| 5 ᠰᠠᠷᠠ ᠶᠢᠨ 26 ᠤ ᠡᠳᠦᠷ ᠠᠪᠠᠭᠠ ᠬᠤᠰᠢᠭᠤᠨ ᠤ ᠨᠠᠷᠠᠨᠪᠣᠯᠠᠭ ᠰᠣᠮᠣᠨ ᠤ ᠠᠯᠲᠠᠨᠲᠤᠭᠤᠭᠠᠲᠤ | ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠳᠦᠪᠰᠢᠨ ᠤ ᠨᠣᠳᠤᠭ ᠲᠡᠭᠡᠷᠡ ᠬᠦᠬᠡᠪᠦᠷ ᠲᠡᠯᠪᠡᠷᠡᠨ ᠪᠤᠯᠠᠭ ᠣᠷᠬᠢᠯᠵᠦ ᠪᠠᠶᠢᠭᠠ ᠪᠢᠴᠢᠯᠭᠡ | ᠰᠦᠯᠵᠢᠶᠡ ᠪᠠᠷ ᠰᠠᠴᠤᠭᠲᠠᠨ ᠣᠯᠠᠨ ᠤ ᠠᠩᠬᠠᠷᠤᠯ ᠳᠤ ᠬᠦᠷᠦᠯᠡ᠃ | ᠣᠣᠯ ᠨᠢ ᠳᠦᠪᠰᠢᠨ ᠥᠷᠯᠦᠭᠡ ᠭᠠᠳᠠᠨᠠ ᠪᠠᠨ ᠠᠵᠢᠯ ᠬᠢᠵᠦ ᠪᠠᠶᠢᠭᠠᠳ ᠨᠣᠳᠤᠭ ᠲᠡᠭᠡᠷᠡᠬᠢ ᠬᠠᠲᠠᠭᠰᠠᠨ | ᠨᠠᠭᠤᠷ ᠨᠢ ᠪᠤᠯᠠᠭ ᠤᠷᠬᠢᠯᠵᠦ ᠪᠠᠶᠢᠬᠤ ᠶᠢ ᠬᠠᠷᠠᠨ᠂ ᠲᠡᠷᠡ ᠳᠠᠷᠤᠢ ᠪᠢᠴᠢᠯᠭᠡ ᠰᠢᠩᠭᠡᠬᠡᠨ ᠨᠠᠶᠢᠵᠠ ᠶᠢᠨ ᠲᠤᠭᠤᠷᠢᠭ | ᠪᠤᠯᠤᠨ ᠭᠠᠴᠠᠭᠠᠨ ᠤ ᠬᠤᠯᠪᠣᠭᠠᠨ ᠳᠤ ᠪᠠᠨ ᠬᠤᠪᠢᠶᠠᠯᠴᠠᠭᠰᠠᠨ ᠢᠶᠠᠨ ᠤᠳᠠᠵᠤ ᠲᠦᠳᠡᠯ ᠦᠭᠡᠢ ᠡᠯᠡ ᠰᠦᠯᠵᠢᠶᠡ | ᠳᠠᠮᠵᠢᠨ ᠲᠠᠷᠬᠠᠭᠰᠠᠨ ᠨᠢ ᠡᠨᠡ ᠪᠠᠶᠢᠵᠠᠢ᠃ ᠣᠣᠯ ᠨᠢ ᠠᠲᠡ ᠬᠡᠴᠢᠨᠡᠨ ᠵᠢᠯ ᠤᠨ ᠦᠨᠵᠢᠭᠦᠯ ᠨᠠᠭᠤᠷ ᠲᠠᠢ ᠪᠠᠶᠢᠭᠰᠠᠨ | ᠨᠢ ᠨᠢᠳᠦᠨᠦᠨ ᠶᠡᠭᠡ ᠭᠠᠩᠳᠠᠭᠰᠠᠨ ᠠᠴᠠ ᠰᠢᠷᠬᠢᠭᠡᠳ ᠵᠢᠯ ᠢᠯᠡᠭᠦᠦ ᠪᠣᠯᠵᠤ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ | ︽ᠶᠡᠷᠦᠨᠢ ᠡᠨᠡ ᠭᠡᠰᠡᠭ ᠭᠠᠵᠠᠷ ᠪᠣᠰᠤᠳ ᠭᠠᠵᠠᠷ ᠢᠶᠠᠨ ᠪᠤᠳᠤᠪᠠᠯ ᠢᠯᠡᠭᠦᠦ ᠴᠢᠬᠢᠭᠯᠢᠭ᠂ ᠭᠢᠰᠬᠢᠬᠦ ᠳᠤ ᠶᠡᠭᠡ | ᠵᠦᠭᠡᠯᠡᠨ ᠪᠠᠶᠢᠵᠤ᠂ ᠬᠠᠪᠤᠷ ᠲᠤ ᠪᠠᠨ ᠬᠦᠪᠡᠭᠡ ᠵᠠᠬᠠ ᠪᠠᠷ ᠨᠢ ᠶᠠᠪᠤᠭᠰᠠᠭᠠᠷ ᠰᠢᠭᠢᠳᠬᠦ ᠠᠶᠤᠯ ᠲᠠᠢ᠂ ᠮᠠᠯ ᠤᠨᠤᠭᠠ | ᠰᠢᠭᠢᠳᠪᠡᠯ ᠲᠠᠲᠠᠬᠤ ᠳᠤ ᠪᠠᠨ ᠶᠡᠭᠡ ᠬᠢᠴᠢᠶᠡᠳᠡᠭ︾ ᠬᠡᠮᠡᠨ ᠳᠦᠪᠰᠢᠨ ᠣᠴᠢᠷᠯᠠᠨᠠ᠃ | ᠨᠣᠳᠤᠭ ᠤᠨ ᠪᠤᠭᠤᠷᠤᠯ ᠤᠳ ᠤᠨ ᠬᠠᠭᠤᠴᠢᠯᠠᠬᠤ ᠪᠠᠷ ᠣᠣᠯ ᠨᠢ ᠬᠦᠬᠡᠪᠤᠷ ᠲᠡᠯᠪᠡᠷᠡᠬᠦ ᠳᠤ ᠪᠠᠨ ᠲᠡᠭᠷᠢ ᠲᠤᠤᠭᠠᠷᠴᠦ | ᠪᠠᠶᠢᠬᠤ ᠰᠢᠭ᠋ ᠶᠡᠭᠡ ᠲᠤᠤᠭᠠᠷᠴᠦ᠂ ᠭᠤᠷᠪᠠ ᠠᠴᠠ ᠲᠠᠪᠤᠨ ᠮᠧᠲᠷ ᠦᠨᠳᠦᠷ ᠤᠷᠬᠢᠯᠲᠠᠭ ᠭᠡᠨᠡ᠃ | ᠦᠴᠦᠭᠡᠳᠦᠷ ᠦᠷᠯᠦᠭᠡ ᠲᠡᠯᠪᠡᠷᠡᠭᠰᠡᠨ ᠬᠦᠬᠡᠪᠤᠷ ᠨᠢ ᠣᠳᠣᠬᠠᠨ ᠳᠤ ᠪᠠᠨ ᠮᠤᠩᠭᠤᠯ ᠭᠡᠷ ᠤᠨ ᠪᠠᠭᠤᠴᠠᠨ ᠤ | ᠬᠢᠷᠢ ᠲᠠᠢ ᠭᠠᠵᠠᠷ ᠤᠷᠬᠢᠯᠵᠦ ᠪᠠᠶᠢᠭᠠ᠃ ︽ᠤᠶᠢᠷᠠ ᠶᠢᠨ ᠠᠷᠪᠠᠨ ᠵᠢᠯ ᠢᠩᠭᠢᠵᠦ ᠬᠦᠴᠦᠲᠡᠢ ᠪᠣᠷᠬᠢᠯᠤᠭᠠ ᠦᠭᠡᠢ︾ | ᠬᠡᠮᠡᠨ ᠨᠣᠳᠤᠭ ᠤᠨ ᠣᠣᠭᠠᠯ ᠮᠠᠯᠴᠢᠳ ᠶᠠᠷᠢᠵᠠᠭᠠᠨᠠ᠃ | ᠬᠦᠭᠡᠪᠤᠷ ᠲᠡᠯᠪᠡᠷᠡᠭᠰᠡᠨ ᠵᠢᠯ ᠰᠠᠶᠢᠬᠠᠨ ᠵᠤᠨ ᠪᠣᠯᠲᠠᠭ ᠬᠡᠮᠡᠨ ᠪᠡᠯᠭᠡᠰᠢᠶᠡᠭᠰᠡᠨ ᠨᠣᠳᠤᠭ ᠤᠨ ᠣᠯᠠᠨ ᠤ ᠠᠮᠠᠨ | ᠢᠷᠦᠭᠡᠯ ᠢᠶᠠᠷ ᠡᠨᠡ ᠨᠣᠳᠤᠭ ᠲᠤ ᠨᠡᠶᠢᠳᠡᠮ ᠡᠭᠦᠯᠡ ᠪᠦᠷᠬᠦᠨ ᠬᠤᠷᠠ ᠳᠠᠯᠠᠯᠤᠨᠠ᠃ | |