| ᠪᠦᠰᠡᠭᠦᠶᠢᠴᠦᠳ ᠭᠡᠳᠡᠭ ᠡᠷᠦᠬᠡ ᠭᠡᠷ ᠲᠤ ᠪᠠᠨ ᠭᠡᠷᠡᠯ ᠴᠡᠴᠡᠭ᠂ ᠦᠷᠡ ᠬᠡᠦᠬᠡᠳ ᠲᠤ ᠪᠠᠨ ᠨᠠᠷᠠᠨ ᠴᠡᠴᠡᠭ᠂ | ᠥᠲᠡᠯᠦᠭᠡ ᠪᠤᠭᠤᠷᠤᠯᠴᠤᠳ ᠲᠤ ᠪᠠᠨ ᠦᠷᠡ ᠴᠡᠴᠡᠭ ᠪᠢᠯᠡ᠃ ᠪᠦᠰᠡᠬᠦᠢ ᠬᠦᠮᠦᠨ ᠨᠢ ᠦᠪᠡᠷ ᠢᠶᠠᠨ ᠴᠡᠴᠡᠭ ᠶᠤᠮ | ᠪᠣᠯᠬᠤᠷ ᠬᠦᠮᠦᠰ ᠤᠨ ᠬᠠᠷᠠᠭᠠᠨ ᠳᠤ ᠥᠩᠭᠡ ᠲᠠᠢ ᠬᠠᠷᠠᠭᠳᠠᠵᠤ ᠭᠡᠷ ᠪᠦᠯᠢ ᠪᠠᠨ ᠭᠡᠶᠢᠭᠦᠯᠳᠡᠭ᠃ ᠰᠦᠯᠵᠢᠶᠡ ᠪᠠᠷ | ᠬᠤᠶᠠᠷ ᠮᠠᠯᠴᠢᠨ ᠪᠦᠰᠡᠭᠦᠢ ᠦᠪᠡᠷᠲᠡᠭᠡᠨ ᠵᠤᠤᠬᠠ ᠪᠠᠷᠢᠵᠤ ᠰᠦ ᠰᠠᠭᠠᠯᠢ ᠪᠠᠨ ᠡᠳ᠋ᠰᠢᠭᠦᠯᠵᠦ ᠪᠠᠶᠢᠬᠤ ᠰᠢᠩᠭᠡᠭᠡᠯᠲᠡ | ᠣᠯᠠᠨ ᠬᠦᠮᠦᠰ ᠤᠨ ᠠᠩᠬᠠᠷᠤᠯ ᠢ ᠲᠠᠲᠠᠯᠠ᠂ ᠶᠠᠭᠤ ᠪᠦᠬᠦᠨ ᠮᠠᠰᠢᠨᠴᠢᠯᠠᠭᠰᠠᠨ ᠡᠨᠡ ᠴᠠᠭ ᠲᠤ ᠥᠪᠡᠷᠲᠡᠭᠡᠨ ᠵᠤᠤᠬᠠ | ᠪᠠᠷᠢᠵᠤ ᠰᠦ ᠰᠠᠭᠠᠯᠢ ᠪᠠᠨ ᠡᠳ᠋ᠰᠢᠭᠦᠯᠵᠦ ᠪᠠᠶᠢᠭᠠ ᠮᠠᠯᠴᠢᠨ ᠪᠦᠰᠡᠬᠦᠢ ᠲᠤᠭᠠ ᠲᠠᠢ ᠯᠡ ᠳ᠋ᠠ᠃ | ᠠᠵᠢᠯᠴᠢ ᠬᠤᠶᠠᠷ ᠪᠦᠰᠡᠭᠦᠢ ᠲᠠᠢ ᠲᠠᠨᠢᠯᠴᠠᠬᠤᠢ | ᠠᠪᠠᠭᠠ ᠬᠤᠰᠢᠭᠤᠨ ᠤ ᠪᠡᠯᠭᠦᠳᠡᠢ ᠪᠠᠯᠭᠠᠰᠤᠨ ᠤ ᠤᠯᠠᠨᠪᠤᠯᠠᠭ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠪᠦᠰᠡᠭᠦᠢ ᠰᠦᠮᠡᠨᠴᠡᠴᠡᠭ | ᠡᠮᠦᠨᠡ ᠬᠡᠳᠦᠨ ᠡᠳᠦᠷ ᠰᠦ ᠰᠠᠭᠠᠯᠢ ᠡᠳ᠋ᠰᠢᠭᠦᠯᠬᠦ ᠭᠡᠷ ᠲᠤ ᠪᠠᠨ ᠳᠤᠬᠢᠯᠢᠭ ᠰᠠᠶᠢᠬᠠᠨ ᠵᠤᠤᠬᠠ ᠪᠠᠷᠢᠬᠤ ᠶᠢ ᠪᠤᠳᠤᠵᠤ | ᠬᠠᠳᠠᠮ ᠡᠭᠡᠴᠢ ᠤᠷᠠᠨᠴᠡᠴᠡᠭ ᠢᠶᠠᠨ ᠳᠠᠭᠤᠳᠠᠵᠤ ᠬᠠᠪᠰᠤᠷᠤᠭᠤᠯᠤᠭᠰᠠᠨ ᠶᠤᠮ᠃ ᠤᠷᠠᠨᠴᠡᠴᠡᠭ ᠤᠨ ᠬᠤᠪᠢ ᠳᠤ ᠴᠦ | ᠠᠵᠢᠯ ᠳᠤ ᠡᠪ ᠳᠡᠮ ᠲᠠᠢ ᠪᠠᠶᠢᠵᠤ᠂ ᠬᠥᠳᠡᠭᠡ ᠶᠢᠨ ᠬᠠᠷᠠ ᠪᠣᠷᠣ ᠠᠵᠢᠯ ᠳᠤ ᠴᠠᠭᠠᠷᠠᠭᠰᠠᠨ ᠨᠢᠭᠡᠨ ᠶᠤᠮ ᠳ᠋ᠠ᠃ | ᠰᠦᠮᠡᠨᠴᠡᠴᠡᠭ ᠡᠭᠡᠴᠢ ᠳᠤ ᠪᠠᠨ ᠳᠣᠰᠠ ᠳᠡᠮ ᠪᠣᠯᠵᠤ ᠬᠤᠶᠠᠭᠤᠯᠠ ᠰᠢᠪᠠᠷ ᠤᠨ ᠠᠵᠢᠯ ᠳᠤ ᠪᠠᠨ ᠮᠤᠩᠭᠢᠨᠠᠨ ᠮᠠᠰᠢ | ᠡᠪᠲᠡᠶᠢᠬᠡᠨ ᠵᠤᠤᠬᠠ ᠪᠠᠷᠢᠵᠤ᠂ ᠠᠵᠢᠯ ᠤᠨ ᠪᠦᠬᠦ ᠶᠠᠪᠤᠴᠠ ᠶᠢᠨ ᠰᠢᠩᠭᠡᠭᠡᠯᠲᠡ ᠪᠠᠨ ᠰᠦᠯᠵᠢᠶᠡᠨ ᠳᠡᠭᠡᠷᠡ | ᠨᠡᠶᠢᠲᠡᠯᠡᠵᠦ ᠣᠯᠠᠨ ᠬᠦᠮᠦᠰ ᠤᠨ ᠮᠠᠭᠲᠠᠭᠠᠯ ᠢ ᠣᠯᠵᠡᠢ᠃ | ᠰᠦᠮᠡᠨᠴᠡᠴᠡᠭ ᠵᠠᠯᠠᠭᠤ ᠠᠴᠠ ᠪᠠᠨ ᠠᠳᠤᠭᠤ ᠮᠠᠯ ᠲᠠᠢ ᠨᠤᠴᠤᠯᠳᠤᠬᠤ ᠳᠤᠷᠠᠲᠠᠢ ᠪᠠᠶᠢᠵᠤ ᠡᠮᠦᠨᠡ ᠬᠡᠳᠦᠨ ᠵᠢᠯ | ᠥᠪᠡᠷ ᠢᠶᠠᠨ ᠮᠣᠷᠢᠨ ᠮᠡᠷᠭᠡᠵᠢᠯ ᠤᠨ ᠦᠨᠳᠦᠰᠦᠨ ᠪᠤᠯᠪᠠᠰᠤᠷᠠᠯ ᠬᠦᠷᠲᠡᠵᠦ᠂ ᠤᠷᠤᠯᠳᠤᠭᠠᠨ ᠲᠡᠮᠡᠴᠡᠭᠡᠨ ᠢᠶᠠᠷ | ᠣᠷᠣᠯᠴᠠᠵᠤ ᠪᠠᠶᠢᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠵᠢᠭᠤᠯᠴᠢᠯᠠᠯ ᠤᠨ ᠭᠠᠵᠠᠷ ᠤᠨ ᠮᠤᠷᠢᠨ ᠮᠡᠷᠭᠡᠵᠢᠯ ᠤᠨ ᠲᠣᠭᠯᠠᠯᠲᠠ ᠶᠢᠨ | ᠪᠦᠯᠬᠦᠮ ᠳᠤ ᠠᠵᠢᠯᠯᠠᠵᠤ ᠪᠠᠶᠢᠵᠡᠢ᠃ ᠠᠶᠢᠯ ᠭᠡᠷ ᠪᠤᠯᠵᠤ ᠬᠠᠨᠢ ᠶᠢᠨ ᠵᠠᠶᠠᠭᠠ ᠲᠦᠰᠢᠭᠰᠡᠨ ᠠᠴᠠ ᠨᠠᠭᠠᠰᠢ ᠬᠥᠳᠡᠭᠡ | ᠨᠤᠲᠤᠭ ᠲᠤ ᠪᠠᠨ ᠰᠠᠭᠤᠷᠢᠰᠢᠵᠤ᠂ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠢᠶᠠᠨ ᠰᠠᠶᠢᠬᠠᠨ ᠳᠦᠪᠬᠢᠨᠡᠭᠦᠯᠵᠦ᠂ ᠰᠦ ᠰᠠᠭᠠᠯᠢ ᠪᠠᠨ | ᠪᠤᠷᠤᠯᠠᠭᠤᠯᠵᠤ᠂ ᠮᠠᠯ ᠤᠨ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠬᠢᠵᠦ᠂ ᠠᠵᠤ ᠠᠮᠢᠳᠤᠷᠠᠯ ᠢᠶᠠᠨ ᠥᠭᠡᠳᠡ ᠨᠢ ᠳᠠᠲᠠᠵᠤ ᠭᠢᠯᠠᠷᠠᠭᠤᠯᠵᠤ | ᠶᠠᠪᠤᠨᠠ᠃ | ᠬᠢᠵᠦ ᠴᠢᠳᠠᠬᠤ ᠠᠵᠢᠯ ᠢᠶᠠᠨ ᠪᠦᠬᠦᠨ ᠢ ᠥᠪᠡᠷᠲᠡᠭᠡᠨ ᠬᠢᠬᠦ ᠪᠠᠷ ᠴᠢᠷᠮᠠᠶᠢᠳᠠᠭ | ᠰᠦᠮᠡᠨᠴᠡᠴᠡᠭ ᠥᠪᠡᠷ ᠢ ᠪᠠᠨ ᠶᠡᠷᠦ ᠠᠴᠠ ᠪᠦᠰᠡᠭᠦᠢ ᠬᠦᠮᠦᠨ ᠭᠡᠵᠦ ᠭᠤᠯᠤᠳᠠᠭ ᠦᠭᠡᠢ᠂ ᠬᠠᠷᠢᠨ ᠴᠢᠳᠠᠳᠠᠭ | ᠪᠦᠬᠦᠨ ᠢᠶᠠᠨ ᠥᠪᠡᠷ ᠢᠶᠠᠨ ᠬᠢᠬᠦ ᠪᠠᠷ ᠴᠢᠷᠮᠠᠶᠢᠳᠠᠭ᠃ ᠠᠳᠤᠭᠤ ᠮᠠᠯ ᠲᠠᠢ ᠨᠤᠴᠤᠯᠳᠤᠬᠤ ᠠᠴᠠ ᠡᠬᠢᠯᠡᠨ ᠰᠢᠪᠠᠷ ᠤᠨ | ᠠᠵᠢᠯ ᠬᠢᠵᠦ ᠵᠤᠤᠬᠠ ᠪᠠᠷᠢᠬᠤ ᠵᠡᠷᠭᠡ ᠡᠷᠡᠭᠲᠡᠶᠢᠴᠦᠳ ᠤᠨ ᠭᠤᠣᠯᠯᠠᠨ ᠬᠢᠳᠡᠭ ᠠᠵᠢᠯ ᠢ ᠴᠦ ᠥᠪᠡᠷᠳᠡᠭᠡᠨ ᠬᠢᠵᠦ | ᠣᠷᠣᠯᠳᠤᠵᠤ ᠡᠪ ᠳᠡᠮ ᠢ ᠨᠢ ᠣᠯᠳᠠᠭ᠃ | — ᠮᠢᠨᠤ ᠠᠮᠢᠳᠤᠷᠠᠯ ᠳᠤ ᠵᠦᠩᠳᠡᠭᠡᠨ ᠬᠦᠴᠢᠷ ᠪᠡᠷᠬᠡ ᠳᠤᠬᠢᠶᠠᠯᠳᠤᠵᠤ ᠪᠠᠶᠢᠭᠰᠠᠨ᠂ ᠪᠠᠭᠠ ᠪᠠᠶᠢᠬᠤ ᠳᠤ ᠠᠪᠤ | ᠡᠵᠢ ᠨᠠᠮᠠᠶᠢ ᠠᠵᠢᠯ ᠳᠤ ᠳᠠᠰᠬᠠᠬᠤ ᠭᠡᠵᠦ ᠬᠢᠴᠢᠶᠡᠨ ᠴᠢᠷᠮᠠᠶᠢᠳᠠᠭ ᠢ ᠣᠳᠣ ᠯᠡ ᠤᠬᠠᠭᠠᠷᠠᠵᠤ ᠪᠤᠢ᠃ ᠲᠤᠬᠠᠢ ᠶᠢᠨ | ᠦᠶᠡ ᠳᠤ ᠠᠪᠤ ᠡᠵᠢ ᠮᠢᠨᠢ ᠨᠠᠳᠠ ᠳᠤ ᠶᠠᠮᠠᠷᠴᠦ ᠶᠡᠭᠡ ᠬᠠᠯᠠ ᠲᠠᠢ᠂ ᠬᠠᠲᠠᠭᠤ ᠰᠤᠷᠭᠠᠯ ᠲᠠᠢ ᠶᠤᠮ ᠳ᠋ᠠ ᠭᠡᠮᠡᠨ | ᠭᠤᠮᠤᠳᠠᠵᠤ ᠯᠡ ᠪᠠᠶᠢᠭᠰᠠᠨ ᠡ᠂ ᠭᠡᠪᠡᠴᠦ ᠠᠪᠤ ᠡᠵᠢ ᠶᠢᠨ ᠮᠢᠨᠢ ᠵᠢᠭᠠᠵᠤ ᠰᠤᠷᠭᠠᠭᠰᠠᠨ ᠶᠤᠰᠤ ᠤᠴᠢᠷ ᠪᠦᠬᠦᠨ | ᠮᠢᠨᠤ ᠠᠮᠢᠳᠤᠷᠠᠯ ᠠᠴᠠ ᠦᠴᠦᠬᠡᠨ ᠴᠦ ᠰᠠᠯᠵᠤ ᠳᠡᠶᠢᠯᠦᠰᠢ ᠦᠭᠡᠢ ᠠᠮᠢᠳᠤᠷᠠᠯ ᠤᠨ ᠤᠬᠠᠭᠠᠨ ᠪᠠᠶᠢᠵᠡᠢ ᠭᠡᠵᠦ | ᠰᠦᠮᠡᠨᠴᠡᠴᠡᠭ ᠤᠴᠢᠷᠯᠠᠯᠠ᠃ |