ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠭᠤᠯᠬᠤ ᠪᠤᠭᠤᠮᠳᠠ ᠰᠢᠪᠳᠤᠯᠬᠤ ᠠᠵᠢᠯ ᠢ ᠢᠳᠡ ᠬᠦᠭ ᠲᠠᠢ ᠦᠷᠨᠢᠬᠦᠯᠵᠦ | ᠡᠬᠢᠯᠡᠭᠰᠡᠨ ᠠᠴᠠ ᠨᠠᠰᠢ ᠨᠠᠮ ᠵᠠᠰᠠᠭ ᠠᠴᠠ ᠠᠯᠢ ᠤᠯᠠᠨ ᠠᠷᠭᠠ ᠬᠡᠮᠵᠢᠶᠡ ᠠᠪᠴᠦ᠂ ᠤᠷᠤᠨ ᠨᠤᠳᠤᠭ ᠤᠨ ᠪᠤᠳᠠᠳᠦ | ᠪᠠᠶᠢᠳᠠᠯ ᠳᠠᠭᠠᠨ ᠵᠤᠬᠢᠴᠠᠭᠤᠯᠤᠨ᠂ ᠶᠠᠳᠠᠭᠤ ᠬᠦᠴᠢᠷᠳᠠᠯᠳᠠᠢ ᠡᠷᠦᠭᠡ ᠶᠢ ᠦᠭᠡᠳᠡ ᠨᠢ ᠲᠠᠳᠠᠭᠰᠠᠭᠠᠷ ᠢᠷᠡᠯᠡ᠃ | ᠡᠶᠢᠨᠬᠦ ᠨᠠᠮ ᠵᠠᠰᠠᠭ ᠤᠨ ᠬᠠᠯᠠᠮᠵᠢ ᠲᠡᠮᠵᠢᠯᠭᠡ᠂ ᠶᠠᠳᠠᠷᠠᠵᠦ ᠪᠡᠳᠡᠷᠡᠭᠰᠡᠳ ᠤᠨ ᠲᠡᠮᠡᠤᠯᠦᠯ ᠢᠶᠠᠷ ᠶᠠᠳᠠᠭᠤ ᠡᠷᠦᠭᠡ ᠶᠢᠨ | ᠲᠤᠭᠠᠨ ᠠᠴᠠ ᠭᠠᠷᠴᠦ᠂ ᠶᠠᠳᠠᠷᠠᠭᠰᠠᠨ ᠤᠯᠤᠰ ᠤᠨ ᠮᠠᠯᠠᠭᠠᠢ ᠪᠠᠨ ᠠᠪᠴᠦ ᠬᠠᠶᠠᠭᠰᠠᠨ ᠡᠷᠦᠭᠡ ᠵᠠᠬᠠ ᠠᠴᠠ ᠪᠠᠨ | ᠲᠤᠭᠠᠯᠠᠭᠳᠠᠬᠤ ᠪᠤᠯᠤᠭᠰᠠᠨ ᠪᠢᠯᠡ᠃ ᠠᠪᠠᠭᠠ ᠬᠤᠰᠢᠭᠤᠨ ᠤ ᠴᠠᠭᠠᠠᠨᠠᠭᠤᠷ ᠪᠠᠯᠭᠠᠰᠤᠨ ᠤ ᠨᠤᠭᠤᠭᠠᠨᠰᠢᠯᠢ ᠭᠠᠴᠠᠭᠠᠨ | ᠤ ᠬᠡᠤᠬᠡᠨᠪᠠᠭᠠᠳᠤᠷ ᠤᠨ ᠬᠢᠨ ᠶᠠᠭ ᠲᠡᠭᠡᠵᠦ ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠭᠰᠠᠨ ᠡᠷᠦᠭᠡ ᠶᠢᠨ ᠨᠢᠭᠡ ᠨᠢ ᠶᠤᠮ᠃ | ᠬᠡᠤᠬᠡᠨᠪᠠᠭᠠᠳᠤᠷ 20 ᠨᠠᠰᠤᠳᠠᠢ ᠪᠠᠶᠢᠬᠤ ᠳᠤ ᠨᠠᠶᠠᠭᠠᠳ ᠪᠤᠭ ᠮᠠᠯ᠂ ᠠᠷᠪᠠᠭᠠᠳ ᠪᠤᠳᠠ ᠮᠠᠯ ᠲᠠᠢ | ᠪᠠᠶᠢᠭᠰᠠᠨ᠃ ᠰᠡᠬᠦᠯ ᠳᠤᠨᠢ ᠠᠳᠤᠭᠤᠨ ᠳᠤ ᠬᠠᠶᠢᠷᠠᠳᠠᠢ ᠶᠢᠨ ᠡᠷᠭᠡᠨ ᠳᠤ ᠭᠤᠴᠢᠭᠠᠳ ᠠᠳᠤᠭᠤ ᠲᠠᠢ ᠪᠤᠯᠵᠠᠢ᠃ | ᠭᠡᠪᠡᠴᠦ ᠠᠬᠠ ᠲᠠᠬᠦᠦ ᠲᠠᠪᠤᠭᠤᠯᠠ ᠲᠤᠰᠠᠭᠠᠷ ᠠᠶᠢᠯ ᠡᠷᠦᠭᠡ ᠪᠤᠯᠤᠭᠠᠳ ᠢᠷᠡᠬᠦ ᠳᠤ ᠤᠤᠯ ᠠᠴᠠ ᠪᠠᠨ ᠨᠢᠮᠭᠡᠨ | ᠪᠠᠶᠢᠭᠰᠠᠨ ᠠᠮᠢᠳᠤᠷᠠᠯ ᠨᠢ ᠲᠠᠬᠢᠨ ᠪᠤᠰᠬᠤ ᠲᠡᠩᠭᠡᠭᠡ ᠦᠭᠡᠢ ᠪᠤᠯᠤᠭᠰᠠᠨ ᠤ ᠲᠡᠭᠡᠷᠡ ᠬᠠᠶᠢᠷᠠᠯᠠᠵᠦ ᠦᠰᠭᠡᠭᠰᠡᠨ | ᠭᠤᠴᠢᠭᠠᠳ ᠠᠳᠤᠭᠤ ᠪᠠᠨ 1994 ᠤᠨ ᠳᠤ ᠪᠦᠬᠦᠨ ᠢ ᠠᠯᠳᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠠᠮᠢᠳᠤᠷᠠᠯ ᠨᠢ ᠨᠡᠩ ᠪᠡᠷᠭᠡ | ᠪᠤᠯᠵᠠᠢ᠃ 1998 ᠤᠨ ᠪᠤᠯᠬᠤ ᠳᠤ ᠠᠮᠢᠳᠤᠷᠠᠯ ᠤᠨ ᠬᠠᠳᠠᠭᠤ ᠨᠤᠭᠤᠴᠠᠭᠠᠨ ᠳᠤ ᠬᠡᠤᠬᠡᠨᠪᠠᠭᠠᠳᠤᠷ ᠮᠠᠯ ᠤᠨᠤᠭᠠ | ᠭᠡᠬᠦ ᠠᠴᠠ ᠶᠠᠭᠤᠮᠠ ᠦᠭᠡᠢ ᠪᠤᠯᠵᠦ ᠦᠯᠡᠳᠡᠵᠠᠢ᠃ ᠡᠶᠢᠨᠬᠦ 2000 ᠤᠨ ᠠᠴᠠ 2013 ᠤᠨ ᠬᠦᠷᠳᠡᠯᠡᠬᠢ 13 | ᠵᠢᠯ ᠤᠨ ᠲᠤᠷᠰᠢ ᠲᠡᠷᠡ ᠦᠪᠡᠷ ᠤᠨ 1200 ᠮᠤ᠋ ᠨᠤᠳᠤᠭ ᠢᠶᠠᠨ ᠪᠤᠰᠤᠳ ᠲᠤ ᠲᠦᠷᠢᠶᠡᠰᠦᠯᠡᠬᠦᠯᠦᠨ᠂ ᠵᠡᠬᠦᠨ | ᠦᠵᠦᠮᠦᠴᠢᠨ ᠬᠤᠰᠢᠭᠤ᠂ ᠰᠢᠯᠢ ᠶᠢᠨ ᠬᠤᠳᠠ᠂ ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤ ᠵᠡᠷᠭᠡ ᠭᠠᠵᠠᠷ ᠢᠶᠠᠷ ᠡᠪᠡᠰᠦ | ᠬᠠᠳᠤᠬᠤ᠂ ᠬᠦᠯᠦᠰᠦᠨ ᠬᠤᠨᠢᠴᠢᠨ ᠶᠠᠪᠤᠬᠤ᠂ ᠬᠦᠳᠡᠷ ᠬᠠᠶᠢᠯᠤᠭᠤᠯᠬᠤ ᠵᠡᠷᠭᠡ ᠶᠢᠨ ᠬᠦᠯᠦᠰᠦᠨ ᠠᠵᠢᠯ ᠬᠢᠵᠦ | ᠠᠮᠢᠳᠤᠷᠠᠯ ᠢᠶᠠᠨ ᠠᠷᠭᠠᠴᠠᠭᠠᠵᠦ ᠶᠠᠪᠤᠵᠠᠢ᠃ | ᠬᠠᠷᠢᠨ ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠭᠤᠯᠬᠤ ᠪᠤᠭᠤᠮᠳᠠ ᠰᠢᠪᠳᠤᠯᠬᠤ ᠠᠵᠢᠯ ᠶᠡᠭᠡᠪᠡᠷ ᠦᠷᠨᠢᠵᠦ ᠢᠷᠡᠬᠦ ᠳᠤ | ᠬᠡᠤᠬᠡᠨᠪᠠᠭᠠᠳᠤᠷ ᠲᠤ ᠪᠠᠰᠠᠴᠦ ᠠᠮᠢᠳᠤᠷᠠᠯ ᠤᠨ ᠬᠦᠰᠡᠯ ᠡᠷᠡᠮᠡᠯᠵᠡᠯᠡᠯ ᠤᠯᠭᠤᠵᠦ᠂ 2013 ᠤᠨ ᠳᠤ ᠨᠤᠳᠤᠭ | ᠪᠤᠴᠠᠵᠦ᠂ ᠲᠡᠬᠦᠦ ᠶᠢᠨ ᠳᠡᠭᠡᠨ ᠨᠢᠭᠡ ᠵᠢᠯ ᠪᠠᠶᠢᠭᠰᠠᠨ ᠢᠶᠠᠨ 2014 ᠤᠨ ᠳᠤ ᠦᠪᠡᠷ ᠤᠨ ᠨᠤᠳᠤᠭ ᠲᠠᠭᠠᠨ | ᠰᠠᠭᠤᠷᠢᠰᠢᠬᠤ ᠳᠤ᠂ ᠤᠷᠤᠨ ᠰᠠᠭᠤᠴᠠ ᠭᠡᠬᠦ ᠠᠴᠠ ᠭᠤᠷᠪᠠᠨ ᠲᠠᠰᠤᠯᠭᠠ ᠰᠢᠪᠠᠷ ᠪᠠᠶᠢᠰᠢᠩ ᠂ ᠫᠧᠩ ᠬᠤᠷᠤᠭᠠ | ᠭᠡᠬᠦ ᠠᠴᠠ ᠰᠢᠪᠡᠷ ᠪᠦᠳᠦᠴᠡᠳᠦ ᠡᠪᠡᠰᠦᠨ ᠬᠦᠷᠢᠶᠡ ᠯᠡ ᠪᠠᠶᠢᠵᠦ᠂ ᠲᠠᠬᠢᠨ ᠰᠡᠯᠬᠦᠬᠦ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠨᠢ ᠠᠷᠠᠢ | ᠴᠦ ᠬᠦᠴᠢᠷᠳᠡᠶᠢᠬᠡᠨ ᠡᠬᠢᠯᠡᠭᠰᠡᠨ ᠶᠤᠮ᠃ ᠲᠡᠭᠡᠬᠦ ᠳᠤ ᠨᠤᠳᠤᠭ ᠤᠰᠤ ᠨᠢ ᠲᠡᠬᠦᠨ ᠢ ᠭᠤᠯᠤᠭᠠ ᠦᠭᠡᠢ᠂ ᠨᠤᠳᠤᠭ | ᠤᠨ ᠲᠦᠮᠡᠨ ᠨᠢ ᠲᠡᠬᠦᠨ ᠢ ᠤᠮᠠᠷᠳᠠᠭᠠ ᠦᠭᠡᠢ᠂ ᠠᠭᠤᠳᠠᠮ ᠲᠠᠯᠠ ᠨᠢ ᠡᠯᠢᠭᠡᠨ ᠳᠡᠭᠡᠨ ᠪᠦᠦᠪᠠᠶᠢᠯᠠᠨ᠂ ᠨᠠᠮ ᠵᠠᠰᠠᠭ | ᠨᠢ ᠢᠪᠡᠭᠡᠯ ᠳᠡᠭᠡᠨ ᠬᠦᠷᠳᠡᠭᠡᠭᠰᠡᠨ ᠨᠢ ᠲᠡᠬᠦᠨ ᠳᠤ ᠬᠦᠴᠦᠨ ᠪᠤᠯᠤᠭᠰᠠᠨ᠂ ᠠᠮᠢᠳᠤᠷᠠᠯ ᠢᠶᠠᠨ ᠦᠭᠡᠳᠡ ᠨᠢ ᠲᠠᠳᠠᠬᠤ | ᠳᠤᠨᠢ ᠦᠪ ᠪᠤᠯᠤᠭᠰᠠᠨ ᠳ᠋ᠠ᠃ | ᠮᠠᠯᠴᠢᠨ ᠬᠦᠮᠦᠨ ᠳᠤ ᠮᠠᠯ ᠰᠦᠷᠦᠭ ᠨᠢ ᠮᠠᠯᠵᠢᠬᠤ ᠦᠢᠯᠡᠳᠪᠤᠷᠢᠯᠡᠯ ᠤᠨ ᠠᠮᠢᠨ ᠰᠦᠨᠡᠰᠦ ᠨᠢ ᠪᠠᠶᠢᠬᠤ | ᠤᠴᠢᠷᠳᠠᠢ᠃ ᠲᠡᠭᠡᠬᠦ ᠳᠡᠭᠡᠨ ᠤᠨᠢᠨ ᠲᠡᠭᠡᠷᠡ ᠨᠢ ᠶᠠᠳᠠᠭᠤ ᠶᠢ ᠲᠡᠳᠬᠦᠬᠦ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠡᠳᠡᠨᠡᠶᠢᠬᠢᠨ ᠳᠤ | ᠬᠠᠨᠳᠤᠯᠭᠠ ᠲᠠᠢ᠂ ᠪᠤᠳᠠᠳᠠᠶᠢᠬᠠᠨ ᠬᠡᠷᠡᠭᠵᠢᠬᠦᠯᠦᠭᠳᠡᠵᠦ᠂ 2014 ᠤᠨ ᠠᠴᠠ ᠡᠬᠢᠯᠡᠨ ︽ᠭᠤᠷᠪᠠ ᠶᠢ ᠭᠠᠴᠠᠭᠠᠨ | ᠳᠤ ᠬᠦᠷᠭᠡᠨ᠂ ᠭᠤᠷᠪᠠ ᠶᠢ ᠡᠷᠦᠭᠡ ᠳᠤ ᠬᠦᠷᠭᠡᠬᠦ︾ ᠲᠦᠷᠦᠯ ᠵᠦᠢᠯ ᠢᠶᠠᠷ ᠭᠤᠷᠪᠠᠨ ᠵᠢᠯ ᠲᠠᠷᠠᠭᠠᠯᠠᠨ᠂ 49 | ᠬᠤᠷᠠᠭᠠ᠂ 4 ᠰᠢᠮᠧᠨ᠋ᠲ᠋ᠡᠷ ᠦᠬᠢᠨ ᠲᠤᠭᠤᠯ᠂ 5 ᠲᠦᠯᠦᠭᠡ ᠦᠭᠴᠦ᠂ ᠮᠠᠯᠵᠢᠬᠤ ᠦᠢᠯᠡᠳᠪᠤᠷᠢᠯᠡᠯ ᠡᠵᠡᠩᠨᠡᠬᠦ ᠠᠴᠠ | ᠮᠠᠯ ᠰᠦᠷᠦᠭ ᠤᠨ ᠰᠠᠭᠤᠷᠢ ᠲᠠᠢ ᠪᠤᠯᠵᠠᠢ᠃ ᠡᠶᠢᠨᠬᠦ ᠤᠶᠢᠷᠠ ᠶᠢᠨ ᠭᠤᠷᠪᠠᠨ ᠵᠢᠯ ᠤᠨ ᠲᠤᠷᠰᠢ ᠬᠡᠤᠬᠡᠨᠪᠠᠭᠠᠳᠤᠷ ᠤᠨ | ᠬᠢᠨ ᠤᠯᠤᠰ ᠤᠨ ᠨᠦᠬᠦᠪᠦᠷᠢ ᠲᠠᠢ ᠲᠦᠷᠦᠯ ᠵᠦᠢᠯ ᠤᠨ ᠢᠪᠡᠭᠡᠯ ᠳᠤ ᠬᠦᠷᠳᠡᠵᠦ᠂ ᠰᠠᠭᠤᠬᠤ ᠠᠴᠠ ᠴᠡᠪᠡᠷ | ᠲᠤᠬᠢᠯᠢᠭ 50 ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠤᠨ ᠤᠷᠤᠨ ᠰᠠᠭᠤᠴᠠ ᠲᠠᠢ᠂ ᠫᠧᠩ ᠬᠤᠷᠤᠭᠠᠨ ᠤ ᠪᠦᠳᠦᠭᠡᠨ | ᠪᠠᠶᠢᠭᠤᠯᠤᠯᠳᠠ ᠭᠡᠬᠦ ᠠᠴᠠ 130 ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠤᠨ ᠲᠤᠯᠠᠭᠠᠨ ᠫᠧᠩ ᠲᠠᠢ᠂ ᠤᠰᠤ ᠤᠮᠳᠠ | ᠶᠢᠨ ᠡᠬᠢ ᠭᠡᠬᠦ ᠠᠴᠠ 1 ᠬᠤᠳᠳᠤᠭ ᠲᠠᠢ᠂ ᠦᠢᠯᠡᠳᠪᠤᠷᠢᠯᠡᠯ ᠠᠮᠢᠳᠤᠷᠠᠯ ᠳᠤ ᠬᠡᠷᠡᠭᠯᠡᠬᠦ ᠠᠴᠠ ᠨᠠᠷᠠ ᠰᠠᠯᠬᠢᠨ | ᠡᠨᠧᠷᠬᠢ ᠪᠠᠷ ᠴᠠᠬᠢᠯᠭᠠᠨ ᠭᠠᠷᠭᠠᠬᠤ ᠲᠦᠬᠦᠭᠡᠷᠦᠮᠵᠢ᠂ ᠲᠦᠭᠡᠭᠡᠯ ᠤᠰᠤ ᠲᠠᠢ᠂ ᠠᠮᠢᠳᠤᠷᠠᠯ ᠤᠨ ᠪᠠᠳᠤᠯᠠᠭᠠ | ᠪᠤᠯᠤᠭᠰᠠᠨ ᠰᠢᠨᠡ ᠬᠡᠯᠪᠡᠷᠢ ᠶᠢᠨ ᠬᠤᠷᠰᠢᠭᠰᠠᠨ ᠡᠮᠨᠡᠯᠭᠡ᠂ ᠨᠠᠰᠤᠵᠢᠯ ᠤᠨ ᠲᠠᠭᠠᠳᠬᠠᠯ ᠵᠡᠷᠭᠡ ᠭᠤᠷᠪᠠᠨ ᠪᠠᠳᠤᠯᠠᠭᠠ | ᠲᠠᠢ ᠪᠤᠯᠵᠦ᠂ ᠴᠢᠨᠡᠭᠡᠯᠢᠭ ᠪᠢᠰᠢ ᠴᠦ ᠠᠮᠢᠳᠤᠷᠠᠵᠦ ᠬᠦᠷᠬᠦ ᠪᠠᠷ ᠰᠠᠭᠤᠷᠢ ᠲᠠᠢ ᠪᠤᠯᠤᠭᠰᠠᠨ ᠶᠤᠮ᠃ | ᠨᠠᠮ ᠵᠠᠰᠠᠭ ᠤᠨ ᠬᠠᠷᠢᠯᠴᠠᠬᠤ ᠤᠳᠤᠷᠢᠳᠤᠯᠭᠠ ᠶᠢᠨ ᠦᠷᠬᠦᠯᠵᠢ ᠶᠢᠨ ᠴᠢᠨᠠᠷᠳᠠᠢ ᠬᠠᠯᠠᠮᠵᠢ᠂ ᠬᠠᠯᠠᠰᠢᠷᠠᠯ | ᠦᠭᠡᠢ ᠵᠤᠬᠢᠴᠠᠭᠤᠯᠭᠠ ᠨᠢ ᠡᠳᠡᠨᠡᠶᠢᠬᠢᠨ ᠤ ᠠᠮᠢᠳᠤᠷᠠᠯ ᠳᠤ ᠮᠠᠰᠢ ᠶᠡᠭᠡ ᠦᠮᠦᠭ ᠲᠦᠰᠢᠭ ᠪᠤᠯᠵᠦ ᠢᠷᠡᠯᠡ᠃ | ᠬᠡᠤᠬᠡᠨᠪᠠᠭᠠᠳᠤᠷ ᠤᠨ ᠬᠢᠨ ᠰᠢᠯᠢ ᠶᠢᠨ ᠬᠤᠳᠠ ᠠᠴᠠ ᠴᠠᠭᠠᠠᠨᠠᠭᠤᠷ ᠬᠦᠷᠬᠦ ᠵᠠᠰᠠᠮᠠᠯ ᠵᠠᠮ ᠠᠴᠠ ᠤᠶᠢᠷᠠ ᠪᠠᠶᠢᠳᠠᠭ | ᠲᠠᠪᠠᠭᠤᠯᠢᠭ ᠲᠠᠭᠠᠨ ᠵᠤᠬᠢᠴᠠᠭᠤᠯᠤᠨ᠂ 2016 ᠳᠤ ︽ᠮᠠᠯᠴᠢᠨ ᠠᠶᠢᠯ︾ ᠵᠤᠭᠠᠴᠠᠯ ᠤᠨ ᠴᠢᠭ᠋ ᠭᠠᠷᠭᠠᠵᠦ᠂ 2 | ᠮᠤᠩᠭᠤᠯ ᠭᠡᠷ ᠲᠠᠢ᠂ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢᠶᠠᠨ ᠪᠦᠷᠢᠨᠰᠢᠬᠦᠯᠦᠨ᠂ ᠲᠤᠯᠠᠭᠠᠯᠭᠠ ᠶᠢᠨ ᠲᠦᠬᠦᠭᠡᠷᠦᠮᠵᠢ ᠤᠭᠰᠠᠷᠠᠨ᠂ | ᠭᠠᠵᠠᠷ ᠱᠠᠯᠠ ᠶᠢ ᠨᠢ ᠬᠠᠳᠠᠭᠤᠵᠢᠭᠤᠯᠵᠦ᠂ 30 ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠤᠨ ᠬᠦᠮᠦᠷᠭᠡᠨ ᠭᠡᠷ ᠲᠠᠢ ᠪᠤᠯᠬᠤ | ᠳᠠᠭᠠᠨ 6.6 ᠲᠦᠮᠡᠨ ᠲᠦᠬᠦᠷᠢᠭ ᠤᠨ ᠪᠡᠯᠡ ᠵᠠᠷᠤᠴᠠᠭᠤᠯᠤᠭᠰᠠᠨ ᠪᠤᠯ ᠦᠪᠡᠷᠳᠡᠭᠡᠨ 2.6 ᠲᠦᠮᠡᠨ ᠲᠦᠬᠦᠷᠢᠭ ᠯᠡ | ᠲᠤᠭᠠᠴᠠᠯᠠᠵᠦ᠂ ᠦᠯᠡᠳᠡᠭᠰᠡᠨ ᠭᠡᠰᠡᠭ ᠨᠢ ᠦᠨᠡ ᠲᠦᠯᠦᠪᠤᠷᠢ ᠦᠭᠡᠢ ᠪᠠᠯᠡ ᠤᠷᠤᠭᠤᠯᠤᠯᠳᠠ ᠪᠠᠶᠢᠭᠰᠠᠨ᠃ ᠮᠦᠨᠴᠦ | ᠬᠠᠷᠢᠯᠴᠠᠬᠤ ᠤᠳᠤᠷᠢᠳᠤᠯᠭᠠ ᠶᠢᠨ ᠬᠠᠯᠠᠭᠤᠨ ᠲᠡᠮᠵᠢᠯᠭᠡ ᠬᠢᠭᠡᠳ ︽ᠲᠠᠩᠰᠠ ᠪᠤᠳᠤᠵᠦ ᠮᠠᠯ ᠮᠠᠯᠵᠢᠨ᠂ ᠵᠤᠬᠢᠰᠳᠠᠢ | ᠬᠡᠷᠡᠭᠯᠡᠭᠡ ᠶᠢ ᠡᠷᠬᠢᠮᠯᠡᠬᠦ︾ ᠮᠡᠳᠦ ᠶᠢᠨ ᠪᠤᠳᠠᠳᠦ ᠵᠢᠱᠢᠶᠡ ᠲᠠᠢ ᠬᠦᠮᠦᠵᠢᠯ ᠲᠠᠶᠢᠯᠤᠮᠵᠢ ᠶᠢᠨ ᠡᠷᠭᠡᠨ ᠳᠤ | ᠬᠡᠤᠬᠡᠨᠪᠠᠭᠠᠳᠤᠷ ᠤᠨ ᠦᠵᠡᠯ ᠤᠬᠠᠮᠰᠠᠷ᠂ ᠦᠵᠡᠯᠳᠡ ᠲᠠᠨᠢᠯᠳᠠ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠲᠡᠭᠡᠭᠰᠢᠯᠡᠯᠳᠡ ᠲᠠᠢ | ᠪᠤᠯᠤᠭᠰᠠᠨ ᠨᠢ ᠲᠠᠮᠵᠢᠭ ᠦᠭᠡᠢ᠃ | ᠤᠳᠤ ᠬᠡᠤᠬᠡᠨᠪᠠᠭᠠᠳᠤᠷ ᠤᠨ ᠬᠢᠨ ᠡᠵᠢ ᠶᠢᠨ ᠢᠶᠠᠨ ᠨᠤᠳᠤᠭ ᠢ ᠪᠠᠭᠳᠠᠭᠠᠭᠰᠠᠨ 3000 ᠮᠤ᠋ ᠨᠤᠳᠤᠭ | ᠲᠠᠭᠠᠨ 60 ᠬᠤᠨᠢ ᠲᠠᠢ᠂ 11 ᠦᠭᠡᠷ ᠲᠠᠢ᠂ 5 ᠠᠳᠤᠭᠤ ᠲᠠᠢ ᠪᠤᠯᠵᠦ᠂ ᠨᠢᠳᠤᠨᠤᠨ 1000 ᠪᠤᠭᠤᠯᠳᠠ ᠡᠪᠡᠰᠦ | ᠂ 130 ᠮᠠᠳᠠᠢ ᠪᠤᠷᠳᠤᠭᠠ ᠨᠦᠭᠡᠴᠡᠯᠡᠵᠦ᠂ ᠮᠠᠯ ᠰᠦᠷᠦᠭ ᠢᠶᠠᠨ ᠮᠡᠨᠳᠦ ᠤᠨᠳᠤᠷᠤᠭᠤᠯᠤᠨ᠂ ᠡᠨᠡ ᠵᠢᠯ 60 ᠲᠦᠯ | ᠮᠡᠨᠳᠦ ᠲᠤᠰᠤᠭᠠᠳ ᠪᠠᠶᠢᠭᠠ᠃ 2016 ᠤᠨ ᠳᠤ 3 ᠠᠮᠠ ᠪᠦᠯᠢ ᠳᠡᠭᠡᠨ ᠬᠤᠪᠢᠶᠠᠷᠢᠯᠠᠬᠤ ᠬᠦᠮᠦᠨ ᠲᠤᠮᠳᠠᠴᠢ | ᠶᠢᠨ ᠤᠷᠤᠯᠭᠠ 8411 ᠲᠦᠬᠦᠷᠢᠭ ᠲᠤ ᠬᠦᠷᠴᠦ᠂ ᠶᠠᠳᠠᠭᠤ ᠶᠢᠨ ᠮᠠᠯᠠᠭᠠᠢ ᠪᠠᠨ ᠠᠪᠴᠦ ᠬᠠᠶᠠᠯᠠ᠃ | — ᠭᠡᠳᠦᠨ ᠵᠢᠯ ᠤᠨ ᠲᠤᠷᠰᠢᠳᠡ ᠨᠠᠮ ᠵᠠᠰᠠᠭ ᠤᠨ ᠲᠠᠮᠵᠢᠯᠭᠡ ᠪᠠᠷ ᠠᠮᠢᠳᠤᠷᠠᠯ ᠤᠨ ᠰᠠᠭᠤᠷᠢ ᠲᠠᠢ ᠪᠤᠯᠵᠦ᠂ | ᠲᠦᠪᠬᠢᠨᠡᠬᠦᠨ ᠠᠮᠢᠳᠤᠷᠠᠯ ᠡᠳ᠋ᠯᠡᠬᠦ ᠪᠤᠯᠤᠭᠰᠠᠨ᠃ ᠲᠡᠷᠡ ᠰᠠᠶᠢᠬᠠᠨ ᠬᠠᠶᠢᠷᠠ ᠬᠠᠯᠠᠮᠵᠢ ᠶᠢᠨ ᠬᠠᠷᠢᠭᠤ ᠳᠤ ᠵᠤᠭᠠᠴᠠᠯ | ᠤᠨ ᠭᠠᠵᠠᠷ ᠤᠨ ᠡᠵᠡᠩᠨᠡᠯᠳᠡ ᠪᠠᠷ ᠮᠠᠯᠵᠢᠯ ᠤᠨ ᠪᠤᠰᠤ ᠤᠷᠤᠯᠭᠠ ᠨᠡᠮᠡᠷᠢᠯᠡᠵᠦ᠂ ᠮᠠᠯ ᠰᠦᠷᠦᠭ ᠢᠶᠠᠨ ᠰᠠᠶᠢᠳᠤᠷ | ᠠᠷᠠᠴᠢᠯᠠᠨ ᠮᠠᠯᠵᠢᠵᠦ᠂ ᠦᠨᠢᠷ ᠦᠰᠭᠡᠬᠦ ᠪᠠᠷ ᠴᠢᠷᠮᠠᠶᠢᠨᠠ ᠭᠡᠵᠦ ᠬᠡᠤᠬᠡᠨᠪᠠᠭᠠᠳᠤᠷ ᠢᠳᠡᠭᠡᠯ ᠲᠡᠬᠦᠯᠳᠡᠷ ᠤᠴᠢᠷᠯᠠᠨᠠ᠃ | |