| 6 ᠰᠠᠷᠠ ᠶᠢᠨ 19 ᠤ ᠡᠳᠦᠷ ᠠᠪᠠᠭᠠ ᠬᠤᠰᠢᠭᠤᠨ ᠤ ᠨᠣᠮ ᠤᠨ ᠰᠠᠩ ᠳᠤ ᠲᠦᠮᠡᠨᠪᠠᠶᠠᠷ ᠤᠨ ︽ᠥᠨᠢᠳᠡ | ᠪᠠᠭ᠋ᠠᠷᠬᠠᠯᠲᠤ ᠠᠪᠠᠭᠠ ᠨᠤᠲᠤᠭ︾ ᠬᠡᠮᠡᠬᠦ ᠰᠢᠨᠡ ᠨᠣᠮ ᠤᠨ ᠬᠠᠭᠤᠳᠠᠰᠤ ᠰᠡᠬᠦᠭᠳᠡᠵᠦ᠂ ᠠᠪᠠᠭᠠ ᠬᠤᠰᠢᠭᠤᠨ ᠤ | ᠲᠡᠦᠬᠡ ᠶᠢᠨ ᠬᠦᠷᠳᠦᠨ ᠳᠤ ᠪᠠᠰᠠ ᠨᠢᠭᠡ ᠨᠤᠮ ᠤᠨ ᠥᠪ ᠨᠡᠮᠡᠯᠡ᠃ | ᠲᠠᠷᠬᠠᠭᠠᠯᠲᠠ ᠶᠢᠨ ᠶᠣᠰᠤᠯᠠᠯ ᠳᠤ ᠬᠤᠰᠢᠭᠤ ᠬᠠᠷᠢᠶᠠ ᠬᠤᠯᠪᠤᠭᠳᠠᠯ ᠪᠦᠬᠦᠢ ᠪᠠᠶᠢᠭᠤᠯᠭᠠ ᠨᠢᠭᠡᠴᠡ ᠪᠣᠯᠤᠨ | ᠨᠣᠮ ᠤᠨ ᠪᠠᠭ᠋ᠠᠲᠠᠳ᠂ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠤᠷᠢᠭᠳᠠᠨ ᠤᠷᠤᠯᠴᠠᠪᠠ᠃ ᠲᠠᠷᠬᠠᠭᠠᠯᠳᠠ ᠶᠢᠨ ᠶᠤᠰᠤᠯᠡᠯ ᠢᠶᠠᠷ | ᠲᠦᠮᠡᠨᠪᠠᠶᠠᠷ ᠤᠨ ᠬᠤᠰᠢᠭᠤ ᠨᠤᠲᠤᠭ ᠤᠨ ᠢᠶᠠᠨ ᠰᠣᠶᠣᠯ ᠤᠨ ᠦᠢᠯᠡᠰ ᠲᠤ ᠠᠤᠭᠠ ᠬᠦᠴᠦᠨ ᠨᠡᠮᠡᠷᠢᠯᠡᠭᠰᠡᠨ | ᠬᠥᠳᠡᠯᠮᠦᠷᠢ ᠵᠢᠳᠭᠦᠯ ᠢ ᠦᠨᠳᠦᠷ ᠦᠨᠡᠯᠡᠵᠦ᠂ ᠲᠦᠮᠡᠨᠪᠠᠶᠠᠷ ᠠᠴᠠ ᠨᠣᠮ ᠤᠨ ᠲᠠᠨᠢᠯᠴᠠᠭᠤᠯᠭᠠ ᠵᠢᠴᠢ ᠥᠪᠡᠷ ᠤᠨ | ᠨᠣᠮ ᠲᠠᠢ ᠬᠠᠨᠢᠯᠠᠭᠰᠠᠨ ᠦᠯᠢᠭᠡᠷ ᠤᠴᠠᠷᠠᠯ ᠢᠶᠠᠨ ᠲᠤᠷᠠᠰᠤᠨ᠂ ᠶᠣᠰᠤᠯᠠᠯ ᠳᠤ ᠣᠷᠤᠯᠴᠠᠭᠰᠠᠳ ᠠᠴᠠ ᠨᠤᠮ ᠤᠨ | ᠲᠤᠭᠤᠷᠢᠨ ᠳᠤ ᠴᠢᠯᠦᠭᠡᠳᠠᠢ ᠶᠠᠷᠢᠯᠴᠠᠯᠡ᠃ | ︽ᠥᠨᠢᠳᠡ ᠪᠠᠭ᠋ᠠᠷᠬᠠᠯᠲᠤ ᠠᠪᠠᠭᠠ ᠨᠤᠲᠤᠭ︾ ᠨᠣᠮ ᠨᠢ ᠠᠪᠠᠭᠠ ᠬᠤᠰᠢᠭᠤᠨ ᠤ ᠤᠯᠤᠰ ᠲᠥᠷᠦ ᠶᠢᠨ | ᠵᠥᠪᠯᠡᠯᠭᠡᠨ ᠤ ᠰᠣᠶᠣᠯ ᠲᠡᠦᠬᠡ ᠶᠢᠨ ᠮᠠᠲ᠋ᠧᠷᠢᠶᠠᠯ ︵ᠬᠤᠷᠢᠨ ᠨᠠᠢᠮᠠᠳᠤᠭᠠᠷ ᠡᠮᠬᠢᠳᠭᠡᠯ︶ ᠤᠨ ᠬᠤᠪᠢ ᠳᠤ | ᠲᠦᠮᠡᠨᠪᠠᠶᠠᠷ ᠤᠨ 2000 — 2022 ᠣᠨ ᠬᠦᠷᠲᠡᠯᠡᠬᠢ ᠬᠡᠰᠡᠭ ᠪᠦᠳᠦᠭᠡᠯ ᠤᠨ ᠡᠮᠬᠢᠳᠭᠡᠯ ᠪᠠᠶᠢᠵᠤ᠂ | ᠲᠤᠬᠠᠶᠢᠯᠠᠭᠰᠠᠨ ᠠᠵᠢᠯ ᠪᠣᠯᠤᠨ ᠣᠷᠤᠨ ᠨᠤᠲᠤᠭ ᠤᠨ ᠰᠣᠶᠣᠯ ᠲᠡᠦᠬᠡ ᠶᠢᠨ ᠬᠠᠮᠢᠶᠠᠲᠠᠢ ᠣᠷᠴᠢᠭᠤᠯᠭᠠ ᠶᠢᠨ | ᠪᠦᠲᠦᠭᠡᠯ᠂ ᠮᠡᠳᠡᠭᠡᠯᠡᠯ ᠬᠦᠦᠷᠨᠢᠯ ᠤᠳ ᠵᠡᠷᠭᠡ 33 ᠪᠦᠳᠦᠭᠡᠯ ᠢ ᠬᠠᠮᠤᠷᠴᠠᠢ᠂ ᠡᠭᠦᠨ ᠳᠤ ᠣᠷᠴᠢᠭᠤᠯᠭᠠ ᠶᠢᠨ | ᠵᠣᠬᠢᠶᠠᠯ 9᠂ 2017 ᠣᠨ ᠠᠴᠠ ᠬᠤᠶᠢᠰᠢᠬᠢ ᠪᠦᠳᠦᠭᠡᠯ 18 ᠪᠤᠢ᠃ ᠪᠦᠬᠦ ᠨᠣᠮ ᠤᠨ ᠣᠷᠴᠢᠭᠤᠯᠭᠠ | ᠲᠠᠶᠢᠯᠪᠤᠷᠢ᠂ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠦᠬᠦᠯᠡᠯ ᠤᠨ ᠣᠯᠠᠩᠬᠢ ᠨᠢ ᠪᠦᠷ ᠰᠤᠳᠤᠯᠭᠠᠨ ᠰᠢᠨᠵᠢᠯᠡᠭᠡᠨ ᠤ ᠰᠠᠭᠤᠷᠢᠨ | ᠳᠡᠭᠡᠷᠡ ᠪᠢᠴᠢᠭᠳᠡᠭᠰᠡᠨ ᠤᠴᠢᠷ ᠤᠩᠰᠢᠭᠴᠢᠳ ᠲᠤ ᠦᠷᠡ ᠦᠭᠭᠦᠭᠡᠵᠢ ᠨᠡᠩ ᠶᠡᠬᠡᠲᠡᠢ ᠪᠢᠯᠡ᠃ | ︽ᠡᠨᠡ ᠨᠣᠮ ᠨᠢ ᠣᠷᠴᠢᠭᠤᠯᠭᠠ ᠶᠢᠨ ᠰᠣᠳᠤᠯᠤᠯᠲᠠ᠂ ᠡᠷᠳᠡᠮ ᠰᠢᠨᠵᠢᠯᠡᠭᠡ᠂ ᠬᠡᠭᠡᠷᠡ ᠶᠢᠨ ᠰᠢᠨᠵᠢᠯᠡᠭᠡ ᠶᠢᠨ | ᠪᠦᠳᠦᠭᠡᠯ ᠤᠳ ᠪᠠᠭᠳᠠᠵᠦ᠂ ᠠᠪᠠᠭᠠᠴᠤᠤᠯ ᠤᠨ ᠦᠷᠡ ᠤᠳᠤᠮ ᠲᠡᠳᠦᠢ ᠦᠭᠡᠢ ᠨᠣᠮ ᠬᠢᠬᠦ ᠬᠦᠮᠦᠨ ᠳᠤ ᠴᠤ ᠨᠣᠮ | ᠵᠦᠢ ᠶᠢᠨ ᠲᠠᠯᠠ ᠪᠠᠷ ᠮᠠᠰᠢ ᠦᠨᠡ ᠥᠷᠲᠡᠭ ᠲᠠᠢ ᠰᠠᠶᠢᠬᠠᠨ ᠨᠣᠮ ᠶᠤᠮ︾ ᠬᠡᠮᠡᠨ ᠮᠤᠩᠭᠤᠯ ᠨᠤᠮ ᠤᠨ ᠴᠢᠭᠤᠯᠭᠠᠨ | ᠤ ᠡᠵᠡᠨᠳᠡᠨ ᠲᠡᠭᠦᠰ ᠤᠴᠢᠷᠯᠠᠯᠠ᠃ | ︽ᠥᠨᠦᠳᠦᠷ ᠮᠢᠨᠤ ᠭᠡᠴᠢᠨᠡᠨ ᠵᠢᠯ ᠤᠨ ᠬᠦᠴᠦ ᠬᠥᠳᠡᠯᠮᠦᠷᠢ ᠣᠷᠤᠭᠤᠯᠵᠤ ᠪᠢᠴᠢᠭᠰᠡᠨ ᠵᠤᠬᠢᠶᠠᠯ | ᠪᠦᠳᠦᠭᠡᠯ ᠤᠳ ᠢᠶᠠᠨ ᠨᠣᠮ ᠪᠤᠯᠭᠠᠨ ᠲᠡᠬᠦᠪᠦᠷᠢᠯᠡᠭᠰᠡᠨ ᠪᠠᠶᠠᠷᠲᠤ ᠡᠳᠦᠷ ᠲᠣᠬᠢᠶᠠᠵᠤ ᠪᠠᠶᠢᠨᠠ᠃ ᠨᠣᠮ ᠮᠠᠨᠢ | ᠬᠤᠰᠢᠭᠤ ᠤᠯᠤᠰ ᠲᠥᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠨᠣᠮ ᠬᠡᠪᠯᠡᠬᠦᠯᠬᠦ ᠲᠥᠯᠦᠪᠯᠡᠭᠡᠨ ᠳᠤ ᠬᠠᠮᠤᠷᠤᠭᠳᠠᠨ ᠪᠦᠬᠦ | ᠭᠦᠢᠴᠡᠳᠭᠡᠯ ᠢ ᠪᠦᠷᠢᠳᠦᠬᠦᠯᠦᠨ᠂ 2024 ᠣᠨ ᠤ 4 ᠰᠠᠷᠠ ᠳᠤ ᠬᠡᠪᠯᠡᠭᠳᠡᠭᠰᠡᠨ ᠶᠤᠮ᠃ ᠠᠳᠡ ᠮᠠᠰᠢ ᠶᠡᠭᠡ | ᠲᠡᠮᠵᠢᠯᠭᠡ ᠦᠵᠡᠬᠦᠯᠦᠭᠰᠡᠨ ᠬᠤᠰᠢᠭᠤ ᠤᠯᠤᠰ ᠲᠥᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠳᠤ ᠬᠦᠨ ᠲᠠᠯᠠᠷᠬᠠᠯ ᠲᠡᠪᠰᠢᠬᠦᠯᠦᠶᠡ᠃ | ᠮᠦᠨᠴᠦ ᠦᠨᠦᠳᠦᠷ ᠤᠨ ᠲᠠᠷᠬᠠᠭᠠᠯᠳᠠ ᠶᠢᠨ ᠶᠤᠰᠤᠯᠠᠯ ᠢ ᠡᠷᠬᠢᠯᠡᠨ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠬᠤᠰᠢᠭᠤ ᠰᠣᠶᠣᠯ ᠲᠠᠮᠢᠷ | ᠵᠢᠭᠤᠯᠴᠢᠯᠠᠯ ᠷᠠᠳᠢᠤ᠋ ᠲᠧᠯᠸᠢᠰ ᠲᠣᠪᠴᠢᠶᠠ᠂ ᠬᠤᠰᠢᠭᠤ ᠨᠣᠮ ᠤᠨ ᠰᠠᠩ ᠬᠢᠭᠡᠳ ᠮᠤᠷᠢᠯᠠᠨ ᠰᠠᠭᠠᠳᠠᠭᠰᠠᠨ | ᠪᠠᠶᠢᠭᠤᠯᠭᠠ ᠨᠢᠭᠡᠴᠡ ᠶᠢᠨ ᠤᠳᠤᠷᠢᠳᠤᠯᠭᠠ ᠨᠠᠷ ᠲᠤ ᠭᠦᠨ ᠲᠠᠯᠠᠷᠬᠠᠯ ᠳᠡᠪᠰᠢᠭᠦᠯᠦᠶᠡ᠃ ᠨᠣᠮ ᠳᠤ ᠪᠠᠨ | ᠭᠤᠤᠯᠳᠠᠭᠤ ᠠᠪᠠᠭᠠ ᠬᠤᠰᠢᠭᠤᠨ ᠤ ᠲᠡᠦᠬᠡᠨ ᠬᠦᠮᠦᠰ᠂ ᠰᠣᠶᠣᠯ ᠲᠡᠦᠬᠡ᠂ ᠵᠠᠩ ᠵᠠᠩᠰᠢᠯ ᠤᠨ ᠬᠠᠮᠢᠶᠠ ᠲᠠᠢ | ᠪᠢᠴᠢᠭᠰᠡᠨ ᠵᠦᠢᠯ ᠤᠳ ᠢᠶᠠᠷ ᠭᠤᠣᠯᠯᠠᠭᠰᠠᠨ᠂ ᠪᠠᠰᠠ ᠨᠢᠭᠡ ᠪᠦᠯᠦᠭ ᠣᠷᠴᠢᠭᠤᠯᠭᠠ ᠶᠢᠨ ᠪᠦᠲᠦᠭᠡᠯ ᠤᠳ ᠪᠠᠶᠢᠭᠠ᠃ | ︿ᠠᠳᠤᠭᠤᠨ ᠵᠠᠰᠠᠭ﹀ ᠭᠡᠵᠦ ᠡᠷᠲᠡᠨ ᠤ ᠬᠢᠲᠠᠳ ᠬᠡᠯᠡᠨ ᠠᠴᠠ ᠣᠷᠴᠢᠭᠤᠯᠵᠤ ᠪᠠᠭᠠ ᠰᠠᠭᠠ ᠲᠠᠶᠢᠯᠪᠤᠷᠢ | ᠬᠠᠳᠠᠭᠰᠠᠨ ᠪᠦᠲᠦᠭᠡᠯ ᠢᠶᠠᠨ ᠴᠦ ᠣᠯᠠᠨ ᠤ ᠬᠦᠷᠲᠡᠭᠡᠯ ᠪᠤᠯᠭᠠᠨ ᠨᠤᠮ ᠳᠤ ᠪᠠᠨ ᠤᠷᠤᠭᠤᠯᠤᠭᠰᠠᠨ ᠶᠤᠮ︾ ᠬᠡᠮᠡᠨ | ᠲᠦᠮᠡᠨᠪᠠᠶᠠᠷ ᠪᠠᠶᠠᠷᠲᠠᠢ ᠤᠴᠢᠷᠯᠠᠨᠠ᠃ | ᠨᠣᠮ ᠤᠨ ᠬᠤᠷᠠ ᠪᠢᠯᠢᠭ ᠤᠮᠲᠠᠯᠠᠭᠰᠠᠨ ᠰᠠᠶᠢᠬᠠᠨ ᠶᠣᠰᠤᠯᠠᠯ ᠥᠨᠳᠦᠷᠯᠡᠯᠡ᠃ ︽ᠥᠨᠢᠳᠡ ᠪᠠᠭ᠋ᠠᠷᠬᠠᠯᠲᠤ | ᠠᠪᠠᠭᠠ ᠨᠤᠲᠤᠭ︾ ᠨᠣᠮ ᠨᠢ ᠦᠶᠡ ᠦᠶᠡ ᠶᠢᠨ ᠠᠪᠠᠭᠠ ᠲᠦᠮᠡᠨ ᠤ ᠰᠡᠳᠭᠢᠯ ᠤᠨ ᠲᠠᠭᠠᠰᠢᠶᠠᠯ ᠪᠣᠯᠬᠤ ᠨᠢ | ᠶᠠᠷᠢᠶᠠᠨ ᠦᠭᠡᠢ᠃ |