| ᠬᠥᠬᠡᠭᠡ ᠡᠪᠦᠯ ᠤᠨ ᠠᠪᠠᠭᠠ ᠨᠤᠲᠤᠭ ᠮᠦᠩᠭᠦᠨ ᠬᠤᠶᠠᠭ ᠭᠡᠳᠦᠷᠴᠦ᠂ ᠣᠨᠴᠠ ᠶᠢᠨ ᠭᠤᠶᠢᠳᠠ ᠦᠵᠡᠮᠵᠢ ᠨᠢ | ᠵᠢᠷᠤᠭ ᠰᠢᠤᠬᠠᠨ ᠬᠠᠷᠠᠭᠳᠠᠨᠠ᠃ ᠬᠤᠯᠠᠨ ᠰᠢᠷᠭᠠ ᠳᠠᠭᠠ ᠶᠢᠨ ᠡᠯᠡᠰᠦᠨ ᠤ ᠵᠠᠬᠠ ᠳᠤ ᠠᠮᠤᠭᠤᠯᠠᠩ ᠲᠠᠶᠢᠪᠤᠩ | ᠠᠵᠤ ᠲᠦᠷᠦᠵᠦ ᠪᠠᠶᠢᠭᠠ ᠠᠪᠠᠭᠠ ᠬᠤᠰᠢᠭᠤᠨ ᠤ ᠬᠤᠩᠭᠤᠷᠭᠤᠤᠯ ᠪᠠᠯᠭᠠᠰᠤᠨ ᠤ ᠠᠯᠳᠠᠨᠳᠦ᠋ᠬᠦᠷᠢᠭ ᠭᠠᠴᠠᠭᠠᠨ ᠤ | ᠮᠠᠯᠴᠢᠨ ᠰᠠᠶᠢᠬᠠᠨᠴᠡᠴᠡᠭ ᠤᠨ ᠬᠢ ᠥᠶᠦᠭ ᠲᠠᠪᠠᠲᠠᠢ ᠡᠪᠦᠯᠵᠢᠨᠡ᠃ | ᠡᠳᠡᠨ ᠤ ᠬᠢ ᠠᠮᠠ ᠪᠦᠯᠢ ᠳᠤᠯᠤᠭᠤᠯᠠ ᠪᠠᠶᠢᠵᠤ᠂ 4500 ᠮᠦ ᠨᠤᠲᠤᠭ ᠪᠡᠯᠴᠢᠭᠡᠷ ᠳᠡᠭᠡᠷᠡ ᠪᠠᠨ 1000 | ᠮᠦ ᠨᠤᠲᠤᠭ ᠲᠦᠷᠢᠶᠡᠰᠦᠯᠡᠵᠦ ᠪᠤᠢ᠃ ᠨᠤᠲᠤᠭ ᠪᠡᠯᠴᠢᠭᠡᠷ ᠤᠨ ᠬᠢᠨᠢ ᠬᠦᠷᠦᠰᠦ ᠨᠢ ᠰᠤᠯᠠᠬᠠᠨ᠂ ᠮᠠᠩᠬᠠ ᠭᠤᠣᠯᠲᠠᠢ | ᠪᠤᠯᠬᠤᠷ ᠬᠠᠪᠤᠷ ᠤᠨ ᠭᠠᠩ ᠬᠠᠭᠰᠠᠷᠠᠭᠠᠨ᠂ ᠰᠠᠯᠬᠢᠨ ᠤ ᠢᠳᠡᠭᠳᠡᠯ ᠵᠢᠴᠢ ᠮᠠᠯ ᠤᠨᠤᠭᠠᠨ ᠤ ᠬᠥᠯ ᠢᠶᠠᠷ ᠡᠪᠡᠰᠦᠨ ᠤ | ᠤᠷᠭᠤᠯᠲᠠ ᠮᠠᠰᠢ ᠠᠨᠠᠢ ᠪᠣᠯᠵᠤ᠂ ᠵᠢᠯ ᠠᠴᠠ ᠵᠢᠯ ᠳᠠᠴᠢᠷᠰᠢᠨ ᠡᠯᠡᠰᠦᠷᠬᠡᠭᠵᠢᠬᠦ ᠶᠢ ᠬᠠᠷᠠᠭᠠᠳ ᠠᠮᠢ ᠠᠬᠤᠢ ᠪᠠᠨ | ᠰᠡᠷᠭᠦᠭᠡᠬᠦ ᠪᠠᠷ ᠴᠢᠷᠮᠠᠶᠢᠵᠤ ᠢᠷᠡᠵᠡᠢ᠃ ᠲᠡᠳᠡ ᠡᠯᠡᠰᠦᠷᠬᠡᠭᠵᠢᠵᠦ ᠪᠠᠶᠢᠭᠠ ᠭᠠᠵᠠᠷ ᠲᠤ ᠠᠷᠭᠠᠯ ᠬᠦᠷᠵᠡᠩ ᠬᠢᠵᠦ | ᠬᠦᠷᠦᠰᠦ ᠶᠢ ᠨᠢ ᠲᠤᠭᠳᠠᠪᠤᠷᠢᠵᠢᠭᠤᠯᠬᠤ᠂ ᠡᠪᠡᠰᠦ ᠮᠤᠳᠤ ᠲᠠᠷᠢᠬᠤ ᠵᠡᠷᠭᠡ ᠤᠯᠠᠨ ᠠᠷᠭᠠ ᠬᠡᠮᠵᠢᠶᠡ ᠠᠪᠤᠭᠰᠠᠨ ᠢᠶᠠᠷ | ᠡᠯᠡᠰᠦ ᠶᠢ ᠨᠣᠭᠲᠣᠯᠵᠤ᠂ ᠠᠮᠢᠯᠠᠯ ᠤᠨ ᠨᠣᠭᠤᠭᠠᠨ ᠥᠩᠭᠡ ᠪᠠᠷ ᠴᠢᠮᠡᠵᠡᠢ᠃ ︽ᠡᠮᠦᠨᠡ ᠬᠡᠳᠦᠨ ᠵᠢᠯ ᠬᠠᠪᠤᠷ ᠤᠨ | ᠰᠠᠯᠬᠢ ᠶᠡᠬᠡᠲᠡᠢ ᠦᠶᠡᠰ᠂ ᠡᠯᠡᠰᠦᠨ ᠰᠢᠭᠤᠷᠭᠠ ᠪᠣᠰᠴᠤ᠂ ᠬᠦᠷᠢᠶᠡ ᠬᠠᠰᠢᠶᠠ ᠶᠢ ᠳᠠᠷᠤᠵᠤ᠂ ᠭᠡᠷ ᠳᠦᠭᠦᠷᠡᠩ | ᠡᠯᠡᠰᠦ ᠰᠢᠷᠣᠢ ᠳᠡᠭᠳᠡᠨ ᠬᠡᠴᠡᠭᠦᠦ ᠪᠠᠶᠢᠯᠠ᠃ ᠨᠡᠩ ᠢᠯᠠᠩᠭᠤᠶᠠ ᠮᠠᠨ ᠤ ᠬᠢ ᠭᠠᠴᠠᠭᠠᠨ ᠤ ᠱᠦᠢᠨᠢ ᠵᠠᠮ ᠠᠴᠠ | ᠣᠶᠢᠷᠠᠬᠠᠨ ᠪᠣᠯᠬᠤᠷ᠂ ᠬᠠᠪᠤᠷ ᠤᠨ ᠡᠯᠡᠰᠦᠨ ᠰᠢᠭᠤᠷᠭᠠ ᠲᠠᠢ ᠡᠳᠦᠷ ᠰᠠᠯᠬᠢᠨ ᠳᠤ ᠬᠡᠶᠢᠰᠦᠭᠰᠡᠨ ᠡᠯᠡᠰᠦ ᠱᠦᠢᠨᠢ | ᠵᠠᠮ ᠢ ᠳᠠᠷᠤᠵᠤ᠂ ᠪᠦᠷ ᠪᠦᠳᠦᠭᠦᠨ ᠮᠠᠰᠢᠨ ᠢᠶᠠᠷ ᠳᠦᠯᠬᠢᠵᠦ ᠪᠠᠶᠢᠭᠰᠠᠨ ᠤᠳᠠᠭᠠ ᠴᠦ ᠪᠣᠢ︾ ᠭᠡᠵᠦ | ᠰᠠᠶᠢᠬᠠᠨᠴᠡᠴᠡᠭ ᠡᠷᠭᠢᠴᠡᠭᠦᠯᠦᠨ ᠶᠠᠷᠢᠨᠠ᠃ | ᠨᠤᠲᠤᠭ ᠪᠡᠯᠴᠢᠭᠡᠷ ᠪᠣᠯ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠬᠥᠭᠵᠢᠯᠲᠡ ᠬᠢᠭᠡᠳ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠤᠨ | ᠰᠠᠭᠤᠷᠢ ᠪᠣᠯᠬᠤ ᠶᠢ ᠴᠠᠭᠠᠨᠠ ᠨᠢ ᠭᠠᠷᠲᠠᠯᠠ ᠤᠶᠢᠯᠠᠭᠠᠳᠠᠭ ᠰᠠᠶᠢᠬᠠᠨᠴᠡᠴᠡᠭ ᠤᠨ ᠬᠢ ᠬᠡᠷᠬᠢᠨ ᠨᠤᠲᠤᠭ | ᠪᠡᠯᠴᠢᠭᠡᠷ ᠢᠶᠠᠨ ᠨᠣᠭᠤᠭᠠᠷᠠᠭᠤᠯᠵᠤ ᠰᠠᠶᠢᠵᠢᠷᠠᠭᠤᠯᠬᠤ ᠪᠠᠷ ᠠᠷᠭᠠ ᠪᠥᠬᠦᠨ ᠢ ᠰᠦᠪᠡᠭᠴᠢᠯᠡᠪᠡ᠂ ᠠᠷᠭᠠᠯ | ᠬᠦᠷᠵᠡᠩ ᠤᠨ ᠬᠥᠷᠥᠰᠥ ᠶᠢ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ ᠦᠢᠯᠡᠳᠦᠯ ᠲᠠᠢ ᠶᠢ ᠮᠡᠳᠡᠳᠡᠭ ᠪᠣᠯᠬᠤᠷ ᠡᠯᠡᠰᠦᠷᠬᠡᠭᠵᠢᠭᠰᠡᠨ | ᠨᠤᠲᠤᠭ ᠲᠠᠭᠠᠨ ᠠᠷᠭᠠᠯ ᠬᠦᠷᠵᠡᠩ ᠬᠢᠵᠦ ᠲᠣᠭᠲᠠᠪᠤᠷᠢᠵᠢᠭᠤᠯᠪᠠ᠃ ︽ᠬᠠᠪᠤᠷ ᠤᠨ ᠪᠦᠳᠦᠬᠦᠨ ᠠᠷᠭᠠᠯ ᠤᠳ ᠮᠠᠰᠢ | ᠰᠠᠶᠢᠨ᠂ ᠪᠡᠯᠴᠢᠭᠡᠷ ᠢ ᠶᠡᠭᠡ ᠲᠣᠭᠲᠠᠭᠠᠳᠠᠭ᠃ ᠬᠤᠩᠬᠤᠷ ᠭᠠᠵᠠᠷ ᠬᠢᠵᠦ ᠣᠷᠣᠭᠤᠯᠪᠠᠯ ᠳᠠᠷᠠᠭᠠ ᠵᠢᠯ ᠨᠢ ᠭᠤᠶᠣ | ᠪᠣᠯᠴᠢᠬᠠᠨᠠ᠂ ᠵᠣᠨ ᠨᠢ ᠪᠣᠷᠤᠭᠠ ᠰᠠᠶᠢᠨ ᠪᠣᠯ ᠡᠪᠡᠰᠦ ᠭᠤᠶᠣ ᠤᠷᠭᠤᠴᠢᠬᠠᠨᠠ᠂ ᠮᠠᠨ ᠤ ᠬᠢ ᠤᠤᠯ ᠠᠴᠠ ᠪᠠᠨ | ᠢᠩᠭᠢᠵᠦ ᠬᠢᠵᠦ ᠪᠠᠶᠢᠭᠰᠠᠨ ᠪᠣᠯᠪᠠᠴᠤ ᠭᠠᠭᠴᠠ ᠠᠷᠭᠠᠯ ᠬᠢᠭᠡᠳ ᠡᠯᠡᠰᠦ ᠶᠢ ᠶᠡᠭᠡ ᠵᠠᠰᠠᠵᠦ ᠲᠡᠶᠢᠯᠬᠦ ᠦᠭᠡᠢ᠂ | ᠡᠯᠡᠰᠦ ᠶᠢ ᠵᠠᠰᠠᠬᠤ ᠠᠵᠢᠯ ᠤᠨ ᠦᠷᠡ ᠠᠰᠢᠭ ᠢᠶᠠᠨ ᠨᠡᠩ ᠳᠡᠭᠡᠭᠰᠢᠯᠡᠭᠦᠯᠬᠦ ᠶᠢᠨ ᠲᠤᠰᠠᠳᠠ ᠡᠪᠡᠰᠦ ᠲᠠᠷᠢᠵᠦ | ᠡᠬᠢᠯᠡᠭᠰᠡᠨ ᠶᠤᠮ︾ ᠭᠡᠵᠦ ᠰᠠᠶᠢᠬᠠᠨᠴᠡᠴᠡᠭ ᠬᠡᠯᠡᠨᠡ᠃ | ᠰᠠᠶᠢᠬᠠᠨᠴᠡᠴᠡᠭ ᠤᠨ ᠬᠢ ᠡᠯᠡᠰᠦ ᠶᠢ ᠵᠠᠰᠠᠬᠤ ᠳᠤ ᠤᠯᠠᠨ ᠠᠷᠭᠠ ᠵᠠᠮ ᠰᠦᠪᠡᠭᠴᠢᠯᠡᠬᠦ ᠶᠢᠨ ᠬᠠᠮᠲᠤ | ᠪᠤᠰᠤᠳ ᠤᠨ ᠡᠯᠡᠰᠦ ᠵᠠᠰᠠᠭᠰᠠᠨ ᠲᠤᠷᠰᠢᠯᠭᠠ ᠶᠢ ᠰᠠᠶᠢᠲᠤᠷ ᠰᠣᠷᠣᠯᠴᠠᠵᠤ᠂ ᠡᠯᠡᠰᠦ ᠵᠠᠰᠠᠬᠤ ᠠᠵᠢᠯ ᠤᠨ ᠦᠷᠡ | ᠠᠰᠢᠭ ᠢᠶᠠᠨ ᠳᠡᠭᠡᠭᠰᠢᠯᠡᠭᠦᠯᠬᠦ ᠶᠢ ᠵᠣᠷᠢᠪᠠ᠃ ᠲᠡᠷᠡ ᠬᠤᠯᠠᠨ ᠰᠢᠷᠭᠠ ᠳᠠᠭᠠ ᠶᠢᠨ ᠡᠯᠡᠰᠦᠨ ᠳᠤ ᠰᠠᠭᠤᠷᠢᠰᠢᠳᠠᠭ | ᠴᠠᠭᠠᠨᠨᠠᠭᠤᠷ ᠪᠠᠯᠭᠠᠰᠤᠨ ᠤ ᠪᠠᠶᠠᠨᠨᠠᠭᠤᠷ ᠭᠠᠴᠠᠭᠠᠨ ᠤ ᠬᠦᠷᠭᠡᠨ ᠠᠬᠠ ᠶᠢᠨ ᠢᠶᠠᠨ ᠡᠷᠲᠡ ᠠᠴᠠ ᠡᠪᠡᠰᠦ ᠮᠣᠳᠣ | ᠲᠠᠷᠢᠵᠤ ᠨᠤᠲᠤᠭ ᠢᠶᠠᠨ ᠨᠣᠭᠤᠭᠠᠷᠠᠭᠤᠯᠤᠭᠰᠠᠨ ᠠᠷᠭᠠ ᠲᠤᠷᠰᠢᠯᠭᠠ ᠶᠢ ᠰᠣᠷᠣᠯᠴᠠᠵᠤ᠂ 2022 ᠣᠨ ᠤ 5 | ᠰᠠᠷᠠ ᠠᠴᠠ ᠡᠬᠢᠯᠡᠨ ᠠᠪᠤ ᠡᠵᠢ ᠲᠠᠢ ᠪᠠᠨ᠂ ᠬᠤᠶᠠᠷ ᠬᠡᠦᠬᠡᠳ ᠢᠶᠠᠨ ᠳᠠᠭᠠᠭᠤᠯᠤᠨ᠂ ᠪᠥᠬᠦ ᠭᠡᠷ ᠢᠶᠠᠷ ᠢᠶᠠᠨ | ᠬᠦᠲᠡᠯᠦᠯᠴᠡᠨ ᠰᠦᠷ ᠳᠠᠯᠠᠶᠢᠴᠠᠲᠠᠢ ᠡᠪᠡᠰᠦ ᠲᠠᠷᠢᠬᠤ ᠠᠵᠢᠯ ᠢᠶᠠᠨ ᠡᠬᠢᠯᠡᠭᠦᠯᠵᠦ᠂ ᠠᠩᠬᠠ ᠡᠬᠢᠯᠡᠭᠡᠳ ᠮᠠᠩᠬᠠᠨ ᠤ | ᠪᠤᠷᠤᠭᠤ ᠬᠠᠵᠠᠭᠤ ᠲᠠᠯᠠ ᠪᠠᠷ ᠡᠬᠢᠯᠡᠵᠦ ᠲᠠᠷᠢᠵᠡᠢ᠃ ︽ᠮᠠᠩᠬᠠ ᠵᠠᠰᠠᠬᠤ ᠳᠤ ᠠᠷᠤ ᠲᠠᠯᠠ ᠠᠴᠠ ᠡᠬᠢᠯᠡᠵᠦ ᠵᠠᠰᠠᠪᠠᠯ | ᠠᠮᠠᠷᠬᠠᠨ᠂ ᠤᠷᠤᠭᠤ ᠬᠠᠵᠠᠭᠤ ᠭᠠᠵᠠᠷ ᠪᠣᠯᠬᠤᠷ ᠰᠡᠭᠦᠳᠡᠷ ᠲᠠᠢ᠂ ᠤᠰᠤ ᠳᠠᠭᠠᠭᠠᠬᠤ ᠴᠢᠨᠠᠷ ᠢᠶᠠᠷ ᠰᠠᠶᠢᠨ᠂ ᠴᠠᠰᠤ | ᠬᠤᠷᠠᠬᠤ ᠨᠢ ᠢᠯᠡᠭᠦᠦ᠂ ᠡᠪᠡᠰᠦ ᠮᠣᠳᠣ ᠲᠠᠷᠢᠪᠠᠯ ᠤᠷᠭᠤᠬᠤ ᠨᠢ ᠬᠤᠷᠳᠤᠨ᠂ ᠡᠳᠡᠭᠡᠷᠡᠬᠦ ᠨᠢ ᠴᠦ ᠬᠤᠷᠳᠤᠨ︾ | ᠭᠡᠵᠦ ᠲᠤᠷᠰᠢᠯᠭᠠ ᠪᠠᠨ ᠲᠠᠨᠢᠯᠴᠠᠭᠤᠯᠤᠨᠠ᠃ | ᠠᠩᠬᠠ ᠡᠬᠢᠯᠡᠭᠡᠳ ᠣᠯᠠᠨ ᠬᠦᠴᠢᠷᠲᠡᠯ ᠲᠤᠯᠭᠠᠷᠠᠵᠤ ᠪᠠᠶᠢᠬᠤ ᠦᠶᠡ ᠳᠤ᠂ ᠬᠦᠷᠭᠡᠨ ᠠᠬᠠ ᠨᠢ ᠪᠠᠶᠢᠩᠭᠤ | ᠢᠷᠡᠵᠦ ᠮᠡᠷᠭᠡᠵᠢᠯ ᠲᠤᠷᠰᠢᠯᠭᠠ ᠪᠠᠨ ᠵᠢᠭᠠᠵᠤ ᠤᠯᠠᠮᠵᠢᠯᠠᠬᠤ ᠶᠢᠨ ᠳᠠᠭᠠᠤ ᠬᠠᠮᠵᠢᠵᠤ ᠲᠠᠷᠢᠳᠠᠭ ᠪᠠᠶᠢᠪᠠ᠃ ︽ᠶᠡᠭᠡ | ᠡᠯᠡᠰᠦᠷᠬᠡᠦ ᠭᠠᠵᠠᠷ ᠲᠤ ᠠᠯᠲᠠᠨ ᠬᠠᠷᠭᠠᠨᠠ᠂ ᠴᠡᠷᠭᠠᠰᠤ᠂ ᠮᠣᠷᠢᠨ ᠬᠤᠨᠴᠢᠷ᠂ ᠰᠢᠷᠠ ᠪᠤᠷᠭᠠᠰᠤ᠂ ᠳᠡᠷᠡᠰᠦ ᠵᠡᠷᠭᠡ | ᠡᠪᠡᠰᠦ ᠶᠢ ᠲᠠᠷᠢᠭᠰᠠᠨ᠂ ᠠᠯᠲᠠᠨ ᠬᠠᠷᠭᠠᠨᠠ ᠪᠦᠷ ᠥᠨᠳᠥᠷ ᠤᠷᠭᠤᠵᠡᠢ᠂ ᠳᠡᠷᠡᠰᠦ ᠨᠢ ᠠᠷᠠᠢ ᠰᠠᠶᠢᠨ ᠤᠷᠭᠤᠵᠤ | ᠳᠡᠶᠢᠯᠦᠭᠰᠡᠨ ᠦᠭᠡᠢ︾ ᠭᠡᠵᠦ ᠰᠠᠶᠢᠬᠠᠨᠴᠡᠴᠡᠭ ᠶᠠᠷᠢᠨᠠ᠃ ᠢᠩᠭᠢᠵᠦ ᠬᠡᠰᠡᠭ ᠬᠡᠰᠡᠭ ᠢᠶᠠᠷ ᠲᠠᠷᠢᠵᠤ | ᠨᠣᠭᠤᠭᠠᠷᠠᠭᠤᠯᠤᠭᠰᠠᠨ ᠢᠶᠠᠷ᠂ ᠣᠳᠣ ᠪᠣᠯᠬᠤ ᠳᠤ 600 ᠮᠦ ᠣᠷᠴᠢᠮ ᠡᠯᠡᠰᠦᠷᠬᠡᠭᠵᠢᠭᠰᠡᠨ ᠨᠤᠲᠤᠭ ᠢᠶᠠᠨ | ᠨᠣᠭᠤᠭᠠᠷᠠᠭᠤᠯᠵᠤ᠂ ᠥᠩᠭᠡᠷᠡᠬᠦ ᠵᠢᠯ ᠪᠣᠷᠣᠭᠠᠨ ᠬᠤᠷᠠ ᠰᠠᠶᠢᠨ ᠪᠣᠯᠬᠤᠷ ᠡᠪᠡᠰᠦᠨ ᠤ ᠤᠷᠭᠤᠯᠲᠠ ᠨᠢ ᠮᠠᠰᠢ ᠰᠠᠶᠢᠨ | ᠪᠠᠶᠢᠵᠤ᠂ ᠡᠯᠡᠰᠦᠷᠬᠡᠭᠵᠢᠭᠰᠡᠨ ᠨᠤᠲᠤᠭ ᠨᠢ ᠠᠮᠢᠯᠠᠨ ᠰᠡᠷᠭᠦᠵᠦ ᠡᠪᠡᠰᠦ ᠨᠣᠭᠤᠭᠠ ᠬᠠᠯᠢᠭᠤᠷᠠᠨ᠂ ᠨᠣᠭᠤᠭᠠᠨ | ᠪᠦᠷᠢᠳᠦ ᠪᠣᠯᠣᠭᠰᠠᠨ ᠪᠠᠶᠢᠯᠠ᠃ ᠰᠠᠶᠢᠬᠠᠨᠴᠡᠴᠡᠭ ᠤᠨ ᠦᠭᠡ ᠪᠠᠷ ᠬᠡᠯᠡᠪᠡᠯ᠂ ᠲᠠᠪᠤ ᠠᠯᠬᠤᠬᠤ ᠳᠤ ᠨᠢᠭᠡ ᠬᠡᠰᠡᠭ | ᠪᠣᠳᠠ ᠲᠠᠢ᠂ ᠥᠨᠳᠥᠷ ᠰᠢᠭ ᠡᠪᠡᠰᠦ ᠨᠢ ᠲᠡᠭᠦᠨ ᠤ ᠪᠡᠶᠡ ᠶᠢᠨ ᠥᠨᠳᠥᠷ ᠲᠠᠢ ᠲᠡᠩᠴᠡᠮᠡᠷ᠂ ᠰᠢᠭᠤᠷᠬᠤ ᠡᠯᠡᠰᠦ | ᠪᠠᠶᠢᠬᠤ ᠦᠭᠡᠢ ᠭᠤᠶᠣ ᠰᠠᠶᠢᠬᠠᠨ ᠨᠣᠭᠤᠭᠠᠨ ᠪᠤᠯᠴᠢᠬᠠᠵᠡᠢ᠃ ᠲᠡᠳᠡ ᠡᠪᠡᠰᠦ ᠲᠠᠷᠢᠬᠤ ᠶᠢᠨ ᠳᠠᠭᠠᠤ ᠮᠠᠯ | ᠤᠨᠤᠭᠠᠨ ᠳᠠᠭᠠᠨ ᠶᠠᠪᠤᠬᠤ ᠳᠤ ᠠᠷᠭᠠᠯ ᠢᠶᠠᠨ ᠡᠭᠦᠷᠴᠦ ᠬᠤᠷᠮᠣᠶᠢᠯᠠᠭᠠᠳ᠂ ᠡᠯᠡᠰᠦᠷᠬᠡᠭᠵᠢᠭᠰᠡᠨ ᠭᠠᠵᠠᠷ ᠲᠤ | ᠬᠠᠶᠠᠭᠠᠳ ᠬᠥᠷᠥᠰᠥ ᠶᠢ ᠲᠣᠭᠲᠠᠪᠤᠷᠢᠵᠢᠭᠤᠯᠵᠤ᠂ ᠵᠠᠷᠢᠮ ᠳᠠᠭᠠᠨ ᠪᠠᠰᠠ ᠲᠡᠷᠭᠡ ᠪᠠᠷ ᠲᠡᠭᠡᠭᠡᠵᠦ ᠬᠠᠶᠠᠳᠠᠭ ᠪᠣᠯᠬᠤᠷ | ᠪᠠᠰᠠ ᠨᠢᠭᠡ 500 ᠭᠠᠷᠤᠢ ᠮᠦ ᠨᠤᠲᠤᠭ ᠨᠢ ᠥᠪᠡᠷ ᠢᠶᠠᠨ ᠡᠳᠡᠭᠡᠷᠡᠭᠰᠡᠨ ᠪᠠᠶᠢᠨᠠ᠃ ᠡᠯᠡᠰᠦᠨ ᠤ ᠵᠠᠰᠠᠯᠲᠠ ᠨᠢ | ᠨᠡᠯᠢᠶᠡᠳ ᠦᠷᠡ ᠪᠦᠲᠦᠮᠵᠢ ᠣᠯᠬᠤ ᠪᠠᠷ᠂ ᠰᠠᠶᠢᠬᠠᠨᠴᠡᠴᠡᠭ ᠤᠨ ᠬᠢ ᠨᠡᠩ ᠶᠡᠭᠡ ᠵᠣᠷᠢᠭᠵᠢᠵᠤ᠂ 2024 ᠣᠨ ᠳᠤ | ᠬᠠᠳᠤᠯᠠᠩ ᠤᠨ 1000 ᠮᠦ ᠨᠤᠲᠤᠭ ᠪᠡᠯᠴᠢᠭᠡᠷ ᠲᠡᠭᠡᠨ ᠴᠦᠭᠡᠪᠤᠷ ᠮᠣᠷᠢᠨ ᠬᠤᠨᠴᠢᠷ ᠪᠣᠯᠣᠨ ᠤᠯᠠᠨ ᠴᠠᠷᠭᠠᠰᠤ | ᠲᠠᠷᠢᠵᠤ᠂ ᠲᠤᠬᠠᠢ ᠶᠢᠨ ᠵᠢᠯ ᠳᠡᠭᠡᠨ ᠬᠠᠳᠤᠭᠰᠠᠨ ᠦᠭᠡᠢ᠂ ᠢᠷᠡᠬᠦ ᠵᠢᠯ ᠪᠣᠷᠣᠭᠠᠨ ᠬᠤᠷᠠ ᠡᠯᠪᠡᠭ ᠪᠣᠯ ᠯᠠᠪ ᠰᠠᠶᠢᠨ | ᠤᠷᠭᠤᠨᠠ᠂ ᠪᠠᠰᠠ ᠨᠡᠯᠢᠶᠡᠳ ᠬᠠᠳᠤᠯᠠᠩ ᠡᠪᠡᠰᠦ ᠭᠠᠷᠴᠢᠬᠠᠬᠤ ᠪᠠᠶᠢᠬᠠ ᠭᠡᠵᠦ ᠰᠠᠶᠢᠬᠠᠨᠴᠡᠴᠡᠭ ᠢᠲᠡᠭᠡᠯ | ᠳᠦᠭᠦᠷᠡᠩ ᠪᠠᠶᠢᠯᠠ᠃ | ᠠᠮᠢ ᠠᠬᠤᠢ ᠪᠠᠨ ᠰᠠᠶᠢᠵᠢᠷᠠᠭᠤᠯᠬᠤ ᠳᠤ ᠡᠪᠡᠰᠦ ᠮᠣᠳᠣ ᠲᠠᠷᠢᠵᠤ ᠨᠣᠭᠤᠭᠠᠷᠠᠭᠤᠯᠬᠤ ᠠᠴᠠ ᠭᠠᠳᠠᠨᠠ | ᠬᠠᠮᠠᠭᠠᠯᠠᠬᠤ ᠨᠢ ᠪᠠᠰᠠ ᠮᠠᠰᠢ ᠴᠢᠬᠤᠯᠠ᠃ ᠰᠠᠶᠢᠬᠠᠨᠴᠡᠴᠡᠭ ᠤᠨ ᠬᠢ ᠨᠤᠲᠤᠭ ᠪᠡᠯᠴᠢᠭᠡᠷ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠶᠢᠨ | ᠲᠥᠯᠥᠭᠡ ᠶᠡᠭᠡ ᠡᠯᠡᠰᠦᠷᠬᠡᠭᠵᠢᠭᠰᠡᠨ ᠨᠤᠲᠤᠭ ᠢᠶᠠᠨ ᠪᠢᠲᠡᠭᠦᠮᠵᠢᠯᠡᠨ ᠲᠣᠣᠷᠯᠠᠵᠤ᠂ ᠮᠠᠯ ᠤᠨ ᠲᠤᠭᠠ ᠲᠣᠯᠣᠭᠠᠢ ᠪᠠᠨ | ᠪᠠᠭᠠᠰᠬᠠᠬᠤ ᠶᠢᠨ ᠬᠠᠮᠲᠤ ᠬᠤᠲᠠ ᠣᠷᠣᠵᠤ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠬᠢᠵᠦ ᠣᠷᠣᠯᠭᠠ ᠪᠠᠨ ᠨᠡᠮᠡᠭᠳᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ | ︽ᠤᠤᠯ ᠨᠢ100 ᠭᠠᠷᠤᠢ ᠪᠣᠳᠠ ᠮᠠᠯ᠃ 200 ᠵᠠᠭᠤ ᠣᠷᠴᠢᠮ ᠪᠣᠭ ᠮᠠᠯ ᠪᠠᠶᠢᠵᠡᠢ᠂ ᠣᠳᠣ 30 ᠭᠠᠷᠤᠢ | ᠪᠣᠳᠠ ᠮᠠᠯ ᠪᠣᠯᠣᠨ ᠴᠦᠭᠡᠪᠤᠷ ᠬᠡᠳᠦᠨ ᠢᠳᠡᠰᠢᠨ ᠤ ᠬᠤᠨᠢ ᠯᠡ ᠦᠯᠡᠳᠡᠭᠡᠵᠦ᠂ ᠬᠠᠪᠤᠷ ᠡᠬᠢᠯᠡᠨ ᠵᠢᠷᠭᠤᠭᠠᠨ ᠰᠠᠷᠠ | ᠪᠤᠯᠳᠠᠯᠠ ᠬᠠᠰᠢᠶᠠᠯᠠᠵᠤ᠂ ᠦᠩᠭᠡᠷᠡᠬᠦ ᠵᠢᠯ ᠤᠨ ᠭᠠᠩ ᠬᠠᠭᠰᠠᠷᠠᠭᠠᠨ ᠲᠠᠢ ᠪᠠᠶᠢᠳᠠᠯ ᠳᠤ ᠮᠠᠯ ᠢᠶᠠᠨ ᠣᠲᠣᠷ | ᠶᠠᠪᠤᠭᠤᠯᠤᠭᠠᠳ᠂ ᠪᠡᠯᠴᠢᠭᠡᠷ ᠲᠡᠭᠡᠨ ᠮᠠᠯ ᠣᠷᠣᠭᠤᠯᠤᠭᠰᠠᠨ ᠦᠭᠡᠢ᠂ ᠬᠠᠮᠠᠭᠠᠯᠠᠯᠲᠠ ᠨᠣᠭᠤᠭᠠᠷᠠᠭᠤᠯᠤᠯᠲᠠ ᠶᠢ ᠰᠠᠶᠢᠨ | ᠬᠢᠵᠦ ᠯᠡ ᠪᠠᠶᠢᠪᠠᠯ ᠨᠤᠲᠤᠭ ᠤᠨ ᠮᠢᠨᠢ ᠠᠮᠢ ᠠᠬᠤᠢ ᠰᠡᠷᠭᠦᠵᠦ ᠴᠢᠳᠠᠨᠠ︾ ᠭᠡᠵᠦ ᠰᠠᠶᠢᠬᠠᠨᠴᠡᠴᠡᠭ ᠢᠲᠡᠭᠡᠯᠲᠡᠶᠢᠬᠡᠨ | ᠶᠠᠷᠢᠨᠠ᠃ |