ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠶᠢᠨ ᠫᠢᠩ ᠤᠨ ᠦᠨᠳᠦᠰᠦᠲᠡᠨ ᠤ ᠠᠵᠢᠯ ᠢ ᠴᠢᠩᠭᠠᠳᠬᠠᠨ ᠰᠠᠶᠢᠵᠢᠷᠠᠭᠤᠯᠬᠤ ᠲᠤᠬᠠᠢ | ᠴᠢᠬᠤᠯᠠ ᠦᠵᠡᠯ ᠰᠠᠨᠠᠭᠠ᠂ ᠦᠭᠡ ᠬᠡᠯᠡ᠂ ᠦᠰᠦᠭ ᠪᠢᠴᠢᠭ ᠤᠨ ᠠᠵᠢᠯ ᠤᠨ ᠲᠤᠬᠠᠢ ᠴᠢᠬᠤᠯᠠ ᠵᠢᠭᠠᠪᠤᠷᠢ | ᠴᠤᠬᠤᠯᠠᠪᠤᠷᠢ ᠶᠢᠨ ᠵᠣᠷᠢᠭ ᠰᠠᠨᠠᠭᠠ ᠶᠢ ᠭᠦᠨᠵᠡᠭᠡᠢ ᠰᠤᠷᠤᠯᠴᠠᠨ ᠣᠬᠠᠭᠤᠯᠵᠤ᠂ ᠲᠤᠮᠳᠠᠳᠤ ᠶᠢᠨ ᠦᠨᠳᠦᠰᠦᠲᠡᠨ ᠤ | ᠬᠠᠮᠲᠤ ᠶᠢᠨ ᠴᠤᠭᠴᠠ ᠶᠢᠨ ᠣᠬᠠᠮᠰᠠᠷ ᠢ ᠪᠠᠳᠤᠳᠬᠠᠨ᠂ ᠳᠤᠮᠳᠠᠳᠤ ᠶᠢᠨ ᠦᠨᠳᠦᠰᠦᠲᠡᠨ ᠤ ᠰᠢᠯᠢᠳᠡᠭ ᠰᠤᠶᠤᠯ ᠢ | ᠣᠯᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠬᠤ ᠴᠢᠬᠤᠯᠠ ᠦᠵᠡᠯ ᠰᠠᠨᠠᠭᠠ ᠶᠢ ᠰᠤᠷᠤᠯᠴᠠᠨ ᠲᠤᠭᠤᠰᠢᠯᠠᠭᠤᠯᠬᠤ ᠪᠠᠷ ᠬᠠᠷᠠᠯᠲᠠ ᠪᠣᠯᠭᠠᠨ᠂ | ᠦᠪᠤᠷ ᠮᠣᠩᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠦᠨᠳᠦᠰᠦᠲᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯ ᠤᠨ 2022 | ᠣᠨ ᠤ 12 ᠰᠠᠷᠠ ᠶᠢᠨ 21 ᠤ ᠡᠳᠦᠷ ᠨᠡᠶᠢᠲᠡᠯᠡᠭᠰᠡᠨ ︽ᠰᠢᠨᠡ ᠴᠠᠭ ᠥᠶᠡ ᠶᠢᠨ ᠮᠣᠩᠭᠤᠯ ᠦᠭᠡ ᠬᠡᠯᠡ | ᠦᠰᠦᠭ ᠪᠢᠴᠢᠭ ᠤᠨ ᠲᠦᠷᠢᠮᠵᠢᠭᠦᠯᠦᠯᠲᠡ ᠪᠠᠷᠢᠮᠵᠢᠶᠠᠭᠤᠯᠤᠯᠲᠠ ᠶᠢᠨ ᠠᠵᠢᠯ ᠢ ᠰᠠᠶᠢᠳᠤᠷ ᠬᠢᠬᠦ ᠲᠤᠬᠠᠢ ᠮᠡᠳᠡᠭᠳᠡᠯ︾ | ᠤᠨ ᠵᠣᠷᠢᠭ ᠰᠠᠨᠠᠭᠠ ᠱᠠᠭᠠᠷᠳᠠᠯᠭᠠ ᠶᠤᠰᠤᠭᠠᠷ ᠮᠣᠩᠭᠤᠯ ᠦᠰᠦᠭ ᠤᠨ ᠵᠦᠪ ᠪᠢᠴᠢᠯᠭᠡ ᠶᠢ ᠲᠦᠷᠢᠮᠵᠢᠭᠦᠯᠦᠨ | ᠬᠡᠷᠡᠭᠯᠡᠬᠦ ᠢ ᠣᠬᠠᠭᠤᠯᠵᠤ ᠲᠠᠶᠢᠯᠪᠤᠷᠢᠯᠠᠬᠤ ᠠᠵᠢᠯ ᠢ ᠰᠠᠶᠢᠳᠤᠷ ᠬᠢᠵᠦ᠂ ᠮᠣᠩᠭᠤᠯ ᠬᠡᠯᠡᠨ ᠤ ᠪᠠᠷᠢᠮᠵᠢᠶᠠ ᠠᠪᠢᠶᠠᠨ ᠤ | ᠵᠢᠭᠠᠨ ᠰᠤᠷᠭᠠᠯᠲᠠ᠂ ᠰᠢᠯᠭᠠᠯᠲᠠ᠂ ᠬᠡᠷᠡᠭᠯᠡᠯᠲᠡ ᠶᠢᠨ ᠠᠵᠢᠯ ᠢ ᠣᠯᠠᠮ ᠰᠠᠶᠢᠳᠤᠷ ᠬᠢᠬᠦ ᠶᠢᠨ ᠲᠤᠯᠠᠳᠠ᠂ ᠠᠪᠠᠭᠠ | ᠬᠤᠰᠢᠭᠤᠨ ᠤ ︽ᠨᠤᠮ ᠤᠨ ᠴᠢᠭᠤᠯᠭᠠᠨ︾ ᠬᠤᠯᠪᠤᠭᠠᠨ ᠠᠴᠠ ᠰᠠᠨᠠᠭᠠᠴᠢᠯᠠᠨ ᠡᠷᠬᠢᠯᠡᠵᠦ᠂ ᠰᠢᠯᠢ ᠶᠢᠨ ᠭᠤᠣᠯ ᠤᠨ | ᠡᠳᠦᠷ ᠤᠨ ᠰᠤᠨᠢᠨ ᠤ ᠪᠦᠷᠢᠨ ᠵᠠᠭᠤᠴᠢᠯᠠᠭᠤᠷ ᠤᠨ ᠦᠢᠯᠡᠳᠬᠦ ᠲᠥᠪ ᠠᠴᠠ ᠬᠠᠮᠵᠢᠨ ᠡᠷᠬᠢᠯᠡᠭᠰᠡᠨ ︽ᠵᠦᠪ | ᠲᠥᠷᠢᠮᠵᠢᠭᠦᠨ ᠪᠢᠴᠢᠯᠭᠡ︾ ᠶᠢᠨ ᠤᠷᠤᠯᠳᠤᠭᠠᠨ ᠪᠣᠯᠤᠨ ︽ᠰᠠᠷᠠᠨ ᠬᠥᠬᠦᠭᠡᠨ ᠳᠠᠭᠤᠨ︾ ᠢᠷᠠᠭᠤ ᠣᠩᠰᠢᠯᠭᠠ ᠶᠢᠨ | ᠨᠠᠭᠠᠳᠤᠮ ᠤᠨ ᠰᠢᠢᠳᠪᠤᠷᠢᠲᠦ ᠲᠡᠮᠡᠴᠡᠭᠡᠨ 2023 ᠣᠨ ᠤ 6 ᠰᠠᠷᠠ ᠶᠢᠨ 11 ᠤ ᠥᠳᠡ ᠶᠢᠨ ᠡᠮᠦᠨᠡ ᠠᠪᠠᠭᠠ | ᠬᠤᠰᠢᠭᠤᠨ ᠤ ᠲᠦᠪ ᠪᠡᠯᠭᠦᠳᠡᠢ ᠪᠠᠯᠭᠠᠰᠣᠨᠠ ᠶᠠᠪᠤᠭᠳᠠᠯᠠ᠃ | ︽ᠵᠦᠪ ᠲᠦᠷᠢᠮᠵᠢᠭᠦᠨ ᠪᠢᠴᠢᠯᠭᠡ︾ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠰᠢᠪᠦᠭᠡᠷᠡᠨ ᠤᠷᠤᠯᠴᠠᠭᠰᠠᠨ ᠭᠤᠴᠢᠭᠠᠳ | ᠬᠦᠮᠦᠰ ᠮᠠᠨᠢ ᠵᠠᠰᠠᠭ ᠤᠨ ᠲᠠᠭᠤᠨ ᠬᠤᠭᠤᠯᠠᠢ᠂ ᠠᠷᠠᠳ ᠲᠥᠮᠡᠨ ᠤ ᠨᠢᠳᠦ ᠴᠢᠬᠢ ᠪᠣᠯᠣᠭᠰᠠᠨ ᠷᠠᠳᠢᠤ᠋ ᠲᠧᠯᠸᠢᠰ | ᠲᠤᠪᠴᠢᠶᠠᠨ ᠤ ᠬᠤᠷᠠᠯ ᠤᠨ ᠳᠠᠩᠬᠢᠮ ᠳᠤ ᠲᠤᠭᠯᠠᠨ ᠰᠠᠭᠤᠵᠠᠭᠠᠵᠤ ᠪᠢᠷ ᠤᠨ ᠰᠢᠯᠭᠠᠯᠲᠠ ᠪᠠᠨ ᠬᠢᠨᠡ᠃ ᠦᠯᠦᠭᠡᠢ | ᠲᠠᠢ ᠨᠢᠯᠬᠠ ᠠᠴᠠ ᠠᠪᠤᠭᠠᠳ ᠡᠪᠦᠭᠡᠳ ᠤᠨ ᠰᠤᠷᠭᠠᠯ ᠴᠡᠭᠡᠵᠢᠯᠡᠨ᠂ ᠦᠯᠢᠭᠡᠷ ᠤᠨ ᠪᠠᠭᠠᠳᠤᠷ ᠤᠨ ᠳᠦᠷᠢ ᠳᠤ | ᠵᠡᠭᠦᠳᠦᠨ ᠳᠡᠭᠡᠨ ᠪᠠᠷᠳᠠᠮᠨᠠᠵᠤ᠂ ᠡᠷᠳᠡᠨᠢ ᠶᠢᠨ ᠠᠯᠲᠠᠨ ᠦᠵᠦᠭ ᠢ ᠦᠭᠡ ᠶᠢᠨ ᠰᠦᠨ ᠳᠤ ᠲᠥᠷᠢᠵᠦ ᠡᠭᠡᠰᠢᠭ | ᠲᠤᠯᠤᠭᠠ᠂ ᠴᠠᠭᠠᠨ ᠲᠤᠯᠤᠭᠠᠢ ᠪᠠᠷ ᠢᠶᠠᠨ ᠣᠳᠬᠠ ᠶᠢᠨ ᠡᠷᠢᠬᠡᠰ ᠬᠤᠯᠪᠤᠭᠰᠠᠨ ᠶᠡᠬᠡᠰ ᠮᠡᠷᠭᠡᠳ ᠤᠨ ᠥᠯᠡᠳᠡᠭᠡᠭᠰᠡᠨ | ᠨᠤᠮ ᠤᠨ ᠬᠠᠭᠤᠳᠠᠰᠤᠨ ᠠᠴᠠ ᠪᠡᠬᠡᠰ ᠤᠨ ᠦᠨᠤᠷ ᠦᠨᠦᠷᠳᠦᠵᠦ᠂ ᠪᠢᠯᠢᠭ ᠤᠨ ᠠᠭᠤᠷ ᠵᠠᠯᠬᠢᠯᠠᠵᠤ ᠶᠠᠪᠤᠭᠰᠠᠨ | ᠳᠠᠭᠠᠨ ᠠᠭᠠᠷᠬᠠᠵᠤ ᠭᠠᠩ ᠦᠵᠦᠭ ᠢᠶᠠᠨ ᠬᠤᠷᠴᠠᠯᠠᠵᠤ᠂ ᠭᠠᠷ ᠤᠨ ᠲᠢᠭ ᠢᠶᠠᠨ ᠠᠳᠠᠯᠢᠳᠬᠠᠵᠤ ᠴᠠᠭᠠᠨ ᠴᠠᠭᠠᠰᠤᠨᠠ | ᠮᠣᠩᠭᠤᠯ ᠦᠰᠦᠭ ᠲᠠᠲᠠᠯᠠᠬᠤ ᠨᠢ ᠴᠠᠰᠤᠲᠤ ᠲᠠᠯᠠ ᠳᠤ ᠠᠳᠤᠭᠤᠳ ᠳᠠᠪᠬᠢᠯᠳᠤᠭᠰᠠᠨ ᠮᠡᠲᠤ ᠬᠠᠷᠠᠭᠲᠠᠮᠤᠢ᠃ | ︽ᠰᠠᠷᠠᠨ ᠬᠥᠬᠦᠭᠡᠨ ᠳᠠᠭᠤᠨ︾ ᠢᠷᠠᠭᠤ ᠣᠩᠰᠢᠯᠭᠠ ᠶᠢᠨ ᠨᠠᠭᠠᠳᠤᠮ ᠤᠨ ᠰᠢᠢᠳᠪᠤᠷᠢᠲᠤ ᠲᠡᠮᠡᠴᠡᠭᠡᠨ ᠳᠤ | ᠰᠢᠭᠰᠢᠭᠳᠡᠨ ᠥᠯᠡᠳᠡᠭᠰᠡᠨ ᠳᠦᠴᠢᠭᠡᠳ ᠬᠡᠣᠬᠡᠳ ᠤᠳ ᠮᠠᠨᠢ ︽ᠲᠠᠯᠠ ᠨᠣᠳᠤᠭ ᠤᠨ ᠬᠦᠩᠭᠡᠨ ᠮᠣᠷᠢᠲᠤ ᠴᠡᠷᠢᠭ︾ | ᠶᠢᠨ ᠬᠤᠸᠠᠷᠠᠨ- ᠠᠪᠠᠭᠠ ᠬᠤᠰᠢᠭᠤᠨ ᠤ ᠣᠯᠠᠭᠠᠨᠮᠦ᠋ᠴᠢᠷ ᠤᠨ ᠶᠤᠰᠤᠯᠠᠯ ᠤᠨ ᠲᠠᠩᠬᠢᠮ ᠳᠤ ᠬᠥᠬᠦᠭᠡ | ᠰᠢᠪᠠᠭᠤᠨ ᠤ ᠢᠷᠠᠭᠤ ᠡᠭᠡᠰᠢᠭᠯᠡᠩᠲᠦ ᠲᠠᠭᠤᠨ ᠬᠤᠭᠤᠯᠠᠢ ᠪᠠᠷ ᠢᠶᠠᠨ ᠬᠦᠮᠦᠰ ᠤᠨ ᠰᠡᠳᠬᠢᠯ ᠤᠨ ᠶᠤᠩᠬᠤᠷ ᠢ | ᠳᠠᠯᠠᠳᠤᠨ ᠣᠶᠠᠩᠭᠠᠯᠬᠤ ᠪᠠᠷ ᠭᠡᠷ ᠤᠨ ᠠᠲᠠᠷ ᠠᠴᠠ ᠦᠵᠡᠭᠳᠡᠬᠦ ᠦᠭᠡᠢ ᠶᠠᠭᠤ ᠨᠢᠭᠡ ᠨᠢ ᠬᠦᠳᠡᠯᠪᠡ ᠤᠤ ᠭᠡᠯᠲᠡᠢ | ᠦᠯᠦᠨ ᠲᠤᠭᠤᠰᠤ ᠱᠠᠯᠠᠨ ᠲᠡᠭᠡᠷᠡ ᠪᠠᠭᠤᠨᠠ᠃ ᠡᠨᠡ ᠦᠨᠡᠬᠡᠷ ︽ᠬᠥᠬᠦᠭᠡ ᠰᠢᠪᠠᠭᠤ ᠳᠤᠩᠭᠤᠳᠬᠤ ᠪᠠᠷ ᠬᠦᠭᠰᠢᠨ | ᠮᠣᠷᠢ ᠨᠣᠳᠤᠭ ᠢᠶᠠᠨ ᠰᠠᠨᠠᠨᠠ︾ ᠭᠡᠳᠡᠭᠴᠢᠯᠡᠨ ᠲᠠᠭᠠᠯᠠᠨ ᠰᠣᠨᠣᠰᠬᠤ ᠬᠦᠮᠦᠨ ᠤ ᠰᠡᠳᠬᠢᠯ ᠢ ᠬᠦᠭᠯᠡᠨ ᠶᠠᠭᠤᠨ | ᠨᠢᠭᠡ ᠶᠢ ᠪᠣᠳᠣᠭᠳᠠᠭᠤᠯᠬᠤ ᠪᠤᠶᠠ︕ | ᠤᠷᠤᠯᠳᠤᠭᠠᠨ ᠮᠦᠷᠦᠶᠢᠴᠡᠭᠡᠨ ᠪᠣᠯᠣᠭᠰᠠᠨ ᠶᠤᠮ ᠬᠤᠶᠢᠨᠠ ᠦᠵᠦᠭᠦᠷ ᠲᠡᠷᠢᠭᠦᠨ ᠭᠡᠵᠦ ᠪᠣᠢ᠃ ᠮᠦᠴᠢᠭᠡ | ᠮᠦᠴᠢᠭᠡ ᠪᠠᠨ ᠥᠭᠬᠦ ᠨᠦᠬᠦᠷᠰᠡᠭ ᠢᠶᠠᠷ ᠦᠷᠢᠰᠦᠯᠳᠦᠭᠡᠨ ᠤ ᠡᠴᠦᠰ ︽ᠵᠦᠪ ᠲᠦᠷᠢᠮᠵᠢᠭᠦᠨ ᠪᠢᠴᠢᠯᠭᠡ︾ ᠶᠢᠨ | ᠤᠷᠤᠯᠳᠤᠭᠠᠨ ᠳᠤ ᠠᠪᠠᠭᠠ ᠬᠤᠰᠢᠭᠤᠨ ᠤ ᠵᠢᠷᠭᠠᠯᠠᠩᠲᠤ ᠰᠤᠮᠤᠨ ᠤ ᠰᠢᠨᠡᠪᠣᠯᠠᠭ ᠭᠠᠴᠠᠭᠠᠨ ᠤ ᠣᠣᠭᠠᠯ ᠲᠠᠨᠠ | ᠨᠠᠶᠠᠨ ᠨᠢᠭᠡᠨ ᠬᠤᠪᠢ ᠪᠠᠷ ᠲᠡᠷᠢᠭᠦᠯᠡᠵᠦ᠂ ᠠᠪᠠᠭᠠ ᠬᠤᠰᠢᠭᠤᠨ ᠤ ᠴᠠᠭᠠᠨᠨᠠᠭᠤᠷ ᠪᠠᠯᠭᠠᠰᠤᠨ ᠤ ᠰᠤᠷᠭᠤᠭ᠂ | ᠰᠢᠯᠢᠩᠬᠤᠲᠠ ᠶᠢᠨ 11 ᠳ᠋ᠦ᠋ᠭᠡᠷ ᠰᠤᠷᠭᠠᠭᠤᠯᠢ ᠶᠢᠨ ᠠᠯᠲᠠᠨᠳᠤᠶᠠᠭᠠ ᠬᠤᠶᠠᠷ ᠳᠡᠳ᠋ᠯᠡᠵᠦ᠂ ᠴᠠᠭᠠᠨᠨᠠᠭᠤᠷ ᠪᠠᠯᠭᠠᠰᠤᠨ ᠤ | ᠣᠯᠠᠭᠠᠨᠳᠤᠶᠠᠭᠠ ᠭᠠᠴᠠᠭᠠᠨ ᠤ ᠣᠣᠭᠠᠯ ᠴ᠊ · ᠴᠡᠯᠮᠡᠭ᠂ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠤ ᠪᠣᠱᠤᠣᠳᠠᠢ ᠰᠣᠮᠣᠨ ᠤ | ᠨᠡᠭᠦᠳᠡᠬᠡᠢ ᠭᠠᠴᠠᠭᠠᠨ ᠤ ᠰᠡᠴᠡᠨᠭᠡᠷᠡᠯ᠂ ᠣᠯᠠᠭᠠᠨᠴᠠᠪ ᠠᠶᠢᠮᠠᠭ ᠤᠨ ᠲᠦᠷᠪᠡᠳ ᠬᠤᠰᠢᠭᠤᠨ ᠤ ᠨᠠᠷᠠᠨᠪᠣᠯᠠᠭ ᠰᠣᠮᠣᠨ ᠤ | ᠪᠡᠶᠡᠨ ᠭᠠᠴᠠᠭᠠᠨ ᠤ ᠬᠠᠰᠴᠢᠮᠡᠭ ᠨᠠᠷ ᠭᠤᠳᠠᠭᠠᠷ ᠨᠡᠷᠡ ᠳᠤ ᠲᠤᠳᠤᠷᠠᠵᠤ᠂ ᠴᠠᠭᠠᠨᠨᠠᠭᠤᠷ ᠪᠠᠯᠭᠠᠰᠣᠨ ᠤ | ᠥᠷᠭᠡᠨ᠋ᠡᠣᠨᠳᠣᠷᠠᠯ ᠭᠠᠴᠠᠭᠠᠨ ᠤ ᠴᠡᠯᠮᠡᠭ᠂ ᠵᠢᠷᠭᠠᠯᠠᠩᠲᠤ ᠰᠣᠮᠣᠨ ᠤ ᠪᠠᠶᠠᠷᠲᠤ ᠭᠠᠴᠠᠭᠠᠨ ᠤ ᠴᠡᠭᠡᠨᠵᠤᠨ᠂ ᠠᠪᠠᠭᠠ | ᠬᠤᠰᠢᠭᠤᠨ ᠤ ᠴᠠᠭᠠᠨᠨᠠᠭᠤᠷ ᠪᠠᠯᠭᠠᠰᠣᠨ ᠤ ᠣᠯᠠᠭᠠᠬᠤᠳᠣ ᠭᠠᠴᠠᠭᠠᠨ ᠤ ᠰᠡᠴᠡᠩᠭᠤᠸᠠ᠂ ᠠᠪᠠᠭᠠ ᠬᠤᠰᠢᠭᠤᠨ ᠤ | ᠬᠤᠶᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠯᠢᠨ᠂ ᠨᠢᠭᠡᠳᠦᠭᠡᠷ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠪᠦᠯᠬᠦᠮᠳᠡᠯ᠂ ᠶᠡᠬᠡᠭᠤᠣᠯ | ᠰᠣᠮᠣᠨ ᠤ ᠳᠡᠯᠭᠡᠷ ᠭᠠᠴᠠᠭᠠᠨ ᠤ ᠣᠳᠬᠤᠨᠴᠡᠴᠡᠭ᠂ ᠰᠢᠯᠤᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ ᠪᠣᠱᠤᠤᠳᠠᠢ ᠰᠣᠮᠣᠨ ᠤ | ᠨᠠᠶᠢᠷᠰᠠᠭ ᠨᠠᠷ ᠰᠢᠯᠢᠲᠡᠭ ᠱᠠᠩᠨᠠᠯ ᠳᠤᠰᠪᠠ᠃ | ︽ᠰᠠᠷᠠᠨ ᠬᠥᠬᠦᠭᠡᠨ ᠳᠠᠭᠤᠨ︾ ᠢᠷᠠᠭᠤ ᠣᠩᠰᠢᠯᠭᠠ ᠶᠢᠨ ᠨᠠᠭᠠᠳᠣᠮ ᠤᠨ ᠴᠡᠴᠡᠷᠯᠢᠭ ᠤᠨ | ᠲᠤᠭᠤᠶᠢᠯᠠᠩ ᠳᠤ ᠠᠷᠪᠠᠨ ᠬᠤᠶᠠᠷ ᠬᠡᠣᠬᠡᠳ ᠠᠬᠤᠢ ᠲᠠᠯᠠᠪᠠᠢ ᠳᠤ ᠦᠯᠢᠭᠡᠷ ᠦᠪᠡᠷᠮᠢᠴᠡ ᠬᠡᠯᠡᠴᠡ ᠦᠭᠡ ᠪᠠᠨ | ᠬᠡᠯᠡᠵᠦ᠂ ᠨᠢᠭᠡᠳᠦᠭᠡᠷ ᠬᠡᠣᠬᠡᠳ ᠤᠨ ᠴᠡᠴᠡᠷᠯᠢᠭ ᠤᠨ ᠢᠷᠭᠤᠢ ᠲᠡᠷᠢᠭᠦᠯᠡᠵᠦ᠂ ᠡᠩᠬᠡᠵᠢᠨ᠂ ᠡᠭᠡᠰᠢᠭᠯᠡᠩ ᠨᠠᠷ ᠠᠮᠠᠨ | ᠬᠦᠵᠦᠭᠦᠳᠡᠪᠡ᠃ | ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠲᠤᠭᠤᠶᠢᠯᠠᠩ ᠳᠤ᠂ ᠬᠤᠷᠢᠨ ᠬᠤᠶᠠᠷ ᠬᠡᠣᠬᠡᠳ ᠦᠯᠢᠭᠡᠷ ᠶᠠᠷᠢᠵᠤ᠂ ᠠᠪᠠᠭᠠ | ᠬᠤᠰᠢᠭᠤᠨ ᠤ ᠨᠢᠭᠡᠳᠦᠭᠡᠷ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠠᠷᠠᠭᠤᠯᠰᠠᠶᠢᠬᠠᠨ ᠲᠡᠷᠢᠭᠦᠯᠡᠵᠦ᠂ ᠨᠢᠭᠡᠳᠦᠭᠡᠷ ᠪᠠᠭᠠ | ᠰᠤᠷᠭᠠᠭᠤᠯᠢ ᠶᠢᠨ ᠠᠷᠤᠷᠠ᠂ ᠨᠢᠭᠡᠳᠦᠭᠡᠷ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠴᠡᠯᠮᠡᠭᠦᠨ ᠬᠤᠶᠠᠷ ᠠᠮᠠᠨ ᠬᠦᠵᠦᠭᠦᠳᠡᠪᠡ᠃ | |