡᠴᠢᠯᠡᠳᠡᠭ᠃ ᠨᠢᠭᠡᠳᠦᠭᠡᠷ ᠡᠭᠡᠯᠵᠢ ᠨᠢ ᠨᠢᠬᠡ ᠂ ᠳᠠᠪᠤ᠂ ᠶᠢᠰᠣᠨ ᠰᠠᠷ᠎ᠠ᠃ ᠬᠤᠶᠠᠳᠣᠭᠠᠷ ᠡᠭᠡᠯᠵᠢ ᠨᠢ ᠬᠤᠶᠠᠷ᠂ ᠵᠢᠷᠭᠤᠭ᠎ᠠ᠂ ᠠᠷᠪᠠᠨ ᠰᠠᠷ᠎ᠠ᠃ ᠭᠤᠷᠪᠠᠳᠣᠭᠠᠷ ᠡᠭᠡᠯᠵᠢ ᠨᠢ ᠭᠤᠷᠪᠠ᠂ ᠳᠣᠯᠤᠭ᠎ᠠ᠂ ᠠᠷᠪᠡᠨ ᠨᠢᠭᠡᠨ ᠰᠠᠷ᠎ᠠ᠃ ᠳᠦᠷᠪᠡᠳᠦᠭᠡᠷ ᠡᠭᠡᠯᠵᠢ ᠨᠢ ᠲᠦᠷᠪᠡ᠂ ᠨᠠᠢᠮᠠ᠂ ᠠᠷᠪᠠᠨ ᠬᠤᠶᠠᠷ ᠰᠠᠷ᠎ᠠ᠃ ᠨᠢᠭᠡ ᠰᠠᠷ᠎ᠠ ᠶᠢᠨ ᠡᠭᠡᠯᠵᠢ ᠳᠤ ᠳᠦᠰᠢᠮᠡᠯ ᠬᠤᠶᠠᠷ᠂ ᠵᠢᠩᠬᠢᠨᠢ ᠪᠢᠴᠢᠭᠡᠴᠢ ᠬᠤᠶᠠᠷ᠂ ᠳᠣᠰᠠᠯᠠᠬᠤ ᠪᠢᠴᠢᠭᠡᠴᠢ ᠨᠢᠬᠡ᠂ ᠰᠣᠷᠬᠤ ᠪᠢᠴᠢᠭᠡᠴᠢ ᠭᠤᠷᠪᠠ ᠲᠦᠷᠪᠡ ᠪᠠᠶᠢᠳᠠᠭ᠃ ᠨᠠᠢᠮᠠᠨ ᠳᠦᠰᠢᠮᠠᠯ ᠨᠢ ᠬᠤᠶᠠᠷ ᠮᠡᠶᠢᠷᠡᠨ᠂ ᠳᠦᠷᠪᠡᠨ ᠵᠠᠯᠠᠨ᠂ ᠰᠠᠭᠤᠳᠠᠯ ᠤᠨ ᠲᠦᠰᠢᠮᠡᠯ ᠬᠤᠶᠠᠷ᠂ ᠡᠳᠡᠭᠡᠷ ᠲᠦᠰᠢᠮᠡᠯ ᠪᠢᠴᠢᠭᠡᠴᠢ ᠨᠡᠷ ᠲᠤ ᠴᠠᠯᠢᠩ ᠣᠯᠭᠤᠮᠵᠢ ᠦᠭᠳᠡᠭ ᠦᠭᠡᠢ᠃ ᠬᠤᠰᠢᠭᠤ ᠶᠠᠮᠣᠨ ᠠᠴᠠ ᠳᠡᠳᠡᠨ ᠳᠤ ᠵᠦᠪᠬᠡᠨ ᠬᠦᠨᠡᠰᠦ ᠢᠳᠡᠰᠢ ᠶᠢ ᠬᠠᠩᠭᠠᠳᠠᠭ᠃                 ᠬᠤᠰᠢᠭᠤ ᠶᠠᠮᠣᠨ ᠤ ᠨᠢᠭᠡ ᠵᠢᠯ ᠤᠨ ᠠᠯᠪᠠᠨ ᠵᠠᠷᠣᠳᠠᠯ ᠮᠥᠩᠬᠦᠨ ᠤ ᠣᠷᠢᠳᠴᠢᠯᠠᠭᠰᠠᠨ ᠲᠦᠯᠦᠪᠯᠡᠭᠡ ᠭᠡᠵᠣ ᠶᠡᠷᠦᠳᠡᠭᠡᠨ ᠪᠠᠶᠢᠳᠠᠭ ᠦᠭᠡᠢ᠂ ᠵᠠᠷᠣᠭᠰᠠᠨ ᠪᠦᠬᠦ ᠮᠥᠩᠬᠦᠨ ᠤ ᠳᠤᠭ᠎ᠠ ᠶᠢ ᠵᠢᠯ ᠤᠨ ᠡᠴᠣᠰ ᠲᠤ ᠪᠣᠳᠣᠭᠠᠳ ᠬᠡᠳᠦᠢ ᠪᠣᠯᠣᠭᠰᠠᠨ ᠴᠦ ᠬᠤᠰᠢᠭᠤᠨ ᠤ ᠠᠷᠠᠳ ᠣᠯᠠᠨ ᠠᠴᠠ ᠬᠤᠪᠢᠶᠠᠨ ᠳᠠᠳᠠᠪᠣᠷᠢᠯᠠᠵᠣ ᠠᠪᠳᠠᠭ᠃ ᠠᠷᠣ ᠵᠢᠷᠭᠤᠭᠠᠨ ᠰᠣᠮᠣ ᠪᠣᠯ ᠮᠠᠯ ᠬᠦᠷᠥᠩᠭᠡ ᠴᠢᠨᠡᠭᠡᠯᠢᠭ ᠣᠴᠢᠷ ᠠᠴᠠ ᠠᠯᠪᠠᠨ ᠮᠥᠩᠭᠦᠨ ᠤ ᠳᠠᠳᠠᠪᠣᠷᠢ ᠶᠢ ᠢᠯᠡᠭᠦᠬᠡᠨ ᠭᠠᠷᠭᠠᠳᠠᠭ᠂ ᠦᠪᠦᠷ ᠳᠠᠪᠣᠨ ᠰᠣᠮᠣ ᠪᠣᠯ ᠮᠠᠯ ᠬᠦᠷᠦᠩᠬᠡ ᠪᠠᠷ ᠴᠦᠬᠡᠨ ᠣᠴᠢᠷ ᠠᠴᠠ ᠳᠣᠳᠠᠭᠤ ᠭᠠᠷᠭᠠᠳᠠᠭ᠃ ᠶᠡᠷᠦ ᠨᠢ ᠨᠢᠬᠡᠨ ᠵᠢᠯ ᠤᠨ ᠪᠦᠬᠦ ᠵᠠᠷᠣᠳᠠᠯ ᠤᠨ ᠮᠥᠩᠭᠦ ᠪᠠᠷᠤᠭ ᠭᠤᠷᠪᠠ ᠲᠦᠷᠪᠡᠨ ᠮᠢᠩᠭᠠᠨ ᠲᠦᠭᠦᠷᠢᠭ ᠣᠷᠴᠢᠮ ᠪᠣᠯᠳᠠᠭ ︵ᠴᠠᠭᠠᠨ ᠮᠥᠩᠭᠦ ᠪᠣᠶᠣ ᠮᠥᠩᠭᠦᠨ ᠲᠦᠭᠦᠷᠢᠭ ᠢᠶᠠᠷ ᠪᠣᠳᠣᠪᠠ︶᠃                 ᠮᠠᠯ ᠤᠨ ᠲᠤᠭ᠎ᠠ ᠶᠢ ᠶᠡᠷᠦ ᠠᠪᠳᠠᠭ ᠦᠭᠡᠢ᠂ ᠠᠷᠠᠳ ᠣᠯᠠᠨ ᠤ ᠪᠠᠶᠠᠨ ᠶᠠᠳᠠᠭᠤ ᠶᠢᠨ ᠵᠢᠱᠢᠶ᠎ᠡ ᠪᠠᠷ ᠠᠯᠪᠠ ᠳᠡᠰᠬᠡᠨ ᠠᠪᠳᠠᠭ᠃ ᠬᠤᠰᠢᠭᠤᠨ ᠤ ᠨᠢᠭᠡᠨ ᠵᠢᠯ ᠤᠨ ᠭᠡᠷᠡᠭᠯᠡᠬᠦ ᠵᠠᠷᠣᠳᠠᠯ ᠪᠣᠯ ᠬᠤᠰᠢᠭᠤ ᠶᠠᠮᠣᠨ ᠤ ᠡᠳᠦᠷ ᠳᠣᠳᠣᠮ ᠤᠨ ᠠᠯᠢᠪᠠ ᠵᠠᠷᠣᠳᠠᠯ᠂ ᠬᠤᠰᠢᠭᠤᠨ ᠤ ᠪᠠᠭ᠎ᠠ ᠰᠣᠷᠭᠠᠭᠤᠯᠢ ᠶᠢᠨ ᠵᠠᠷᠣᠳᠠᠯ᠂ ᠵᠠᠰᠠᠭ ᠸᠠᠩ ᠪᠣᠯᠣᠨ ᠲᠦᠰᠢᠮᠡᠳ ᠭᠠᠳᠠᠭᠰᠢ ᠠᠯᠪᠡᠨ ᠬᠡᠷᠡᠭ ᠢᠶᠠᠷ ᠶᠠᠪᠣᠬᠤ ᠵᠠᠷᠣᠳᠠᠯ᠂ ᠬᠡᠬᠡᠨ ᠪᠣᠭᠳᠠ ᠵᠠᠯᠠᠬᠤ ᠵᠠᠷᠣᠳᠠᠯ᠂ ᠪᠠᠶᠡᠷ ᠨᠠᠶᠢᠷ ᠬᠢᠬᠦ ᠵᠠᠷᠣᠳᠠᠯ᠂ ᠬᠤᠰᠢᠭᠤ ᠰᠦᠮ᠎ᠡ ᠶᠢᠨ ᠨᠣᠮ ᠤᠨ ᠬᠡᠷᠡᠭᠰᠡᠯ ᠳᠤ ᠨᠦᠬᠦᠪᠦᠷᠢᠯᠡᠨ ᠦᠭᠬᠦ ᠵᠠᠷᠣᠳᠠᠯ᠂ ᠬᠤᠰᠢᠭᠤᠨ  ᠳᠤ ᠪᠠᠶᠢᠩᠭᠤ ᠰᠠᠭᠤᠬᠤ ᠴᠡᠷᠢᠭ ᠤᠨ ᠵᠠᠷᠣᠳᠠᠯ ᠪᠣᠯᠣᠨ᠎ᠠ᠃       ᠣᠯᠣᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠭᠠᠶᠢᠯᠢ ᠳᠠᠳᠠᠪᠣᠷᠢ ᠠᠪᠳᠠᠭ ᠦᠭᠡᠢ ᠪᠦᠭᠡᠳ ᠣᠯᠣᠰ ᠠᠴᠠ ᠨᠦᠬᠦᠪᠦᠷᠢ ᠮᠥᠩᠭᠦ ᠴᠦ ᠦᠭᠳᠡᠭ ᠦᠭᠡᠢ᠃ ᠡᠶᠢᠮᠥ ᠠᠴᠠ ᠪᠦᠬᠦ ᠵᠠᠷᠣᠳᠠᠯ ᠢ ᠦᠪᠡᠷᠳᠡᠭᠡᠨ ᠰᠢᠢᠭᠪᠦᠷᠢᠯᠡᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃                 ᠨᠢᠬᠡᠨ ᠵᠢᠯ ᠳᠤ ᠭᠤᠷᠪᠡᠨ ᠣᠳᠠᠭ᠎ᠠ ᠠᠯᠪᠡᠨ ᠴᠣᠭᠯᠠᠭᠠᠨ ᠬᠢᠳᠡᠭ᠃ ᠭᠤᠷᠪᠠᠨ ᠰᠠᠷ᠎ᠠ ᠶᠢᠨ ᠴᠣᠭᠯᠠᠭᠠᠨ  ᠳᠤ ᠠᠯᠢᠪᠠ ᠶᠠᠯᠡᠳᠡᠨ ᠬᠡᠷᠡᠭᠳᠡᠨ ᠢ ᠰᠢᠢᠳᠬᠡᠳᠡᠭ᠂ ᠳᠡᠪᠣᠨ ᠰᠠᠷ᠎ᠠ ᠶᠢᠨ ᠴᠣᠭᠯᠠᠭᠠᠨ ᠳᠤ ᠬᠤᠰᠢᠭᠤᠨ ᠤ ᠠᠯᠢᠪᠠ ᠵᠠᠷᠣᠳᠠᠯ ᠤᠨ ᠳᠠᠩᠰᠠ ᠳᠣᠭᠠᠴᠠᠭ᠎ᠠ ᠶᠢ ᠪᠣᠳᠣᠵᠣ᠂ ᠠᠷᠪᠡᠨ ᠨᠢᠭᠡᠨ ᠰᠣᠮᠣᠨ ᠳᠤ ᠬᠤᠪᠢᠶᠠᠨ ᠵᠠᠷᠯᠠᠳᠠᠭ᠃ ᠠᠷᠪᠠᠨ ᠰᠠᠷ᠎ᠠ ᠶᠢᠨ ᠴᠣᠭᠯᠠᠭᠠᠨ ᠳᠤ ᠬᠤᠪᠢᠶᠠᠨ ᠵᠠᠷᠯᠠᠭᠰᠠᠨ ᠠᠯᠪᠠᠨ ᠮᠥᠩᠭᠦ ᠪᠠᠨ ᠬᠤᠷᠢᠶᠠᠨ ᠠᠪᠳᠠᠭ᠃                  ᠪᠢᠯᠢᠭ ᠤᠨ ᠣᠯᠠᠷᠢᠯ ᠤᠨ ᠳᠠᠪᠣᠨ ᠰᠠᠷ᠎ᠠ ᠶᠢᠨ ᠭᠤᠷᠪᠠᠨ ᠳᠤ ᠬᠤᠰᠢᠭᠤ ᠣᠪᠣᠭ᠎ᠠ ᠬᠠᠨ ᠠᠭᠤᠯᠠ ᠶᠢ ᠳᠠᠬᠢᠳᠠᠭ᠃ ᠣᠪᠣᠭ᠎ᠠ ᠳᠠᠬᠢᠬᠤ ᠨᠠᠶᠢᠷ ᠤᠨ ᠵᠠᠷᠣᠳᠠᠯ ᠪᠣᠯᠣᠨ ᠪᠦᠬᠡ᠂ ᠮᠣᠷᠢᠨ ᠤ ᠱᠠᠩᠨᠠᠯ ᠵᠡᠷᠭᠡ ᠶᠢ ᠬᠤᠰᠢᠭᠤᠨ  ᠠᠴᠠ ᠪᠡᠯᠡᠳᠬᠡᠨ ᠭᠠᠷᠭᠠᠳᠠᠭ ᠪᠠᠶᠢᠨ᠎ᠠ᠃       ᠵᠡᠭᠦᠨ ᠠᠪᠠᠭ᠎ᠠ ᠬᠤᠰᠢᠭᠠᠣᠨ ᠤ ᠰᠥᠮ᠎ᠡ ᠤᠳ ᠭᠡᠪᠡᠯ᠄ ᠶᠠᠩᠳᠣᠣ ᠰᠦᠮ᠎ᠡ᠂ ᠭᠦᠩ ᠤᠨ ᠰᠦᠮ᠎ᠡ᠂ ᠬᠤᠭᠤᠯᠠᠳᠣ ᠯᠠᠮᠠ ᠶᠢᠨ ᠰᠦᠮ᠎ᠡ᠂ ᠳᠠᠷᠬᠠᠨ ᠪᠡᠶᠢᠰᠡ ᠶᠢᠨ ᠰᠦᠮ᠎ᠡ ᠵᠡᠷᠭᠡ ᠳᠠᠪᠣᠨ ᠰᠦᠮ᠎ᠡ ᠪᠠᠶᠢᠳᠠᠭ᠃ ᠰᠦᠮ᠎ᠡ ᠪᠦᠷᠢ ᠳᠤ ᠮᠠᠨᠵᠣ ᠴᠢᠩ ᠣᠯᠣ ᠤᠨ ᠬᠠᠭᠠᠨ ᠤ ᠵᠠᠷᠯᠢᠭ ᠢᠶᠠᠷ ᠳᠣᠭᠳᠠᠭᠠᠭᠰᠠᠨ ᠨᠡᠷ᠎ᠡ ᠪᠠᠶᠢᠳᠠᠭ᠂ ᠳᠡᠶᠢᠮᠥ ᠰᠦᠮ᠎ᠡ ᠶᠢ ᠪᠢᠶᠠᠨ ᠲᠠᠢ ᠰᠦᠮ᠎ᠡ ᠭᠡᠳᠡᠭ᠃ ᠪᠢᠶᠠᠨ ᠭᠡᠳᠡᠭ ᠨᠢ ᠶᠢᠰᠣᠨ ᠯᠣᠣ ᠪᠠᠷ ᠬᠦᠪᠡᠭᠡᠯᠡᠵᠣ ᠂ ᠮᠠᠨᠵᠣ᠂᠂ ᠮᠣᠩᠭᠤᠯ᠂ ᠲᠦᠪᠡᠳ ᠭᠤᠷᠪᠡᠨ ᠬᠡᠯᠡ ᠪᠠᠷ ᠨᠡᠷ᠎ᠡ ᠶᠢ ᠳᠣᠪᠣᠶᠢᠯᠭᠠᠨ ᠰᠡᠶᠢᠯᠵᠣ ᠠᠯᠳᠠᠭᠳᠠᠭᠰᠠᠨ ᠳᠦᠷᠪᠡᠯᠵᠢᠨ ᠱᠣᠰᠢᠭ᠎ᠠ ᠶᠢ ᠭᠤᠣᠯ ᠰᠦᠮ᠎ᠡ ᠶᠢᠨ ᠡᠭᠦᠳᠡᠨ ᠳᠡᠭᠡᠷ᠎ᠡ ᠡᠯᠭᠦᠭᠰᠡᠨ ᠪᠠᠶᠢᠳᠠᠭ ᠶᠤᠮ᠃                 ᠲᠡᠶᠢᠨ ᠬᠦ ᠶᠠᠩᠳᠣᠣ ᠰᠦᠮ᠎ᠡ ᠶᠢ 《 ᠵᠠᠷᠯᠢᠭ ᠢᠶᠠᠷ ᠳᠣᠭᠳᠠᠭᠠᠭᠰᠠᠨ ᠮᠥᠩᠬᠡ ᠶᠢ ᠪᠠᠳᠡᠷᠠᠭᠤᠯᠣᠭᠴᠢ ᠰᠦᠮ᠎ᠡ 》 ᠭᠡᠳᠡᠭ᠂ ᠮᠢᠨᠳᠣᠪ ᠰᠦᠮ᠎ᠡ ᠶᠢ 《 ᠲᠦᠮᠡᠨ ᠳᠣᠬᠢᠶᠠᠯᠳᠣ ᠰᠦᠮ᠎ᠡ 》 ᠭᠡᠳᠡᠭ᠂ ᠬᠦᠩ ᠤᠨ ᠰᠦᠮ᠎ᠡ  ᠶᠢ 《 ᠦᠨᠡᠬᠡᠷ ᠦᠯᠵᠢᠢᠳᠣ ᠰᠦᠮ᠎ᠡ 》 ᠭᠡᠳᠡᠭ᠂ ᠬᠤᠭᠤᠯᠠᠳᠣ ᠯᠠᠮᠠ ᠶᠢᠨ ᠰᠦᠮ᠎ᠡ ᠶᠢ 《 ᠦᠷᠦᠰᠢᠶᠡᠯ ᠢ ᠢᠯᠡᠳᠬᠡᠭᠴᠢ ᠰᠦᠮ᠎ᠡ 》 ᠭᠡᠳᠡᠭ᠂ ᠪᠠᠶᠢᠰᠡ ᠶᠢᠨ ᠰᠦᠮ᠎ᠡ ᠶᠢ 《 ᠰᠣᠶᠣᠯ ᠢ ᠪᠠᠳᠠᠷᠠᠭᠤᠯᠣᠭᠴᠢ ᠰᠦᠮ᠎ᠡ 》 ᠭᠡᠳᠡᠭ᠃       ᠵᠡᠭᠦᠨ ᠠᠪᠠᠭ᠎ᠠ ᠬᠤᠰᠢᠭᠤᠨ ᠤ ᠪᠣᠯ ᠮᠠᠨᠵᠣ ᠴᠢᠩ ᠣᠯᠣᠰ ᠤᠨ ᠵᠢᠷᠠᠨ ᠬᠤᠳᠣᠭᠳᠣ ᠶᠢᠨ ᠳᠣᠭᠠᠨ  ᠳᠤ ᠣᠷᠣᠭᠤᠯᠣᠭᠰᠠᠨ ᠨᠡᠷ᠎ᠡ ᠪᠦᠬᠦᠢ ᠬᠤᠳᠣᠭᠳᠣ ᠭᠡᠭᠡᠨ ᠨᠢᠭᠡ ᠪᠠᠶᠢᠳᠠᠭ᠂ ᠲᠡᠷᠡ ᠨᠢ ᠮᠠᠨᠣᠩ ᠭᠡᠭᠡᠨ ᠭᠡᠳᠡᠭ ᠨᠡᠷᠡ  ᠲᠠᠢ ᠪᠦᠭᠡᠳ 《 ᠰᠣᠶᠣᠯ ᠢ ᠪᠠᠳᠠᠷᠠᠭᠤᠯᠣᠭᠴᠢ 》 ᠰᠦᠮ᠎ᠡ ᠳᠤ ᠵᠠᠯᠠᠭᠳᠠᠵᠣ ᠳᠡᠨᠳᠡ ᠰᠠᠭᠤᠳᠠᠭ᠃ ᠲᠡᠷᠡ ᠭᠡᠭᠡᠨ  ᠨᠢ ᠲᠦᠷᠦᠯ ᠶᠡᠭᠦᠳᠬᠡᠵᠣ ᠵᠠᠩᠴᠢ ᠬᠠᠯᠠᠬᠤ ᠴᠠᠭ ᠲᠤ ᠶᠠᠮᠡᠷ ᠨᠢᠬᠡᠨ ᠭᠠᠵᠠᠷ ᠤᠨ ᠠᠷᠠᠳ ᠤᠨ ᠳᠣᠳᠣᠷ᠎ᠠ ᠠᠴᠠ ᠴᠣᠪᠣᠭᠤ ᠰᠡᠷᠭᠦᠯᠡᠩ ᠬᠡᠣᠬᠡᠳ ᠢ ᠰᠣᠩᠭᠤᠨ᠂ ᠳᠣᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠲᠦᠪᠡᠳ ᠤᠨ ᠶᠡᠬᠡᠰ ᠭᠡᠭᠡᠳ ᠢᠶᠠᠷ ᠳᠣᠳᠣᠯᠠᠭᠤᠯᠣᠨ᠂ ᠨᠢᠭᠡᠨ ᠬᠡᠣᠬᠡᠳ ᠲᠤ ᠬᠤᠶᠠᠷ ᠨᠡᠷ᠎ᠡ ᠦᠭᠴᠦ᠂ ᠳᠡᠶᠢᠮᠦ ᠬᠤᠶᠠᠷ ᠬᠡᠣᠭᠡᠳ ᠤᠨ ᠨᠡᠷ᠎ᠡ ᠶᠢ ᠮᠠᠨᠵᠣ ᠴᠢᠩ ᠣᠯᠣᠰ ᠤᠨ ᠵᠣᠷᠭᠠᠨ ᠶᠠᠮᠣᠨ ᠳᠤ ᠮᠠᠳᠠᠭᠦᠯᠦᠨ ᠰᠢᠪᠠᠭ᠎ᠠ ᠳᠠᠳᠠᠭᠤᠯᠣᠨ ᠰᠣᠩᠭᠤᠵᠣ ᠭᠡᠭᠡᠨ ᠪᠣᠯᠭᠤᠳᠠᠭ ᠶᠤᠮ᠃        ᠵᠡᠭᠦᠨ ᠠᠪᠠᠭ᠎ᠠ ᠬᠤᠰᠢᠭᠤᠨ ᠤ ᠬᠤᠰᠢᠭᠤ ᠰᠦᠮ᠎ᠡ ᠪᠠᠨ ᠣᠣᠯ ᠨᠢ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠲᠠᠷᠬᠠᠨ ᠠᠭᠤᠯᠠ ᠳᠤ ︽ᠴᠢᠭᠤᠯᠭᠠᠨ ᠰᠦᠮ᠎ᠡ︾ ᠭᠡᠳᠡᠭ ᠨᠡᠷ᠎ᠡ ᠲᠠᠢ ᠰᠦᠮ᠎ᠡ ᠪᠠᠶᠢᠭᠰᠠᠨ ᠭᠡᠳᠡᠭ᠂ ᠡᠨᠡᠬᠦ ︽ᠴᠢᠭᠤᠯᠭᠠᠨ ᠰᠦᠮ᠎ᠡ︾ ᠪᠣᠯ ᠣᠣᠯ ᠨᠢ ᠴᠢᠩ ᠣᠯᠣᠰ ᠤᠨ ᠮᠠᠨᠵᠣ ᠬᠠᠭᠠᠨ ᠤ ᠲᠦᠮᠡᠨ ᠦᠯᠵᠢᠢᠳᠣ ᠰᠠᠭᠤᠷᠢᠨ ᠢ ᠪᠠᠳᠣᠳᠬᠠᠬᠤ  ᠶᠢᠨ ᠳᠣᠯᠠ ᠵᠢᠯ ᠪᠦᠷᠢ ᠳ᠋ᠠᠨᠵᠣᠣᠷ ᠨᠣᠮ ᠬᠤᠷᠠᠭᠤᠯᠵᠣ᠂ ᠬᠤᠰᠢᠭᠤ ᠪᠦᠷᠢ ᠠᠴᠠ ︽ᠠᠯᠪᠠᠨ ᠳᠠᠩᠰᠠᠳᠠᠨ︾ ᠭᠡᠳᠡᠭ ᠨᠢᠭᠡᠨ ᠯᠠᠮᠠ ᠰᠠᠭᠤᠯᠭᠠᠵᠣ ᠪᠠᠶᠢᠭᠰᠠᠨ ᠢᠶᠠᠷ ᠦᠯᠦ ᠪᠠᠷᠡᠨ ᠬᠤᠰᠢᠭᠤ ᠪᠦᠷᠢ ᠠᠴᠠ ᠬᠤᠷᠠᠯ ᠨᠣᠮ ᠤᠨ ᠵᠠᠷᠣᠳᠠᠨ ᠢ ᠠᠯᠪᠠᠨ ᠶᠣᠰᠣᠭᠠᠷ ᠨᠡᠶᠢᠯᠡᠭᠦᠯᠵᠣ ᠪᠠᠶᠢᠭᠰᠠᠨ ᠬᠡᠨ᠎ᠡ᠃                  ᠵᠡᠭᠦᠨ ᠠᠪᠠᠭ᠎ᠠ ᠶᠢᠨ ᠴᠢᠭᠤᠯᠭᠠᠨ ᠰᠦᠮ᠎ᠡ ᠶᠠᠭᠠᠬᠢᠭᠠᠳ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠨᠣᠳᠤᠭ ᠲᠤ ᠪᠠᠶᠢᠭᠰᠠᠨ ᠤ ᠣᠴᠢᠷ ᠪᠣᠯ᠂ ᠮᠢᠨᠣ ᠡᠪᠦᠭᠡ ᠳᠡᠭᠡᠳᠣᠰ ᠸᠠᠩ ᠦᠷᠡᠵᠢᠨᠵᠠᠪ ᠤᠨ ᠦᠶ᠎ᠡ ᠳᠤ᠂ ᠲᠡᠷᠡ ᠰᠢᠯᠢ ᠶᠢᠨ ᠭᠤᠣᠯ᠂ ᠵᠣᠣ ᠣᠳᠠ ᠬᠤᠶᠠᠷ ᠴᠢᠭᠤᠯᠭᠠᠨ ᠤ ᠳᠠᠷᠤᠭ᠎ᠠ ᠶᠢᠨ ᠳᠣᠰᠢᠶᠠᠯ ᠢ ᠬᠠᠷᠢᠭᠤᠴᠠᠵᠣ ᠪᠠᠶᠢᠭᠰᠠᠨ ᠣᠳᠠᠭ᠎ᠠ ᠲᠠᠢ ᠭᠡᠨ᠎ᠡ᠃ ᠬᠤᠶᠠᠷ ᠴᠢᠭᠤᠯᠭᠠᠨ ᠤ ᠡᠷᠬᠡ ᠶᠢ ᠨᠢᠬᠡ ᠯᠡ ᠶᠠᠮᠣᠨ ᠮᠡᠳᠡᠵᠣ ᠪᠠᠶᠢᠭᠰᠠᠨ ᠲᠡᠷᠡ ᠦᠶ᠎ᠡ ᠳᠤ ᠵᠡᠭᠦᠨ ᠠᠪᠠᠭ᠎ᠠ ᠬᠤᠰᠢᠭᠤ ᠰᠦᠮ᠎ᠡ ᠶᠢ ᠳᠡᠷᠬᠠᠨ ᠠᠭᠤᠯᠠ ᠶᠢᠨ ᠡᠩᠭᠡᠷ ᠲᠤ ᠪᠠᠭᠤᠯᠭᠠᠭᠰᠠᠨ ᠭᠡᠳᠡᠭ ᠪᠦᠭᠡᠳ ᠳᠡᠭᠦᠨ ᠢ ᠪᠠᠰᠠ ︽ᠴᠢᠭᠤᠯᠭᠠᠨ ᠰᠦᠮ᠎ᠡ︾ ᠭᠡᠵᠣ ᠨᠡᠷᠡᠯᠡᠭᠰᠠᠨ ᠭᠡᠳᠡᠭ ᠪᠠᠶᠢᠨ᠎ᠠ᠃       ᠳᠠᠷᠬᠠᠨ ᠠᠭᠤᠯᠠ ᠶᠢᠨ ︽ᠴᠢᠭᠤᠯᠭᠠᠨ ᠰᠦᠮ᠎ᠡ︾ ᠭᠡᠭᠴᠢ ᠪᠣᠯ ᠦᠭᠡᠷ ᠵᠢᠯ ︵1913 ᠣᠨ︶ ᠤᠨ ᠦᠢᠮᠡᠭᠡᠨ ᠳᠤ ᠶᠣᠸᠠᠨ ᠱᠢ ᠺᠠᠢ ᠶᠢᠨ ᠬᠠᠷ᠎ᠠ ᠴᠡᠷᠢᠭ ᠳᠣᠪᠳᠣᠯᠣᠨ ᠢᠷᠡᠵᠣ ᠣᠷᠣ ᠦᠭᠡᠢ ᠪᠣᠯᠳᠠᠯ᠎ᠠ ᠳᠡᠭᠡᠷᠡᠮᠳᠡᠨ ᠲᠡᠯᠡᠵᠣ ᠭᠠᠯᠳᠠᠨ ᠰᠢᠳᠠᠭᠠᠵᠣᠬᠤᠢ᠃ ᠳᠡᠨᠳᠡ ᠰᠠᠭᠤᠵᠣ ᠪᠠᠶᠢᠭᠰᠠᠨ ᠯᠠᠮᠠᠨᠠᠷ ᠨᠢ ᠶᠠᠩᠳᠣᠣ ᠰᠦᠮ᠎ᠡ ᠳᠤ ᠨᠡᠭᠦᠨ ᠢᠷᠡᠭᠡᠳ᠂ ᠬᠤᠵᠢᠮ ᠨᠢ ᠰᠦᠮ᠎ᠡ ᠪᠠᠶᠢᠭᠤᠯᠵᠣ ᠳᠡᠭᠦᠨ ᠢ ᠪᠠᠨ ︽ᠴᠢᠭᠤᠯᠭᠠᠨ ᠰᠦᠮ᠎ᠡ︾ ᠭᠡᠵᠣ ᠨᠡᠷᠡᠶᠢᠳᠦᠭᠰᠠᠨ ᠪᠢᠯᠡ᠃ ᠡᠨᠡ ᠨᠢ ᠮᠢᠨᠣ ᠡᠴᠢᠬᠡ ᠶᠢᠨ ᠦᠶ᠎ᠡ ᠪᠣᠯᠣᠨ᠎ᠠ᠃                 ᠣᠣᠯ ᠴᠢᠭᠤᠯᠭᠠᠨ ᠤ ᠬᠠᠭᠤᠴᠢᠨ ᠨᠡᠶᠢᠭᠡᠮ ᠤᠨ ᠵᠠᠷᠢᠮ ᠲᠦᠷᠢᠮ ᠳᠣᠭᠳᠠᠭᠠᠯ ᠵᠦᠢᠯ᠂ ᠣᠷᠴᠢᠨ ᠴᠠᠭ  ᠤᠨ ᠪᠠᠶᠢᠳᠠᠯ ᠳᠤ ᠦᠯᠥ ᠳᠣᠬᠢᠷᠠᠬᠤ ᠳᠣᠯᠠ ᠳᠡᠭᠦᠨ ᠢ ᠬᠠᠯᠠᠨ ᠦᠭᠡᠷᠡᠴᠢᠯᠡᠬᠦ ᠳᠣᠬᠠᠢ᠂ ᠮᠢᠨᠣ ᠪᠡᠶ᠎ᠡ 1942 ᠣᠨ  ᠤ ᠦᠶᠡᠰ ᠬᠡᠳᠣᠨ ᠵᠦᠢᠯ ᠳᠣᠷᠠᠳᠣᠭᠰᠠᠨ ᠢ ᠳᠡᠮᠴᠦᠭᠳᠣᠩᠷᠣᠪ ᠶᠡᠬᠡᠳᠡ ᠰᠠᠶᠢᠰᠢᠶᠠᠨ ᠬᠦᠯᠢᠶᠡᠵᠣ᠂ ᠲᠡᠷᠡ ᠳᠡᠷᠦᠢ  ᠳᠤᠨᠢ ᠦᠪᠡᠷ ᠤᠨ ᠪᠡᠶ᠎ᠡ ᠪᠠᠷ ᠬᠡᠬᠡᠨ ᠬᠡᠶᠢᠳ ᠤᠨ ᠭᠠᠵᠠᠷ ᠢᠷᠡᠵᠣ᠂ ᠣᠯᠠᠨ ᠬᠤᠰᠢᠭᠤᠳ ᠤᠨ ᠵᠠᠰᠠᠭ ᠲᠦᠰᠢᠮᠡᠳ ᠢ ᠴᠣᠭᠯᠠᠭᠤᠯᠣᠨ ᠬᠤᠷᠠᠯᠳᠣᠭᠤᠯᠵᠣ᠂ ᠵᠦᠪᠯᠡᠨ ᠶᠠᠷᠢᠯᠴᠠᠭᠠᠳ ᠰᠢᠨ᠎ᠡ ᠪᠠᠷ ᠳᠣᠭᠳᠠᠭᠠᠭᠰᠠᠨ ᠵᠦᠢᠯ ᠤᠳ ᠪᠣᠯ ᠳᠣᠣᠷᠠᠬᠢ ᠮᠡᠳᠦ᠄                 1. ᠬᠤᠰᠢᠭᠤ ᠪᠦᠷᠢ ᠶᠢᠨ ᠠᠯᠢᠪᠠ ᠠᠯᠪᠠᠨ ᠵᠠᠷᠣᠳᠠᠯ ᠢ ᠣᠷᠢᠳᠴᠢᠯᠠᠨ ᠪᠣᠳᠣᠬᠤ ᠲᠦᠰᠦᠪ ᠲᠠᠢ ᠪᠣᠯᠭᠠᠬᠤ ᠳᠣᠬᠠᠢ ᠳᠠᠪᠣᠨ ᠬᠤᠰᠢᠭᠤ ᠮᠠᠯ ᠢ ᠳᠣᠭᠠᠯᠠᠵᠣ ᠮᠠᠯ ᠤᠨ ᠳᠤᠭ᠎ᠠ ᠪᠠᠷ ᠭᠠᠶᠢᠯᠢ ᠠᠪᠬᠤ ᠪᠣᠯᠭᠠᠭᠰᠠᠨ᠂ ᠡᠭᠦᠨᠳᠣ ᠳᠡᠮᠡᠭᠡ ᠠᠳᠣᠭᠤ ᠦᠬᠡᠷ ᠳᠣᠰ ᠪᠦᠷᠢ ᠬᠤᠶᠠᠷ ᠲᠦᠭᠦᠷᠢᠭ᠂ ᠬᠤᠨᠢ ᠢᠮᠠᠭ᠎ᠠ ᠳᠣᠰ ᠪᠦᠷᠢ ᠲᠦᠴᠢᠨ ᠮᠥᠩᠭᠦ᠂ ᠡᠭᠦᠨᠳᠣ ᠳᠡᠪᠣᠨ ᠮᠠᠯ ᠠᠴᠠ ᠳᠣᠷᠣᠭᠰᠢ ᠮᠠᠯ ᠲᠠᠢ ᠡᠷᠦᠬᠡ ᠠᠴᠠ ᠭᠠᠶᠢᠯᠢ ᠳᠠᠳᠠᠪᠦᠷᠢ ᠬᠤᠷᠢᠶᠠᠬᠤ ᠦᠭᠡᠢ᠂ ᠰᠦᠮ᠎ᠡ ᠶᠢᠨ ᠵᠢᠰᠠ ᠶᠢᠨ ᠮᠠᠯ ᠠᠴᠠ ᠠᠷᠠᠳ ᠣᠯᠠᠨ ᠤ ᠠᠳᠠᠯᠢ ᠭᠠᠶᠢᠯᠢ ᠬᠤᠷᠢᠶᠠᠬᠤ᠂ ᠬᠤᠰᠢᠭᠤ ᠰᠣᠮᠣᠨ ᠳᠤ ᠪᠠᠶᠢᠭ᠎ᠠ ᠲᠦᠪᠡᠳ ᠳᠠᠩᠭᠤᠳ ᠤᠨ ᠭᠡᠭᠡᠨᠴᠣᠳ ᠤᠨ ᠰᠦᠷᠦᠭᠯᠡᠨ ᠳᠠᠯᠪᠢᠭᠰᠠᠨ ᠮᠠᠯ ᠠᠴᠠ ᠭᠠᠶᠢᠯᠢ ᠬᠤᠷᠢᠶᠠᠬᠤ᠂ ᠬᠤᠰᠢᠭᠤᠨ ᠤ ᠵᠠᠰᠠᠭ ᠸᠠᠩ ᠪᠡᠶᠢᠯᠡ ᠪᠡᠶᠢᠰᠡ ᠭᠦᠩ ᠨᠡᠷ ᠤᠨ ᠮᠠᠯ ᠠᠴᠠ ᠮᠥᠨ ᠠᠷᠠᠳ ᠲᠦᠮᠡᠨ ᠤ ᠠᠳᠠᠯᠢ ᠭᠠᠶᠢᠯᠢ ᠬᠤᠷᠢᠶᠠᠬᠤ ᠪᠠᠷ ᠳᠣᠭᠳᠠᠭᠠᠭᠰᠠᠨ ᠪᠢᠯᠡ᠃               2. ᠬᠤᠰᠢᠭᠤ ᠪᠦᠷᠢ ᠳᠤ ᠡᠷᠡᠭᠳᠠᠶᠢᠴᠣᠳ ᠪᠠ ᠦᠬᠢᠳ ᠤᠨ ᠰᠣᠷᠭᠠᠭᠤᠯᠢ ᠪᠠᠶᠢᠭᠤᠯᠣᠰᠠᠨ ︵ᠦᠬᠢᠳ  ᠤᠨ ᠰᠣᠷᠭᠠᠭᠤᠯᠢ ᠡᠭᠦᠨ ᠠᠴᠠ ᠡᠮᠦᠨ᠎ᠡ ᠪᠠᠶᠢᠭ᠎ᠠ ᠦᠭᠡᠢ︶᠃               3. ᠬᠤᠰᠢᠭᠤ ᠪᠦᠷᠢ ᠯᠠᠮᠠ ᠡᠮᠴᠢ ᠶᠢᠨ ᠬᠤᠷᠢᠶ᠎ᠠ ᠪᠠᠶᠢᠭᠤᠯᠣᠭᠰᠠᠨ᠃               4. ᠠᠷᠠᠳ ᠲᠦᠮᠡᠨ ᠤ ᠠᠮᠢᠳᠣᠷᠠᠯ ᠢ ᠬᠠᠩᠭᠠᠬᠤ ᠳᠣᠬᠠᠢ ᠬᠤᠰᠢᠭᠤᠳ ᠨᠢᠭᠡᠪᠦᠷᠢ ᠨᠢᠭᠡᠨ ᠰᠠᠭᠤᠷᠢ ᠠᠵᠣ ᠠᠮᠢᠳᠣᠷᠠᠯ ᠤᠨ ᠬᠤᠷᠰᠢᠶ᠎ᠠ ᠪᠠᠶᠢᠭᠤᠯᠣᠭᠰᠠᠨ᠃ ᠡᠬᠡ ᠮᠥᠩᠭᠦ ᠶᠢ ᠬᠤᠰᠢᠭᠤ ᠠᠷᠠᠳ ᠣᠯᠠᠨ ᠠᠴᠠ ᠳᠠᠳᠠᠪᠦᠷᠢᠯᠡᠨ ᠭᠠᠷᠭᠠᠵᠣ ᠬᠤᠨᠵᠢᠪᠦᠷᠢ ᠮᠥᠩᠭᠦᠨ ᠠᠴᠠ ᠪᠠᠨ ᠵᠢᠯ ᠪᠦᠷᠢ ᠬᠤᠪᠢᠶᠠᠨ ᠦᠭᠭᠦᠭᠰᠡᠭᠡᠷ ᠬᠡᠳᠣᠨ ᠵᠢᠯ ᠤᠨ ᠳᠣᠳᠣᠷ᠎ᠠ ᠡᠬᠡ ᠮᠥᠩᠭᠦ ᠶᠢ ᠡᠵᠡᠨ ᠳᠤᠨᠢ ᠪᠣᠴᠠᠭᠠᠨ ᠦᠭᠬᠦ ᠵᠣᠷᠢᠯᠭ᠎ᠠ ᠲᠠᠢ ᠶᠤᠮ᠃ ᠬᠤᠰᠢᠭᠤᠨ ᠤ ᠠᠷᠠᠳ ᠣᠯᠡᠨ  ᠤ ᠬᠤᠳᠠᠯᠳᠣᠬᠤ ᠠᠯᠢᠪᠡ ᠮᠠᠯ ᠢ ᠬᠤᠷᠰᠢᠶ᠎ᠠ ᠪᠠᠷ ᠳᠠᠮᠵᠢᠭᠤᠯᠣᠨ ᠬᠤᠳᠠᠯᠳᠣᠵᠣ ᠴᠢᠨᠠᠭᠰᠢ ᠬᠡᠳᠦᠢ ᠦᠷᠳᠡᠭ ᠢᠶᠠᠷ ᠬᠤᠳᠠᠯᠳᠣᠪᠠᠯ ᠡᠵᠠᠨ ᠳᠤ ᠨᠢ ᠬᠡᠪ ᠢᠶᠠᠷ ᠨᠢ ᠦᠭᠳᠡᠭ᠂ ᠪᠣᠳᠠᠭ᠎ᠠ ᠭᠤᠯᠢᠷ ᠴᠠᠢ᠂ ᠪᠦᠰ ᠪᠠᠷᠠᠭ᠎ᠠ ᠵᠡᠷᠭᠡ ᠶᠢ ᠭᠠᠳᠠᠨ᠎ᠠ  ᠠᠴᠠ ᠬᠤᠳᠠᠯᠳᠣᠨ ᠠᠪᠴᠢᠷᠠᠵᠣ ᠠᠷᠠᠳ ᠣᠯᠠᠨ ᠳᠤ ᠪᠠᠨ ᠬᠤᠪᠢᠶᠠᠷᠢᠯᠠᠨ ᠦᠭᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃ ᠵᠡᠭᠦᠨ ᠠᠪᠠᠭ᠎ᠠ ᠶᠢᠨ ᠳᠡᠶᠢᠮᠦ ᠬᠤᠷᠰᠢᠶ᠎ᠠ ᠪᠣᠯ ᠶᠠᠩᠳᠣᠣ ᠰᠦᠮ᠎ᠡ ᠳᠤ ᠪᠠᠶᠢᠭᠰᠠᠨ ᠶᠤᠮ᠃ ᠲᠡᠷᠡ ᠬᠤᠷᠰᠢᠶ᠎ᠠ ᠶᠢᠨ ᠳᠡᠷᠤᠭ᠎ᠠ ᠪᠣᠯ ᠮᠡᠶᠢᠷᠡᠨ ᠵᠠᠩᠭᠢ ᠦᠷᠭᠦᠩᠭ᠎ᠠ ᠬᠡᠳᠡᠭ ᠬᠦᠮᠥᠨ ᠪᠠᠶᠢᠯ᠎ᠠ᠃                 5. ᠬᠠᠭᠤᠴᠢᠨ ᠨᠡᠶᠢᠬᠡᠮ ᠳᠤ ᠠᠷᠠᠳ ᠣᠯᠠᠨ ᠪᠣᠯ ᠬᠦᠪᠡᠭᠦᠨ ᠢᠶᠠᠨ ᠯᠠᠮᠠ ᠪᠣᠯᠭᠠᠬᠤ ᠳᠣᠷᠠᠳᠠᠢ ᠪᠠᠶᠢᠳᠠᠭ᠂ ᠡᠶᠢᠮᠥ ᠣᠴᠢᠷ ᠠᠴᠠ ᠭᠠᠭᠴᠠ ᠬᠦᠪᠡᠭᠦᠨ ᠢᠶᠠᠨ ᠯᠠᠮᠠ ᠪᠣᠯᠭᠠᠴᠢᠭᠠᠳ᠂ ᠡᠷᠦᠬᠡ ᠭᠡᠷ ᠤᠨ ᠦᠶ᠎ᠡ ᠵᠠᠯᠭᠠᠮᠵᠢ ᠳᠠᠰᠣᠷᠠᠬᠤ ᠳᠤ ᠬᠦᠷᠳᠡᠭ ᠶᠠᠪᠣᠳᠠᠯ ᠵᠦᠩᠳᠡᠭᠡᠨ ᠪᠠᠶᠢᠯ᠎ᠠ᠂ ᠲᠡᠶᠢᠨ ᠬᠦ ᠡᠨᠡ ᠣᠳᠠᠭᠠᠨ ᠤ ᠰᠢᠨ᠎ᠡ ᠳᠣᠭᠳᠠᠭᠠᠯ ᠳᠤ ᠨᠢᠭᠡᠨ ᠡᠷᠦᠬᠡ ᠶᠢᠨ ᠭᠠᠭᠴᠠ ᠬᠦᠪᠡᠭᠦᠨ ᠪᠣᠶᠣ ᠬᠤᠶᠡᠷ ᠬᠦᠪᠡᠭᠦᠨ ᠢ ᠯᠠᠮᠠ ᠪᠣᠯᠭᠠᠵᠣ ᠪᠣᠯᠬᠤ ᠦᠭᠡᠢ᠂ ᠭᠤᠷᠪᠠᠨ ᠬᠦᠪᠡᠭᠦᠨ ᠲᠠᠢ ᠡᠷᠦᠬᠡ ᠪᠣᠯ ᠵᠢᠩᠬᠢᠨᠢ ᠰᠠᠶᠢᠨ ᠳᠣᠷ᠎ᠠ ᠶᠢ ᠦᠨᠳᠣᠰᠦᠯᠡᠨ᠂ ᠨᠢᠬᠡ ᠶᠢ ᠯᠠᠮᠠ ᠪᠣᠯᠭᠠᠵᠣ ᠪᠣᠯᠣᠨ᠎ᠠ᠃ ᠬᠡᠷᠪᠡ ᠬᠦᠮᠥᠨ ᠤ ᠭᠠᠭᠴᠠ ᠬᠦᠪᠡᠭᠦᠨ ᠦᠩᠭᠡᠷᠡᠭᠰᠡᠨ ᠳᠤ ᠯᠠᠮᠠ ᠪᠣᠯᠣᠭᠠᠳ ᠳᠡᠭᠦᠨ ᠤ ᠡᠷᠦᠬᠡ ᠭᠡᠷ ᠤᠨ ᠦᠶ᠎ᠡ ᠵᠠᠯᠭᠠᠮᠵᠢ ᠳᠠᠰᠣᠷᠠᠬᠤ ᠳᠤ ᠭᠦᠷᠦᠭᠰᠡᠨ ᠪᠠᠶᠢᠪᠠᠰᠣ ᠯᠠᠮᠠ ᠬᠤᠸᠠᠷᠠᠭ ᠤᠨ ᠰᠠᠨᠸᠠᠷ ᠢ ᠪᠣᠴᠠᠭᠠᠵᠣ᠂ ᠬᠡᠷᠬᠡᠶᠢᠳᠡᠨ ᠪᠣᠯᠭᠠᠨ ᠡᠷᠦᠬᠡ ᠭᠡᠷ ᠤᠨ ᠦᠶ᠎ᠡ ᠭᠤᠯᠣᠮᠳᠠ ᠶᠢ ᠵᠠᠯᠭᠠᠮᠵᠢᠯᠠᠭᠤᠯᠬᠤ ᠭᠡᠷᠡᠭᠳᠡᠢ ᠭᠡᠵᠣ ᠳᠣᠭᠳᠠᠭᠠᠭᠰᠠᠨ ᠶᠤᠮ᠃ ᠡᠳᠡᠭᠡᠷ ᠰᠢᠨ᠎ᠡ ᠳᠣᠭᠳᠠᠭᠠᠭᠰᠠᠨ ᠵᠦᠢᠯ ᠤᠳ ᠢ ᠪᠡᠲᠡᠯᠡᠭᠦᠶᠢᠵᠣ ᠪᠠᠶᠢᠬᠤ ᠡᠰᠡᠭᠦ ᠶᠢ ᠪᠠᠶᠢᠴᠠᠭᠠᠨ ᠦᠵᠡᠬᠦ ᠪᠠᠷ᠂ ᠬᠤᠵᠢᠮ ᠨᠢ ᠮᠢᠨᠣ ᠪᠡᠶ᠎ᠡ ᠨᠢᠭᠡᠨ ᠣᠳᠠᠭ᠎ᠠ ᠠᠷᠪᠠᠨ ᠬᠤᠰᠢᠭᠤ ᠶᠢ ᠳᠣᠭᠤᠷᠢᠨ ᠶᠠᠪᠣᠵᠣ ᠨᠠᠷᠢᠨ ᠳᠣᠳᠣᠷᠬᠠᠢ ᠪᠠᠶᠢᠴᠠᠭᠠᠯᠳᠠ ᠬᠢᠭᠰᠡᠨ ᠪᠢᠯᠡ᠃                 ᠦᠪᠡᠷ ᠤᠨ ᠡᠷᠦᠬᠡ ᠭᠡᠷ ᠤᠨ ᠪᠠᠶᠢᠳᠠᠯ ᠢ ᠳᠣᠷᠠᠳᠪᠠᠯ᠄ ᠮᠢᠨᠣ ᠭᠡᠷ ᠳᠡᠪᠣᠨ ᠬᠤᠰᠢᠭᠤ ᠮᠠᠯ ᠢᠶᠠᠷ ᠨᠡᠯᠢᠶᠡᠳ ᠪᠠᠶᠠᠯᠢᠭ᠂ 1945 ᠣᠨ ᠠᠴᠠ ᠡᠮᠦᠨ᠎ᠡ ᠪᠣᠯ ᠠᠳᠣᠭᠤ ᠭᠤᠷᠪᠠᠨ ᠮᠢᠩᠭᠠᠭᠠᠳ᠂ ᠳᠡᠮᠡᠭᠡ ᠳᠡᠪᠣᠨ ᠵᠠᠭᠤᠭᠠᠳ᠂ ᠦᠬᠡᠷ ᠭᠤᠷᠪᠠᠨ ᠵᠠᠭᠤᠭᠠᠳ᠂ ᠬᠤᠨᠢ ᠨᠢᠭᠡ ᠲᠦᠮ᠎ᠡ ᠰᠢᠬᠠᠮ ᠪᠠᠶᠢᠭᠰᠠᠨ ᠶᠤᠮ᠃ ᠠᠳᠣᠭᠤ ᠶᠢ ᠬᠠᠷ᠎ᠠ ᠂ ᠴᠠᠭᠠᠨ᠂ ᠬᠤᠸᠠ᠂ ᠵᠢᠷᠤᠭ᠎ᠠ᠂ ᠲᠦᠷᠪᠡᠨ ᠰᠠᠭᠤᠷᠢ ᠢᠯᠭᠠᠵᠣ᠂ ᠨᠢᠭᠡ ᠰᠠᠭᠤᠷᠢ ᠨᠢ ᠳᠠᠪᠤ ᠵᠢᠷᠭᠤᠭᠠᠨ ᠵᠠᠭᠤ ᠪᠠᠷ ᠰᠦᠷᠦᠭᠯᠡᠨ ᠮᠠᠯᠵᠢᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠪᠠᠰᠠ ᠨᠢᠬᠡᠨ ᠮᠢᠩᠭ᠎ᠠ ᠰᠢᠬᠠᠮ ᠠᠳᠣᠭᠤ ᠶᠢ ᠠᠷᠠᠳ ᠲᠤ ᠰᠦᠷᠦᠭ ᠲᠠᠯᠪᠢᠨ ᠮᠠᠯᠵᠢᠭᠤᠯᠵᠣ ᠪᠠᠶᠢᠯ᠎ᠠ᠃ ᠳᠡᠮᠡᠭᠡᠨ ᠤ ᠣᠯᠠᠩᠬᠢ ᠶᠢ ᠦᠪᠡᠷ ᠤᠨ ᠭᠡᠷ ᠤᠨ ᠣᠶᠢᠷ᠎ᠠ ᠮᠠᠯᠵᠢᠳᠠᠭ᠂ ᠭᠠᠭᠴᠠ ᠬᠦ ᠠᠷᠣ ᠰᠣᠮᠣᠨ ᠳᠤ ᠨᠢᠬᠡ ᠵᠠᠭᠤ ᠰᠢᠬᠠᠮ ᠳᠡᠮᠡᠭᠡ ᠶᠢ ᠳᠠᠯᠪᠢᠭᠰᠠᠨ ᠪᠠᠶᠢᠵᠠᠢ᠃ ᠦᠬᠡᠷ ᠤᠨ ᠣᠯᠩᠬᠢ ᠶᠢ ᠭᠡᠷ ᠤᠨ ᠣᠶᠢᠷ᠎ᠠ ᠬᠠᠷᠢᠭᠤᠯᠵᠣ ᠪᠠᠶᠢᠳᠠᠭ᠂ ᠬᠤᠨᠢ ᠪᠣᠯ ᠭᠡᠷ ᠤᠨ ᠣᠶᠢᠷᠠᠯᠴᠠᠭ᠎ᠠ ᠬᠤᠶᠡᠷ ᠭᠤᠷᠪᠡᠨ ᠮᠢᠩᠭᠠᠨ ᠬᠤᠨᠢ ᠪᠠᠶᠢᠳᠠᠭ᠂ ᠪᠣᠰᠣᠳ ᠨᠢ ᠪᠦᠷ ᠠᠶᠢᠯ ᠤᠳ ᠢᠶᠠᠷ ᠰᠦᠷᠦᠭ ᠳᠠᠯᠪᠢᠭᠰᠠᠨ ᠪᠠᠶᠢᠪᠠ᠃ ᠡᠨᠡᠬᠦ ᠬᠤᠨᠢ ᠮᠠᠯᠵᠢᠬᠤ ᠢᠠᠯ ᠤᠳ ᠪᠣᠯ ᠠᠶᠢᠪᠠ ᠪᠠᠷ ᠦᠭᠴᠣ ᠬᠠᠷᠢᠭᠤᠯᠳᠠᠭ ᠪᠢᠰᠢ᠂ ᠳ᠋ᠰᠳᠰᠨᠡᠷ ᠬᠤᠨᠢ ᠮᠠᠯᠵᠢᠬᠤ ᠳᠣᠷᠠᠳᠠᠢ ᠰᠠᠨᠠᠯ ᠭᠠᠷᠭᠠᠵᠣ ᠬᠠᠷᠢᠭᠤᠯᠳᠠᠭ ᠃ ᠨᠢᠬᠡ ᠵᠢᠯ ᠤᠨ ᠬᠤᠨᠢᠨ ᠤ ᠨᠣᠣᠰᠣ ᠶᠢ ᠳᠠᠳᠠᠨᠡᠷ ᠠᠪᠳᠠᠭ᠂ ᠵᠢᠯ ᠳᠤ ᠨᠡᠭᠡᠨ ᠣᠳᠠᠭ᠎ᠠ ᠳᠣᠭᠠᠯᠠᠵᠣ᠂ ᠲᠡᠷᠡ ᠦᠶᠡᠰ ᠬᠠᠷᠢᠭᠤᠯᠣᠭᠰᠠᠨ ᠬᠤᠨᠢ ᠠᠴᠠ ᠨᠢ ᠴᠦᠭᠡᠪᠦᠷᠢ ᠶᠢ ᠦᠭᠳᠡᠭ᠃                 ᠮᠢᠨᠣ ᠭᠡᠷ ᠲᠤ ᠪᠣᠯ ᠮᠠᠯ ᠬᠠᠷᠢᠭᠤᠯᠬᠤ ᠬᠦᠮᠥᠰ ᠣᠯᠡᠨ᠂ ᠳᠡᠳᠡᠨᠡᠷ ᠲᠤ ᠳᠣᠭᠳᠠᠭᠰᠠᠨ ᠬᠦᠯᠦᠰᠦ ᠬᠡᠵᠣ ᠪᠠᠶᠢᠳᠠᠭ ᠦᠭᠡᠢ᠂ ᠬᠡᠳᠦᠢ ᠦᠭᠪᠡᠯ ᠳᠡᠳᠦᠢ ᠶᠢ ᠨᠢ ᠠᠪᠣᠭᠠᠳ ᠳᠣᠷ᠎ᠠ ᠦᠭᠡᠢ ᠪᠣᠯᠪᠠᠴᠣ ᠠᠯᠪᠠᠨ ᠶᠣᠰᠣᠭᠠᠷ ᠵᠠᠷᠣᠭᠳᠠᠳᠠᠭ ᠪᠠᠶᠢᠨ᠎ᠠ᠃ ᠮᠢᠨᠣ ᠭᠡᠷ ᠤᠨ ᠠᠯᠢᠪᠠ ᠠᠵᠢᠯ ᠢ ᠬᠢᠳᠡᠭ ᠵᠢᠷᠭᠤᠭᠠᠨ ᠡᠷᠦᠬᠡ ᠵᠠᠷᠣᠴᠢ ᠠᠶᠢᠯ ᠪᠣᠯ ᠮᠠᠨ ᠤ ᠭᠡᠷ ᠤᠨ ᠳᠡᠷᠭᠡᠳᠡ ᠪᠠᠶᠢᠳᠠᠭ᠂ ᠲᠡᠷᠡ ᠵᠠᠷᠣᠴᠢ ᠠᠶᠢᠯ ᠤᠨ ᠡᠷᠡᠭᠳᠡᠢ ᠬᠦᠮᠥᠰ ᠨᠢ ᠮᠠᠨ ᠤ ᠭᠡᠷ ᠤᠨ ᠳᠣᠳᠣᠷ᠎ᠠ ᠭᠠᠳᠠᠨ᠎ᠠ ᠠᠯᠢᠪᠠ ᠠᠵᠢᠯ ᠳᠤ ᠵᠠᠷᠣᠭᠳᠠᠵᠣ ᠶᠠᠪᠣᠳᠠᠭ᠂ ᠡᠮᠡᠭᠳᠡᠢ ᠬᠥᠮᠥᠰ ᠨᠢ ᠵᠣᠨ ᠤ ᠴᠠᠭ ᠲᠤ ᠬᠤᠨᠢ ᠦᠨᠢᠶ᠎ᠡ ᠰᠠᠭᠠᠵᠤ᠂ ᠡᠪᠣᠯ ᠤᠨ ᠴᠠᠭ ᠲᠤ ᠪᠠᠭᠠᠰᠣ ᠬᠦᠢᠳᠡᠰᠣ ᠬᠤᠷᠢᠶᠠᠬᠤ ᠵᠡᠷᠭᠡ ᠠᠷᠰᠠᠷ ᠠᠵᠢᠯ ᠳᠤ ᠵᠠᠷᠣᠭᠳᠠᠵᠣ ᠶᠠᠪᠣᠳᠠᠭ᠂ ᠡᠳᠡᠭᠡᠷ ᠵᠠᠷᠣᠴᠠ ᠠᠶᠢᠯ ᠤᠳ ᠢ ᠵᠠᠪᠠᠯ ᠦᠪᠣᠷ ᠳᠠᠪᠣᠨ ᠰᠣᠮᠣᠨ ᠠᠴᠠ ᠠᠯᠪᠠᠨ ᠶᠣᠰᠣᠭᠠᠷ ᠳᠠᠭᠤᠳᠠᠨ ᠠᠪᠴᠢᠷᠠᠵᠣ ᠰᠠᠭᠤᠯᠭᠠᠳᠠᠭ᠂ ᠢᠩᠬᠢᠬᠦ ᠳᠤ ᠪᠠᠨ ᠭᠤᠣᠯ ᠰᠣᠮᠣᠨ ᠠᠴᠠ ᠬᠤᠶᠠᠷ ᠡᠷᠦᠬᠡ᠂ ᠪᠠᠷᠠᠭᠤᠨ ᠰᠣᠮᠣᠨ ᠠᠴᠠ ᠬᠤᠶᠠᠷ ᠡᠷᠦᠬᠡ᠂ ᠵᠡᠭᠦᠨ ᠰᠣᠮᠣᠨ ᠠᠴᠠ ᠨᠢᠬᠡ ᠡᠷᠦᠬᠡ᠂ ᠱᠣᠭᠤᠮ ᠰᠣᠮᠣᠨ ᠠᠴᠠ ᠨᠢᠬᠡ ᠡᠷᠦᠬᠡ᠂ ᠳᠡᠳᠡᠭᠡᠷ ᠵᠠᠷᠣᠴᠢ ᠠᠶᠢᠯ  ᠳᠤ ᠳᠣᠭᠳᠠᠭᠰᠠᠨ ᠬᠦᠯᠦᠰᠦ ᠣᠯᠭᠤᠮᠵᠢ ᠦᠭᠳᠡᠭ ᠦᠭᠡᠢ᠂ ᠵᠦᠪᠬᠡᠨ ᠡᠪᠣᠯ ᠵᠣᠨ ᠤ ᠬᠤᠪᠴᠠᠰᠣ᠂ ᠢᠳᠡᠰᠢᠨ ᠤ ᠬᠤᠨᠢ ᠢᠮᠠᠭ᠎ᠠ᠂ ᠪᠣᠳᠠᠭ᠎ᠠ ᠭᠤᠯᠢᠷ ᠵᠡᠷᠭᠡ ᠶᠢ ᠬᠠᠩᠭᠠᠨ ᠦᠭᠳᠡᠭ᠂ ᠪᠠᠰᠠ ᠵᠣᠨ ᠤ ᠦᠶᠡᠰ ᠦᠪᠣᠷ ᠳᠡᠪᠣᠨ ᠰᠣᠮᠣᠨ  ᠠᠴᠠ ᠠᠷᠪᠠᠨ ᠵᠠᠯᠠᠭᠤ ᠡᠷᠡᠭᠳᠡᠢ ᠬᠦᠮᠥᠨ ᠢ ᠠᠯᠪᠠᠨ ᠶᠣᠰᠣᠭᠠᠷ ᠳᠠᠭᠤᠳᠠᠨ ᠠᠪᠴᠢᠷᠠᠵᠣ ᠵᠠᠷᠣᠳᠠᠭ᠂ ᠳᠡᠳᠡᠭᠡᠷ ᠵᠠᠯᠠᠭᠤ ᠡᠷᠡᠭᠳᠡᠢ ᠪᠣᠯ᠂ ᠳᠡᠮᠡᠭᠡ᠂ ᠬᠤᠨᠢᠨ ᠤ ᠣᠩᠭᠠᠰᠣ ᠨᠣᠣᠰᠣ ᠬᠤᠷᠢᠶᠠᠨ ᠠᠪᠬᠤ ᠪᠣᠯᠣᠨ ᠭᠡᠷ ᠤᠨ ᠪᠦᠷᠢᠶᠡᠰᠥᠨ ᠤ ᠮᠣᠩᠭᠤᠯ ᠢᠰᠡᠬᠡᠢ ᠬᠢᠬᠦ ᠠᠵᠢᠯ ᠢ ᠬᠦᠢᠴᠡᠳᠬᠡᠭᠰᠡᠨ ᠬᠤᠶᠢᠨ᠎ᠠ ᠰᠠᠶ᠋ᠢ ᠭᠡᠷ ᠭᠡᠷ ᠲᠤ ᠪᠠᠨ ᠬᠠᠷᠢᠳᠠᠭ ᠶᠤᠮ᠃       ᠮᠢᠨᠣ ᠭᠡᠷ ᠪᠣᠯ ᠡᠪᠣᠯ ᠵᠣᠨ ᠤ ᠴᠠᠭ ᠲᠤ ᠮᠣᠩᠭᠤᠯ ᠭᠡᠷ ᠢᠶᠠᠷ ᠨᠡᠬᠦᠳᠡᠯᠯᠠᠨ ᠰᠠᠭᠤᠳᠠᠭ᠂ ᠵᠣᠰᠠᠯᠠᠩ ᠤᠨ ᠭᠠᠵᠠᠷ ᠰᠠᠭᠤᠬᠤ ᠪᠣᠶᠣ ᠶᠠᠭᠤᠮ᠎ᠠ ᠬᠤᠷᠢᠶᠠᠬᠤ ᠠᠷᠪᠠᠨ ᠬᠡᠳᠥᠨ ᠵᠠᠩ ᠪᠠᠶᠢᠰᠢᠩ ᠪᠠᠶᠢᠳᠠᠭ ᠪᠦᠭᠡᠳ ᠵᠣᠨ ᠨᠴᠠᠭ ᠲᠤ ᠪᠣᠯ ᠬᠦᠢᠳᠡᠨ ᠰᠢᠯᠢ ᠶᠢᠨ ᠠᠷᠣ ᠶᠡᠬᠡᠪᠣᠯᠠᠭ᠂ ᠰᠢᠪᠡᠭᠡ ᠬᠠᠰᠢᠶ᠎ᠠ ᠭᠠᠵᠠᠷ ᠢᠶᠠᠷ ᠨᠣᠳᠣᠭᠯᠠᠳᠠᠭ᠂ ᠡᠪᠥᠯ ᠴᠠᠭ ᠲᠤ ᠬᠤᠶᠠᠷ ᠬᠤᠯᠣᠰᠣ᠂ ᠳᠡᠪᠢᠨ ᠵᠡᠷᠭᠡ ᠭᠠᠵᠠᠷ ᠢᠶᠠᠷ ᠨᠣᠳᠣᠭᠯᠠᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃                 ᠮᠢᠨᠣ ᠡᠴᠢᠭᠡ ᠡᠬᠡ ᠪᠣᠯ᠂ ᠪᠣᠷᠬᠠᠨ ᠱᠠᠰᠢᠨ ᠳᠤ ᠶᠡᠭᠡ ᠰᠦᠰᠦᠭ ᠪᠢᠰᠢᠷᠡᠯᠳᠠᠢ᠂ ᠳᠦᠪᠡᠳ ᠲᠠᠩᠭᠤᠳ  ᠤᠨ ᠬᠡᠬᠡᠳ ᠯᠠᠮᠠᠨᠡᠷ ᠢ ᠶᠡᠭᠡ ᠰᠢᠳᠦᠳᠡᠭ᠂ ᠮᠢᠨᠣ ᠪᠡᠶ᠎ᠡ ᠴᠦ ᠭᠡᠰᠡᠨ ᠠᠪᠤ ᠡᠵᠢ ᠶᠢᠨ ᠰᠣᠷᠭᠠᠯ ᠬᠦᠮᠥᠵᠢᠯ ᠢ ᠬᠦᠷᠳᠡᠭᠰᠡᠭᠡᠷ ᠮᠣᠩᠬᠠᠭ ᠪᠢᠰᠢᠷᠡᠯ ᠤᠨ ᠰᠦᠰᠦᠭ ᠢᠶᠠᠷ ᠮᠥᠨ ᠯᠡ ᠬᠡᠭᠡᠳ ᠯᠠᠮᠠᠨᠠᠷ ᠢ ᠰᠢᠳᠦᠳᠡᠭ ᠪᠦᠭᠡᠳ ᠬᠦᠮᠪᠣᠮ ᠬᠡᠶᠢᠳ᠂ ᠣᠲ᠋ᠠᠢ ᠵᠡᠷᠭᠡ ᠭᠠᠵᠠᠷ ᠤᠳ ᠢᠶᠠᠷ ᠮᠥᠷᠭᠦᠯ ᠡᠷᠬᠢᠯ ᠬᠢᠵᠣ ᠬᠡᠳᠦᠨ ᠣᠳᠠᠭ᠎ᠠ ᠶᠠᠪᠣᠭᠰᠠᠨ ᠪᠢᠯᠡ᠂ ᠣᠣᠯ ᠭᠠᠵᠠᠷ ᠤᠨ ᠰᠦᠮ᠎ᠡ ᠬᠡᠶᠢᠳ ᠤᠨ ᠯᠠᠮᠠᠨᠡᠷ ᠢ ᠴᠦ ᠳᠣᠷᠣᠮᠵᠢᠯᠠᠨ ᠮᠠᠭᠤᠰᠢᠶᠠᠳᠠᠭ ᠦᠭᠡᠢ᠂ ᠬᠠᠷᠢᠨ ᠳᠡᠳᠡᠨ ᠳᠤ ᠦᠭᠯᠢᠭ ᠡᠷᠭᠦᠴᠡ ᠦᠭᠳᠡᠭ ᠪᠦᠭᠡᠳ ᠮᠠᠨ ᠤ ᠭᠡᠷ ᠲᠤ ᠨᠢᠬᠡ ᠵᠢᠯ ᠳᠤ ᠬᠡᠳᠦᠨ ᠣᠳᠠᠭ᠎ᠠ ᠯᠠᠮᠠᠨᠠᠷ ᠵᠠᠯᠠᠵᠣ ᠨᠣᠮ ᠪᠣᠶᠠᠠ ᠦᠢᠯᠡᠳᠳᠡᠭ ᠪᠠᠶᠢᠨ᠎ᠠ᠃                 1945 ᠣᠨ ᠠᠴᠠ ᠬᠤᠶᠢᠰᠢ ᠮᠢᠨᠣ ᠪᠠᠶᠢᠳᠠᠯ ᠬᠡᠪᠡᠯ᠄ 1945 ᠣᠨ ᠤ ᠨᠠᠮᠣᠷ᠂ ᠳᠡᠯᠡᠬᠡᠢ ᠶᠢᠨ ᠬᠤᠶᠠᠳᠣᠭᠠᠷ ᠳᠠᠶᠢᠠ ᠪᠣᠯᠵᠣ᠂ ᠦᠪᠦᠷ ᠮᠣᠩᠭᠤᠯ ᠣᠷᠣᠨ ᠴᠢᠯᠥᠭᠡᠯᠡᠭᠳᠡᠬᠦ ᠦᠶ᠎ᠡ ᠳᠤ ᠵᠥᠪᠯᠡᠯᠳᠥ ᠶᠢᠨ ᠣᠯᠠᠭᠠᠨ ᠠᠷᠮᠢ ᠪᠣᠯᠣᠨ ᠮᠣᠩᠭᠤᠯ ᠣᠯᠣᠰ ᠤᠨ ᠬᠤᠪᠢᠰᠬᠠᠯᠳᠣ ᠴᠡᠷᠢᠭ ᠮᠠᠨ ᠤ ᠴᠢᠭᠤᠯᠭᠠᠨ ᠳᠤ ᠣᠷᠣᠵᠣ ᠢᠷᠡᠭᠡᠳ ᠶᠠᠫᠣᠨ ᠹᠠᠱᠢᠰ᠂ ᠣᠬᠠᠭᠠᠨ ᠰᠡᠭᠡᠬᠡ ᠦᠭᠡᠢ ᠵᠢᠭᠤᠳᠠᠭᠰᠠᠨ ᠳᠡᠷᠡᠬᠦ ᠴᠢᠮᠡᠭᠡ ᠶᠢ ᠣᠯᠵᠣ ᠰᠣᠨᠣᠰᠣᠮᠠᠭᠴᠠ᠂ ᠮᠢᠨᠣ ᠪᠡᠶ᠎ᠡ ᠠᠶᠣᠨ ᠬᠡᠯᠡᠮᠡᠭᠳᠡᠵᠣ᠂ ᠦᠪᠡᠷ ᠤᠨ ᠭᠡᠷ ᠤᠨ ᠡᠳ᠋ ᠬᠦᠷᠦᠩᠬᠡ ᠡᠳ᠋ᠯᠡᠯ ᠳᠡᠸᠠᠷ ᠮᠥᠩᠭᠦ ᠵᠣᠭᠤᠰ ᠵᠡᠷᠭᠡ ᠪᠠᠨ ᠳᠠᠶᠢᠨ ᠤ ᠬᠦᠯ ᠳᠤ ᠦᠷᠡᠭᠳᠡᠭᠦᠯᠭᠦ ᠦᠭᠡᠢ ᠶᠢᠨ ᠲᠦᠯᠦᠭᠡ ᠦᠪᠡᠷ ᠤᠨ ᠬᠡᠷ ᠠᠴᠠ ᠪᠠᠨ ᠵᠠᠶᠢᠯᠠᠭᠤᠯᠵᠣ ᠶᠠᠩᠳᠣᠣ ᠰᠦᠮ᠎ᠡ ᠳᠤ ᠲᠡᠭᠡᠭᠡᠨ ᠠᠪᠴᠢᠷᠠᠭᠰᠠᠨ ᠪᠦᠭᠡᠳ ᠮᠢᠨᠤ ᠪᠡᠶ᠎ᠡ ᠴᠦ ᠠᠪᠤ ᠡᠵᠢ ᠪᠣᠯᠣᠨ ᠭᠡᠷ ᠤᠨ ᠪᠦᠬᠦᠨ ᠢᠶᠠᠨ ᠳᠠᠭᠠᠭᠤᠯᠣᠨ ᠶᠠᠩᠳᠣᠣ ᠰᠦᠮ᠎ᠡ ᠳᠤ ᠵᠠᠶᠢᠯᠠᠨ ᠰᠠᠭᠤᠭᠠᠳ ᠳᠠᠶᠢᠨ ᠪᠠᠶᠢᠳᠠᠯ ᠢ ᠦᠩᠭᠡᠷᠡᠭᠡᠬᠦ ᠭᠡᠵᠣ ᠪᠣᠳᠣᠭᠰᠠᠨ ᠪᠢᠯᠡ᠃ ᠣᠴᠢᠷ  ᠨᠢ ᠶᠠᠩᠳᠣᠣ ᠰᠦᠮ᠎ᠡ ᠪᠣᠯ ᠶᠡᠭᠡ ᠡᠯᠡᠰᠣᠨ ᠤ ᠵᠠᠬ᠎ᠠ ᠳᠤ ᠪᠠᠶᠢᠬᠤ ᠪᠣᠯᠬᠤᠷ ᠮᠠᠰᠢᠨ ᠳᠡᠷᠭᠡ ᠨᠠᠪᠳᠡᠷᠡᠬᠦ ᠳᠤ ᠲᠣᠩ ᠬᠦᠴᠢᠷ ᠲᠠᠢ᠂ ᠳᠡᠶᠢᠮᠣ ᠠᠴᠠ ᠣᠷᠣᠰ ᠮᠣᠩᠭᠤᠯ ᠴᠡᠷᠢᠭ ᠳᠡᠨᠳᠡ ᠬᠦᠷᠴᠣ ᠴᠢᠳᠠᠬᠤ ᠦᠭᠡᠢ ᠭᠡᠵᠣ ᠪᠣᠳᠣᠵᠣ ᠪᠠᠶᠢᠭᠰᠠᠨ ᠪᠢᠯᠡ᠃ ᠬᠡᠳᠡᠯ᠎ᠡ ᠬᠠᠷᠢᠨ ᠣᠷᠣᠰ ᠮᠣᠩᠭᠤᠯ ᠴᠡᠷᠢᠭ ᠨᠢ ᠪᠡᠷᠡᠭᠤᠨ ᠠᠪᠠᠭ᠎ᠠ ᠶᠢᠨ ᠴᠠᠩᠳᠣ ᠰᠥᠮ᠎ᠡ ᠳᠤ ᠨᠢᠭᠡᠨᠳᠡ ᠣᠷᠣᠵᠣ ᠢᠷᠡᠭᠰᠡᠨ ᠪᠦᠭᠡᠳ ᠪᠠᠰᠠ ᠪᠠᠨᠳᠢᠳᠠ ᠬᠡᠬᠡᠨ ᠬᠡᠶᠢᠳ ᠲᠤ ᠣᠷᠣᠵᠣ ᠢᠷᠡᠩᠭᠦᠳᠡ ᠪᠠᠨ ᠳᠣᠰ ᠰᠥᠮ᠎ᠡ ᠶᠢᠨ ᠳᠣᠰᠢᠶᠠᠯᠳᠠᠨ ᠯᠠᠮᠠᠨᠠᠷ ᠳᠦᠴᠢ ᠭᠠᠷᠦᠢ ᠬᠦᠮᠥᠰ ᠢ ᠫᠣᠣᠳᠠᠨ ᠠᠯᠠᠪᠠ ᠬᠡᠭᠦ ᠴᠢᠮᠡᠭᠡ ᠶᠢ ᠲᠡᠷᠡ ᠳᠡᠷᠦᠶᠢᠬᠠᠨ ᠳᠤ ᠪᠠᠨ ᠣᠯᠵᠣ ᠰᠣᠨᠣᠰᠣᠭᠠᠳ᠂ ᠠᠮᠢ ᠮᠡᠨᠳᠣ ᠭᠠᠷᠬᠤ ᠶᠢ ᠪᠣᠳᠣᠵᠣ ᠠᠴᠠ ᠪᠢᠰᠢ ᠦᠭᠡᠷ᠎ᠡ ᠶᠠᠭᠤ ᠴᠦ ᠪᠣᠳᠣᠬᠤ ᠶᠢᠨ ᠣᠬᠠᠭᠠᠨ ᠦᠭᠡᠢ᠂ ᠠᠶᠣᠨ ᠰᠦᠷᠳᠡᠵᠣ᠂ ᠮᠠᠳᠡᠭᠡ ᠰᠣᠨᠣᠰᠣᠭᠰᠠᠨ ᠲᠡᠷᠡ ᠰᠦᠨᠢ ᠳᠤ ᠪᠠᠨ ᠪᠦᠬᠦ ᠡᠳ᠋ ᠬᠦᠷᠦᠩᠬᠡ ᠠᠯᠢᠪᠠ ᠵᠦᠢᠯ ᠢᠶᠠᠨ ᠴᠦᠮ ᠢ ᠶᠠᠩᠳᠣᠣ ᠰᠦᠮ᠎ᠡ ᠳᠠᠬᠢ ᠦᠪᠡᠷ ᠤᠨ ᠰᠠᠭᠤᠵᠣ ᠪᠠᠶᠢᠭᠰᠠᠨ ᠪᠠᠶᠢᠰᠢᠩ ᠳᠤ ᠪᠠᠨ ᠬᠠᠶᠠᠵᠣ ᠣᠷᠬᠢᠭᠠᠳ ᠪᠠᠷᠠᠭᠤᠨ ᠶᠡᠭᠡ ᠡᠯᠡᠰᠣᠨ ᠳᠤ ᠰᠢᠷᠭᠤᠨ ᠣᠷᠣᠵᠣ ᠳᠣᠳᠠᠭᠠᠨ ᠵᠠᠶᠢᠯᠠᠪᠠ᠃ ᠣᠷᠣᠰ ᠴᠡᠷᠢᠭ ᠨᠢ ᠮᠠᠷᠭᠠᠰᠢ ᠨᠢ ᠶᠠᠩᠳᠣᠣ ᠰᠦᠮ᠎ᠡ ᠳᠤ ᠢᠷᠡᠭᠡᠳ᠂ ᠰᠦᠮ᠎ᠡ ᠶᠢᠨ ᠪᠣᠷᠬᠠᠨ ᠨᠣᠮ᠂ ᠵᠢᠰᠠ ᠶᠢᠨ ᠡᠳ᠋ ᠬᠦᠷᠦᠩᠭᠡ ᠪᠣᠶᠣ ᠮᠢᠨᠣ ᠬᠠᠶᠠᠵᠣ ᠣᠷᠬᠢᠭᠰᠡᠨ ᠡᠳ᠋ ᠬᠦᠷᠦᠩᠭᠡ ᠴᠦ ᠪᠦᠷᠢᠮᠦᠰᠣᠨ ᠴᠡᠷᠢᠭ ᠤᠨ ᠬᠦᠯ ᠳᠤ ᠦᠷᠡᠭᠳᠡᠭᠰᠡᠨ ᠪᠢᠯᠡ᠃ ᠲᠡᠷᠡ ᠦᠶ᠎ᠡ ᠳᠤ ᠮᠢᠨᠣ ᠪᠡᠶ᠎ᠡ ᠪᠠᠷᠠᠭᠤᠨ ᠡᠯᠡᠰᠦᠨ ᠳᠤ ᠬᠡᠳᠣᠨ ᠬᠤᠨᠤᠭ ᠳᠠᠯᠳᠠᠯᠠᠵᠣ ᠰᠠᠭᠤᠭᠰᠠᠭᠠᠷ ᠡᠴᠣᠰ ᠳᠤ ᠪᠠᠨ ᠠᠷᠭ᠎ᠠ ᠮᠣᠬᠤᠷᠳᠠᠵᠣ᠂ ᠮᠣᠩᠭᠤᠯ ᠣᠯᠣᠰ ᠤᠨ ᠴᠡᠷᠢᠭ ᠤᠨ ᠬᠤᠷᠢᠶᠠᠨ ᠳᠤ ᠪᠡᠶ᠎ᠡ  ᠪᠠᠷ ᠣᠴᠢᠵᠣ ᠠᠭᠤᠯᠵᠠᠭᠰᠠᠨ ᠶᠤᠮ᠃ ᠮᠣᠩᠭᠤᠯ ᠣᠯᠣᠰ ᠤᠨ ᠴᠡᠷᠢᠭ ᠠᠴᠠ ᠨᠠᠮᠠᠢᠢ ᠳᠣᠯᠣᠨ ᠨᠠᠭᠤᠷ ᠲᠤ ᠬᠦᠷᠭᠡᠵᠣ ᠂ ᠪᠢ ᠳᠡᠨᠳᠡ ᠮᠣᠩᠭᠤᠯ ᠣᠯᠣᠰ ᠤᠨ ᠳᠣᠰᠬᠠᠢ ᠲᠦᠯᠥᠭᠡᠯᠡᠭᠴᠢ ᠯᠠᠮᠠᠵᠠᠪ ᠰᠠᠶᠢᠳ ᠲᠠᠢ ᠣᠭᠤᠵᠠᠬᠤ ᠢᠶᠠᠨ ᠶᠠᠷᠢᠯ᠎ᠠ᠃ ᠳᠡᠭᠤᠨ ᠳᠤ ᠯᠠᠮᠠᠵᠠᠪ ᠰᠠᠶᠢᠳ ᠮᠠᠨ ᠤ ᠴᠢᠭᠤᠯᠭᠠᠨ ᠤ ᠵᠠᠰᠠᠭ ᠨᠣᠶᠠᠳ ᠢ ᠪᠠᠨᠳᠢᠳᠠ ᠬᠡᠬᠡᠨ ᠬᠡᠶᠢᠳ ᠲᠤ ᠴᠣᠭᠯᠠᠭᠤᠯᠵᠣ ᠴᠢᠭᠤᠯᠭᠠᠨ ᠤ ᠵᠠᠰᠠᠭ ᠵᠠᠬᠢᠷᠭ᠎ᠠ ᠶᠢᠨ ᠠᠵᠢᠯ ᠡᠭᠦᠷᠭᠡ ᠶᠢ ᠳᠣᠬᠢᠷᠠᠭᠤᠯᠣᠨ ᠳᠣᠰᠢᠶᠠᠯ ᠳᠤ ᠳᠣᠮᠢᠯᠠᠨ᠎ᠠ ᠬᠡᠵᠣ ᠬᠡᠯᠡᠭᠰᠡᠨ ᠪᠦᠭᠡᠳ ᠲᠡᠷᠡ ᠬᠤᠷᠠᠯ ᠢ ᠬᠤᠷᠠᠯᠳᠣᠭᠤᠯᠬᠤ ᠳᠣᠬᠠᠢ ᠪᠡᠯᠡᠳᠬᠡᠯ ᠠᠵᠢᠯ ᠢ ᠲᠦᠷᠭᠡᠨ ᠬᠦᠢᠴᠡᠳᠭᠡᠬᠦ ᠬᠡᠷᠡᠭᠳᠡᠢ ᠬᠡᠵᠣ ᠮᠠᠰᠢ ᠶᠠᠭᠠᠷᠠᠯᠳᠠᠢ ᠡᠭᠦᠷᠭᠡ ᠳᠣᠰᠢᠶᠠᠯ ᠢ ᠨᠠᠳᠠᠳᠣ ᠦᠭᠭᠦᠭᠰᠡᠨ ᠪᠢᠯᠡ᠃ ᠯᠠᠮᠠᠵᠠᠪ ᠰᠠᠶᠢᠳ ᠤᠨ ᠳᠣᠰᠢᠶᠠᠯ ᠢᠶᠠᠷ ᠮᠣᠩᠭᠤᠯ ᠴᠡᠷᠢᠭ ᠤᠨ ᠭᠠᠵᠠᠷ ᠠᠴᠠ ᠪᠡᠯᠡᠳᠬᠡᠨ ᠦᠭᠭᠦᠭᠰᠡᠨ ᠣᠨᠣᠯᠭ᠎ᠠ ᠮᠣᠷᠢ ᠪᠠᠷ ᠪᠢ ᠮᠣᠷᠳᠠᠵᠣ ᠡᠳᠣᠷ ᠰᠦᠨᠢ ᠦᠭᠡᠢ ᠶᠠᠪᠣᠭᠰᠠᠭᠠᠷ ᠬᠠᠷᠢᠵᠣ ᠢᠷᠡᠭᠡᠳ᠂ ᠬᠤᠰᠢᠭᠤ ᠪᠦᠷᠢ ᠳᠤ ᠵᠠᠷᠣᠯᠭ᠎ᠠ ᠶᠠᠪᠣᠭᠤᠯᠣᠨ ᠵᠠᠰᠠᠭ ᠨᠣᠶᠠᠳ ᠢ ᠪᠠᠨᠳᠢᠳᠠ ᠭᠡᠭᠡᠨ ᠭᠡᠶᠢᠳ ᠤᠨ ᠭᠠᠵᠠᠷ ᠴᠦᠮ ᠢ ᠳᠠᠭᠤᠳᠠᠨ ᠴᠣᠭᠯᠠᠭᠤᠯᠵᠣ ᠬᠦᠯᠢᠶᠡᠭᠰᠡᠭᠡᠷ ᠬᠡᠳᠣ ᠬᠤᠨᠤᠭ  ᠤᠨ ᠬᠤᠶᠢᠨ᠎ᠠ ᠯᠠᠮᠠᠵᠠᠪ ᠰᠠᠶᠢᠳ ᠪᠡᠶ᠎ᠡ ᠪᠠᠷ ᠢᠷᠡᠵᠣ ᠬᠤᠷᠠᠯ ᠨᠡᠭᠡᠭᠡᠭᠡᠳ ᠳᠣᠰ ᠴᠢᠭᠤᠯᠭᠠᠨ ᠣ ᠣᠯᠠᠨ ᠬᠤᠰᠢᠭᠤᠳ  ᠤᠨ ᠵᠠᠰᠠᠭ ᠪᠠ ᠴᠢᠭᠤᠯᠭᠠᠨ ᠤ ᠳᠠᠷᠤᠭ᠎ᠠ᠂ ᠳᠡᠳ᠋ ᠳᠠᠷᠤᠭ᠎ᠠ ᠶᠢ ᠮᠣᠩᠭᠤᠯ ᠣᠯᠣᠰ ᠤᠨ ᠳᠣᠰᠬᠠᠢ ᠲᠦᠯᠦᠭᠡᠯᠡᠭᠴᠢ  ᠶᠢᠨ ᠳᠠᠮᠠᠭ᠎ᠠ ᠲᠠᠢ ᠪᠢᠴᠢᠭ ᠢᠶᠠᠷ ᠳᠣᠰ ᠳᠣᠰ ᠳᠣᠰᠢᠶᠠᠯ ᠳᠤᠷ ᠳᠣᠮᠢᠯᠠᠭᠰᠠᠨ ᠪᠢᠯ᠎ᠡ᠃ ᠳᠡᠭᠦᠨ ᠳᠤ ᠮᠢᠨᠣ ᠪᠡᠶ᠎ᠡ ᠶᠢ ᠬᠠᠭᠤᠴᠢᠨ ᠬᠡᠪ ᠢᠶᠠᠷ ᠴᠢᠭᠤᠯᠭᠠᠨ ᠤ ᠳᠡᠳ᠋ ᠳᠠᠷᠤᠭ᠎ᠠ ᠶᠢᠨ ᠳᠣᠰᠢᠶᠠᠯ ᠳᠤ ᠳᠣᠮᠢᠯᠠᠭᠰᠠᠨ ᠪᠦᠭᠡᠳ ᠣᠯᠠᠨ ᠬᠤᠰᠢᠭᠤᠳ ᠤᠨ ᠵᠠᠰᠠᠭ ᠢ ᠴᠦ ᠣᠣᠯ ᠶᠢᠨ ᠬᠢ ᠠᠴᠠ ᠦᠭᠡᠷᠡᠴᠢᠯᠡᠭᠰᠡᠨ ᠶᠠᠪᠣᠳᠠᠯ ᠦᠭᠡᠢ ᠬᠠᠭᠤᠴᠢᠨ ᠭᠡᠪ ᠢᠶᠠᠷ ᠨᠢ ᠳᠣᠮᠢᠯᠠᠭᠰᠠᠨ ᠪᠢᠯᠡ᠃                 ᠶᠠᠫᠣᠨ ᠤ ᠹᠠᠱᠢᠰ ᠨᠢᠭᠡᠨᠳᠡ ᠪᠠᠭᠤᠵᠣ ᠦᠭᠭᠦᠭᠡᠳ᠂ ᠮᠣᠩᠭᠤᠯ ᠬᠢᠵᠠᠭᠠᠷ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠭᠡᠭᠴᠢ ᠡᠴᠦᠰᠯᠠᠨ ᠳᠠᠭᠤᠰᠴᠣ᠂ ᠳᠡᠷᠢᠭᠦᠨ ᠨᠣᠶᠠᠨ ᠪᠡᠭᠡᠵᠢᠩ ᠳᠤ ᠵᠢᠭᠤᠳᠠᠨ ᠣᠴᠢᠵᠣ ᠭᠤᠮᠢᠨᠳᠠᠩ ᠳᠤ ᠳᠣᠯᠣᠭᠠᠢ ᠰᠢᠷᠭᠤᠪᠠ᠃                 ᠮᠢᠨᠣ ᠪᠡᠶ᠎ᠡ ᠪᠣᠯ ᠣᠣᠯ ᠤᠨ ᠲᠡᠮᠴᠦᠭᠳᠣᠩᠷᠣᠪ ᠢ ᠢᠳᠡᠭᠡᠨ ᠳᠦᠰᠢᠭᠯᠡᠵᠣ᠂ ᠴᠢᠭᠤᠯᠭᠠᠨ ᠤ ᠠᠯᠢᠪᠠ ᠠᠯᠪᠠᠨ ᠠᠵᠢᠯ ᠢ ᠳᠡᠭᠦᠨ ᠤ ᠵᠢᠭᠠᠪᠣᠷᠢ ᠪᠠᠷ ᠬᠦᠢᠴᠡᠳᠭᠡᠳᠡᠭ ᠪᠠᠶᠢᠭᠰᠠᠨ ᠳᠡᠳᠦᠢ ᠦᠭᠡᠢ᠂ ᠶᠡᠷᠦ ᠳᠡᠮᠴᠦᠭᠳᠣᠩᠷᠣᠪ ᠪᠢᠳᠠ ᠬᠤᠶᠠᠷ ᠪᠣᠯ ᠶᠡᠭᠡ ᠳᠣᠳᠣᠨᠣ ᠶᠢᠨ ᠪᠠᠶᠢᠳᠠᠭ ᠨᠦᠬᠦᠷ ᠶᠤᠮ᠃ ᠳᠡᠮᠴᠦᠭᠳᠣᠩᠷᠣᠪ ᠬᠡᠳᠦᠢ ᠪᠠᠷ ᠦᠶ᠎ᠡ ᠣᠯᠠᠷᠢᠨ ᠠᠷᠠᠳ ᠲᠦᠮᠡᠨ ᠤ ᠳᠣᠯᠣᠭᠠᠢ ᠳᠡᠭᠡᠷ᠎ᠡ ᠰᠠᠭᠤᠵᠣ ᠪᠠᠶᠢᠭᠰᠠᠨ ᠳᠣᠮᠣ ᠳᠣᠯᠣᠭᠠᠢ ᠹᠧᠣᠳᠠᠯ ᠮᠦᠨ ᠪᠣᠯᠪᠠᠴᠣ ᠳᠡᠭᠦᠨ ᠤ ᠬᠢᠭᠰᠡᠨ ᠡᠭᠦᠳᠦᠭᠰᠡᠨ ᠠᠵᠢᠯ ᠭᠡᠷᠡᠭ ᠪᠦᠬᠦᠨ ᠢᠶᠠᠷ ᠶᠠᠭ ᠮᠠᠭᠤ ᠪᠢᠰᠢ ᠬᠡᠵᠣ ᠦᠵᠡᠨ᠎ᠡ᠃ ᠮᠣᠩᠭᠤᠯ ᠦᠨᠳᠦᠰᠦᠳᠡᠨ  ᠤ ᠡᠷᠬᠡ ᠠᠰᠢᠭ ᠤᠨ ᠳᠦᠯᠦᠭᠡ ᠲᠡᠷᠡ ᠭᠤᠮᠢᠨᠳᠠᠩ ᠤᠨ ᠨᠣᠶᠠᠷᠬᠠᠯ ᠤᠨ ᠦᠶᠡᠰ ᠠᠴᠠ ᠡᠬᠢᠯᠡᠨ ᠳᠡᠮᠡᠴᠡᠭᠰᠡᠭᠡᠷ ᠢᠷᠡᠭᠰᠡᠨ ᠶᠤᠮ᠃ ᠳᠡᠮᠴᠦᠭᠳᠣᠩᠷᠣᠪ ᠶᠡᠷᠦ ᠠᠴᠠ ᠳᠠᠩ ᠭᠠᠭᠴᠠ ᠬᠤᠪᠢ ᠶᠢᠨ ᠡᠷᠬᠡ ᠵᠢᠷᠭᠠᠯ ᠢ ᠡᠷᠬᠢᠯᠡᠭᠰᠡᠨ ᠪᠢᠰᠢ᠂ ᠦᠪᠡᠷ ᠤᠨ ᠣᠭᠰᠠᠭ᠎ᠠ ᠦᠨᠳᠣᠰᠦᠳᠡᠨ ᠤ ᠪᠠᠨ ᠪᠡᠶ᠎ᠡ ᠪᠠᠨ ᠳᠠᠭᠠᠭᠠᠵᠣ᠂ ᠡᠷᠬᠡ ᠮᠡᠳᠡᠭᠦ ᠳᠣᠬᠠᠢ ᠠᠷᠭ᠎ᠠ ᠣᠬᠭᠠᠨ ᠢ ᠰᠡᠳᠬᠢᠨ ᠪᠣᠳᠣᠵᠣ ᠠᠯᠢ ᠡᠷᠳᠡ 1931 ᠣᠨ ᠳᠤ ︽ᠮᠣᠩᠭᠤᠯ ᠤᠨ ᠴᠢᠭᠤᠯᠭᠠᠨ ᠪᠠ ᠬᠤᠰᠢᠭᠤᠨ ᠤ ᠡᠪᠯᠡᠯᠳᠣ ᠬᠠᠣᠯᠢ︾ ᠭᠡᠳᠡᠭ ᠢ ᠡᠭᠦᠰᠬᠡᠨ ᠨᠡᠶᠢᠳᠡᠯᠡᠵᠣ᠂ 1933 ᠣᠨ ᠳᠤ ︽ᠪᠠᠳᠣᠬᠠᠭᠠᠯᠭ᠎ᠠ ᠶᠢᠨ ᠮᠣᠩᠭᠤᠯ ᠵᠠᠰᠠᠭ ᠤᠨ ᠬᠤᠷᠠᠯ︾ ᠭᠡᠳᠡᠭ ᠦᠨᠳᠣᠰᠦᠳᠡᠨ ᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠪᠡᠯᠡᠳᠬᠡᠯ ᠬᠤᠷᠠᠯ ᠢ ᠰᠠᠨᠠᠭᠠᠴᠢᠯᠠᠨ ᠬᠤᠷᠠᠯᠳᠣᠭᠤᠯᠵᠣ᠂ 1936 ᠣᠨ ᠳᠤ ᠡᠷᠳᠡᠮ ᠰᠣᠶᠣᠯᠳᠣ ᠬᠤᠳᠠᠨ᠎ᠠ ︽ᠮᠣᠩᠭᠤᠯ ᠤᠨ ᠴᠡᠷᠢᠭ ᠤᠨ ᠦᠶᠡᠰ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ︾ ᠢ ᠪᠠᠶᠢᠭᠤᠯᠵᠣ᠂ 1937 ᠣᠨ ᠳᠤ ᠭᠤᠮᠢᠨᠳᠠᠩ ᠤᠨ ᠡᠵᠡᠯᠡᠵᠣ ᠪᠠᠶᠢᠭᠰᠠᠨ ᠰᠦᠢ ᠶᠣᠸᠠᠨ ᠢ ᠪᠠᠶᠢᠯᠳᠣᠨ ᠡᠵᠡᠯᠡᠵᠣ ᠵᠠᠰᠠᠭ ᠠᠮᠣᠷᠵᠢᠭᠤᠯᠬᠤ ᠬᠤᠷᠠᠯ ᠢ ᠪᠠᠶᠢᠭᠤᠯᠣᠨ᠂ ᠮᠣᠩᠭᠤᠯ ᠤᠨ ᠴᠢᠭᠤᠯᠭᠠᠨ ᠢ ᠬᠤᠯᠪᠣᠵᠣ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠡᠪᠯᠡᠯ ᠵᠣᠬᠢᠶᠠᠯ ᠤᠨ ᠶᠡᠭᠡ ᠲᠦᠯᠣᠪ ᠢ ᠵᠦᠪᠯᠡᠨ ᠳᠣᠭᠳᠠᠭᠠᠭᠰᠠᠨ ᠵᠡᠷᠭᠡ ᠭᠡᠷᠡᠭ ᠢ ᠡᠭᠦᠳᠦᠭᠰᠡᠨ ᠪᠢᠯᠡ᠂ ᠮᠠᠨ ᠤ ᠴᠢᠭᠤᠯᠭᠠᠨ ᠤ ᠳᠣᠳᠣᠷ᠎ᠠ ᠡᠨᠡ ᠮᠠᠳᠣ ᠮᠣᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠪᠠᠨ ᠳᠦᠯᠦᠭᠡ ᠵᠣᠷᠢᠭ ᠰᠦᠰᠦ ᠶᠢ ᠪᠠᠷᠢᠵᠣ᠂ ᠶᠡᠭᠡ ᠭᠡᠷᠡᠭ ᠡᠭᠦᠳᠦᠭᠰᠡᠨ ᠸᠠᠩ ᠵᠠᠰᠠᠭ ᠪᠣᠯ ᠣᠷᠢᠳᠣ ᠡᠮᠣᠨ᠎ᠠ ᠶᠡᠷᠦ ᠪᠠᠶᠢᠭᠰᠠᠨ ᠦᠭᠡᠢ᠃                 ᠳᠡᠮᠴᠦᠭᠳᠣᠩᠷᠣᠪ ᠢ ᠵᠠᠶᠢᠯᠠᠨ ᠶᠠᠪᠣᠭᠰᠠᠨ ᠠᠴᠠ ᠬᠤᠶᠢᠰᠢ᠂ ᠮᠢᠨᠣ ᠪᠡᠶ᠎ᠡ ᠶᠠᠮᠠᠷ ᠨᠢᠭᠡᠨ ᠠᠷᠭ᠎ᠠ ᠪᠠᠷ ᠳᠡᠭᠦᠨ ᠲᠠᠢ ᠬᠠᠷᠢᠯᠴᠠᠬᠤ ᠶᠢ ᠪᠣᠳᠣᠭᠰᠠᠭᠠᠷ᠂ 1945 ᠣᠨ ᠤ ᠨᠠᠮᠣᠷ ᠳᠡᠷᠢᠭᠦᠨ ᠨᠣᠶᠠᠨ ᠲᠡᠮᠴᠦᠭᠳᠣᠩᠷᠣᠪ ᠪᠣᠯᠣᠨ ᠬᠠᠭᠤᠴᠢᠨ ᠮᠣᠩᠭᠤᠯ ᠤᠨ ᠬᠢᠵᠠᠭᠠᠷ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠵᠠᠰᠠᠭ ᠤᠨ ᠶᠠᠪᠣᠳᠠᠯ ᠤᠨ ᠬᠤᠷᠢᠶᠠᠨ ᠳᠠᠷᠤᠭ᠎ᠠ ᠡᠣ ᠾᠧ ᠯᠢᠩ ᠨᠠᠷ ᠲᠠᠢ ᠬᠠᠷᠢᠴᠠᠭ᠎ᠠ ᠠᠪᠬᠤ ᠪᠠᠷ ᠴᠣᠶᠢᠵᠢᠨᠵᠠᠪ ᠭᠡᠳᠡᠭ ᠨᠢᠬᠡᠨ ᠯᠠᠮᠠ ᠬᠦᠮᠥᠨ ᠢ ᠵᠠᠷᠣᠵᠣ ᠨᠢᠭᠡᠨ ᠣᠳᠠᠭ᠎ᠠ ᠪᠡᠭᠡᠵᠢᠩ ᠳᠤ ᠶᠠᠪᠣᠭᠤᠯᠣᠭᠰᠠᠨ ᠪᠢᠯᠡ᠃ ᠮᠥᠨ ᠣᠨ ᠤ ᠡᠪᠣᠯ ᠤᠨ ᠰᠡᠭᠦᠯᠴᠢ ᠪᠠᠷ ᠵᠡᠭᠦᠨ ᠠᠪᠠᠭ᠎ᠠ ᠬᠤᠰᠢᠭᠤᠨ ᠤ ᠰᠣᠮᠣᠨ ᠤ ᠪᠢᠴᠢᠭᠡᠴᠢ ᠳᠠᠶᠢᠵᠢ ᠸᠠᠩᠵᠢᠯᠪᠠᠮᠣ ᠬᠡᠳᠡᠭ ᠬᠦᠮᠥᠨ ᠢ ᠵᠠᠷᠣᠵᠣ ᠳᠡᠮᠴᠦᠭᠳᠣᠩᠷᠣᠪ ᠪᠣᠯᠣᠨ ᠡᠣ ᠾᠧ ᠯᠢᠩ ᠨᠡᠷ ᠲᠠᠢ ᠬᠠᠷᠢᠴᠠᠭ᠎ᠠ ᠠᠪᠬᠤ ᠪᠠᠷ ᠬᠤᠶᠠᠳᠠᠬᠢ ᠣᠳᠠᠭ᠎ᠠ ᠨᠢᠭᠤᠴᠠ ᠪᠠᠷ ᠶᠠᠪᠣᠭᠤᠯᠣᠭᠰᠠᠨ ᠶᠤᠮ᠃ 1946 ᠣᠨ ᠳᠤ ᠶᠠᠩᠳᠣᠣ ᠰᠦᠮ᠎ᠡ ᠶᠢᠨ ᠱᠠᠪᠢ ᠯᠠᠮᠠ ᠶᠧᠰᠢ ᠭᠡᠳᠡᠭ ᠬᠦᠮᠥᠨ ᠢ ᠵᠠᠷᠣᠵᠣ ᠮᠥᠨ ᠳᠡᠳᠡᠨᠡᠷ ᠲᠠᠢ ᠬᠠᠷᠢᠴᠠᠭ᠎ᠠ ᠠᠪᠬᠤ ᠪᠠᠷ ᠭᠤᠷᠪᠠᠳᠡᠬᠢ ᠣᠳᠠᠭ᠎ᠠ ᠶᠠᠪᠣᠭᠤᠯᠣᠭᠰᠠᠨ ᠶᠤᠮ᠃ ᠮᠢᠨᠣ ᠡᠨᠡ ᠮᠡᠳᠣ ᠭᠤᠮᠢᠨᠳᠠᠩ ᠪᠣᠯᠣᠨ ᠲᠡᠮᠴᠦᠭᠳᠣᠩᠷᠣᠪ ᠲᠠᠢ ᠬᠡᠳᠣᠨ ᠣᠳᠠᠭ᠎ᠠ ᠬᠠᠷᠢᠴᠠᠭ᠎ᠠ ᠠᠪᠣᠭᠰᠠᠨ ᠶᠠᠪᠣᠳᠠᠯ ᠡᠴᠣᠰ ᠲᠤ ᠪᠠᠨ ᠢᠯᠡᠷᠡᠨ ᠮᠡᠳᠡᠭᠳᠡᠵᠣ᠂ ᠬᠤᠪᠢᠰᠬᠠᠯᠳᠣ ᠲᠦᠷᠦ ᠠᠴᠠ ᠨᠠᠮᠠᠢᠢ ᠶᠡᠬᠡᠬᠡᠨ ᠰᠡᠵᠢᠭᠯᠡᠳᠡᠭ ᠪᠣᠯᠣᠭᠰᠠᠨ ᠶᠤᠮ᠃       1945 ᠣᠨ ᠤ ᠡᠪᠣᠯ᠂ ᠴᠢᠭᠤᠯᠣᠯᠳᠣ ᠬᠠᠭᠠᠯᠭ᠎ᠠ ᠳᠤ ᠣᠯᠠᠭᠠᠨᠬᠦᠣ ᠨᠦᠬᠦᠷ ᠠᠴᠠ ᠡᠭᠦᠰᠬᠡᠨ ᠣᠳᠣᠷᠢᠳᠣᠭᠰᠠᠨ ᠳᠣᠳᠣᠭᠠᠳᠣ ᠮᠣᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠭᠦᠳᠡᠯᠭᠡᠭᠡᠨ ᠤ ᠬᠤᠯᠪᠣᠭᠠᠳᠣ ᠬᠤᠷᠠᠯ ᠠᠴᠠ ᠪᠠᠶᠢᠭᠤᠯᠣᠭᠳᠠᠵᠣ᠂ ᠣᠣᠯ ᠬᠤᠷᠠᠯ ᠠᠴᠠ ᠰᠢᠯᠢ  ᠶᠢᠨ ᠭᠤᠣᠯ ᠴᠢᠭᠤᠯᠭᠠᠨ ᠤ ᠰᠠᠶᠢᠨᠵᠢᠶᠠᠭ᠎ᠠ ᠭᠡᠳᠡᠭ ᠬᠦᠮᠥᠨ ᠢ ᠳᠣᠮᠢᠯᠠᠨ ᠢᠷᠡᠭᠦᠯᠵᠣ ᠴᠢᠭᠤᠯᠭᠠᠨ ᠤ ᠠᠯᠪᠠᠨ ᠭᠡᠷᠡᠭ  ᠢ ᠬᠠᠮᠢᠶᠠᠷᠠᠭᠤᠯᠣᠭᠰᠠᠨ ᠪᠢᠯᠡ᠃ ᠬᠤᠶᠢᠳᠣ ᠵᠢᠯ ᠤᠨ ︵1946 ᠣᠨ ᠤ︶ ᠬᠠᠪᠣᠷ ᠨᠢ ᠮᠥᠨ ᠬᠤᠷᠠᠯ ᠠᠴᠠ ᠷᠢᠨᠴᠢᠨᠸᠠᠴᠢᠷ᠂ ᠷᠢᠨᠴᠢᠨᠵᠠᠮᠰᠣ᠂ ᠱᠠᠵᠢᠠᠭᠡᠷᠡᠯ᠂ ᠰᠠᠶᠢᠬᠤᠢᠯᠵᠠᠢ᠂ ᠶᠠᠨᠰᠠᠩᠵᠠᠪ ᠵᠡᠷᠭᠡ ᠠᠷᠪᠠᠭᠠᠳ ᠵᠠᠯᠠᠭᠤ ᠺᠡᠳᠠᠷ ᠢ ᠳᠣᠮᠢᠯᠠᠨ ᠢᠷᠡᠭᠦᠯᠵᠣ᠂ ᠳᠡᠷᠠᠭ᠎ᠠ ᠨᠢ ᠪᠠᠰᠠ ᠴᠣᠯᠮᠣᠨ᠂ ᠭᠡᠷᠡᠯᠴᠣᠭᠳᠣ᠂ ᠳᠠᠮᠪᠠ ᠨᠠᠷ ᠢ ᠳᠣᠮᠢᠯᠠᠨ ᠢᠷᠡᠭᠦᠯᠵᠣ ᠠᠵᠢᠯᠯᠠᠭᠤᠯᠣᠰᠠᠨ ᠪᠢᠯᠡ᠃ ᠳᠡᠭᠡᠭᠡᠳ ᠳᠡᠮᠡᠢ ᠣᠳᠠᠯ ᠦᠭᠡᠢ ᠴᠣᠯᠮᠣᠨ ᠴᠢᠭᠤᠯᠭᠠᠨ ᠤ ᠳᠠᠷᠤᠭ᠎ᠠ ᠪᠠᠷ ᠳᠣᠮᠢᠯᠠᠭᠳᠠᠵᠣ ᠪᠠᠨᠳᠢᠳᠠ ᠬᠡᠬᠡᠨ ᠬᠡᠶᠢᠳ ᠳᠤ ᠨᠠᠮᠠᠢᠢ ᠳᠠᠭᠤᠳᠠᠵᠣ ᠨᠢᠭᠡᠨ ᠬᠤᠷᠠᠯ ᠬᠢᠭᠡᠳ᠂ ᠲᠡᠷᠡ ᠬᠤᠷᠠᠯ ᠳᠡᠭᠡᠷ᠎ᠡ ᠨᠠᠮᠠᠢᠢ ᠴᠢᠭᠤᠯᠣᠯᠳᠣ ᠬᠠᠭᠠᠯᠭ᠎ᠠ ᠳᠤ ᠶᠠᠪᠣᠭᠤᠯᠬᠤ ᠪᠠᠷ ᠱᠠᠭᠠᠷᠳᠠᠭᠰᠠᠨ ᠪᠣᠯᠪᠠᠴᠣ ᠮᠢᠨᠣ ᠪᠡᠶ᠎ᠡ ᠠᠷᠭ᠎ᠠ ᠰᠢᠯᠳᠠᠭ ᠡᠷᠢᠭᠡᠳ ᠶᠠᠪᠣᠭᠰᠠᠨ ᠦᠭᠡᠢ ᠶᠤᠮ᠃ ᠪᠠᠰᠠ ᠮᠥᠨ ᠣᠨ ᠤ ᠵᠣᠨ ᠤ ᠦᠶᠡᠰ ᠵᠡᠭᠦᠨ ᠠᠪᠠᠭ᠎ᠠ ᠶᠢᠨ ᠶᠠᠩᠳᠣᠣ ᠰᠦᠮ᠎ᠡ ᠳᠤ ᠠᠷᠠᠳ ᠤᠨ ᠰᠣᠩᠭᠤᠭᠤᠯᠢ ᠶᠢᠨ ᠬᠤᠷᠠᠯ ᠢ ᠬᠤᠷᠠᠯᠳᠣᠭᠤᠯᠵᠣ᠂ ᠸᠠᠩᠴᠢᠨ ᠢ ᠵᠡᠭᠦᠨ ᠠᠪᠠᠭ᠎ᠠ ᠬᠤᠰᠢᠭᠤᠨ ᠤ ᠳᠠᠷᠤᠭ᠎ᠠ ᠪᠠᠷ ᠰᠣᠩᠭᠤᠵᠣᠬᠤᠢ᠃ ᠡᠨᠡ ᠮᠡᠳᠣ ᠪᠠᠷ ᠮᠢᠨᠣ ᠪᠡᠶ᠎ᠡ ᠴᠢᠭᠤᠯᠭᠠᠨ ᠤ ᠪᠠ ᠬᠤᠰᠢᠭᠠᠨ ᠤ ᠬᠠᠭᠤᠴᠢᠨ ᠡᠷᠬᠡ ᠳᠣᠰᠢᠶᠠᠯ ᠢᠶᠠᠨ ᠪᠦᠷᠢᠮᠥᠰᠣᠨ ᠬᠠᠰᠣᠭᠳᠠᠭᠰᠠᠨ ᠪᠠᠶᠢᠨ᠎ᠠ᠃                 1946 ᠣᠨ ᠤ ᠨᠠᠮᠣᠷ᠂ ᠵᠢᠶᠠᠩ ᠵᠢᠶᠧ ᠱᠢ ᠳᠣᠳᠣᠭᠠᠳᠣ ᠶᠢᠨ ᠳᠠᠶᠢᠨ ᠢ ᠪᠦᠬᠦ ᠪᠠᠷ ᠳᠡᠭᠳᠡᠭᠡᠨ ᠡᠭᠦᠰᠭᠡᠵᠣ᠂ ᠴᠢᠭᠤᠯᠣᠯᠳᠣ ᠬᠠᠭᠠᠯᠭ᠎ᠠ ᠶᠢ ᠭᠤᠮᠢᠨᠳᠠᠩ ᠤᠨ ᠴᠡᠷᠢᠭ ᠡᠵᠡᠯᠡᠷ᠎ᠡ᠂ ᠳᠣᠪᠳᠣᠯᠣᠭᠰᠠᠨ ᠠᠴᠠ ᠣᠯᠠᠭᠠᠨᠬᠦᠥ ᠨᠦᠬᠦᠷ ᠤᠨ ᠣᠳᠣᠷᠢᠳᠣᠭᠰᠠᠨ ᠳᠣᠳᠣᠭᠠᠳᠣ ᠮᠣᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠭᠦᠳᠡᠯᠭᠡᠭᠡᠨ ᠠᠴᠠ ᠣᠬᠤᠷᠢᠨ ᠭᠠᠷᠴᠣ᠂ ᠮᠣᠩᠭᠤᠯ ᠬᠢᠳᠡᠳ ᠣᠯᠡᠨ ᠺᠡᠳᠡᠷ ᠠᠵᠢᠯᠳᠠᠨ ᠮᠠᠨ ᠤ ᠰᠢᠯᠢ ᠶᠢᠨ ᠭᠤᠣᠯ ᠴᠢᠭᠤᠯᠭᠠᠨ ᠳᠤ ᠰᠯᠢᠯᠵᠢᠨ ᠢᠷᠡᠯ᠎ᠡ᠃ ᠡᠨᠡ ᠣᠨ ᠤ ᠡᠪᠣᠯ ᠤᠨ ᠡᠬᠢᠨ ᠰᠠᠷ᠎ᠠ ᠳᠤ ᠨᠠᠮᠠᠢᠢ ᠳᠣᠭᠤᠳᠠᠭᠤᠯᠣᠭᠰᠠᠨ ᠪᠢᠯᠡ᠃ ᠲᠡᠷᠡ ᠳᠠᠷᠦᠢ ᠪᠢ ᠣᠴᠢᠵᠣ ᠠᠭᠤᠯᠵᠠᠪᠠᠯ᠂ ᠣᠯᠠᠭᠠᠨᠬᠦᠥ ᠨᠦᠬᠦᠷ ᠨᠠᠮᠠᠢᠢ ᠶᠡᠭᠡ ᠳᠣᠳᠣᠨᠣ ᠪᠠᠷ ᠬᠦᠨᠳᠣᠳᠭᠡᠨ ᠦᠵᠡᠵᠣ ︽ᠴᠢᠨᠣ ᠪᠡᠶ᠎ᠡ ᠬᠠᠭᠤᠴᠢᠨ ᠨᠡᠶᠢᠬᠡᠮ ᠳᠡᠭᠡᠷ᠎ᠡ ᠳᠣᠰᠢᠶᠠᠯ ᠠᠵᠢᠯ ᠢ ᠬᠠᠷᠢᠭᠤᠴᠠᠵᠣ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠲᠦᠷᠦ ᠶᠢᠨ ᠳᠣᠬᠠᠢ ᠵᠣᠭᠢᠬᠤ ᠬᠡᠮᠵᠢᠶᠡᠨ ᠤ ᠴᠢᠳᠠᠪᠣᠷᠢ ᠪᠣᠢ᠃ ᠳᠡᠶᠢᠨ ᠬᠦ ᠡᠳᠦᠭᠡ ᠴᠢᠮᠠᠢᠢ ᠮᠥᠨ ᠯᠡ ᠲᠦᠷᠦ ᠶᠢᠨ ᠠᠵᠢᠯ ᠬᠢᠯᠭᠡᠨ᠎ᠡ᠃ ᠡᠭᠦᠨ ᠳᠤ ᠴᠢᠨᠣ ᠪᠡᠶ᠎ᠡ ᠦᠭᠡᠷ᠎ᠡ ᠵᠦᠢᠯ ᠤᠨ ᠶᠠᠭᠤᠮ᠎ᠠ ᠪᠣᠳᠣᠵᠣ ᠰᠡᠵᠢᠭᠯᠡᠨ ᠵᠣᠪᠠᠭ᠋ᠣ ᠶᠠᠪᠣᠳᠠᠯ ᠣᠭᠳᠣ ᠦᠭᠡᠢ᠃ ᠰᠠᠨᠠᠭ᠎ᠠ ᠠᠮᠣᠷ ᠪᠠᠶᠢᠵᠣ ᠪᠢᠳᠡᠨ ᠤ ᠬᠠᠮᠳᠣ ᠬᠤᠪᠢᠰᠬᠠᠯ ᠤᠨ ᠠᠵᠢᠯ ᠳᠤ ᠣᠷᠣᠯᠴᠠᠬᠤ ᠴᠢᠬᠤᠯᠠ ᠲᠠᠢ ᠪᠠᠶᠢᠨ᠎ᠠ᠃︾ ᠭᠡᠭᠦ ᠮᠡᠳᠣ ᠪᠠᠷ ᠰᠣᠷᠭᠠᠨ ᠰᠡᠩᠬᠡᠷᠡᠭᠦᠯᠭᠰᠡᠨ ᠪᠢᠯᠡ᠃ ᠮᠥᠨ ᠲᠡᠷᠡ ᠳᠡᠷᠦᠢ ᠣᠯᠠᠭᠠᠨᠬᠦᠣ ᠨᠦᠬᠦᠷ ᠪᠠᠨᠳᠢᠳᠠ ᠬᠡᠬᠡᠨ ᠬᠡᠶᠢᠳ  ᠲᠤ ᠢᠷᠡᠭᠡᠳ᠂ ᠳᠣᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠡᠯ᠎ᠡ ᠡᠳᠡᠭᠡᠳ ᠤᠨ ᠲᠦᠯᠦᠭᠡᠯᠡᠬᠦ ᠬᠦᠮᠣᠰ ᠢ ᠣᠷᠣᠯᠴᠠᠭᠤᠯᠣᠭᠰᠠᠨ ᠶᠡᠭᠡ ᠬᠤᠷᠠᠯ ᠢ ᠬᠤᠷᠠᠯᠳᠣᠭᠤᠯᠵᠣ᠂ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠴᠠᠬᠠᠷ ᠤᠨ ᠭᠠᠵᠠᠷ ᠣᠷᠣᠨ ᠳᠤ ᠵᠠᠰᠠᠭ ᠶᠠᠪᠣᠭᠤᠯᠬᠤ ᠺᠣᠮᠢᠰ  ᠢ ᠪᠠᠶᠢᠭᠤᠯᠵᠣ ᠣᠣᠯ ᠺᠣᠮᠢᠰ ᠤᠨ ᠳᠠᠷᠤᠭ᠎ᠠ ᠶᠢ ᠬᠠᠭᠤᠴᠢᠨ ᠮᠣᠩᠭᠤᠯ ᠬᠢᠵᠠᠭᠠᠷ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠬᠡᠯᠳᠡᠰ ᠤᠨ ᠳᠠᠷᠤᠭ᠎ᠠ ᠪᠠᠶᠢᠭᠰᠠᠨ ᠳᠡᠭᠰᠢᠪᠣᠶᠠᠨ ︵ᠬᠢᠳᠡᠳ ᠨᠡᠷ᠎ᠡ ᠤ ᠸᠠᠩ ᠽᠦᠩ ᠯᠧ︶᠂ ᠴᠢᠭᠤᠯᠭᠠᠨ ᠤ ᠳᠠᠷᠤᠭ᠎ᠠ ᠪᠠᠶᠢᠭᠰᠠᠨ ᠰᠦᠩᠵᠢᠳᠸᠠᠩᠴᠤᠭ ᠨᠡᠷ ᠢᠶᠠᠷ ᠳᠣᠮᠢᠯᠠᠨ᠂ ᠮᠢᠨᠣ ᠪᠡᠶ᠎ᠡ ᠶᠢ ᠦᠨᠡᠨ ᠬᠦᠷᠦᠩᠭᠡ ᠤᠨ ᠭᠠᠵᠠᠷ  ᠤᠨ ᠳᠠᠷᠤᠭ᠎ᠠ ᠪᠠᠷ ᠳᠣᠮᠢᠯᠠᠭᠰᠠᠨ ᠶᠤᠮ᠃ 1947 ᠣᠨ ᠳᠤ ᠪᠣᠯᠣᠭᠰᠠᠨ ᠦᠪᠦᠷ ᠮᠣᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠵᠠᠰᠠᠭ ᠤᠨ ᠣᠷᠳᠣᠨ ᠪᠠᠶᠢᠭᠤᠯᠬᠤ ᠶᠡᠭᠡ ᠬᠤᠷᠠᠯᠳᠣᠭᠠᠨ ᠳᠤ ᠮᠢᠨᠣ ᠪᠡᠶ᠎ᠡ ᠶᠢ ᠣᠷᠣᠯᠴᠠᠭᠤᠯᠬᠤ ᠪᠠᠷ ᠣᠯᠠᠭᠠᠨᠬᠤᠳᠠ ᠳᠤ ᠶᠠᠪᠣᠭᠤᠯᠬᠤ ᠪᠠᠷ ᠱᠠᠭᠠᠷᠳᠠᠭᠰᠡᠨ ᠪᠣᠯᠪᠠᠴᠣ ᠮᠥᠨ ᠯᠡ ᠠᠷᠭ᠎ᠠ ᠰᠢᠯᠳᠡᠭ ᠡᠷᠢᠭᠡᠳ ᠶᠠᠪᠣᠭᠰᠠᠨ ᠦᠭᠡᠢ ᠪᠢᠯᠡ᠃       ᠮᠢᠨᠣ ᠪᠡᠶ᠎ᠡ ᠬᠤᠪᠢᠰᠬᠠᠯ ᠤᠨ ᠦᠢᠯᠡᠰ ᠲᠤ ᠣᠷᠣᠳᠠᠭ ᠦᠭᠡᠢ ᠶᠢᠨ ᠦᠨᠳᠣᠰᠣᠨ ᠰᠢᠯᠳᠠᠭᠠᠨ ᠪᠣᠯ᠄                 1᠂ ᠡᠪ ᠬᠠᠮᠳᠣᠴᠣᠳ ᠢᠯᠠᠵᠣ ᠳᠣᠮᠳᠠᠳᠣ ᠣᠯᠣᠰ ᠲᠤ ᠡᠷᠬᠡ ᠴᠢᠯᠥᠭᠡᠳᠣ ᠪᠦᠬᠦᠳᠡ ᠨᠠᠶᠢᠷᠠᠮᠳᠠᠬᠤ ᠣᠯᠣᠰ ᠢ ᠪᠠᠶᠢᠭᠤᠯᠵᠣ ᠶᠡᠷᠦ ᠴᠢᠳᠠᠬᠤ ᠦᠭᠡᠢ᠂ ᠡᠨᠡ ᠨᠢ ᠵᠦᠪᠬᠡᠨ ᠣᠷᠣᠰ ᠤᠨ ᠣᠷᠣᠨ ᠳᠤ ᠪᠣᠯᠣᠭᠰᠠᠨ ᠶᠠᠳᠠᠭᠤᠴᠣᠳ ᠤᠨ ᠦᠢᠮᠡᠭᠡᠨ ᠢ ᠳᠠᠭᠤᠷᠢᠶᠠᠭᠰᠠᠨ ᠳᠡᠳᠦᠢ ᠶᠤᠮ᠃ ᠬᠠᠷᠢᠨ ᠭᠤᠮᠢᠨᠳᠠᠩ ᠪᠣᠯ ᠠᠮᠧᠷᠢᠺᠡ ᠶᠢᠨ ᠬᠤᠯᠪᠣᠭᠠᠨ ᠤ ᠨᠢᠭᠡᠳᠦᠭᠰᠡᠨ ᠶᠡᠭᠡ ᠣᠯᠣᠰ ᠢ ᠲᠦᠰᠢᠭᠯᠡᠬᠦ ᠪᠣᠯᠬᠤᠷ ᠴᠡᠷᠢᠭ ᠣᠯᠠᠨ᠂ ᠵᠡᠪᠰᠡᠭ ᠬᠤᠷᠴᠠ᠂ ᠣᠷᠴᠢᠨ ᠴᠠᠭ ᠤᠨ ᠳᠠᠶᠢᠨ ᠤ ᠮᠡᠷᠭᠡᠵᠢᠯ ᠳᠤ ᠪᠣᠯᠪᠠᠰᠣᠷᠠᠩᠭᠤᠢ ᠣᠴᠢᠷ ᠯᠠᠪᠳᠠᠶᠢᠶ᠎ᠠ ᠳᠠᠶᠢᠨ ᠳᠤ ᠪᠠᠭ᠎ᠠ ᠬᠤᠬᠢᠷᠠᠯ ᠠᠮᠰᠠᠬᠤ ᠶᠣᠰᠣᠳᠠᠢ ᠬᠡᠵᠣ ᠢᠳᠡᠭᠡᠵᠣ ᠪᠠᠶᠢᠭᠰᠠᠨ ᠶᠤᠮ᠃                 2᠂ ᠮᠢᠨᠣ ᠪᠡᠶ᠎ᠡ ᠣᠣᠯ ᠠᠴᠠ ᠪᠠᠨ ᠪᠣᠷᠵᠢᠬᠢᠨ ᠣᠪᠣᠭ ᠤᠨ ᠸᠠᠩ ᠬᠦᠩ ᠢᠵᠠᠭᠤᠷᠳᠠᠨ ᠮᠥᠨ ᠪᠦᠭᠡᠳ ᠦᠶ᠎ᠡ ᠣᠯᠠᠷᠢᠨ ᠠᠷᠠᠳ ᠳᠦᠮᠡᠨ ᠤ ᠳᠡᠭᠡᠷ᠎ᠡ ᠵᠠᠬᠢᠷᠬᠤ ᠪᠠᠶᠢᠷᠠᠨ ᠳᠤ ᠰᠠᠭᠤᠵᠣ ᠲᠦᠷᠦ ᠶᠢᠨ ᠡᠷᠬᠡ ᠶᠢ ᠠᠳᠬᠤᠵᠣ ᠪᠠᠶᠢᠭᠰᠠᠨ ᠶᠤᠮ ᠪᠣᠯᠬᠤᠷ ᠡᠪ ᠬᠠᠮᠳᠣᠴᠣᠳ ᠨᠠᠮᠠᠢᠢ ᠯᠠᠪ ᠠᠭᠤᠴᠢᠯᠠᠬᠤ ᠦᠭᠡᠢ᠃ ᠠᠷᠭ᠎ᠠ ᠬᠡᠮᠵᠢᠶ᠎ᠡ ᠠᠪᠴᠣ ᠠᠯᠢ ᠨᠢᠬᠡᠨ ᠡᠳᠣᠷ ᠦᠬᠡᠶᠢᠰᠭᠡᠨ ᠪᠣᠳᠣᠬᠤ ᠨᠢ ᠯᠠᠪᠳᠠᠢ ᠶᠤᠮ ᠬᠡᠵᠣ ᠪᠣᠳᠣᠵᠣ ᠪᠠᠶᠢᠯ᠎ᠠ᠃                 3᠂ ᠳᠡᠮᠴᠦᠭᠳᠣᠩᠷᠣᠪ ᠪᠣᠯᠣᠨ ᠭᠤᠮᠢᠨᠳᠠᠩ ᠲᠤ ᠨᠢᠭᠤᠴᠠ ᠪᠠᠷ ᠬᠠᠷᠢᠯᠴᠠᠵᠣ᠂ ᠡᠪ ᠬᠠᠮᠳᠣ ᠨᠠᠮ ᠤᠨ ᠡᠰᠡᠷᠭᠦᠣ ᠬᠡᠷᠡᠭ ᠦᠢᠯᠡᠳᠣᠭᠰᠡᠨ ᠢ ᠬᠤᠪᠢᠰᠬᠠᠯ ᠤᠨ ᠬᠦᠮᠥᠰ ᠨᠢᠭᠡᠨᠳᠡ ᠮᠠᠳᠡᠭᠰᠡᠨ ᠪᠣᠯᠬᠤᠷ ᠳᠡᠳᠡ ᠨᠠᠮᠠᠢᠢ ᠦᠨᠡᠨ ᠰᠡᠳᠭᠢᠯ ᠢᠶᠠᠷ ᠬᠡᠷᠡᠭᠯᠡᠬᠦ ᠶᠣᠰᠣ ᠦᠭᠡᠢ ᠬᠡᠵᠣ ᠪᠣᠳᠣᠳᠠᠭ ᠪᠠᠶᠢᠯ᠎ᠠ᠃                 4᠂ ᠮᠢᠨᠣ ᠪᠡᠶ᠎ᠡ ᠣᠣᠯ ᠠᠴᠠ ᠪᠠᠨ ᠪᠣᠷᠭᠠᠨ ᠱᠠᠰᠢᠨ ᠢ ᠶᠡᠭᠡ ᠰᠢᠳᠦᠳᠡᠭ᠂ ᠡᠪ ᠬᠠᠮᠳᠣ ᠶᠢᠨ ᠶᠣᠰᠣᠨ  ᠳᠤ ᠪᠣᠯ ᠪᠣᠷᠬᠠᠨ ᠱᠠᠰᠢᠨ ᠢ ᠣᠰᠠᠳᠬᠠᠬᠤ ᠵᠣᠷᠢᠯᠭ᠎ᠠ ᠲᠠᠢ᠂ ᠳᠡᠶᠢᠮᠦ ᠪᠣᠯᠬᠤᠷ ᠮᠢᠨᠣ ᠪᠡᠶ᠎ᠡ ᠬᠤᠪᠢᠰᠬᠠᠯ ᠤᠨ ᠠᠵᠢᠯ  ᠳᠤ ᠣᠷᠣᠯᠴᠠᠬᠤ ᠨᠢ ᠳᠣᠬᠢᠷᠠᠬᠤ ᠦᠭᠡᠢ ᠬᠡᠵᠣ ᠪᠣᠳᠣᠳᠠᠭ ᠪᠠᠶᠢᠯ᠎ᠠ᠃           ᠨᠢᠭᠡᠯᠡ ᠦᠬᠡ ᠪᠠᠷ ᠬᠡᠯᠡᠪᠡᠯ ᠮᠢᠨᠣ ᠪᠡᠶ᠎ᠡ ᠦᠨᠡᠨ ᠢᠶᠠᠨ ᠬᠡᠯᠡᠭᠡᠳ ᠪᠣᠷᠣᠭᠤ ᠪᠠᠨ ᠬᠠᠯᠠᠭᠰᠠᠨ ᠬᠦᠮᠥᠨ ᠢ ᠡᠪ ᠬᠠᠮᠳᠣ ᠨᠠᠮ ᠠᠪᠣᠷᠠᠳᠠᠭ ᠬᠡᠰᠡᠨ ᠢ ᠢᠳᠡᠭᠡᠳᠡᠭ ᠦᠭᠡᠢ᠃ ᠳᠡᠷᠰᠯᠡᠭᠦᠦ ᠮᠣᠵᠢᠭᠤᠳᠠ ᠬᠠᠷ᠎ᠠ ᠰᠠᠨᠠᠭ᠎ᠠ ᠬᠦᠨᠳᠣ ᠪᠠᠶᠢᠭᠰᠠᠨ ᠠᠴᠠ ᠦᠪᠡᠷ ᠤᠨ ᠰᠠᠶᠢᠨ ᠵᠠᠮ ᠢ ᠦᠪᠡᠷ ᠢᠶᠠᠨ ᠪᠣᠷᠣᠭᠤᠳᠠᠭᠤᠯᠠᠭᠰᠠᠨ ᠶᠤᠮ᠃ 1947 ᠣᠨ ᠤ ᠵᠣᠨ᠂ ᠪᠠᠨᠳᠢᠳᠠ ᠬᠡᠬᠡᠨ ᠬᠡᠶᠢᠳ ᠲᠤ ᠰᠠᠭᠤᠵᠣ ᠪᠠᠶᠢᠭᠰᠠᠨ ᠴᠢᠭᠤᠯᠭᠠᠨ ᠶᠠᠮᠣᠨ ᠤ ᠬᠠᠷᠢᠭᠤᠴᠠᠯᠭᠠᠳᠣ ᠨᠦᠬᠦᠳ ᠪᠣᠯᠣᠨ ᠬᠤᠪᠢᠰᠬᠠᠯᠳᠣ ᠴᠡᠷᠢᠭ ᠠᠩᠭᠢ ᠬᠤᠪᠢᠰᠬᠠᠯ ᠠᠴᠠ ᠣᠷᠪᠠᠭᠰᠠᠨ ᠪᠣᠷᠢᠶᠠᠳ ᠳᠡᠭᠡᠷᠡᠮ ᠢ ᠴᠣᠬᠢᠵᠣ ᠣᠰᠠᠳᠬᠠᠬᠤ ᠪᠠᠷ ᠮᠢᠨᠣ ᠭᠡᠷ ᠢ ᠳᠠᠭᠠᠷᠢᠨ ᠢᠷᠡᠵᠣ ᠨᠠᠮᠠᠢᠢ ᠪᠠᠷᠢᠪᠴᠢᠯᠠᠭᠰᠠᠨ ᠪᠢᠯᠡ᠃ ᠲᠡᠷᠡ ᠦᠶ᠎ᠡ ᠳᠤ ᠮᠢᠨᠣ ᠪᠡᠶ᠎ᠡ ᠪᠣᠯ ᠳᠣᠯᠣᠨ ᠨᠠᠭᠤᠷ ᠲᠠᠬᠢ ᠭᠤᠮᠢᠨᠳᠠᠩ ᠤᠨ ᠵᠦᠭ ᠣᠷᠭᠤᠨ ᠶᠠᠪᠣᠬᠤ ᠪᠠᠷ ᠪᠡᠯᠡᠳᠬᠡᠵᠣ ᠪᠠᠶᠢᠭᠠᠳ᠂ ᠶᠠᠪᠣᠬᠤ ᠬᠡᠵᠣ ᠳᠣᠭᠳᠠᠭᠰᠠᠨ ᠡᠳᠣᠷ ᠠᠴᠠ ᠪᠠᠨ ᠬᠤᠶᠠᠷᠬᠠᠨ ᠡᠳᠣᠷ ᠤᠨ ᠡᠮᠣᠨ᠎ᠡ ᠪᠠᠷᠢᠭᠳᠠᠭᠰᠠᠨ ᠶᠤᠮ᠃ ᠲᠡᠷᠡ ᠦᠶ᠎ᠡ ᠠᠴᠠ ᠬᠤᠶᠢᠰᠢ᠂ ᠡᠪ ᠬᠠᠮᠳᠣ ᠨᠠᠮ ᠪᠣᠯᠣᠨ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠠᠭᠤᠣ ᠶᠡᠭᠡ ᠰᠣᠷᠭᠠᠨ ᠬᠦᠮᠦᠵᠢᠯ ᠪᠣᠯᠣᠨ ᠦᠷᠦᠰᠢᠶᠡᠯ ᠬᠠᠯᠠᠮᠵᠢᠯᠡᠯ ᠢ ᠬᠦᠷᠳᠡᠵᠣ᠂ ᠦᠪᠡᠷ ᠤᠨ ᠬᠢᠭᠰᠡᠨ ᠶᠠᠯ᠎ᠠ ᠪᠣᠷᠣᠭᠤ ᠪᠠᠨ ᠦᠪᠡᠷ ᠤᠨ ᠠᠷᠢᠭᠤᠨ ᠬᠦᠳᠡᠯᠮᠣᠷᠢ ᠪᠠᠷ ᠢᠶᠠᠨ ᠲᠦᠯᠦᠭᠡᠳ᠂ ᠬᠤᠷᠢ ᠭᠠᠷᠦᠢ ᠵᠢᠯ ᠤᠨ ᠪᠣᠯᠪᠠᠰᠣᠷᠠᠯ ᠬᠦᠮᠦᠵᠢᠯ ᠢ ᠬᠦᠯᠢᠶᠡᠨ᠂ 1954 ᠣᠨ ᠤ ᠡᠪᠦᠯ ᠨᠠᠮ ᠤᠨ ᠲᠦᠪ ᠬᠤᠷᠢᠶ᠎ᠡ ᠪᠣᠯᠣᠨ ᠠᠷᠠᠳ ᠤᠨ ᠲᠦᠪ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠦᠷᠦᠰᠢᠶᠡᠯ ᠤᠨ ᠵᠠᠷᠯᠢᠭ ᠢᠶᠠᠷ ᠮᠢᠨᠣ ᠪᠡᠶ᠎ᠡ ᠰᠣᠯᠠᠯᠠᠭᠳᠠᠵᠣ ᠣᠣᠯ ᠨᠣᠳᠤᠭ ᠰᠢᠯᠢ ᠶᠢᠨ ᠭᠤᠣᠯ ᠳᠤ ᠪᠠᠨ ᠬᠠᠷᠢᠵᠣ ᠢᠷᠡᠭᠡᠳ ᠡᠳᠣᠭᠡ ᠬᠦᠷᠳᠡᠯ᠎ᠡ ᠡᠷᠬᠡ ᠴᠢᠯᠥᠬᠡ  ᠲᠠᠢ ᠰᠠᠶᠢᠨ ᠰᠠᠶᠢᠬᠠᠨ ᠠᠮᠢᠳᠣᠷᠠᠵᠣ ᠰᠠᠭᠤᠭ᠎ᠠ᠃ ᠡᠨᠡ ᠪᠣᠯ ᠳᠣᠮᠳᠠᠳᠣ ᠣᠯᠣᠰ ᠤᠨ ᠡᠪ ᠬᠠᠮᠳᠣ ᠨᠠᠮ ᠤᠨ ᠲᠦᠷᠦ  ᠶᠢᠨ ᠪᠣᠳᠣᠯᠭ᠎ᠠ ᠪᠣᠯᠣᠨ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠵᠠᠰᠠᠭ ᠬᠠᠣᠯᠢ ᠶᠢᠨ ᠠᠴᠢ ᠢᠪᠡᠭᠡᠯ ᠡᠶᠢᠮᠣ ᠠᠭᠤᠣ ᠶᠡᠭᠡ ᠭᠡᠳᠡᠭ ᠢ ᠪᠣᠳᠠᠳᠠᠢ ᠪᠠᠷ ᠦᠵᠡᠭᠦᠯᠵᠣ ᠪᠠᠶᠢᠨ᠎ᠠ᠃ ᠡᠨᠡ ᠠᠴᠢ ᠢᠪᠡᠭᠡᠯ ᠢ ᠪᠢ ᠬᠡᠵᠢᠶ᠎ᠡ ᠴᠦ ᠮᠠᠷᠳᠠᠬᠤ ᠦᠭᠡᠢ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠪᠠᠭ᠎ᠠ ᠬᠤᠰᠢᠭᠤ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠥᠪ ᠢ ᠣᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠰᠤᠶᠤᠯ ᠤᠨ ᠢᠲᠡᠭᠡᠯ ᠢᠶᠠᠨ ᠁
ᠲᠦᠮᠡᠨᠪᠠᠶᠠᠷ ᠤᠨ ᠤᠷᠴᠢᠭᠤᠯᠭ᠎ᠠ ᠶᠢᠨ ᠪᠦᠳᠦᠭᠡᠯ ᠱᠠᠩᠨᠠᠯ ᠲᠤᠰᠴᠠᠢ
︽ᠬᠦᠬᠡ ᠲᠦᠯᠬᠢᠭᠦᠷ︾ ᠨᠤᠮ ᠤᠨ ᠬᠤᠯᠪᠤᠭᠠᠨ ᠤ ᠨᠣᠮ ᠣᠩᠰᠢᠭᠰᠠᠨ ᠮᠡᠳᠡᠯᠭᠡ ᠶᠢᠨ ᠤᠷᠤᠯᠳᠤᠭᠠᠨ ᠠᠮᠵᠢᠯᠲᠠ ᠁
ᠬᠠᠶᠢᠷ᠎ᠠ ᠬᠠᠷᠢᠭᠤᠴᠠᠯᠭ᠎ᠠ ᠶᠢ ᠲᠡᠭᠡᠳᠦᠯᠡᠵᠦ ᠰᠢᠯᠢᠳᠡᠭ ᠵᠢᠭᠠᠨ ᠵᠢᠯᠤᠭᠤᠳᠤᠭᠴᠢ ᠪᠣᠯᠬᠤ ᠪᠠᠷ ᠰᠢᠭᠤᠷᠬᠠᠶᠢᠯᠠᠨ᠎ᠠ
ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠠᠴᠠ ᠲᠤᠮᠤ ᠬᠡᠯᠪᠡᠷᠢ ᠶᠢᠨ ᠡᠷᠲᠡᠨ ᠤ ᠤᠩᠭᠤᠨ ᠤ ᠰᠦᠷᠦᠭᠵᠢᠯ ᠵᠢᠴᠢ ᠴᠢᠯᠠᠭᠤᠨ ᠁
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃ ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号