ᠤᠶᠢᠷᠠ ᠶᠢᠨ ᠵᠢᠯ ᠠᠴᠠ ᠨᠠᠰᠢ ᠵᠠᠬᠠ ᠲᠡᠯᠭᠡᠬᠦᠷ ᠲᠠᠬᠢ ᠮᠠᠯ ᠤᠨ ᠦᠨᠡ ᠬᠠᠩᠰᠢ ᠶᠢᠨ ᠪᠠᠶᠢᠳᠠᠯ᠂ ︽ | ᠬᠤᠨᠢ ᠶᠢ ᠴᠦᠭᠡᠴᠢᠯᠡᠵᠦ ᠦᠭᠡᠷ ᠢ ᠨᠡᠮᠡᠭᠳᠡᠬᠦᠯᠬᠦ︾ ᠪᠠᠶᠢᠯᠳᠤᠬᠤ ᠪᠤᠳᠤᠯᠭᠠ ᠶᠢᠨ ᠤᠷᠢᠶᠠᠯᠠᠭᠠ ᠵᠡᠷᠭᠡ ᠠᠴᠠ ᠦᠭᠡᠷ | ᠮᠠᠯᠵᠢᠬᠤ ᠮᠠᠯᠵᠢᠯ ᠤᠨ ᠶᠡᠭᠡ ᠲᠤᠷᠰᠢᠴᠡ ᠬᠦᠳᠡᠭᠡ ᠨᠤᠳᠤᠭ ᠮᠠᠯᠵᠢᠬᠤ ᠤᠷᠤᠨ ᠢᠶᠠᠷ ᠮᠠᠰᠢ ᠦᠷᠨᠢᠩᠬᠦᠢ ᠪᠤᠯᠵᠦ | ᠪᠠᠶᠢᠨᠠ᠃ ᠲᠡᠭᠡᠬᠦ ᠳᠤ ᠠᠪᠠᠭᠠ ᠬᠤᠰᠢᠭᠤᠨ ᠤ ᠬᠤᠩᠭᠤᠷᠭᠤᠤᠯ ᠪᠠᠯᠭᠠᠰᠤᠨ ᠤ ᠰᠠᠷᠠᠭᠤᠯᠳᠤᠶᠠᠭᠠ ᠭᠠᠴᠠᠭᠠ ᠨᠢ | ᠠᠯᠢ ᠡᠷᠳᠡ ᠬᠤᠶᠠᠷ ᠮᠢᠩᠭᠠᠨ ᠤ ᠠᠭᠤᠯᠵᠠᠷ ᠠᠴᠠ ᠡᠬᠢᠯᠡᠵᠦ᠂ ᠬᠤᠰᠢᠭᠤᠨ ᠤ ᠭᠠᠵᠠᠷ ᠤᠷᠤᠨ ᠤ ᠦᠪᠡᠷᠮᠢᠴᠡ | ᠤᠨᠴᠠᠯᠢᠭ ᠲᠠᠭᠠᠨ ᠵᠤᠬᠢᠴᠠᠭᠤᠯᠤᠨ ᠲᠤᠷᠠᠳᠤᠭᠰᠠᠨ ︽ᠡᠮᠦᠨᠡᠬᠦᠷ ᠢᠶᠠᠨ ᠦᠭᠡᠷ᠂ ᠬᠤᠶᠢᠭᠤᠷ ᠢᠶᠠᠨ ᠬᠤᠨᠢ᠂ ᠡᠬᠦᠯᠳᠡᠷ | ᠢ ᠨᠢ ᠰᠢᠯᠢᠳᠡᠭᠵᠢᠬᠦᠯᠬᠦ︾ ᠬᠦᠭᠵᠢᠬᠦᠯᠦᠯᠳᠡ ᠶᠢᠨ ᠰᠡᠳᠬᠢᠴᠡ ᠶᠢ ᠴᠤᠤᠷᠢᠶᠠᠳᠤᠨ᠂ ᠪᠦᠬᠦ ᠭᠠᠴᠠᠭᠠ ᠪᠠᠷ ᠢᠶᠠᠨ | ᠬᠤᠨᠢ ᠪᠠᠨ ᠴᠦᠭᠡᠴᠢᠯᠡᠵᠦ ᠦᠭᠡᠷ ᠢ ᠨᠡᠮᠡᠭᠳᠡᠬᠦᠯᠦᠨ᠂ ᠪᠣᠭ ᠮᠠᠯ ᠤᠨ ᠲᠤᠭᠠ 1 ᠲᠦᠮᠡ 4000᠂ ᠪᠤᠳᠠ ᠮᠠᠯ | ᠤᠨ ᠲᠤᠭᠠ 1000 ᠭᠠᠷᠤᠢ ᠳᠤ ᠬᠦᠷᠦᠭᠰᠡᠨ ᠮᠠᠯ ᠰᠦᠷᠦᠭ ᠤᠨ ᠪᠦᠷᠢᠯᠳᠦᠴᠡ ᠳᠡᠭᠡᠨ ᠡᠷᠬᠢᠯᠳᠡ ᠶᠢᠨ ᠴᠢᠨᠠᠷᠳᠠᠢ | ᠶᠡᠭᠡ ᠬᠤᠪᠢᠷᠠᠯᠳᠠ ᠭᠠᠷᠭᠠᠵᠦ᠂ ᠤᠳᠤ ᠪᠤᠯᠬᠤ ᠳᠤ ᠪᠦᠬᠦ ᠭᠠᠴᠠᠭᠠᠨ ᠤ ᠪᠠᠶᠢᠩᠭᠤ ᠰᠠᠭᠤᠭᠠ 106 ᠡᠷᠦᠭᠡ ᠪᠠᠷᠤᠭ | ᠪᠦᠬᠦᠨ ᠢᠶᠠᠷ ᠢᠶᠠᠨ ᠦᠭᠡᠷ ᠭᠤᠤᠯᠳᠠᠢ ᠮᠠᠯᠵᠢᠵᠦ᠂ ᠨᠢᠳᠤᠨᠤᠨ ᠵᠢᠯ ᠤᠨ ᠡᠪᠤᠯ ᠤᠨ ᠤᠯᠠᠷᠢᠯ ᠤᠨ ᠨᠡᠶᠢᠭᠡᠮ ᠤᠨ | ᠪᠠᠶᠢᠴᠠᠭᠠᠯᠳᠠ ᠳᠤ ᠪᠦᠬᠦ ᠭᠠᠴᠠᠭᠠᠨ ᠤ ᠮᠠᠯ 3800 ᠭᠠᠷᠤᠢ ᠪᠠᠷ ᠲᠤᠭᠠᠯᠠᠭᠳᠠᠭᠰᠠᠨ ᠪᠤᠯ ᠬᠤᠨᠢ 300 ᠭᠠᠷᠤᠢ | ᠯᠡ ᠪᠠᠶᠢᠭᠰᠠᠨ᠃ 32 ᠲᠦᠮᠡ 1582 ᠮᠤ᠋ ᠨᠤᠳᠤᠭ ᠪᠠᠯᠴᠢᠭᠡᠷ ᠲᠠᠢ ᠰᠠᠷᠠᠭᠤᠯᠳᠤᠶᠠᠭᠠ ᠭᠠᠴᠠᠭᠠ ᠨᠢ ᠪᠠᠷᠤᠭ | ᠪᠦᠬᠦ ᠨᠤᠳᠤᠭ ᠢᠶᠠᠷ ᠢᠶᠠᠨ ᠰᠢᠬᠠᠭᠤ ᠬᠤᠯᠠᠨ ᠰᠢᠷᠭᠠ ᠲᠠᠭᠠ ᠶᠢᠨ ᠡᠯᠡᠰᠦ ᠵᠠᠬᠠᠳᠠᠵᠦ ᠪᠠᠶᠢᠳᠠᠭ ᠠᠴᠠ ᠡᠳᠡᠨᠡᠶᠢᠬᠢᠨ | ᠳᠤ ᠠᠮᠢ ᠠᠬᠤᠢ ᠶᠢᠨ ᠬᠠᠮᠠᠭᠠᠯᠠᠯᠳᠠ᠂ ᠴᠦᠬᠡᠨ ᠮᠠᠯ ᠠᠴᠠ ᠦᠨᠳᠦᠷ ᠦᠷᠡ ᠠᠰᠢᠭ ᠬᠦᠷᠳᠡᠬᠦ ᠲᠤᠷᠰᠢᠴᠡ ᠨᠡᠩ | ᠡᠷᠳᠡ ᠠᠴᠠ ᠶᠠᠪᠤᠭᠳᠠᠵᠦ ᠢᠷᠡᠭᠰᠡᠨ ᠨᠢ ᠤᠴᠢᠷᠳᠠᠢ᠃ ᠦᠭᠡᠷ ᠭᠤᠤᠯᠳᠠᠢ ᠮᠠᠯᠵᠢᠵᠦ ᠢᠷᠡᠭᠰᠡᠨ ᠠᠷᠪᠠ ᠭᠠᠷᠤᠢ ᠵᠢᠯ | ᠤᠨ ᠲᠤᠷᠰᠢ ᠰᠠᠷᠠᠭᠤᠯᠳᠤᠶᠠᠭᠠ ᠭᠠᠴᠠᠭᠠ ᠨᠢ ᠤᠷᠢᠳ ᠬᠤᠵᠢᠳ 700 ᠭᠠᠷᠤᠢ ᠰᠢᠮᠧᠨ᠋ᠲ᠋ᠡᠷ ᠦᠭᠡᠷ ᠤᠷᠤᠭᠤᠯᠤᠨ᠂ | ᠮᠠᠯ ᠤᠨ ᠲᠤᠭᠠ 4000 ᠶᠢᠨ ᠨᠠᠭᠠᠭᠤᠷ ᠴᠠᠭᠠᠨᠠᠭᠤᠷ ᠯᠡ ᠬᠡᠯᠪᠡᠯᠵᠡᠵᠦ ᠪᠠᠶᠢᠭᠰᠠᠨ ᠴᠦ ᠮᠠᠯᠴᠢᠳ ᠤᠨ ᠬᠦᠮᠦᠨ | ᠲᠤᠮᠳᠠᠴᠢ ᠶᠢᠨ ᠲᠡᠭᠰᠢᠳᠬᠡᠭᠰᠡᠨ ᠤᠷᠤᠯᠭᠠ ᠭᠡᠳᠦ ᠵᠠᠭᠤ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠭᠡᠳᠦᠨ ᠲᠦᠮᠡ ᠳᠤ ᠬᠦᠷᠴᠦ᠂ | ᠤᠷᠤᠯᠭᠠ ᠲᠤᠭᠳᠠᠭᠤᠨ ᠨᠡᠮᠡᠭᠳᠡᠯ ᠲᠠᠢ᠂ ᠠᠮᠢ ᠠᠬᠤᠢ ᠨᠢ ᠤᠯᠠᠮ ᠢᠶᠠᠷ ᠰᠡᠷᠬᠦᠯᠳᠡ ᠲᠠᠢ᠂ ᠦᠭᠡᠷ ᠤᠨ ᠡᠬᠦᠯᠳᠡᠷ ᠨᠢ | ᠤᠯᠠᠮ ᠰᠠᠶᠢᠵᠢᠷᠠᠯᠳᠠ ᠲᠠᠢ ᠪᠤᠯᠵᠦ ᠢᠷᠡᠭᠰᠡᠨ ᠨᠢ ᠲᠡᠳᠡᠨ ᠤ ᠠᠮᠵᠢᠯᠳᠠ ᠶᠢ ᠲᠡᠮᠳᠡᠭᠯᠡᠨᠡ᠃ | ᠰᠠᠷᠠᠭᠤᠯᠳᠤᠶᠠᠭᠠ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠨᠠᠰᠤᠨᠳᠤᠭᠳᠠᠬᠤ ᠶᠢᠨ ᠬᠢᠨ ᠮᠠᠯᠵᠢᠬᠤ ᠠᠴᠠ ᠲᠠᠯᠠᠭᠠᠳ ᠦᠭᠡᠷ᠂ | ᠢᠳᠡᠰᠢᠨ ᠤ ᠲᠠᠪᠢᠭᠠᠳ ᠬᠤᠨᠢ ᠲᠠᠢ᠂ ᠬᠤᠷᠢᠨ ᠭᠡᠳᠦᠨ ᠠᠳᠤᠭᠤ ᠲᠠᠢ᠃ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠬᠦ ᠠᠴᠠ ᠬᠢᠯᠠᠯᠵᠠᠭᠰᠠᠨ | ᠰᠠᠶᠢᠬᠠᠨ ᠤᠷᠤᠨ ᠰᠠᠭᠤᠴᠠ ᠲᠠᠢ᠂ ᠰᠢᠷ ᠬᠢᠭᠰᠡᠨ ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠯᠳᠠ ᠲᠠᠢ᠂ ᠵᠢᠯ ᠤᠨ ᠤᠷᠤᠯᠭᠠ 45 | ᠲᠦᠮᠡᠨ ᠲᠦᠬᠦᠷᠢᠭ ᠲᠤ ᠬᠦᠷᠳᠡᠭ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠯ ᠲᠠᠢ ᠠᠶᠢᠯ ᠪᠢᠯᠡ᠃ ᠡᠳᠡᠨᠡᠶᠢᠬᠢᠨ ᠤ ᠮᠠᠯ ᠬᠠᠮᠤᠭ ᠤᠯᠠᠨ | ᠳᠠᠭᠠᠨ 300 ᠭᠠᠷᠤᠢ ᠬᠤᠨᠢ᠂ ᠲᠠᠪᠢᠭᠠᠳ ᠦᠭᠡᠷ ᠲᠤ ᠬᠦᠷᠴᠦ ᠪᠠᠶᠢᠭᠰᠠᠨ᠃ ᠭᠡᠪᠡᠴᠦ ᠬᠤᠶᠠᠷ ᠮᠢᠩᠭᠠᠨ ᠤ | ᠠᠭᠤᠯᠵᠠᠷ ᠢᠶᠠᠷ ᠦᠷᠬᠦᠯᠵᠢᠯᠡᠭᠰᠡᠨ ᠭᠠᠩ᠂ ᠬᠦᠳᠡᠯᠮᠤᠷᠢ ᠬᠦᠴᠦᠨ ᠤ ᠲᠤᠳᠠᠮᠠᠭ ᠵᠡᠷᠭᠡ ᠠᠯᠢ ᠤᠯᠠᠨ ᠰᠢᠯᠳᠠᠭᠠᠨ | ᠠᠴᠠ ᠪᠤᠯᠵᠦ᠂ 2002 ᠤᠨ ᠳᠤ ᠨᠠᠰᠤᠨᠳᠤᠭᠳᠠᠬᠤ ᠶᠢᠨ ᠬᠢᠨ ᠮᠠᠯ ᠰᠦᠷᠦᠭ ᠤᠨ ᠪᠦᠷᠢᠯᠳᠦᠴᠡ ᠳᠡᠭᠡᠨ ᠲᠠᠬᠢᠨ | ᠲᠤᠬᠢᠷᠠᠭᠤᠯᠤᠯᠳᠠ ᠬᠢᠬᠦ ᠶᠡᠭᠡ ᠲᠤᠷᠰᠢᠴᠡ ᠶᠠᠪᠤᠭᠤᠯᠵᠦ᠂ ᠢᠳᠡᠰᠢᠨ ᠤ ᠭᠡᠮᠡᠨ 10 ᠡᠮᠡ ᠬᠤᠨᠢ ᠦᠯᠡᠳᠡᠭᠡᠭᠰᠡᠨ | ᠠᠴᠠ ᠪᠤᠰᠤᠳ ᠪᠤᠭ ᠮᠠᠯ ᠢᠶᠠᠨ ᠪᠦᠬᠦᠨ ᠢ ᠵᠠᠷᠤᠴᠠᠭᠤᠯᠵᠦ᠂ ᠱᠠᠷᠦ᠋ᠯᠠᠢ᠂ ᠠᠩᠬᠢᠰ᠂ ᠰᠢᠮᠧᠨ᠋ᠲ᠋ᠡᠷ ᠵᠡᠷᠭᠡ ᠤᠯᠠᠨ | ᠡᠬᠦᠯᠳᠡᠷ ᠤᠨ ᠦᠭᠡᠷ ᠲᠠᠪᠢᠭᠠᠳ ᠪᠠᠶᠢᠵᠠᠢ᠃ | ᠡᠬᠦᠨ ᠳᠡᠭᠡᠨ ᠰᠠᠭᠤᠷᠢᠯᠠᠨ 4 — 5 ᠵᠢᠯ ᠳᠤ ᠨᠢᠭᠡ ᠰᠢᠮᠧᠨ᠋ᠲ᠋ᠡᠷ ᠦᠷᠡ ᠶᠢᠨ ᠮᠠᠯ ᠰᠤᠯᠢᠵᠦ᠂ ᠪᠠᠶᠠᠳᠦ | ᠬᠡᠭᠡᠯᠳᠦᠬᠦᠯᠭᠡ ᠪᠠᠷ ᠦᠭᠡᠷ ᠰᠦᠷᠦᠭ ᠤᠨ ᠡᠬᠦᠯᠳᠡᠷ ᠰᠠᠶᠢᠵᠢᠷᠠᠭᠤᠯᠤᠯᠳᠠ ᠶᠢ ᠠᠬᠢᠭᠤᠯᠵᠦ ᠢᠷᠡᠭᠰᠡᠨ ᠠᠴᠠ ᠤᠳᠤ | ᠪᠤᠯᠬᠤ ᠳᠤ ᠰᠢᠮᠧᠨ᠋ᠲ᠋ᠡᠷ ᠡᠬᠦᠯᠳᠡᠷ ᠤᠨ ᠭᠤᠤᠯᠳᠠᠢ ᠪᠤᠯᠵᠠᠢ᠃ ᠭᠡᠬᠦ ᠳᠡᠭᠡᠨ ᠴᠦᠬᠡᠨ ᠮᠠᠯ ᠠᠴᠠ ᠦᠨᠳᠦᠷ ᠦᠷᠡ | ᠠᠰᠢᠭ ᠬᠦᠷᠳᠡᠬᠦ ᠭᠡᠭᠴᠢ ᠮᠠᠯᠵᠢᠯ ᠤᠨ ᠠᠷᠭᠠ ᠲᠤᠷᠰᠢᠯᠭᠠ ᠱᠠᠭᠠᠷᠳᠠᠬᠤ ᠨᠢ ᠯᠠᠪᠳᠠᠢ᠃ | ᠨᠠᠰᠤᠨᠳᠤᠭᠳᠠᠬᠤ ᠶᠢᠨ ᠬᠢᠨ ᠪᠠᠯᠴᠢᠭᠡᠷ ᠤᠨ ᠲᠠᠭᠠᠭᠠᠴᠠ ᠳᠠᠭᠠᠨ ᠵᠤᠬᠢᠴᠠᠭᠤᠯᠤᠨ᠂ ᠦᠭᠡᠷ ᠤᠨ ᠲᠤᠭᠠ ᠪᠠᠨ | ᠲᠠᠯᠠᠭᠠᠳ ᠲᠤ ᠬᠢᠵᠠᠭᠠᠷᠯᠠᠵᠦ᠂ ᠵᠢᠯ ᠳᠡᠭᠡᠨ ᠨᠢᠭᠡ ᠨᠢᠭᠡ ᠪᠠᠷ ᠰᠢᠳᠦ ᠶᠢ ᠨᠢ ᠲᠠᠳᠠᠨ ᠪᠠᠶᠢᠵᠦ᠂ ᠬᠦᠭᠰᠢᠨ ᠪᠠᠭᠤᠷᠠᠢ | ᠦᠭᠡᠷ ᠢᠶᠠᠨ ᠵᠠᠷᠤᠴᠠᠭᠤᠯᠤᠨ᠂ ᠲᠤᠭᠤᠯ ᠢᠶᠠᠷ ᠢᠶᠠᠨ ᠲᠤᠭᠠ ᠪᠠᠨ ᠨᠦᠬᠦᠭᠰᠡᠨ ᠰᠠᠭᠤᠷᠢᠨ ᠲᠡᠭᠡᠷᠡ ᠦᠯᠡᠳᠡᠭᠰᠡᠨ | ᠲᠤᠭᠤᠯ ᠢᠶᠠᠨ ᠪᠦᠬᠦᠨ ᠢ ᠵᠠᠷᠤᠴᠠᠭᠤᠯᠳᠠᠭ᠃ ᠡᠶᠢᠨᠬᠦ 6902 ᠮᠤ᠋ ᠨᠤᠳᠤᠭ ᠢᠶᠠᠨ 5 ᠬᠤᠪᠢᠶᠠᠨ ᠲᠤᠤᠷᠯᠠᠵᠦ᠂ | ᠬᠠᠳᠤᠯᠠᠩ ᠤᠨ ᠪᠡᠯᠴᠢᠭᠡᠷ᠂ ᠲᠠᠯᠪᠢᠭᠠᠯ ᠪᠡᠯᠴᠢᠭᠡᠷ᠂ ᠮᠠᠯ ᠤᠨ ᠪᠠᠯᠴᠢᠭᠡᠷ ᠭᠡᠮᠡᠨ ᠵᠤᠬᠢᠰᠳᠠᠢ ᠪᠠᠷ ᠠᠰᠢᠭᠯᠠᠳᠠᠭ ᠠᠴᠠ | ᠪᠠᠯᠴᠢᠭᠡᠷ ᠨᠤᠳᠤᠭ ᠨᠢ ᠰᠡᠷᠬᠦᠯᠳᠡ ᠲᠠᠢ᠂ ᠬᠠᠳᠤᠯᠠᠩ ᠤᠨ ᠨᠦᠭᠡᠴᠡ ᠲᠠᠢ ᠪᠠᠶᠢᠳᠠᠭ᠃ ᠨᠢᠳᠤᠨᠤᠨ ᠦᠪᠡᠷ ᠤᠨ | ᠬᠠᠳᠤᠯᠠᠩ ᠠᠴᠠ ᠪᠠᠨ 1000 ᠭᠠᠷᠤᠢ ᠪᠤᠭᠤᠯᠳᠠ ᠡᠪᠡᠰᠦ ᠨᠦᠭᠡᠴᠡᠯᠡᠵᠦ᠂ ᠭᠠᠳᠠᠨᠠ ᠠᠴᠠ 4000 ᠭᠠᠷᠤᠢ | ᠪᠤᠭᠤᠯᠳᠠ ᠡᠪᠡᠰᠦ ᠤᠷᠤᠭᠤᠯᠤᠨ᠂ 5000 ᠺᠢᠯᠦᠭᠷᠡᠮ ᠪᠤᠷᠳᠤᠭᠠ ᠬᠤᠳᠠᠯᠳᠤᠨ ᠠᠪᠴᠦ᠂ ᠡᠪᠤᠯ ᠤᠨ ᠪᠡᠯᠡᠳᠬᠡᠯ | ᠢᠶᠠᠨ ᠬᠦᠢᠴᠡᠳ ᠰᠠᠶᠢᠨ ᠬᠢᠵᠦ ᠠᠪᠤᠭᠰᠠᠨ ᠪᠠᠶᠢᠯᠠ᠃ ᠡᠳᠡᠨᠡᠶᠢᠬᠢᠨ ᠶᠡᠷᠦᠨᠢ ᠦᠩᠰᠢᠭ ᠵᠢᠯ ᠤᠷᠤᠯᠭᠠ ᠬᠦᠷᠦᠯᠴᠡᠭᠡ | ᠲᠠᠢ ᠯᠡ ᠪᠠᠶᠢᠪᠠᠯ ᠢᠯᠡᠬᠦᠬᠡᠨ ᠡᠪᠡᠰᠦ ᠨᠦᠭᠡᠴᠡᠯᠡᠵᠦ ᠠᠪᠳᠠᠭ ᠠᠴᠠ ᠡᠪᠡᠰᠦ ᠲᠤᠳᠠᠭᠳᠠᠨᠠ ᠭᠡᠵᠦ ᠰᠠᠨᠠᠭᠠᠰᠢᠷᠠᠬᠤ | ᠤᠴᠢᠷ ᠲᠤᠬᠢᠶᠠᠯᠳᠤᠳᠠᠭ ᠦᠭᠡᠢ᠃ ᠮᠠᠯ ᠰᠦᠷᠦᠭ ᠤᠨ ᠠᠷᠠᠴᠢᠯᠠᠭᠠ ᠮᠠᠯᠵᠢᠯᠭᠠ ᠶᠢᠨ ᠲᠠᠯᠠ ᠪᠠᠷ ᠦᠭᠡᠷ ᠤᠨ ᠲᠠᠷ | ᠬᠦᠴᠦ ᠨᠢ ᠪᠠᠭᠤᠷᠠᠬᠤ ᠠᠴᠠ ᠤᠷᠢᠳ ᠢᠯᠭᠠᠵᠦ ᠰᠠᠯᠭᠠᠵᠦ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠨᠦᠬᠦᠪᠦᠷᠢᠯᠡᠵᠦ ᠡᠬᠢᠯᠡᠳᠡᠭ︔ | ᠨᠠᠮᠤᠷ ᠲᠠᠭᠠᠨ ᠦᠨᠡ ᠬᠠᠩᠰᠢ ᠲᠤᠬᠢᠷᠠᠮᠵᠢᠳᠠᠢ ᠪᠤᠯ ᠲᠤᠭᠤᠯ ᠢᠶᠠᠨ ᠡᠷᠳᠡ ᠰᠢᠭ᠋ ᠬᠤᠳᠠᠯᠳᠤᠵᠦ᠂ ᠦᠨᠢᠶᠡᠨ ᠤ | ᠲᠠᠷᠭᠤ ᠬᠦᠴᠦ ᠪᠠᠨ ᠪᠠᠳᠤᠯᠠᠳᠠᠭ︔ ᠵᠢᠯ ᠪᠦᠷᠢ 7000 ᠭᠠᠷᠤᠢ ᠮᠤ᠋ ᠲᠦᠷᠢᠶᠡᠰᠦᠯᠡᠭᠰᠡᠨ ᠨᠤᠳᠤᠭ ᠲᠡᠭᠡᠷᠡ ᠪᠠᠨ 6 | ᠰᠠᠷᠠ ᠠᠴᠠ 10 ᠰᠠᠷᠠ ᠬᠦᠷᠳᠡᠯᠡ ᠦᠭᠡᠷ ᠢᠶᠠᠨ ᠪᠠᠯᠴᠢᠭᠡᠷᠯᠡᠬᠦᠯᠳᠡᠭ ᠠᠴᠠ ᠦᠪᠡᠷ ᠤᠨ ᠬᠢᠨᠢ ᠨᠤᠳᠤᠭ ᠪᠠᠯᠴᠢᠭᠡᠷ | ᠲᠡᠭᠡᠨ ᠰᠡᠷᠬᠦᠯᠳᠡ ᠶᠢᠨ ᠤᠷᠤᠨ ᠵᠠᠢ ᠲᠠᠢ᠂ ᠮᠠᠯ ᠰᠦᠷᠦᠭ ᠤᠨ ᠲᠠᠷᠭᠤ ᠬᠦᠴᠦ ᠶᠢ ᠪᠠᠳᠤᠯᠠᠨ ᠰᠡᠯᠬᠦᠬᠦ ᠪᠠᠯᠴᠢᠭᠡᠷ | ᠲᠠᠢ ᠪᠤᠯᠵᠦ ᠴᠢᠳᠠᠳᠠᠭ᠃ | — ᠦᠭᠡᠷ ᠭᠤᠤᠯᠳᠠᠢ ᠮᠠᠯᠵᠢᠬᠤ ᠨᠢ ᠤᠤᠯ ᠤᠨ ᠤᠯᠠᠨ ᠲᠦᠷᠦᠯ ᠤᠨ ᠮᠠᠯ ᠡᠵᠡᠩᠨᠡᠵᠦ ᠪᠠᠶᠢᠭᠰᠠᠨ ᠢ ᠪᠤᠳᠤᠪᠠᠯ | ᠲᠠᠭᠠᠵᠦ ᠬᠠᠷᠢᠭᠤᠯᠬᠤ ᠴᠢᠬᠤᠯᠠ ᠦᠭᠡᠢ ᠪᠤᠯᠬᠤᠷ ᠬᠦᠳᠡᠯᠮᠤᠷᠢ ᠬᠦᠴᠦᠨ ᠳᠤ ᠠᠷᠪᠢᠳᠠᠢ᠃ ᠲᠤᠭᠠ ᠲᠤᠯᠤᠭᠠᠢ ᠶᠢᠨ | ᠲᠠᠯᠠ ᠪᠠᠷ ᠴᠦᠬᠡᠨ ᠪᠤᠯᠬᠤᠷ ᠪᠠᠯᠴᠢᠭᠡᠷ ᠨᠤᠳᠤᠭ ᠲᠤ ᠭᠠᠮᠳᠠᠢ᠃ ᠮᠠᠩᠬᠠᠨ ᠨᠤᠳᠤᠭ ᠲᠤ ᠮᠠᠯᠵᠢᠬᠤ ᠳᠤ | ᠲᠤᠬᠢᠷᠠᠮᠵᠢᠳᠠᠢ᠃ ᠤᠷᠤᠯᠭᠠ ᠴᠦ ᠲᠤᠭᠳᠠᠪᠤᠷᠢᠳᠠᠢ ᠭᠡᠮᠡᠨ ᠮᠠᠯᠴᠢᠨ ᠨᠠᠰᠤᠨᠳᠤᠭᠳᠠᠬᠤ ᠬᠤᠨᠢ ᠪᠠᠨ ᠴᠦᠭᠡᠴᠢᠯᠡᠵᠦ | ᠦᠭᠡᠷ ᠮᠠᠯᠵᠢᠭᠰᠠᠨ ᠲᠤᠬᠠᠢ ᠪᠠᠨ ᠲᠦᠬᠦᠮᠬᠡᠨ ᠠᠳᠠᠯᠠ ᠤᠶᠢᠯᠠᠭᠠᠮᠵᠢᠳᠠᠢ ᠶᠠᠷᠢᠨᠠ᠃ | ᠶᠠᠭ ᠢᠩᠬᠢᠵᠦ ᠦᠭᠡᠷ ᠮᠠᠯᠵᠢᠨ ᠬᠦᠳᠡᠯᠮᠤᠷᠢ ᠬᠦᠴᠦᠨ ᠳᠤ ᠠᠷᠪᠢᠳᠠᠢ ᠪᠤᠯᠤᠭᠰᠠᠨ ᠠᠴᠠ ᠡᠳᠡᠨᠡᠶᠢᠬᠢᠨ ᠪᠠᠰᠠ | ᠮᠠᠯᠵᠢᠬᠤ ᠦᠢᠯᠡᠳᠪᠤᠷᠢᠯᠡᠯ ᠤᠨ ᠵᠠᠪ ᠴᠢᠯᠦᠭᠡ ᠪᠠᠨ ᠠᠰᠢᠭᠯᠠᠨ ᠪᠠᠶᠢᠵᠦ᠂ ᠵᠢᠯ ᠳᠡᠭᠡᠨ ᠵᠤᠭᠠᠴᠠᠯ ᠡᠷᠬᠢᠯᠡᠬᠦ᠂ ᠴᠠᠭᠠᠨ | ᠢᠳᠡᠭᠡᠨ ᠪᠤᠷᠤᠯᠠᠭᠤᠯᠬᠤ᠂ ᠦᠢᠯᠡ ᠤᠶᠤᠳᠠᠯ ᠤᠶᠤᠬᠤ ᠵᠡᠷᠭᠡ ᠪᠠᠷ 10 ᠰᠢᠬᠠᠮ ᠲᠦᠮᠡᠨ ᠲᠦᠬᠦᠷᠢᠭ ᠤᠨ ᠮᠠᠯᠵᠢᠯ | ᠤᠨ ᠪᠤᠰᠤ ᠤᠷᠤᠯᠭᠠ ᠨᠡᠮᠡᠷᠢᠯᠡᠳᠡᠭ᠃ | — ᠦᠨᠦ ᠵᠢᠯ ᠵᠢᠷᠠᠭᠠᠳ ᠦᠨᠢᠶᠡ ᠲᠤᠭᠤᠯᠯᠠᠨᠠ᠃ ᠵᠢᠯ ᠳᠡᠭᠡᠨ ᠠᠷᠪᠠᠨ ᠭᠡᠳᠦᠨ ᠦᠨᠢᠶᠡ ᠰᠠᠭᠠᠴᠢᠬᠠᠬᠤ ᠳᠤ | ᠦᠪᠡᠷ ᠤᠨ ᠢᠳᠡᠬᠦ ᠪᠠᠨ ᠪᠠᠳᠤᠯᠠᠭᠰᠠᠨ ᠰᠠᠭᠤᠷᠢᠨ ᠲᠡᠭᠡᠷᠡ ᠭᠠᠳᠠᠭᠰᠢ ᠪᠤᠷᠤᠯᠠᠭᠤᠯᠬᠤ ᠴᠠᠭᠠᠨ ᠢᠳᠡᠭᠡᠨ ᠴᠦ | ᠬᠠᠳᠠᠭᠠᠯᠠᠭᠳᠠᠵᠦ᠂ ᠪᠤᠷᠤᠯᠠᠭᠤᠯᠤᠭᠰᠠᠨ ᠤᠷᠤᠯᠭᠠ 3 ᠲᠦᠮᠡ ᠬᠦᠷᠳᠡᠭ᠃ ︽ᠵᠦᠭᠡᠷ ᠰᠠᠭᠤᠬᠤ ᠪᠠᠷ ᠵᠦᠯᠬᠦᠵᠦ | ᠰᠠᠭᠤ︾ ᠭᠡᠳᠡᠭᠴᠢᠯᠠᠨ᠂ ᠨᠢᠳᠤᠨᠤᠨ ᠵᠠᠪ ᠴᠢᠯᠦᠭᠡ ᠪᠠᠷ ᠢᠶᠠᠨ ᠤᠶᠤᠳᠠᠯ ᠤᠶᠤᠭᠠᠳ ᠪᠠᠰᠠ 2 ᠲᠦᠮᠡ ᠭᠠᠷᠤᠢ | ᠲᠦᠬᠦᠷᠢᠭ ᠤᠨ ᠤᠷᠤᠯᠭᠠ ᠡᠬᠦᠳᠦᠭᠰᠡᠨ ᠰᠢᠤ᠃ ᠶᠡᠷᠦᠨᠢ ᠵᠢᠯ ᠤᠨ ᠤᠷᠤᠯᠭᠠ ᠳᠠᠭᠠᠨ ᠵᠤᠬᠢᠴᠠᠭᠤᠯᠤᠨ᠂ ᠵᠠᠷᠤᠯᠭᠠ | ᠪᠠᠨ ᠲᠤᠬᠢᠷᠠᠭᠤᠯᠳᠠᠭ ᠪᠤᠯᠬᠤᠷ ᠵᠢᠭᠡᠯᠡᠯᠭᠡ ᠭᠡᠵᠦ ᠪᠠᠶᠢᠳᠠᠭ ᠦᠭᠡᠢ ᠭᠡᠵᠦ ᠨᠠᠰᠤᠨᠳᠤᠭᠳᠠᠬᠤ ᠶᠢᠨ ᠪᠦᠰᠡᠬᠦᠢ | ᠤᠯᠠᠭᠠᠨᠴᠡᠴᠡᠭ ᠤᠴᠢᠷᠯᠠᠨᠠ᠃ | ᠡᠶᠢᠮᠦᠷᠬᠦ ᠮᠠᠩᠬᠠᠨ ᠨᠤᠳᠤᠭ ᠲᠠᠭᠠᠨ ᠬᠤᠨᠢ ᠪᠠᠨ ᠴᠦᠭᠡᠴᠢᠯᠡᠵᠦ ᠦᠭᠡᠷ ᠮᠠᠯᠵᠢᠭᠠᠳ ᠠᠮᠢ ᠠᠬᠤᠢ᠂ ᠠᠵᠦ | ᠠᠬᠤᠢ ᠶᠢᠨ ᠬᠤᠤᠰ ᠦᠷᠡ ᠠᠰᠢᠭ ᠬᠦᠷᠳᠡᠵᠦ ᠶᠠᠪᠤᠭᠠ ᠮᠠᠯᠴᠢᠳ ᠠᠪᠠᠭᠠ ᠨᠤᠳᠤᠭ ᠤᠨ ᠬᠤᠯᠠᠨ ᠰᠢᠷᠭᠠ ᠲᠠᠭᠠ | ᠶᠢᠨ ᠡᠯᠡᠰᠦ ᠵᠠᠬᠠᠳᠠᠭᠰᠠᠨ ᠪᠠᠯᠭᠠᠰᠤ ᠪᠠᠷ ᠵᠠᠬᠠ ᠠᠴᠠ ᠪᠠᠨ ᠲᠤᠭᠠᠯᠠᠭᠳᠠᠨᠠ᠃ | ᠡᠶᠢᠮᠦᠷᠬᠦ ᠪᠤᠳᠠᠳᠦ ᠪᠠᠶᠢᠳᠠᠯ ᠳᠠᠭᠠᠨ ᠬᠠᠨᠳᠤᠭᠤᠯᠤᠨ ᠬᠤᠰᠢᠭᠤ ᠨᠠᠮ ᠵᠠᠰᠠᠭ ᠠᠴᠠ ᠴᠦ ᠰᠢᠮᠧᠨ᠋ᠲ᠋ᠡᠷ ᠡᠬᠦᠯᠳᠡᠷ | ᠤᠨ ᠡᠬᠡ ᠮᠠᠯ ᠦᠷᠡᠵᠢᠬᠦᠯᠦᠨ ᠪᠤᠶᠢᠵᠢᠭᠤᠯᠬᠤ ᠰᠠᠭᠤᠷᠢᠨ ᠭᠠᠵᠠᠷ ᠪᠠᠶᠢᠭᠤᠯᠬᠤ᠂ ᠮᠠᠯᠴᠢᠳ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠨ | ᠬᠢᠷᠢᠨ᠂ ᠯᠢᠶᠤᠤᠨᠢᠩ ᠵᠡᠷᠭᠡ ᠭᠠᠵᠠᠷ ᠢᠶᠠᠷ ᠬᠦᠷᠴᠦ᠂ ᠰᠢᠯᠢᠳᠡᠭ ᠡᠬᠦᠯᠳᠡᠷ ᠤᠨ ᠮᠢᠬᠠᠨ ᠤ ᠦᠭᠡᠷ ᠲᠡᠵᠢᠭᠡᠨ | ᠦᠷᠡᠵᠢᠬᠦᠯᠵᠦ ᠪᠠᠶᠢᠭᠠ ᠪᠠᠶᠢᠳᠠᠯ ᠤᠨ ᠲᠠᠯᠠ ᠪᠠᠷ ᠲᠤᠭᠤᠷᠢᠨ ᠰᠤᠷᠤᠯᠴᠠᠬᠤ ᠵᠡᠷᠭᠡ ᠪᠤᠳᠠᠳᠠᠢ ᠠᠷᠭᠠ ᠬᠡᠮᠵᠢᠶᠡ | ᠠᠪᠴᠦ᠂ ᠤᠳᠤᠬᠠᠨ ᠬᠤᠯᠠᠨ ᠰᠢᠷᠭᠠ ᠲᠠᠭᠠ ᠶᠢᠨ ᠡᠯᠡᠰᠦᠨ ᠳᠠᠬᠢ ᠬᠤᠨᠢ ᠶᠢ ᠴᠦᠭᠡᠴᠢᠯᠡᠬᠦ ᠠᠵᠢᠯ ᠤᠨ | ᠬᠡᠷᠡᠭᠵᠢᠬᠦᠯᠬᠦ ᠲᠦᠰᠦᠯ ᠲᠤᠭᠳᠠᠭᠠᠬᠤ ᠪᠠᠷ ᠲᠤᠭᠤᠶᠢᠯᠠᠩ ᠬᠤᠪᠢᠶᠠᠨ ᠮᠠᠩᠬᠠᠨ ᠨᠤᠳᠤᠭ ᠲᠠᠬᠢ ᠮᠠᠯᠵᠢᠬᠤ ᠡᠷᠦᠭᠡ | ᠲᠠᠷᠠᠭᠠᠯᠠᠨ ᠬᠦᠨᠵᠡᠭᠡᠶᠢᠷᠡᠵᠦ᠂ ᠲᠡᠳᠡᠨ ᠤ ᠪᠤᠳᠤᠯ ᠰᠠᠨᠠᠯ᠂ ᠮᠠᠯ ᠰᠦᠷᠦᠭ ᠤᠨ ᠪᠦᠷᠢᠯᠳᠦᠴᠡ ᠶᠢᠨ ᠪᠠᠶᠢᠳᠠᠯ᠂ | ᠰᠢᠯᠢᠳᠡᠭ ᠡᠬᠦᠯᠳᠡᠷ ᠤᠨ ᠦᠭᠡᠷ ᠤᠷᠤᠭᠤᠯᠬᠤ ᠱᠠᠭᠠᠷᠳᠠᠯᠭᠠ ᠲᠠᠢ ᠡᠰᠡᠬᠦ ᠵᠡᠷᠭᠡ ᠲᠠᠯᠠ ᠪᠠᠷ ᠨᠠᠷᠢᠨ ᠨᠢᠮᠪᠠᠢ | ᠪᠠᠶᠢᠴᠠᠭᠠᠯᠳᠠ ᠬᠢᠵᠦ ᠶᠠᠪᠤᠨᠠ᠃ | ᠠᠷᠠᠳ ᠮᠠᠯᠴᠢᠳ ᠤᠨ ᠮᠠᠯᠵᠢᠬᠤ ᠦᠢᠯᠡᠳᠪᠤᠷᠢᠯᠡᠯ ᠳᠡᠭᠡᠨ ᠠᠪᠤᠭᠰᠠᠨ ᠰᠤᠩᠭᠤᠯᠳᠠ ᠲᠤᠷᠰᠢᠴᠡ᠂ ᠨᠠᠮ ᠵᠠᠰᠠᠭ | ᠤᠨ ᠲᠡᠮᠵᠢᠯᠭᠡ ᠲᠤᠤᠷᠠ ᠮᠠᠩᠬᠠᠨ ᠨᠤᠳᠤᠭ ᠲᠤ ︽ᠬᠤᠨᠢ ᠶᠢ ᠴᠦᠭᠡᠴᠢᠯᠡᠵᠦ ᠦᠭᠡᠷ ᠢ ᠨᠡᠮᠡᠭᠳᠡᠬᠦᠯᠬᠦ︾ ᠪᠠᠶᠢᠯᠳᠤᠬᠤ | ᠪᠤᠳᠤᠯᠭᠠ ᠨᠡᠩ ᠠᠮᠵᠢᠯᠳᠠ ᠲᠡᠬᠦᠯᠳᠡᠷ ᠶᠠᠪᠤᠭᠳᠠᠬᠤ ᠨᠢ ᠯᠠᠪᠳᠠᠢ᠃ | |