| ᠠᠪᠠᠭᠠ ᠬᠤᠰᠢᠭᠤᠨ ᠤ ᠪᠠᠶᠠᠨᠲᠤᠭ ᠰᠤᠮᠤᠨ ᠤ ᠠᠷᠤᠪᠤᠯᠠᠭ ᠭᠠᠴᠠᠭᠠ ᠪᠠᠷ ᠨᠤᠲᠤᠭᠲᠠᠢ ᠰᠠᠷᠠᠨᠴᠢᠮᠡᠭ ᠤᠷᠠ | ᠤᠬᠠᠭᠠᠨ᠂ ᠤᠷᠠᠨ ᠭᠠᠷ ᠤᠨ ᠢᠶᠠᠨ ᠡᠷᠳᠡᠮ ᠢᠶᠠᠷ ᠨᠠᠷᠢᠯᠢᠭ ᠬᠢᠴᠡ ᠲᠠᠢ ᠪᠠᠭᠠ ᠬᠡᠯᠪᠡᠷᠢ ᠶᠢᠨ ᠮᠣᠩᠭᠤᠯ ᠭᠡᠷ ᠬᠢᠵᠦ᠂ | ᠨᠡᠶᠢᠲᠡ ᠣᠯᠠᠨ ᠳᠤ ᠲᠠᠨᠢᠭᠳᠠᠵᠤ ᠶᠠᠪᠤᠨᠠ᠃ | ᠰᠠᠷᠠᠨᠴᠢᠮᠡᠭ ᠤᠨ ᠤᠷᠠᠯᠠᠵᠤ ᠬᠢᠭᠰᠡᠨ ᠮᠤᠩᠭᠤᠯ ᠭᠡᠷ ᠨᠢ ᠬᠥᠳᠡᠭᠡ ᠨᠤᠲᠤᠭ ᠲᠤ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠳᠡᠭ | ᠮᠤᠩᠭᠤᠯ ᠭᠡᠷ ᠢ ᠪᠤᠳᠤᠪᠠᠯ ᠬᠡᠪᠴᠢᠶᠡ ᠪᠠᠷ ᠪᠠᠭᠠ᠂ ᠪᠠᠭᠠ ᠨᠠᠰᠤᠨ ᠤ ᠬᠡᠦᠬᠡᠳ ᠲᠡᠭᠦᠦᠨᠡᠷ ᠳᠤᠲᠤᠷᠠ ᠨᠢ ᠤᠷᠤᠪᠠᠯ | ᠵᠤᠭᠰᠤᠵᠤ ᠪᠤᠯᠤᠮᠠᠷ᠂ ᠲᠤᠮᠤ ᠬᠦᠮᠦᠨ ᠰᠠᠭᠤᠵᠤ ᠪᠤᠯᠤᠮᠠᠷ᠂ ᠦᠨᠳᠦᠷ ᠤᠨ ᠬᠡᠮᠵᠢᠶᠡ ᠨᠢ ᠨᠢᠭᠡ ᠮᠧᠲᠷ ᠢᠯᠡᠭᠦᠦ ᠶᠢᠨ | ᠪᠠᠷᠤᠭᠲᠠᠢ ᠪᠠᠭᠠ ᠮᠣᠩᠭᠤᠯ ᠭᠡᠷ ᠪᠠᠶᠢᠯᠠ᠃ ᠰᠠᠷᠠᠨᠴᠢᠮᠡᠭ᠄ ︽ ᠡᠨᠡ ᠮᠣᠩᠭᠤᠯ ᠭᠡᠷ ᠪᠣᠯ ᠠᠶᠠᠯᠠᠯ | ᠵᠢᠭᠤᠯᠴᠢᠯᠠᠯ ᠳᠤ ᠳᠣᠬᠢᠷᠠᠭᠤᠯᠤᠭᠰᠠᠨ ᠦᠵᠡᠭᠦᠯᠦᠭᠡ ᠶᠢᠨ ᠮᠤᠩᠭᠤᠯ ᠭᠡᠷ ᠶᠣᠮ᠃ ᠮᠣᠩᠭᠤᠯ ᠭᠡᠷ ᠤᠨ ᠳᠤᠲᠤᠷᠠ | ᠤᠯᠠᠮᠵᠢᠯᠠᠯᠲᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠪᠣᠯᠬᠤ ᠠᠪᠳᠠᠷᠠ᠂ ᠰᠢᠷᠡᠭᠡ᠂ ᠡᠯᠭᠦᠭᠦᠷ᠂ ᠰᠢᠷᠢᠳᠡᠭ᠂ ᠳᠡᠪᠢᠰᠭᠡᠷ ᠵᠡᠷᠭᠡ ᠪᠦᠷᠢᠨ | ᠪᠠᠶᠢᠨᠠ︾ ᠭᠡᠮᠡᠨ ᠲᠠᠨᠢᠯᠴᠠᠭᠤᠯᠤᠯᠠ᠃ | ᠡᠨᠡᠬᠦ ᠮᠣᠩᠭᠤᠯ ᠭᠡᠷ ᠢ ᠭᠠᠳᠠᠨᠠ ᠠᠴᠠ ᠨᠢ ᠬᠠᠷᠠᠬᠤ ᠳᠤ ᠲᠤᠭᠤᠨᠤ᠂ ᠬᠠᠨᠠ᠂ ᠤᠨᠢ᠂ ᠬᠠᠭᠠᠯᠭᠠ᠂ | ᠪᠦᠰᠡᠯᠡᠭᠦᠷ᠂ ᠬᠠᠨᠠ ᠶᠢᠨ ᠰᠡᠭᠡᠯᠳᠦᠷᠭᠡ ᠪᠦᠷᠢᠨ ᠪᠠᠶᠢᠵᠤ᠂ ᠬᠦᠮᠦᠰ ᠲᠤ ᠳᠤᠲᠤᠷᠠᠬᠢ ᠪᠠᠶᠢᠳᠠᠯ ᠢ ᠨᠢ ᠲᠤᠳᠤᠷᠬᠠᠢ | ᠬᠠᠷᠠᠭᠤᠯᠬᠤ ᠶᠢᠨ ᠲᠤᠯᠠᠳᠠ ᠪᠦᠷᠢᠶᠡᠰᠦ ᠶᠢ ᠨᠢ ᠪᠦᠷᠢᠭᠰᠡᠨ ᠦᠭᠡᠢ ᠪᠠᠶᠢᠪᠠ᠃ ᠮᠣᠩᠭᠤᠯ ᠭᠡᠷ ᠤᠨ | ᠬᠠᠭᠠᠯᠭᠠ ᠶᠢᠨ ᠢᠶᠠᠨ ᠵᠡᠭᠦᠨ ᠲᠠᠯᠠ ᠳᠤ ᠨᠢ ᠠᠶᠢᠷᠠᠭ ᠴᠡᠭᠡ ᠪᠦᠯᠢᠳᠡᠭ ᠠᠶᠢᠷᠠᠭ ᠤᠨ ᠭᠦᠬᠦᠦᠷ ᠲᠠᠯᠪᠢᠭᠠᠰᠤᠲᠠᠢ᠃ | ᠡᠭᠦᠨ ᠤ ᠲᠤᠬᠠᠢ ᠰᠠᠷᠠᠨᠴᠢᠮᠡᠭ᠄ ︽ ᠲᠤᠰ ᠬᠦᠬᠦᠦᠷ ᠢ ᠠᠳᠤᠭᠤᠨ ᠤ ᠰᠠᠶᠢᠷ ᠢᠶᠠᠷ ᠬᠢᠵᠦ᠂ ᠤᠳᠬᠤᠭᠤᠷ ᠢ ᠨᠢ | ᠬᠤᠨᠢᠨ ᠤ ᠴᠣᠬᠤᠷ ᠰᠠᠷᠬᠢᠨᠠᠭ ᠢᠶᠠᠷ ᠬᠢᠭᠰᠡᠨ ᠶᠤᠮ᠃ ᠡᠨᠡᠬᠦ ᠠᠶᠢᠷᠠᠭ ᠤᠨ ᠬᠦᠬᠦᠦᠷ ᠢ ᠠᠳᠤᠭᠤᠨ ᠤ ᠰᠠᠶᠢᠷ ᠢᠶᠠᠷ | ᠬᠢᠭᠰᠡᠨ ᠪᠤᠯᠬᠤᠷ ᠠᠶᠢᠷᠠᠭ ᠤᠨ ᠬᠡᠷᠡᠭ ᠦᠭᠡᠢ ᠵᠦᠢᠯᠡᠰ ᠨᠢ ᠨᠡᠪᠴᠢᠵᠦ ᠭᠠᠳᠠᠭᠰᠢᠯᠠᠭᠤᠯᠤᠨ᠂ ᠬᠠᠮᠤᠭ ᠰᠢᠮᠡ ᠨᠢ | ᠳᠤᠲᠤᠷᠠ ᠪᠠᠨ ᠦᠯᠡᠳᠡᠳᠡᠭ ᠶᠤᠮ᠃ ᠦᠩᠭᠡᠷᠡᠭᠰᠡᠨ ᠳᠤ ᠮᠠᠯᠴᠢᠳ ᠬᠥᠬᠦᠦᠷ ᠤᠨ ᠢᠶᠠᠨ ᠳᠤᠤᠷᠠ ᠨᠦᠬᠡ ᠤᠬᠤᠵᠤ | ᠡᠯᠡᠰᠦ ᠬᠢᠵᠦ ᠲᠠᠯᠪᠢᠳᠠᠭ᠃ ᠤᠳᠬᠤᠭᠤᠷ ᠢ ᠨᠢ ᠬᠤᠨᠢᠨ ᠤ ᠰᠠᠷᠬᠢᠨᠠᠭ ᠢᠶᠠᠷ ᠬᠢᠳᠡᠭ ᠤᠨ ᠤᠴᠢᠷ ᠨᠢ ᠬᠥᠬᠦᠦᠷ ᠢᠶᠠᠨ | ᠬᠠᠮᠠᠭᠠᠯᠠᠬᠤ ᠪᠠᠷ ᠳᠤᠲᠤᠷᠠᠬᠢ ᠠᠶᠢᠷᠠᠭ ᠢᠶᠠᠨ ᠵᠥᠭᠡᠯᠡᠨ ᠶᠠᠭᠤᠮᠠ ᠪᠠᠷ ᠤᠳᠬᠤᠳᠠᠭ ᠪᠠᠶᠢᠨᠠ᠃ ᠡᠨᠡ ᠬᠠᠵᠠᠭᠤ ᠳᠤ | ᠪᠠᠶᠢᠭᠠ ᠠᠷᠤᠭ ᠢ ᠨᠢ ᠪᠤᠷᠭᠠᠰᠤ ᠪᠠᠷ ᠬᠢᠵᠦ᠂ ᠪᠦᠰᠡᠯᠡᠭᠦᠷ ᠢ ᠨᠢ ᠠᠳᠤᠭᠤᠨ ᠤ ᠳᠡᠯ ᠢᠶᠠᠷ ᠲᠠᠮᠤᠵᠤ᠂ ᠬᠢᠯᠭᠠᠰᠤ ᠪᠠᠷ | ᠡᠭᠡᠷᠡᠵᠦ ᠤᠶᠤᠭᠰᠠᠨ ᠶᠤᠮ᠃ ᠬᠢᠯᠭᠠᠰᠤ ᠪᠠᠷ ᠤᠶᠤᠭᠰᠠᠭᠠᠷ ᠬᠤᠷᠤᠬᠠᠢ ᠢᠳᠡᠬᠦ ᠦᠭᠡᠢ᠂ ᠲᠡᠮᠡᠭᠡᠨ ᠤ ᠤᠩᠭᠠᠰᠤᠨ | ᠤᠲᠠᠰᠤ ᠪᠣᠯ ᠠᠮᠠᠷᠬᠠᠨ ᠬᠤᠷᠤᠬᠠᠢ ᠢᠳᠡᠨᠡ᠃ ᠲᠤᠰ ᠮᠣᠩᠭᠤᠯ ᠭᠡᠷ ᠬᠤᠨᠢᠨ ᠤ ᠤᠩᠭᠠᠰᠤᠨ ᠪᠦᠷᠢᠶᠡᠰᠦ ᠲᠠᠢ᠃ | ᠲᠡᠭᠡᠪᠡᠯ ᠬᠠᠨᠠ ᠶᠢᠨ ᠰᠡᠭᠡᠯᠳᠦᠷᠭᠡ ᠶᠢ ᠪᠢ ᠳᠠᠪᠬᠤᠷ ᠡᠷᠴᠢ ᠲᠠᠢ ᠲᠠᠮᠤᠵᠤ ᠬᠢᠭᠰᠡᠨ ᠤ ᠤᠴᠢᠷ ᠨᠢ ᠠᠮᠠᠷᠬᠠᠨ | ᠰᠤᠨᠣᠬᠤ ᠠᠴᠠ ᠰᠡᠷᠭᠡᠶᠢᠯᠡᠭᠰᠡᠨ ᠪᠠᠶᠢᠨᠠ︾ ᠭᠡᠵᠦ ᠨᠠᠷᠢᠨ ᠲᠠᠶᠢᠯᠪᠤᠷᠢᠯᠠᠨᠠ᠃ | ᠣᠶᠢᠯᠭᠠᠭᠰᠠᠨ ᠢᠶᠠᠷ᠂ ᠲᠤᠰ ᠮᠣᠩᠭᠤᠯ ᠭᠡᠷ ᠨᠢ ᠲᠡᠭᠡᠭᠡᠵᠦ ᠶᠠᠪᠤᠬᠤ ᠳᠤ ᠳᠦᠭᠦᠮ᠂ ᠤᠨᠢ ᠨᠢ ᠨᠢᠭᠡ ᠮᠧᠲᠷ | ᠪᠣᠯᠬᠤᠷ ᠪᠠᠭᠠ ᠲᠡᠷᠭᠡᠨ ᠳᠤ ᠪᠦᠷ ᠪᠠᠭᠲᠠᠴᠢᠬᠠᠨᠠ᠃ ᠳᠣᠲᠤᠷᠠ ᠨᠢ ᠬᠤᠶᠠᠷ ᠬᠡᠦᠬᠡᠳ ᠲᠠᠢ ᠪᠠᠨ ᠨᠢᠭᠡ ᠭᠡᠷ ᠤᠨ | ᠳᠥᠷᠪᠡᠨ ᠬᠦᠮᠦᠨ ᠬᠡᠪᠲᠡᠵᠦ ᠪᠠᠭᠲᠠᠬᠤ ᠬᠡᠪᠴᠢᠶᠡ ᠲᠠᠢ ᠵᠤᠬᠢᠶᠠᠵᠤ ᠪᠦᠲᠦᠭᠡᠭᠰᠡᠨ ᠪᠠᠶᠢᠯᠠ᠃ ᠰᠠᠷᠠᠨᠴᠢᠮᠡᠭ᠄ | ︽ ᠮᠠᠨ ᠤ ᠡᠨᠡᠬᠦ ᠮᠣᠩᠭᠤᠯ ᠭᠡᠷ ᠨᠢ ᠰᠤᠷᠤᠭᠴᠢᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯ ᠤᠨ ᠵᠢᠭᠠᠨ ᠰᠤᠷᠭᠠᠯᠲᠠ ᠳᠤ ᠶᠡᠭᠡ | ᠳᠤᠬᠢᠷᠠᠨᠠ᠃ ᠤᠴᠢᠷ ᠨᠢ ᠤᠯᠠᠮᠵᠢᠯᠠᠯᠲᠤ ᠮᠣᠩᠭᠤᠯ ᠭᠡᠷ ᠤᠨ ᠪᠠᠷᠢᠮᠵᠢᠶᠠ ᠪᠠᠷ ᠬᠡᠪᠴᠢᠶᠡ ᠶᠢ ᠨᠢ ᠪᠠᠭᠠᠰᠬᠠᠵᠤ | ᠬᠢᠭᠰᠡᠨ ᠪᠤᠯᠬᠤᠷ ᠰᠤᠷᠤᠭᠴᠢᠳ ᠮᠣᠩᠭᠤᠯ ᠭᠡᠷ ᠤᠨ ᠲᠤᠬᠠᠢ᠂ ᠮᠣᠩᠭᠤᠯ ᠭᠡᠷ ᠲᠤ ᠬᠡᠷᠡᠭᠯᠡᠳᠡᠭ ᠡᠳ᠋ᠯᠡᠯ | ᠬᠡᠷᠡᠭᠰᠡᠯ ᠤᠨ ᠲᠤᠬᠠᠢ ᠪᠦᠷᠢᠨ ᠣᠶᠢᠯᠭᠠᠵᠤ ᠳᠡᠶᠢᠯᠬᠦ ᠮᠦᠷᠲᠡᠭᠡᠨ ᠥᠪᠡᠷᠳᠡᠭᠡᠨ ᠭᠠᠷ ᠬᠥᠳᠡᠯᠵᠦ ᠮᠣᠩᠭᠤᠯ ᠭᠡᠷ ᠢ | ᠶᠠᠭᠠᠬᠢᠵᠤ ᠪᠠᠷᠢᠳᠠᠭ ᠳᠤᠰᠬᠠᠢ ᠨᠡᠩ ᠲᠤᠳᠤᠷᠬᠠᠢ ᠣᠶᠢᠯᠭᠠᠬᠤ ᠳᠤ ᠳᠤᠬᠢᠷᠠᠭᠤᠯᠤᠭᠰᠠᠨ ᠶᠣᠮ ᠃ ᠪᠠᠰᠠ | ᠬᠡᠦᠬᠡᠳ ᠤᠳ ᠡᠭᠦᠷᠬᠦ ᠳᠤ ᠳᠤᠬᠢᠷᠠᠭᠰᠠᠨ ᠪᠢᠴᠢᠬᠠᠨ ᠠᠷᠤᠭ ᠲᠠᠢ︾ ᠭᠡᠯᠡ᠃ | ᠮᠣᠩᠭᠤᠯ ᠭᠡᠷ ᠤᠨ ᠳᠤᠲᠤᠷᠠ ᠨᠢ ᠣᠷᠤᠪᠠᠯ ᠭᠠᠵᠠᠷ ᠨᠢ ᠢᠰᠡᠬᠡᠢ ᠳᠡᠪᠢᠰᠴᠦ᠂ ᠭᠡᠷ ᠳᠣᠲᠤᠷᠠᠬᠢ ᠪᠠᠨ | ᠲᠤᠭᠤᠷᠢᠭᠤᠯᠵᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠤᠳ ᠢᠶᠠᠨ ᠵᠢᠭᠳᠡᠷᠡᠭᠦᠯᠦᠨ ᠲᠠᠯᠪᠢᠭᠰᠠᠨ ᠪᠠᠶᠢᠯᠠ᠃ ︽ ᠮᠣᠩᠭᠤᠯ ᠭᠡᠷ ᠤᠨ | ᠵᠡᠭᠦᠨ ᠲᠠᠯᠠ ᠶᠢᠨ ᠮᠤᠳᠤᠨ ᠵᠢᠶᠠᠰᠠᠨ ᠳᠡᠭᠡᠷᠡ ᠠᠷᠢᠬᠢ ᠨᠡᠷᠡᠳᠡᠭ ᠪᠦᠷᠬᠦᠭᠡᠷ ᠲᠠᠯᠪᠢᠭᠠᠰᠤᠲᠠᠢ᠂ ᠡᠭᠦᠨ ᠢ ᠰᠣᠯᠢ | ᠡᠪᠡᠰᠦ ᠪᠠᠷ ᠬᠢᠭᠰᠡᠨ ᠶᠤᠮ ᠃ ᠰᠣᠯᠢ ᠡᠪᠡᠰᠦ ᠪᠠᠷ ᠬᠢᠭᠰᠡᠨ ᠪᠦᠷᠬᠦᠭᠡᠷ ᠪᠣᠯ ᠭᠠᠵᠢᠬᠤ ᠦᠭᠡᠢ᠂ ᠮᠤᠳᠤᠨ | ᠪᠦᠷᠬᠦᠭᠡᠷ ᠪᠣᠯ ᠬᠡᠷᠡᠭᠯᠡᠵᠦ ᠪᠠᠶᠢᠬᠤ ᠦᠶᠡ ᠳᠤ ᠪᠠᠨ ᠬᠥᠭᠡᠭᠡᠵᠦ᠂ ᠬᠡᠷᠡᠭᠯᠡᠬᠦ ᠦᠭᠡᠢ ᠦᠶᠡ ᠳᠤ ᠪᠠᠨ ᠠᠪᠴᠢᠵᠤ᠂ | ᠵᠢᠯ ᠳᠤ ᠪᠠᠨ ᠨᠢᠭᠡ ᠤᠳᠠᠭᠠ ᠵᠠᠰᠠᠬᠤ ᠴᠢᠬᠤᠯᠠ ᠲᠠᠢ᠃ ᠰᠣᠯᠢ ᠪᠠᠷ ᠬᠢᠭᠰᠡᠨ ᠪᠦᠷᠬᠦᠭᠡᠷ ᠪᠦᠬᠡ ᠪᠣᠯᠬᠤᠷ ᠬᠡᠳᠦᠨ | ᠦᠶᠡ ᠪᠠᠷ ᠢᠶᠠᠨ ᠬᠡᠷᠡᠭᠯᠡᠵᠦ ᠴᠦ ᠪᠣᠯᠳᠠᠭ᠃ ᠮᠣᠩᠭᠤᠯ ᠭᠡᠷ ᠤᠨ ᠬᠤᠶᠢᠨᠠ ᠪᠠᠶᠢᠭᠠ ᠨᠠᠷᠢᠯᠢᠭ ᠬᠢᠴᠡ ᠲᠠᠢ ᠮᠣᠳᠤᠨ | ᠠᠪᠳᠠᠷᠠ ᠶᠢᠨ ᠳᠡᠭᠡᠷᠡᠬᠢ ᠪᠣᠯ ᠭᠡᠷ ᠲᠤ ᠲᠠᠯᠪᠢᠭᠤᠷ ᠢᠶᠠᠷ ᠲᠠᠯᠪᠢᠵᠤ ᠪᠣᠯᠳᠠᠭ ᠦᠬᠡᠷ ᠲᠡᠷᠭᠡ᠂ ᠠᠷᠭᠠᠯ ᠤᠨ ᠰᠠᠭᠰᠤ᠂ | ᠬᠤᠶᠠᠷ ᠵᠢᠵᠢᠭ ᠠᠪᠳᠠᠷᠠ ᠵᠡᠷᠭᠡ ᠪᠣᠯᠣᠨᠠ᠃ ᠮᠣᠩᠭᠤᠯ ᠭᠡᠷ ᠤᠨ ᠳᠤᠮᠳᠠ ᠪᠠᠶᠢᠭᠠ ᠰᠢᠷᠡᠭᠡᠨ ᠳᠡᠭᠡᠷᠡ | ᠲᠠᠯᠪᠢᠭᠠᠰᠤᠲᠠᠢ ᠨᠢ ᠬᠦᠬᠦᠦᠷ ᠪᠤᠯᠤᠨ ᠬᠦᠬᠦᠦᠷ ᠤᠨ ᠤᠭᠤᠲᠠ᠂ ᠪᠠᠰᠠ ᠳᠠᠯᠢᠩ ᠭᠡᠵᠦ ᠬᠡᠯᠡᠳᠡᠭ᠃ ᠡᠭᠦᠨ ᠢ | ᠬᠤᠨᠢᠨ ᠤ ᠭᠡᠳᠡᠰᠦ ᠶᠢ ᠱᠠᠤᠳᠠᠵᠤ ᠬᠢᠭᠰᠡᠨ᠃ ᠭᠠᠵᠠᠷ ᠳᠡᠪᠢᠰᠴᠦ ᠪᠠᠶᠢᠭᠠ ᠢᠰᠡᠭᠡᠢ ᠰᠢᠷᠡᠳᠡᠭ ᠨᠢ ᠴᠦ ᠪᠦᠷ | ᠥᠪᠡᠷᠲᠡᠭᠡᠨ ᠬᠢᠭᠰᠡᠨ ᠢᠰᠡᠭᠡᠢ ᠪᠠᠶᠢᠵᠤ᠂ ᠳᠡᠭᠡᠷᠡ ᠨᠢ ᠤᠭᠠᠯᠵᠠ ᠤᠶᠤᠵᠤ ᠰᠢᠷᠢᠭᠰᠡᠨ ᠶᠤᠮ᠃ ᠡᠳᠡᠭᠡᠷ ᠪᠣᠯ ᠪᠦᠷ | ᠯᠡ ᠮᠠᠨ ᠤ ᠣᠷᠣᠨ ᠨᠣᠲᠤᠭ ᠤᠨ ᠭᠠᠷᠣᠯᠳᠠ ᠨᠤᠭᠤᠳ ᠪᠠᠶᠢᠵᠤ᠂ ᠪᠠᠷᠤᠭ ᠭᠠᠳᠠᠨᠠ ᠠᠴᠠ ᠠᠪᠤᠭᠰᠠᠨ ᠶᠠᠭᠤᠮᠠ | ᠪᠠᠶᠢᠬᠤ ᠦᠭᠡᠢ︾ ᠭᠡᠮᠡᠨ ᠰᠠᠷᠠᠨᠴᠢᠮᠡᠭ ᠲᠠᠨᠢᠯᠴᠠᠭᠤᠯᠤᠯᠠ᠃ | ᠣᠶᠢᠯᠭᠠᠭᠰᠠᠨ ᠢᠶᠠᠷ᠂ ᠡᠨᠡᠬᠦ ᠪᠠᠭᠠ ᠬᠡᠯᠪᠡᠷᠢ ᠶᠢᠨ ᠮᠣᠩᠭᠤᠯ ᠭᠡᠷ ᠵᠢᠴᠢ ᠳᠤᠲᠤᠷᠠᠬᠢ ᠬᠡᠷᠡᠭᠰᠡᠯ ᠤᠳ ᠢ | ᠰᠠᠷᠠᠨᠴᠢᠮᠡᠭ ᠨᠥᠬᠦᠷ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠪᠠᠨ ᠲᠠᠪᠤᠨ ᠰᠠᠷᠠ ᠤᠷᠴᠢᠮ ᠤᠨ ᠬᠤᠭᠤᠴᠠᠭᠠ ᠬᠡᠷᠡᠭᠰᠡᠨ ᠬᠢᠵᠦ | ᠳᠠᠭᠤᠰᠬᠠᠨ᠂ ᠵᠥᠪᠬᠡᠨ ᠬᠠᠨᠠ ᠶᠢ ᠬᠢᠬᠦ ᠳᠤ ᠰᠠᠷᠠ ᠭᠠᠷᠤᠢ ᠶᠢᠨ ᠬᠤᠭᠤᠴᠠᠭᠠ ᠬᠡᠷᠡᠭᠰᠡᠵᠦ ᠪᠢᠯᠡ᠃ ᠰᠠᠷᠠᠨᠴᠢᠮᠡᠭ᠄ | ︽ᠮᠠᠨ ᠤ ᠡᠨᠡ ᠮᠣᠩᠭᠤᠯ ᠭᠡᠷ ᠢ ᠨᠢᠭᠡ ᠬᠦᠮᠦᠨ ᠥᠪᠡᠷ ᠤᠨ ᠣᠮᠪᠤᠯᠤ ᠳᠠᠭᠠᠨ ᠬᠦᠷᠭᠡᠨᠡ ᠭᠡᠮᠡᠨ ᠵᠠᠬᠢᠶᠠᠯᠠᠵᠤ᠂ | ᠪᠢᠳᠡ ᠮᠣᠩᠭᠤᠯ ᠭᠡᠷ ᠢᠶᠠᠨ ᠬᠢᠵᠦ ᠳᠠᠭᠤᠰᠬᠠᠴᠢᠬᠠᠭᠠᠳ ᠲᠤᠰᠬᠠᠢ ᠭᠡᠷ ᠲᠤᠨᠢ ᠬᠦᠷᠴᠦ ᠪᠠᠷᠢᠵᠤ ᠥᠭᠴᠦ ᠪᠠᠶᠢᠭᠰᠠᠨ᠃ | ᠪᠦᠷᠢᠨ ᠡᠳ᠋ᠯᠡᠯ ᠲᠠᠢ ᠮᠣᠩᠭᠤᠯ ᠭᠡᠷ ᠢᠶᠠᠨ 1 ᠲᠦᠮᠡ 6000 ᠲᠥᠭᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠵᠤ ᠪᠠᠶᠢᠨᠠ︾ ᠭᠡᠯᠡ᠃ | ᠰᠠᠷᠠᠨᠴᠢᠮᠡᠭ ᠤᠨ ᠡᠨᠡᠬᠦ ᠰᠠᠶᠢᠬᠠᠨ ᠨᠠᠷᠢᠯᠢᠭ ᠬᠢᠴᠡ ᠲᠠᠢ ᠪᠠᠭᠠ ᠬᠡᠯᠪᠡᠷᠢ ᠶᠢᠨ ᠮᠣᠩᠭᠤᠯ ᠭᠡᠷ ᠢ ᠬᠠᠷᠠᠭᠠᠳ | ᠪᠠᠭ᠋ᠠᠷᠬᠠᠬᠤ ᠶᠢᠨ ᠳᠠᠭᠠᠤ ᠡᠭᠦᠨ ᠠᠴᠠ ᠤᠨᠳᠤᠷᠴᠦ ᠪᠠᠶᠢᠭᠠ ᠤᠯᠠᠮᠵᠢᠯᠠᠯᠲᠤ ᠨᠡᠭᠦᠳᠡᠯ ᠰᠤᠶᠤᠯ ᠵᠢᠴᠢ ᠮᠠᠯᠴᠢᠨ | ᠬᠦᠮᠦᠨ ᠤ ᠤᠷᠠ ᠤᠬᠠᠭᠠᠨ ᠢ ᠪᠢᠰᠢᠷᠡᠨ ᠪᠠᠭ᠋ᠠᠷᠬᠠᠵᠤ᠂ ᠡᠨᠡᠬᠦ ᠥᠪ ᠰᠤᠶᠤᠯ ᠢᠶᠠᠨ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠵᠤ᠂ | ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠲᠠᠭᠠᠨ ᠮᠡᠳᠡᠭᠦᠯᠵᠦ ᠲᠠᠨᠢᠭᠤᠯᠬᠤ ᠪᠠᠷ ᠴᠢᠷᠮᠠᠶᠢᠨ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠳᠤ ᠦᠨᠡᠭᠡᠷ | ᠰᠡᠳᠬᠢᠯ ᠬᠥᠳᠡᠯᠦᠯᠡ᠃ | |