| 6 ᠰᠠᠷᠠ ᠶᠢᠨ 5 ᠤ ᠡᠳᠦᠷ ᠤᠨ ᠥᠳᠡ ᠶᠢᠨ ᠬᠤᠶᠢᠨᠠ ᠠᠪᠠᠭᠠ ᠬᠤᠰᠢᠭᠤᠨ ᠤ ᠠᠩᠬᠠᠳᠤᠭᠠᠷ ᠣᠳᠠᠭᠠᠨ ᠤ | ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢᠳ ᠤᠨ ︽ᠦᠰᠬᠦᠶᠢᠷᠡᠭᠡᠳᠦᠢ︾ ᠨᠡᠷᠡᠮᠵᠢᠲᠤ ᠨᠤᠮᠤ ᠰᠤᠮᠤ ᠶᠢᠨ ᠬᠠᠷᠪᠤᠯᠲᠠ ᠶᠢᠨ | ᠤᠷᠤᠯᠳᠤᠭᠠᠨ ᠨᠢᠭᠡᠳᠦᠭᠡᠷ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠲᠠᠮᠢᠷ ᠤᠨ ᠤᠷᠳᠤᠨ ᠳᠤ ᠶᠠᠪᠤᠭᠳᠠᠭᠰᠠᠨ ᠪᠠᠶᠢᠨᠠ᠃ | ᠤᠷᠤᠯᠳᠤᠭᠠᠨ ᠢ ᠪᠠᠭᠠ ᠨᠣᠳᠤᠭ ᠤᠨ ᠨᠡᠷᠡᠲᠦ ᠠᠬᠠᠮᠠᠳ ᠬᠠᠷᠪᠤᠭᠴᠢ ᠴᠠᠭᠠᠨᠨᠠᠭᠤᠷ ᠪᠠᠯᠭᠠᠰᠤᠨ ᠤ | ᠣᠯᠠᠭᠠᠨᠪᠣᠯᠠᠭ ᠭᠠᠴᠠᠭᠠᠨ ᠤ ᠰᠡᠴᠡᠨᠪᠠᠭᠠᠳᠤᠷ ᠭᠡᠷᠭᠡᠢ ᠰᠢᠨᠡᠴᠡᠴᠡᠭ ᠤᠨ ᠬᠠᠮᠲᠤ ᠰᠠᠨᠠᠭᠠᠴᠢᠯᠠᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ | ᠂ ᠤᠷᠤᠯᠳᠤᠭᠠᠨ ᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠲᠥᠷᠪᠡ ᠣᠨ ᠠᠴᠠ ᠳᠡᠭᠡᠭᠰᠢᠬᠢ 30 ᠭᠠᠷᠤᠢ ᠰᠤᠷᠤᠭᠴᠢ | ᠤᠷᠤᠯᠴᠠᠨ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠲᠤᠭᠤᠶᠢᠯᠠᠩ ᠬᠤᠪᠢᠶᠠᠵᠤ᠂ 15 ᠮᠧᠲᠷ ᠠᠴᠠ ᠰᠠᠷᠠᠨ ᠫᠠᠢ ᠶᠢ ᠣᠯᠠᠮᠵᠢᠯᠠᠯᠲᠤ | ᠨᠤᠮᠤ ᠪᠠᠷ ᠡᠷᠬᠡᠶᠢᠪᠴᠢᠯᠡᠨ ᠬᠠᠷᠪᠤᠵᠠᠢ᠃ ᠤᠷᠤᠯᠳᠤᠭᠠᠨ ᠤ ᠳ᠋ᠦᠩ ᠳᠤ ᠡᠷᠡᠭᠲᠡᠢ ᠲᠤᠭᠤᠶᠢᠯᠠᠩ ᠳᠤ 6 ᠣᠨ ᠤ 3 | ᠠᠩᠭᠢ ᠶᠢᠨ ᠠᠰᠢᠳᠠ 46 ᠤᠨᠤᠭᠠ ᠪᠠᠷ ᠲᠡᠷᠢᠭᠦᠯᠡᠵᠦ᠂ ᠲᠡᠨᠢᠭᠦᠨ 44 ᠤᠨᠤᠭᠠ ᠪᠠᠷ ᠳᠡᠳ᠋ᠯᠡᠨ᠂ ᠨᠠᠶᠢᠷᠲᠠᠢ 38 | ᠤᠨᠤᠭᠠ ᠪᠠᠷ ᠭᠤᠳᠠᠭᠠᠷᠯᠠᠵᠤ᠂ ᠡᠮᠡᠭᠲᠡᠢ ᠲᠤᠭᠤᠶᠢᠯᠠᠩ ᠳᠤ ᠤᠷᠠᠯᠢᠭ 43 ᠤᠨᠤᠭᠠ ᠪᠠᠷ ᠲᠡᠷᠢᠭᠦᠯᠡᠵᠦ᠂ ᠨᠠᠶᠢᠷᠰᠠᠭ | 41 ᠤᠨᠤᠭᠠ ᠪᠠᠷ ᠳᠡᠳ᠋ᠯᠡᠨ᠂ ᠲᠤᠨᠤᠷᠠ 40 ᠤᠨᠤᠭᠠ ᠪᠠᠷ ᠭᠤᠳᠠᠭᠠᠷᠯᠠᠭᠰᠠᠨ ᠪᠠᠶᠢᠨᠠ᠃ | ︽ᠤᠷᠤᠯᠳᠤᠭᠠᠨ ᠳᠤ ᠮᠢᠨᠢ ᠬᠠᠯᠠᠭᠤᠨ ᠳᠡᠮᠵᠢᠯᠭᠡ ᠦᠵᠡᠭᠦᠯᠦᠭᠰᠡᠨ ᠪᠠᠭᠰᠢ ᠠᠵᠢᠯᠳᠠᠨ᠂ ᠨᠣᠳᠤᠭ ᠤᠨ | ᠬᠠᠷᠪᠤᠭᠠᠴᠢ ᠨᠠᠷ ᠲᠠᠭᠠᠨ ᠳᠤᠩ ᠶᠡᠭᠡ ᠪᠠᠶᠠᠷᠯᠠᠯᠠ᠂ ᠡᠨᠡ ᠣᠳᠠᠭᠠᠨ ᠤ ᠤᠷᠤᠯᠳᠤᠭᠠᠨ ᠢ ᠬᠡᠣᠬᠡᠳ ᠪᠠᠭᠠᠴᠤᠳ ᠲᠤ | ᠣᠯᠠᠮᠵᠢᠯᠠᠯᠲᠤ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠤᠨ ᠨᠢᠭᠡ ᠪᠣᠯᠬᠤ ᠨᠤᠮᠤ ᠰᠤᠮᠤ ᠶᠢᠨ ᠲᠠᠯᠠ ᠪᠠᠷ ᠣᠯᠠᠮ ᠢᠯᠡᠭᠦᠦ | ᠣᠶᠢᠯᠠᠭᠠᠭᠤᠯᠤᠨ ᠪᠠᠭ᠋ᠠᠲᠠᠢ ᠪᠣᠯᠭᠠᠵᠤ᠂ ᠢᠷᠡᠭᠡᠳᠦᠢ ᠳᠤ ᠨᠣᠳᠤᠭ ᠤᠨ ᠠᠯᠳᠠᠷ ᠢ ᠡᠷᠭᠦᠭᠰᠡᠨ ᠰᠢᠯᠢᠳᠡᠭ ᠬᠠᠷᠪᠤᠭᠠᠴᠢᠨ | ᠪᠣᠯᠬᠤ ᠳᠤᠨᠢ ᠰᠠᠭᠤᠷᠢ ᠲᠠᠯᠪᠢᠬᠤ ᠵᠣᠷᠢᠯᠭᠠ ᠠᠴᠠ ᠡᠷᠬᠢᠯᠡᠨ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠶᠤᠮ᠂ ᠤᠷᠤᠯᠳᠤᠭᠠᠨ ᠶᠡᠭᠡ | ᠠᠮᠵᠢᠯᠲᠠ ᠲᠠᠢ ᠪᠣᠯᠣᠭᠰᠠᠨ᠂ ᠳᠠᠷᠠᠭᠠ ᠳᠠᠷᠠᠭᠠ ᠶᠢᠨ ᠤᠷᠤᠯᠳᠤᠭᠠᠨ ᠢᠶᠠᠷ ᠬᠡᠣᠬᠡᠳ ᠤᠳ ᠨᠡᠩ ᠢᠯᠡᠭᠦᠦ | ᠢᠳᠡᠪᠬᠢᠯᠡᠨ ᠤᠷᠤᠯᠴᠠᠬᠤ ᠶᠢ ᠬᠦᠰᠡᠵᠦ ᠪᠠᠶᠢᠨᠠ︾ ᠭᠡᠵᠦ ᠤᠷᠤᠯᠳᠤᠭᠠᠨ ᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠴᠢ | ᠰᠡᠴᠡᠨᠪᠠᠭᠠᠳᠤᠷ ᠶᠠᠷᠢᠯᠠ᠃ | ᠤᠷᠤᠯᠳᠤᠭᠠᠨ ᠤ ᠳᠠᠷᠠᠭᠠ ᠮᠠᠨ ᠤ ᠤᠷᠤᠨ ᠤ ᠮᠠᠩᠯᠠᠢ ᠴᠣᠯᠠᠲᠠᠨ ᠬᠠᠷᠪᠤᠭᠠᠴᠢ ᠠᠰᠬᠠᠨ᠂ ᠪᠣᠷᠢᠶᠠᠳ | ᠰᠤᠷ ᠤᠨ ᠮᠠᠰᠲ᠋ᠧᠷ ᠴᠤᠯᠠᠲᠠᠨ ᠷᠢᠨᠴᠢᠨᠳᠤᠷᠵᠢ᠂ ᠤᠷᠤᠨ ᠤ ᠰᠢᠯᠢᠳᠡᠭ ᠬᠠᠷᠪᠤᠭᠠᠴᠢ ᠣᠳᠬᠠᠨᠪᠠᠶᠠᠷ᠂ ᠮᠠᠨ ᠤ | ᠬᠤᠰᠢᠭᠤᠨ ᠤ ᠨᠡᠷᠡᠲᠦ ᠬᠠᠷᠪᠤᠭᠠᠴᠢ ᠨᠠᠷᠠᠨᠴᠤᠭᠲᠤ᠂ ᠵᠢᠷᠤᠮᠲᠤ᠂ ᠤᠴᠢᠪᠠᠳᠠᠷᠠᠬᠤ᠂ ᠪᠣᠷᠣᠪᠠᠭᠠᠳᠤᠷ ᠤᠷᠴᠢᠯᠠᠩ ᠨᠠᠷ | ᠣᠯᠠᠨ ᠳᠤ ᠦᠵᠡᠭᠦᠯᠦᠯᠭᠡ ᠶᠢᠨ ᠬᠠᠷᠪᠤᠭᠠ ᠰᠤᠨᠢᠷᠬᠠᠭᠤᠯᠵᠤ᠂ ᠬᠡᠣᠬᠡᠳ ᠤᠳ ᠲᠤ ᠨᠤᠮᠤ ᠪᠠᠨ ᠶᠠᠭᠠᠬᠢᠵᠤ ᠲᠠᠲᠠᠬᠤ | ᠬᠡᠷᠬᠢᠨ ᠤᠨᠢᠯᠠᠬᠤ ᠵᠡᠷᠭᠡ ᠰᠠᠭᠤᠷᠢ ᠮᠡᠳᠡᠯᠭᠡ ᠶᠢᠨ ᠲᠠᠯᠠ ᠪᠠᠷ ᠵᠢᠭᠠᠨ ᠵᠢᠯᠤᠭᠤᠳᠤᠭᠰᠠᠨ ᠪᠠᠶᠢᠨᠠ᠃ |