| ᠪᠤᠳᠢ ᠨᠤᠮ ᠠᠴᠠ ᠪᠤᠳᠤᠯ ᠤᠨ ᠬᠡᠬᠡ ᠳᠤᠶᠠᠭᠠᠷᠠᠨᠠ᠃ ᠨᠤᠮ ᠠᠴᠠ ᠬᠦᠮᠦᠨ ᠤᠬᠠᠭᠠᠷᠠᠯ ᠬᠡᠬᠡᠷᠡᠯ ᠠᠪᠴᠦ᠂ | ᠤᠶᠤᠨ ᠪᠢᠯᠢᠭ ᠢᠶᠠᠨ ᠬᠤᠷᠴᠠᠯᠠᠨ᠂ ᠨᠤᠮ ᠠᠴᠠ ᠳᠡᠯᠡᠬᠡᠢ ᠶᠢ ᠬᠠᠷᠠᠳᠠᠭ᠃ ᠬᠤᠷᠢᠨ ᠭᠤᠷᠪᠠᠳᠡᠬᠢ ᠳᠡᠯᠡᠬᠡᠢ ᠶᠢᠨ | ᠨᠤᠮ ᠤᠩᠰᠢᠬᠤ ᠡᠳᠦᠷ ᠢ ᠳᠤᠷᠠᠰᠬᠠᠨ ᠳᠡᠮᠳᠡᠭᠯᠡᠵᠦ᠂ ᠬᠦᠮᠦᠨ ᠤᠯᠠᠨ ᠳᠠᠭᠠᠨ ᠨᠤᠮ ᠲᠠᠢ ᠨᠦᠬᠦᠷᠯᠡᠨ᠂ ᠨᠤᠮ ᠤᠨ | ᠳᠠᠯᠠᠢ ᠠᠴᠠ ᠤᠬᠠᠭᠠᠨ ᠬᠠᠶᠢᠬᠤ ᠶᠢ ᠤᠷᠢᠶᠠᠯᠠᠨ᠂ ᠨᠤᠮ ᠤᠨ ᠪᠠᠭ᠋ᠠᠳᠠᠳ ᠢᠶᠠᠨ ᠤᠷᠮᠠᠰᠢᠭᠤᠯᠬᠤ᠂ ᠬᠡᠦᠬᠡᠳ | ᠳᠡᠬᠦᠤᠨᠡᠷ ᠢᠶᠠᠨ ᠵᠤᠷᠢᠭᠵᠢᠭᠤᠯᠬᠤ ᠡᠬᠦᠳᠡᠨ ᠠᠴᠠ᠂ 4 ᠳ᠋ᠤᠭᠡᠷ ᠰᠠᠷᠠ ᠶᠢᠨ 23 ᠤ ᠡᠳᠦᠷ ᠮᠠᠨ ᠤ ᠬᠤᠰᠢᠭᠤ | ᠤᠯᠠᠨ ᠰᠠᠶᠢᠬᠠᠨ ᠤᠳᠬᠠ ᠠᠭᠤᠯᠭᠠ ᠲᠠᠢ ᠠᠵᠢᠯᠯᠠᠭᠠ ᠦᠷᠨᠢᠭᠦᠯᠪᠡ᠃ | ᠬᠤᠰᠢᠭᠤ ᠬᠤᠶᠢᠴᠢ ᠦᠶᠡ ᠪᠠᠨ ᠬᠠᠯᠠᠮᠵᠢᠯᠠᠬᠤ ᠵᠦᠪᠯᠡᠯ᠂ ᠡᠪᠯᠡᠯ ᠤᠨ ᠬᠤᠷᠢᠶᠠ᠂ ᠮᠦᠩᠭᠡᠭᠠᠯ ᠬᠡᠤᠬᠡᠳ ᠤᠨ | ᠴᠡᠴᠡᠷᠯᠢᠭ᠂ ︽ᠮᠤᠩᠭᠤᠯ ᠨᠤᠮ ᠤᠨ ᠴᠢᠭᠤᠯᠭᠠᠨ︾ ᠨᠤᠮ ᠤᠨ ᠳᠡᠯᠭᠡᠭᠦᠷ᠂ ᠠᠪᠠᠭᠠ ᠬᠤᠰᠢᠭᠤᠨ ᠤ ᠲᠤᠯᠭᠠ | ᠬᠠᠶᠢᠷᠠ ᠬᠠᠯᠠᠮᠵᠢ ᠶᠢᠨ ᠬᠤᠯᠪᠤᠭᠠ ᠪᠠ ᠮᠠᠯᠴᠢᠨ ᠵᠠᠯᠠᠭᠤ ᠳᠡᠬᠦᠰ ᠨᠠᠷ ᠠᠴᠠ ︽ᠮᠤᠷᠢ ᠲᠠᠢ ᠮᠤᠩᠭᠤᠯ ᠤᠨ ᠨᠤᠮ | ᠲᠠᠢ ᠬᠡᠤᠬᠡᠳ︾᠂ ︽ᠪᠢᠴᠢᠭ ᠨᠤᠮ ᠦᠭᠡᠢ ᠪᠠᠷ ᠨᠢᠭᠡ ᠡᠳᠦᠷ ᠢ ᠪᠢᠳᠠᠭᠡᠢ ᠦᠩᠭᠡᠷᠡᠬᠦᠯᠦᠯ︾ ᠬᠡᠬᠦ ᠭᠤᠤᠯ | ᠰᠡᠳᠦᠪᠳᠦ ᠠᠵᠢᠯᠯᠠᠭᠠ ᠦᠷᠨᠢᠬᠦᠯᠵᠦ᠂ ᠴᠡᠴᠡᠷᠯᠢᠭ ᠤᠨ ᠬᠡᠤᠬᠡᠳ ᠲᠤ ᠨᠤᠮ ᠪᠡᠯᠡᠭᠯᠡᠬᠦ᠂ ᠨᠤᠮ ᠢᠶᠠᠨ ᠬᠢᠮᠳᠠᠷᠠᠭᠤᠯᠤᠨ | ᠪᠤᠷᠤᠯᠠᠭᠤᠯᠬᠤ᠂ ︽ᠨᠤᠮ ᠤᠨ ᠬᠤᠷᠠ ᠲᠠᠢ ᠬᠠᠪᠤᠷ︾ ᠨᠤᠮ ᠤᠩᠰᠢᠬᠤ ᠰᠠᠷᠠ ᠶᠢᠨ ᠠᠵᠢᠯᠯᠠᠭᠠᠨ ᠤ ᠪᠢᠴᠢᠬᠠᠨ | ᠤᠩᠰᠢᠭᠴᠢ ᠶᠢᠨ ᠱᠠᠩᠨᠠᠯ ᠤᠯᠭᠤᠬᠤ᠂ ᠰᠠᠶᠢᠨ ᠳᠤᠷᠠᠴᠤᠤᠯ ᠤᠨ ᠨᠤᠮ ᠤᠩᠰᠢᠬᠤ ᠠᠵᠢᠯᠯᠠᠭᠠ᠂ ᠰᠢᠯᠢᠳᠡᠭ ᠨᠤᠮ | ᠤᠩᠰᠢᠭᠴᠢᠳ ᠲᠤ ᠨᠤᠮ ᠤᠨ ᠪᠡᠯᠡᠭ ᠪᠤᠯᠤᠨ ᠦᠨᠡᠮᠯᠡᠯ ᠭᠠᠷᠳᠠᠭᠤᠯᠤᠨ ᠱᠠᠩᠨᠠᠬᠤ ᠵᠡᠷᠭᠡ ᠠᠷᠭᠠ ᠬᠡᠯᠪᠡᠷᠢ ᠪᠠᠷ ᠨᠤᠮ | ᠤᠩᠰᠢᠬᠤ ᠡᠳᠦᠷᠯᠢᠭ ᠢ ᠤᠳᠬᠠ ᠠᠭᠤᠯᠭᠠ ᠲᠠᠢ ᠤᠭᠳᠤᠵᠦ᠂ ᠲᠤᠰ ᠠᠵᠢᠯᠯᠠᠭᠠᠨ ᠳᠤ ᠠᠬᠠᠮᠠᠳ ᠤᠷᠠᠨ | ᠵᠤᠬᠢᠶᠠᠯᠴᠢ ᠢᠰᠢᠵᠠᠮᠰᠤ ᠭᠤᠸᠠᠢ ᠠᠴᠠ ᠦᠪᠡᠷ ᠤᠨ ᠨᠤᠮ ᠤᠩᠰᠢᠬᠤ ᠤᠷᠠ ᠳᠡᠮ᠂ ᠨᠤᠮ ᠤᠩᠰᠢᠬᠤ ᠰᠠᠶᠢᠨ | ᠰᠠᠶᠢᠬᠠᠨ ᠳᠠᠳᠬᠠᠯ᠂ ᠨᠤᠮ ᠤᠨ ᠶᠢᠷᠳᠢᠨᠴᠦ ᠪᠠᠷ ᠠᠶᠠᠯᠠᠬᠤ ᠰᠠᠶᠢᠨ ᠰᠠᠶᠢᠬᠠᠨ ᠮᠡᠳᠡᠷᠡᠮᠵᠢ ᠶᠢ ᠭᠡᠷ ᠤᠨ ᠠᠬᠠᠮᠠᠳ | ᠲᠠᠢ ᠬᠤᠪᠢᠶᠠᠯᠴᠠᠵᠦ᠂ ᠬᠠᠭᠤᠴᠢᠨ ᠨᠤᠮ ᠢ ᠠᠪᠤᠷᠡᠨ ᠬᠠᠮᠠᠭᠠᠯᠠᠬᠤ᠂ ᠨᠤᠮ ᠤᠩᠰᠢᠬᠤ ᠶᠢᠨ ᠨᠡᠶᠢᠭᠡᠮ ᠤᠨ ᠦᠨᠠ | ᠴᠠᠨᠠ᠂ ᠭᠠᠴᠠᠭᠠᠨ ᠤ ᠨᠤᠮ ᠤᠨ ᠰᠠᠩ ᠵᠡᠷᠭᠡ ᠳᠡᠯᠡ ᠠᠴᠠ ᠦᠪᠡᠷ ᠤᠨ ᠰᠠᠨᠠᠯ ᠪᠤᠳᠤᠯ᠂ ᠳᠤᠷᠰᠢᠯᠭᠠ ᠪᠠᠨ | ᠴᠢᠯᠦᠭᠡᠳᠡᠢ ᠶᠠᠷᠢᠯᠴᠠᠭᠰᠠᠨ ᠪᠠᠶᠢᠨᠠ᠃ | ᠠᠪᠠᠭᠠ ᠬᠤᠰᠢᠭᠤ ᠳᠡᠯᠡᠬᠡᠢ ᠶᠢᠨ ᠨᠤᠮ ᠤᠩᠰᠢᠬᠤ ᠡᠳᠦᠷᠯᠢᠭ ᠢ ᠤᠳᠬᠠ ᠳᠡᠬᠦᠯᠳᠡᠷ ᠲᠡᠮᠳᠡᠭᠯᠡᠬᠦ ᠪᠠᠷ ᠲᠠᠮᠵᠢᠨ | ᠬᠡᠤᠬᠡᠳ ᠪᠠᠭᠠᠴᠤᠳ ᠢ ᠪᠠᠭᠠ ᠠᠴᠠ ᠪᠠᠨ ᠨᠤᠮ ᠳᠤ ᠳᠤᠷᠠ ᠪᠠᠭ᠋ᠠᠳᠠᠢ᠂ ᠨᠤᠮ ᠢᠶᠠᠷ ᠲᠠᠷᠢᠬᠢ ᠲᠤᠯᠤᠭᠠᠢ ᠪᠠᠨ | ᠵᠡᠪᠰᠡᠭᠯᠡᠨ ᠡᠷᠳᠡᠮ ᠮᠡᠳᠡᠯᠭᠡ ᠲᠠᠢ ᠬᠦᠮᠦᠨ ᠪᠤᠯᠤᠨ ᠬᠦᠮᠦᠵᠢᠭᠳᠡᠵᠦ᠂ ᠪᠦᠬᠦ ᠨᠡᠶᠢᠭᠡᠮ ᠢᠶᠠᠷ ᠢᠶᠠᠨ ︽ᠮᠤᠷᠢ ᠲᠠᠢ | ᠮᠤᠩᠭᠤᠯ ᠤᠨ ᠨᠤᠮ ᠲᠠᠢ ᠬᠦᠮᠦᠨ︾ ᠪᠤᠯᠬᠤ ᠶᠢ ᠤᠷᠢᠶᠠᠯᠠᠨ᠂ ᠨᠡᠶᠢᠭᠡᠮ ᠨᠡᠶᠢᠲᠡ ᠳᠤ ᠰᠠᠶᠢᠨ ᠰᠠᠶᠢᠬᠠᠨ ᠨᠦᠯᠦᠭᠡ | ᠳᠤᠰᠬᠠᠯ ᠭᠠᠷᠭᠠᠬᠤ ᠶᠢ ᠵᠤᠷᠢᠵᠡᠢ᠃ |