| 2024 ᠣᠨ ᠤ 10 ᠰᠠᠷᠠ ᠶᠢᠨ 21 ᠤ ᠡᠳᠦᠷ᠂ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠳᠥᠷᠪᠡᠨ ᠬᠥᠯᠥᠭ | ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨ ᠤ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ ᠪᠣᠯᠣᠨ 18 ᠮᠠᠯᠴᠢᠨ ᠡᠷᠦᠬᠡ ᠶᠢᠨ ᠠᠩᠬᠠᠨ ᠤ ᠪᠦᠯᠦᠭ 400 | ᠬᠤᠷᠠᠭᠠ᠂ 110 ᠦᠬᠡᠷ ᠤᠨ ᠨᠠᠷᠢᠯᠢᠭᠵᠢᠭᠤᠯᠤᠨ ᠡᠳ᠋ᠰᠢᠭᠦᠯᠦᠭᠰᠡᠨ ᠮᠢᠬᠠ ᠶᠢ ᠰᠢ ᠠᠨ ᠬᠤᠲᠠ ᠶᠢᠨ 30 | ᠰᠠᠭᠤᠭᠠᠯᠢ ᠠᠷᠠᠳ ᠤᠨ ᠲᠣᠭᠤᠷᠢᠭ ᠲᠤ ᠤᠭᠰᠠᠷᠠᠭᠰᠠᠨ ᠣᠶᠤᠨᠴᠢᠯᠠᠭᠰᠠᠨ ᠮᠢᠬᠠ ᠬᠤᠳᠠᠯᠳᠤᠬᠤ ᠮᠠᠰᠢᠨ ᠳᠠᠭᠠᠨ | ᠣᠷᠣᠭᠤᠯᠬᠤ ᠶᠣᠰᠣᠯᠠᠯ ᠶᠠᠪᠤᠭᠳᠠᠵᠤ᠂ ᠪᠣᠷᠣᠯᠠᠭᠤᠯᠭᠠ ᠪᠠᠨ ᠡᠬᠢᠯᠡᠭᠦᠯᠦᠯᠡ᠃ | ᠳᠥᠷᠪᠡᠨ ᠬᠥᠯᠥᠭ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨ ᠤ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ ᠪᠣᠯ ᠮᠠᠨ ᠤ ᠠᠶᠢᠮᠠᠭ ᠤᠨ ᠣᠷᠣᠨ | ᠨᠤᠲᠤᠭ ᠤᠨ ᠠᠵᠤ ᠠᠬᠤᠶᠢᠯᠠᠯ ᠶᠤᠮ᠃ ᠥᠭᠡᠳᠡᠯᠡᠬᠦ᠂ ᠵᠤᠷᠢᠭᠲᠤᠪᠠᠭᠠᠲᠤᠷ᠂ ᠠᠮᠤᠭᠤᠯᠠᠩ ᠭᠡᠬᠦ ᠵᠠᠯᠠᠭᠤ ᠭᠤᠷᠪᠠᠨ | ᠠᠵᠤ ᠠᠬᠤᠶᠢᠯᠠᠯᠲᠠᠨ ᠪᠠᠶᠢᠭᠤᠯᠪᠠ᠃ ᠲᠡᠳᠡ ᠮᠠᠯᠴᠢᠳ ᠲᠠᠢ ᠪᠠᠨ ᠬᠠᠮᠲᠤᠷᠠᠵᠤ᠂ ᠪᠡᠯᠴᠢᠭᠡᠷ ᠤᠨ ᠬᠤᠨᠢ ᠦᠬᠡᠷ ᠤᠨ | ᠮᠢᠬᠠ ᠶᠢ ᠶᠡᠭᠡ ᠬᠤᠳᠠ ᠶᠢᠨ ᠬᠡᠷᠡᠭᠯᠡᠭᠴᠢᠳ ᠤᠨ ᠭᠠᠷ ᠲᠤ ᠰᠢᠭᠤᠳ ᠬᠦᠷᠭᠡᠬᠦ ᠵᠣᠷᠢᠯᠭᠠ ᠪᠠᠷ ᠣᠶᠤᠨᠴᠢᠯᠠᠭᠰᠠᠨ | ᠮᠢᠬᠠ ᠬᠤᠳᠠᠯᠳᠤᠬᠤ ᠮᠠᠰᠢᠨ ᠢ ᠵᠣᠬᠢᠶᠠᠨ ᠦᠢᠯᠡᠳᠪᠦᠷᠢᠯᠡᠵᠦ᠂ ᠠᠰᠢᠭᠯᠠᠯᠲᠠ ᠳᠤ ᠤᠷᠤᠭᠤᠯᠵᠡᠢ᠃ ᠲᠣᠰ ᠮᠠᠰᠢᠨ ᠨᠢ | ᠰᠠᠭᠤᠭᠠᠯᠢ ᠠᠷᠠᠳ ᠤᠨ ᠲᠣᠭᠤᠷᠢᠭ ᠲᠤ ᠲᠠᠯᠪᠢᠬᠤ ᠳᠤ ᠵᠣᠷᠢᠭᠤᠯᠤᠭᠰᠠᠨ ᠬᠢᠴᠡ ᠲᠠᠢ ᠪᠥᠭᠡᠳ ᠬᠥᠯᠳᠡᠭᠡᠬᠦ ᠴᠢᠳᠠᠮᠵᠢ | ᠨᠢ ᠲᠡᠭ ᠠᠴᠠ ᠳᠣᠷᠣᠭᠰᠢ ᠬᠤᠷᠢᠨ ᠭᠷᠠᠳᠦ᠋ᠰ ᠲᠤ ᠬᠦᠷᠳᠡᠭ᠃ ᠣᠯᠠᠨ ᠲᠥᠷᠥᠯ ᠬᠤᠪᠢᠶᠠᠵᠤ᠂ ᠨᠠᠷᠢᠯᠢᠭ | ᠪᠤᠭᠤᠳᠠᠯᠯᠠᠭᠰᠠᠨ ᠮᠢᠬᠠ ᠪᠠᠷ ᠮᠠᠰᠢᠨ ᠢ ᠳᠦᠭᠦᠷᠭᠡᠬᠦ ᠳᠤ ᠨᠢᠭᠡ ᠤᠳᠠᠭᠠ ᠳᠤ 350 ᠵᠢᠩ ᠣᠷᠴᠢᠮ ᠪᠠᠭᠲᠠᠳᠠᠭ᠃ | ᠬᠡᠷᠡᠭᠯᠡᠭᠴᠢᠳ ᠬᠡᠷᠡᠭᠴᠡᠭᠡᠨ ᠤ ᠪᠠᠨ ᠮᠢᠬᠠ ᠶᠢ ᠠᠪᠬᠤ ᠳᠤ ᠮᠡᠷᠭᠡᠨ ᠴᠣᠬᠤᠷ ᠢ ᠰᠢᠷᠪᠢᠵᠦ ᠨᠡᠭᠡᠭᠡᠭᠡᠳ | ᠰᠣᠩᠭᠤᠭᠰᠠᠨ ᠤ ᠳᠠᠷᠠᠭᠠ ᠲᠥᠯᠥᠪᠦᠷᠢ ᠨᠢ ᠥᠪᠡᠷᠲᠡᠭᠡᠨ ᠴᠠᠶᠢᠷᠠᠳᠠᠭ᠃ ᠳᠥᠷᠪᠡᠨ ᠬᠥᠯᠥᠭ ᠺᠣᠮᠫᠠᠨᠢ ᠡᠨᠡ ᠤᠳᠠᠭᠠ | ᠰᠢ ᠠᠨ ᠬᠤᠲᠠ ᠶᠢᠨ 30 ᠰᠠᠭᠤᠭᠠᠯᠢ ᠠᠷᠠᠳ ᠤᠨ ᠲᠣᠭᠤᠷᠢᠭ ᠲᠤ ᠲᠤᠭᠤᠷᠢᠭ ᠪᠤᠯᠭᠠᠨ ᠳᠤ ᠮᠠᠰᠢᠨ | ᠤᠭᠰᠠᠷᠠᠪᠠ᠃ | ᠲᠣᠰ ᠺᠣᠮᠫᠠᠨᠢ ᠶᠡᠭᠡ ᠬᠤᠲᠠ ᠶᠢᠨ ᠰᠠᠭᠤᠭᠠᠯᠢ ᠠᠷᠠᠳ ᠤᠨ ᠡᠳᠦᠷ ᠪᠣᠯᠭᠠᠨ ᠪᠠᠭᠠ ᠰᠠᠭᠠ ᠨᠣᠭᠤᠭᠠ ᠮᠢᠬᠠ | ᠠᠪᠳᠠᠭ ᠬᠡᠷᠡᠭᠯᠡᠭᠡᠨ ᠤ ᠣᠨᠴᠠᠯᠢᠭ ᠲᠤᠨᠢ ᠲᠠᠭᠠᠷᠠᠭᠤᠯᠵᠤ᠂ ᠮᠢᠬᠠ ᠪᠠᠨ ᠣᠯᠠᠨ ᠲᠥᠷᠥᠯᠵᠢᠭᠦᠯᠦᠨ ᠵᠢᠵᠢᠭᠯᠡᠵᠦ | ᠪᠤᠭᠤᠳᠠᠯᠯᠠᠵᠡᠢ᠃ ᠳᠠᠷᠤᠢ ᠬᠤᠨᠢ ᠪᠣᠯᠣᠨ ᠦᠬᠡᠷ ᠤᠨ ᠮᠢᠬᠠ ᠪᠠᠨ ᠬᠠ ᠭᠤᠶᠠ᠂ ᠬᠦᠵᠦᠭᠦᠦ ᠰᠡᠭᠡᠷ᠂ ᠬᠠᠯᠠᠭᠤᠨ | ᠲᠣᠭᠤᠭᠠᠨ ᠤ ᠮᠢᠬᠠ ᠪᠣᠯᠣᠨ ᠭᠦᠵᠡᠭᠡᠨ ᠪᠣᠭᠤᠳᠠᠭ᠂ ᠮᠢᠬᠠ ᠴᠢᠬᠢᠭᠰᠡᠨ ᠭᠤᠰ ᠁ ᠭᠡᠬᠦᠴᠢᠯᠡᠨ 18 ᠲᠥᠷᠥᠯ | ᠠᠩᠭᠢᠯᠠᠭᠰᠠᠨ ᠪᠥᠭᠡᠳ ᠬᠡᠮᠵᠢᠶᠡ ᠶᠢ ᠨᠢ 1 ᠵᠢᠩ ᠪᠠ 2 ᠯᠠᠩ ᠢᠶᠠᠷ ᠵᠢᠵᠢᠭᠯᠡᠨ ᠪᠣᠭᠤᠳᠠᠯᠯᠠᠭᠰᠠᠨ ᠪᠠᠶᠢᠨᠠ᠃ | ᠦᠨᠡ ᠬᠠᠩᠰᠢ ᠶᠢᠨ ᠬᠤᠪᠢ ᠳᠤ᠂ ᠣᠶᠤᠨᠴᠢᠯᠠᠭᠰᠠᠨ ᠮᠠᠰᠢᠨ ᠢᠶᠠᠷ ᠬᠤᠳᠠᠯᠳᠤᠬᠤ ᠳᠤ ᠬᠤᠷᠠᠭᠠᠨ ᠤ ᠮᠢᠬᠠ ᠵᠢᠩ | ᠪᠦᠷᠢ ᠳᠡᠭᠡᠨ 50 ᠲᠥᠭᠦᠷᠢᠭ ᠲᠤ ᠬᠦᠷᠴᠦ᠂ ᠵᠠᠬᠠ ᠳᠡᠯᠭᠡᠭᠦᠷ ᠤᠨ ᠦᠨᠡ ᠠᠴᠠ ᠢᠯᠡᠭᠦᠦ 25 ᠲᠥᠭᠦᠷᠢᠭ | ᠬᠤᠳᠠᠯᠳᠤᠵᠦ᠂ ᠦᠭᠡᠷ ᠤᠨ ᠮᠢᠬᠠ ᠵᠢᠩ ᠪᠦᠷᠢ ᠳᠡᠭᠡᠨ 47 ᠲᠦᠬᠦᠷᠢᠭ ᠲᠤ ᠬᠦᠷᠴᠦ᠂ ᠵᠠᠬᠠ ᠲᠡᠯᠭᠡᠬᠦᠷ ᠤᠨ | ᠦᠨᠡ ᠠᠴᠠ ᠢᠯᠡᠬᠦᠦ 27 ᠲᠦᠬᠦᠷᠢᠭ ᠬᠤᠳᠠᠯᠳᠤᠨᠠ᠃ ︽ ᠪᠢᠳᠡᠨ ᠤ ᠲᠣᠭᠠᠴᠠᠭᠠ ᠪᠠᠷ᠂ ᠨᠢᠭᠡ ᠮᠠᠰᠢᠨ ᠬᠡᠷᠪᠡ | ᠡᠳᠦᠷ ᠲᠤ 20 ᠵᠢᠩ ᠮᠢᠬᠠ ᠬᠤᠳᠠᠯᠳᠤᠵᠤ ᠳᠡᠶᠢᠯᠪᠡᠯ 500 ᠲᠥᠭᠦᠷᠢᠭ ᠤᠨ ᠴᠡᠪᠡᠷ ᠣᠷᠣᠯᠭᠠ ᠡᠭᠦᠳᠬᠦ | ᠪᠣᠯᠣᠨᠠ᠃ ᠲᠡᠭᠡᠪᠡᠯ ᠨᠢᠭᠡ ᠬᠤᠷᠠᠭᠠᠨ ᠤ ᠮᠢᠬᠠᠨ ᠤ ᠴᠡᠪᠡᠷ ᠣᠷᠣᠯᠭᠠ1300 ᠲᠥᠭᠦᠷᠢᠭ᠂ ᠨᠢᠭᠡ ᠦᠬᠡᠷ ᠤᠨ | ᠮᠢᠬᠠᠨ ᠤ ᠴᠡᠪᠡᠷ ᠣᠷᠣᠯᠭᠠ 1 ᠲᠦᠮᠡ 3000 ᠲᠦᠬᠦᠷᠢᠭ ᠠᠴᠠ 1 ᠲᠦᠮᠡ 8000 ᠲᠥᠭᠦᠷᠢᠭ ᠲᠤ ᠬᠦᠷᠴᠦ | ᠳᠡᠶᠢᠯᠦᠨᠡ᠃ ᠲᠡᠶᠢᠮᠦ ᠠᠴᠠ ᠡᠨᠡ ᠪᠣᠯ ᠮᠠᠯᠴᠢᠳ ᠮᠠᠯ ᠤᠨ ᠮᠢᠬᠠ ᠪᠠᠨ ᠦᠨᠡ ᠳᠤ ᠬᠦᠷᠭᠡᠬᠦ ᠮᠠᠰᠢ ᠰᠠᠶᠢᠨ ᠵᠠᠮ | ᠨᠡᠭᠡᠭᠡᠭᠳᠡᠵᠦ ᠪᠠᠶᠢᠨᠠ ᠭᠡᠵᠦ ᠤᠶᠢᠯᠠᠭᠠᠵᠦ ᠪᠣᠯᠣᠨᠠ︾ ᠬᠡᠮᠡᠨ ᠳᠥᠷᠪᠡᠨ ᠬᠥᠯᠥᠭ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨ ᠤ | ᠺᠣᠮᠫᠠᠨᠢ ᠶᠢᠨ ᠡᠭᠦᠰᠬᠡᠨ ᠪᠠᠶᠢᠭᠤᠯᠤᠭᠴᠢ ᠥᠭᠡᠳᠡᠯᠡᠬᠦ ᠨᠠᠷᠢᠨ ᠲᠠᠶᠢᠯᠪᠤᠷᠢᠯᠠᠵᠤ ᠥᠭᠭᠦᠯᠡ᠃ | ᠤᠶᠢᠯᠠᠭᠠᠭᠰᠠᠨ ᠢᠶᠠᠷ᠂ ᠡᠨᠡ ᠵᠢᠯ ᠨᠢᠭᠡ ᠰᠠᠶᠢᠨ ᠰᠤᠪᠠᠢ ᠦᠨᠢᠶᠡᠨ ᠤ ᠵᠠᠬᠠ ᠳᠡᠯᠭᠡᠭᠦᠷ ᠤᠨ ᠦᠨᠡ 8000 | ᠲᠥᠭᠦᠷᠢᠭ ᠠᠴᠠ ᠬᠡᠳᠦᠷᠡᠬᠦ ᠦᠭᠡᠢ ᠪᠠᠶᠢᠵᠤ᠂ ᠬᠡᠷᠪᠡ ᠣᠶᠤᠨᠴᠢᠯᠠᠭᠰᠠᠨ ᠮᠠᠰᠢᠨ ᠢᠶᠠᠷ ᠬᠤᠳᠠᠯᠳᠤᠪᠠᠯ 1 ᠲᠦᠮᠡ | 5000 ᠲᠥᠭᠦᠷᠢᠭ ᠲᠤ ᠬᠦᠷᠴᠦ᠂ ᠪᠠᠷᠤᠭ ᠳᠠᠬᠢᠨ ᠢᠶᠠᠷ ᠬᠤᠳᠠᠯᠳᠤᠨᠠ ᠭᠡᠵᠦ ᠪᠠᠶᠢᠯᠠ᠃ ᠲᠡᠶᠢᠮᠦ ᠠᠴᠠ 3 | ᠲᠦᠮᠡ 8000 ᠲᠥᠭᠦᠷᠢᠭ ᠤᠨ ᠦᠨᠡ ᠲᠠᠢ ᠣᠶᠤᠨᠴᠢᠯᠠᠭᠰᠠᠨ ᠮᠠᠰᠢᠨ ᠢ ᠣᠳᠣᠬᠠᠨ ᠪᠣᠯᠲᠠᠯᠠ ᠡᠯᠡ ᠭᠠᠵᠠᠷ ᠤᠨ | 70 ᠭᠠᠷᠤᠢ ᠮᠠᠯᠴᠢᠨ ᠵᠠᠬᠢᠶᠠᠯᠠᠵᠤ᠂ ᠮᠠᠯ ᠤᠨ ᠮᠢᠬᠠ ᠪᠠᠨ ᠰᠢᠭᠤᠳ ᠬᠡᠷᠡᠭᠯᠡᠭᠴᠢ ᠶᠢᠨ ᠭᠠᠷ ᠲᠤ ᠬᠦᠷᠭᠡᠬᠦ ᠳᠤ | ᠠᠰᠢᠭᠯᠠᠬᠤ ᠪᠠᠷ ᠪᠡᠯᠡᠳᠬᠡᠨᠡ᠃ ᠡᠨᠡ ᠤᠳᠠᠭᠠ 18 ᠮᠠᠯᠴᠢᠨ ᠨᠢ ᠮᠠᠰᠢᠨ ᠪᠣᠯᠣᠨ ᠮᠢᠬᠠ ᠪᠠᠨ ᠰᠢ ᠠᠨ | ᠬᠤᠳ᠋ᠨ ᠳᠤ ᠶᠠᠪᠤᠭᠤᠯᠵᠡᠢ᠃ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠬᠦᠷᠢᠶᠡᠲᠦᠨᠠᠭᠤᠷ ᠰᠤᠮᠤ ᠶᠢᠨ ᠵᠢᠭᠠᠰᠤᠲᠠᠢ | ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠬᠠᠪᠤᠷᠴᠡᠴᠡᠭ ᠮᠢᠬᠠ ᠬᠤᠳᠠᠯᠳᠤᠬᠤ ᠣᠶᠤᠨᠴᠢᠯᠠᠭᠰᠠᠨ ᠮᠠᠰᠢᠨ ᠠᠴᠠ ᠨᠢᠭᠡ ᠶᠢ ᠠᠪᠤᠭᠰᠠᠨ | ᠪᠥᠭᠡᠳ ᠬᠤᠶᠠᠷ ᠰᠤᠪᠠᠢ ᠦᠨᠢᠶᠡᠨ ᠤ 770 ᠵᠢᠩ ᠮᠢᠬᠠ ᠶᠢ 1 ᠵᠢᠩ ᠤᠨ ᠬᠠᠪᠢᠷᠭᠠ 180 ᠬᠠᠶᠢᠷᠴᠠᠭ᠂ 1 | ᠵᠢᠩ ᠤᠨ ᠬᠠᠷᠠ ᠮᠢᠬᠠ 270 ᠬᠠᠶᠢᠷᠴᠠᠭ᠂ 2 ᠯᠠᠩ ᠤᠨ ᠮᠢᠬᠠ 1347 ᠬᠠᠶᠢᠷᠴᠠᠭ ᠨᠠᠷᠢᠯᠢᠭ ᠪᠣᠭᠤᠳᠠᠯᠯᠠᠭᠠᠳ | ᠰᠢ ᠠᠨ ᠬᠤᠲᠠ ᠳᠤ ᠶᠠᠪᠤᠭᠤᠯᠤᠭᠰᠠᠨ ᠪᠠᠶᠢᠨᠠ ᠃ ︽ᠨᠤᠲᠤᠭ ᠣᠷᠣᠨ ᠤ ᠵᠠᠯᠠᠭᠤᠰ ᠪᠡᠯᠴᠢᠭᠡᠷ ᠤᠨ ᠬᠤᠨᠢ | ᠦᠬᠡᠷ ᠤᠨ ᠮᠢᠬᠠ ᠪᠠᠨ ᠦᠨᠡ ᠳᠤ ᠬᠦᠷᠭᠡᠬᠦ ᠪᠠᠷ ᠢᠩᠭᠢᠵᠦ ᠴᠢᠷᠮᠠᠶᠢᠵᠤ ᠪᠠᠶᠢᠭᠠ ᠳᠤ ᠪᠢᠳᠡ ᠳᠡᠮᠵᠢᠬᠦ ᠶᠣᠰᠣᠲᠠᠢ᠃ | ᠪᠢᠳᠡᠨ ᠤ ᠮᠠᠯᠵᠢᠭᠰᠠᠨ ᠮᠠᠯ ᠤᠨ ᠮᠢᠬᠠ ᠰᠢᠭᠤᠳ ᠬᠡᠷᠡᠭᠯᠡᠭᠴᠢ ᠶᠢᠨ ᠭᠠᠷ ᠲᠤ ᠬᠥᠷᠪᠡᠯ ᠮᠠᠨ ᠤ ᠣᠷᠣᠯᠭᠠ ᠨᠡᠮᠡᠭᠳᠡᠬᠦ | ᠪᠣᠯᠣᠨᠠ᠂ ᠶᠣᠰᠣᠲᠠᠢ ᠪᠠᠶᠠᠷᠲᠠᠢ ᠪᠠᠶᠢᠨᠠ᠃ ᠬᠤᠳᠠᠯᠳᠤᠭᠰᠠᠨ ᠪᠥᠬᠦ ᠰᠤᠷᠠᠭ ᠵᠠᠩᠭᠢ᠂ ᠳᠦᠷᠰᠦ ᠰᠢᠩᠭᠡᠭᠡᠯᠲᠡ ᠶᠢ | ᠡᠳᠦᠷ ᠪᠣᠯᠭᠠᠨ ᠭᠠᠷ ᠤᠲᠠᠰᠤᠨ ᠠᠴᠠ ᠪᠠᠨ ᠦᠵᠡᠵᠦ ᠳᠡᠶᠢᠯᠬᠦ ᠪᠥᠭᠡᠳ ᠣᠷᠣᠯᠭᠠ ᠨᠢ ᠡᠳᠦᠷ ᠪᠣᠯᠭᠠᠨ | ᠳᠠᠩᠰᠠᠨ ᠳᠤ ᠣᠷᠣᠵᠤ ᠢᠷᠡᠨᠡ︾ ᠭᠡᠵᠦ ᠬᠠᠪᠤᠷᠴᠡᠴᠡᠭ ᠳᠣᠭᠳᠣᠯᠤᠨ ᠶᠠᠷᠢᠯᠠ᠃ | ᠳᠥᠷᠪᠡᠨ ᠬᠥᠯᠥᠭ ᠺᠤᠮᠫᠠᠨᠢ ᠣᠳᠣᠬᠠᠨ ᠰᠢ ᠠᠨ ᠬᠤᠲᠠ ᠠᠴᠠ ᠠᠰᠲᠠᠭᠠᠨ ᠪᠡᠭᠡᠵᠢᠩ᠂ ᠲᠢᠶᠠᠨᠵᠢᠨ᠂ ᠱᠢ | ᠵᠢᠶᠠ ᠵᠤᠸᠠᠩ᠂ ᠳ᠋ᠠᠯᠢᠶᠠᠨ ᠵᠡᠷᠭᠡ ᠬᠤᠲᠠ ᠶᠢᠨ 160 ᠭᠠᠷᠤᠢ ᠰᠠᠭᠤᠭᠠᠯᠢ ᠠᠷᠠᠳ ᠤᠨ ᠲᠣᠭᠤᠷᠢᠭ ᠲᠠᠢ ᠨᠢᠭᠡᠨᠲᠡ | ᠭᠡᠷᠡ ᠲᠣᠭᠲᠠᠵᠤ᠂ ᠵᠢᠯ ᠤᠨ ᠡᠴᠦᠰ ᠪᠤᠯᠳᠠᠯᠠ 300 ᠮᠠᠰᠢᠨ ᠤᠭᠰᠠᠷᠠᠬᠤ ᠪᠠᠷ ᠪᠠᠶᠢᠨᠠ᠃ |