| 7 ᠰᠠᠷᠠ ᠶᠢᠨ 4 ᠤ ᠡᠳᠦᠷ᠂ ᠤᠯᠤᠰ ᠲᠥᠷᠥ ᠶᠢᠨ ᠵᠥᠪᠯᠡᠯᠭᠡᠨ ᠤ ᠰᠣᠶᠣᠯ ᠲᠡᠤᠬᠡ ᠶᠢᠨ ᠴᠤᠪᠤᠷᠠᠯ ᠪᠢᠴᠢᠭ ᠪᠤᠯᠬᠤ ︽ | ᠠᠪᠠᠭᠠ ᠨᠤᠲᠤᠭ ᠰᠢᠲᠦᠭᠡᠨᠲᠦ ᠭᠠᠵᠠᠷ ᠤᠰᠤᠨ — ᠬᠤᠩᠭᠤᠷᠭᠤᠣᠯ ᠪᠠᠯᠭᠠᠰᠤ︾ ᠭᠡᠬᠦ ᠨᠤᠮ ᠤᠨ ᠲᠠᠷᠬᠠᠭᠠᠯᠲᠠ ᠶᠢᠨ | ᠶᠣᠰᠣᠯᠠᠯ ᠬᠤᠩᠭᠤᠷᠭᠤᠣᠯ ᠪᠠᠯᠭᠠᠰᠤᠨ ᠤ ᠰᠢᠨᠡ ᠴᠠᠭ ᠦᠶᠡ ᠶᠢᠨ ᠪᠣᠯᠪᠠᠰᠤᠨ ᠤ ᠦᠢᠯᠡᠳᠦᠯᠭᠡ ᠶᠢᠨ ᠵᠢᠱᠢᠶᠡ ᠦᠵᠡᠭᠦᠯᠬᠦ | ᠴᠡᠭ — ᠠᠪᠠᠭᠠ ᠬᠤᠰᠢᠭᠤᠨ ᠤ ︽ᠪᠦᠷᠢᠨ ᠲᠠᠩᠰᠤᠭ︾ ᠨᠡᠷᠡᠮᠵᠢᠳᠦ ᠲᠠᠯᠠ ᠨᠤᠳᠤᠭ ᠤᠨ ᠰᠣᠶᠤᠯ ᠤᠨ ᠥᠷᠦᠭᠡᠨ ᠳᠤ | ᠥᠷᠨᠢᠭᠦᠨ ᠶᠠᠪᠤᠭᠳᠠᠯᠠ᠃ | | ︽ᠠᠪᠠᠭᠠ ᠨᠤᠲᠤᠭ ᠰᠢᠲᠦᠭᠡᠨᠲᠦ ᠭᠠᠵᠠᠷ ᠤᠰᠤᠨ — ᠬᠤᠩᠭᠤᠷᠭᠤᠣᠯ ᠪᠠᠯᠭᠠᠰᠤ︾ ᠨᠣᠮ ᠨᠢ ᠠᠪᠠᠭᠠ | ᠨᠤᠲᠤᠭ ᠤᠨ ᠴᠤᠪᠤᠷᠠᠯ ᠨᠤᠮ ᠤᠨ ᠲᠠᠪᠤᠳᠤᠭᠠᠷ ᠪᠦᠲᠦᠭᠡᠯ ᠪᠠᠶᠢᠵᠤ᠂ ᠬᠤᠩᠭᠤᠷᠭᠤᠣᠯ ᠪᠠᠯᠭᠠᠰᠤᠨ ᠤ 12 ᠭᠠᠴᠠᠭᠠᠨ ᠤ | ᠭᠠᠵᠠᠷ ᠤᠰᠤᠨ ᠤ ᠨᠡᠷᠡᠶᠢᠳᠦᠯ᠂ ᠭᠠᠵᠠᠷ ᠵᠦᠢ ᠶᠢᠨ ᠤᠷᠴᠢᠨ ᠲᠤᠭᠤᠷᠢᠨ᠂ ᠪᠠᠶᠢᠭᠠᠯᠢ ᠶᠢᠨ ᠡᠬᠢ ᠪᠠᠶᠠᠯᠢᠭ ᠪᠤᠯᠤᠨ ᠲᠡᠤᠬᠡ | ᠶᠢᠨ ᠤᠯᠠᠷᠢᠯ ᠬᠤᠪᠢᠰᠤᠯ᠂ ᠲᠡᠤᠬᠡᠨ ᠳᠤ ᠪᠤᠯᠤᠭᠰᠠᠨ ᠦᠢᠯᠡ ᠬᠡᠷᠡᠭ ᠤᠳ ᠵᠡᠷᠭᠡ ᠠᠭᠤᠯᠭᠠ ᠶᠢ ᠬᠠᠮᠤᠷᠴᠤ᠂ | ᠬᠤᠩᠭᠤᠷᠭᠤᠣᠯ ᠪᠠᠯᠭᠠᠰᠤᠨ ᠤ ᠭᠠᠵᠠᠷ ᠤᠷᠤᠨ ᠤ ᠣᠨᠴᠠᠯᠢᠭ᠂ ᠰᠣᠶᠣᠯ ᠢᠷᠭᠡᠨᠰᠢᠯ ᠤᠨ ᠲᠡᠦᠬᠡ ᠪᠣᠯᠤᠨ ᠡᠯᠪᠡᠭ ᠲᠡᠯᠪᠡᠭ | ᠡᠬᠢ ᠪᠠᠶᠠᠯᠢᠭ ᠢ ᠪᠦᠷᠢᠨ ᠢᠯᠡᠷᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠡᠨᠡᠬᠦ ᠨᠤᠮ ᠨᠢ ᠬᠤᠩᠭᠤᠷᠭᠤᠣᠯ ᠪᠠᠯᠭᠠᠰᠤᠨ ᠤ ᠥᠷᠭᠡᠨ ᠣᠯᠠᠨ | ᠮᠠᠯᠴᠢᠨ ᠲᠦᠮᠡᠨ ᠤ ᠬᠠᠮᠲᠤ ᠶᠢᠨ ᠲᠡᠮᠡᠴᠡᠯ ᠤᠨ ᠲᠡᠤᠬᠡ ᠶᠢ ᠬᠠᠷᠠᠭᠤᠯᠤᠭᠰᠠᠨ ᠨᠢᠭᠡᠨ ᠳᠡᠪᠲᠡᠷ ᠲᠡᠦᠬᠡ ᠶᠢᠨ ᠨᠣᠮ | ᠪᠣᠯᠤᠭᠰᠠᠨ ᠤ ᠬᠤᠪᠢ ᠳᠤ᠂ ᠠᠪᠠᠭᠠ ᠬᠤᠰᠢᠭᠤᠨ ᠤ ᠠᠵᠤ ᠠᠬᠤᠶ ᠨᠡᠶᠢᠭᠡᠮ ᠤᠨ ᠬᠥᠭᠵᠢᠯᠲᠡ ᠳᠤ ᠵᠠᠰᠠᠭ ᠲᠤ ᠲᠤᠰᠠᠯᠠᠬᠤ | ᠴᠢᠬᠤᠯᠠ ᠲᠤᠯᠢ ᠪᠤᠯᠬᠤ ᠶᠤᠮ᠃ | | ᠡᠨᠡᠬᠦ ᠨᠤᠮ ᠤᠨ ᠭᠤᠤᠯᠯᠠᠨ ᠨᠠᠶᠢᠷᠠᠭᠤᠯᠤᠭᠴᠢ ᠰᠠᠶᠢᠨᠳᠠᠬᠦᠰ ᠠᠴᠠ ︽ᠠᠪᠠᠭᠠ ᠨᠤᠲᠤᠭ ᠰᠢᠲᠦᠭᠡᠨᠲᠦ ᠭᠠᠵᠠᠷ ᠤᠰᠤᠨ | — ᠬᠤᠩᠭᠤᠷᠭᠤᠣᠯ ᠪᠠᠯᠭᠠᠰᠤ︾ ᠨᠣᠮ ᠢ ᠨᠠᠶᠢᠷᠠᠭᠤᠯᠤᠨ ᠲᠤᠭᠤᠷᠪᠢᠭᠰᠠᠨ ᠪᠠᠶᠢᠳᠠᠯ᠂ ᠭᠤᠣᠯ ᠠᠭᠤᠯᠭᠠ ᠵᠢᠴᠢ ᠵᠣᠬᠢᠶᠠᠨ | ᠪᠦᠲᠦᠭᠡᠭᠰᠡᠨ ᠰᠡᠳᠬᠢᠮᠵᠢ ᠪᠠᠨ ᠲᠠᠨᠢᠯᠴᠠᠭᠤᠯᠵᠠᠢ᠃ ᠬᠤᠰᠢᠭᠤ ᠤᠯᠤᠰ ᠲᠦᠷᠦ ᠶᠢᠨ ᠵᠥᠪᠯᠡᠯᠭᠡᠨ ᠠᠴᠠ ᠬᠤᠩᠭᠤᠷᠭᠤᠣᠯ | ᠪᠠᠯᠭᠠᠰᠤᠨ ᠤ ᠨᠠᠮ ᠤᠨ ᠬᠤᠷᠢᠶᠠ᠂ ᠵᠠᠰᠠᠭ ᠤᠨ ᠣᠷᠳᠣᠨ ᠪᠣᠯᠤᠨ ︽ᠪᠦᠷᠢᠨ ᠲᠠᠩᠰᠤᠭ︾ ᠨᠡᠷᠡᠮᠵᠢᠳᠦ ᠲᠠᠯᠠ ᠨᠤᠳᠤᠭ | ᠤᠨ ᠰᠣᠶᠤᠯ ᠤᠨ ᠦᠷᠦᠭᠡ ᠳᠤ ︽ᠠᠪᠠᠭᠠ ᠨᠤᠲᠤᠭ ᠰᠢᠲᠦᠭᠡᠨᠲᠦ ᠭᠠᠵᠠᠷ ᠤᠰᠤᠨ — ᠬᠤᠩᠭᠤᠷᠭᠤᠣᠯ ᠪᠠᠯᠭᠠᠰᠤ︾ | ᠰᠢᠨᠡ ᠨᠤᠮ ᠢ ᠪᠡᠯᠡᠭᠯᠡᠪᠡ᠃ | | | ᠵᠠᠯᠭᠠᠭᠠᠳ ᠪᠥᠬᠦ ᠤᠯᠤᠰ ᠤᠨ ︽ᠨᠣᠮ ᠤᠨ ᠪᠤᠶᠠᠨᠲᠤ ᠡᠷᠦᠬᠡ︾᠂ ︽ᠠᠷᠪᠠᠨ ᠰᠣᠳᠤᠨ ᠤᠩᠰᠢᠭᠴᠢ︾ ᠶᠢᠨ ᠴᠣᠯᠠ | ᠬᠦᠷᠲᠡᠭᠴᠢ ᠠᠪᠠᠭᠠ ᠬᠤᠰᠢᠭᠤᠨ ᠤ ︽ᠪᠦᠷᠢᠨ ᠲᠠᠩᠰᠤᠭ︾ ᠨᠡᠷᠡᠮᠵᠢᠲᠦ ᠲᠠᠯᠠ ᠨᠤᠲᠤᠭ ᠤᠨ ᠰᠣᠶᠤᠯ ᠤᠨ ᠥᠷᠦᠭᠡᠨ ᠤ | ᠡᠵᠡᠨᠲᠡᠨ ᠳᠣ· ᠲᠥᠮᠡᠨᠪᠠᠶᠠᠷ ᠵᠢᠴᠢ ᠶᠣᠰᠤᠯᠠᠯ ᠳᠤ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠮᠠᠯᠴᠢᠨ ᠤᠩᠰᠢᠭᠴᠢᠳ ᠨᠤᠮ ᠤᠨ ᠲᠤᠭᠤᠷᠢᠨ | ᠳᠤ ᠪᠤᠳᠤᠯ ᠰᠡᠳᠬᠢᠭᠳᠡᠯ ᠢᠶᠠᠨ ᠴᠢᠯᠦᠭᠡᠲᠡᠢ ᠶᠠᠷᠢᠯᠴᠠᠯᠠ᠃ | | |