| ᠠᠳᠤᠭᠤᠨ ᠤ ᠠᠵᠤ ᠦᠢᠯᠡᠰ ᠢ ᠬᠦᠭᠵᠢᠬᠦᠯᠵᠤ᠂ ᠠᠳᠤᠭᠤᠨ ᠤ ᠠᠰᠢᠭ ᠰᠢᠮᠠ ᠶᠢ ᠭᠠᠳᠠᠭᠰᠢ | ᠪᠤᠷᠤᠯᠠᠭᠤᠯᠵᠤ᠂ ᠤᠷᠤᠨ ᠨᠤᠳᠤᠭ ᠤᠨ ᠢᠶᠠᠨ ᠰᠢᠯᠢᠳᠡᠭ ᠡᠬᠦᠯᠳᠡᠷ ᠤᠨ ᠠᠳᠤᠭᠤ ᠶᠢ ᠭᠠᠳᠠᠭᠰᠢ ᠤᠬᠠᠭᠤᠯᠬᠤ ᠲᠠᠯᠠ | ᠳᠤ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠯᠠᠨ ᠲᠠᠯᠠ ᠠᠴᠠ ᠠᠵᠢᠯᠯᠠᠵᠤ ᠪᠠᠶᠢᠳᠠᠭ᠃ ᠮᠠᠨ ᠤ ᠠᠶᠢᠮᠠᠭ ᠤᠨ ᠤᠷᠤᠨ | ᠨᠤᠳᠤᠭ ᠤᠨ ᠰᠢᠯᠢᠳᠡᠭ ᠡᠬᠦᠯᠳᠡᠷ ᠤᠨ ᠠᠳᠤᠭᠤ ᠪᠤᠯᠬᠤ ᠠᠪᠠᠭᠠ ᠶᠢᠨ ᠰᠠᠩᠰᠠᠨ ᠬᠠᠷᠠ ᠠᠳᠤᠭᠤ ᠶᠢ ᠶᠠᠷᠢᠬᠤ ᠪᠠᠷ | ᠤᠯᠠᠨ ᠬᠦᠮᠤᠨ ᠰᠠᠶᠢᠨ ᠮᠡᠳᠡᠳᠡᠭ᠃ ᠪᠠᠶᠠ ᠴᠤᠭᠴᠠ ᠨᠢ ᠲᠠᠰ ᠬᠠᠷᠠ ᠦᠩᠬᠡ ᠲᠠᠢ ᠲᠤᠰ ᠲᠦᠷᠤᠯ ᠤᠨ ᠠᠳᠤᠭᠤ | ᠨᠢ ᠠᠪᠠᠭᠠ ᠨᠤᠳᠤᠭ ᠤᠨ ᠬᠤᠶᠢᠳᠤ ᠪᠠᠶᠠ ᠶᠢᠨ ᠬᠠᠬᠢᠷ ᠬᠦᠢᠳᠡᠨ ᠠᠭᠤᠷ ᠠᠮᠢᠰᠬᠤᠯ ᠳᠤ ᠵᠤᠬᠢᠴᠠᠭᠰᠡᠨ ᠤᠷᠤᠨ | ᠨᠤᠳᠤᠭ ᠤᠨ ᠠᠳᠤᠭᠤᠨ ᠤ ᠡᠬᠦᠯᠳᠡᠷ ᠪᠤᠯᠬᠤ ᠶᠤᠮ᠃ ᠨᠤᠳᠤᠭ ᠤᠨ ᠠᠷᠡᠳ ᠨᠢ ᠦᠶᠠ ᠶᠢᠨ ᠦᠶᠠ ᠳᠤ ᠰᠠᠩᠰᠠᠨ | ᠬᠠᠷᠠ ᠠᠳᠤᠭᠤ ᠪᠠᠨ ᠮᠠᠯᠵᠢᠨ᠂ ᠲᠡᠬᠦᠨ ᠤ ᠪᠠᠨ ᠠᠰᠢᠭ ᠰᠢᠮᠠ ᠶᠢ ᠬᠦᠷᠳᠡᠭᠰᠡᠬᠡᠷ ᠢᠷᠡᠵᠤ᠂ ᠤᠳᠤ ᠪᠤᠯᠬᠤ ᠳᠤ | ᠰᠠᠩᠰᠠᠨ ᠬᠠᠷᠠ ᠠᠳᠤᠭᠤ ᠪᠠᠨ ᠠᠵᠤ ᠦᠢᠯᠡᠰ ᠪᠤᠯᠭᠠᠨ ᠬᠦᠭᠵᠢᠬᠦᠯᠵᠤ᠂ ᠤᠷᠤᠨ ᠨᠤᠳᠤᠭ ᠤᠨ ᠢᠶᠠᠨ ᠨᠢᠬᠡᠨ | ᠨᠠᠷᠠᠳᠤ ᠲᠡᠮᠳᠡᠭ ᠪᠤᠯᠭᠠᠨ ᠭᠠᠳᠠᠭᠰᠢ ᠤᠬᠠᠭᠤᠯᠵᠤ ᠪᠠᠶᠢᠭᠠ ᠶᠤᠮ᠃ | ᠠᠪᠠᠭᠠ ᠬᠤᠰᠢᠭᠤᠨ ᠤ ᠵᠢᠷᠭᠠᠯᠠᠩᠳᠤ ᠰᠤᠮᠤᠨ ᠤ ᠬᠠᠶᠢᠷᠬᠠᠨ ᠭᠠᠴᠠᠭᠠᠨ ᠤ ᠨᠠᠰᠤᠡᠪᠠᠭᠠᠳᠤᠷ ᠪᠤᠯ ᠰᠠᠩᠰᠠᠨ | ᠬᠠᠷᠠ ᠠᠳᠤᠭᠤ ᠮᠠᠯᠵᠢᠵᠤ᠂ ᠬᠠᠷᠠ ᠠᠳᠤᠭᠤᠨ ᠤ ᠪᠠᠨ ᠠᠰᠢᠭ ᠰᠢᠮᠠ ᠶᠢ ᠬᠦᠷᠳᠡᠵᠤ ᠠᠰᠢᠭᠯᠠᠵᠤ ᠶᠠᠪᠤᠭᠠ ᠮᠠᠯᠴᠢᠨ | ᠤ ᠨᠢᠬᠡᠨ ᠶᠤᠮ᠃ ᠲᠠᠷᠠᠪᠠᠷ 2014 ᠤᠨ ᠠᠴᠠ ᠠᠳᠤᠭᠤᠨ ᠰᠦᠷᠦᠭ ᠢᠶᠠᠨ ᠪᠦᠬᠦᠨ ᠢ ᠰᠠᠩᠰᠠᠨ ᠬᠠᠷᠠ ᠠᠳᠤᠭᠤ | ᠪᠤᠯᠭᠠᠨ ᠮᠠᠯᠵᠢᠭᠰᠡᠨ ᠬᠡᠳᠡᠭ᠃ ᠦᠩᠬᠡᠷᠡᠬᠦ ᠡᠪᠤᠯ ᠨᠠᠰᠤᠡᠪᠠᠭᠠᠳᠤᠷ ᠤᠨ ᠬᠢᠨ 200 ᠭᠠᠷᠤᠢ ᠬᠠᠷᠠ ᠠᠳᠤᠭᠤ | ᠡᠪᠤᠯᠵᠢᠬᠦᠯᠵᠤ ᠪᠢᠯᠠ᠃ ᠨᠠᠰᠤᠡᠪᠠᠭᠠᠳᠤᠷ᠄ ︽ᠮᠠᠨ ᠤ ᠠᠪᠤ ᠲᠡᠬᠡᠳᠤ ᠶᠢᠨ ᠦᠶᠠ ᠠᠴᠠ ᠪᠠᠨ ᠪᠦᠷ ᠠᠳᠤᠭᠤ | ᠮᠠᠯᠵᠢᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ ᠬᠡᠪᠡᠴᠤ ᠲᠡᠷᠡ ᠦᠶᠠ ᠳᠤ ᠶᠠᠭ ᠪᠦᠬᠦᠨ ᠢᠶᠠᠷ ᠢᠶᠠᠨ ᠬᠠᠷᠠ ᠵᠢᠰᠤᠮ ᠤᠨ ᠠᠳᠤᠭᠤ | ᠮᠠᠯᠵᠢᠵᠤ ᠪᠠᠶᠢᠭᠰᠡᠨ ᠦᠬᠡᠢ᠃ ᠪᠢ ᠪᠤᠯ ᠠᠳᠤᠭᠤᠨ ᠳᠤ ᠬᠠᠶᠢᠷᠠᠳᠡᠢ ᠬᠦᠮᠤᠨ ᠪᠤᠯᠬᠤᠷ ᠠᠳᠤᠭᠤ ᠪᠠᠨ ᠰᠠᠶᠢᠳᠤᠷ | ᠮᠠᠯᠵᠢᠶᠠ᠂ ᠤᠷᠤᠨ ᠨᠤᠳᠤᠭ ᠤᠨ ᠢᠶᠠᠨ ᠰᠢᠯᠢᠳᠡᠭ ᠡᠬᠦᠯᠳᠡᠷ ᠤᠨ ᠠᠳᠤᠭᠤ ᠪᠠᠨ ᠬᠠᠶᠢᠷᠠᠯᠠᠨ ᠬᠠᠮᠭᠠᠯᠠᠶᠠ ᠬᠡᠵᠤ | 2014 ᠤᠨ ᠳᠤ ᠴᠠᠩᠬᠡᠯᠪᠤᠯᠠᠭ ᠠᠴᠠ 40 ᠬᠠᠷᠠ ᠬᠡᠬᠦᠦ ᠬᠤᠳᠠᠯᠳᠤᠨ ᠠᠪᠤᠭᠰᠡᠨ ᠶᠤᠮ︾ ᠬᠡᠵᠤ ᠶᠠᠷᠢᠯᠠ᠃ | ᠨᠠᠰᠤᠡᠪᠠᠭᠠᠳᠤᠷ ᠤᠨ ᠬᠢᠨ 2016 ᠤᠨ ᠳᠤ ᠬᠡᠬᠦᠦ ᠪᠠᠷᠢᠵᠤ ᠴᠡᠭᠡ ᠭᠠᠷᠭᠠᠵᠤ ᠪᠤᠷᠤᠯᠠᠭᠤᠯᠵᠤ ᠡᠬᠢᠯᠡᠵᠡᠢ᠃ | ︽ᠠᠩᠬᠠ ᠠᠷᠪᠠᠨ ᠬᠡᠳᠤᠨ ᠬᠡᠬᠦᠦ ᠪᠠᠨ ᠰᠠᠭᠠᠬᠤ ᠳᠤ ᠴᠤᠯ ᠬᠦᠮᠤᠨ ᠤ ᠬᠦᠴᠤ ᠪᠠᠷ ᠰᠠᠭᠠᠵᠤ ᠪᠠᠶᠢᠭᠰᠡᠨ᠃ ᠲᠡᠷᠡ | ᠦᠶᠠ ᠳᠤ ᠬᠠᠩᠭᠠᠯᠭᠠ ᠨᠢ ᠬᠡᠷᠡᠭᠴᠡᠬᠡᠨ ᠳᠤ ᠬᠦᠷᠬᠦ ᠦᠬᠡᠢ ᠪᠠᠶᠢᠳᠠᠯ ᠴᠤ ᠭᠠᠷᠴᠤ ᠪᠠᠶᠢᠭᠰᠡᠨ᠂ ᠰᠠᠬᠦᠯᠠᠷ ᠨᠢ | ᠰᠠᠭᠠᠬᠤ ᠬᠡᠬᠦᠦ ᠤᠯᠠᠨ ᠪᠤᠯᠵᠤ᠂ ᠲᠤᠰᠬᠠᠢ ᠬᠡᠬᠦᠦ ᠰᠠᠭᠠᠬᠤ ᠫᠸᠡᠭ ᠪᠠᠶᠢᠭᠤᠯᠵᠤ᠂ ᠵᠢᠶᠠᠰᠠ ᠭᠠᠩᠨᠠᠨ ᠮᠠᠰᠢᠨ ᠢᠶᠠᠷ | ᠬᠡᠬᠦᠦ ᠰᠠᠭᠠᠵᠤ ᠡᠬᠢᠯᠡᠭᠰᠡᠨ ᠶᠤᠮ᠃ ᠡᠨ᠋ᠨ ᠨᠢ ᠨᠢᠬᠡ ᠳᠤ ᠬᠦᠮᠤᠨ ᠤ ᠬᠦᠴᠤᠨ ᠳᠤ ᠠᠷᠪᠢᠳᠡᠢ᠂ ᠨᠦᠬᠦᠬᠡ ᠲᠠᠯᠠ | ᠪᠠᠷ ᠴᠠᠭ ᠲᠤ ᠴᠤ ᠠᠷᠪᠢᠳᠡᠢ᠃ ᠲᠤᠬᠠᠢ ᠶᠢᠨ ᠦᠶᠠ ᠳᠤ ᠬᠤᠰᠢᠭᠤᠨ ᠲᠦᠪ ᠤᠷᠤᠭᠤ ᠬᠦᠷᠬᠡᠵᠤ ᠪᠤᠷᠤᠯᠠᠭᠤᠯᠵᠤ | ᠪᠠᠶᠢᠭᠰᠡᠨ ᠶᠤᠮ︾ ᠬᠡᠵᠤ ᠨᠠᠰᠤᠡᠪᠠᠭᠠᠳᠤᠷ ᠶᠠᠷᠢᠨᠠ᠃ | 2018 ᠤᠨ ᠳᠤ ᠨᠠᠰᠤᠡᠪᠠᠭᠠᠳᠤᠷ 6 ᠡᠷᠤᠬᠡ ᠲᠠᠢ ᠬᠤᠯᠪᠤᠭᠠᠯᠠᠵᠤ ︽ᠪᠠᠶᠢᠭᠠᠯᠢ ᠴᠡᠭᠡ︾ ᠬᠤᠷᠰᠢᠶᠠᠵᠢᠯ | ᠢᠶᠠᠨ ᠪᠠᠶᠢᠭᠤᠯᠵᠤ᠂ ᠬᠠᠮᠳᠤᠪᠠᠷ ᠴᠡᠭᠡ ᠪᠠᠨ ᠰᠠᠭᠠᠵᠤ ᠪᠤᠷᠤᠯᠠᠭᠤᠯᠵᠤ ᠡᠬᠢᠯᠡᠭᠰᠡᠨ ᠢᠶᠠᠷ ᠡᠷᠤᠬᠡ ᠪᠤᠯᠭᠠᠨ ᠡᠬᠡᠯᠵᠢᠯᠠᠨ | ᠬᠤᠰᠢᠭᠤᠨ ᠲᠦᠪ ᠲᠡᠭᠡᠨ ᠴᠡᠭᠡ ᠪᠠᠨ ᠬᠦᠷᠬᠡᠳᠡᠭ ᠬᠡᠯᠠ᠃ ︽ᠤᠯᠠᠨ ᠤ ᠬᠦᠴᠤᠨ ᠳᠤ ᠤᠪᠤᠭᠠ ᠪᠤᠰᠤᠨᠠ︾ | ᠬᠡᠳᠡᠭᠴᠢᠯᠡᠨ ᠬᠠᠮᠳᠤᠷᠠᠵᠤ ᠬᠤᠷᠰᠢᠭᠰᠡᠨ ᠤ ᠲᠠᠷᠠᠭᠠ ᠴᠡᠭᠡ ᠶᠢᠨ ᠭᠠᠷᠤᠯᠳᠠ ᠴᠤ ᠨᠡᠮᠡᠭᠳᠡᠨ᠂ ᠡᠮᠨᠡᠯᠬᠡ ᠶᠢᠨ | ᠬᠤᠷᠢᠶᠠᠨ ᠤ ᠴᠡᠭᠡ ᠰᠤᠪᠢᠯᠠᠯᠳᠠ ᠳᠤ ᠬᠡᠷᠡᠭᠰᠡᠬᠦ ᠴᠡᠭᠡ ᠵᠡᠷᠬᠡ ᠶᠡᠭᠡ ᠬᠡᠮᠵᠢᠶᠠᠨ ᠤ ᠵᠠᠬᠢᠶᠠᠯᠠᠭᠠ ᠨᠤᠭᠤᠳ ᠢ ᠲᠤᠰᠬᠤ | ᠪᠤᠯᠤᠭᠰᠡᠨ ᠪᠠᠶᠢᠨᠠ᠃ ᠲᠠᠷᠠᠭᠠ ᠵᠢᠯ ᠨᠢ ᠲᠤᠰᠬᠠᠢ ᠲᠠᠸᠠᠷ ᠤᠨ ᠲᠡᠮᠳᠡᠭ ᠲᠠᠩᠰᠠᠯᠠᠭᠤᠯᠵᠤ᠂ ᠴᠡᠭᠡ ᠪᠠᠨ ᠨᠠᠩ | ᠰᠠᠶᠢᠨ ᠪᠤᠷᠤᠯᠠᠭᠤᠯᠬᠤ ᠪᠠᠷ ᠲᠤᠰᠬᠠᠢ ᠪᠤᠭᠤᠳᠠᠯ ᠪᠠᠭᠯᠠᠭᠠ ᠬᠢᠯᠬᠡᠵᠤ᠂ ᠬᠡᠬᠦᠦ ᠪᠠᠨ ᠪᠠᠰᠠ ᠡᠪᠤᠯ ᠰᠠᠭᠠᠵᠤ᠂ ᠵᠢᠯ | ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ ᠴᠡᠭᠡ ᠭᠠᠷᠭᠠᠵᠤ ᠡᠬᠢᠯᠡᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠬᠡᠢ ᠬᠤᠰᠢᠭᠤᠨ ᠲᠦᠪ ᠲᠡᠭᠡᠨ ᠴᠡᠭᠡ | ᠶᠢᠨ ᠲᠡᠯᠬᠡᠬᠦᠷ ᠡᠷᠬᠢᠯᠡᠨ ᠠᠵᠢᠯᠯᠠᠭᠤᠯᠵᠤ ᠪᠢᠯᠠ᠃ ᠨᠠᠰᠤᠡᠪᠠᠭᠠᠳᠤᠷ᠄ ︽ᠡᠪᠤᠯ ᠤᠨ ᠤᠯᠠᠷᠢᠯ ᠳᠤ ᠬᠡᠬᠦᠦ ᠪᠠᠨ | ᠪᠠᠯᠴᠢᠬᠡᠷ ᠲᠤ ᠭᠠᠷᠭᠠᠬᠤ ᠦᠬᠡᠢ ᠲᠠᠵᠢᠬᠡᠳᠡᠭ ᠪᠤᠯᠬᠤᠷ ᠡᠪᠤᠯ ᠤᠨ ᠤᠯᠠᠷᠢᠯ ᠤᠨ ᠴᠡᠭᠡ ᠶᠢᠨ ᠦᠨᠠ ᠬᠠᠩᠰᠢ ᠴᠤ | ᠦᠨᠠᠳᠡᠢ᠃ ᠡᠨ᠋ᠨ ᠨᠢ ᠠᠳᠤᠭᠤᠨ ᠤ ᠪᠠᠨ ᠠᠰᠢᠭ ᠰᠢᠮᠠ ᠶᠢ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ ᠠᠰᠢᠭᠯᠠᠵᠤ ᠲᠠᠶᠢᠯᠬᠦ | ᠪᠠᠷ ᠪᠠᠷᠠᠬᠤ ᠦᠬᠡᠢ ᠪᠠᠯᠴᠢᠬᠡᠷ ᠢᠶᠠᠨ ᠴᠤ ᠭᠠᠮᠨᠠᠴᠢᠬᠠᠨᠠ︾ ᠬᠡᠮᠡᠨ ᠶᠠᠷᠢᠯᠠ᠃ | ᠦᠩᠬᠡᠷᠡᠭᠰᠡᠨ ᠳᠤ ᠬᠤᠷᠰᠢᠶᠠᠵᠢᠯ ᠢᠶᠠᠷ ᠢᠶᠠᠨ ᠪᠠᠭᠠ ᠬᠡᠯᠪᠡᠷᠢ ᠶᠢᠨ ᠦᠨᠢᠶᠠ ᠰᠠᠭᠠᠳᠠᠭ ᠮᠠᠰᠢᠨ ᠢᠶᠠᠷ ᠬᠡᠬᠦᠦ | ᠪᠠᠨ ᠰᠠᠭᠠᠳᠠᠭ ᠪᠠᠶᠢᠭᠰᠡᠨ ᠪᠤᠯ 2022 ᠤᠨ ᠠᠴᠠ ᠲᠤᠮᠤ ᠬᠡᠯᠪᠡᠷᠢ ᠶᠢᠨ ᠬᠡᠬᠦᠦ ᠰᠠᠭᠠᠬᠤ ᠮᠠᠰᠢᠨ ᠤᠷᠤᠭᠤᠯᠵᠤ | ᠬᠡᠬᠦᠦ ᠪᠠᠨ ᠰᠠᠭᠠᠬᠤ ᠪᠤᠯᠤᠭᠰᠡᠨ ᠢᠶᠠᠷ ᠬᠦᠮᠤᠨ ᠤ ᠬᠦᠴᠤᠨ ᠳᠤ ᠠᠷᠪᠢᠳᠡᠢ ᠪᠤᠯᠤᠭᠰᠡᠨ ᠮᠦᠷᠳᠡᠬᠡᠨ ᠴᠠᠭ ᠲᠤ ᠴᠤ | ᠠᠷᠪᠢᠳᠡᠢ ᠪᠤᠯᠤᠭᠰᠡᠨ ᠪᠠᠶᠢᠨᠠ᠃ ᠦᠢᠯᠠᠭᠠᠭᠰᠡᠨ ᠢᠶᠠᠷ᠂ ᠲᠤᠰ ᠮᠠᠰᠢᠨ ᠨᠢ ᠨᠢᠬᠡ ᠤᠳᠠᠭᠠ ᠳᠤ 30 ᠬᠡᠬᠦᠦ ᠶᠢ | ᠰᠠᠭᠠᠵᠤ᠂ ᠲᠠᠪᠢᠭᠠᠳ ᠬᠡᠬᠦᠦ ᠶᠢ 20 ᠮᠢᠨᠦ᠋ᠲ ᠲᠤ ᠰᠠᠭᠠᠴᠢᠬᠠᠳᠠᠭ ᠪᠠᠶᠢᠨᠠ᠃ ᠤᠳᠤ ᠬᠤᠷᠰᠢᠶᠠᠵᠢᠯ ᠢᠶᠠᠷ ᠢᠶᠠᠨ | 600 ᠤᠷᠴᠢᠮ ᠠᠳᠤᠭᠤ ᠲᠠᠢ ᠪᠤᠯᠤᠨ ᠦᠷᠬᠡᠵᠢᠵᠡᠢ᠃ ᠠᠳᠤᠭᠤᠨ ᠤ ᠠᠵᠤ ᠦᠢᠯᠡᠰ ᠢᠶᠠᠨ ᠨᠠᠩ ᠰᠠᠶᠢᠨ | ᠬᠦᠭᠵᠢᠬᠦᠯᠬᠦ ᠪᠠᠷ ᠨᠠᠰᠤᠡᠪᠠᠭᠠᠳᠤᠷ ᠬᠤᠷᠰᠢᠶᠠᠵᠢᠯ ᠢᠶᠠᠨ ᠦᠢᠯᠡᠳᠪᠤᠷᠢ ᠪᠤᠯᠭᠠᠨ ᠦᠷᠬᠡᠳᠬᠡᠨ ᠠᠵᠢᠯᠯᠠᠭᠤᠯᠵᠤ᠂ | 100 ᠲᠦᠮᠡᠨ ᠲᠦᠬᠦᠷᠢᠭ ᠤᠨ ᠪᠡᠯᠡ ᠮᠦᠩᠬᠦ ᠵᠠᠷᠤᠴᠠᠭᠤᠯᠵᠤ ᠮᠠᠰᠢᠨ ᠲᠦᠬᠦᠬᠡᠷᠤᠮᠵᠢ᠂ ᠦᠢᠯᠡᠳᠪᠤᠷᠢ ᠶᠢᠨ | ᠲᠠᠰᠤᠭ᠂ ᠬᠦᠢᠳᠡᠨ ᠬᠦᠮᠤᠷᠬᠡ ᠵᠠᠷᠬᠡ ᠪᠠᠶᠢᠭᠤᠯᠵᠤ᠂ ᠦᠨᠤ ᠵᠢᠯ ᠳᠤ ᠠᠰᠢᠭᠯᠠᠯᠳᠠ ᠳᠤ ᠤᠷᠤᠭᠤᠯᠬᠤ ᠪᠠᠷ ᠪᠤᠢ᠃ | ᠤᠯᠠᠨ ᠤ ᠮᠠᠳᠡᠬᠡᠵᠢ ᠪᠠᠷ ᠠᠪᠠᠭᠠ ᠬᠠᠷᠠ ᠠᠳᠤᠭᠤ᠂ ᠬᠡᠰᠢᠭᠳᠡᠨ ᠤ ᠲᠠᠮᠤᠷ ᠲᠤᠭᠤᠷᠠᠶᠢᠳᠤ ᠠᠳᠤᠭᠤ᠂ | ᠤᠷᠳᠤᠰ ᠤᠨ ᠦᠤᠰᠢᠨ ᠠᠳᠤᠭᠤ᠂ ᠦᠵᠤᠮᠤᠴᠢᠨ ᠴᠠᠭᠠᠨ ᠠᠳᠤᠭᠤ ᠪᠤᠯ ᠦᠪᠤᠷ ᠮᠤᠩᠭᠤᠯ ᠤᠨ ᠨᠠᠷᠠᠳᠤ ᠲᠦᠷᠪᠡᠨ | ᠡᠬᠦᠯᠳᠡᠷ ᠤᠨ ᠠᠳᠤᠭᠤ ᠪᠤᠯᠬᠤ ᠶᠤᠮ᠃ 2.75 ᠲᠦᠮᠡᠨ ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠨᠤᠳᠤᠭ ᠲᠠᠪᠢᠰᠬᠡᠷ | ᠲᠠᠢ ᠠᠪᠠᠭᠠ ᠨᠤᠳᠤᠭ 2.64 ᠲᠦᠮᠡᠨ ᠠᠳᠤᠭᠤ ᠮᠠᠯᠵᠢᠵᠤ᠂ ᠡᠬᠦᠨ ᠳᠤ 8400 ᠬᠠᠷᠠ ᠠᠳᠤᠭᠤ ᠪᠠᠶᠢᠳᠠᠭ᠃ | 2009 ᠤᠨ ᠤ 10 ᠰᠠᠷᠠ ᠳᠤ᠂ ᠠᠪᠠᠭᠠ ᠬᠠᠷᠠ ᠠᠳᠤᠭᠤ ᠬᠡᠮᠡᠬᠦ ᠡᠬᠦᠯᠳᠡᠷ ᠨᠢ ᠲᠤᠮᠳᠠᠳᠤ ᠤᠯᠤᠰ ᠤᠨ | ᠰᠢᠯᠢᠳᠡᠭ ᠡᠬᠦᠯᠳᠡᠷ ᠤᠨ ᠮᠠᠯ ᠲᠡᠵᠢᠬᠡᠪᠤᠷᠢ ᠶᠢᠨ ᠤᠳᠤᠮᠰᠢᠯ ᠤᠨ ᠡᠬᠢ ᠪᠠᠶᠠᠯᠢᠭ ᠢᠶᠠᠷ ᠲᠤᠭᠳᠠᠭᠠᠭᠳᠠᠵᠠᠢ᠃ ᠠᠪᠠᠭᠠ | ᠬᠤᠰᠢᠭᠤ ᠤᠷᠢᠳ ᠬᠤᠵᠢᠳ ᠲᠤᠮᠳᠠᠳᠤ ᠤᠯᠤᠰ ᠤᠨ ᠦᠡᠳᠤᠰᠤᠳᠠᠨ ᠤ ᠠᠷᠠᠯᠵᠢᠶᠠ ᠶᠢ ᠠᠬᠢᠭᠤᠯᠬᠤ ᠬᠤᠷᠡᠯ᠂ | ᠲᠤᠮᠳᠠᠳᠤ ᠤᠯᠤᠰ ᠤᠨ ᠤᠡᠴᠠᠯᠢᠭᠳᠤ ᠠᠵᠤ ᠦᠢᠯᠡᠰ ᠤᠨ ᠨᠤᠳᠤᠭ ᠤᠨ ᠬᠢᠨᠡᠨ ᠲᠤᠭᠳᠠᠭᠠᠬᠤ ᠵᠦᠪᠯᠡᠯ ᠠᠴᠠ ︽ | ᠲᠤᠮᠳᠠᠳᠤ ᠤᠯᠤᠰ ᠤᠨ ᠬᠠᠷᠠ ᠠᠳᠤᠭᠤᠨ ᠰᠤᠶᠤᠯ ᠤᠨ ᠦᠯᠤᠬᠡᠢ︾᠂ ︽ᠲᠤᠮᠳᠠᠳᠤ ᠤᠯᠤᠰ ᠤᠨ ᠴᠡᠭᠡ ᠶᠢᠨ | ᠦᠯᠤᠬᠡᠢ︾ ᠵᠡᠷᠬᠡ ᠨᠠᠷᠠᠶᠢᠳᠤᠯ ᠢ ᠤᠯᠤᠭᠰᠠᠨ ᠪᠠᠶᠢᠨᠠ᠃ ᠦᠢᠯᠠᠭᠠᠭᠰᠡᠨ ᠢᠶᠠᠷ᠂ ᠤᠳᠤ ᠪᠦᠬᠦ ᠬᠤᠰᠢᠭᠤᠨ ᠤ | ᠠᠳᠤᠭᠤ ᠮᠠᠯᠵᠢᠵᠤ ᠪᠠᠶᠢᠭᠠ ᠡᠷᠤᠬᠡ 857 ᠳᠤ ᠬᠦᠷᠴᠤ᠂ ᠡᠬᠦᠨ ᠳᠤ 206 ᠡᠷᠤᠬᠡ ᠨᠢ ᠠᠪᠠᠭᠠ ᠬᠠᠷᠠ ᠠᠳᠤᠭᠤ | ᠮᠠᠯᠵᠢᠵᠤ᠂ 11 ᠬᠠᠷᠠ ᠠᠳᠤᠭᠤ ᠶᠢᠨ ᠪᠠᠷᠢᠮᠵᠢᠶᠠᠵᠢᠭᠰᠡᠨ ᠲᠡᠵᠢᠬᠡᠨ ᠦᠷᠡᠵᠢᠬᠦᠯᠬᠦ ᠰᠠᠭᠤᠷᠢᠨ ᠭᠠᠵᠡᠷ᠂ 15 | ᠠᠪᠠᠭᠠ ᠬᠠᠷᠠ ᠠᠳᠤᠭᠤᠨ ᠤ ᠭᠤᠤᠯᠳᠠᠯᠭᠠᠳᠤ ᠰᠦᠷᠦᠭ ᠪᠠᠶᠢᠵᠤ᠂ ᠡᠬᠦᠨ ᠠᠴᠠ ᠭᠠᠳᠠᠨᠠ ᠠᠪᠠᠭᠠ ᠬᠠᠷᠠ ᠠᠳᠤᠭᠤ | ᠪᠠᠨ ᠬᠠᠮᠠᠭᠠᠯᠠᠬᠤ ᠪᠠᠷ ᠦᠷᠠ ᠶᠢᠨ ᠮᠠᠯ ᠤᠨ ᠲᠠᠯᠠᠪᠠᠢ ᠪᠠᠶᠢᠭᠤᠯᠵᠤ᠂ 100 ᠭᠠᠷᠤᠢ ᠠᠪᠠᠭᠠ ᠬᠠᠷᠠ ᠠᠳᠤᠭᠤ | ᠮᠠᠯᠵᠢᠵᠤ᠂ 2022 ᠤᠨ ᠪᠤᠯᠤᠨ 2023 ᠤᠨ ᠳᠤ ᠨᠠᠶᠢᠳᠠ ᠲᠦᠮᠡ ᠭᠠᠷᠤᠢ ᠰᠢᠷᠬᠡᠭ ᠠᠪᠠᠭᠠ ᠬᠠᠷᠠ ᠠᠳᠤᠭᠤ | ᠶᠢᠨ ᠦᠷᠠ ᠶᠢ ᠠᠪᠴᠤ ᠬᠠᠳᠠᠭᠠᠯᠠᠵᠤ᠂ ᠡᠬᠦᠯᠳᠡᠷ ᠢ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠢᠶᠠᠨ ᠶᠠᠪᠤᠭᠳᠠᠭᠤᠯᠵᠤ ᠪᠠᠶᠢᠭᠠ ᠶᠤᠮ᠃ | ᠦᠢᠷᠠ ᠶᠢᠨ ᠵᠢᠯ ᠳᠤ᠂ ᠠᠪᠠᠭᠠ ᠬᠤᠰᠢᠭᠤ ᠠᠳᠤᠭᠤᠨ ᠤ ᠠᠵᠤ ᠦᠢᠯᠡᠰ ᠤᠨ ᠤᠯᠠᠨ ᠡᠰᠢᠵᠢᠬᠦᠯᠦᠭᠰᠡᠨ | ᠬᠦᠭᠵᠢᠯᠳᠠ ᠶᠢ ᠲᠦᠯᠬᠢᠨ ᠠᠬᠢᠭᠤᠯᠵᠤ᠂ ᠬᠦᠳᠡᠭᠡ ᠲᠤᠰᠬᠤᠨ ᠢ ᠬᠦᠭᠵᠢᠬᠦᠯᠤᠨ ᠮᠠᠡᠳᠤᠭᠤᠯᠬᠤ ᠠᠬᠢᠴᠠ ᠶᠢ | ᠲᠦᠷᠬᠡᠳᠬᠡᠬᠦ ᠪᠠᠷ ᠰᠢᠨᠠ ᠰᠦᠪᠡᠭᠴᠢᠯᠡᠯᠳᠡ ᠢᠶᠠᠨ ᠪᠤᠯᠭᠠᠵᠤ ᠪᠤᠢ᠃ ᠠᠪᠠᠭᠠ ᠬᠤᠰᠢᠭᠤ ᠤᠡᠴᠠᠯᠢᠭᠳᠤ ᠠᠳᠤᠭᠤᠨ ᠤ | ᠠᠵᠤ ᠦᠢᠯᠡᠰ᠂ ᠮᠠᠯᠴᠢᠳ ᠤᠨ ᠤᠷᠤᠯᠭᠠ ᠶᠢ ᠨᠡᠮᠡᠭᠳᠡᠬᠦᠯᠬᠦ ᠵᠠᠮ ᠢ ᠦᠷᠬᠡᠳᠬᠡᠬᠦ᠂ ᠤᠷᠤᠨ ᠨᠤᠳᠤᠭ ᠤᠨ ᠨᠠᠷᠠᠳᠤ | ᠲᠡᠮᠳᠡᠭ ᠤᠨ ᠠᠯᠳᠠᠷᠰᠢᠯ ᠢ ᠲᠡᠬᠡᠭᠰᠢᠯᠡᠬᠦᠯᠬᠦ᠂ ᠠᠵᠤ ᠦᠢᠯᠡᠰ ᠤᠨ ᠬᠡᠯᠬᠢᠶᠠᠵᠢᠯ ᠢ ᠤᠷᠳᠤᠳᠬᠠᠬᠤ ᠵᠠᠷᠬᠡ ᠲᠠᠯᠠ ᠳᠤ | ᠶᠡᠭᠡ ᠬᠡᠮᠵᠢᠶᠠᠨ ᠤ ᠪᠡᠯᠡᠳᠬᠡᠯ ᠠᠵᠢᠯ ᠬᠢᠵᠤ᠂ ᠠᠪᠠᠭᠠ ᠴᠡᠭᠡ ᠶᠢᠨ ᠨᠠᠷᠠᠳᠤ ᠲᠡᠮᠳᠡᠭ ᠢ ᠭᠠᠳᠠᠭᠰᠢ ᠤᠬᠠᠭᠤᠯᠵᠤ᠂ | ᠤᠯᠤᠰ ᠲᠠᠶᠠᠭᠠᠷ ᠲᠤ ᠠᠯᠳᠠᠷᠰᠢᠭᠤᠯᠬᠤ ᠶᠢ ᠲᠦᠯᠬᠢᠨ ᠠᠬᠢᠭᠤᠯᠵᠤ᠂ ᠴᠡᠭᠡ ᠶᠢᠨ ᠨᠠᠷᠠᠳᠤ ᠲᠡᠮᠳᠡᠭ ᠤᠨ ᠨᠠᠷᠠ | ᠠᠯᠳᠠᠷᠰᠢᠯ ᠢ ᠤᠯᠠᠮ ᠨᠢᠬᠡ ᠠᠯᠬᠤᠮ ᠲᠡᠬᠡᠭᠰᠢᠯᠡᠬᠦᠯᠪᠡ᠃ | ᠠᠪᠠᠭᠠ ᠴᠡᠭᠡ ᠬᠡᠵᠤ ᠶᠠᠭ ᠠᠪᠠᠭᠠ ᠬᠠᠷᠠ ᠠᠳᠤᠭᠤᠨ ᠤ ᠠᠰᠢᠭ ᠰᠢᠮᠠ ᠶᠢ ᠬᠠᠮᠤᠷᠤᠭᠰᠡᠨ ᠰᠢᠮᠠᠳᠤ | ᠤᠮᠳᠠᠭᠠᠨ ᠪᠤᠯᠤᠨᠠ᠃ ᠠᠪᠠᠭᠠ ᠴᠡᠭᠡ ᠨᠢ ᠴᠠᠭᠠᠨ ᠢᠳᠡᠬᠡᠨ ᠤ ᠲᠦᠷᠤᠯ ᠳᠤ ᠪᠠᠭᠳᠠᠨ᠂ ᠰᠢᠮᠠ ᠲᠡᠵᠢᠬᠡᠯ ᠤᠨ | ᠬᠡᠮᠵᠢᠶᠠ ᠮᠠᠰᠢ ᠦᠡᠳᠤᠷ ᠪᠠᠶᠢᠵᠤ᠂ ᠪᠠᠶᠠ ᠰᠤᠪᠢᠯᠠᠬᠤ᠂ ᠬᠤᠳᠤᠭᠤᠳᠤ ᠬᠡᠳᠡᠰᠤᠨ ᠤ ᠠᠵᠢᠯᠯᠠᠭᠠ ᠶᠢ | ᠰᠠᠶᠢᠵᠢᠷᠠᠭᠤᠯᠬᠤ᠂ ᠦᠯᠤ ᠬᠠᠯᠳᠠᠭᠠᠬᠤ ᠴᠢᠳᠠᠪᠤᠷᠢ ᠶᠢ ᠲᠡᠬᠡᠭᠰᠢᠯᠡᠬᠦᠯᠬᠦ ᠵᠡᠷᠬᠡ ᠤᠯᠠᠨ ᠵᠥᠢᠯ ᠤᠨ ᠠᠰᠢᠭᠳᠡᠢ ᠲᠠᠯᠠ | ᠪᠠᠶᠢᠳᠠᠭ᠃ ᠡᠶᠢᠡᠬᠦ ᠠᠪᠠᠭᠠ ᠴᠡᠭᠡ ᠨᠢ ᠬᠡᠷᠡᠭᠯᠡᠭᠴᠢᠳ ᠤᠨ ᠲᠤᠮᠳᠠ ᠴᠤ ᠶᠡᠭᠡ ᠰᠠᠶᠢᠨ ᠨᠦᠯᠤᠬᠡ ᠲᠤᠰᠬᠠᠯ ᠲᠠᠢ | ᠪᠠᠶᠢᠵᠤ᠂ ᠱᠠᠩᠬᠠᠢ᠂ ᠭᠤᠸᠠᠩᠵᠸᠤ ᠵᠡᠷᠬᠡ ᠭᠠᠵᠡᠷ ᠤᠷᠤᠨ ᠳᠤ ᠬᠦᠷᠳᠡᠯᠠ ᠪᠤᠷᠤᠯᠠᠭᠤᠯᠤᠭᠳᠠᠵᠤ ᠪᠠᠶᠢᠳᠠᠭ᠃ | ᠠᠪᠠᠭᠠ ᠬᠤᠰᠢᠭᠤ ᠰᠦ ᠶᠢᠨ ᠠᠵᠤ ᠦᠢᠯᠡᠰ ᠢ ᠬᠦᠭᠵᠢᠬᠦᠯᠬᠦ ᠲᠦᠷᠤᠯ ᠵᠥᠢᠯ ᠢᠶᠠᠷ ᠴᠡᠭᠡ ᠭᠠᠷᠭᠠᠵᠤ ᠪᠠᠶᠢᠭᠠ | ᠮᠠᠯᠵᠢᠬᠤ ᠡᠷᠤᠬᠡ᠂ ᠭᠠᠷ ᠦᠢᠯᠡᠳᠬᠡᠯ ᠤᠨ ᠭᠠᠵᠡᠷ ᠤᠨ ᠰᠠᠭᠤᠷᠢ ᠪᠦᠳᠤᠬᠡᠨ ᠪᠠᠶᠢᠭᠤᠯᠤᠯᠳᠠ ᠳᠤ ᠲᠡᠮᠵᠢᠯᠬᠡ | ᠦᠵᠡᠬᠦᠯᠵᠤ᠂ ᠤᠳᠤ ᠪᠤᠯᠳᠠᠯᠠ ᠪᠦᠬᠦ ᠬᠤᠰᠢᠭᠤᠨ ᠳᠤ 2 ᠴᠡᠭᠡ ᠢᠰᠬᠡᠬᠦ ᠠᠵᠤ ᠠᠬᠤᠶᠢᠯᠡᠯ᠂ 5 ᠴᠡᠭᠡ ᠢᠰᠬᠡᠬᠦ | ᠭᠠᠷ ᠦᠢᠯᠡᠳᠬᠡᠯ ᠤᠨ ᠭᠠᠵᠡᠷ ᠲᠠᠢ ᠪᠤᠯᠵᠤ᠂ ᠴᠡᠭᠡ ᠶᠢᠨ ᠵᠢᠯ ᠤᠨ ᠭᠠᠷᠭᠠᠯᠳᠠ 320 ᠲᠤᠨ ᠢ ᠲᠠᠪᠠᠭᠰᠡᠨ | ᠪᠠᠶᠢᠨᠠ᠃ | ᠠᠪᠠᠭᠠ ᠬᠤᠰᠢᠭᠤ ᠰᠢᠡᠵᠢᠯᠡᠬᠦ ᠮᠠᠷᠬᠡᠵᠢᠯ ᠢᠶᠠᠷ ᠠᠳᠤᠭᠤᠨ ᠤ ᠠᠰᠢᠭ ᠰᠢᠮᠠ ᠶᠢ ᠨᠠᠩ ᠦᠡᠳᠤᠷ ᠬᠡᠮᠵᠢᠶᠠ | ᠪᠠᠷ ᠠᠰᠢᠭᠯᠠᠵᠤ᠂ ᠰᠢᠡᠵᠢᠯᠡᠬᠦ ᠮᠡᠷᠬᠡᠵᠢᠯ ᠤᠨ ᠰᠤᠳᠤᠯᠭᠠᠨ ᠤ ᠪᠡᠯᠡ ᠤᠷᠤᠭᠤᠯᠤᠯᠳᠠ ᠪᠤᠯᠤᠨ ᠲᠦᠷᠤ ᠶᠢᠨ | ᠪᠤᠳᠤᠯᠭᠠ ᠶᠢᠨ ᠲᠡᠮᠵᠢᠯᠬᠡ ᠶᠢ ᠢᠳᠡᠪᠬᠢᠳᠡᠢ ᠲᠡᠬᠡᠭᠰᠢᠯᠡᠬᠦᠯᠵᠤ᠂ ᠤᠯᠠᠨ ᠲᠠᠯᠠ ᠠᠴᠠ ᠴᠡᠭᠡ ᠶᠢᠨ ᠠᠵᠤ ᠦᠢᠯᠡᠰ ᠤᠨ | ᠬᠦᠭᠵᠢᠯᠳᠠ ᠶᠢ ᠠᠬᠢᠭᠤᠯᠵᠤ ᠪᠠᠶᠢᠨᠠ᠃ ᠠᠪᠠᠭᠠ ᠬᠤᠰᠢᠭᠤᠨ ᠤ ᠪᠠᠯᠬᠦᠳᠡᠢ ᠪᠠᠯᠭᠠᠰᠤᠨ ᠳᠤ ᠪᠠᠶᠢᠷᠢᠯᠠᠵᠤ ᠪᠠᠶᠢᠭᠠ | ᠦᠪᠤᠷ ᠮᠤᠩᠭᠤᠯ ᠤᠨ ᠢᠰᠭᠡ ᠠᠮᠢᠳᠤ ᠪᠤᠳᠠᠰ ᠤᠨ ᠰᠢᠡᠵᠢᠯᠡᠬᠦ ᠮᠡᠷᠬᠡᠵᠢᠯ ᠤᠨ ᠬᠢᠵᠠᠭᠠᠷᠳᠤ ᠺᠤᠮᠫᠠᠨᠢ ᠨᠢ ᠠᠳᠤᠭᠤᠨ | ᠤ ᠠᠰᠢᠭ ᠰᠢᠮᠠ ᠪᠤᠯᠬᠤ ᠴᠡᠭᠡ ᠶᠢ ᠤᠯᠠᠮ ᠨᠠᠷᠢᠯᠢᠭᠵᠢᠭᠤᠯᠤᠨ ᠴᠠᠭᠠᠨ ᠢᠳᠡᠬᠡᠨ ᠤ ᠤᠬᠢ ᠰᠠᠶᠢᠨ ᠰᠦᠨ ᠢᠰᠤᠯ | ᠤᠨ ᠦᠷᠢᠯ ᠪᠤᠯᠤᠨ ᠴᠠᠭᠠᠨ ᠢᠳᠡᠬᠡᠨ ᠤ ᠤᠬᠢ ᠰᠠᠶᠢᠨ ᠰᠦᠨ ᠢᠰᠤᠯ ᠤᠨ ᠨᠤᠡᠳᠠᠭ ᠬᠡᠮᠡᠨ ᠬᠤᠶᠡᠷ ᠲᠦᠷᠤᠯ ᠤᠨ | ᠪᠦᠳᠤᠬᠡᠭᠳᠡᠬᠦᠨ ᠢᠶᠠᠨ ᠦᠢᠯᠡᠳᠪᠤᠷᠢᠯᠡᠨ ᠪᠤᠷᠤᠯᠠᠭᠤᠯᠵᠤ ᠪᠠᠶᠢᠳᠠᠭ᠂ ᠴᠡᠭᠡ ᠪᠤᠯ ᠰᠠᠭᠠᠮᠠ ᠶᠢ ᠢᠰᠬᠡᠵᠤ ᠭᠠᠷᠭᠠᠳᠠᠭ᠂ | ᠬᠡᠬᠦ ᠳᠤ ᠬᠡᠬᠦᠦ ᠰᠠᠭᠠᠬᠤ ᠴᠠᠭ ᠬᠤᠭᠤᠴᠠᠭᠠ ᠤᠬᠤᠷ᠂ ᠬᠠᠳᠠᠭᠠᠯᠠᠬᠤ ᠲᠠᠯᠠ ᠳᠤ ᠪᠠᠭᠠ ᠪᠤᠰᠤ ᠲᠦᠬᠦᠮ ᠦᠬᠡᠢ | ᠪᠠᠶᠢᠭᠠ ᠪᠠᠶᠢᠳᠠᠯ ᠳᠤ ᠢᠰᠭᠡ ᠠᠮᠢᠳᠤ ᠪᠤᠳᠠᠰ ᠤᠨ ᠰᠢᠡᠵᠢᠯᠡᠬᠦ ᠮᠠᠷᠬᠡᠵᠢᠯ ᠤᠨ ᠬᠢᠵᠠᠭᠠᠷᠳᠤ ᠺᠤᠮᠫᠠᠨᠢ ᠨᠢ ᠬᠠᠳᠠᠭᠠᠯᠠᠵᠤ | ᠂ ᠠᠪᠴᠤ ᠶᠠᠪᠤᠬᠤ ᠳᠤ ᠲᠦᠬᠦᠮ᠂ ᠬᠠᠳᠠᠭᠠᠯᠠᠬᠤ ᠴᠠᠭ ᠨᠢ ᠤᠷᠳᠤ ᠵᠡᠷᠬᠡ ᠲᠠᠪᠠᠭᠤᠯᠢᠭ ᠲᠠᠢ ᠴᠡᠭᠡ ᠶᠢᠨ ᠦᠷᠢᠯ | ᠪᠤᠯᠤᠨ ᠴᠡᠭᠡ ᠶᠢᠨ ᠨᠤᠡᠳᠠᠭ ᠢ ᠦᠢᠯᠡᠳᠪᠤᠷᠢᠯᠡᠵᠤ᠂ ᠡᠨ᠋ᠨ ᠨᠢ ᠤᠯᠠᠮᠵᠢᠯᠠᠯᠳᠤ ᠦᠡᠳᠤᠰᠤᠳᠠᠨ ᠤ ᠢᠳᠡᠬᠡᠨ ᠤᠮᠳᠠᠭᠠᠨ | ᠤ ᠨᠢᠬᠡᠨ ᠪᠤᠯᠬᠤ ᠴᠡᠭᠡ ᠶᠢ ᠦᠷᠬᠡᠨ ᠲᠡᠯᠬᠡᠷ ᠢᠶᠠᠷ ᠤᠬᠠᠭᠤᠯᠤᠨ ᠲᠡᠯᠬᠡᠷᠡᠬᠦᠯᠵᠤ ᠴᠢᠳᠠᠭᠰᠡᠨ ᠪᠠᠶᠢᠨᠠ᠃ | ᠤᠳᠤᠬᠠᠨ ᠳᠤ᠂ ᠠᠪᠠᠭᠠ ᠬᠤᠰᠢᠭᠤ ᠠᠪᠠᠭᠠ ᠬᠠᠷᠠ ᠠᠳᠤᠭᠤ ᠶᠢ ᠦᠰᠬᠡᠨ ᠦᠷᠡᠵᠢᠬᠦᠯᠬᠦ ᠪᠠ ᠴᠡᠭᠡ ᠶᠢᠨ | ᠠᠵᠤ ᠦᠢᠯᠡᠰ ᠢ ᠬᠦᠭᠵᠢᠬᠦᠯᠬᠦ ᠶᠢ ᠴᠢᠩᠭᠠᠳᠬᠠᠬᠤ ᠶᠢᠨ ᠵᠡᠷᠬᠡ ᠪᠠᠷ ᠡᠮ ᠡᠮᠨᠡᠯᠬᠡ ᠡᠷᠡᠬᠦᠯ ᠮᠠᠡᠳᠤ ᠶᠢ ᠵᠢᠭᠤᠯᠴᠢᠯᠡᠯ | ᠤᠨ ᠪᠦᠳᠤᠬᠡᠭᠳᠡᠬᠦᠨ ᠲᠠᠢ ᠤᠶᠠᠯᠳᠤᠭᠤᠯᠵᠤ᠂ ᠨᠠᠶᠢᠷ ᠨᠠᠭᠠᠳᠤᠮ ᠤᠨ ᠵᠠᠩ ᠦᠢᠯᠡ ᠶᠢᠨ ᠰᠤᠶᠤᠯ ᠪᠠ ᠭᠠᠵᠡᠷ | ᠤᠷᠤᠨ ᠤ ᠤᠡᠴᠠᠯᠢᠭ ᠲᠠᠢ ᠢᠳᠡᠬᠡᠨ ᠤᠮᠳᠠᠭᠠᠨ ᠤ ᠰᠤᠶᠤᠯ ᠲᠠᠢ ᠤᠶᠠᠯᠳᠤᠭᠤᠯᠵᠤ᠂ ᠤᠯᠠᠨ ᠲᠦᠷᠤᠯ ᠤᠨ | ᠠᠳᠤᠭᠤᠨ ᠤ ᠤᠷᠤᠯᠳᠤᠭᠠᠨ ᠢ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠵᠤ᠂ ᠤᠯᠠᠨ ᠲᠠᠯᠠ ᠠᠴᠠ ᠠᠳᠤᠭᠤᠨ ᠤ ᠠᠵᠤ ᠦᠢᠯᠡᠰ ᠤᠨ | ᠬᠦᠭᠵᠢᠯᠳᠠ ᠶᠢ ᠠᠬᠢᠭᠤᠯᠵᠤ᠂ ︽ᠠᠪᠠᠭᠠ ᠬᠠᠷᠠ ᠠᠳᠤᠭᠤ︾ ᠪᠠᠷ ᠤᠡᠴᠠᠯᠢᠭ ᠪᠤᠯᠭᠠᠭᠰᠡᠨ ᠠᠵᠤ ᠦᠢᠯᠡᠰ ᠤᠨ | ᠰᠢᠨᠠ ᠨᠠᠷᠠ ᠶᠢᠨ ᠬᠠᠭᠤᠳᠠᠰᠤ ᠶᠢ ᠴᠢᠷᠮᠠᠶᠢᠨ ᠪᠢᠴᠢᠭᠯᠡᠨᠠ᠃ | | |