| ᠬᠤᠭᠤᠷ ᠪᠠᠷᠢᠪᠠᠯ ᠬᠤᠯᠪᠤᠭᠠ ᠬᠡᠯᠡᠳᠡᠭ᠂ ᠬᠠᠭᠤᠳᠠᠰᠤ ᠳᠡᠯᠭᠡᠪᠡᠯ ᠰᠢᠯᠦᠭ ᠪᠢᠴᠢᠴᠢᠬᠡᠳᠡᠭ᠂ ᠬᠤᠶᠠᠭᠤᠯᠠ | ᠰᠠᠭᠤᠪᠠᠯ ᠰᠢᠲᠠᠷᠠ ᠲᠤᠭᠯᠠᠴᠢᠬᠠᠳᠠᠭ ᠦᠨᠡᠨ ᠦᠭᠡ ᠪᠡᠯᠡᠨ ᠶᠠᠷᠢᠶᠠ ᠲᠠᠢ ᠳᠠᠯᠠ ᠶᠢᠨ ᠳᠠᠪᠠᠭᠠ ᠳᠠᠪᠠᠵᠤ ᠶᠠᠪᠤᠭᠠ | ᠪᠠᠲᠤᠲᠤᠯᠭᠠᠭᠤᠷᠢ ᠨᠠᠰᠤᠲᠠᠨ ᠪᠣᠯ ᠠᠪᠠᠭᠠ ᠬᠤᠰᠢᠭᠤᠨ ᠤ ᠴᠠᠭᠠᠨᠨᠠᠭᠤᠷ ᠪᠠᠯᠭᠠᠰᠤᠨ ᠤ ᠪᠠᠶᠠᠨᠪᠤᠯᠠᠭ ᠭᠠᠴᠠᠭᠠᠨ ᠤ | ᠣᠣᠭᠠᠯ ᠪᠣᠯᠣᠨᠠ᠃ | ᠲᠡᠷᠡ ᠪᠠᠷ ᠵᠠᠯᠠᠭᠤ ᠪᠠᠭᠠ ᠦᠶᠡ ᠠᠴᠠ ᠪᠠᠨ ᠨᠤᠲᠤᠭ ᠤᠨ ᠠᠬᠠᠮᠠᠳ ᠲᠤᠮᠤᠭᠠᠲᠠᠨ ᠤ ᠪᠠᠨ ᠬᠠᠭᠤᠴᠢᠯᠠᠬᠤ | ᠠᠷᠠᠳ ᠤᠨ ᠠᠮᠠᠨ ᠦᠯᠢᠭᠡᠷ ᠢ ᠰᠤᠨᠤᠰᠴᠤ ᠥᠰᠦᠭᠰᠡᠨ ᠪᠤᠯᠬᠤᠷ ᠤᠷᠠᠨ ᠵᠤᠬᠢᠶᠠᠯ ᠤᠨ ᠠᠶᠠᠨ ᠳᠤ ᠭᠠᠩ ᠲᠦᠷᠦᠭᠡ | ᠵᠢᠭᠢᠵᠦ᠂ ᠲᠤᠷᠭᠠᠨ ᠵᠢᠯᠣᠭᠤ ᠰᠤᠩᠭᠠᠬᠤ ᠠᠵᠠ ᠳᠤᠬᠢᠶᠠᠭᠰᠠᠨ ᠪᠢᠯᠡ᠃ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠤᠨ ᠪᠤᠰᠤᠳ ᠠᠴᠠ | ᠢᠯᠭᠠᠭᠳᠠᠬᠤ ᠤᠨᠴᠠᠯᠢᠭ ᠭᠡᠪᠡᠯ ᠲᠤᠭᠤᠯᠤᠭᠰᠠᠨ ᠠᠮᠢᠳᠤᠷᠠᠯ ᠢᠶᠠᠨ ᠣᠷᠠᠯᠢᠭ ᠤᠨ ᠨᠢᠳᠦ ᠪᠠᠷ ᠬᠠᠷᠠᠵᠤ ᠪᠤᠰᠤᠳ ᠲᠤ | ᠤᠷᠠᠨ ᠪᠦᠲᠦᠭᠡᠯ ᠪᠤᠯᠭᠠᠨ ᠲᠦᠭᠡᠭᠡᠳᠡᠭ ᠨᠠᠨᠳᠢᠨ ᠰᠤᠷᠳᠠᠯ ᠪᠤᠯᠤᠨᠠ᠃ ᠪᠠᠲᠤᠲᠤᠯᠭᠠᠭᠤᠷᠢ ᠭᠤᠸᠠᠢ ᠳᠠᠯᠠᠭᠠᠳ | ᠣᠨ ᠤ ᠡᠬᠢ ᠪᠠᠷ ᠠᠷᠪᠠ ᠭᠠᠷᠤᠢ ᠵᠢᠯ ᠰᠤᠮᠤᠨ ᠳᠤ ᠪᠠᠨ ᠺᠢᠨᠤᠴᠢᠨ᠂ ᠭᠠᠩᠨᠠᠭᠤᠷᠴᠢᠨ ᠪᠠᠰᠠ ᠬᠤᠷᠢᠮ ᠨᠠᠶᠢᠷ ᠤᠨ | ᠬᠦᠲᠦᠯᠦᠭᠴᠢ ᠬᠢᠵᠦ ᠶᠠᠪᠤᠭᠰᠠᠨ ᠢᠶᠠᠷ ᠠᠮᠢᠳᠤᠷᠠᠯ ᠤᠨ ᠪᠠᠶᠠᠯᠢᠭ ᠲᠤᠷᠰᠢᠯᠭᠠ᠂ ᠠᠮᠠᠨ ᠶᠠᠷᠢᠶᠠᠨ ᠤ ᠪᠡᠯᠡᠨ ᠬᠡᠯᠡ | ᠬᠡᠯᠡᠯᠭᠡ ᠶᠢ ᠡᠵᠡᠮᠰᠢᠭᠰᠡᠨ ᠪᠠᠶᠢᠯᠠ᠃ ᠲᠡᠶᠢᠨᠬᠦ ᠠᠵᠢᠯ ᠤᠨ ᠴᠢᠯᠦᠭᠡ ᠵᠠᠪ ᠢᠶᠠᠷ ᠢᠶᠠᠨ ︽ᠲᠤᠯᠭᠠᠨ ᠳᠤ ᠮᠠᠨᠠᠭᠳᠠᠭᠰᠠᠨ | ᠭᠠᠯ︾᠂ ︽ᠬᠡᠲᠡ ᠠᠴᠠ ᠣᠴᠢᠯᠠᠭᠰᠠᠨ ᠰᠠᠷᠠ︾ ᠭᠡᠬᠦ ᠬᠤᠶᠠᠷ ᠨᠣᠮ ᠢᠶᠠᠨ ᠬᠡᠪᠯᠡᠭᠦᠯᠦᠭᠰᠡᠨ ᠪᠠ ᠬᠤᠯᠪᠤᠭᠠ᠂ | ᠰᠢᠯᠦᠭ᠂ ᠳᠠᠭᠤᠤ ᠶᠢᠨ ᠦᠭᠡ ᠵᠡᠷᠭᠡ ᠶᠢ ᠤᠯᠠᠨ ᠪᠢᠴᠢᠭᠰᠡᠨ ᠢᠶᠠᠷ ᠮᠠᠯ ᠤᠨ ᠵᠠᠬᠠ᠂ ᠮᠠᠩᠬᠠᠨ ᠤ ᠬᠤᠩᠬᠤᠷ ᠠᠴᠠ | ᠭᠠᠷᠤᠭᠰᠠᠨ ᠮᠠᠯᠴᠢᠨ ᠢᠷᠠᠭᠤ ᠨᠠᠶᠢᠷᠠᠭᠴᠢ᠂ ᠤᠷᠠᠨ ᠪᠦᠲᠦᠭᠡᠯᠴᠢ ᠭᠡᠵᠦ ᠨᠡᠶᠢᠲᠡ ᠤᠯᠠᠨ ᠳᠤ ᠪᠠᠨ ᠮᠡᠳᠡᠷᠡᠭᠳᠡᠨ᠂ ︽ | ᠡᠷᠡᠬᠡᠢ ᠳᠤ ᠪᠠᠨ ᠡᠷᠳᠡᠮ ᠲᠠᠢ᠂ ᠲᠤᠯᠤᠪᠤᠷ ᠲᠤ ᠪᠠᠨ ᠳᠣᠮ ᠲᠠᠢ ᠠᠬᠠᠮᠠᠳ︾ ᠭᠡᠵᠦ ᠬᠦᠨᠳᠦᠯᠡᠭᠳᠡᠳᠡᠭ ᠪᠢᠯᠡ᠃ | ᠥᠪᠦᠷ ᠮᠣᠩᠭᠤᠯ ᠤᠨ ᠵᠤᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠤᠨ ᠬᠡᠰᠢᠭᠦᠨ᠂ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ | ᠵᠤᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠤᠨ ᠬᠡᠰᠢᠭᠦᠨ᠂ ᠠᠪᠠᠭᠠ ᠬᠤᠰᠢᠭᠤᠨ ᠤ ᠠᠷᠡᠳ ᠤᠨ ᠤᠷᠠᠯᠢᠭᠴᠢᠨ ᠪᠠ | ᠵᠤᠬᠢᠶᠠᠯᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠭᠡᠰᠢᠭᠦᠨ ᠵᠡᠷᠭᠡ ᠨᠡᠶᠢᠭᠡᠮ ᠤᠨ ᠠᠯᠳᠠᠷ ᠬᠦᠨᠳᠦ ᠶᠢ ᠡᠷᠭᠦᠵᠦ ᠶᠠᠪᠤᠭᠠ | ᠪᠠᠲᠤᠲᠤᠯᠭᠠᠭᠤᠷᠢ ᠭᠤᠸᠠᠢ ᠬᠡᠳᠦᠶᠢᠪᠡᠷ ᠳᠠᠯᠠ ᠶᠢᠨ ᠳᠠᠪᠠᠭᠠ ᠶᠢ ᠳᠠᠪᠠᠭᠰᠠᠨ ᠪᠤᠯᠪᠠᠴᠤ ᠠᠷᠠᠳ ᠲᠦᠮᠡᠨ᠂ ᠬᠡᠦᠬᠡᠳ | ᠳᠡᠭᠦᠦ ᠨᠠᠷ ᠲᠤ ᠪᠠᠨ ︽ᠶᠠᠭᠤ ᠨᠢᠭᠡ ᠶᠢ ᠪᠦᠲᠦᠭᠡᠵᠦ ᠦᠭᠭᠦᠶᠡ︾ ᠭᠡᠰᠡᠨ ᠪᠤᠳᠤᠯ ᠳᠠᠭᠠᠨ ᠬᠦᠲᠦᠯᠦᠭᠳᠡᠵᠦ᠂ | ᠪᠢᠷ ᠢᠶᠠᠨ ᠬᠤᠷᠴᠠᠯᠠᠨ ᠪᠡᠶᠡ ᠰᠡᠳᠬᠢᠯ ᠢᠶᠠᠨ ᠴᠢᠯᠡᠭᠡᠵᠦ ᠯᠡ ᠶᠠᠪᠤᠨᠠ᠃ |